spot_img
Home Blog Page 5853

ବସ୍ତି ବାସିନ୍ଦାଙ୍କ ଦୁୁଃଖ ବୁଝିଲେ ବର୍ଷା: ୩୦ରୁ ଊର୍ଦ୍ଧ୍ୱ ପରିବାରଙ୍କୁ ଦେଲେ ଖାଦ୍ୟ ପ୍ୟାକେଟ୍

ଭୁବନେଶ୍ୱର: ସମଗ୍ର ଦେଶ ବିନାଶକାରୀ କୋଭିଡର ଦ୍ୱିତୀୟ ଲହରୀ ସହିତ ଲଢ଼େଇ କରୁଛି । ଓଡିଶା ମଧ୍ୟ ଏହା ଦ୍ୱାରା ବହୁଳଭାବରେ ପ୍ରଭାବିତ ହୋଇଛି । ଏହି ଭୂତାଣୁକୁ ରୋକିବା ପାଇଁ ରାଜ୍ୟ ସରକାର ଆବଶ୍ୟକୀୟ ସମ୍ବଳ ସଂଗ୍ରହ କରୁଥିବା ବେଳେ ସେଲିବ୍ରିଟିଙ୍କ ସମେତ ସାଧାରଣ ନାଗରିକମାନେ ମଧ୍ୟ ସାହାଯ୍ୟର ହାତ ବଢ଼ାଇଛନ୍ତି। ଓଲିଉଡ ଅଭିନେତ୍ରୀତଥା ସମାଜସେବୀ ବର୍ଷା ପ୍ରିୟଦର୍ଶିନୀ କୋଭିଡ ଗାଇଡ଼ଲାଇନ ପାଳନ କରିବା ଏବଂ ଅସୁବିଧାରେ ପଡିଥିବା ଗରିବ ଲୋକମାନଙ୍କୁ ସହାୟତା କରିବା ପାଇଁ ସୋସିଆଲ ମିଡିଆରେ ସମସ୍ତଙ୍କୁ ଅନୁରୋଧ କରୁଛନ୍ତି। ଭୁବନେଶ୍ୱରର ସୁନ୍ଦରପଦା ଅଭିରାମବସ୍ତି ବାସିନ୍ଦା ସମ୍ମୁଖୀନ ହେଉଥିବା ଅସୁବିଧା ବୁଝିବା ପାଇଁ ଶୁକ୍ରବାର ଦିନ ବସ୍ତିବାସିନ୍ଦାଙ୍କ ଗହଣରେ ପହଞ୍ଚିଥିଲେ ବର୍ଷା ପ୍ରିୟଦର୍ଶିନୀ।

ବର୍ଷା ପ୍ରିୟଦର୍ଶିନୀ ସାମାଜିକ ଦୂରତା ରକ୍ଷାକରି ଚାଉଳ, ଡାଲି, ଅଟା, ଆଳୁଭଳି ଜରୁରୀ ସାମଗ୍ରୀ ଥିବା ରହୁଥିବା ୩୦ରୁ ଉର୍ଦ୍ଧ୍ବ ପରିବାର ମଧ୍ୟରେ ବଣ୍ଟନ କରିଥିଲେ। ସେ ପିଲାମାନଙ୍କୁ ବିସ୍କୁଟ ପ୍ୟାକେଟ୍ ମଧ୍ୟ ପ୍ରଦାନ କରିଥିଲେ। ଏହା ପରେ ସେ କିଛିସମୟ ପାଇଁବ ସ୍ତିବାସିନ୍ଦାଙ୍କ ଅସୁବିଧା ପଚାରି ବୁଝିଥିଲେ ଏବଂ ଭବିଷ୍ୟତରେ ମଧ୍ୟ ତାଙ୍କୁ ସହାୟତା କରିବା ପାଇଁ ଆଶ୍ୱାସନା ଦେଇଥିଲେ।

ରାଜ୍ୟ ବ୍ୟବସାୟୀ ସଂଘର ବଡ଼ ନିଷ୍ପତ୍ତି: ଦିନ ୨ଟା ପରେ ବନ୍ଦ ରହିବ ଦୋକାନ ବଜାର

ଭୁବନେଶ୍ୱର: ଏଣିକି  ଦିନ ୨ଟା ପରଠାରୁ  ବନ୍ଦ ରହିବ ଦୋକାନ ବଜାର। ମେ’ ୩ରୁ ୧୫ ତାରିଖ ପର୍ଯ୍ୟନ୍ତ ଦିନ ୨ଟା ପରେ ବନ୍ଦ ରହିବ ଦୋକାନ ବଜାର । ଦୋକାନ ବନ୍ଦ ରଖିବାକୁ ରାଜ୍ୟ ବ୍ୟବସାୟୀ ମହାସଂଘର ନିଷ୍ପତ୍ତି । ଏ ନେଇ ମହାସଂଘ ସମ୍ପାଦକ ସୁଧାକର ପଣ୍ଡା ସୂଚନା ଦେଇଛନ୍ତି । କିନ୍ତୁ ସେ ସମୟରେ ସାମଗ୍ରୀ ଲୋଡିଂ ଏବଂ ଅପ୍‌ଲୋଡିଂ ଜାରି ରହିବ । ଘରୁ ବାହରକୁ ବାହାରିବା କମାଇବା ପାଇଁ ମହାସଂଘ ପକ୍ଷରୁ ଏଭଳି ନିଷ୍ପତ୍ତି ନେଇଛୁ । ଏ ସମ୍ପର୍କରେ ଆସନ୍ତାକାଲି ଭିଡିଓ କନ୍‌ଫରେନ୍ସିଂ ଜରିଆରେ ଏ ନେଇ ବିସ୍ତୃତ ଆଲୋଚନା ହେବ । କେଉଁ କେଉଁ ସବୁ ଦୋକାନ ବନ୍ଦ ରହିବ କେଉଁ ଦୋକାନ ଖୋଲା ରହିବ ବ୍ଳୁ୍-ପ୍ରିଣ୍ଟ ପ୍ରସ୍ତୁତ କରାଯିବ ।     ଏ ନେଇ ପୂର୍ବରୁ ବିଭିନ୍ନ ବ୍ୟବସାୟୀ ଆସୋସିଏସନ୍ ପକ୍ଷରୁ ପ୍ରସ୍ତାବ ମିଳିଥିଲା । ବର୍ତ୍ତମାନର ସମୟର ଆହ୍ୱାନକୁ ଅନୁଭବ କରି ସମସ୍ତ ବ୍ୟବସାୟୀ ସଂଘ ଏହାକୁ ଗ୍ରହଣ କରିବେ ବୋଲି ସେ କହିଛନ୍ତି ।

ଏଥିସହିତ ପଢ଼ନ୍ତୁ: ‘ରାଜ୍ୟରେ ରେମଡିସିଭିର ଓ ଫାବିଫିରାବିର ପର୍ଯ୍ୟାପ୍ତ ପରିମାଣରେ ମହଜୁଦ୍ ଅଛି’

ଅନ୍ତର୍ଜାତୀୟ ଉଡ଼ାଣ ଉପରେ ୩୧ ମେ ପର୍ଯ୍ୟନ୍ତ ପ୍ରତିବନ୍ଧକ ଲାଗୁ କଲା DGCA

ନୂଆଦିଲ୍ଲୀ: କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ବେସାମରିକ ଉଡ୍ଡୟନ ମହାନିର୍ଦ୍ଦେଶାଳୟ ମେ ୩୧ ତାରିଖ ପର୍ଯ୍ୟନ୍ତ ଅନ୍ତର୍ଜାତୀୟ ଉଡ଼ାଣ ଉପରେ ପ୍ରତିବନ୍ଧକ ଲାଗୁ କରିଛି । ତେବେ ଏହି ପ୍ରତିବନ୍ଧକ ଅଲ୍-କାର୍ଗୋ ଅପରେଶନ ଓ ଉଡ଼ାଣ ଉପରେ ଲାଗୁ ହେବ ନାହିଁ । ଏହା ସହିତ ଆବଶ୍ୟକତା ହେଲେ କିଛି ଜରୁରୀ ଅନୁମତି ସହିତ ଉଡ଼ାଣ ସଂଚାଳିତ କରାଯାଇ ପାରିବ ।

ଡିଜିସିଏ ତରଫରୁ ଜାରି ଆଦେଶରେ କୁହାଯାଇଛି ଯେ, ୩୧ ମେ ରାତି ୧୧.୫୯ ପର୍ଯ୍ୟନ୍ତ ସମସ୍ତ ନିର୍ଧାରିତ ଅନ୍ତର୍ଜାତୀୟ ବ୍ୟବସାୟିକ ଉଡାଣ ବନ୍ଦ ରହିବ । କୋଭିଡ୍ ମହାମାରୀକୁ ଦୃଷ୍ଟିରେ ରଖି ଗତ ବର୍ଷ ଲକଡାଉନ୍ କାଳରେ ସରକାର ଅନ୍ତର୍ଜାତୀୟ ବିମାନ ଉଡ଼ାଣ ଉପରେ ପ୍ରତିବନ୍ଧକ ଲାଗୁ କରିଥିଲେ । ୨୬ ଜୁନ ୨୦୨୦ରେ ଶେଷଥର ପାଇଁ ପ୍ରତିବନ୍ଧକ ଲାଗୁ ହୋଇଥିଲା । ମଝିରେ ମଝିରେ ଡିଜିସିଏ ପକ୍ଷରୁ ଏନେଇ ଗାଇଡଲାଇନ୍ ଜାରି କରାଯାଇଥାଏ ।

୨୬ ଜୁନ୍ ୨୦୨୦ରେ ଜାରି କରାଯାଇଥିବା ପ୍ରତିବନ୍ଧକକୁ ଦୁଇ ମାସ ପରେ ହଟା ଯାଇଥିଲା ।

‘ରାଜ୍ୟରେ ରେମଡିସିଭିର ଓ ଫାବିଫିରାବିର ପର୍ଯ୍ୟାପ୍ତ ପରିମାଣରେ ମହଜୁଦ୍ ଅଛି’

ଭୁବନେଶ୍ୱର: ରାଜ୍ୟରେ ଜୀବନ ରାକ୍ଷାକାରୀ ଔଷଧ ଓ ଇଞ୍ଜେକସନ୍‌ର ଅଭାବ ନାହିଁ । ବର୍ତ୍ତମାନ ରାଜ୍ୟରେ ଦୈନିକ ମାତ୍ର ୧୨ଶହ ରେମଡିସିଭିର ଇଞ୍ଜେକସନ୍‌ର ଆବଶ୍ୟକ ପଡ଼ୁଥିବା ବେଳ ୪୩ ହଜାର ଇଞ୍ଜେକସନ୍ ମହଜୁଦ୍ ରହିଛି ।  ଆସନ୍ତାକାଲି ଆଉ ୨୧  ହଜାର ଇଞ୍ଜେକସନ୍ ଆସି ପହଞ୍ଚିବ । ରେମଡିସିଭିରର ଅଭାବ ନେଇ ଯେଉଁ ଖବର ପ୍ରକାଶିତ ହୋଇଥିଲା ତାହା ଘରୋଇ ହସ୍ପିଟାଲ ସମ୍ପର୍କିତ । କିନ୍ତୁ ଆମେ ସରକାରୀ କୋଟାରୁ ଘରୋଇ ହସ୍ପିଟାଲକୁ ଏବେ ରେମଡିସିଭିର ଯୋଗାଇ ଦେଉଛୁ । ସେହିଭଳି ଫାବିଫଇରାବିର ମଧ୍ୟ ପର୍ଯ୍ୟାପ୍ତ ପରିମାଣର ରହିଛି । ପାଖାପାଖି ସାଢ଼େ ୬ ଲକ୍ଷ ବଟିକ ରହିଥିବା ବେଳେ ଆଉ ୨୦ ଲକ୍ଷ ବଟିକା ନେଇ ଅର୍ଡର ଦିଆଯାଇଛି । ଆଉ ୩ ଲକ୍ଷ ରେମଡିସିଭର ନେଇ ମଧ୍ୟ ଅର୍ଡର ଦିଆଯାଇଛି । ଅନ୍ୟ ଆବଶ୍ୟକ ସାମଗ୍ରୀ ପିପିଇ କିଟ୍, ମାସ୍କ ମଧ୍ୟ ଆସନ୍ତା ୨ ମାସ ପାଇଁ ମହଜୁଦ ରହିଛି ବୋଲି ସୂଚନା ଦେଇଛନ୍ତି ସ୍ୱାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ।

ସେ ଆହୁରି କହିଛନ୍ତି , ଲୋକମାନେ ଭୟଭୀତ ହୋଇ ହସ୍ପିଟାଲରେ ଭର୍ତ୍ତି ହେଉଛନ୍ତି । ରାଜ୍ୟରେ ବର୍ତ୍ତମାନ ୬୧ ହଜାର ୬୯୮ ମାମଲା ସକ୍ରିୟ ରହିଥିବା ବେଳେ ୮୯ ପ୍ରତିଶତ ଲୋକେ ହୋମ୍ ଆଇସୋଲେସନ୍‌ରେ ରହିଛନ୍ତି । ଏବଂ ଆମ ବରିଷ୍ଠ ବିଶେଷଜ୍ଞମାନଙ୍କ କହିବା ହେଲା ଯେ, ସଂକ୍ରମିତଙ୍କ ମଧ୍ୟରୁ ପ୍ରାୟ ୯୫ ପ୍ରତିଶତ ଲୋକ ଘରେ ରହି ଚିକିତ୍ସିତ ହୋଇପାରିବେ । କରୋନା ସଂକ୍ରମିତ ହେଲା ମାତ୍ରେ ହସ୍ପିଟାଲ ଆସି ବେଡ୍ ଅକ୍ତିଆର କରିବା ଆବଶ୍ୟକ ନୁହେଁ । ଯଦି ନିହାତି ଆବଶ୍ୟକ ନୁହେଁ ତାହେଲେ ବେଡ୍ ଅକ୍ତିଆର କରନ୍ତୁ ନାହିଁ । ବେଡର ଆବଶ୍ୟକ କରୁଥିବା ଲୋକଙ୍କ ପାଇଁ ବେଡ୍ ଖାଲି ରଖିବାକୁ ସେ ଅନୁରୋଧ କରିଛନ୍ତି  ।

ଅପରପକ୍ଷରେ ଶନିବାର ଓ ରବିବାର ରାଜ୍ୟରେ ସପ୍ତାହାନ୍ତ ସଟ୍‌ଡାଉନ୍ ହେବାକୁ ଥିବା ଯୋଗୁଁ ଏହି ସମୟରେ ଟିକାକରଣ ବନ୍ଦ ରହିବ । ପ୍ରଥମ ଡୋଜ୍ ନେବାର ନିର୍ଦ୍ଧିରିତ ସମୟ ମଧ୍ୟରେ ଦ୍ୱିତୀୟ ଡୋଜ୍ ନନେଲେ ଟିକା ଅକାମି ହୋଇଯିବା ଏଣୁ ଅଗ୍ରାଧିକାର ଭିତ୍ତିରେ ଦ୍ୱିତୀୟ ଡୋଜ ଦିଆଯିବ । ଏଯାବତ୍ ରାଜ୍ୟରେ ପର୍ଯ୍ୟାୟ ପରିମାଣର ଟିକା ନଥିବାରୁ  ୧୮-୪୪ ବୟସ୍କଙ୍କ ଟିକାକରଣ ମଇ ୧ରୁ ଆରମ୍ଭ ହୋଇପାରିବ ନାହିଁ । ଟିକା ନେଇ ଟିକା ଉତ୍ପାଦନକାରୀ କମ୍ପାନୀ ସହ କଥା ହୋଇସାରିଛି । ରାଜ୍ୟରେ ଟିକା ପହଞ୍ଚିଲା ମାତ୍ରେ ଟିକାକରଣ କାର୍ଯ୍ୟକ୍ରମ ଆରମ୍ଭ ହେବ ।

ପୋଲିସ ବାବୁଙ୍କ ପରାମର୍ଶ, ଅଶ୍ୱତ୍ଥ ଗଛ ନିକଟରେ ବସିଲେ ମିଳିବ ଅକ୍ସିଜେନ

0

ନୂଆଦିଲ୍ଲୀ: ଭାରତରେ କରୋନାର ଦ୍ୱିତୀୟ ପ୍ରବାହ ଆତଙ୍କ ସୃଷ୍ଟି କରିଛି । ଉତ୍ତରପ୍ରଦେଶ ହେଉ ବା ମହାରାଷ୍ଟ୍ରା ବା ପଶ୍ଚିମବଙ୍ଗ । ସବୁଠାରେ କରୋନା ଚାଂଚଲ୍ୟ ସୃଷ୍ଟି କରିଛି । କେଉଁଠି ହସ୍ପିଟାଲରେ ଶଯ୍ୟା ଅଭାବ ତ କେଉଁଠି ଅକ୍ସିଜେନର ଘୋର ଅଭାବ । ସାରା ଦେଶରେ ଏହି ବିଶ୍ୱବ୍ୟାପୀ କରୋନା ମହାମାରୀ ତାଣ୍ଡବ ସୃଷ୍ଟି କରିଛି । ଦିନ ଯେତେ ବଢୁଛି କରୋନା ସଂକ୍ରମିତଙ୍କ ସଂଖ୍ୟା ସେତେ ବଢୁଛି । ଏହି ମଧ୍ୟରେ ଉତ୍ତରପ୍ରଦେଶର ଆହ୍ଲାବାଦରୁ ଏକ ଅଜବ ଘଟଣା ସାମ୍ନାକୁ ଆସିଛି । ଏଠାରେ ପୋଲିସ ରୋଗୀଙ୍କୁ ଅଜବ ପରାମର୍ଶ ଦେଉଥିବା ଦେଖିବାକୁ ମିଳିଛି ।

ବାସ୍ତବରେ ଉତ୍ତରପ୍ରଦେଶର ପ୍ରୟାଗରାଜରେ ଅକ୍ସିଜେନ ପାଇଁ ଚିନ୍ତିତ ହୋଇଥିବା ରୋଗୀଙ୍କ ସମ୍ପର୍କୀୟଙ୍କୁ ଅଜବ ପରାମର୍ଶ ଦେଇଛନ୍ତି ପୋଲିସ ବାବୁ । ଅମ୍ଳଜାନ ସ୍ତରକୁ ନିୟନ୍ତ୍ରଣ କରିବା ପାଇଁ ଅଶ୍ୱତ୍ଥ ଗଛ ନିକଟରେ ବସିବା ପାଇଁ ପୋଲିସ ବାବୁ ପରାମର୍ଶ ଦେଇଛନ୍ତି ।

ଅନ୍ୟପଟେ ଅକ୍ସିଜେନ ମିଳୁନଥିବାରୁ ଲୋକ ନାହିଁନଥିବା ସମସ୍ୟାର ସମ୍ମୁଖୀନ ହେଉଛନ୍ତି । ଅକ୍ସିଜେନ ଅଭାବରୁ ଶରୀର ଅସୁସ୍ଥ ହୋଇପଡ଼ୁଥିବା ବେଳେ ଭିଡ଼ କମ୍କରିବା ପାଇଁ ପ୍ଲାଣ୍ଟ ନିକଟକୁ ନ ଆସି ଘରେ ରହି ଘର କାମ କରିବାକୁ ପରାମର୍ଶ ଦିଆଯାଉଛି । ତେବେ ଅକ୍ସିଜେନ ପ୍ଲାଣ୍ଟ ବାହାରେ ଛିଡ଼ା ହୋଇଥିବା ସମୟରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ।

ସୂଚନାଯୋଗ୍ୟ, ଭାରତରେ କରୋନାର ଦ୍ୱିତୀୟ ପର୍ଯ୍ୟାୟରେ ସଂକ୍ରମିତଙ୍କ ସଂଖ୍ୟା ତୀବ୍ର ବେଗରେ ବଢିବାରେ ଲାଗିଛି । ଅନ୍ୟପଟେ ଟୀକାକରଣ ପ୍ରକ୍ରିୟା ସାରା ଦେଶରେ ଜାରି ରହିଛି । କିନ୍ତୁ ଆସନ୍ତା ୧ ମଇ ଠାରୁ ୧୮ ବର୍ଷରୁ ଉର୍ଦ୍ଧ୍ୱ ବୟସ୍କଙ୍କୁ ଟିକା ଦିଆଯିବ ବୋଲି ଘୋଷଣା କରିଛନ୍ତି ସରକାର । ଏଥିପାଇଁ ପଞ୍ଜିକରଣ ମଧ୍ୟ ଆରମ୍ଭ ହୋଇ ସାରିଲାଣି ।

ସରକାରୀ ଆକାଉଣ୍ଟରୁ ୫ କୋଟି ଗାଏବ: ଲିଖିତ ଅଭିଯୋଗ କଲା ଜିଲ୍ଲା ସ୍ୱାସ୍ଥ୍ୟ ବିଭାଗ

ସୋନପୁର: ସରକାରୀ ଆକାଉଣ୍ଟରୁ ଗାଏବ ହୋଇଗଲା ୫କୋଟି ଟଙ୍କା । ସୁବର୍ଣ୍ଣପୁର ଜିଲ୍ଲା ସ୍ବାସ୍ଥ୍ୟ ବିଭାଗର ସରକାରୀ ଆକାଉଣ୍ଟରୁ ୫ କୋଟି ୧ ଲକ୍ଷ ୫୦ ହଜାର ଟଙ୍କା ଗାଏବ ହୋଇଯାଇଥିବା ଅଭିଯୋଗ । ଜାତୀୟ ସ୍ବାସ୍ଥ୍ୟ ମିଶନ ଜମା ଖାତାରୁ ଏହି ଟଙ୍କା ଗାଏବ ଗାୟବ ହୋଇଯାଇଛି । ଟଙ୍କା ଗାଏବ ନେଇ ସୁବର୍ଣ୍ଣପୁର ଏସପି ଏବଂ କ୍ରାଇମବ୍ରାଞ୍ଚରେ ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ଲିଖିତ ଅଭିଯୋଗ ହୋଇଛି । ତେବେ କେଉଁ ଆକାଉଣ୍ଟକୁ ଟଙ୍କା ଟ୍ରାନ୍ସଫର ହୋଇଛି । ଏ ନେଇ କୌଣସି ସୂଚନା ମିଳିପାରିନାହିଁ । ଏବଂ ବ୍ୟାଙ୍କ କର୍ତ୍ତୃପକ୍ଷଙ୍କ ଠାରୁ ମଧ୍ୟ କୌଣସି ପ୍ରକାର ସୂଚନା ମିଳିପାରିନାହିଁ ।

ଏଥିସହିତ ପଢ଼ନ୍ତୁ: ଜମି ବିବାଦକୁ ନେଇ ଗଣ୍ଡଗୋଳ, ଡ୍ରେନରେ ବୁଡ଼ାଇ ହତ୍ୟା ଉଦ୍ୟମ

ସାରା ଦେଶରେ ଟିକା ଅଭାବ: ୧ରୁ ହୋଇ ନପାରେ ଟିକାକରଣ

ଭୁବନେଶ୍ବର: ଦେଶରେ ଟିକା ସଂକଟକୁ ଲାଘବ କରିବାରେ ବିଫଳ ହୋଇଛନ୍ତି କେନ୍ଦ୍ର ସରକାର। ପରିସ୍ଥିତି ଏମିତି ହୋଇଛି ଯେ, ଆସନ୍ତା କାଲି ଅର୍ଥାତ୍ ମେ’ ୧ ତାରିଖରୁ ଆରମ୍ଭ ହେବାକୁ ଥିବା ଟିକାକରଣ ଅଭିଯାନ ଆରମ୍ଭ ହୋଇ ନପାରିବା ସ୍ପଷ୍ଟ ହୋଇଛି। ଅନେକ ରାଜ୍ୟ ଗଣମାଧ୍ୟମ ଆଗରେ ନିଜ ନିଜର ଅସହାୟତା ପ୍ରକାଶ କରିଛନ୍ତି। ପର୍ଯ୍ୟାପ୍ତ ପରିମାଣରେ ଟିକା ନ ମିଳିବା ଏବଂ ଟିକା ପ୍ରସ୍ତୁତକାରୀମାନେ ଟିକା ପ୍ରଦାନ ସମ୍ପର୍କରେ କୌଣସି ସୂଚନା ନଦେବାକୁ ଏଥିଲାଗି ଦାୟୀ କରିଛନ୍ତି। ଏହି ରାଜ୍ୟଗୁଡ଼ିକ ମଧ୍ୟରେ ବିଜେପି ଶାସିତ ରାଜ୍ୟଗୁଡ଼ିକ ମଧ୍ୟ ରହିଛନ୍ତି।
ଆମ ରାଜ୍ୟରେ ମଧ୍ୟ ସମାନ ପରିସ୍ଥିତି ସୃଷ୍ଟି ହୋଇଛି। ଜାରି ରହିଥିବା ଦ୍ୱିତୀୟ ପର୍ଯ୍ୟାୟ ଟିକାକରଣକୁ ଚାଲୁ ରଖଯିବା ପାଇଁ ଟିକା ଅଭାବର ସମ୍ମୁଖୀନ ହେଉଥିବାରୁ ରାଜ୍ୟରେ ଅନେକ ଟିକାକରଣ କେନ୍ଦ୍ରକୁ ବନ୍ଦ ରଖାଯାଇଛି। ବାରମ୍ବାର କେନ୍ଦ୍ର ସରକାରଙ୍କୁ ଆବଶ୍ୟକ ଟିକା ଯୋଗାଣ ପାଇଁ ଅନୁରୋଧ କରାଯାଉଥିଲେ ମଧ୍ୟ ବିଶେଷ ସଫଳତା ମିଳିପାରୁ ନାହିଁ। ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀଙ୍କ ଘୋଷଣା ପାଣିର ଗାର ହେବ ବୋଲି ଆଶଙ୍କା ପ୍ରକାଶ ପାଇଛି। ଟିକା ଆସିଲେ କାର୍ଯ୍ୟକ୍ରମ ବିଷୟରେ ସବିଶେଷ ସୂଚନା ମିଳିବ ବୋଲି ସ୍ୱାସ୍ଥ୍ୟ ବିଭାଗ କହୁଥିବା ବେଳେ ଆଉ କିଛି ରାଜ୍ୟ ତୃତୀୟ ପର୍ଯ୍ୟାୟ ଟିକାକରଣ ତାରିଖକୁ ଘୁଞ୍ଚାଇଛନ୍ତି।
ଏବେ ଦେଶରେ ୪୫ ବର୍ଷରୁ ଅଧିକ ଲୋକଙ୍କ ପାଇଁ ଟିକାକରଣ କାର୍ଯ୍ୟକ୍ରମ ଚାଲୁ ରହିଛି। ॥ଶନିବାରଠାରୁ ୧୮ ବର୍ଷରୁ ଅଧିକ ବର୍ଷୀୟ ସମସ୍ତଙ୍କ ଲାଗି ଟିକା କେନ୍ଦ୍ର ଖୋଲିବାକୁ ପ୍ରଧାନମନ୍ତ୍ରୀ ଘୋଷଣା କରିଛନ୍ତି। ଆସନ୍ତୁ ନଜର ପକାଇବା କେଉଁ ରାଜ୍ୟରେ ସ୍ଥିତି କେମିତି ରହିଛି।
ମହାରାଷ୍ଟ୍ର
ମହାରାଷ୍ଟ୍ରର ସ୍ବାସ୍ଥ୍ୟମନ୍ତ୍ରୀ ରାଜେଶ ଟୋପେଙ୍କ ଅନୁସାରେ ରାଜ୍ୟ ଏବେ ଯଦି ଅତି କମରେ ୨୫-୩୦ ଲକ୍ଷ ଟିକା ବୋତଲ୍ ନପାଏ ତେବେ ୧୮ରୁ ୪୪ ବର୍ଷ ବୟସ୍କଙ୍କ ଟିକାକରଣ ଅଭିଯାନ ଆରମ୍ଭ କରିବା ସମ୍ଭବପର ନୁହେଁ। ଏମେ ମହାରାଷ୍ଟ୍ରରେ ତୃତୀୟ ପର୍ଯ୍ୟାୟ କୋଭିଡ୍ ସଂଗ୍ରମଣ ଆରମ୍ଭ ହେବାକୁ ଯାଉଛି। ଏଭଳି ମୁହୂର୍ତ୍ତରେ ଆମେ ଆହୁରି ୧୨ କୋଟି ଟିକା ଡୋଜ୍ ଆବଶ୍ୟକ କରୁଛୁ ବୋଲି ସେ କହିଛନ୍ତି। ଏବେ ଯେହେତୁ ରାଜ୍ୟଗୁଡ଼ିକୁ ଟିକା ଯୋଗାଣ ହୋଇପାରୁ ନାହିଁ ଏଣୁ ତୃତୀୟ ପର୍ଯ୍ୟାୟ ଟିକାକରଣ ମେ ପହିଲାରୁ ଆରମ୍ଭ ହେରାଇ ନପାରେ। ଏମିତି କି ଏବେ ମୁମ୍ବାଇ ମ୍ୟୁନିସିପାଲ୍ କର୍ପୋରେସନ୍ ପକ୍ଷରୁ ଟିକା ଅଭାବ ଦର୍ଶାଇ ଟିକାକରଣ ଅଭିଯାନ ବନ୍ଦ କରାଯାଇଛି।
କର୍ଣ୍ଣାଟକ
କର୍ଣ୍ଣାଟକରେ ମଧ୍ୟ ତୃତୀୟ ପର୍ଯ୍ୟାୟ ଟିକାକରଣ ବିଳମ୍ବ ହୋଇପାରେ। ରାଜ୍ୟର ସ୍ୱାସ୍ଥ୍ୟମନ୍ତ୍ରୀ ଡ. କେ ସୁଧାକରଙ୍କ କହିବା ଅନୁସାରେ ଶନିବାର ଦିନ ସାବାଳକ ଟିକାକରଣ ଅଭିଯାନ ଆରମ୍ଭ କରିବା ସମ୍ଭବ ନୁହେଁ। ରାଜ୍ୟ ସରକାର ଏ ଭିତରେ ୧ କୋଟି ଡୋଜ୍ ପ୍ରି ଅର୍ଡର ପଠାଉଛନ୍ତି। କିନ୍ତୁ ସେମାନେ ଏଯାଏ ତାହା ପ୍ରଦାନ କରିପାରେି ନାହାନ୍ତି।
ଦିଲ୍ଲୀ
ଦିଲ୍ଲୀରେ ମଧ୍ୟ ପରିସ୍ଥିତି ସମାନ ରହିଛି। ଏଠାରେ କୌଣସି ଟିକା ଷ୍ଟକ୍ ନଥିବାରୁ ୧ ତାରିଖରୁ ଧାର୍ଯ୍ୟ ଟିକାକରଣ ନ ହେବା ଆଶଙ୍କା ରହିଛି। ଏଣୁ ଆସନ୍ତା କାଲିଠାରୁ ଡାକ୍ତରଖାନା ଆଗରେ ୧୮ରୁ ୪୪ ବର୍ଷୀୟମାନେ ଗହଳି ନକରିବାକୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ ଅନୁରୋଧ କରିଛନ୍ତି। ଏ ନେଇ ପୁଣିଥରେ ଘୋଷଣା ହେବ। ତା’ ପରେ ଯାଇ ଟିକା ଲାଗି ଆସିବାକୁ ସେ କହିଛନ୍ତି। କେଭିସିଲ୍ଡ ଟିକା ପାଇଁ ବରାଦ କରାଯାଇଛି। କିନ୍ତୁ ସିରମ୍ ଇନ୍ଷ୍ଟିଚ୍ୟୁଟ୍ ପକ୍ଷରୁ ତାହା ପ୍ରଦାନ କରାଯାଇ ନାହିଁ।
ଗୋଆ
ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ ୧୮ରୁ ୪୪ ବର୍ଷୀୟ ଲୋକଙ୍କ ପାଇଁ ଟିକାକରଣ ଅଭିଯାନକୁ କିଛିଦିନ ବିଳମ୍ବ ପାଇଁ ଘୋଷଣା କରିଚନ୍ତି। ସେ କହିଛନ୍ତି ଶନିବାର ନୁହେ, ବରଂ ଗୁରୁବାରଠାରୁ ଆମେ ଏହି ଟିକାକରଣ ଆରମ୍ଭ କରିବୁ। ଟିକା ଅଭାବ ଦର୍ଶାଇ ସେ ଏହି ଘୋଷଣା କରିଛନ୍ତି। ସାୱନ୍ତ ସରକାର ୫ ଲକ୍ଷ ଡୋଜ୍ ଟିକା ପ୍ରଦାନ ଲାଗି ସିରମ୍ ଇନସଚ୍ୟୁଟ୍କୁ ବରାଦ କରିଛନ୍ତି।
ମଧ୍ୟପ୍ରଦେଶ
ମଧ୍ୟପ୍ରଦେଶ ସରକାର ମଧ୍ୟ ସମାନ ଧାରାରେ ମେ ୧ରୁ ଆରମ୍ଭ ହେବାକୁ ଥିବା ଟିକା କାର୍ଯ୍ୟକ୍ରମକୁ ବିଳମ୍ବ ହେବା ଘୋଷଣା କରିଛନ୍ତି। ସମାନ ଭାବେ ଟିକାର ଅଭାବ ରହିଥିବା ସରକାରୀ ବିବୃତିରେ କୁହାଯାଇଛି। କିନ୍ତୁ ଚାଲୁଥିବା ଟିକାକରଣ କାର୍ଯ୍ୟକ୍ରମ ବାଧା ପାଇବ ନାହିଁ ବୋଲିମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ କହିଛନ୍ତି। ଏବେ ୪୫ ବର୍ଷରୁ ଅଧିକ ବୟସ୍କଙ୍କ ଲାଗି ଟିକାକରଣ ଜାରି ରହିଛି।
ପଶ୍ଚିମବଙ୍ଗ
ପଶ୍ଚିମବଙ୍ଗ ସରକାରଙ୍କ ପକ୍ଷରୁ ୧୮ ବର୍ଷରୁ ଅଧିକଙ୍କ ପାଇଁ ଟିକାକରଣ ଏବଂ ଜାରି ରହିଥିବା ଟିକାକରଣକୁ ଚାଲଏୁ ରଖିବା ଲାଗି କେନ୍ଦ୍ର ସରକାରଙ୍କୁ ୩ କୋଟି ଡୋଜ୍ ପ୍ରଦାନ ଲାଗି ଅନୁରୋଧ କରାଯାଇଛି। ସରକାରଙ୍କ ପକ୍ଷରୁ କୁହାଯାଇଛି ଯେ, ୧୮ରୁ ୪୫ ବର୍ଷୀଙ୍କୁ ଟିକାକରଣ କରିବାକୁ ହେଲେ ୨ କୋଟି ଡୋଜ୍ ଆବଶ୍ୟକ ରହିଛି।
ପଞ୍ଜାବ
ପଞ୍ଜାବ ସ୍ୱାସ୍ଥ୍ୟମନ୍ତ୍ରୀ ବଲବୀର ସିଂହ ସିଦ୍ଧୁ କହିଛନ୍ତି ଯେ, ରାଜ୍ୟରେ ୧୮ ବର୍ଷରୁ ଅଧ଄କଙ୍କୁ ଟିକାକରଣ କରିବା କାର୍ଯ୍ୟକ୍ରମ ବିଳମ୍ବ ହେବ। ଆମ ପାଖରେ ଷ୍ଟାଫ୍ ଓ ଭିତ୍ତିଭୂମି ରହିଛି କିନ୍ତୁ ପର୍ଯ୍ୟାପ୍ତ ପରିମାଣରେ ଟିକା ବୋତଲ ମିଳୁ ନାହିଁ। ଏଣୁ ଟିକାକରଣ କାର୍ଯ୍ୟକ୍ରମ ବିଳମ୍ବିତ ହୋଇପାରେ। ଏଣୁ ଆମେ ଭାବୁଛୁ ୧ ତାରିଖରେ ଏହି ଯୋଜନା ରୂପାୟନ ନହୋଇପାରେ।
ତେଲଙ୍ଗାନା:
ତେଲେଙ୍ଗାନା ସ୍ୱାସ୍ଥ୍ୟମନ୍ତ୍ରୀ ଏତେଲା ରାଜେନ୍ଦର କହିଛନ୍ତି ଆମେ ଦିନକୁ ୧୦ ଲକ୍ଷ ଲୋକଙ୍କୁ ଟିକା ଦେବା ପାଇଁ ପ୍ରସ୍ତଚୁତ ରହିଛୁ। ଏହିକ୍ରମରେ ଆବଶ୍ୟକ ହେଉଥିବା ଟିକା ପ୍ରଦାନ ଲାଗି ଭାରତ ବାୟୋଟେକ୍ ଏବଂ ସିରମ୍ ଇନସିଚ୍ୟୁଟକୁ ଅନୁରୋଧ କରିଛୁ। କିନ୍ତୁ କୌଣସି କଂପାନୀ କେବେ ଟିକା ପ୍ରଦାନ କରିବେ ତାହା ନେଇ ସୂଚନା ଦେଇ ନାହିଁ। ଆମେ ଏବେ ୪ କୋଟି ଡୋଜ୍ ଆବଶ୍ୟକ କରୁଛୁ। କେନ୍ଦ୍ର ସରକାର ଏହାକୁ ମାଗଣାରେ ଉପଲବ୍ଧ କରାଇବା ଆବଶ୍ୟକ। ଯେତେଯାଏ ଆମେ ଟିକା ପାଇ ନାହୁଁ ସୋତେବେଳ ଯାଏ ତାରିଖ ନିର୍ଦ୍ଧାରଣ କରିବା ସମ୍ଭବ ନୁହେଁ।
ଝାଡ଼ଖଣ୍ଡ
ଏଠାରେ ମଧ୍ୟ ପରିସ୍ଥିତି ଅନୁରୂପ ରହିଛି। ଟିକା ମିଳୁ ନଥିବାରୁ ଟିକାକରଣ ଆରମ୍ଭ ନ ହେବା ଆଶଙ୍କା ବଢ଼ିଛି। ୨୫ ଲକ୍ଷ ଡୋଜ୍ ପାଇଁ ସରକାରଙ୍କ ପାଖରେ ଦୁଇ ଟିକା ନିର୍ମାତାଙ୍କୁ ଅନୁରୋଧ କରାଯାଇଛି ହେଲେ କେବେ ଟିକା ମିଳିବ ତାହା ଜଣାପଡ଼ି ନଥିବାରୁ ଟିକାକରଣ କାର୍ଯ୍ୟକ୍ରମ ଅନିଶ୍ଚିତତା ମଧ୍ୟକୁ ଟାଣି ହୋଇଛି।
ଗୁଜରାଟ
ଗୁଜରାଟରେ ପରିସ୍ଥିତିକୁ ଦେଖି ଟିକାକରଣ କାର୍ଯ୍ୟକ୍ରମକୁ ବିଳମ୍ବ କରାଯାଇଛି। ॥ମେ ୧ ନୁର୍ହେ ବରଂ ମେ ୧୫ ତାରିଖରୁ ଆମେ ୧୮ ବର୍ଷରୁ ଅଧିକଙ୍କ ପାଇଁ ଟିକାକରଣ ଆରମ୍ଭ କରିବୁ ବୋଲି ମୁଖ୍ୟମନ୍ତ୍ରୀ ବିଜୟ ରୂପାନୀ କହିଛନ୍ତି।
ଉତ୍ତରପ୍ରଦେଶ
ଉତ୍ତରପ୍ରଦେଶ ସରକାର କହିଛନ୍ତି ଯେ , ଟିକା ଷ୍ଯକ୍ ନଥିବାରୁ ତୃତୀୟ ପର୍ଯ୍ୟାୟ ଟିକାକରଣ ଆରମ୍ଭ ହୋଇପାରିବ ନାହିଁ। ଏବେ ଯେଉଁ ଷ୍ଟକ୍ ରହିଛି ତାହା କେବଳ ୪୫ ବର୍ଷରୁ ଅଧିକ ତଥା ଦ୍ୱିତୀୟ ଡୋଜ୍ ପାଇଁ ସୀମିତ ରହିବ।

ଟିକା ପାଇଁ ଗରିବ ଲୋକ ଟଙ୍କା କେଉଁଠୁ ଆଣିବେ ?

ନୂଆଦିଲ୍ଲୀ: କରୋନାର କରାଳ ରୂପ ଭିତରେ ସୁପ୍ରିମକୋର୍ଟଙ୍କ କେନ୍ଦ୍ରକୁ ଯକ୍ଷ ପ୍ରଶ୍ନ । ଟିକାର ଭିନ୍ନ ଦାମ୍ ନେଇ କେନ୍ଦ୍ର ଉପରେ ଅସନ୍ତୋଷ ବ୍ୟକ୍ତ କରିଛନ୍ତି ମାନ୍ୟବର କୋର୍ଟ । ଭିନ୍ନ ଭିନ୍ନ ଦାମ୍ ନେଇ ସ୍ପଷ୍ଟୀକରଣ ମାଗିବା ସହ ଟିକା ବିତରଣର ମେକାନିଜମ୍ ନେଇ ପ୍ରଶ୍ନ କରିଛନ୍ତି । ଟିକା ନେଇ ଗରିବ ଲୋକ ଟଙ୍କା କେଉଁଠୁ ଆଣିବେ ବୋଲି ପ୍ରଶ୍ନ କରିଛନ୍ତି ।

ଆତଙ୍କର ନାଁ କରୋନା । ପ୍ରତିଦିନ କରୋନାକୁ ନେଇ ଏଭଳି ଚିତ ସାମ୍ନାକୁ ଆସୁଛି ଯାହା ଦେଶର ଅନ୍ତରଆତ୍ମାକୁ ଦୋହଲାଇ ଦେଉଛି । ଅମ୍ଲଜାନ ପାଇଁ ଡହଳ ବିକଳ ହେଉଛନ୍ତି ସଂକ୍ରମିତ । ହସ୍ପିଟାଲରେ ଅମ୍ଲଜାନ ନାହିଁ । ରୋଗୀଙ୍କ ପାଇଁ ଔଷଧ ନାହିଁ । କିନ୍ତୁ ଜୋରଦାର ଚାଲିଛି ରାଜନୈତିକ ଟଣା ଓଟରା । ରାଜ୍ୟ କେନ୍ଦ୍ର ଉପରେ ଦୋଷ ଲଦୁଛନ୍ତି  । କେନ୍ଦ୍ର ରାଜ୍ୟଙ୍କୁ ସଂକଟ ପାଇଁ ଦାୟୀ କରୁଛି ।

କେନ୍ଦ୍ର କହୁଛି ଅମ୍ଲଜାନ ଅଛି । ଯେଉଁଠି ନାହିଁ ସେଠିକି ଯୋଗାଇ ଦେଉଛୁ । ଟିକାକରଣ ପାଇଁ ଜୋରଦାର କାମ ଚାଲିଛି । କିନ୍ତୁ ଲାଗୁଛି କେନ୍ଦ୍ର ସରକାରଙ୍କ କଥାକୁ ବିଶ୍ୱାସ କରୁ ନାହାନ୍ତି ସୁପ୍ରିମକୋର୍ଟ । ମାନ୍ୟବର କୋର୍ଟ ଶୁକ୍ରବାର ଦିନ କେନ୍ଦ୍ର ସରକାରଙ୍କୁ କାଠଗଡ଼ାରେ ଛିଡା କରିଛନ୍ତି । ଜଷ୍ଟିସ ଡିୱାଇ ଚନ୍ଦ୍ରଚୁଡ କେନ୍ଦ୍ରକୁ ଏମିତି କିଛି ପ୍ରଶ୍ନ ପଚାରିଛନ୍ତି  ଯାହା ନିଶ୍ଚୟ କେନ୍ଦ୍ରକୁ ଅସୁବିଧାରେ ପକାଇବ ।

କେନ୍ଦ୍ରକୁ ସୁପ୍ରିମକୋର୍ଟ ପଚାରିଥିବା ପ୍ରଶ୍ନ

ପ୍ରଶ୍ନ୧:  ଜରୁରୀ ଔଷଧର ବିତରଣ ଓ ଉତ୍ପାଦନ କାହିଁକି ସୁନିଶ୍ଚିତ ହୋଇ ପାରୁନାହିଁ ?  କେନ୍ଦ୍ର ସରକାରଙ୍କ ଉତ୍ତର ଥିଲା ମାସକୁ ୧ କୋଟି ୩ ଲକ୍ଷ ରେମେଡିସିଭର ଉତ୍ପାଦନ କ୍ଷମତା ରହିଛି । କିନ୍ତୁ କେନ୍ଦ୍ର ଡିମାଣ୍ଡ୍ ଓ ସପ୍ଲାଏ ବାବଦରେ ନିରବ ରହିଛି ।

ପ୍ରଶ୍ନ୨: ୧୮ରୁ ୪୫ ବର୍ଷ ବୟସ୍କଙ୍କୁ ଟିକା ଦେବାକୁ କେନ୍ଦ୍ର ପାଖରେ କିଛି ଯୋଜନା ରହିଛି କି ? କେନ୍ଦ୍ର ପାଖରେ ଏମିତି କିଛି ଫଣ୍ଡ୍ ଅଛି କି ଯାହା ଦ୍ୱାରା ଟିକାର ଦାମ ସମାନ ରହିବ ?

କେବଳ ଏତିକି ନୁହେଁ, ସୁପ୍ରିମକୋର୍ଟ ଏହା ମଧ୍ୟ ଜାଣିବାକୁ ଚାହିଁଥିଲେ ଯେ, ସିରମ ଓ ଭାରତ ବାୟୋଟେକକୁ କେନ୍ଦ୍ର ସରକାର କେତେ ଫଣ୍ଡ୍ ଦେଇଛନ୍ତି ।

ପ୍ରଶ୍ନ୩ : ଟିକାର ମୂଲ୍ୟକୁ ନେଇ ସୁପ୍ରିମକୋର୍ଟ ବିଶେଷ ଚିନ୍ତାବ୍ୟକ୍ତ କରିଛନ୍ତି । ଟିକାର ଆକାଶଛୁଆଁ ମୂଲ୍ୟ ପାଇଁ ଏହା ଗରିବଙ୍କ ପାଇଁ ଦୁର୍ଲଭ ହୋଇଯିବ ବୋଲି ଅଦାଲତ ଆଶଙ୍କା କରିଛନ୍ତି । ଅଦାଲତ କହିଥିଲେ ଯେ, ଟିକାର ମୂଲ୍ୟନିର୍ଧାରଣ ଅସାଧରଣ ରୂପେ ଗମ୍ଭୀର ପ୍ରସଙ୍ଗ । କେନ୍ଦ୍ର ଦ୍ୱାରା ପ୍ରଦତ୍ତ ଟିକାର ୫୦ ପ୍ରତିଶତ ୪୫ ବର୍ଷରୁ ଅଧିକ ବୟସ୍କ ଓ ଫ୍ରଣ୍ଟଲାଇନ୍ ଯୋଦ୍ଧାଙ୍କ ପାଇଁ ବ୍ୟବହାର ହେବ ବୋଲି କୁହାଯାଉଛି । ବାକି ୫୦ ପ୍ରତିଶତ ଟିକା ରାଜ୍ୟ ନେବେ । ୫୯ କୋଟି ୬୦ ଲକ୍ଷ ଭାରତୀୟଙ୍କ ବୟସ ୪୫ରୁ କମ । ଏମାନଙ୍କ ମଧ୍ୟରୁ ଅଧିକାଂଶ ଗରିବ । ଏମାନେ ଟିକା ପାଇଁ ଟଙ୍କା କେଉଁଠାରୁ ଆଣିବେ ?

ସୁପ୍ରିମକୋର୍ଟ କେବଳ ଏତିକିରେ ଅଟକିନଥିଲେ । ଦେଶର ସ୍ୱାସ୍ଥ୍ୟବସ୍ଥାକୁ ନେଇ ଆମେ ଚିନ୍ତିତ ବୋଲି କହିଛନ୍ତି ସର୍ବୋଚ୍ଚ ଅଦାଲତ । ଆମେ ଜାଣିଛୁ ଏହା ଆପଣଙ୍କୁ ଉତ୍ତରାଧିକାର ସୂତ୍ରରେ ମିଳିଛି କିନ୍ତୁ ଆମେ ଦେଶର ସ୍ୱାସ୍ଥ୍ୟକୁ ନେଇ ଚିନ୍ତିତ ।

କୋଭିଡ୍ ସଂକ୍ରମିତ ବିହାର ମୁଖ୍ୟ ଶାସନ ସଚିବ ଅରୁଣ ସିଂଙ୍କ ଦେହାନ୍ତ

ପାଟଣା: କରୋନାରେ ପ୍ରାଣ ହରାଇଛନ୍ତି ବିହାରର ମୁଖ୍ୟ ଶାସନ ସଚିବ ଅରୁଣ କୁମାର ସିଂ । ୧୯୮୪ ବ୍ୟାଚର ଆଇଏଏସ୍ ଅଫିସର ଅରୁଣ ସିଂଙ୍କ ଦେହାନ୍ତ ହୋଇଛି । ପାଟଣାର ଏଚଏମଆରଆଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।

Bihar Chief Secretary Arun Singh dies from Corona

ମୁଖ୍ୟ ଶାସନ ସଚିବ ଅରୁଣ ସିଂଙ୍କ ଦେହାନ୍ତରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଶୋକବ୍ୟକ୍ତ କରିଛନ୍ତି । ଏହା ପୂର୍ବରୁ ସ୍ୱାସ୍ଥ୍ୟ ବିଭାଗର ଅତିରିକ୍ତ ସଚିବ ରବି ଶଙ୍କର ଚୌଧରୀଙ୍କ ମୃତ୍ୟୁ କରୋନାରେ ହୋଇଥିଲା ।

ସୂଚନା ଅନୁସାରେ, ଏପ୍ରିଲ୍ ୧୫ ତାରିଖରେ ବିହାର ମୁଖ୍ୟ ଶାସନ ସଚିବ ଅରୁଣ ସିଂଙ୍କ କୋଭିଡ୍ ରିପୋର୍ଟ ପଜିଟିଭ୍ ଆସିଥିଲା । ଯାହାପରେ ସେ ପାଟଣାର ଏକ ଘରୋଇ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ । ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ମୃତ୍ୟୁ ହୋଇଛି ।

କରୋନାର ଜରୁରୀ ଔଷଧର ଉତ୍ପାଦନ ଓ ବିତରଣ ନେଇ କେନ୍ଦ୍ରକୁ ସୁପ୍ରିମକୋର୍ଟଙ୍କ ପ୍ରଶ୍ନ

ନୂଆଦିଲ୍ଲୀ: ସୁପ୍ରିମକୋର୍ଟରେ କରୋନା ମାମଲା ନେଇ ଶୁଣାଣି ଚାଲିଛି । ଶୁଣାଣି ବେଳେ ସୁପ୍ରିମକୋର୍ଟ କେନ୍ଦ୍ରକୁ ପଚାରିଛନ୍ତି, ଜରୁରୀ ଔଷଧ ଓ ବିତରଣ ସୁନିଶ୍ଚିତ କାହିଁକି ହେଉନାହିଁ । କେନ୍ଦ୍ର ପକ୍ଷରୁ ସତ୍ୟପାଠ ଦାଖଲ କରାଯାଇ କୁହାଯାଇଛି, ପ୍ରତି ମାସରେ ଏକ କୋଟି ତିନି ଲକ୍ଷ ରେମଡେସିଭିର ଉତ୍ପାଦନ କ୍ଷମତା ରହିଛି । କିନ୍ତୁ ସରକାର ଚାହିଦା ଓ ବିତରଣ ତଥ୍ୟ କୋର୍ଟରେ ଦେଇନାହାଁନ୍ତି ।

ସୁପ୍ରିମକୋର୍ଟ କହିଛନ୍ତି, କେନ୍ଦ୍ର ସରକାର ଡକ୍ଟରଙ୍କୁ କୁହନ୍ତୁ ରେମଡେସିଭିର ଅଥବା ଫାବିଫ୍ଲୁ ବ୍ୟତୀତ୍ ଅନ୍ୟ ଉପଯୁକ୍ତ ଔଷଧ ନେଇ ରୋଗୀଙ୍କୁ ଜଣାନ୍ତୁ । ଗଣମାଧ୍ୟମ ରିପୋର୍ଟ ଅନୁସାରେ, ଆରଟିପିସିଆର୍ ଟେଷ୍ଟରେ କୋଭିଡର ନୂଆ ରୂପ ମଧ୍ୟ ଜଣାପଡ଼ୁନାହିଁ । ଏଥିପାଇଁ ଅନୁସନ୍ଧାନ ଆବଶ୍ୟକତା ରହିଛି ।

ଏଥିସହ କେନ୍ଦ୍ର ସରକାରଙ୍କୁ ପଚାରିଛନ୍ତି ୧୮ରୁ ୪୫ ବର୍ଷ ବୟସ୍କଙ୍କୁ ଟିକାକରଣ ଲାଗି କରାଯାଇଥିବା ଯୋଜନା ବିଷୟରେ ଜଣାନ୍ତୁ । କଣ କେନ୍ଦ୍ର ପାଖରେ କିଛି ରାଜସ୍ୱ ଅଛି ଯେଉଁଥିରେ ଭ୍ୟାକ୍ସିନର ଦାମ ସମାନ ରଖା ଯାଇପାରିବ । କେନ୍ଦ୍ର ସରକାର ଭାରତ ବାୟୋଟେକ୍ ଓ ସେରମ ଇନିଷ୍ଟିଚ୍ୟୁଟକୁ କେତେ ଟଙ୍କା ଦେଇଛନ୍ତି ଜଣାଇବାକୁ କହିଛନ୍ତି ସୁପ୍ରିମକୋର୍ଟ ।