spot_img
Home Blog Page 5851

ଝାରପଡ଼ା ଜେଲରେ ଚଢ଼ାଉ, ଦୁର୍ଦ୍ଦାନ୍ତ ଅପରାଧୀର ସେଲ ପଛପଟୁ ମୋବାଇଲ୍ ଜବତ

ଭୁବନେଶ୍ୱର: ରାଜ୍ୟର ବିଭିନ୍ନ ଜେଲରେ ଅଚାନକ ଚଢ଼ାଉ । ଜେଲ୍ ବିଭାଗ ଆଇଜି ଓ ଡିଆଇଜିଙ୍କ ନେତୃତ୍ୱରେ ଚଢ଼ାଉ କରାଯାଇଛି । ଚଢ଼ାଉ ବେଳେ ଝାରପଡ଼ା ଜେଲର ଜଣେ ଦୁର୍ଦ୍ଦାନ୍ତ ଅପରାଧୀର ସେଲ୍ ପଛପଟୁ ମୋବାଇଲ ଜବତ ହୋଇଛି । ଏନେଇ ଭୁବନେଶ୍ବର ଲକ୍ଷ୍ମୀସାଗର ଥାନାରେ ରୁଜୁ ହୋଇଛି ମାମଲା ।

Raid In Jharapada Jail Bhubaneswar

ଟିଟୋ ଓ ଡି. ବ୍ରଦର୍ସ ସହଯୋଗୀଙ୍କୁ ପୋଲିସ ତାଗିଦ୍ କରିଥିବା ଜଣାପଡ଼ିଛି । ଜେଲର ନିୟମ ମାନିବା ପାଇଁ ତାଗିଦ୍ କରାଯାଇଛି । ଝାରପଡ଼ା ସମେତ ବାଲେଶ୍ବର ଓ ଚୌଦ୍ୱାର ଜେଲରେ ରେଡ୍ କରାଯାଇଥିବା ଜଣାପଡ଼ିଛି ।

ବାଲେଶ୍ୱରରୁ ୧ କେଜି ୩୬୦ ଗ୍ରାମ୍ ବ୍ରାଉନସୁଗର ଜବତ, ୨ ଜଣଙ୍କୁ ଗିରଫ କଲା STF

ଭୁବନେଶ୍ୱର: ସ୍ୱତନ୍ତ୍ର ଟାସ୍କ ଫୋର୍ସ (STF)କୁ ବଡ଼ ସଫଳତା ମିଳିଛି । ବାଲେଶ୍ୱରର ସହଦେବଖୁଣ୍ଟା ଥାନା ଅଞ୍ଚଳରେ ରେଡ୍ ବେଳେ ପୋଲିସ ୧ କେଜି ୩୬୦ ଗ୍ରାମ୍ ବ୍ରାଉନସୁଗର ଜବତ କରିଛି । ଚୋରା ବାଇକରେ ବ୍ରାଉନସୁଗର ଚାଲାଣ ବେଳେ ଏସଟିଏଫ୍ ହାତରେ ଧରା ପଡ଼ିଛନ୍ତି ୨ ଜଣ ନିଶା ମାଫିଆ । ମାମଲାରେ ଏସଟିଏଫ୍ ଏକ ନମ୍ବର ବିହୀନ ବାଇକକୁ ଜବତ କରିଛି ।

ବ୍ରାଉନସୁଗର ବ୍ୟବସାୟ କରୁଥିବା ଅରଡ଼ବଜାରର ମାନସ ମୁଖୀ ଏବଂ ହରିପୁରର କମଳାକାନ୍ତ ଦାସଙ୍କୁ ଏସଟିଏଫ୍ ଗିରଫ କରିଛି । ସେମାନଙ୍କ ଠାରୁ ଅନ୍ୟ ଅପରାଧିକ ସାମଗ୍ରୀ ମଧ୍ୟ ଜବତ କରାଯାଇଛି । ଉଭୟଙ୍କୁ ଏସଟିଏଫ୍ ଗିରଫ କରିଥିବା ବେଳେ ଆଜି କୋର୍ଟ ଚାଲାଣ କରିବ । ଧରାପଡ଼ିଥିବା ଦୁଇ ଅଭିଯୁକ୍ତ ଅନ୍ୟ ଅପରାଧିକ କାର୍ଯ୍ୟ କଳାପରେ ଜଡ଼ିଥିବା ଥିବା ଜଣାପଡ଼ିଛି । ତାର ତଦନ୍ତ ଚାଲିଛି ।

୨୦୨୦ରୁ ଏଯାବତ୍ ଏସଟିଏଫ୍ ୩୦ କେଜିରୁ ଅଧିକ ବ୍ରାଉନସୁଗର ଏବଂ ହେରୋଇନ୍ ସହ ୬୪ କ୍ୱିଣ୍ଟାଲରୁ ଅଧିକ ଗଞ୍ଜେଇ ଜବତ କରିଥିବା ବେଳେ ୧୦୦ରୁ ଅଧିକ ମାଫିଆଙ୍କୁ ଗିରଫ କରିଛି ।

କୋଭିଡ ହସ୍ପିଟାଲରେ ଅଗ୍ନିକାଣ୍ଡ, ୧୮ ମୃତ

ଅହମ୍ମଦାବାଦ: ଦେଶରେ କୋଭିଡ ସଂକ୍ରମଣ ଓ ମୃତ୍ୟୁ ମାମଲା ନିଦ ହଜାଇଥିବାବେଳେ ଗୁଜୁରାଟରେ ଘଟିଛି ଏକ ଅଭାବନୀୟ ଘଟଣା। ଗୁଜରାଟର ଭାରୁଚରେ ଥିବା ଏକ କୋଭିଡ ହସ୍ପିଟାଲରେ ଘଟିଛି ଭୟାବହ ଅଗ୍ନିକାଣ୍ଡ। ଏହି ଅଗ୍ନିକାଣ୍ଡରେ ପାଖାପାଖି ୧୮ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି।। ଗତକାଲି ରାତି ପ୍ରାୟ ସାଢ଼େ ୧୨ଟାବେଳେ ଭାରୁଚର ପଟେଲ ୱେଲଫେୟାର ହସ୍ପିଟାଲରେ ଏହି ଦୁର୍ଘଟଣା ଘଟିଛି।

ଘଟଣା ସମ୍ପର୍କରେ ସୂଚନା ପାଇବା ପରେ ଅଗ୍ନିଶମ ବିଭାଗର ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛି। ଭାରୁଚ ଏସପି ରାଜେନ୍ଦ୍ର ସିଂ ଚୁଡାସାମା କହିଛନ୍ତି ଯେ ଆଇସିୟୁ ୱାର୍ଡରେ ସର୍ଟ ସର୍କିଟ ଥିବାରୁ ଡାକ୍ତରଖାନାରେ ନିଆଁ ଲାଗିଯାଇଥିଲା। ଡାକ୍ତରଖାନାରେ ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇବା ପରେ ୧୦ ଟି ଅଗ୍ନିଶମ ବାହିନୀକୁ ତୁରନ୍ତ ଘଟଣାସ୍ଥଳକୁ ପଠାଯାଇଥିଲା। ନିଆଁକୁ ନିୟନ୍ତ୍ରଣ କରାଯିବା ସହ ରୋଗୀଙ୍କୁ ଡାକ୍ତରଖାନାରୁ ବାହାର କରାଯିବା ବେଳକୁ ଏହି ଦୁର୍ଘଟଣାରେ ୧୮ ଜଣଙ୍କର ମୃତ୍ୟୁ ହୋଇସାରିଥିଲା। ମୃତକଙ୍କ ମଧ୍ଯରେ ୧୨ ଜଣ ରୋଗୀ ଓ ଦୁଇଜଣ ନର୍ସ ଅଛନ୍ତି। ତେବେ ଅନ୍ୟ ୪ ଜଣ ମୃତକଙ୍କର ଏପର୍ଯ୍ୟନ୍ତ ପରିଚୟ ମିଳିମାରି ନାହିଁ।

ଡାକ୍ତରଖାନାରେ ନିଆଁ ଲାଗିବା ସମୟରେ ସେଠାରେ ୫୮ ଜଣ ରୋଗୀ ଭର୍ତ୍ତି ହୋଇଥିଲେ। ସମସ୍ତ ରୋଗୀଙ୍କୁ ଅନ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ପ୍ରାଥମିକ ତଦନ୍ତରୁ ଜଣାପଡିଛି ଯେ ସର୍ଟ ସର୍କିଟ ଯୋଗୁଁ ଆଇସିୟୁ ୱାର୍ଡରେ ନିଆଁ ଲାଗିଯାଇଥିଲା। ବର୍ତ୍ତମାନ ତଦନ୍ତ ଜାରି ରହିଛି। ମୃତ୍ୟୁ ସଂଖ୍ୟା ବଢ଼ିପାରେ ବୋଲି ପୋଲିସ ପକ୍ଷରୁ କୁହାଯାଇଛି।

ନିଆଁରେ ଜଳିଗଲା ୬ ଦୋକାନ, ସର୍ଟସର୍କିଟରୁ ଅଗ୍ନିକାଣ୍ଡ ସନ୍ଦେହ

ଭଦ୍ରକ: ଭଦ୍ରକ ରାଣୀତାଲ ବଜାରରେ ଅଗ୍ନିକାଣ୍ଡ । ହୁତୁହୁତୁ ହୋଇ ଜଳିଗଲା ୬ଟି ଦୋକାନ । ଏଥିରେ ପ୍ରାୟ ୧୫ ଲକ୍ଷ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇ ଯାଇଛି । ୧୬ ନମ୍ବର ଜାତୀୟ ରାଜପଥ କଡ଼ରେ ଥିବା ରାଣୀତାଲ ବଜାରରେ ଗତକାଲି ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟିଥିଲା । ଶୋଇଥିବା ବେଳେ ଏହି ଅଗ୍ନିକାଣ୍ଡ ଘଟିଥିବାରୁ କିଛି ଜିନିଷ ଦୋକାନରୁ ବାହାର କରି ପାରିନଥିଲେ ।

Six Shop Blazed In Ranital Market Of Bhadrak

ନିଆଁ ଆଁରେ ୬ଟି ଦୋକାନ ସମ୍ପୂର୍ଣ୍ଣ ପାଉଁଶ ହୋଇଯାଇଛି । ନିଆଁକୁ ଭଦ୍ରକ ଅଗ୍ନିଶମ ବାହିନୀ ପହଞ୍ଚି ଆୟତ୍ତ କରିଛି । ଲୁଗା ଦୋକାନ, ମୋବାଇଲ ଦୋକାନ, ଷ୍ଟେସନାରୀ ଦୋକାନ, ଟେଲର ଦୋକାନ ସମେତ ୬ଟି ଦୋକାନ ଜଳି ଯାଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ବିଦ୍ୟୁତ୍ ସର୍ଟ ସର୍କିଟରୁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି ।

ଏଥିସହ ପଢ଼ନ୍ତୁ- ବାସ ଛାରଖାର୍ କରିଦେଲା ବଜ୍ରପାତ, ଶୋଇଥିବା ବେଳେ ଜଳିଗଲା ୧୧ ପରିବାରର ବାସଗୃହ

ହାଟରେ ଲସି ପିଇ ୧୦୦ରୁ ଅଧିକ ଅସୁସ୍ଥ

ମାଲକାନଗିରି: ମାଲକାନଗିରି ଜିଲ୍ଲା ପଡ଼ିଆ ବ୍ଲକ ଅନ୍ତର୍ଗତ କାଲଦାପଲ୍ଲ ପଞ୍ଚାୟତରେ ୧୦୦ରୁ ଅଧିକ ଲୋକ ଅସୁସ୍ଥ ହୋଇ ପଡ଼ିଛନ୍ତି । ଲସି ପିଇ ଶତାଧିକ ଲୋକ ଅସୁସ୍ଥ ହୋଇଥିବା କୁହାଯାଉଛି । ଶୁକ୍ରବାର କୁର୍ତ୍ତି ହାଟ ଥିଲା । ସେଠାରେ ଅସୁସ୍ଥ ଲୋକେ ଲସି ପିଇଥିବା ଜଣା ପଡ଼ିଛି ।

 More Than 100 People Unhealthy After Drinking Lassi In Haat Malkangiri

ଶୁକ୍ରବାର ବିଳମ୍ବିତ ରାତିରୁ ଲସି ପଇଥିବା ଲୋକଙ୍କ ଝାଡ଼ା ଓ ବାନ୍ତି ଆରମ୍ଭ ହୋଇଥିଲା । ଏହି ଖବର ପାଇବା ପରେ ସ୍ୱାସ୍ଥ୍ୟ ବିଭାଗ ଓ ଅଗ୍ନିଶମ ବିଭାଗ ଟିମ୍ ଅସୁସ୍ଥ ମାନଙ୍କୁ ପଡ଼ିଆ ଚିକିତ୍ସାଳୟକୁ ସ୍ଥାନାନ୍ତର କରିଛି । ପ୍ରାୟ ୬୦ ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ଜଣାପଡ଼ିଛି ।

ବ୍ୟବସାୟୀଙ୍କୁ କରୋନା ଯୋଦ୍ଧାର ମାନ୍ୟତା ଦେବାକୁ ଓଡ଼ିଶା ବ୍ୟବସାୟୀ ମହାସଂଘର ଦାବି

ଭୁବନେଶ୍ୱର: ରାଜ୍ୟରେ କରୋନା ମହାମାରୀର ଦ୍ୱିତୀୟ ଲହରୀର ଭୟାବହତା ଜାରି ରହିଛି । ଏହାକୁ ଦୃଷ୍ଟିରେ ରଖି ଓଡ଼ିଶା ବ୍ୟବସାୟୀ ମହାସଂଘ ଦିନ ଦୁଇଟା ପର୍ଯ୍ୟନ୍ତ ବ୍ୟବସାୟ ସମୟକୁ ସଙ୍କୁଚିତ କରିବା ପାଇଁ ନିଷ୍ପତ୍ତି ନେଇଛି ।

ତେବେ ମାଲ ପରିବହନ, ଲୋଡିଂ, ଅନଲୋଡିଂ ଇତ୍ୟାଦି ଦିନ ଦୁଇଟା ପରେ ବି ଜାରି ରହିବ । ଯଦ୍ୱାରା ରାଜ୍ୟରେ ବ୍ୟବସାୟୀ ମାନଙ୍କୁ କିମ୍ବା ଜନସାଧାରଣଙ୍କୁ ଓ ଖାଉଟି ମାନଙ୍କୁ କୌଣସି ପ୍ରକାର ଅସୁବିଧା ହେବ ନାହିଁ । ରାଜ୍ୟରେ ବ୍ୟବସାୟୀ ମାନଙ୍କ ନିକଟରେ ଅତ୍ୟାବଶ୍ୟକୀୟ ସାମଗ୍ରୀ ଯଥେଷ୍ଟ ଗଚ୍ଛିତ ଅଛି । ତେଣୁ ଦରବୃଦ୍ଧିର କୌଣସି ସମ୍ଭାବନା ହିଁ ନାହିଁ ।

ଏହି ପଦକ୍ଷେପକୁ ସହଯୋଗ କରିବା ପାଇଁ ଓଡ଼ିଶାର ଜନସାଧାରଣଙ୍କୁ ଅନୁରୋଧ କରିଛି ମହାସଂଘ । ଏଥିସହ ବ୍ୟବସାୟୀ ମାନଙ୍କୁ ସପ୍ତାହାନ୍ତ ସଟଡାଉନରେ ବି ଦିନ ୨ଟା ଯାଏ ବ୍ୟବସାୟ ପାଇଁ ଅନୁମତି ଦେବାକୁ ମହାସଂଘ ଦାବି କରିଛି । ବ୍ୟବସାୟୀଙ୍କୁ କରୋନା ଯୋଦ୍ଧାର ମାନ୍ୟତା ଦେବାସହ ବୀମା ଯୋଜନାରେ ଅନ୍ତର୍ଭୁକ୍ତ କରିବାକୁ ଦାବି କରିଛନ୍ତି ଓଡ଼ିଶା ବ୍ୟବସାୟୀ ମହାସଂଘର ମହା ସଚିବ ସୁଧାକର ପଣ୍ଡା ।

ଆଜିଠୁ ୩ ମାସ ଯାଏ ବନ୍ଦ ରହିବ ଭିତରକନିକା ଜାତୀୟ ଉଦ୍ୟାନ

ପଟ୍ଟାମୁଣ୍ଡାଇ: କୁମ୍ଭୀରମାନଙ୍କ ପ୍ରଜନନ ପାଇଁ ବନ୍ଦ ହେଲା ଭିତରକନିକା ଜାତୀୟ ଉଦ୍ୟାନ । ପର୍ଯ୍ୟଟକଙ୍କ ପାଇଁ ଭିତରକନିକା ଜାତୀୟ ଉଦ୍ୟାନ ଆଜିଠୁ ବନ୍ଦ ରହିବ । ଆସନ୍ତା ଜୁଲାଇ ୩୧ ତାରିଖ ପର୍ଯ୍ୟନ୍ତ ବନ୍ଦ ରହିବ ଭିତରକନିକା । ପ୍ରଜନନ ସମୟରେ କୁମ୍ଭୀର ମାନେ ଅଧିକ ହିଂସ୍ର ହୋଇଥାନ୍ତି ।

Bhitarkanika National Park Will Be Closed For 3 Months

ପର୍ଯ୍ୟଟକ ମାନଙ୍କ ସୁରକ୍ଷା ପାଇଁ ବନ ବିଭାଗ ଏହି ସମୟରେ ଭିତରକନିକାକୁ ପର୍ଯ୍ୟଟକ ମାନଙ୍କ ପାଇଁ ବନ୍ଦ କରିଥାଏ । ଏହି ତିନିମାସ ସମୟରେ ବଉଳା କୁମ୍ଭୀର ମାନେ ଅଣ୍ଡା ଦେଇଥାନ୍ତି । ତେବେ ନିଜର ବଂଶ ରକ୍ଷା କରିବା ପାଇଁ ପାଖରେ କେହି ପର୍ଯ୍ୟଟକଙ୍କୁ ଦେଖିଲେ ଆକ୍ରମଣ କରିବାକୁ ପଛାଇ ନଥାନ୍ତି । ତେଣୁ ଏହି ସମୟରେ ଭିତରକନିକାକୁ ପର୍ଯ୍ୟଟକଙ୍କୁ ବାରଣ କରାଯାଇଥାଏ ।

ବାସ ଛାରଖାର୍ କରିଦେଲା ବଜ୍ରପାତ, ଶୋଇଥିବା ବେଳେ ଜଳିଗଲା ୧୧ ପରିବାରର ବାସଗୃହ

ଭଦ୍ରକ: ଦାଉ ସାଧୁଛି ପ୍ରକୃତି । ଭଦ୍ରକରେ ବଜ୍ରପାତରେ ୧୧ଟି ପରିବାରର ୨୦ ବଖରା ଘର ପୋଡ଼ି ପାଉଁଶ ହୋଇଯାଇଛି । ଏଥିସହ ଲକ୍ଷାଧିକ ଟଙ୍କାର ସମ୍ପତ୍ତି ଜଳି ପୋଡ଼ି ପାଉଁଶ ହୋଇଛି । ତିହିଡ଼ି ବ୍ଲକ ଅଚକ ପଞ୍ଚାୟତ ଗୋପ ସାହିରେ ବିଳମ୍ବିତ ରାତିରେ ସମସ୍ତେ ଶୋଇଥିବା ବେଳେ ବଜ୍ରପାତ ପରେ ଅଗ୍ନିକାଣ୍ଡ ହୋଇଥିଲା । ଗତ ରାତିରେ ଜୋର ବର୍ଷା ପବନ ସହ ବଜ୍ରପାତ ହୋଇଥିଲା ।

House Of 11 Family Blaze In Lighting Bhadrak

ବଜ୍ରାଘାତ ଯୋଗୁଁ ଘର ଗୁଡ଼ିକରେ ନିଆଁ ଲାଗି ଯାଇଥିଲା । ଘର ଗୁଡ଼ିକ ପାଖା ପାଖି ଲାଗି ରହିଥିବାରୁ ଚାହୁଁ ଚାହୁଁ ନିଆଁ ବ୍ୟାପି ଯାଇଥିଲା । ଘରେ ନିଆଁ ଲାଗିବା ଦେଖି ଲୋକେ ଜୀବନ ବିକଳରେ ବାହାରକୁ ବାହାରି ଆସିଥିଲେ । ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ମଧ୍ୟ ନିଆଁ ଆୟତ୍ତକୁ ଆସି ନଥିଲା । ଶେଷରେ ନିକଟସ୍ଥ ଅଗ୍ନିଶମ ବାହିନୀ ଗାଡି ଆସି ନିଆଁକୁ ଆୟତ୍ତ କରିଛି ।

House Of 11 Family Blaze In Lighting Bhadrak

ଅଗ୍ନିକାଣ୍ଡରେ ଗାଁର କୃପାସିନ୍ଧୁ ଖୁଣ୍ଟିଆ, ନରହରି ଖୁଣ୍ଟିଆ, ବିଷ୍ଣୁ ମୋହନ ଖୁଣ୍ଟିଆ, ପୂର୍ଣ୍ଣଚନ୍ଦ୍ର ଖୁଣ୍ଟିଆଙ୍କ ସମେତ ଆହୁରି ଅନେକ ପରିବାର କ୍ଷତିଗ୍ରସ୍ତ ହୋଇଛନ୍ତି । ଗଛିତ ଥିବା ଧାନ, ଚାଉଳ, ଆସବାବପତ୍ର, ଗାଡ଼ି ସବୁ ଜଳି ପୋଡ଼ି ଛାରଖାର୍ ହୋଇଯାଇଛି । ଖୋଲା ଆକାଶ ତଳେ ପଡ଼ି ରହିଥିବା ଅଗ୍ନି ବିପନ୍ନ ପ୍ରଶାସନର ସହାୟତାକୁ ଅନାଇ ରହିଛନ୍ତି ।

ଦେଶରେ ସଂକ୍ରମଣ ଭାଙ୍ଗିଲା ସବୁ ରେକର୍ଡ, ଦିନକରେ ୪ ଲକ୍ଷରୁ ଅଧିକ ପଜିଟିଭ୍ ଚିହ୍ନଟ

ନୂଆଦିଲ୍ଲୀ: ମହାମାରୀ କରୋନା ଦେଶରେ ସୁନାମୀ ଭଳି ମାଡ଼ି ଚାଲିଛି । ପ୍ରତିଦିନ କରୋନା ସଂକ୍ରମଣ ମାମଲା ବଢ଼ି ବଢ଼ି ଏବେ ୪ ଲକ୍ଷ ପାର୍ କରିଛି । ସ୍ୱାସ୍ଥ୍ୟ ମନ୍ତ୍ରଣାଳୟର ତାଜା ରିପୋର୍ଟ ଅନୁସାରେ, ବିଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧ ହଜାର ୯୯୩ଟି ସଂକ୍ରମିତ ଚିହ୍ନଟ ହୋଇଛନ୍ତି । ସେହିଭଳି ଦିନକରେ କରୋନାରେ ପ୍ରାଣ ହରାଇଛନ୍ତି ୩ ହଜାର ୫୨୩ ଜଣ । ଗତ ୨୪ ଘଣ୍ଟାରେ ୨ ଲକ୍ଷ ୯୯ ହଜାର ୯୮୮ ଜଣ କରୋନାକୁ ମାତ୍ ଦେଇଛନ୍ତି । ଏହା ପୂର୍ବରୁ ଗୁରୁବାର ଦେଶରେ ୩ ଲକ୍ଷ ୮୬ ହଜାର ୪୫୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ବିଶ୍ୱରେ ଚିହ୍ନଟ ମୋଟ ସଂକ୍ରମଣ ମାମଲାର ୪୦ ପ୍ରତିଶତ କେସ୍ ପ୍ରତିଦିନ ଭାରତରେ ଚିହ୍ନଟ ହେଉଛି ।

ଦେଶରେ କରୋନା ମାମଲା

ମୋଟ ସଂକ୍ରମିତଙ୍କ ସଂଖ୍ୟା- ୧ କୋଟି ୯୧ ଲକ୍ଷ ୬୪ ହଜାର ୯୬୯

ମୋଟ ସୁସ୍ଥ- ୧ କୋଟି ୫୬ ଲକ୍ଷ ୮୪ ହଜାର ୪୦୬

ମୋଟ ସକ୍ରିୟ ମାମଲା- ୩୨ ଲକ୍ଷ ୬୮ ହଜାର ୭୧୦

ମୋଟ ମୃତ୍ୟୁ- ୨ ଲକ୍ଷ ୧୧ ହଜାର ୮୫୩

ମୋଟ ଟିକାକରଣ- ୧୫ କୋଟି ୪୯ ଲକ୍ଷ ୮୯ ହଜାର ୬୩୫ ଡୋଜ୍

ଦିଲ୍ଲୀ ଓ ମହାରାଷ୍ଟ୍ରରେ ସ୍ଥିତି ଏବେବି ଚିନ୍ତାଜନକ ରହିଛି । ଦିଲ୍ଲୀରେ ଗତ ୨୪ ଘଣ୍ଟାରେ ୨୭ ହଜାର ୪୭ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସେହିଭଳି କରୋନାରେ ୩୭୫ ଜଣଙ୍କ ମୃତ୍ୟୁ ହୋଇଛି । ମହାରାଷ୍ଟ୍ରରେ ଦିନକରେ ୬୨ ହଜାର ୯୧୯ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୮୨୮ ଜଣଙ୍କ ମୃତ୍ୟୁ ହୋଇଛି ।

ଭୟାବହ ହେଉଛି ମହାମାରୀ କରୋନା, ମାସକରେ ରାଜ୍ୟରୁ ୧ ଲକ୍ଷରୁ ଅଧିକ ପଜିଟିଭ୍

ଭୁବନେଶ୍ୱର(ସୁଶାନ୍ତ କୁମାର ସାହୁ): ଏପ୍ରିଲ୍ ଆରମ୍ଭରୁ ରାଜ୍ୟରେ ବଢ଼ିଥିବା ଦୈନିକ ସଂକ୍ରମଣ ୯ ତାରିଖରେ ୧ ହଜାର ଟପିଥିଲା । ମାସ ଶେଷକୁ ଏହା ୧୦ ଗୁଣ ବୃଦ୍ଧି ପାଇ ୧୦ ହଜାର ଡେଇଁଛି । ଏଥିସହ ରାଜ୍ୟରେ ଏପ୍ରିଲ୍ ମାସରେ ମୋଟ ୧ ଲକ୍ଷ ୧୩ ହଜାର ୫୯୧ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ୨୧ ତାରିଖ ଯାଏ ଦୈନିକ ସଂକ୍ରମଣ ୫ ହଜାର ତଳେ ଥିବାବେଳେ ୨୨ ତାରିଖ ବେଳକୁ ୬ ହଜାର ଟପିଥିଲା । ୨୮ ତାରିଖରେ ୮ ହଜାର ଟପିବା ସହ ମାସ ଶେଷରେ ସଂକ୍ରମଣର ସବୁ ରେକର୍ଡକୁ ଭାଙ୍ଗି ୧୦ ହଜାର୍ ପାର୍ କରିଛି ।

19 District Of Odisha In Covid Red Zone

ରାଜ୍ୟର ୩୦ ଜିଲ୍ଲାରୁ ଏବେ ୧୯ ଜିଲ୍ଲା କୋଭିଡ୍ ରେଡ୍ ଜୋନରେ ରହିଛି । ଅରେଞ୍ଜ ଜୋନରେ ରାଜ୍ୟର ୭ ଜିଲ୍ଲା ରହିଥିବା ବେଳେ ମାତ୍ର ୪ଟି ଜିଲ୍ଲା ରହିଛି ଗ୍ରୀନ୍ ଜୋନରେ ।

କେମିତି ନିର୍ଦ୍ଧାରିତ ହୁଏ ଜୋନ୍ ?

ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅନୁସାରେ, ୫୦୦ରୁ କମ୍ ସକ୍ରିୟ ଆକ୍ରାନ୍ତ ଥିବା ଜିଲ୍ଲାକୁ ଗ୍ରୀନ୍ ଜୋନ୍ କୁହାଯିବ । ୫୦୦ରୁ ଏକ ହଜାର ସକ୍ରିୟ ଆକ୍ରାନ୍ତ ଜିଲ୍ଲା ହେଉଛି ଅରେଞ୍ଜ ଜୋନ୍ । ସେହିଭଳି ଏକ ହଜାରରୁ ଅଧିକ ସକ୍ରିୟ ଆକ୍ରାନ୍ତ ଥିବା ଅନ୍ୟ ସମସ୍ତ ଜିଲ୍ଲା ରେଡ୍ ଜୋନ୍ ।

ଏଥିସହ ପଢ଼ନ୍ତୁ- ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ସାଢ଼େ ୪ ଲକ୍ଷ ପାର୍, ମୃତ୍ୟୁସଂଖ୍ୟା ୨୦୫୪କୁ ବୃଦ୍ଧି

ସବୁଠୁ ଅଧିକ ପ୍ରଭାବିତ ଜିଲ୍ଲା ?

୬ ଜିଲ୍ଲାରେ ଆକ୍ଟିଭ୍ କେସ୍ ୩ ହଜାର ଉପରେ ରହିଛି । ସର୍ବାଧିକ ସକ୍ରିୟ ଆକ୍ରାନ୍ତଙ୍କ ସହ ଖୋର୍ଦ୍ଧା ଜିଲ୍ଲା ରେଡ୍ ଜୋନରେ ରହିଛି । ଜିଲ୍ଲାରେ ୧୨ ହଜାରରୁ ଅଧିକ ସକ୍ରିୟ ସଂକ୍ରମଣ ମାମଲା ରହିଛି । ସୁନ୍ଦରଗଡ଼ ଜିଲ୍ଲାରେ ଆକ୍ଟିଭ୍ କେସ୍ ୬ ହଜାର ଉପରେ ରହିଛି । କଟକ ଜିଲ୍ଲାରେ ୪ ହଜାର ୫୪୩ ଆକ୍ରାନ୍ତ ରହିଥିବା ବେଳେ କଳାହାଣ୍ଡିରେ ୩ ହଜାର ୬୦୨ଟି ଆକ୍ଟିଭ୍ କେସ୍ ରହିଛି । ବରଗଡ଼ ଓ ଝାରସୁଗୁଡ଼ା ଜିଲ୍ଲାରେ ମଧ୍ୟ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୩ ହଜାର ଉପରେ ରହିଛି ।

ଏଥିସହ ପଢ଼ନ୍ତୁ- ସଂକ୍ରମଣରେ ରେକର୍ଡ; ଦିନକରେ ରାଜ୍ୟରୁ ଚିହ୍ନଟ ହେଲେ ୧୦ ହଜାର ୪୧୩ ସଂକ୍ରମିତ, ଖୋର୍ଦ୍ଧାରୁ ସର୍ବାଧିକ

ମାଲକାନଗିରି ଜିଲ୍ଲାରେ ୨୪୮ ଜଣ ସକ୍ରିୟ ଆକ୍ରାନ୍ତ ରହିଥିବା ବେଳେ ଜିଲ୍ଲା ଗ୍ରୀନ୍ ଜୋନରେ ରହିଛି । ସେହଭଳି ଗ୍ରୀନ୍ ଜୋନରେ ଥିବା କନ୍ଧମାଳ ଜିଲ୍ଲାରେ ୩୮୬ଟି ଆକ୍ଟିଭ୍ କେସ୍, ଦେବଗଡ଼ରେ ୪୧୬ଟି ଆକ୍ଟିଭ୍ କେସ୍, ଢେଙ୍କାନାଳରେ ୨୧୫ଟି ଆକ୍ଟିଭ୍ କେସ୍ ରହିଛି । ଏକ ହଜାରରୁ କମ୍ ସକ୍ରିୟ ମାମଲା ସହ କୋରାପୁଟ, ଗଜପତି, ବୌଦ୍ଧ, ବରଗଡ଼, ଜଗତସିଂହପୁର, କେନ୍ଦ୍ରାପଡ଼ା ଓ ଭଦ୍ରକ ଜିଲ୍ଲା କୋଭିଡ୍ ଅରେଞ୍ଜ ଜୋନରେ ରହିଛି ।

ସବୁଠି କଡ଼ା କଟକଣା

ସଂକ୍ରମଣକୁ ଚେକ୍ ଦେବାକୁ ରାଜ୍ୟ ସରକାର କୋଭିଡ୍ ନିୟମକୁ କଡ଼ାକଡ଼ି କରିଛନ୍ତି । ଛତିଶଗଡ଼ ସୀମାନ୍ତ ୧୦ ଜିଲ୍ଲାର ସହରାଞ୍ଚଳରେ ସନ୍ଧ୍ୟା ୬ଟାରୁ ସକାଳ ୫ଟା ଯାଏ ରାତ୍ରୀକାଳୀନ କର୍ଫ୍ୟୁ ଲାଗିଛି । ତା’ଛଡ଼ା ରାଜ୍ୟର ଅନ୍ୟ ସମସ୍ତ ସହରାଞ୍ଚଳରେ ରାତି ୯ରୁ ସକାଳ ୫ଟା ଯାଏ ନାଇଟ୍ କର୍ଫ୍ୟୁ ଲାଗିଛି । ରାଜ୍ୟର ସମସ୍ତ ସହରାଞ୍ଚଳରେ ସପ୍ତାହନ୍ତ ସଟଡାଉନ୍ ଲାଗୁ ହୋଇଛି । ଦିନ ୨ଟାରୁ ଦୋକାନ ବନ୍ଦ ରଖିବା ଲାଗି ନିଷ୍ପତ୍ତି ନିଆଯାଇଛି ।