spot_img
Home Blog Page 5842

ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ସିଏମସିକୁ ୧୦ କୋଟି , ପରିପୃଷ୍ଟ ହେବ କୋଭିଡ ପରିଚାଳନା

ଭୁବନେଶ୍ୱର: କୋଭିଡ ପ୍ରତିହତ କରିବାକୁ ମୁଖ୍ୟମନ୍ତ୍ରୀଙ୍କ ବଡ ନିଷ୍ପତ୍ତି । କଟକରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ଘଟୁଥିବାରୁ ସେଠାରେ ପରିଚାଳନାକୁ ପରିପୃଷ୍ଟ କରିବାକୁ ଅଣ୍ଟା ଭିଡିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କଟକ ମହାନଗର ନିଗମକୁ ଏନେଇ ୧୦ କୋଟି ଟଙ୍କାର ଆର୍ଥିକ ସହୟତା ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ।

ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଏହି ଟଙ୍କା ସହାୟତା ଆକାରରେ ପ୍ରଦାନ କରାଯାଇଛି  । ଆଗାମୀ ଦିନରେ ଯେପରି କଟକରେ କୋଭିଡ ମୁକାବିଲା ସଠିକ ଏବଂ ସମନ୍ୱୟ ଭାବେ କରାଯିବ, ବେଡ ଠାରୁ ଆରମ୍ଭ କରି କୋଭିଡ ପରିଚାଳନାର ସମସ୍ତ ମୌଳିକ ସୁବିଧା ରହିପାରିବ  । ସେନେଇ ଦୃଷ୍ଟି ଦେଇଛନ୍ତି ମୁଖ୍ୟମନ୍ତ୍ରୀ  ।

ଆଜି କଟକ ମହାନଗର ନିଗମକୁ ପ୍ରଦାନ କରାଯାଇଥିବା ୧୦ କୋଟି ଟଙ୍କା କୋଭିଡ ପରିଚାଳନାରେ ଖର୍ଚ୍ଚ ହେବ । ପୂର୍ବରୁ ମଧ୍ୟ ମୁଖ୍ୟମନ୍ତ୍ରୀ ୧୦ କୋଟି ପ୍ରଦାନ କରିଥିଲେ । ସହରରେ ଦୈନିକ ସଂକ୍ରମଣ ସଂଖ୍ୟା ବୃଦ୍ଧି ଘଟୁଥିବା ବେଳେ ଏହାକୁ କିପରି ରୋକି ହେବ, କିପରି କୋଭିଡ ପରିଚାଳନାରେ କୌଣସି ମଧ୍ୟ ସାମାନ୍ୟ ଅବହେଳା ନେହବ । ସେନେଇ ଗୁରୁତ୍ୱ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ।

ରାଜ୍ୟର ୧୦ ଜିଲ୍‌ଲାରେ ଘଡ଼ଘଡ଼ି ସହ ବର୍ଷା ଆଶଙ୍କା

ଭୁବନେଶ୍ୱର: ତାତିରୁ ମିଳିବ ସାମାନ୍ୟ ଆଶ୍ୱସ୍ତି । ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ କିଛି ସ୍ଥାନରେ ଘଡ଼ଘଡ଼ି ସହ ବର୍ଷା ହେବା ନେଇ ପୂର୍ବାନୁମାନ କରିଛି ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ ବିଭାଗ । ଏପରିକି ଓଡ଼ିଶାର ୧୦ ଜିଲ୍ଲାକୁ ଆଲର୍ଟ ଜାରି କରାଯାଇଛି ।

A Fresh Low Pressure Area Likely To Form Over Central Bay Of Bengal Around 19th October

ଆଞ୍ଚଳିକ ପାଣିପାଗ ବିଭାଗ ପକ୍ଷରୁ କୋରାପୁଟ, ନବରଙଗ୍ପୁର, ରାୟଗଡା, ନୂଆପଡା, ବଲାଙ୍ଗିର, ବରଗଡ, ଝାରସୁଗୁଡା, ଅନୁଗୁଳ, ଦେବଗଡ଼, ଢେଙ୍କାନାଳ ଆଦି ଜିଲ୍ଲାରେ କାଳବୈଶାଖୀ ହେବା ନେଇ ସତର୍କ ସୂଚନା ଜାରି କରାଯାଇଛି । ଆଗାମୀ ୩ ଘଣ୍ଟା ପାଇଁ ଏସବୁ ଜିଲ୍ଲାକୁ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର।

ଅଧିକ ପଢନ୍ତୁ- ପ୍ରଳୟଙ୍କାରୀ ବାତ୍ୟା ଫନିକୁ ପୂରିଲା ୨ ବର୍ଷ, ଆଜିବି ଶୁଖିନି ଆଖିର ଲୁହ…

ମହଙ୍ଗା ପଡ଼ିଲା ସୁନା ଚେନ୍ ଲୁଟିବା; ନିର୍ଦ୍ଧୁମ ଛେଚା ଖାଇଲେ ଯୁବକ

ଭୁବନେଶ୍ୱର: ପଡ଼ିଲା ମହଙ୍ଗା ମହିଳାଙ୍କ ଠାରୁ ସୁନା ଚେନ ଲୁଟ କରିବା । ଭୁବନେଶ୍ବରର ନାଲକୋ ଛକ ନିକଟରେ ଜଣେ ମହିଳାଙ୍କ ଠାରୁ ସୁନା ଚେନ୍ ଲୁଟ କରି ନିର୍ଦ୍ଧୁମ ଛେଚା ଖାଇଛି ଲୁଟେରା ।

ମହିଳା ଜଣଙ୍କ ଚାଲି ଚାଲି ଯାଉଥିବା ବେଳେ ସ୍ପୋର୍ଟସ ବାଇକରେ ଆସି ଲୁଟ ଉଦ୍ୟମ କରିଥିଲେ କିଛି ଲୁଟେରା । ତେବେ ଲୁଟ ବେଳେ ସ୍ଥାନୀୟ ଲୋକେ ଯୁବକଙ୍କୁ କାବୁ କରି ନିର୍ଧୁମ ମାଡ଼ ମାରିବା ସହ ପୋଲିସକୁ ହସ୍ତାନ୍ତର କରିଥିଲେ । ଚନ୍ଦ୍ରଶେଖର ଥାନା ପୋଲିସ ପହଞ୍ଚି ଲୁଟେରାକୁ ହେପାଜତକୁ ନେବା ସହ ତଦନ୍ତ ଚଳାଇଛି।

ଜୁଲାଇ ମାସ ଯାଏଁ ରହିବ ଟିକା ଅଭାବ: ଅଦର ପନାୱାଲା

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ବଢି ଚାଲିଥିବା ବେଳେ ଟିକା ଅଭାବ ଚିନ୍ତାର କାରଣ ପାଲଟିଛି । ଏଭଳି ପରସ୍ଥିତିରେ ଜୁଲାଇ ମାସ ଯାଏଁ ଟିକାର ଅଭାବ ଦେଖାଯିବ ବୋଲି କହିଛନ୍ତି ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଆଦର ପୁନାୱାଲା ।

World Will Need Covid Vaccines For 20 Years Says Adar Poonawalla

ସୂଚନା ଅନୁଯାୟୀ,  ଦେଶରେ ତୃତୀୟ ପର୍ଯ୍ୟାୟ ଟିକାକରଣ ମେ ୧ରୁ ଆରମ୍ଭ ହେବାକୁ ଥିବା ବେଳେ ଟିକା ଅଭାବ ଯୋଗୁଁ ଅନେକ ରାଜ୍ୟରେ ଟିକାକରଣ ସମ୍ଭବ ହୋଇପାରିନାହିଁ। ତେବେ ଚଳିତ ବର୍ଷ ଜୁଲାଇ ମାସ ପର୍ଯ୍ୟନ୍ତ ଟିକା ଅଭାବ ରହିବ ବୋଲି କହିଛନ୍ତି ଅଦର ପୁନାୱାଲା । ଜୁଲାଇ ମାସରୁ କୋଭିସିଲ୍ଡର ଉତ୍ପାଦନ ବୃଦ୍ଧି ପାଇବ ବୋଲି ସେ ପ୍ରକାଶ କରିଛନ୍ତି।

Serum Institute Vaccine Covishield Gets DCGI Approvals

ବର୍ତ୍ତମାନ ସମୟରେ କୋଭସିଲ୍ଡର ୬-୭ କୋଟି ଡୋଜ ପ୍ରତି ମାସରେ ପ୍ରସ୍ତୁତ ହେଉଥିବା ବେଳେ ଜୁଲାଇରୁ ଟିକା ଉତ୍ପାଦନ ବଢାଯାଇ ୧୦ କୋଟିକୁ ବୃଦ୍ଧି କରିବାକୁ ଲକ୍ଷ୍ୟ ରଖାଯାଇଛି । ଚଳିତ ବର୍ଷ ଆରମ୍ଭରେ କରୋନା ସଂକ୍ରମଣ ଧିରେଧିରେ କମିବାରେ ଲାଗିଥିଲା । ସେଥିପାଇଁ ଅଧିକ ଟିକା ପ୍ରସ୍ତୁତ ପାଇଁ ଅର୍ଡର ଦିଆଯାଇନଥିବା ପୁନାଓ୍ବାଲା କହିଛନ୍ତି ।

ଆଜିର ଦିନରେ ରିଲିଜ ହୋଇଥିଲା ଭାରତର ପ୍ରଥମ ହିନ୍ଦୀ ଚଳଚିତ୍ର

ହିନ୍ଦୀ ସିନେମା ଜଗତ ପାଇଁ ଆଜିର ଦିନ ଏକ ଅଭୁଲା ଦିନ । ଆଜିର ଦିନରେ ୧୦୮ ବର୍ଷ ତଳେ ପ୍ରଥମଥର ଭାରତୀୟ ଫିଚର ଫିଲ୍ମ ନିର୍ମାଣ ହୋଇଥିଲା । ସେବେଠାରୁ ଆଜି ପର୍ଯ୍ୟନ୍ତ ଆମ ଭାରତୀୟ ସିନେମାରେ ଅନେକ ପରିବର୍ତ୍ତନ ଘଟିଛି । କିନ୍ତୁ ଆଜି ବି ହିନ୍ଦୀ ସିନେମାର ପ୍ରଥମ ଚଳଚିତ୍ର ହିସାବରେ କେବଳ ଦାଦା ସାହେବ ଫାଲକେଙ୍କର ‘ରାଜା ହରିଶ୍ଚନ୍ଦ୍ର’ ମନେପଡେ । ୧୯୧୩ରେ ଆଜିର ଦିନରେ ‘ରାଜା ହରିଶ୍ଚନ୍ଦ୍ର’ ଫିଚର ଫିଲ୍ମ ରିଲିଜ ହୋଇଥିଲା । ଏହା ପୂର୍ବରୁ ଭାରତୀୟ ଲୋକଙ୍କର ହିନ୍ଦୀ ସିନେମା ସହିତ କିଛି ବି ସଂଯୋଗ ନଥିଲା । ‘ରାଜା ହରିଶ୍ଚନ୍ଦ୍ର’ ଭାରତର ପ୍ରଥମ ଫୁଲ୍ ଲେନଥ୍ ଫିଚର ଫିଲ୍ମ ଭାବେ ରିଲିଜ ହୋଇଥିଲା । ତେବେ ଚାଲନ୍ତୁ ଆଜି ଜାଣିବା ଭାରତର ପ୍ରଥମ ହିନ୍ଦୀ ଚଳଚିତ୍ର ସମ୍ବନ୍ଧରେ କିଛି ରୋଚକ କଥା ।

-ରାଜା ହରିଶ୍ଚନ୍ଦ୍ର ଏକ ସାଇଲେଣ୍ଟ ଫିଲ୍ମ ଥିଲା । ଏହାର ସଂମ୍ପୂର୍ଣ୍ଣ କାହାଣୀ କେବଳ ଇସାରାରେ ବର୍ଣ୍ଣନା କରାଯାଇଥିଲା । ସେହି ସମୟରେ ଇଂରେଜଙ୍କ ଶାସନଧୀନ ଥିଲା ଭାରତ । ତେଣୁକରି ଦାଦା ସାହେବ ଫାଲକେ ଏହି ଚଳଚିତ୍ରର କାହାଣୀର ମୂଳଦୂଆ ବି ଇଂରେଜଙ୍କ ସହ ଲଢେଇ ହେଉଥିବାର ରଖିଥିଲେ । ସେହି ସମୟରେ ପ୍ରତ୍ୟେକ ଭାରତୀୟଙ୍କ ମନରେ କେବଳ ଗୋଟିଏ ସ୍ୱପ୍ନ ଥିଲା ,ଦେଶକୁ ପରାଧିନତାର ଶିକୁଳିରୁ ମୁକୁଳାଇବା । ଫିଲ୍ମର କାହାଣୀ ରାଜା ହରିଶ୍ଚନ୍ଦ୍ରଙ୍କର ମହାନତାକୁ ଦର୍ଶାଇଥିଲା । କେମିତି ସେ ଜଣେ ଦାନବୀର ଥିଲେ ଓ ନିଜ ସରଳପଣ ପାଇଁ ନିଜର ସୁନାର ରାଜ୍ୟକୁ ଜଣେ ସାଧୁଙ୍କୁ ଅର୍ପଣ କରିଦେଇଥିଲେ । ଏହି ଚଳଚିତ୍ରରେ ରାଜା ହରିଶ୍ଚନ୍ଦ୍ରଙ୍କର ମହାନପଣିଆକୁ ଭାରତୀୟ ଓ ସେହି ସାଧୁଙ୍କର କପଟତାକୁ ଇଂରେଜଙ୍କ ଚାଲ୍ ଭାବେ ଗ୍ରହଣ କରିଥିଲେ ଦର୍ଶକ ।

-ଆପଣମାନେ ଜାଣିଲେ ଆଶ୍ଚର୍ଯ୍ୟ ହେବେ ସେ ସମୟରେ ମାତ୍ର ୧୫ହଜାର ଟଙ୍କା ଥିଲା ଏହି ଫିଲ୍ମର ବଜେଟ୍ । ଆଉ ତାଠୁ ବଡ ଆଶ୍ଚର୍ଯ୍ୟର କଥା ହେଲା ଏହି ଫିଲ୍ମରେ ଜଣେ ବି ମହିଳା ଅଭିନୟ କରିନଥିଲେ । ଏଥିରେ ମହିଳାଙ୍କ ଚରିତ୍ର ବି ପୁରୁଷ ମାନେ ପୋଷାକ ବଦଳାଇ କରିଥିଲେ । ଏହି ଚଳଚିତ୍ରରେ ରାଜା ହରିଶ୍ଚନ୍ଦ୍ରଙ୍କର ଅଭିନୟରେ ଥିଲେ ଦତ୍ତାତ୍ରେୟ ଦାମୋଦର ଦାବକେ । ଦାଦା ସାହେବ ଫାଲକେଙ୍କ ପତ୍ନୀ କଳାକାର ଓ ଅନ୍ୟମାନଙ୍କପାଇଁ ରୋଷେଇ କରୁଥିଲେ । ତାଙ୍କର ଏହି ଫିଲ୍ମ ପାଇଁ ଫାଲକେଙ୍କ ପତ୍ନୀ ନିଜ ଗହଣା ବନ୍ଧାପକାଇ ପାଣ୍ଠି ଯୋଗାଡ କରିଥିଲେ ।

-ରାଜା ହରିଶ୍ଚନ୍ଦ୍ର ଫିଲ୍ମଟି ସାତ ମାସ ୨୧ ଦିନରେ ପୁରା ହୋଇଥିଲା । ଏହି ଫିଲ୍ମର ସେଟ୍ ମୁମ୍ବାଇର ଦାଦରରେ ଲଗାଯାଇଥିଲା । ସେଥିପାଇଁ ୩ ମେ କୁ ମୁମ୍ବାଇରେ ଏକ ଖାସ୍ ଦିନ ମାନା ଯାଏ ।ଲାଇଫ୍ ଅଫ୍ ଯିଶୁ ଫିଲ୍ମ ଦେଖିବା ପରେ ତାଙ୍କ ମନରେ ଫିଲ୍ମ ତିଆରି କରିବାକୁ ଖିଆଲ ଆସିଥିଲା । ତାଙ୍କର ଏହି ଫିଲ୍ମ ପାଇଁ ହିଲଉଡର ପ୍ରସିଦ୍ଦ ଫିଲ୍ମ କଂମ୍ପାନୀ ୱାର୍ଣ୍ଣର ବ୍ରଦର୍ସ ଫାଲକେଙ୍କ ସହ କାମ କରିବାକୁ ଇଚ୍ଚା ପ୍ରକାଶ କରିଥିଲା ।  ସେ ସମୟରେ ଗରମରେ ସିଝି ହେଇ ଗିରଗାଓଁରେ କୋରୋନେସନ ଥିଏଟର ସାମ୍ନାରେ ଲୋକେ ଟିକଟ ପାଇଁ ଲମ୍ବା ଲାଇନ ଦେଇଥିଲେ । ଏହି ଫିଲ୍ମଟି ପାଖାପାଖି ୫୦ମିନିଟ୍ ସମୟର ଥିଲା । ତାସହ ଏହି ଫିଲ୍ମର ପୋଷ୍ଟର ମରାଠୀ ଓ ଇଂରେଜୀରେ ମଧ୍ୟ ତିଆରି ହୋଇଥିଲା । ଭାରତୀୟଙ୍କ ପାଇଁ ଏହି ହିନ୍ଦି ସିନେମା ସବୁବେଳେ ସ୍ମରଣୀୟ ହୋଇ ରହିବ ।

୪୦ ପ୍ରତିଶତ ଲୋକ କାହିଁକି ଟିକା ନେବାକୁ ଚାହୁଁନାହାଁନ୍ତି?

 ନୂଆଦିଲ୍ଲୀ:   କରୋନା ସଂକ୍ରମଣରେ ମୃତ୍ୟୁସଂଖ୍ୟା ବୃଦ୍ଧି କେବଳ ସାମାଜିକ ଦୂରତା ମାନିବା, ମାସ୍କ ପିନ୍ଧିବା କିମ୍ବା କୋଭିଡ୍ପ୍ରୋଟୋକଲ କରିବା ଦ୍ୱାରା ଥମିଯିବନି । ଅଧିକାଂଶ କୋଭିଡ ଏକ୍ସପର୍ଟ କହୁଛନ୍ତିଯେ, ଭ୍ୟାକ୍ସିନ ସଂକ୍ରମଣ ରୋକିବା ପାଇଁ ନୁହେଁ ବରଂ ସଂକ୍ରମଣରେ ହେବାକୁ ଥିବା ଡ୍ୟାମେଜକୁ କମ୍କରିଥାଏ । ଭ୍ୟାକ୍ସିନ ନେବାଦ୍ୱାରା ସଂକ୍ରମଣର ସ୍ତର ଗମ୍ଭୀର ହେବନାହିଁ । ସଫଦରଗଞ୍ଜ ହସ୍ପିଟାଲରେ ହୋଇଥିବା ଅଧ୍ୟୟନ କହୁଛି, ୪୦ ପ୍ରତିଶତ ଆଡଲ୍ଟ ଭ୍ୟାକ୍ସିନ ନେବା ବିପକ୍ଷରେ । ପିଲା ମାନଙ୍କୁ ଭ୍ୟାକ୍ସିନ ନ ଦେବାପାଇଁ ୬୦ ପ୍ରତିଶତ ଲୋକ ବାରଣ କରୁଛନ୍ତି ।

ସଫଦରଗଞ୍ଜ ହସ୍ପିଟାଲରେ ଡିପାର୍ଟମେଣ୍ଟ ଅଫ୍କମ୍ୟୁନିଟି ମେଡିସିନର ନିର୍ଦ୍ଦେଶକ, ପ୍ରୋଫେସର ଏବଂ ମୁଖ୍ୟ ଡାକ୍ତର ଯୁଗଲ କିଶୋରଙ୍କ କହିବା ହେଉଛି ଭ୍ୟାକ୍ସିନକୁ ନେଇ ସୃଷ୍ଟି ହେଉଥିବା ଦ୍ୱନ୍ଦ ଅନେକଙ୍କ ମନରେ ସୃଷ୍ଟି ହେଉଛି । ୪୦ ପ୍ରତିଶତ ଆଡଲ୍ଟ ଭ୍ୟାକ୍ସିନ ନେବାକୁ ଚାହୁଁନଥିବା ବେଳେ ୬୦ ପ୍ରତିଶତ ସେମାନଙ୍କ ପିଲାଙ୍କୁ ଭ୍ୟାକ୍ସିନ ଦେବାକୁ ଚାହୁଁନାହାଁନ୍ତି । ଡାକ୍ତର ଯୁଗଲ କିଶୋର ଏହା ମଧ୍ୟ କହୁଛନ୍ତିଯେ, ପ୍ରଥମ ଫେଜରେ ଭ୍ୟାକ୍ସିନେସନ ପୂର୍ବରୁ ଭ୍ୟାକ୍ସିନକୁ ନେଇ ଏହି ବର୍ଷ ଜାନୁୟାରୀ ମାସରେ ଡାଟା ସଂଗ୍ରହ କରି ଅନଲାଇନ ସର୍ଭେ କରାଗଲା । ପାଞ୍ଚଶହ ନମୁନାକୁ ଗୁଗଲ ଏଂ ହ୍ୱାଟ୍ସାଆପ ଗ୍ରୁପରେ ସର୍କୁଲେଟ କରାଗଲା । ଉତ୍ତର ଦେଉଥିବା ବ୍ୟକ୍ତିଙ୍କ ମଧ୍ୟରେ ସାମିଲ ଥିଲେ ମେଡିକାଲ ପ୍ରୋଫେସନାଲ,ଇଞ୍ଜିନିୟର,ଜର୍ନାଲିଷ୍ଟ,ନର୍ସ ଏବଂ ଅନ୍ୟ ହେଲ୍ଥ ଷ୍ଟାପ୍।


ଯେଉଁଥିରେ ପ୍ରଶ୍ନ କରାଯାଇଥିଲାଯେ, ଆପଣ ଭ୍ୟାକ୍ସିନ ନେବେ କି?  କିମ୍ବା ଭ୍ୟାକ୍ସିନକୁ ନେଇ ଆପଣଙ୍କ ଚିନ୍ତାଧାରା କ’ଣ ରହିଛି?
ଇଣ୍ଟିଗ୍ରେଟେଡ ହେଲ୍ଥ ଆଣ୍ଡ୍‌ ଓ୍ୱେଲବିଙ୍ଗ୍‌ କାଉନସିଲର ସିଇଓ କମଲ ନାରାୟଣ ଓମରଙ୍କ କହିବା ଅନୁସାରେ, ତୃତୀୟ ପର୍ଯ୍ୟାୟର ଭ୍ୟାକ୍ସିନେସନ ପଞ୍ଜିକରଣରେ ପ୍ରାୟ ୧ କୋଟିରୁ ଅଧିକ ଲୋକ ଟିକା ପଞ୍ଜିକରଣ କରିବା ପରେ ଅନ୍ୟ ମାନଙ୍କ ମନରୁ ଡର ଦୂର ହୋଇଛି । ଯାହା ଏକ ବିରାଟ ଧରଣର ପ୍ରଭାବ ପକାଇଛି । କିନ୍ତୁ ସବୁଠାରୁ ବଡ଼ ବାଧା ହେଉଛି ଲୋକଙ୍କ ମନରେ ଭ୍ୟାକ୍ସିନକୁ ନେଇ ଦ୍ୱନ୍ଦ ସୃଷ୍ଟି ହେଉଛି ।
ଗୋଟିଏ ପଟେ ବିଜ୍ଞାନ ଦିନକୁ ଦିନ ଆଧୁନିକ ହେଉଥିବାରୁ ଗୋଟିଏ ବର୍ଷ ମଧ୍ୟରେ ଭ୍ୟାକ୍ସିନ ତ ଆସିଗଲା କିନ୍ତୁ ଲୋକଙ୍କୁ ବୁଝାଇବା କଷ୍ଟସାଧ୍ୟ ହୋଇପଡ଼ିଛି ।

ମଦ ଦୋକାନକୁ ବିରୋଧ କରି ଯାଜପୁରରେ ରାସ୍ତାରୋକ

ଯାଜପୁର: ମଦ ଦୋକାନକୁ ବିରୋଧ କରି ରାସ୍ତାରୋକ କରିଛନ୍ତ ମହିଳା। ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ଅଧୀନ ପତରାଜପୁରଠାରେ ବିଦେଶୀ ମଦ ଦୋକାନକୁ ବିରୋଧ କରି ସ୍ଥାନୀୟ ମହିଳାମାନେ ରାସ୍ତା ଅବରୋଧ କରିଛନ୍ତି ।

ସୂଚନା ଅନୁଯାୟୀ, ମଦ ଦୋକାନ ଯୋଗୁ ସ୍ଥାନୀୟ ଅଞ୍ଚଳ ବେଶ ପ୍ରଭାବିତ ହେଉଛି। ରାତିରେ ଏହି ଅଞ୍ଚଳ ପାଲଟୁଛି ମଦୁଆଙ୍କ ଆଡ୍ଡାସ୍ଥଳୀ । ପାଖରେ ଥିବା ବିଦ୍ୟାଳୟର ପିଲାମାନେ ମଧ୍ୟ ପ୍ରଭାବିତ ହେଉଛନ୍ତି । ନିଶାସକ୍ତ ବ୍ୟକ୍ତିଙ୍କ ପାଇଁ ମହିଳା ମାନେ ବେଶି ଅସୁବିଧାର ସମ୍ମୁଖୀନ ହେଉଛନ୍ତି। ମଦ ଦୋକାନକୁ ବିରୋଧ କରି ମହିଳାମାନେ ପୂର୍ବରୁ ମଧ୍ୟ ମଦ ଦୋକାନ ଭଙ୍ଗା ରୁଜା କରିଥିଲେ। ବାଲିଚନ୍ଦ୍ରପୁର ପୋଲିସ ବୁଝାସୁଝା କରିବା ପରେ ମହିଳାମାନେ ଆନ୍ଦୋଳନରୁ ହଟିଥିଲେ ।

ତେବେ ବାରମ୍ବାର ଏଭଳି ସମସ୍ୟା ଲାଗି ରହିଥିବାରୁ ମହିଳାମାନେ ବାଲିଚନ୍ଦ୍ରପୁର- ଇନ୍ଦୁପୁର ରାସ୍ତାର ପତରାଜପୁରଠାରେ ରାସ୍ତାରେ ବସି ପ୍ରତିବାଦ କରିଛନ୍ତି । ମଦ ଦୋକାନ ଉଚ୍ଛେଦ କରା ନଗଲେ ଆନ୍ଦୋଳନ ତୀବ୍ର ହେବ ବୋଲ ମହିଳାମାନେ ଚେତାବନୀ ଦେଇଛନ୍ତି।

ଯଦି ପ୍ରଥମ ଡୋଜ୍‌ ନେବାପରେ ସଂକ୍ରମଣ ହୁଅନ୍ତି, କେବେ ନେବେ ଦ୍ୱିତୀୟ ଡୋଜ୍‌?

ନୂଆଦିଲ୍ଲୀ:  କରୋନା ଏକ ପ୍ରକାରର ଆତଙ୍କ ସୃଷ୍ଟି କରି ସାରିଥିବା ବେଳେ ସାରା ବିଶ୍ୱର ବିଶେଷଜ୍ଞ ଗୋଟିଏ କଥାରେ ବାରମ୍ବାର ଜୋର ଦେଇ କହୁଛନ୍ତିଯେ, କରୋନାର ଦ୍ୱିତୀୟ ପ୍ରବାହରୁ ବଞ୍ଚିବାର ଏକମାତ୍ର ଉପାୟ ଶୀଘ୍ର ଟୀକାକରଣ । ଗତ ତିନି ସପ୍ତାହ ଧରି ଦେଶରେ କରୋନା ସଂକ୍ରମଣ ତୀବ୍ର ବେଗରେ ବଢିଚାଲିଛି । ଦେଶରେ ଉପଲବ୍ଧ ଦୁଇଟି ଭ୍ୟାକ୍ସିନର ଡୋଜ୍‌ଉପଲବ୍ଧ ଅଛି । କିନ୍ତୁ ପ୍ରଥମ ଓ ଦ୍ୱିତୀୟ ଡୋଜ୍‌ନେବା ମଧ୍ୟରେ ଏକ ବ୍ୟବଧାନ ରହିଛି । କିନ୍ତୁ ଏଭଳି ସ୍ଥିତିରେ ସବୁଠାରୁ ବଡ଼ ସମସ୍ୟା ହେଉଛି ଦ୍ୱିତୀୟ ଡୋଜ୍‌ନେବାପରେ ଯଦି କୌଣସି ବ୍ୟକ୍ତି ସଂକ୍ରମିତ ହେଉଛନ୍ତି ତେବେ କେଉଁଭଳି ସମସ୍ୟା ସୃଷ୍ଟି ହୋଇପାରେ?

ଏକ ମଇଠାରୁ ୧୮ ବର୍ଷରୁ ଉର୍ଦ୍ଧ୍ୱ ବୟସ୍କଙ୍କୁ ଟିକା ଲଗାଇବା ଆରମ୍ଭ ହୋଇସାରିଛି । ଏବେ ଲୋକଙ୍କ ନିକଟରେ କୋଭାକ୍ସିନ ଏବଂ କୋଭିସିଲ୍ଡର କେବଳ ବିକଳ୍ପ ରହିଛି । କୋଭିସିଲ୍ଡର ପ୍ରଥମ ଓ ଦ୍ୱିତୀୟ ଡୋଜ୍‌ମଧ୍ୟରେ ପ୍ରାୟ ୬ରୁ ୮ ସପ୍ତାହର ବ୍ୟବଧାନ ରହିଛି । ତେଣୁ ଦୀର୍ଘ ଦିନ ବ୍ୟବଧାନ ହେତୁ ସଂକ୍ରମଣର ଚିନ୍ତା ବଢି ଯାଇଛି ।

ବିଶେଷଜ୍ଞଙ୍କ କହିବା ଅନୁସାରେ ଦୁଇରୁ ଚାରି ସପ୍ତାହ ମଧ୍ୟରେ ଯଦି କୌଣସି ବ୍ୟକ୍ତି ସଂକ୍ରମିତ ହେଉଛନ୍ତି ତେବେ ଭ୍ୟାକ୍ସିନ ନ ନେଇ ଅପେକ୍ଷା କରିବା ଉଚିତ୍‌। ସମ୍ପୂର୍ଣ୍ଣ ଭାବରେ ସୁସ୍ଥ ହେବାପରେ ଭ୍ୟାକ୍ସିନ ନେବା ଆବଶ୍ୟକ ।

କରୋନାର ସଂକ୍ରମଣ ଯେଉଁଭଳି ବଢିଛି ଭ୍ୟାକ୍ସିନ ନେବା ନିହାତି ଆବଶ୍ୟକୀୟ ହୋଇପଡ଼ିଛି । ଯଦି କୌଣସି ବ୍ୟକ୍ତି କୋଭିଡରେ ସଂକ୍ରମିତ ହୋଇଛନ୍ତି ଏବଂ ଭ୍ୟାକ୍ସିନ ନେବାକୁ ଚାହୁଁଛନ୍ତି ତେବେ ତାଙ୍କୁ ଅପେକ୍ଷା କରିବାକୁ ପଡ଼ିବ । କୋଭିଡର ଲକ୍ଷଣ ଯିବାପରେ ଏବଂ ନେଭେଟିଭ୍‌ଆସିବାର ତିନି ମାସ ପରେ ଭ୍ୟାକ୍ସିନ ନେବା ଆବଶ୍ୟକ । କିନ୍ତୁ ବିଶେଷଜ୍ଞ କୁହନ୍ତି ଯଦି ଦୁଇ ଡୋଜ୍‌ପରେ କେହି ସଂକ୍ରମିତ ହେଉଛନ୍ତି ତେବେ ଭ୍ୟାକ୍ସିନ ନେବା ଆବଶ୍ୟକ ନାହିଁ । କିନ୍ତୁ ବାରମ୍ବାର କୁହାଯାଉଛିଯେ ଟିକା ନେବାପରେ ଏହା ପ୍ରଭାବଶାଳୀ ହେବ ଏବଂ କୋଭିଡରୁ ବଞ୍ଚାଇବାକୁ ସକ୍ଷମ ହେବ ।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଟିକା ନେବା ପରେ ନିଜକୁ ସମ୍ପୂର୍ଣ୍ଣ ସୁରକ୍ଷିତ ଭାବି ସାମାଜିକ ନିୟମକୁ ଉଲଙ୍ଘନ ନ କରି ନିଜ ସହିତ ଅନ୍ୟ ମାନଙ୍କୁ କିଭଳି ସଂକ୍ରମଣରୁ ରକ୍ଷା କରାଯାଇପାରିବ ସାଥିପ୍ରତି ଧ୍ୟାନ ଦିଅନ୍ତୁ ।

IFS ଅଭୟକାନ୍ତ ପାଠକଙ୍କୁ ବାଧ୍ୟତାମୁଳକ ଅବସର ଲାଗି ରାଜ୍ୟ ସରକାରଙ୍କ ସୁପାରିସକୁ ଗ୍ରହଣ କଲେ ରାଷ୍ଟ୍ରପତି

ଭୁବନେଶ୍ୱର: ଦୁର୍ନୀତି ଅଭିଯୋଗରେ ନିଲମ୍ବିତ ହୋଇ ଜେଲରେ ଥିବା ଆଇଏଫଏସ ଅଭୟକାନ୍ତ ପାଠକଙ୍କୁ ଚାକିରିରୁ ବାଧ୍ୟତାମୁଳକ ଅବସର ରାସ୍ତା ପରିସ୍କାର ହୋଇଛି । ଏଥିପାଇଁ ରାଜ୍ୟ ସରକାର କରିଥିବା ସୁପାରିସକୁ ରାଷ୍ଟ୍ରପତି ସ୍ୱୀକୃତି ପ୍ରଦାନ କରିଛନ୍ତି ।  ଦୁର୍ନୀତି ବିରୋଧରେ ଶୂନ୍ୟ ସହନଶୀଳତା ନୀତି କ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିକଟରେ ଅଭୟକାନ୍ତ ପାଠକଙ୍କ ବାଧ୍ୟତାମୂଳକ ଅବସର ପାଇଁ ସୁପାରିଶ କରିଥିଲେ । ଯେଉଁ ସୁପାରିଶ ଉପରେ ମୋହର ମାରିଛନ୍ତି ରାଷ୍ଟ୍ରପତି ।

୧୯୮୭ ବ୍ୟାଚ ଓଡ଼ିଶା କ୍ୟାଡରର ଆଇଏଫଏସ୍ ଅଫିସର ହେଉଛନ୍ତି ଅଭୟକାନ୍ତ ପାଠକ । ଯାହାଙ୍କ ବିରୋଧରେ ଦୁର୍ନୀତି ଅଭିଯୋଗ ରହିଛି । ଅଭୟକାନ୍ତ ନିଜ ପଦବୀର ଅପବ୍ୟବହାର କରି ଦୁର୍ନୀତିରେ ଲିପ୍ତ ଥିବା ପ୍ରମାଣ ମିଳିବା ପରେ ତାଙ୍କ ବିରୋଧରେ ମାମଲା ରୁଜ୍ଜ ହୋଇଥିଲା । ପାଠକଙ୍କୁ ଚାକିରିରୁ ନିଲମ୍ବିତ କରିବା ସହିତ ତାଙ୍କୁ ବାଧ୍ୟତାମୁଳକ ଅବସର ପ୍ରଦାନ ପାଇଁ ରାଜ୍ୟ ସରକାର ସୁପାରିସ କରିଥିଲେ ।

ସୂଚନାଯୋଗ୍ୟ ଯେ, ଓଡ଼ିଶା ଭିଜିଲାନ୍ସ ଅଭୟକାନ୍ତ ଓ ତାଙ୍କ ପୁଅ ଆକାଶ ପାଠକଙ୍କୁ ଦୁର୍ନୀତି ଅଭିଯୋଗରେ ଗିରଫ ହେବା ପରେ ଜେଲରେ ଅଛନ୍ତି ।  ଅଭୟକାନ୍ତ ନିଜ କଳା ଟଙ୍କାକୁ ପୁଅ ବ୍ୟାଙ୍କ୍ ଆକାଉଣ୍ଟରେ ଡିପୋଜିଟ୍ କରୁଥିଲେ । ଏହା ସହ ପୁଅ ଆକାଶ ପାଠକ ନିଜକୁ ଟାଟା ମୋଟର୍ସର ଏମଡି ଭାବେ ପରିଚୟ ଦେଇ ଲୋକଙ୍କୁ ଠକୁଥିଲେ ।

ଗତବର୍ଷ ଲକଡାଉନ୍ କାଳରେ ପାଠକ ଚାର୍ଟାଡ୍ ପ୍ଲେନରେ ବୁଲୁଥିବା ଘଟଣା ମଧ୍ୟ ସାମ୍ନାକୁ ଆସିଥିଲା । ଏପରିକି ଯେଉଁ ଟ୍ରାଭେଲ ଏଜେନ୍ସିଠାରୁ ଚାର୍ଟାଡ୍ ପ୍ଲେନ୍ ଆସିଥିଲା ତାକୁ ବକେୟା ରାଶି ମଧ୍ୟ ସେ ଦେଇନଥିବା ଅଭିଯୋଗ ହୋଇଥିଲା । ଜଣେ ସରକାରୀ ଚାକିରିଆ ହୋଇ ଅଭୟ ବାଉନ୍ସରଙ୍କ ଗହଣରେ ଚାର୍ଟାଡ୍ ପ୍ଲେନରେ ବୁଲିବା ସେତେବେଳେ ଚହଳ ସୃଷ୍ଟି କରିଥିଲା ।

 

ବିଧାନସଭା ନିର୍ବାଚନ ହାରିବା ପରେ ମଧ୍ୟ କ’ଣ ମୁଖ୍ୟମନ୍ତ୍ରୀ ହୋଇ ପାରିବେ ମମତା ? କ’ଣ କହୁଛି ସମ୍ବିଧାନ ଜାଣନ୍ତୁ

ନୂଆଦିଲ୍ଲୀ: ପଶ୍ଚିମବଙ୍ଗ ବିଧାନସଭା ନିର୍ବାଚନର ଫଳାଫଳରେ ତୃଣମୂଳ କଂଗ୍ରେସ ଏକ ବଡ଼ ଧରଣର ବିଜୟ ହାସଲ କରିଛି । ବିଧାନସଭା ନିର୍ବାଚନରେ ତୃଣମୂଳ କଂଗ୍ରେସ ହୁଏତ ବିଜେପିକୁ ପରାସ୍ତ କରିଛି କିନ୍ତୁ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ନନ୍ଦିଗ୍ରାମରୁ ହାର ମାନିବାକୁ ପଡ଼ିଛି । ପଶ୍ଚିବଙ୍ଗର ସବୁଠାରୁ ହଟ୍‌ସିଟ୍‌କୁହାଯାଉଥିବା ନନ୍ଦିଗ୍ରାମକୁ ନେଇ ଯେଉଁଭଳି ଅନୁମାନ କରାଯାଉଥିଲା, ଫଳାଫଳ ମଧ୍ୟ ସେହିଭଳି ସାମ୍ନାକୁ ଆସିଲା । ଆରମ୍ଭରୁ ତ ଅନୁମାନ ଲଗାଇବା କଷ୍ଟ ହୋଇଗଲାଯେ, ନନ୍ଦିଗ୍ରାମରେ କିଏ ବାଜି ମାରିଛି? ଶୁଭେନ୍ଦୁ ଅଧିକାରୀ ନା ମମତା ବାନାର୍ଜୀ?

ନ୍ୟୁଜ୍‌ଏଜେନ୍ସି ANI ପ୍ରଥମେ ମମତା ବାନାର୍ଜୀ ଜିତିଥିବା ଦାବି କରିଥିଲା, କିନ୍ତୁ ରବିବାର ସଂନ୍ଧ୍ୟାରେ ମମତା ବାନାର୍ଜୀ ନନ୍ଦିଗ୍ରାମରେ ପରାଜୟକୁ ସ୍ୱୀକାର କଲେ ।

ଏହି ମଧ୍ୟରେ ତୃଣମୂଳ କଂଗ୍ରେସର ଗୋଟିଏ ଟୁଇଟ୍‌ ନନ୍ଦିଗ୍ରାମରେ ବିଜୟ ପରାଜୟକୁ ନେଇ ଅଧିକ ଭ୍ରମ ସୃଷ୍ଟି କଲା ଯେତେବେଳେ ପାର୍ଟି ପକ୍ଷରୁ କୁହାଗଲାଯେ, ଏବେ ମଧ୍ୟ ମତଗଣନା ଜାରି ରହିଛି । ତେବେ ସବୁଠାରୁ ବଡ଼ ପ୍ରଶ୍ନ ହେଉଛି, ଯେ ଯଦି ମମତା ବାନାର୍ଜୀ ନନ୍ଦିଗ୍ରାମରୁ ହାରି ସାରିଛନ୍ତି, ତଥାପି କ’ଣ ସେ ମୁଖ୍ୟମନ୍ତ୍ରୀ ଭାବରେ କ୍ଷମତାରେ ରହିବେ? ନିର୍ବାଚନ ବିଶ୍ଲେଷକଙ୍କ କହିବା ହେଉଛି, ସେ ନିଶ୍ଚିତ ଭାବରେ ପୁଣିଥରେ ପଶ୍ଚିମବଙ୍ଗରେ ଶାସନ କରିବେ ।

ଯଦି ଭାରତର ବଡ଼ ରାଜ୍ୟ ମାନଙ୍କ ବିଷୟରେ ଆଲୋଚନା କରିବା ତେବେ ମୁଖ୍ୟମନ୍ତ୍ରୀ ନିତୀଶ କୁମାର, ଯୋଗୀ ଆଦିତ୍ୟନାଥ ଏବଂ ଉଦ୍ଧବ ଠାକରେ ସମସ୍ତେ ନିଜ ନିଜ ରାଜ୍ୟର ବିଧାନସଭା ପରିବର୍ତ୍ତେ ବିଧାନ ପରିଷଦର ସଦସ୍ୟ । ମୋଟାମୋଟି ଭାବରେ କହିପାରିବାଯେ, ମୁଖ୍ୟମନ୍ତ୍ରୀ ହେବାପାଇଁ ସେମାନେ ବିଧାନସଭା ନିର୍ବାଚନ ଜିତିନଥିଲେ । ଏମାନଙ୍କ ମଧ୍ୟରୁ ନିତୀଶ କୁମାର ଜଣେ ମାତ୍ର ମୁଖ୍ୟମନ୍ତ୍ରୀ ଯିଏ କି ବିହାରରେ ୩୬ ବର୍ଷ ପୂର୍ବରୁ ବିଧାନସଭା ନିର୍ବାଚନ ଲଢିଥିଲେ ।

ଅନ୍ୟପଟେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ କେବେ ମଧ୍ୟ ସାଧାରଣ ନିର୍ବାଚନ ଲଢି ନାହାଁନ୍ତି । କିନ୍ତୁ ମମତା ବାନାର୍ଜୀଙ୍କ କଥା ଅଲଗା । କାରଣ ପଶ୍ଚିବଙ୍ଗରେ ବିଧାନ ପରିଷଦ ନାହିଁ ।

ଧାରା ୧୬୪ ଅନୁସାରେ, ଯଦି କୌଣସି ବ୍ୟକ୍ତି ୬ ମାସ ପର୍ଯ୍ୟନ୍ତ ବିଧାନସଭାର ସଦସ୍ୟ ନ ରୁହନ୍ତି ତେବେ ଛଅମାସ ସମୟସୀମା ଶେଷ ହୋଇଯିବା ପରେ ମନ୍ତ୍ରୀ ହୋଇପାରିବେ ନାହିଁ । ଏହାର ଅର୍ଥ ମମତା ବାନାର୍ଜୀଙ୍କ ନିକଟରେ ବିଧାୟକ ହେବାପାଇଁ ଛଅମାସର ସମୟ ରହିଛି । ପଶ୍ଚିବଙ୍ଗରେ ବିଧାନ ପରିଷଦ ନଥିବାରୁ ଏଭଳି ସ୍ଥିତିରେ ମମତା ବାନାର୍ଜୀଙ୍କୁ ଛଅ ମାସ ମଧ୍ୟରେ କୌଣସି ଖାଲି ସିଟରୁ ନାମାଙ୍କନ ଦାଖଲ କରିବା ସହ ଉପନିର୍ବାଚନ ଜିତି ବିଧାୟକ ହେବାକୁ ପଡ଼ିବ ।