spot_img
Home Blog Page 5847

ପୋଲିସ ନାଚ ବନ୍ଦ କଲା ବୋଲି ଲୋକେ ଭଙ୍ଗାରୁଜା କଲେ ଥାନା ଗାଡ଼ି

ଉଦଳା: କରୋନା ସଂକ୍ରମଣ ବିସ୍ଫୋଟକ ହୋଇ ଚାଲିଛି । ମୟୂରଭଞ୍ଜ ଜିଲ୍ଲା ମଧ୍ୟ କୋଭିଡ୍ ରେଡ୍ ଜୋନରେ ରହିଛି । କରୋନା ସଂକ୍ରମଣ ହୁ ହୁ ହୋଇ ବ୍ୟାପୁଥିବାରୁ ଏକାଧିକ ଲୋକ ଏକାଠି ହେବାକୁ ବାରଣ କରାଯାଉଛି । ଏଥିସହ ସାମାଜିକ, ସାଂସ୍କୃତିକ କାର୍ଯ୍ୟକ୍ରମ ଉପରେ ପ୍ରତିବନ୍ଧ କ ଲଗାଇଛନ୍ତି ସରକାର । ହେଲେ କିଛି ସ୍ଥାନରେ କଟକଣା ମାନୁନାହାଁନ୍ତି ଲୋକ । ମୟୂରଭଞ୍ଜ ଜିଲ୍ଲାର ଶରତ ଥାନା ଦେୱାନ ବାହାଳୀ ଗାଁରେ କଟକଣା ଉଲ୍ଲଂଘନ କରି ନାଚଗୀତ ଚାଲିଥିଲା ।

People Vandalised PCR Van In Mayurbhanj

ପୋଲିସ ଖବର ସେଠାରେ ପହଞ୍ଚି ନାଚଗୀତ ବନ୍ଦ ପାଇଁ କହିଥିଲା । ହେଲେ ଲୋକ ଶୁଣିନଥିଲେ । ନିଶାସକ୍ତ ଅବସ୍ଥାରେ ଉପସ୍ଥିତ ଲୋକମାନେ ପୋଲିସ ଉପରକୁ ଆକ୍ରମଣ କରିବା ସହିତ ପୋଲିସ ଗାଡ଼ିକୁ ଭଙ୍ଗା ରୁଜା କରିଛନ୍ତି । ଏଥିରେ କେତେକ ପୋଲିସ କର୍ମଚାରୀ ଆହତ ମଧ୍ୟ ହୋଇଛନ୍ତି ।

People Vandalised PCR Van In Mayurbhanj

ପରେ ଆଉ କିଛି ପୋଲିସ ଗାଁରେ ପହଞ୍ଚି ଆହତ ପୋଲିସଙ୍କୁ ଉଦ୍ଧାର କରିଥିଲେ । ପୋଲିସ ଗାଡିକୁ ଭାଙ୍ଗିଥିବା ଓ କୋଭିଡ୍ ନିୟମ ଉଲ୍ଲଂଘନକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଉପଖଣ୍ଡ ପୋଲିସ ଅଧିକାରୀ ସୂଚନା ଦେଇଛନ୍ତି ।

ଦେଶରୁ ଆଉ ୩ ଲକ୍ଷ ୯୨ ହଜାରରୁ ଅଧିକ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ମହାମାରୀ କରୋନା ସଂକ୍ରମଣ ମାମଲା କମିବାର ନାଁ ନେଉନି । ପ୍ରତିଦିନ କରୋନା ସଂକ୍ରମଣ ମାମଲା ବଢ଼ି ବଢ଼ି ଚାଲିଛି । ସ୍ୱାସ୍ଥ୍ୟ ମନ୍ତ୍ରଣାଳୟର ତାଜା ରିପୋର୍ଟ ଅନୁସାରେ, ବିଗତ ୨୪ ଘଣ୍ଟାରେ ଦେଶରେ ୩ ଲକ୍ଷ ୯୨ ହଜାର ୪୮୮ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସେହିଭଳି ଦିନକରେ କରୋନାରେ ପ୍ରାଣ ହରାଇଛନ୍ତି ୩ ହଜାର ୬୮୯ ଜଣ । ଗତ ୨୪ ଘଣ୍ଟାରେ ୩ ଲକ୍ଷ ୦୭ ହଜାର ୮୬୫ ଜଣ କରୋନାକୁ ମାତ୍ ଦେଇଛନ୍ତି । ଏହା ପୂର୍ବରୁ ଶୁକ୍ରବାର ଦେଶରେ ୪ ଲକ୍ଷ ୧ ହଜାର ୯୯୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ବିଶ୍ୱରେ ଚିହ୍ନଟ ମୋଟ ସଂକ୍ରମଣ ମାମଲାର ୪୦ ପ୍ରତିଶତ କେସ୍ ପ୍ରତିଦିନ ଭାରତରେ ଚିହ୍ନଟ ହେଉଛି ।

ଦେଶରେ କରୋନା ମାମଲା

ମୋଟ ସଂକ୍ରମିତଙ୍କ ସଂଖ୍ୟା– ୧ କୋଟି ୯୫ ଲକ୍ଷ ୫୭ ହଜାର ୪୫୭

ମୋଟ ସୁସ୍ଥ– ୧ କୋଟି ୫୯ ଲକ୍ଷ ୯୨ ହଜାର ୨୭୧

ମୋଟ ସକ୍ରିୟ ମାମଲା– ୩୩ ଲକ୍ଷ ୪୯ ହଜାର ୬୪୪

ମୋଟ ମୃତ୍ୟୁ– ୨ ଲକ୍ଷ ୧୫ ହଜାର ୫୪୨

ମୋଟ ଟିକାକରଣ– ୧୫ କୋଟି ୬୮ ଲକ୍ଷ ୧୬ ହଜାର ୩୧ ଡୋଜ୍

ରାଜ୍ୟରେ ଆଉ ୧୪ ଜଣଙ୍କ ଜୀବନ ନେଲା ମହାମାରୀ କରୋନା

ଭୁବନେଶ୍ୱର: ରାଜ୍ୟରେ ଆଉ ୧୪ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଏଥିସହ ରାଜ୍ୟରେ ମୋଟ କୋଭିଡ୍ ମୃତ୍ୟୁସଂଖ୍ୟା ୨୦୬୮କୁ ବୃଦ୍ଧି ପାଇଛି । ଭଦ୍ରକରୁ ଜଣେ, ବଲାଙ୍ଗିରରୁ ଜଣେ, ବୌଦ୍ଧରୁ ଜଣେ, ଦେବଗଡ଼ରୁ ଜଣେ, ଗଞ୍ଜାମରୁ ଜଣେ, ଜଗତସିଂହପୁରରୁ ଜଣେ, କେନ୍ଦୁଝରରୁ ୨ ଜଣ, ଖୋର୍ଦ୍ଧାରୁ ଜଣେ, ରାୟଗଡ଼ାରୁ ୪ ଜଣ ଏବଂ ସୁନ୍ଦରଗଡ଼ ଜିଲ୍ଲାରୁ ଜଣଙ୍କର ମୃତ୍ୟୁ ହୋଇଛି ।

ଗତ ୨୪ ଘଣ୍ଟାରେ ରାଜ୍ୟରେ ୮୦୧୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୪୫୬୮ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୩୪୪୭ ଜଣ ସ୍ଥାନୀୟ ଅଞ୍ଚଳରୁ ଚିହ୍ନଟ ହୋଇଛନ୍ତି । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୪ ଲକ୍ଷ ୬୨ ହଜାର ୬୨୨କୁ ବୃଦ୍ଧି ପାଇଛି । ରାଜ୍ୟରେ ୩ ଲକ୍ଷ ୯୧ ହଜାର ୪୮ ଜଣ କରୋନାକୁ ମାତ୍ ଦେଇଥିବା ବେଳେ ଏବେ ୬୯ ହଜାର ୪୫୩ ଜଣ ସକ୍ରିୟ ସଂକ୍ରମିତ ଅଛନ୍ତି ।

ଏଥିସହ ପଢ଼ନ୍ତୁ- ରାଜ୍ୟରୁ ଆଉ ୮୦୧୫ ସଂକ୍ରମିତ ଚିହ୍ନଟ, ୨୪ ଜିଲ୍ଲାରେ ୩ ଅଙ୍କ ଉପରେ ଦୈନିକ ସଂକ୍ରମଣ

ପଶ୍ଚିମବଙ୍ଗ, ତାମିଲନାଡ଼ୁ, ଆସାମ, କେରଳ ଓ ପୁଡୁଚେରୀରେ ଭୋଟ୍ ଗଣତି ଆରମ୍ଭ

ନୂଆଦିଲ୍ଲୀ: ୪ ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ହୋଇଥିବା ଭୋଟର ଗଣତି ଆରମ୍ଭ ହୋଇଛି । ସକାଳ ୮ଟାରୁ ଭୋଟ୍ ଗଣତି ଆରମ୍ଭ ହୋଇଛି । ପ୍ରଥମେ ପୋଷ୍ଟାଲ ବାଲାଟ ଗଣତି ହେଉଥିବା ବେଳେ ପରେ ଇଭିଏମ୍ ଖୋଲାଯିବ । ପଶ୍ଚିମବଙ୍ଗରେ ଟିଏମସି ଓ ବିଜେପି ମଧ୍ୟରେ ଲଢ଼େଇ ହେଉଥିବା ବେଳେ ଆସାମରେ କଂଗ୍ରେସ ଓ ବିଜେପି ଟକ୍କର ହେଉଛି । ତାମିଲନାଡ଼ୁ, କେରଳ ଓ ପୁଡୁଚେରୀ ଉପରେ ମଧ୍ୟ ସମସ୍ତଙ୍କ ନଜର ରହିଛି ।

ଏଥିସହ ବିଭିନ୍ନ ଲୋକସଭା ପାଇଁ ହୋଇଥିବା ଭୋଟଗଣନା ଆଜି କରାଯାଉଛି । ଆନ୍ଧ୍ରପ୍ରଦେଶର ତିରୁପତି, କର୍ଣ୍ଣାଟକର ବେଲଗାମ, କେରଳର ମଲପ୍ପୁରମ ଏବଂ ତାମିଲନାଡ଼ୁର କନ୍ୟାକୁମାର ସହ ୧୦ ରାଜ୍ୟର କିଛି ବିଧାନସବା ଆସନରେ ଉପନିର୍ବାଚନ ଅନୁଷ୍ଠିତ ହୋଇଥିଲା । ସେସବୁର ଭୋଟ୍ ଗଣତି ଆରମ୍ଭ ହୋଇଛି । ସମସ୍ତଙ୍କ ନଜର ରହିଛି ପଶ୍ଚିମବଙ୍ଗା ଓ ତାମିଲନାଡ଼ୁ ଉପରେ ।

କରୋନା ସଂକ୍ରମଣ ମାମଲା ବଢ଼ି ଚାଲିଥିବା ବେଳେ କଡ଼ା କଟକଣା ଭିତରେ ଗଣତି ଆରମ୍ଭ ହୋଇଛି । ପଶ୍ଚିମବଙ୍ଗରୁ ଆସୁଥିବା ଗଣତି ଖବର ଅନୁସାରେ ୧୫ଟି ଆସନର ଆଗୁଆ ଫଳାଫଳ ଆସିଛି । ଟିଏମସି ୧୧ଟି ଆସନରେ ଆଗୁଆ ରହିଥିବା ବେଳେ ବିଜେପି ୪ଟିରେ ଆଗୁଆ ରହିଛି । ସେହିଭଳି କେରଳରେ ବାମ ଦଳ ୨୪ଟି ଆସନରେ ଆଗୁଆ ଥିବାବେଳେ କଂଗ୍ରେସ ୧୫ଟି ଆସନରେ ଆଗୁଆ ରହିଛି ।

ଜୁନ୍‌ ୨୦ ସୁଦ୍ଧା ପ୍ରକାଶ ପାଇବ CBSE ଦଶମ ଶ୍ରେଣୀ ପରୀକ୍ଷା ଫଳ

ନୂଆଦିଲ୍ଲୀ: ଜୁନ୍‌ ୨୦ ସୁଦ୍ଧା ପ୍ରକାଶ ପାଇବ CBSE ଦଶମ ଶ୍ରେଣୀ ପରୀକ୍ଷା ଫଳ । ଏନେଇ ଗାଇଡଲାଇନ୍ ଜାରି କରିଛି ସିବିଏସଇ । ଗାଇଡଲାଇନ୍ ଅନୁସାରେ ସବୁ ସ୍କୁଲରେ ୮ ଜଣିଆ ରେଜଲ୍ଟ କମିଟି ଗଠନ କରାଯିବ । ସ୍କୁଲ୍ ପ୍ରିନ୍ସପାଲ୍ ଓ ଅନ୍ୟ ୭ ଶିକ୍ଷକଙ୍କୁ ନେଇ ଏହି କମିଟି ଗଠନ ହେବ । ୭ ଶିକ୍ଷକଙ୍କ ମଧ୍ୟରୁ ୫ ଜଣ ନିଜ ସ୍କୁଲର ରହିବେ ଏବଂ ଅନ୍ୟ ୨ ଜଣ ପାଖ ସ୍କୁଲର ରହିବେ ।

ବର୍ଷ ସାରା ହୋଇଥିବା ପରୀକ୍ଷା ଆଧାରରେ ୮୦ ମାର୍କର ମୂଲ୍ୟାୟନ ହେବ । ବାକି ୨୦ ମାର୍କର ମୂଲ୍ୟାୟନ ଇଣ୍ଟରନାଲ ପରୀକ୍ଷାରୁ ନିର୍ଦ୍ଧାରଣ ହେବ । ଏହା ପରେ ଜୁନ୍ ୫ ସୁଦ୍ଧା CBSEକୁ ୮୦ ମାର୍କର ମୂଲ୍ୟାୟନ ତାଲିକା ପଠାଯିବ । ଜୁନ୍ ୧୧ ସୁଦ୍ଧା ଇଣ୍ଟରନାଲ ୨୦ ମାର୍କର ମୂଲ୍ୟାୟନ ତାଲିକା ପଠାଯିବ ।

କୋଭିଡ୍ ପାଇଁ ଗତ ମାସରେ ସିବିଏସଇ ୧୦ମ ଶ୍ରେଣୀ ବୋର୍ଡ ପରୀକ୍ଷାକୁ ବାତିଲ୍ କରାଯାଇଥିବା ବେଳେ ଦ୍ୱାଦଶ ଶ୍ରେଣୀ ପରୀକ୍ଷାକୁ ସ୍ଥଗିତ କରାଯାଇଥିଲା । ଯଦି କୌଣସି ଛାତ୍ରଛାତ୍ରୀ ମାର୍କକୁ ନେଇ ଅସନ୍ତୋଷ ପ୍ରକାଶ କରିବେ, ତା’ହେଲେ ସେ ପରୀକ୍ଷା ଦେଇପାରିବେ । ଏହି ପରୀକ୍ଷା କୋଭିଡ୍ ସଂକ୍ରମଣ କମିବା ପରେ ହେବ ।

ରାଜ୍ୟରୁ ଆଉ ୮୦୧୫ ସଂକ୍ରମିତ ଚିହ୍ନଟ, ୨୪ ଜିଲ୍ଲାରେ ୩ ଅଙ୍କ ଉପରେ ଦୈନିକ ସଂକ୍ରମଣ

ଭୁବନେଶ୍ୱର: ରାଜ୍ୟରେ କରୋନାର ଦ୍ରୁତ ସଂକ୍ରମଣ ଜାରି ରହିଛି । ଗତ ୨୪ ଘଣ୍ଟାରେ ଆଉ ୮ ହଜାର ୧୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ହଟସ୍ପଟ ପାଲଟିଥିବା ଖୋର୍ଦ୍ଧାରୁ ସର୍ବାଧିକ ୧୨୭୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି  । ସୁନ୍ଦରଗଡ଼ରୁ ୭୩୫ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଅନୁଗୁଳରୁ ୫୨୫, କଟକରୁ ୪୮୨  ଜଣଙ୍କ ନମୁନା କୋଭିଡ୍ ପଜିଟିଭ୍ ଆସିଛି ।

ସମ୍ବଲପୁରରୁ ୪୪୧, ବରଗଡ଼ରୁ ୩୯୦, ଝାରସୁଗୁଡ଼ାରୁ ୩୮୬, ନବରଙ୍ଗପୁରରୁ ୩୨୦, ପୁରୀରୁ ୩୦୬, ନୂଆପଡ଼ାରୁ ୨୬୪, ଷ୍ଟେଟ୍ ପୁଲରୁ ୨୩୬, ସୋନପୁରରୁ ୨୦୭, ମୟୂରଭଞ୍ଜରୁ ୧୯୯, ବଲାଙ୍ଗିରରୁ ୧୯୮, ଯାଜପୁରରୁ ୧୯୪, ନୟାଗଡ଼ରୁ ୧୮୭, କଳାହାଣ୍ଡିରୁ ୧୭୪, ଗଞ୍ଜାମରୁ ୧୬୯, ରାୟୟଡ଼ାରୁ ୧୫୪, ଜଗତସିଂହପୁରରୁ ୧୪୯, ଭଦ୍ରକରୁ ୧୪୫, କୋରାପୁଟରୁ ୧୨୭ ଜଣ ପଜିଟିଭ୍ ଚିହ୍ନଟ ହୋଇଛନ୍ତି ।

ସେହିଭଳି ଗଜପତିରୁ ୧୨୦, ବୌଦ୍ଧରୁ ୧୦୩, ଦେବଗଡ଼ରୁ ୧୦୧, ବାଲେଶ୍ବରରୁ ୧୦୦, ଢେଙ୍କାନାଳରୁ ୮୬, କେନ୍ଦୁଝରରୁ ୭୫, କେନ୍ଦ୍ରାପଡ଼ାରୁ ୭୦, କନ୍ଧମାଳରୁ ୬୧ ଓ ମାଲକାନଗିରିରୁ ୩୬ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ଏଥିସହିତ ପଢ଼ନ୍ତୁ: ରବିବାର କୋଭିଡ ପରିଚାଳନା ନେଇ ବଡ଼ ଘୋଷଣା କରିବେ ମୁଖ୍ୟ ଶାସନ ସଚିବ

ରବିବାର କୋଭିଡ ପରିଚାଳନା ନେଇ ବଡ଼ ଘୋଷଣା କରିବେ ମୁଖ୍ୟ ଶାସନ ସଚିବ

ଭୁବନେଶ୍ୱର: ଆସନ୍ତାକାଲି ବଡ଼ ଘୋଷଣା କରିବେ ରାଜ୍ୟ ସରକାର । ଦିନ ୧୦ଟାରେ ମୁଖ୍ୟ ଶାସନ ସଚିବ ବଡ଼ ଘୋଷଣା କରିବେ । କୋଭିଡ ପରିଚାଳନା ନେଇ ଗୁରୁତ୍ବପୂର୍ଣ୍ଣ ଘୋଷଣା କରିପାରନ୍ତି ମୁଖ୍ୟଶାସନ ସଚିବ ସୁରେଶ ଚନ୍ଦ୍ର ମହାପାତ୍ର । ରାଜ୍ୟରେ କୋଭିଡ ଆକ୍ରାନ୍ତଙ୍କ ସଂଖ୍ୟା ବଢୁଥିବାରୁ, ଘୋଷଣା ଉପରେ ରହିଛି ସମସ୍ତଙ୍କ ନଜର । ବର୍ତ୍ତମାନ ରାଜ୍ୟରେ ସପ୍ତାହାନ୍ତ ସଟ୍‌ଡାଉନ୍ ଓ ନାଇଟ୍ କର୍ଫ୍ୟୁ ଲାଗୁ ଥିବା ବେଳେ ଅଧିକ ସଂକ୍ରମିତ ସହର କିମ୍ୱା ଜିଲ୍ଲା ପାଇଁ କଟକଣା ଅଧିକ କଡ଼ାକଡ଼ି ହୋଇପାରେ ବୋଲି ଆଶଙ୍କା କରାଯାଉଛି । ସମ୍ପ୍ରତି ରାଜ୍ୟରେ କରୋନା ସଂକ୍ରମଣ  ରେକର୍ଡ ଟିପିଛି । ଦୈନିକ ସଂକ୍ରମଣ ଆଜି ପାର୍‌ କରିଛି ୧୦ ହଜାର । ଖୋର୍ଦ୍ଧା ଜିଲ୍ଲାରେ ସର୍ବାଧିକ କରୋନା ଆକ୍ରାନ୍ତ ଚିହ୍ନଟ  ହୋଇଛନ୍ତି । ତା’ପଛକୁ ଅଛି ସୁନ୍ଦରଗଡ଼ ଓ କଟକ । ମେ’ ମାସ ଆରମ୍ଭରୁ ସଂକ୍ରମଣ ୧୦ ହଜାର ଟପିଥିବାରୁ ବଢ଼ିଯାଇଛି ଚିନ୍ତା । ଲୋକ ଅଧିକ ସର୍ତକ ନହେଲେ ମେ ୧୫ ସୁଦ୍ଧା ସଂକ୍ରମଣ ପିକ୍‌କୁ ଯିବ ବୋଲି ବିଶେଷଜ୍ଞ ମତ ଦେଇଛନ୍ତି ।

୧୭ଟି ଜିଲ୍ଲା  । ଖୋର୍ଦ୍ଧାରେ ସର୍ବାଧିକ ସଂକ୍ରମିତ  । ବିଶେଷଜ୍ଞଙ୍କ ମତ, ମେ ୧୫ରେ ପିକ୍‌କୁ ଯିବ ସଂକ୍ରମଣ । ଖୋଦ୍ଧା ଜିଲ୍ଲାରେ ୧୭୯୬ ପଜିଟିଭ୍‌ । ମେ’ ପହିଲାରୁ ରାଜ୍ୟରେ ଏତେ ବଢ଼ିଛି କରୋନା ଗ୍ରାଫ୍‌ । ଖୋର୍ଦ୍ଧା ଜିଲ୍ଳା ଲଗାତର ୫ଦିନ ଧରି ଟପ୍‌ରେ ଅଛି । ଆଜି ରାଜ୍ୟରେ କରୋନା ଗ୍ରାଫ୍‌ ୧୦ହଜାର ୪୧୩ରେ ପହଞ୍ଚିଛି ।  ବିଶେଷଜ୍ଞଙ୍କ ମତରେ ନିୟମ କଡ଼ାକଡ଼ି ନମାନିଲେ ସଂକ୍ରମଣ ଆହୁରି ବଢ଼ିବ । ଅଧିକ ସଚେତନ ନହେଲେ ସ୍ଥିତି ବିଗିଡ଼ିଯିବ ବୋଲି ଏମ୍‌ସର ପୂର୍ବତନ ନିର୍ଦ୍ଦେଶକ ଡାକ୍ତର ଅଶୋକ ମହାପାତ୍ର କହିଛନ୍ତି । କରୋନା ଗ୍ରାଫ୍‌ ବଢୁଥିବାରୁ ଲୋକଙ୍କୁ ଅଧିକ ସଚେତନ ହେବାକୁ ସ୍ୱାସ୍ଥ୍ୟ ବିଶେଷଜ୍ଞ ପରାମର୍ଶ ଦେଇଛନ୍ତି ।

ଲଣ୍ଡନ ଚାଲିଗଲେ ସେରମ୍ ଇନ୍‌ଷ୍ଟିଚ୍ୟୁଟ୍ ସିଇଓ ଅଦର ପୁନାଓ୍ୱାଲା: କହିଲେ, ମିଳୁଥିଲା ଧମକ

ନୂଆଦିଲ୍ଲୀ: ଦେଶରେ କରୋନା ସ୍ଥିତି ଦିନକୁ ଦିନ ଗମ୍ଭୀର ହେବାରେ ଲାଗିଛି । ଏଭଳି ସମୟରେ ଦେଶ ପାଇଁ ଭ୍ୟାକ୍ସିନ୍ ପ୍ରସ୍ତୁତ କରୁଥିବା କମ୍ପାନୀ ସେରମ୍ ଇନ୍‌ଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସିଇଓ ଅଦର ପୁନାଓ୍ୱାଲା ଲମ୍ୱା ସମୟ ପାଇଁ ଲଣ୍ଡନ ଚାଲିଯାଇଛନ୍ତି । ସୂଚନା ମୁତାବକ ଭ୍ୟାକ୍ସିନକୁ ନେଇ ବଢ଼ୁଥିବା ଚାପ ଯୋଗୁଁ ସେ ଏଭଳି କରିଛନ୍ତି । କୋଭିଡ-୧୯ ଟିକା ଉତ୍ପାଦନ ନେଇ ତାଙ୍କ ଉପରେ ବହୁତ ଅଧିକ ଚାପ ପଡ଼ୁଥିଲା । ଭାରତ କିଛି ସବୁଠାରୁ ଶକ୍ତିଶାଳୀ ଲୋକଙ୍କ ଠାରୁ ତାଙ୍କୁ ଲଗାତାର ଧମକ ଆସୁଥିଲା । ଏ ନେଇ ଅବଗତ ହେବା ପରେ ଭାରତ ସରକାରଙ୍କ ପକ୍ଷରୁ ଓ୍ୱାଇ କାଟେଗୋରିର ସୁରକ୍ଷା ତାଙ୍କୁ ଯୋଗାଇ  ଦିଆଯାଇଥିଲା । ପୁନାଓ୍ୱାଲା ଜାତୀୟ ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ସୂଚନା ଦେଇଛନ୍ତି ଯେ, ଭାରତ କିଛି ଶକ୍ତିଶାଳୀ ଲୋକ ତାଙ୍କୁ ଫୋନରେ ଧମକ ଦେଉଛନ୍ତି । ସେରମ୍ ଇନ୍‌ଷ୍ଟିଚ୍ୟୁଟ୍ ଅଫ୍ ଇଣ୍ଡଆ ଦେଶରେ କରୋନା ଭ୍ୟାକ୍ସିନ୍ କୋଭିସିଲ୍ଡ ଅକ୍ସଫୋର୍ଡ ଆଷ୍ଟ୍ରାଜେନିକା କୋଭିଡ-୧୯ ଭ୍ୟାକ୍ସିନ୍ ଉତ୍ପାଦନ କରୁଛି ।

ଏଥିସହିତ ପଢ଼ନ୍ତୁ: ଦିଲ୍ଲୀରେ ସପ୍ତାହେ ବଢିଲା ଲକଡାଉନ ଅବଧି

ରେଡ୍ ଜୋନ୍‌ରେ ରାଜ୍ୟର ୧୭ ଜିଲ୍ଲା: ମଇ ୧୫ ବେଳକୁ ପିକ୍ ଛୁଇଁବ କରୋନା

ଭୁବନେଶ୍ୱର: ରାଜ୍ୟରେ ଆଜି କରୋନା ସଂକ୍ରମଣ ସବୁ ରେକର୍ଡ ଟିପିଛି । ଦୈନିକ ସଂକ୍ରମଣ ଆଜି ପାର୍‌ କରିଛି ୧୦ ହଜାର । ଖୋର୍ଦ୍ଧା ଜିଲ୍ଲାରେ ସର୍ବାଧିକ କରୋନା ଆକ୍ରାନ୍ତ ଚିହ୍ନଟ  ହୋଇଛନ୍ତି । ତା’ପଛକୁ ଅଛି ସୁନ୍ଦରଗଡ଼ ଓ କଟକ । ମେ’ ମାସ ଆରମ୍ଭରୁ ସଂକ୍ରମଣ ୧୦ ହଜାର ଟପିଥିବାରୁ ବଢ଼ିଯାଇଛି ଚିନ୍ତା । ଲୋକ ଅଧିକ ସର୍ତକ ନହେଲେ ମେ ୧୫ ସୁଦ୍ଧା ସଂକ୍ରମଣ ପିକ୍‌କୁ ଯିବ ବୋଲି ବିଶେଷଜ୍ଞ ମତ ଦେଇଛନ୍ତି ।

ରାଜ୍ୟରେ ଚିନ୍ତା ବଢ଼ାଇଲା କରୋନା ପିଜିଟିଭ୍‌ ସଂଖ୍ୟା। ୧୦ ହଜାର ଟପିଲା ଦୈନିକ ସଂକ୍ରମଣ । ରେଡ୍‌ ଜୋନ୍‌ରେ ୧୭ଟି ଜିଲ୍ଲା  । ଖୋର୍ଦ୍ଧାରେ ସର୍ବାଧିକ ସଂକ୍ରମିତ  । ବିଶେଷଜ୍ଞଙ୍କ ମତ, ମେ ୧୫ରେ ପିକ୍‌କୁ ଯିବ ସଂକ୍ରମଣ । ଖୋଦ୍ଧା ଜିଲ୍ଲାରେ ୧୭୯୬ ପଜିଟିଭ୍‌ । ମେ’ ପହିଲାରୁ ରାଜ୍ୟରେ ଏତେ ବଢ଼ିଛି କରୋନା ଗ୍ରାଫ୍‌ । ଖୋର୍ଦ୍ଧା ଜିଲ୍ଳା ଲଗାତର ୫ଦିନ ଧରି ଟପ୍‌ରେ ଅଛି । ଆଜି ରାଜ୍ୟରେ କରୋନା ଗ୍ରାଫ୍‌ ୧୦ହଜାର ୪୧୩ରେ ପହଞ୍ଚିଛି ।  ବିଶେଷଜ୍ଞଙ୍କ ମତରେ ନିୟମ କଡ଼ାକଡ଼ି ନମାନିଲେ ସଂକ୍ରମଣ ଆହୁରି ବଢ଼ିବ । ଅଧିକ ସଚେତନ ନହେଲେ ସ୍ଥିତି ବିଗିଡ଼ିଯିବ ବୋଲି ଏମ୍‌ସର ପୂର୍ବତନ ନିର୍ଦ୍ଦେଶକ ଡାକ୍ତର ଅଶୋକ ମହାପାତ୍ର କହିଛନ୍ତି । କରୋନା ଗ୍ରାଫ୍‌ ବଢୁଥିବାରୁ ଲୋକଙ୍କୁ ଅଧିକ ସଚେତନ ହେବାକୁ ସ୍ୱାସ୍ଥ୍ୟ ବିଶେଷଜ୍ଞ ପରାମର୍ଶ ଦେଇଛନ୍ତି । ମେ ୧୫ ବେଳକୁ ରାଜ୍ୟରେ କରୋନା ପିକ୍‌କୁ ଯିବ ଓ ପରେ ଧୀରେଧୀରେ କମିବ । ତେଣୁ ମେ ମାସରେ ରାଜ୍ୟବାସୀ ସରକାରଙ୍କ କଟକଣା ମାନିବା ଆବଶ୍ୟକ । ତେବେ ରାଜ୍ୟ ସରକାର ସଂକ୍ରମଣ ନିୟନ୍ତ୍ରଣ ଓ ରୋଗୀଙ୍କ ପାଇଁ କରିଥିବା ବ୍ୟବସ୍ଥାକୁ ସ୍ୱାସ୍ଥ୍ୟ ବିଶେଷଜ୍ଞ ପ୍ରଶଂସା କରିଛନ୍ତି । ରାଜ୍ୟରେ ଆଜି କରୋନାରେ ୧୧ଜଣଙ୍କ ମୃତ୍ୟୁ ହୋଇଛି । ଏବେ ସୁଦ୍ଧା ୪ ଲକ୍ଷ ୫୪ ହଜାର ୬୦୭ ଜଣ ଆକ୍ରାନ୍ତ ହୋଇଛନ୍ତି  । ୩ଲକ୍ଷ ୮୦ ହଜାର ୪୦୦ ଜଣ ସୁସ୍ଥ ହୋଇଛନ୍ତି । ପରୀକ୍ଷା ବଢ଼ିବାରୁ ଅଧିକ ରୋଗୀଙ୍କୁ ଚିହ୍ନଟ କରାଯାଉଛି । ତେବେ ରୋଗୀଙ୍କ ଚକିତ୍ସା ପାଇଁ ରାଜ୍ୟ ସରକାର ସବୁ ସୁବିଧା କରିଛନ୍ତି ।

କରୋନା କଟକଣାରେ ରବିବାର ଭୋଟ୍ ଗଣତି, କିଏ କରିବ ବାଜିମାତ୍…

ନୂଆଦିଲ୍ଲୀ: ୪ଟି ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ହୋଇଥିବା ବିଧାନସଭା ନିର୍ବାଚନର ଭୋଟ ଗଣତି ଆସନ୍ତାକାଲି ହେବ। ଏଥିପାଇଁ ନିର୍ବାଚନ ଆୟୋଗ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି । ଆସାମ, ପଶ୍ଚିମବଙ୍ଗ, ତାମିଲନାଡୁ, କେରଳ ଓ ପୁଡୁଚେରୀରେ କୋଭିଡ କଟକଣା ଓ କଡାସୁରକ୍ଷା ବ୍ୟବସ୍ଥା ମଧ୍ୟରେ ୨୯୪ ସିଟରେ ଭୋଟ ଗଣତି ହେବ ।

ସୂଚନା ଅନୁଯାୟୀ, ରବିବାର ସକାଳ ୮ଟାରୁ ଭୋଟ ଗଣତି ଆରମ୍ଭ ହେବ । ଯାହାକୁ ନେଇ ରାଜନୈତିକ ଦଳ ମଧ୍ୟରେ ଉତ୍କଣ୍ଠା ଭରି ରହିଛି । ମାର୍ଚ୍ଚ ୨୭ରୁ ଭୋଟିଂ ଆରମ୍ଭ ହୋଇ ଗତ ୨୯ ତାରିଖ ଭିତରେ ସମସ୍ତ ପର୍ଯ୍ୟାୟ ମତଦାନ ହୋଇଥିଲା । ତିନୋଟି ରାଜ୍ୟରେ ଗୋଟିଏ ପର୍ଯ୍ୟାୟରେ ମତଦାନ ହୋଇଥିବା ବେଳେ ଆସାମରେ ତିନୋଟି ପର୍ଯ୍ୟାୟ ଓ ପଶ୍ଚିମବଙ୍ଗରେ ୮ଟି ପର୍ଯ୍ୟାୟରେ ମତଦାନ ହୋଇଥିଲା ।

ଏକଜିଟ୍‌ ପୋଲ ଅନୁସାରେ ପଶ୍ଚିମବଙ୍ଗରେ ମମତାଙ୍କ ସରକାର ପୁଣି ଫେରୁଥିବା ବେଳେ ତାମିଲନାଡୁରେ ସରକାର ବଦଳିପାରେ । ଆସାମରେ ପୁଣି ଥରେ ବିଜେପି ସରକାର ଆସିବ ବୋଲି ଅନୁମାନ କରାଯାଉଛି ।

ଦୀର୍ଘ  ଏକ ମାସରୁ ଅଧିକ ସମୟ ଧରି ଚାଲିଥିବା ନିର୍ବାଚନର ଅନ୍ତ ଘଟିଥିବା ବେଳେ ଆସନ୍ତାକାଲି ଭୋଟ୍ ଗଣତି । ଏହା ମଧ୍ୟରେ ଦିଦି- ମୋଦିଙ୍କ ଭିତରେ କିଏ ବାଜି ମାରିବ, କିଏ ବିଜୟ ମୁକୁଟ ପିନ୍ଧିବ ପୁଣି କିଏ ବନବାସ ଯିବ ତାହା ସ୍ପଷ୍ଟ ହୋଇନାହିଁ । ଏହାରି ଭିତରେ ଅନେକ ଏକଜିଟ ପୋଲ ସଂସ୍ଥା ନିଜର ନିଜର ଆକଳନ ଜାରି କରିଛନ୍ତି। ଯାହା ପରେ ଜନତାଙ୍କ ମଧ୍ୟରେ ନିର୍ବାଚନ ଫଳାଫଳକୁ ନେଇ ଆଶା ଆକାଂକ୍ଷା ଦେଖାଦେଇଛି ।

ଅଧିକ ପଢନ୍ତୁ- ପୁଣି ଥରେ ଦିଦି, ଶହେରୁ ଅଧିକରେ ମୋଦି: ଏକଜିଟ ପୋଲ କହିଲା ଖେଲୋ ହବେ..

ଅନ୍ୟପଟେ ଏକଜିଟ୍ ପୋଲ୍ ଅନୁସାରେ ପୁଡୁଚେରୀରେ କଂଗ୍ରେସ ହାତରୁ ଖସିପାରେ କ୍ଷମତା । ପ୍ରାୟତଃ ଏକଜିଟ୍ ପୋଲରେ ପୁଡୁଚେରୀରେ ବିଜେପି ସରକାର ଗଢିବା ନେଇ ଅନୁମାନ କରାଯାଇଛି। ରିପବ୍ଲିକର ପୂର୍ବାନୁମାନ ଅନୁସାରେ ବିଜେପି ମେଣ୍ଟକୁ୧୬ରୁ ୨୦ ଓ କଂଗ୍ରେସ ମେଣ୍ଟ ୧୧ରୁ ୧୩ଟି ଆସନ ମିଳିବ। ଚଳିତ ନିର୍ବାଚନରେ କଂଗ୍ରେସ ପାଇଁ ଚିନ୍ତାର କାରଣ ସାଜିଛନ୍ତି ନିଜ ଦଳର ବିଧାୟକମାନେ। ଦଳବଦଳ ପାଇଁ କଂଗ୍ରେସ ନିର୍ବାଚନ ପୂର୍ବରୁ କ୍ଷମତା ହରାଇଥିବାବେଳେ ମୁଖ୍ୟମନ୍ତ୍ରୀ ଭି.ନାରାୟଣସ୍ବାମୀଙ୍କ ବିରୋଧରେ ଅସନ୍ତୋଷ ବଢିବାରେ ଲାଗିଥିଲା।

ଅଧିକ ପଢନ୍ତୁ- ଆସାମ-କେରଳରେ ବଦଳିବନି ସରକାର, ବିରୋଧି ଉପରେ ନାହିଁ ଭରସା !