ଭୁବନେଶ୍ୱର: ଆସନ୍ତା ଏପ୍ରିଲ ୧୭ରେ ମହାନ ଜନନାୟକ ସ୍ବର୍ଗତ ବିଜୁ ପଟ୍ଟନାୟକଙ୍କ ତିରୋଧାନ ଦିବସ । ପ୍ରତ୍ୟେକ ବର୍ଷ ଏହି ଦିନକୁ ବିଜୁ ଜନତା ଦଳ ନିରାଡମ୍ବର ଭାବେ ପାଳନ କରିଆସୁଛି । ଚଳିତ ବର୍ଷ ପ୍ରବାଦ ପୁରୁଷଙ୍କ ପବିତ୍ର ଶ୍ରାଦ୍ଧ ଦିବସରୁ ରାଜ୍ୟସ୍ତରରେ ଏବଂ ପ୍ରତ୍ୟେକ ନିର୍ବାଚନମଣ୍ଡଳୀରେ କୋଭିଡ କଟକଣାରେ ପାଳନ କରିବାକୁ ଦଳର ସବୁ ରାଜ୍ୟ କର୍ମକର୍ତ୍ତାଙ୍କୁ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଦିବସରେ ପ୍ରତ୍ୟେକ ସଦସ୍ୟ ବିଜୁ ବାବୁଙ୍କ ଅଭିଳାଷିତ ଓଡ଼ିଶା ଗଠନ ପାଇଁ ଏକ ମନ ଏକ ପ୍ରାଣ ହୋଇ କାର୍ଯ୍ୟ କରିବାକୁ ସଂଙ୍କଳ୍ପ ନେବେ । ଓଡିଶା ‘ମୋ ପରିବାର’ ପକ୍ଷରୁ ଜୀବନବିନ୍ଦୁ କାର୍ଯ୍ୟକ୍ରମ ଜରିଆରେ ରକ୍ତଦାନ ଶିବିର ପ୍ରତ୍ୟେକ ନିର୍ବାଚନମଣ୍ଡଳୀରେ ଅନୁଷ୍ଠିତ ହେବ । ରାଜ୍ୟ ଏବେ କଷ୍ଟକର ସମୟ ଦେଇ ଗତି କରୁଛି । ବିଜୁ ବାବୁ ସବୁବେଳେ ଲୋକ ସେବାକୁ ସର୍ବାଧିକ ଗୁରୁତ୍ବାରୋପ ଦେଉଥିଲେ । କୋଭିଡ ସମୟରେ ତାଙ୍କ ଏହି ସେବା ମନୋଭାବକୁ ଆହୁରି ପରିବର୍ଦ୍ଧିତ କରିବା । ସମଗ୍ର ଓଡିଶାକୁ ଗୋଟିଏ ପରିବାର ଭାବେ ବିବେଚନା କରି ନିଜର ସାରା ଜୀବନ ଓଡ଼ିଶାବାସୀଙ୍କ କଲ୍ୟାଣ ଏବଂ ସଶକ୍ତିକରଣ ପାଇଁ ଉତ୍ସର୍ଗ କରିଥିବା ବିଜୁବାବୁଙ୍କ ପ୍ରତି ଏହା ହିଁ ଆମର ଶ୍ରେଷ୍ଠ ଶ୍ରଦ୍ଧାଞ୍ଜଳି ହେବ । ୧୭ରେ ପିପିଲି ଉପନିର୍ବାଚନ ଥିବାରୁ ପୁରୀରେ ପାଳିତ ହେବନି ।
ଆର୍ଯ୍ୟ ସମାଜ ପକ୍ଷରୁ ଭଦ୍ରକରେ ନବବର୍ଷ ପାଳିତ
ଭଦ୍ରକ: ଚୈତ୍ର ଶୁକ୍ଳ ପ୍ରତିପଦା ଜାତୀୟ ନବବର୍ଷ । ଏହି ଦିନ ସୃଷ୍ଟି ରଚନା ଆରମ୍ଭ ହୋଇଥିଲା ବୋଲି ବେଦାନୁକପଳ ଶାସ୍ତ୍ରରେ ପ୍ରମାଣ ଅଛି । ଆମେ ମହାପୁରୁଷଙ୍କ ନାମରେ ବର୍ଷ ପ୍ରଚଳନ କରିଥିଲେ ବି ସୃଷ୍ଟିର ଆଦ୍ୟ ଦିବସର ମହତ୍ତ୍ବକୁ ଉପଲବ୍ଧି କରିବା ଉଚିତ ବୋଲି ଆର୍ଯ୍ୟ ସମାଜ, ଭଦ୍ରକ ପକ୍ଷରୁ ପ୍ରତିଷ୍ଠା ଦିବସ ପାଳନ ଅବସରରେ ବକ୍ତାମାନେ ମତପୋଷଣ କରିଥିଲେ । ବେଦ ପ୍ରବକ୍ତା ପଣ୍ଡିତ ବୀରେନ୍ଦ୍ର କୁମାର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ବିଶିଷ୍ଟ ସ୍ତମ୍ବକାର ଅଭୟ ଦ୍ବିବେଦୀ ଆର୍ଯ୍ୟ ସମାଜ ପ୍ରତିଷ୍ଠାର ଉଦ୍ଦେଶ୍ୟ ଓ ସ୍ବାଧୀନତା ପାଇଁ ଆର୍ଯ୍ୟ ସମାଜର ଦାନ ସହ ଜାତୀୟ ନବବର୍ଷ ବିଷୟରେ ଆଲୋକପାତ କରିଥିଲେ । ଆର୍ଯ୍ୟ ସମାଜର ସମ୍ପାଦକ ଲକ୍ଷ୍ମୀଧର ପଣ୍ଡା ଦିବସର ମହତ୍ତ୍ୱ ପ୍ରକାଶ କରିଥିଲେ ଓ ସଭାପତି ସୁଶୀଳାରାଣୀ ଗୁପ୍ତା ସ୍ବାଗତ ଭାଷଣ ଦେଇଥିଲେ । ସଭା ପୂର୍ବରୁ ବିଶିଷ୍ଟ ଅତିଥି ସମାଜସେବୀ, ସହିଦ ଭଗତ ସେନାର ଆବାହକ ସୀତାଂଶୁ ଶେଖର ମହାପାତ୍ର ସମାଜ ପାଇଁ ଏକ ନୂତନ ଭବ୍ୟ ଯଜ୍ଞଶାଳା ନିର୍ମାଣ ପାଇଁ ଶିଳାନ୍ୟାସ କରିଥିଲେ ଓ ସମାଜର ସଦସ୍ୟ ଜୀତେନ୍ଦ୍ର ଲେଙ୍କା, ଓମ୍ ପ୍ରକାଶ ସେନାପତି, ପ୍ରିନସ୍ ପ୍ରୀତମ ଲେଙ୍କା, ବୈଦିକ ଭଜନ ପରିବେଷଣ କରିଥିଲେ ଓ ସମିଧା ନାୟକ, ଆର୍ଯ୍ୟ କୁମାର ଦେବଦତ୍ତ ଆର୍ଯ୍ୟ ସମାଜର ୧୦ ନିୟମ ଓ ବିନୟ ପ୍ରାର୍ଥନା ପାଠ କରିଥିଲେ । ଏହି କାର୍ଯ୍ୟକ୍ରମକୁ ସହ ସମ୍ପାଦକ ରବି ନାରାୟଣ ଲେଙ୍କାଙ୍କ ତତ୍ତ୍ବାବଧାନରେ ନନ୍ଦ କିଶୋର ସାହୁ, କାଶୀନାଥ ସାହୁ, ରାଜକିଶୋର ସାହୁ ଆଦି ପରିଚାଳନା କରିଥିଲେ । ଉକ୍ତ ସଭାରେ ଭଦ୍ରକ ଜିଲ୍ଲାର ବିଶିଷ୍ଟ ଜନସାଧାରଣ ଯୋଗଦାନ କରିଥିଲେ ।
ଆମେରିକା, ୟୁରୋପ ଓ WHO ଦ୍ୱାରା ସ୍ୱୀକୃତି ପ୍ରାପ୍ତ ସବୁ ଟିକାକୁ ଭାରତରେ ମିଳିବ ଅନୁମତି
ନୂଆଦିଲ୍ଲୀ: ଦେଶରେ କରୋନାର ଦ୍ୱିତୀୟ ପର୍ଯ୍ୟାୟ ଆତଙ୍କ ଖେଳାଇ ଦେଇଛି । ଅନେକ ରାଜ୍ୟ ଟିକା ଅଭାବ କଥା ଉଠାଉଛନ୍ତି । କେନ୍ଦ୍ର ଟିକା ଯୋଗାଇ ଦେବାରେ ବିଫଳ ହୋଇଛି ବୋଲି ଅଭିଯୋଗ ହେଲାଣି । ଏହାରି ଭିତରେ ଟିକା ଅଭାବ ଦୂର କରିବା ପାଇଁ କେନ୍ଦ୍ର ସରକାର ମଙ୍ଗଳବାର ଦିନ ଏକ ବଡ଼ ପଦକ୍ଷେପ ନେଇଛନ୍ତି । କେନ୍ଦ୍ର ସରକାର ସେହି ସବୁ ଟିକାକୁ ଭାରତରେ ବ୍ୟବହାର ପାଇଁ ଅନୁମତି ଦେଇଛନ୍ତି ଯାହାକୁ ଆମେରିକା, ବିଶ୍ୱସ୍ୱାସ୍ଥ୍ୟ ସଂଗଠନ, ବ୍ରିଟେନରେ ଜରୁରୀକାଳିନ ମଞ୍ଜୁରୀ ମିଳିଛି । ବିଶ୍ୱ ସ୍ୱାସ୍ଥ୍ୟ ସଂଗଠନ,ୟୁରୋପିଆନ୍ ମେଡିକାଲ ଏଜେନ୍ସି, ବ୍ରିଟେନ୍ PMDA,MHRA ଯେଉଁ ସବୁ ଟିକାର ଜରୁରୀ କାଳିନ ବ୍ୟବହାର ପାଇଁ ମଞ୍ଜୁରୀ ଦେଇଛନ୍ତି ତାକୁ ଭାରତରେ ବ୍ୟବହାର କରାଯାଇପାରିବ । ଏହା ପୂର୍ବରୁ ଋଷ୍ ନିର୍ମିତ ସ୍ପୁଟନିକ୍-ଭି ଟିକାକୁ ଦେଶରେ ଜରୁରୀକାଳୀନ ବ୍ୟବହାର ପାଇଁ କେନ୍ଦ୍ର ସରକାର ଅନୁମତି ଦେଇଥିଲେ ।
ସୂଚନାଯୋଗ୍ୟ ଯେ, କରୋନାର ଦ୍ୱିତୀୟ ପର୍ଯ୍ୟାୟ ପ୍ରଥମ ପର୍ଯ୍ୟାୟଠାରୁ ଅଧିକ ଭୟଙ୍କର ରୂପ ନେଇଛି । ଗତବର୍ଷ ଏପ୍ରିଲ ମାସ ୧୩ ତାରିଖରେ ଭାରତରେ ମୋଟ ସଂକ୍ରମିତଙ୍କ ସଂଖ୍ୟ ୧୦ ହଜାର ଥିବା ବେଳେ ଚଳିତ ବର୍ଷ ଏପ୍ରିଲ ୧୩ ତାରିଖରେ ଏହି ସଂଖ୍ୟା ଏକ ଲକ୍ଷରୁ ଅଧିକ ।
ଏହା ଭିତରେ ଟିକା ଅଭାବକୁ ନେଇ କେନ୍ଦ୍ର ସରକାରଙ୍କୁ ବିରୋଧୀ ଘେରିବାରେ ଲାଗିଛନ୍ତି । କେନ୍ଦ୍ର ସରକାର ଟିକା ଯୋଗାଇ ଦେବାରେ ବିଫଳ ହୋଇଛନ୍ତି ବୋଲି ବିରୋଧୀ ସମାଲୋଚନା କରୁଛନ୍ତି । ନିକଟରେ ରାହୁଲ ଗାନ୍ଧୀ କହିଥିଲେ ଯେ, ଥାଳି ପିଟିବା ଓ ଟିକା ଉତ୍ସବ କରିବା ବଦଳରେ ଲୋକଙ୍କୁ ସରକାର ଟିକା ଯୋଗାଇ ଦିଅନ୍ତୁ ।
Pakistan France Tension: ଫ୍ରାନ୍ସ ବିରୁଦ୍ଧରେ ମୌଳବାଦୀଙ୍କୁ ଖୋଲାଖୋଲି ସମର୍ଥନ କରୁଛି ପାକ୍ ସେନା, ଭିଡିଓ ଭାଇରାଲ୍
ଇସଲାମାବାଦ: ପାକିସ୍ତାନରେ ପ୍ରାନ୍ସ ରାଷ୍ଟ୍ରଦୂତଙ୍କୁ ଦେଶରୁ ବାହାର କରିବା ପ୍ରସଙ୍ଗକୁ ନେଇ ଅସାନ୍ତ ହୋଇପଡ଼ିଛି ପାକିସ୍ତାନ। ଏ ନେଇ ମୋଳବାଦୀ ପାର୍ଟିଗୁଡ଼ିକ ଇମରାନ ସରକାରଙ୍କୁ ଘେରିଛନ୍ତି । ସୋମବାର ମୋଳବାଦୀ ଦଳର ତହରିକ-ଏ-ଲବୈକ୍ ର ହଜାର ହଜାର କର୍ମୀ ଫ୍ରାନ୍ସ ସହ ସମ୍ପର୍କ ଭାଙ୍ଗିବାକୁ ଦାବି କରି ଲୋହୋରର ରାଜରାସ୍ତାରେ ବିରୋଧ ପ୍ରଦର୍ଶନ କରିଥିଲେ। ତେବେ ଏହିସମୟରେ ବିକ୍ଷୋଭକାରୀ ଏବଂ ପୋଲିସ ମଧ୍ୟରେ ସଂଘର୍ଷ ହୋଇଥିଲା ଯେଉଁଥିରେ ଦୁଇ ଜଣଙ୍କର ମୃତ୍ୟୁ ବି ହୋଇଛି। ଲେକଙ୍କୁ ଦେଖେଇବା ପାଇଁ ପୋଲିସ ଏହି ମୌଳବାଦୀ ଦଳର ନେତା ସାଦ ହୁସେନ୍ ରିଜଭିଙ୍କୁ ଗିରଫ ତ କରିଛି, କିନ୍ତୁ ପାକିସ୍ତାନୀ ସେନା ଯବାନଙ୍କ ଏକ ଭିଡିଓ ଏମାନଙ୍କର ମିଲିଭଗତର ପର୍ଦ୍ଦାଫାସ କରିଦେଇଛି।
ଖୋଲିଲା ପାକ୍ ସେନାର ଅସଲ ମୁଖା:
ସୋସିଆଲ ମିଡିଆରେ ପାକିସ୍ତାନ ଯବାନଙ୍କର ଏକ ଭିଡିଓ ଏବେ ଭାଇରାଲ ହେଉଛି। ଏଥିରେ ପାକ୍ ସେନାର ଯବାନମାନେ ତହରିକ-ଏ-ଲବୈକ୍ ଦଳର କର୍ମୀମାନଙ୍କ ମଧ୍ୟରେ ନାରା ଲଗାଉଥିବା ଦେଖିବାକୁ ମିଳିଛି। ଭିଡିଓରେ ଏକ ଖୋଲା ଜିପରେ ଆର୍ମି ପୋଷାକରେ ଗନ ସହ ଯବାନମାନେ ଏହି ମୌଳବାଦୀ ବିକ୍ଷୋଭକାରୀଙ୍କ ସହ ନାରା ଲଗାଉଥିବା ଦେଖିବାକୁ ମିଳିଛି । ଆଉ ବିକ୍ଷୋଭକାରୀମାନେ ବି ଯବାନଙ୍କ ସହ ତାଳ ଦେଇ ‘ପାକ୍ ସେନା ଜିନ୍ଦାବାଦ’ର ନାରା ଲଗାଉଛନ୍ତି ଯାହାକି ସାରା ବିଶ୍ୱ ଆଗରେ ପାକ୍ ସେନାର ଅସଲ ମୁଖା ଖୋଲିଦେଇଛି।
"No good can be expected from outside until we put own house in order," Gen Bajwa.
pic.twitter.com/3EKnSD6ZiW— Naila Inayat (@nailainayat) April 12, 2021
ଲାହୋର ପୋଲିସର ମୁଖ୍ୟ ଗୁଲାମ ମହମ୍ମଦ ଡୋଗର କହିଛନ୍ତି ଯେ ଆଇନ ଶୃଙ୍ଖଳା ରକ୍ଷା ପାଇଁ ରିଜଭିଙ୍କୁ ଗିରଫ କରାଯାଇଛି। ତେବେ ରିଜଭି କହିଛନ୍ତି ଯେ ଫ୍ରାନ୍ସରେ ପୈଗମ୍ବର ମହମ୍ମଦଙ୍କ ବିକୃତ ଛବି ପ୍ରକାଶନ ପ୍ରସଙ୍ଗରେ ଫ୍ରାନ୍ସ ରାଷ୍ଟ୍ରଦୂତଙ୍କୁ ଏପ୍ରିଲ ୨୦ପୂର୍ବରୁ ଦେଶରୁ ବହିଷ୍କାର କରାଯିବ ବୋଲି ସରକାର ପ୍ରତିଶ୍ରୁତି ଦେଇଛନ୍ତି। ହେଲେ ସରକାର କହିଛନ୍ତି ଯେ ସେ କେବଳ ସଂସଦରେ ଏହି ପ୍ରସଙ୍ଗରେ ଆଲୋଚନା କରିବାକୁ ପ୍ରତିଶ୍ରୁତି ଦେଇଛନ୍ତି।
ପାକ୍ ସଂସଦରେ ଫ୍ରାନ୍ସ ରାଷ୍ଟ୍ରଦୂତଙ୍କୁ ବହିଷ୍କାର ପ୍ରସ୍ତାବ:
ମୌଳବାଦୀଙ୍କ ଭୟରେ ଇମ୍ରାନ ସରକାର ପାକ୍ ସଂସଦରେ ପ୍ରାନ୍ସ ରାଷ୍ଟ୍ରଦୂତଙ୍କୁ ଦେଶରୁ ବିଦା କରିବାକୁ ଏକ ପ୍ରସ୍ତାବ ରଖିଛନ୍ତି। ପ୍ରଧାନମନ୍ତ୍ରୀ ଇମରାନ ଖାନଙ୍କ ଅଧକ୍ଷତାରେ ବସିଥିବା ବୈଠକରେ ଏ ନେଇ ନିଷ୍ପତ୍ତି ହୋଇଛି। ବୌଠକରେ ପାକ୍ ଆଇନ ମନ୍ତ୍ରୀ ଫରୋଜ ନସିମଙ୍କ ସମେତ ବହୁ ବଡ଼ ବଡ଼ ଅଧିକାରି ମାନେ ଉପସ୍ଥିତ ଥିଲେ।
ପ୍ରାନ୍ସ ଉପରେ କାହିଁକି ରାଗ?
ନିକଟରେ ଫ୍ରାନ୍ସର ପତ୍ରିକା ‘ଚାର୍ଲି ହେବଡୋ’ରେ ଇସଲାମ ଧର୍ମର ପ୍ରଚାରକ ବା ପେଗମ୍ବର ମହମ୍ମଦ ସାହେବଙ୍କର ଏକ ବିବାଦୀୟ କାର୍ଟୁନ୍ ପ୍ରକାଶିତ ହୋଇଥିଲା । ଯାହାକୁ ନେଇ ପାକିସ୍ତାନର ଏହି କଟ୍ଟରପନ୍ଥିମାନେ ଫ୍ରାନ୍ସ ଉପରେ କ୍ଷୁବ୍ଧ ହୋଇଛନ୍ତି। କେବଳ ଏତିକି ନୁହେଁ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋନଙ୍କର ଇସଲାମିକ ଆତଙ୍କବାଦ ଉପରେ ଦେଇଥିବା ବୟାନକୁ ନେଇ ମଧ୍ୟ ପାକିସ୍ତାନ ସଂସଦରେ ଏକ ନିନ୍ଦା ପ୍ରସ୍ତାବ ପାରିତ ହୋଇଛି।
କୋଇଲା ଓ୍ୱାଗନ୍ରେ ପୋତି ହୋଇ ଯାଇଥିଲେ ଯୁବକ: ଦେବଦୂତ ସାଜି ପହଞ୍ଚିଲେ ଶ୍ରମିକ
ଅନୁଗୁଳ: କୋଇଲା ଖଣିରେ ଅଘଟଣ । ନିଶ୍ଚିତ ମୃତ୍ୟୁରୁ ବର୍ତ୍ତିଗଲେ ଯୁବକ । କୋଇଲା ବଗିରୁ ଉଦ୍ଧାର ହେଲେ ଯୁବକ । କୋଇଲା ଡବାରୁ ଭିତରେ ପୋତି ହୋଇ ଯାଇଥିବା ବେଳେ ଅଳ୍ପକେ ବର୍ତ୍ତିଗଲେ । ଘଟଣାନୁଯାୟୀ, ଅନୁଗୁଳ ଜିଲ୍ଲା ତାଳଚେର ଅନନ୍ତ କୋଇଲା ଖଣିରେ ରେଳ ୱାଗନରେ କୋଇଲା ଲୋଡ଼ ହୋଇ ପରିବହନ ପାଇଁ ପ୍ରସ୍ତୁତ ହେଉଥିଲା । ଏହି ସମୟରେ ଏକ ଚିତ୍କାର ଶୁଭିଥିଲା । କିଏ କେଉଁଠି ଚିତ୍କାର କରୁଛି ଖୋଜିବା ବେଳେ ଜଣେ ବ୍ୟକ୍ତିଙ୍କ ଶରୀର ସମ୍ପୂର୍ଣ୍ଣ କୋଇଲାରେ ଘୋଡ଼ାଇ ହୋଇଯାଇଥିବା ବେଳେ କେବଳ ମୁଣ୍ଡର ଉପର ଅଂଶ ଦେଖାଯାଉଥିଲା । ଶ୍ରମିକ ମାନେ ଯୁବକଙ୍କୁ ଦେଖିବା ପରେ ତୁରନ୍ତ କୋଇଲା ଲୋଡିଂ ବନ୍ଦ କରିଥିଲେ । ଏହା ପରେ କର୍ତ୍ତୃପକ୍ଷଙ୍କୁ ଖବର ଦେଇ ଉଦ୍ଧାର କରିବାକୁ ଚେଷ୍ଟା ଆରମ୍ଭ କରିଥିଲେ । ପ୍ରାୟ ୧ ଘଣ୍ଟାର ପରିଶ୍ରମ ପରେ ସମ୍ପୃକ୍ତ ବ୍ୟକ୍ତିଙ୍କୁ ଉଦ୍ଧାର କରାଯାଇଥିଲା । ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ସେଣ୍ଟ୍ରାଲ ହସ୍ପିଟାଲରେ ଭର୍ତ୍ତି କରାଯାଇଛି । ଖଣିରେ ଢିଲା ସୁରକ୍ଷା ବ୍ୟବସ୍ଥା ଓ ଖଣି କର୍ତ୍ତୃପକ୍ଷଙ୍କ ଅବହେଳା ପାଇଁ ଏଭଳି ଘଟଣା ଘଟିଥିବା ଅଭିଯୋଗ ହୋଇଥିବା ବେଳେ ଭାଗ୍ୟ ବଳରେ ବ୍ୟକ୍ତି ଜଣଙ୍କ ଏକ ନିଶ୍ଚିତ ମୃତ୍ୟୁରୁ ବର୍ତ୍ତି ଯାଇଥିବା ଆଲୋଚନା ହେଉଛି ।
ଏଥିସହିତ ପଢ଼ନ୍ତୁ: ଭର୍ତ୍ତୃହରିଙ୍କୁ ଧର୍ମେନ୍ଦ୍ରଙ୍କ ପ୍ରଶଂସା: ପ୍ରଣବ କହିଲେ, ‘ଆଡଭାନୀ ଓ ମୂରଲୀ ମନୋହରଙ୍କ ଦକ୍ଷତାର ସଦୁପଯୋଗ କରନ୍ତୁ’
ଭର୍ତ୍ତୃହରିଙ୍କୁ ଧର୍ମେନ୍ଦ୍ରଙ୍କ ପ୍ରଶଂସା: ପ୍ରଣବ କହିଲେ, ‘ଆଡଭାନୀ ଓ ମୂରଲୀ ମନୋହରଙ୍କ ଦକ୍ଷତାର ସଦୁପଯୋଗ କରନ୍ତୁ’
ଭୁବନେଶ୍ୱର: ଏକ ରାଜନୈତିକ ବୟାନବାଜି ଘଟଣାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ମଧୁର କଟାକ୍ଷ କରିଛନ୍ତି ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ । ଏହି କଟାକ୍ଷ ଓ ଧର୍ମେନ୍ଦ୍ରଙ୍କ ଉକ୍ତି ଏବେ ରାଜନୈତିକ ମହଲରେ ବେଶ ଚର୍ଚ୍ଚା ହୋଇଛି । ଘଟଣାଟି ହେଲା, ଏବେ ବିଜେପିର ବରିଷ୍ଠ ନେତା ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେଡି ସାଂସଦ ଭର୍ତ୍ତୃହରି ମହତାବଙ୍କ ଉପରେ ଆବଶ୍ୟକତା ଠାରୁ ଅଧିକ ଫିଦା । ଉତ୍କଳ କେଶରୀ ଡା. ହରେକୃଷ୍ଣ ମହତାବଙ୍କ ରଚିତ ଓଡ଼ିଶା ଇତିହାସ ପୁସ୍ତକର ହିନ୍ଦୀ ଅନୁବାଦକୁ କିଛି ଦିନ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉନ୍ମୋଚିତ କରିବା ପରଠୁ ବିଜେପିର ଭର୍ତ୍ତୃହରି ପ୍ରୀତି ଦେଖିବାକୁ ମିଳୁଛି ।
ସୋମବାର ଦିନ ପ୍ରଜାତନ୍ତ୍ର ପ୍ରଚାର ସମିତି ପକ୍ଷରୁ କଟକ ଠାରେ ଆୟୋଜିତ ବିଷୁବ ମିଳିନ କାର୍ଯ୍ୟକ୍ରମରେ ମଧ୍ୟ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗ ଦେଇଥିଲେ । ଏଠାରେ ନିଜ ଅଭିଭାଷଣ ପ୍ରଦାନ ବେଳେ ଭର୍ତ୍ତୃହରି ମହତାବଙ୍କୁ ଜଣେ ପ୍ରାଜ୍ଞ ଓ ବିଜ୍ଞ ବ୍ୟକ୍ତି ବୋଲି ବର୍ଣ୍ଣନା କରିଥିଲେ । କେବଳ ସେତିକି ନୁହେଁ, ଭର୍ତ୍ତୃହରିଙ୍କ ପ୍ରଜ୍ଞା ଓ ଜ୍ଞାନକୁ ବିଜେଡି କାହିଁକି କାମରେ ଲଗାଇ ନାହିଁ ବୋଲି ପ୍ରଶ୍ନ କରିଥିଲେ ।
ଭାଇ @dpradhanbjp, ଆପଣ କଲମ୍ଵସ ପରି ଭର୍ତ୍ତୃହରି ବାବୁଙ୍କ ବୁଦ୍ଧି ଓ ଅଭିଜ୍ଞତାର ଆବିଷ୍କାର କରିଛନ୍ତି। ମୋର ଅନୁରୋଧ, ଆପଣ ଲାଲକୃଷ୍ଣ ଆଡଭାନୀ ଜୀ ଓ ମୂରଲୀ ମନୋହର ଯୋଶୀ ଜୀଙ୍କ ଅମାପ ଅଭିଜ୍ଞତା ଓ ଦକ୍ଷତାର ମଧ୍ୟ ସେଇଭଳି ସଦୁପଯୋଗ କରନ୍ତୁ। ସେମାନେ ମଧ୍ୟ ଯଥେଷ୍ଟ ବୁଦ୍ଧିମାନ ଓ ବିଜେପି ପାଇଁ ସମର୍ପିତ।
— Pranab Prakash Das (@pranabpdas) April 13, 2021
ହେଲେ ବିଜେଡିର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଆଜି ଟ୍ବିଟରରେ ଧର୍ମେନ୍ଦ୍ରଙ୍କୁ ଏନେଇ ଏକ ମଧୁର କଟାକ୍ଷ କରିବା ଏବେ ଚର୍ଚ୍ଚାର ବିଷୟ ହୋଇଛି । ଧର୍ମେନ୍ଦ୍ରଙ୍କୁ ପ୍ରଣବ ଲେଖିଛନ୍ତି ଯେ, ଭାଇ ଆପଣ କଲମ୍ବସ ପରି ଭର୍ତ୍ତୃହରି ବାବୁଙ୍କ ଅଭିଜ୍ଞତାର ଆବିଷ୍କାର କରିଛନ୍ତି । ମୋର ଅନୁରୋଧ ଆପଣ ଲାଲକୃଷ୍ଣ ଆଡଭାନୀ ଜୀ ଓ ମୁରଲୀ ମନୋହର ଯୋଶୀଙ୍କ ଅଭିଜ୍ଞତା ଓ ଦକ୍ଷତାର ମଧ୍ୟ ସେହିପରି ସଦୁପଯୋଗ କରନ୍ତୁ । ସେମାନେ ମଧ୍ୟ ଯଥେଷ୍ଟ ବୁଦ୍ଧିମାନ ଓ ବିଜେପି ପାଇଁ ସମର୍ପିତ । ସୂଚନା ଯୋଗ୍ୟ ଯେ, ନରେନ୍ଦ୍ର ମୋଦି କ୍ଷମତାକୁ ଆସିବା ପରେ ଲାଲକୃଷ୍ଣ ଆଡଭାନୀ ଓ ମୂରଲୀ ମନୋହର ଯୋଶୀଙ୍କ ଭଳି ତୁଙ୍ଗ ନେତାଙ୍କୁ ବିଜେପି ଅଣଦେଖା କରିଆ ସୁଛି । ଏପରିକି ଲାଲକୃଷ୍ଣଙ୍କୁ ବିଜେପି ରାଷ୍ଟ୍ରପତି ପ୍ରାର୍ଥୀ ନକରିବା ବିଶେଷ ଚର୍ଚ୍ଚାର ଖୋରକ ଯୋଗାଇଥିଲା । ବସ୍ତୁତଃ ଏ ଦୁଇ ତୁଙ୍ଗ ନେତା ବିଜେପିକୁ ପରିଚୟ ଦେବା ସହ ଲୋକାଦୃତ କରାଇବାରେ ବିଶେଷ ଭୂମିକା ଗ୍ରହଣ କରିଥିଲେ । ତେବେ ଭର୍ତ୍ତୃହରିଙ୍କୁ ଧର୍ମେନ୍ଦ୍ରଙ୍କ ପ୍ରଶଂସା ଘଟଣା ଏବେ ଭିନ୍ନ ରାଜନୈତିକ ସମୀକରଣ ଆଡ଼କୁ ଇଙ୍ଗିତ କରୁଥିବା ଚର୍ଚ୍ଚା ହେଉଛି ।
କରୋନାରେ ଲାଗୁନି ବ୍ରେକ: ୨୪ ଘଣ୍ଟାରେ ୧ ଲକ୍ଷ ୬୧ ହଜାରରୁ ଅଧିକ ସଂକ୍ରମିତ
ନୂଆଦିଲ୍ଲୀ: ଡରାଉଛି ଦ୍ୱିତୀୟ ଲହର। କରୋନା କହରରେ ପ୍ରତିଦିନ ସଂକ୍ରମଣ ରେକର୍ଡ଼ ଭାଙ୍ଗୁଥିବା ବେଳେ ମୃତ୍ୟୁ ହାରରେ ରୋକ ଲାଗୁନି । ଗତ ସପ୍ତାହେ ଧରି ଲକ୍ଷେ ପାର କରୁଛି ଦୈନିକ ସଂକ୍ରମଣ । ଆଜି ଦେଶରେ ୧ ଲକ୍ଷ ୬୧ହଜାର ୭୩୬ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସଂକ୍ରମଣ ହାର ଅନୁସାରେ ସୁସ୍ଥତା ହାର ବଢୁ ନଥିବାରୁ ଚିନ୍ତା ବଢ଼ିଛି।
ଅନ୍ୟପଟେ ଗତ ୨୪ ଘଣ୍ଟାରେ ଦେଶରେ ୮୭୯ଜଣ ସଂକ୍ରମିତଙ୍କ ଜୀବନ ନେଇଛି ମହାମାରୀ। ଦେଶରେ କରୋନା ଆକ୍ଟିଭ କେସ୍ ୧୨ଲକ୍ଷ ୬୪ହଜାର ୬୯୮ ରହିଥିବା ବେଳେ ମୋଟ୍ ମୃତ୍ୟୁସଂଖ୍ୟା ୧ ଲକ୍ଷ ୭୧ହଜାର ୫୮ରେ ପହଞ୍ଚିଛି । ଗତକାଲି ୧୪ ଲକ୍ଷ ୧୨୨ ସାମ୍ପଲ ଟେଷ୍ଟ ଟେଷ୍ଟ ହୋଇଥିବା ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟସୂଚନା ଦେଇଛି। ବିଶେଷ କରି ଦିଲ୍ଲୀ, ମହାରାଷ୍ଟ୍ର, ଗୁଜୁରାଟ, ପଞ୍ଜାବ ଆଦି ୮ଟି ରାଜ୍ୟରେ କରୋନା ଭୟଙ୍କର ସ୍ଥିତିରେ ପହଞ୍ଚିଛି।
ଗୁଜୁରାଟର ଅହମ୍ମଦାବାଦରେ କରୋନା ରୋଗୀଙ୍କ ସଂଖ୍ୟା ତୀବ୍ର ଗତିରେ ବଢୁଥିବା ବେଳେ ହସ୍ପିଟାଲରେ ବେଡ୍ ଫୁଲ୍ ହେବା ଲାଗିଛି। ସେହିଭଳି ରାଜଧାନୀ ଦିଲ୍ଲୀରେ ବି ଦିଦକୁ ଦିନ ଗମ୍ଭୀର ହେଉଛି ସ୍ଥିତି। ହସ୍ପିଟାଲରେ ବେଡ୍ ଅଭାବ ଦେଖାଦେଇଥିବା ବେଳେ କଟକଣା କଡ଼ାକଡ଼ି କରିଛନ୍ତି ଦିଲ୍ଲୀ ସରକାର। ସଂକ୍ରମଣ ବଢୁଥିବା କାରଣରୁ କେତେକ ମେଟ୍ରୋ ଷ୍ଟେସନରେ ଏଣ୍ଟ୍ରି ବନ୍ଦ କରିଦିଆଯାଇଛି। ଲକ୍ଷ୍ନୌରେ ବି ସ୍ଥିତି ବିଗୁଡ଼ୁଥିବାରୁ ଲକ୍ଡାଉନ ଲାଗୁ କରିବା ନେଇ ଆଲୋଚନା କରୁଛନ୍ତି ରାଜ୍ୟ ସରକାର।
ଗଞ୍ଜାମରେ ନୂଆ କରୋନା କଟକଣା: ୨୧ ଯାଏଁ ବନ୍ଦ ରହିବ ସମସ୍ତ ଧର୍ମାନୁଷ୍ଠାନ
ବ୍ରହ୍ମପୁର: ନୂଆ କରୋନା କଟକଣା ଜାରି କଲା ଗଞ୍ଜାମ ଜିଲ୍ଲା ପ୍ରଶାସନ । ଜିଲ୍ଲାରେ ବଢ଼ୁଥିବା ସଂକ୍ରମିତ ସଂଖ୍ୟାକୁ ଆଖି ଆଗରେ ନୂଆ ଗାଇଡଲାଇନ ଜାରି କରିଛି ଜିଲ୍ଲା ପ୍ରଶାସନ । ଜିଲ୍ଲାର ସମସ୍ତ ଧାର୍ମିକ ଅନୁଷ୍ଠାନ ଆସନ୍ତା କାଲି ଠାରୁ ୨୧ ତାରିଖ ପର୍ଯ୍ୟନ୍ତ ବନ୍ଦ ରହିବ। ଏହି ବନ୍ଦ ସମୟରେ ଧାର୍ମିକ ଅନୁଷ୍ଠାନ ଗୁଡିକ ସାନିଟାଇଜ କରାଯିବ। ବନ୍ଦ ସମୟରେ କେବଳ ପୂଜକ ମାନେ ରୀତିନୀତିରେ ପୂଜା କରିପାରିବେ। ଜିଲ୍ଲାର ସମସ୍ତ ପାର୍କ, ସମୁଦ୍ର ବେଳାଭୂମି, ପଡିଆ, ହ୍ରଦ ଆସନ୍ତା କାଲି ଠାରୁ ୨୧ ତାରିଖ ପର୍ଯ୍ୟନ୍ତ ବନ୍ଦ ରହିବ। ଜିଲ୍ଲାରେ ପାଳନ ହେବ ନାହିଁ ମେରୁ ଯାତ୍ରା ଓ ପଣା ସଂକ୍ରାନ୍ତି। ଯେଉଁମାନେ ଏହି ନିୟମକୁ ଅବମାନନା କରିବେ ସେମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ। ।ଜିଲ୍ଲା ଜରୁରୀ କାଳୀନ ବିଭାଗ ପକ୍ଷରୁ ଏ ନେଇ ସୂଚିତ କରାଯାଇଛି । ସୂଚନା ଯୋଗ୍ୟ, ଗତ ୨୪ ଘଣ୍ଟା ମଧ୍ୟରେ ଜିଲ୍ଲାରେ ୮୦ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଅପରପକ୍ଷରେ ମା’ ବୁଢ଼ୀ ଠାକୁରାଣୀଙ୍କ ଅସ୍ଥାୟୀ ମଣ୍ଡପ ନିକଟରୁ କରୋନା ସଂକ୍ରମିତ ଚିହ୍ନଟ ହେବା ପରେ ଦେଶୀ ବେହେରା ସାହିକୁ ସିଲ୍ କରିଛି ପ୍ରଶାସନ । ଏବଂ ଚତୁଃପାର୍ଶ୍ୱକୁ କଣ୍ଟେନମେଣ୍ଟ ଜୋନ ଘୋଷୋଣା କରିଛି ।
6. Boudh: 4
7. Cuttack: 59
8. Deogarh: 12
9. Dhenkanal: 2
10. Gajapati: 16
11. Ganjam: 80
12. Jagatsinghpur: 7
13. Jajpur: 33
14. Jharsuguda: 10
15. Kalahandi: 68
16. Kandhamal: 13
17. Kendrapada: 18
18. Keonjhar: 54
19. Khurda: 201
20. Koraput: 10
21. Malkangiri: 1— I & PR Department, Odisha (@IPR_Odisha) April 13, 2021
ଅଳ୍ପକେ ବର୍ତ୍ତିଲେ ଯବାନ: ସୁକ୍ମା ଜିଲ୍ଲାରୁ ଆଇଇଡି ଜବତ
ମାଲକାନଗିରି: ସୀମାନ୍ତ ଛତିଶଗଡ଼ ସୁକମା ଜିଲ୍ଲାରୁ ଆଇଇଡି ଜବତ । ଅଳ୍ପକେ ବର୍ତ୍ତି ଗଲେ ଯବାନ । ମୀନାପା ଏବଂ ବୁର୍କାପାଲ ଅଞ୍ଚଳରେ ଘଟିଛି ଏହି ଘଟଣା । ସର୍ଚ୍ଚ ଅପରେସନ ବେଳେ ୧୦ କିଲୋର ଆଇଇଡି ଠାବ ହୋଇଛି । ଘଟଣାସ୍ଥଳରେ ହିଁ ଯବାନମାନେ ଅତି ସତର୍କତାର ସହିତ ଆଇଡି ବୋମା ନିଷ୍କ୍ରିୟ କରିଛନ୍ତି । ସୂଚନା ଅନୁସାରେ ରାସ୍ତା ନିର୍ମାଣ ସମୟରେ ଉଦ୍ଧାର ହୋଇଥିଲା IED ପ୍ରେସର ବୋମା ।
ସୂଚନା ଯୋଗ୍ୟ, ଗତ କିଛି ଦିନ ତଳେ ଘଟିଥିବା ଛତିଶଗଡ଼ ବିଜାପୁର ନକ୍ସଲ ଆକ୍ରମଣରେ ୨୨ ଜଣ ଯବାନଙ୍କ ହୋଇଥିଲେ । ଯାହା ଥିଲା ଚଳିତ ବର୍ଷର ସବୁଠାରୁ ବଡ଼ ନକ୍ସଲ ଆକ୍ରମଣ । ଏହି ଆକ୍ରମଣରେ ୮ ଜଣ ସିଆରପିଏଫ୍ ଯବାନ ସହିଦ ହୋଇଥିବା ବେଳେ ଜଣେ ଯବାନ ନିଖୋଜ ଅଛନ୍ତି । ସେହିଭଳି ଏଥିରେ ରାଜ୍ୟ ପୋଲିସର ୧୪ ଜଣ ଯବାନ ସହିଦ ହୋଇଛନ୍ତି ।
ନକ୍ସଲ କରିଥିବା ଏହି ଆକ୍ରମଣରେ ଦେଶୀ ରକେଟ୍ ଲଞ୍ଚର୍ ଏବଂ ଲାଇଟ୍ ମେସିନ୍ ଗନର ବ୍ୟବହାର କରିଥିଲେ । ନକ୍ସଲଙ୍କ ସବୁଠୁ ମଜଭୁତ୍ ଗଡ଼ କୁହାଯାଉଥିବା ବିଜାପୁରରେ ସୁରକ୍ଷାବାହିନୀ ସର୍ଚ୍ଚ ଅପରେସନ୍ କରିଥିଲେ । ନକ୍ସଲ ବିରୋଧୀ ଅଭିଯାନ ବେଳେ ସୂଚନା ମିଳିଥିଲା ନକ୍ସଲଙ୍କ ସବୁଠୁ ବଡ଼ ପିପୁଲ୍ସ ଗ୍ରୁପ୍ ଆର୍ମି ପ୍ଲାଟୁନ୍ ବନ (PLGA 1)ର ବଡ଼ ଦୁର୍ଦ୍ଦାନ୍ତ କମାଣ୍ଡର ହିଡମା ଥିବା ଖବର ମିଳିଥିଲା । ଆକ୍ରମଣ ସ୍ଥଳରୁ ୧ କିଲୋମିଟର ଦୂର ପୋବର୍ତ୍ତି ଗାଁରେ ହିଡମା ଥିବା ଖବର ପରେ ସିଆରପିଏଫ୍ ଓ ଛତିଶଗଡ଼ ପୋଲିସର DRG ଏକ ମିଳିତ ଅପରେସନ୍ ଆରମ୍ଭ କରିଥିଲେ ।
ଏଥିସହିତ ପଢ଼ନ୍ତୁ: ରକେଟ୍ ଲଞ୍ଚର ଓ ଲାଇଟ୍ ମେସିନ୍ ଗନରୁ ଆକ୍ରମଣ କରିଥିଲା ହିଡମା ବାହିନୀ, ୨୨ ଯବାନ ସହିଦ
ସ୍କୁଲରେ ଛାତ୍ରୀ, ବାହାରୁ ତାଲା ପକାଇଲେ ଶିକ୍ଷକ: ଅଚେତ ଅବସ୍ଥାରେ ଛାତ୍ରୀ ଉଦ୍ଧାର
ଦିଗପହଣ୍ଡି: ସ୍କୁଲ କର୍ତ୍ତୃପକ୍ଷଙ୍କ ଅବହେଳା । ଛାତ୍ରୀ ଜଣଙ୍କ ସ୍କୁଲରେ ଥିବା ବେଳେ ବାହାରୁ ତାଲା ପକାଇଲେ ସ୍କୁଲ କର୍ତ୍ତୃପକ୍ଷ । ଗଞ୍ଜାମ ଜିଲ୍ଲା ସାନଖେମୁଣ୍ଡି ପାଟପୁର ବାଳିକା ଉଚ୍ଚ ବିଦ୍ୟାଳୟରେ ଛାତ୍ରୀ ଜଣଙ୍କ ସ୍କୁଲରେ ଥିବା ବେଳେ ଶିକ୍ଷକ ଜଣଙ୍କ ବାହାରୁ ତାଲା ପକାଇଛନ୍ତି । ପାଟପୁର ଥାନାରେ ଅଭିଯୋଗ ପରେ ପୋଲିସ ଉପସ୍ଥିତିରେ ସ୍କୁଲ ତାଲା ଖୋଲାଯିବାରୁ ଅଚେତ ଅବସ୍ଥାରେ ଉଦ୍ଧାର ହୋଇଛନ୍ତି ଛାତ୍ରୀ ।
ଘଟଣାନୁଯାୟୀ, ବିଦ୍ୟାଳୟର ଜଣେ ଦଶମ ଶ୍ରେଣୀ ଛାତ୍ରୀ ବିଦ୍ୟାଳୟରୁ ଘରକୁ ଫେରିନଥିଲେ । ଅଭିଭାବକଙ୍କ ବହୁ ଖୋଜାଖୋଜି ପରେ ବିଦ୍ୟାଳୟ ପରିସରରେ ଛାତ୍ରୀ ଜଣଙ୍କ ଅଚେତ ଅବସ୍ଥାରେ ସ୍କୁଲ ମୁଖ୍ୟ ଫାଟକ ନିକଟରେ ଅଚେତ ଅବସ୍ଥାରେ ପଡ଼ି ରହିଥିବା ଦେଖିବାକୁ ମିଳିଥିଲା । ପରେ ପରିବାର ଲୋକ ଓ ସ୍ଥାନୀୟ ବାସିନ୍ଦା ପୋଲିସକୁ ଖବର ଦେଇଥିଲେ। ପୋଲିସ ଆସି ବିଦ୍ୟାଳୟ ସଭାପତିଙ୍କ ଉପସ୍ଥିତିରେ ତାଲା ଖୋଲି ଛାତ୍ରୀଙ୍କୁ ଉଦ୍ଧାର କରିଥିଲା । ତେବେ ଛାତ୍ରୀ ଜଣଙ୍କ କହିବା ମୁତାବକ ସ୍କୁଲର ପ୍ରଧାନ ଶିକ୍ଷକ ଓ ଶିକ୍ଷୟିତ୍ରୀମାନେ ଜାଣି ଶୁଣି ତାଲା ପକାଇ ଚାଲିଯାଇଛନ୍ତି । ଛାତ୍ରୀ ଜଣଙ୍କ ସ୍କୁଲ ଛୁଟି ସମୟରେ ପରିସ୍ରାଗାର ଯାଇଥିଲେ ସେ ଫେରିଲା ବେଳକୁ ଦେଖିଥିଲେ ବିଦ୍ୟାଳୟ ଫାଟକରେ ତାଲା ପକାଇ ଚାଲି ଯାଇଥିଲେ । ପରେ ଦୀର୍ଘ ସମୟ ହେବାରୁ ଛାତ୍ରୀ ଜଣଙ୍କ ଅସୁସ୍ଥତା ଅନୁଭବ କରି ବାରଣ୍ଡାରେ ପଡି ରହିଥିଲେ । ତାଲା ଖୋଲିଲା ପରେ ଅଭିଭାବକ ଆଡ଼ପଡ଼ା ମେଡ଼ିକାଲ ନେଇଥିଲେ । ସେପଟେ ବିଦ୍ୟାଳୟ ପ୍ରଧାନ ଶିକ୍ଷକ ଦୀନବନ୍ଧୁ ବେହେରା କହିଛନ୍ତି ଯେ ତାଲା ପକାଇବା ସମୟରେ ପରିସର ମଧ୍ୟରେ କେହି ନଥିଲେ । ଛାତ୍ରୀ ଜଣଙ୍କ କିଭଳି ଆସିଲେ ଆମେ ଜାଣି ନାହୁଁ । ତେବେ ସ୍କୁଲ ସଭାପତି କହିଛନ୍ତି ସ୍କୁଲକୁ ବଦନାମ କରିବାକୁ ଏହା ଏକ ଚକ୍ରାନ୍ତ । ସେପଟେ ଅଭିଭାବକ କହିଛନ୍ତି ନ୍ୟାୟ ନମିଳିଲେ ଆମେ ଜିଲ୍ଲାପାଳଙ୍କ ଦ୍ୱାରସ୍ଥ ହେବୁ ।
ଏଥିସହିତ ପଢ଼ନ୍ତୁ: ଦିଦି ଦେଲେ ସାମ୍ପ୍ରଦାୟିକ ବୟାନ, EC ଦେଲେ ନିର୍ଦେଶ