spot_img
Home Blog Page 5762

ଗିରଫର ଦିନକ ପରେ ସୁଶୀଲ କୁମାରଙ୍କୁ ନିଲମ୍ବନ ପାଇଁ ରେଲଓ୍ୱେର ନିର୍ଦ୍ଦେଶ

ନୂଆଦିଲ୍ଲୀ: ହତ୍ୟା ମାମଲାରେ ରେସଲର ସୁଶୀଲ କୁମାର ଗିରଫ ହେବାର ଦିନକ ପରେ ମଙ୍ଗଳବାର ଦିନ ତାଙ୍କୁ ନିଲମ୍ବନ କରିବା ପାଇଁ ନର୍ଥ ରେଲଓ୍ୱେ ପକ୍ଷରୁ ନିର୍ଦ୍ଦେଶ ଜାରି କରାଯାଇଛି ।

ଛତ୍ରସାଲ ଷ୍ଟାଡିୟମରେ ୨୩ ବର୍ଷ ବୟସ୍କ କୁସ୍ତିଯୋଦ୍ଧାଙ୍କ ମୃତ୍ୟୁ ଘଟଣାରେ ସମ୍ପୃକ୍ତି ଅଭିଯୋଗରେ ଅଲିମ୍ପିକ୍ ପଦକ ବିଜେତା ସୁଶୀଲ ଓ ତାଙ୍କ ସହଯୋଗୀଙ୍କୁ ଦିଲ୍ଲୀର ମୁଣ୍ଡକା ଅଞ୍ଚଳରୁ ଗତ ୨୩ରେ ଗିରଫ କରାଯାଇଥିଲା ।

ଅଧିକ ପଢନ୍ତୁ- ହତ୍ୟା ଅଭିଯୋଗରେ ଗିରଫ ହେଲେ ରେସଲର ସୁଶୀଲ କୁମାର, ହତ୍ୟା ପରେ ଫେରାର ଥିଲେ

ଉତ୍ତର ରେଳବାଇର ଜଣେ ବରିଷ୍ଠ ବାଣିଜ୍ୟିକ ପରିଚାଳକ କହିଛନ୍ତି ଯେ, ସୁଶୀଲ ୨୦୧୫ ମସିହାରୁ ଦିଲ୍ଲୀ ସରକାରଙ୍କ ସହ ଡେପୁଟେସନରେ ଥିଲେ ଏବଂ ସ୍କୁଲ ସ୍ତରରେ କ୍ରୀଡ଼ାର ବିକାଶ ପାଇଁ ଛତ୍ରସାଲ ଷ୍ଟାଡିୟମରେ ସ୍ପେଶାଲ ଡ୍ୟୁଟି (ଓଏସଡି)ରେ ତାଙ୍କୁ ଅଫିସର ଭାବରେ ପୋଷ୍ଟିଂ କରାଯାଇଥିଲା ।

ଅଧିକ ପଢନ୍ତୁ- ସୁଶୀଲ ନାଁରେ ସୁପାରୀ ଦେଇଛି ମାଫିଆ

ଉଲ୍ଲେଖଯୋଗ୍ୟ, ୨୦୨୧ ମେ ୪ ତାରିଖରେ ଅଲିମ୍ପିକ୍ସ ବିଜେତା ସୁଶୀଲ କୁମାର ପାଲଟିଥିଲା ସାଗରଙ୍କ ହତ୍ୟାର ମୁଖ୍ୟ ଅଭିଯୁକ୍ତ। ସାଗରଙ୍କର ମୃତ୍ୟୁ ପରେ ସାମ୍ନାକୁ ଆସିଥିଲା ସୁଶୀଲ କୁମାରଙ୍କର ନାଁ। ଏହାପରେ ସୁଶୀଲ ହୋଇଯାଇଥିଲେ ଫେରାର। ଦିଲ୍ଲୀ ପୋଲିସ ସୁଶୀଲଙ୍କୁ ଖୋଜିବା ପାଇଁ ଏକ ଲକ୍ଷ ଟଙ୍କା ପୁରସ୍କାର ରାଶିର ଘୋଷଣା କରିଥିଲେ। ଏହା ପରେ ଲୁକଆଉଟ୍ ନୋଟିସ୍ ଏବଂ ମେ ୧୫ ରେ କୋର୍ଟ ସୁଶୀଲ କୁମାରଙ୍କ ବିରୋଧରେ ଜାରି କରିଥିଲେ ଜାମିନ ବିହୀନ ୱାରେଣ୍ଟ। ତା’ପରେ ସୁଶୀଲଙ୍କ ପକ୍ଷରୁ ଓକିଲ ରୋହିଣୀ ଜିଲ୍ଲା କୋର୍ଟରେ ମଧ୍ୟବର୍ତ୍ତୀକାଳୀନ ଜାମିନ ଆବେଦନ କରିଥିଲେ। ଏହାପରେ ତାଙ୍କୁ ଦିଲ୍ଲୀର ମୁନ୍ଦକା ଅଞ୍ଚଳରୁ ଗିରଫ କରାଯାଇଥିଲା। ସୁଶୀଲଙ୍କ ସହ ତାଙ୍କର ଜଣେ ସହଯୋଗୀ ଅଜୟ ମଧ୍ୟ ପୋଲିସ ଦ୍ୱାରା ଗିରଫ ହୋଇଛନ୍ତି। ଫେରାର ପରେ ସୁଶୀଲ ହରିଦ୍ୱାରର ଋଷିକେଶର ଏକ ବଡ ଆଶ୍ରମରେ ରହୁଥିଲେ।

ଅଧିକ ପଢନ୍ତୁ- ଅଲିମ୍ପିକ୍ସ ପୋଡିୟମରେ ଛାତି ଚଉଡ଼ା କରି ଛିଡ଼ା ହେଉଥିବା ସୁଶୀଲ, ଆଜି କାହିଁକି ଜେଲର ୪ କାନ୍ଥ ଭିତରେ, ଜାଣନ୍ତୁ

ଘଣ୍ଟାପ୍ରତି ୧୫ କିମି ବେଗରେ ମାଡ଼ି ଆସୁଛି ବାତ୍ୟା ‘ୟାସ୍’, ବୁଧବାର ଭୋରରେ ଛୁଇଁପାରେ ଉପକୂଳ

ଭୁବନେଶ୍ୱର: ମାଡ଼ି ଆସୁଛି ବାତ୍ୟା ‘ୟାସ୍’ । ଉତ୍ତରପଶ୍ଚିମ ଏବଂ ସଂଲଗ୍ନ ପଶ୍ଚିମକେନ୍ଦ୍ରୀୟ ବଙ୍ଗୋପସାଗରରେ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରୁଛି । ବିଗତ ୬ ଘଣ୍ଟା ହେଲା ଘଣ୍ଟାପ୍ରତି ୧୫ କିମି ବେଗରେ ଆଗକୁ ବଢ଼ୁଛି ବାତ୍ୟା ‘ୟାସ୍’ । ଦକ୍ଷିଣ-ଦକ୍ଷିଣପୂର୍ବରେ ପାରାଦୀପ ଠାରୁ ୨୦୦ କିଲୋମିଟର ଦୂରରେ ବାତ୍ୟା ‘ୟାସ୍’ ଥିବାବେଳେ ସମାନ ଦିଗରେ ବାଲେଶ୍ୱର ଠାରୁ ୨୯୦ ଓ ଦୀଘା ଠାରୁ ୨୯୦ ଏବଂ ସାଗରଦ୍ୱୀପ ଠାରୁ ୨୮୦ କିଲୋମିଟର ଦୂରରେ ରହିଛି ।

Cyclone Yaas Update, o Dhamra port by the early morning

ଭୟଙ୍କର ସାମୁଦ୍ରିକ ଝଡ଼ର ରୂପ ନେଇଥିବା ‘ୟାସ୍’ ଆଉ କିଛି ସମୟ ପରେ ଅତି ଭୀଷଣ ବାତ୍ୟାର ରୂପ ନେବ । ବାତ୍ୟା ‘ୟାସ୍’ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରି ଉତ୍ତରପଶ୍ଚିମ ବଙ୍ଗୋପସାଗରର ଧାମରା ନିକଟରେ ବୁଧବାର ଭୋର୍ ସମୟରେ ପହଞ୍ଚିବ । ବାତ୍ୟା ‘ୟାସ୍’ ୨୬ ମଧ୍ୟାହ୍ନରେ ଉତ୍ତର ଧାମରା ଏବଂ ଦକ୍ଷିଣ ବାଲେଶ୍ୱର ମଧ୍ୟରେ ଅତି ଭୀଷଣ ବାତ୍ୟା ରୂପରେ ଅତିକ୍ରମ କରିବ ।

ଏଥିହ ପଢ଼ନ୍ତୁ- ଆଉ କିଛି ଘଣ୍ଟା ପରେ ଅତି ଭୀଷଣ ବାତ୍ୟାର ରୂପ ନେବ ‘ୟାସ୍’, ଏବେ ପାରାଦୀପ ଠାରୁ ୨୨୦ କିମି ଦୂରରେ

ବାତ୍ୟା ‘ୟାସ୍’ ପ୍ରଭାବରେ ଉପକୂଳ ଓଡ଼ିଶାର ବିଭିନ୍ନ ଜିଲ୍ଲାରେ ଆଜିଠାରୁ ବର୍ଷା ଲାଗି ରହିଛି । ୨୬ ତାରିଖରେ ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, ଭଦ୍ରକ, ବାଲେଶ୍ୱର, ମୟୂରଭଞ୍ଜ, କଟକ, ଢେଙ୍କାନାଳ, କେନ୍ଦୁଝର ଜିଲ୍ଲାରେ ଅତ୍ୟଧିକ ପ୍ରବଳ ବର୍ଷା ହେବ । ପୁରୀ, ଖୋର୍ଦ୍ଧା, ଅନୁଗୁଳ, ଦେବଗଡ଼ ଓ ସୁନ୍ଦରଗଡ଼ ଜିଲ୍ଲାରେ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି  । ୨୭ ତାରିଖରେ ଉତ୍ତର ଆଭ୍ୟନ୍ତରୀଣ ଓଡ଼ିଶାରେ ପ୍ରବଳ ବର୍ଷା ହୋଇପାରେ ।

ଏଥିହ ପଢ଼ନ୍ତୁ-  ବାତ୍ୟା ପାଇଁ ୭ ଜିଲ୍ଲାରୁ ସ୍ଥାନାନ୍ତରଣ ହେଲେଣି ଦେଢ଼ ଲକ୍ଷରୁ ଅଧିକ ଲୋକ

ଆଜି ସନ୍ଧ୍ୟାରେ କେନ୍ଦ୍ରୀୟ ବଙ୍ଗୋପସାଗର ଏବଂ ସଂଲଗ୍ନ ଉତ୍ତର ବଙ୍ଗୋପସାଗର ପବନ ବଢ଼ିବ । ଘଣ୍ଟାପ୍ରତି ପବନର ବେଗ ୧୦୫ରୁ ୧୧୫ କିଲୋମିଟର ରହିବ । ଏହା କ୍ରମଶଃ ୧୨୫ରୁ ୧୩୫ କିଲୋମିଟର ଘଣ୍ଟାପ୍ରତି ବୃଦ୍ଧି ପାଇବା ସହ ଝଟକା ପବନର ବେଗ ଘଣ୍ଟାପ୍ରତି ୧୪୦ କିଲୋମିଟର ରହିବା ଆଶଙ୍କା ରହିଛି । ୨୬ ସକାଳେ ପବନର ବେଗ ଘଣ୍ଟାପ୍ରତି ୧୫୫ରୁ ୧୬୫ କିଲୋମିଟର ଏବଂ ଝଟକା ପବନର ବେଗ ୧୮୦ କିଲୋମିଟର ଘଣ୍ଟାପ୍ରତି ରହିବ । ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀଙ୍କୁ ବାରଣ କରାଯାଇଛି । ସମୁଦ୍ରରେ ୨ରୁ ୪ ମିଟରର ଉଚ୍ଚ ଜୁଆର ଆସିପାରେ ।

ହସ୍ପିଟାଲରେ ଭର୍ତ୍ତି ହେଲେ ‘ଫ୍ଲାଇଂ ଶିଖ୍’ ମିଲ୍ଖା

ନୂଆଦିଲ୍ଲୀ: ଭାରତର ଲିଜେଣ୍ଡାରୀ ସ୍ପ୍ରିଣ୍ଟର ମିଲ୍ଖା ସିଂ କରୋନା ସଂକ୍ରମିତ ହୋଇ ମୋହାଲିର ଫୋର୍ଟିସ୍ ହସ୍ପିଟାଲର ଇଣ୍ଟେନସିଭ୍ କେୟାର ୟୁନିଟରେ ଭର୍ତ୍ତି ହୋଇଥିବା ଜଣାପଡିଛି। ୯୧ ବର୍ଷୀୟ ମିଲ୍ଖା ଚଣ୍ଡିଗଡ଼ ସ୍ଥିତ ତାଙ୍କ ବାସଭବନରେ ଆଇସୋଲେସନରେ ରହୁଥିଲେ । ହେଲେ ପରବର୍ତ୍ତୀ ସମୟରେ ନିମୋନିଆ ହେବାରୁ ତାଙ୍କୁ ତୁରନ୍ତ ଆଇସିୟୁକୁ ସ୍ଥାନାନ୍ତର କରାଯାଇଥିଲା।

ହସ୍ପିଟାଲ୍ ପକ୍ଷରୁ ଜାରି ବିଜ୍ଞପ୍ତିରେ କହୁଯାଇଛି, “ମିଲ୍କା ସିଂଙ୍କୁ ମେ ୨୪ରେ ମୋହାଲିର ଫୋର୍ଟିସ୍ ହସ୍ପିଟାଲର ଇଣ୍ଟେନ୍ସିଭ୍ କେୟାର ୟୁନିଟ୍ ରେ ଭର୍ତ୍ତି କରାଯାଇଥିଲା। ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଏବଂ ବର୍ତ୍ତମାନ କମ୍ ଅମ୍ଳଜାନ ଦିଆଯାଉଥିବା’’ ନେଇ ପ୍ରକାଶ କରାଯାଇଛି ।

ଏସମ୍ପର୍କରେ ମିଲ୍ଖାଙ୍କ ପୁଅ ଜୀଭ ମିଲ୍ଖା ସିଂହ କହିଛନ୍ତି ଯେ ‘‘ପିତା ଖୁବ୍ ଦୁର୍ବଳ ଅନୁଭବ କରୁଥିଲେ ଏବଂ ଭଲ ଭାବେ ଖାଇବାପିଇବା ମଧ୍ୟ କରୁନଥିଲେ । ଯେଉଁଥିପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡିଥିଲା’’।

ବାତ୍ୟା ପାଇଁ ୭ ଜିଲ୍ଲାରୁ ସ୍ଥାନାନ୍ତରଣ ହେଲେଣି ଦେଢ଼ ଲକ୍ଷରୁ ଅଧିକ ଲୋକ

ଭୁବନେଶ୍ୱର: ବୁଧବାର ଭୋରରୁ ବାତ୍ୟା ‘ୟାସ୍’ ଉତ୍ତର ଧାମରା ଏବଂ ଦକ୍ଷିଣ ବାଲେଶ୍ୱର ମଧ୍ୟରେ ଉପକୂଳ ଛୁଇଁବ । ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଉଛି । ଆସନ୍ନ ପ୍ରସବାଙ୍କୁ ବହୁମୁଖୀ ବାତ୍ୟା ଆଶ୍ରୟସ୍ଥଳୀ ପରିବର୍ତ୍ତେ ମେଡିକାଲକୁ ନିଆଯାଇଛି । ବାତ୍ୟାରେ ପ୍ରଭାବିତ ହେବାକୁ ଥିବା ଜିଲ୍ଲାଗୁଡ଼ିକର ତଳିଆ ଅଞ୍ଚଳରେ କଚ୍ଚାଘରେ ଥିବା ଲୋକଙ୍କୁ ସ୍ଥାନାନ୍ତରିତ କରାଯାଉଛି ।

Odisha Evacuated More Than 1.5 Lakh People In View Of Cyclone Yaas

ମଧ୍ୟାହ୍ନ ସୁଦ୍ଧା ୭ ଜିଲ୍ଲାରୁ ୧ ଲକ୍ଷ ୫୫ ହଜାର ୧୨୯ ଜଣଙ୍କୁ ବାତ୍ୟା ଆଶ୍ରୟସ୍ଥଳୀକୁ ପ୍ରଶାସନ ପକ୍ଷରୁ ସ୍ଥାନାନ୍ତରିତ କରାଯାଇଛି । ଭଦ୍ରକ ଜିଲ୍ଲାରେ ସର୍ବାଧିକ ୭୨ ହଜାର ୯୭୦ ଜଣଙ୍କୁ ବାତ୍ୟା ଆଶ୍ରୟ ସ୍ଥଳୀକୁ ସ୍ଥାନାନ୍ତରଣ କରାଯାଇଥିବା ବେଳେ ବାଲେଶ୍ୱରରେ ୪୬ ହଜାର ୮୨୮ ଜଣଙ୍କୁ ବାତ୍ୟା ଆଶ୍ରୟ ସ୍ଥଳୀକୁ ନିଆଯାଇଛି । ସେହିଭଳି କେନ୍ଦ୍ରାପଡ଼ା ଜିଲ୍ଲାରେ ବାତ୍ୟା ଆଶ୍ରୟ ସ୍ଥଳୀକୁ ୧୮ ହଜାର ୩୯୧ ଜଣ ଲୋକଙ୍କୁ ସ୍ଥାନାନ୍ତରିତ କରାଯାଇଛି ।

Odisha Evacuated More Than 1.5 Lakh People In View Of Cyclone Yaas

ଜଗତସିଂହପୁର ଜିଲ୍ଲାରେ ୯ ହଜାର ୧୨୨ ଜଣ, ପୁରୀରେ ୩ ହଜାର ୫୦୦ ଜଣ ଓ ଯାଜପୁରରେ ୧୧୧୮ ଜଣଙ୍କୁ ବାତ୍ୟା ଆଶ୍ରୟ ସ୍ଥଳୀରେ ରଖାଯାଇଛି । ଏଥିସହ ବାତ୍ୟାକୁ ଦୃଷ୍ଟିରେ ରଖି କୋଭିଡ୍ ହସ୍ପିଟାଲଗୁଡ଼ିକରେ ନିରାପତ୍ତା ବ୍ୟବସ୍ଥାକୁ ବୃଦ୍ଧି କରାଯାଇଛି । ହସ୍ପିଟାଲର କବାଟ ଓ ଝରକାକୁ ଅଧିକ ସୁରକ୍ଷିତ କରାଯାଇଛି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଶକ୍ତିମନ୍ତ୍ରୀ ଦିବ୍ୟଶଙ୍କର ମିଶ୍ର ବାଲେଶ୍ୱରରେ ରହି ସ୍ଥିତି ଅନୁଧ୍ୟାନ କରୁଛନ୍ତି ।

ମେ ୨୬ ଚନ୍ଦ୍ରଗ୍ରହଣ: କେଉଁଠି ଓ କେମିତି ଦେଖିବେ, ଜାଣନ୍ତୁ…

ନୂଆଦିଲ୍ଲୀ: ୨୦୨୧ ବର୍ଷର ପ୍ରଥମ ଚନ୍ଦ୍ରଗ୍ରହଣ  ମେ ୨୬ ତାରିଖ ଅର୍ଥାତ୍ ବୁଧବାର ଦିନ ଦୃଶ୍ୟମାନ ହେବାକୁ ଯାଉଛି । ଏଥିସହିତ ଏହି ଦିନରେ ପଡୁଛି ବୈଶାଖ ପୂର୍ଣ୍ଣିମା କିମ୍ବା ବୁଦ୍ଧ ପୂର୍ଣ୍ଣିମା । ହେଲେ ଏହି ଦିନ ପୂର୍ଣ୍ଣ ଚନ୍ଦ୍ରଗ୍ରହଣ ନୁହେଁ ବରଂ ଉପଛାୟା ଚନ୍ଦ୍ରଗ୍ରହଣ ଲାଗିବ । ଏହି ଚନ୍ଦ୍ରଗ୍ରହଣ ମେ ୨୬ ଅପରାହ୍ନ ୨:୧୭ରେ ଆରମ୍ଭ ହେବା ସଙ୍ଗେସଙ୍ଗେ ସନ୍ଧ୍ୟା ୦୭:୧୯ରେ ଛାଡିବ ।

ଚଳିତ ଥର ଏହି ଉପଛାୟା ଚନ୍ଦ୍ରଗ୍ରହଣ ପୂର୍ବ ଏସିଆ, ଉତ୍ତର ୟୁରୋପ, ଆମେରିକା, ଅଷ୍ଟ୍ରେଲିଆ ଏବଂ ପ୍ରଶାନ୍ତ ମହାସାଗରର କେତେକ ଅଞ୍ଚଳରେ ଏହି ଚନ୍ଦ୍ରଗ୍ରହଣ ସମ୍ପୂର୍ଣ୍ଣ ରୂପେ ଦୃଶ୍ୟମାନ ହେବ। ହେଲେ ଭାରତରେ ଏହି ଚନ୍ଦ୍ରଗ୍ରହଣ ଛାଇ ପରି ହେବ।

କିଭଳି ଏବଂ କେଉଁଠାରେ ଏହି ଚନ୍ଦ୍ରଗ୍ରହଣ ଦେଖିପାରିବ-

ସୂର୍ଯ୍ୟ ପରାଗ ତୁଳନାରେ ଚନ୍ଦ୍ରଗ୍ରହଣ କ୍ଷତିକାରକ ନୁହେଁ । ଆପଣ ଚାହିଁଲେ ଖାଲି ଆଖିରେ କିମ୍ବା ଆପଣ ଟେଲିସ୍କୋପ ଜରିଆରେ ଦେଖିପାରିବେ । ଏହାବ୍ୟତୀତ ସୋଲାର ଫିଲ୍ଟର ଯୁକ୍ତ ଚଷମାରେ ମଧ୍ୟ ଏହି ବିରଳ ଦୃଶ୍ୟ ଦେଖିପାରିବେ। ନାସା ପକ୍ଷରୁ ମଧ୍ୟ ସୋସିଆଲ୍ ମିଡିଆ ସାଇଟରେ ଦୃଶ୍ୟକୁ ଅପଲୋଡ କରାଯାଇଥାଏ ।

 

ଆଉ କିଛି ଘଣ୍ଟା ପରେ ଅତି ଭୀଷଣ ବାତ୍ୟାର ରୂପ ନେବ ‘ୟାସ୍’, ଏବେ ପାରାଦୀପ ଠାରୁ ୨୨୦ କିମି ଦୂରରେ

ଭୁବନେଶ୍ୱର: ମାଡ଼ି ଆସୁଛି ବାତ୍ୟା ‘ୟାସ୍’ । ପଶ୍ଚିମକେନ୍ଦ୍ରୀୟ ଏବଂ ସଂଲଗ୍ନ ପୂର୍ବକେନ୍ଦ୍ରୀୟ ଓ ଉତ୍ତର ବଙ୍ଗୋପସାଗରରେ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରୁଛି । ବିଗତ ୬ ଘଣ୍ଟା ହେଲା ଘଣ୍ଟାପ୍ରତି ୧୬ କିମି ବେଗରେ ଆଗକୁ ବଢ଼ୁଛି ବାତ୍ୟା ‘ୟାସ୍’ । ଦକ୍ଷିଣ-ଦକ୍ଷିଣପୂର୍ବରେ ପାରାଦୀପ ଠାରୁ ୨୨୦ କିଲୋମିଟର ଦୂରରେ ବାତ୍ୟା ‘ୟାସ୍’ ଥିବାବେଳେ ସମାନ ଦିଗରେ ବାଲେଶ୍ୱର ଠାରୁ ୩୩୦ ଓ ଦୀଘା ଠାରୁ ୩୨୦ ଏବଂ ସାଗରଦ୍ୱୀପ ଠାରୁ ୩୨୦ କିଲୋମିଟର ଦୂରରେ ରହିଛି ।

Cyclone Yaas Intensify Further Into A Very Severe Cyclonic Storm In Next Few Hour

ଭୟଙ୍କର ସାମୁଦ୍ରିକ ଝଡ଼ର ରୂପ ନେଇଥିବା ‘ୟାସ୍’ ଆଉ କିଛି ସମୟ ପରେ ଅତି ଭୀଷଣ ବାତ୍ୟାର ରୂପ ନେବ । ବାତ୍ୟା ‘ୟାସ୍’ ଉତ୍ତର-ଉତ୍ତରପଶ୍ଚିମ ଦିଗରେ ଗତି କରି ଉତ୍ତରପଶ୍ଚିମ ବଙ୍ଗୋପସାଗରର ଧାମରା ନିକଟରେ ବୁଧବାର ଭୋର୍ ସମୟରେ ପହଞ୍ଚିବ । ବାତ୍ୟା ‘ୟାସ୍’ ୨୬ ମଧ୍ୟାହ୍ନରେ ଉତ୍ତର ଧାମରା ଏବଂ ଦକ୍ଷିଣ ବାଲେଶ୍ୱର ମଧ୍ୟରେ ଅତି ଭୀଷଣ ବାତ୍ୟା ରୂପରେ ଅତିକ୍ରମ କରିବ ।

Cyclone Yaas Intensify Further Into A Very Severe Cyclonic Storm In Next Few Hour

ବାତ୍ୟା ‘ୟାସ୍’ ପ୍ରଭାବରେ ଉପକୂଳ ଓଡ଼ିଶାର ବିଭିନ୍ନ ଜିଲ୍ଲାରେ ଆଜିଠାରୁ ବର୍ଷା ଲାଗି ରହିଛି । ୨୬ ତାରିଖରେ ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, ଭଦ୍ରକ, ବାଲେଶ୍ୱର, ମୟୂରଭଞ୍ଜ, କଟକ, ଢେଙ୍କାନାଳ, କେନ୍ଦୁଝର ଜିଲ୍ଲାରେ ଅତ୍ୟଧିକ ପ୍ରବଳ ବର୍ଷା ହେବ । ପୁରୀ, ଖୋର୍ଦ୍ଧା, ଅନୁଗୁଳ, ଦେବଗଡ଼ ଓ ସୁନ୍ଦରଗଡ଼ ଜିଲ୍ଲାରେ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି  । ୨୭ ତାରିଖରେ ଉତ୍ତର ଆଭ୍ୟନ୍ତରୀଣ ଓଡ଼ିଶାରରେ ପ୍ରବଳ ବର୍ଷା ହୋଇପାରେ ।

Cyclone Yaas Intensify Further Into A Very Severe Cyclonic Storm In Next Few Hour

ଆଜି ସନ୍ଧ୍ୟାରେ କେନ୍ଦ୍ରୀୟ ବଙ୍ଗୋପସାଗର ଏବଂ ସଂଲଗ୍ନ ଉତ୍ତର ବଙ୍ଗୋପସାଗର ପବନ ବଢ଼ିବ । ଘଣ୍ଟାପ୍ରତି ପବନର ବେଗ ୧୦୫ରୁ ୧୧୫ କିଲୋମିଟର ରହିବ । ଏହା କ୍ରମଶଃ ୧୨୫ରୁ ୧୩୫ କିଲୋମିଟର ଘଣ୍ଟାପ୍ରତି ବୃଦ୍ଧି ପାଇବା ସହ ଝଟକା ପବନର ବେଗ ଘଣ୍ଟାପ୍ରତି ୧୪୦ କିଲୋମିଟର ରହିବା ଆଶଙ୍କା ରହିଛି । ୨୬ ସକାଳେ  ପବନର ବେଗ ଘଣ୍ଟାପ୍ରତି ୧୨୦ରୁ ୧୩୦ କିଲୋମିଟର ଏବଂ ଝଟକା ପବନର ବେଗ ୧୪୫ କିଲୋମିଟର ଘଣ୍ଟାପ୍ରତି ରହିବ । ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀଙ୍କୁ ବାରଣ କରାଯାଇଛି । ସମୁଦ୍ରରେ ୨ରୁ ୪ ମିଟରର ଉଚ୍ଚ ଜୁଆର ଆସିପାରେ ।

ରାଉରକେଲାରେ ଭୁଶୁଡ଼ିଲା ପରିତ୍ୟକ୍ତ ତିନି ମହଲା କୋଠା

ରାଉରକେଲା: ରାଉରକେଲାର ସେକ୍ଟର ୨୧ ଅଞ୍ଚଳରେ ଏକ ପରିତ୍ୟକ୍ତ କୋଠା ଭୁଶୁଡ଼ି ପଡିଛି । ଫଳରେ ଭଗ୍ନାବଶେଷ ତଳେ କେହି ଚାପିହୋଇ  ରହିଥିବା ଆଶଙ୍କା କରାଯାଉଛି।

ସୂଚନା ଅନୁଯାୟୀ, ସେକ୍ଟର ୨୧ ଅଞ୍ଚଳରେ ଥିବା ବ୍ୟାଙ୍କ ଅଫ ବରୋଦା କଲୋନୀ ସ୍ଥିତ ଏକ ପରିତ୍ୟକ୍ତ ତିନି ମହଲା କୋଠା ଭୁଶୁଡି ପଡିଛି। ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବିଭାଗ ପହଞ୍ଚି ଇଟା ତଳୁ ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି । ରାଉରକେଲା ପୋଲିସ ଡିଏସପି, ପ୍ଲାଣ୍ଟ ସାଇଟ ଥାନା ପୋଲିସ ଓ ଅଗ୍ନିଶମ ବିଭାଗ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି।

ତେବେ ପୋଲିସ ସନ୍ଧାନୀ କୁକୁରଙ୍କୁ ଉଦ୍ଧାର କାର୍ଯ୍ୟରେ ନିୟୋଜିତ କରାଯିବ ବୋଲି ସୂଚନା ମିଳିଛି।

ବାଲେଶ୍ୱରରେ ଶକ୍ତିମନ୍ତ୍ରୀଙ୍କ ସମୀକ୍ଷା: କୋଭିଡ ହସ୍ପିଟାଲକୁ ନିରବଚ୍ଛିନ୍ନ ବିଦ୍ୟୁତ ସେବା ଉପରେ ଗୁରୁତ୍ୱ

ବାଲେଶ୍ବର: ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପରେ ବାଲେଶ୍ୱରରେ ପହଞ୍ଚିଛନ୍ତି ଶକ୍ତିମନ୍ତ୍ରୀ କ୍ୟାପଟେନ୍ ଦିବ୍ୟ ଶଙ୍କର ମିଶ୍ର । ବାତ୍ୟା ‘ୟାସ୍‌’ ମୁକାବିଲା ନେଇ ପ୍ରସ୍ତୁତିର ସମୀକ୍ଷା କରିଛନ୍ତି ଶ୍ରୀ ମିଶ୍ର । ସମୀକ୍ଷା ବୈଠକ ପରେ ନିଜ ପ୍ରତିକ୍ରିୟାରେ କୋଭିଡ଼ ହସ୍ପିଟାଲକୁ ନିରବିଚ୍ଛିନ୍ନ ବିଦ୍ୟୁତ୍‌ ଯୋଗାଣକୁ ପ୍ରାଥମିକତା ଦିଆଯିବ ବୋଲି ସେ କହିଛନ୍ତି । ବାତ୍ୟା ପୂର୍ବରୁ ୯ଟି କୋଭିଡ଼ ହସ୍ପିଟାଲରେ ଥିଲା ୧୮ଟି ଜେନେରେଟର । ବାତ୍ୟା ପାଇଁ ପୁଣି ଆଉ ୯ଟି ଜେନେରେଟର ବ୍ୟବସ୍ଥା କରାଯାଇଛି । ବିପର୍ଯ୍ୟୟ ପୂର୍ବରୁ ସମସ୍ତ ପ୍ରସ୍ତୁତି ସରିଛି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ମୁଁ ବାଲେଶ୍ବରରେ ପହଞ୍ଚିଛି । ବାତ୍ୟା ସମୟରେ ସମସ୍ତେ ସତର୍କ ରହିବାକୁ ଦେଲେ ପରାମର୍ଶ । ବାତ୍ୟା ପରେ ମରାମତି ସମୟରେ ଉପଭୋକ୍ତାମାନଙ୍କୁ ଜେନେରେଟର ଚଳାଇବାକୁ ବାରଣ କଲେ ମନ୍ତ୍ରୀ । ବ୍ୟାକ୍‌ କରେଣ୍ଟରେ ଦୁର୍ଘଟଣା ହେବାର ଆଶଙ୍କା ଅଧିକ ରହିଥିବାରୁ ବାରଣ କରାଯାଇଛି । ବତ୍ୟାର ୨୪ ଘଣ୍ଟା ମଧ୍ୟରେ ବିଦ୍ୟୁତ୍‌ ସରବରାହ ସ୍ବାଭାବିକ କରିବାକୁ ଆମେ ସମସ୍ତ ଶକ୍ତି ଖଟାଇଦେବୁ । ରାସ୍ତା ସଫାକରି ମରାମତି ସାମଗ୍ରୀ ପହଞ୍ଚାଇବାକୁ ବିଭାଗ କରିଛି ସ୍ବତନ୍ତ୍ର ରେସ୍ପନ୍ସ ଟିମ୍‌ । ଜନସାଧାରଣ ସହଯୋଗ କରିବାକୁ କଲେ ଅପିଲ ।

ଏଥିସହିତ ପଢ଼ନ୍ତୁ: ବାଲେଶ୍ୱର ଯିବାକୁ ଶକ୍ତିମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ମୁଖ୍ୟମନ୍ତ୍ରୀଙ୍କୁ ନିର୍ଦ୍ଦେଶ

ସର୍ବାଧିକ ପ୍ରଭାବିତ ହେବାକୁ ଥିବା ଜିଲ୍ଲାର ଜିଲ୍ଲାପାଳଙ୍କୁ ସତର୍କ କରାଇଲେ ଏସ୍‌ଆରସି: ସ୍ଥାନାନ୍ତରଣ ଉପରେ ଗୁରୁତ୍ୱ

ଭୁବନେଶ୍ୱର: ବାତ୍ୟା ‘ୟାସ’ ଆସନ୍ତାକାଲି (ବୁଧବାର) ସକାଳେ ଧାମରା ନିକଟରେ ମାଡ଼ ହୋଇପାରେ । ଏସଆରସି ପ୍ରଦୀପ କୁମାର ଜେନା ଟ୍ୱିଟ୍ କରି ଏହି ସୂଚନା ଦେଇଛନ୍ତି । ଏସଆରସି କହିଛନ୍ତି ଯେ, ଧାମରା ନିକଟରେ ‘ୟାସ’ ଲ୍ୟାଣ୍ଡଫଲ୍ କରିପାରେ ତେବେ ଏ ନେଇ ସବୁ ପ୍ରକାର ସ୍ଥିତିର ମୁକାବିଲା କରିବା ପାଇଁ ବାଲେଶ୍ୱର, ଭଦ୍ରକ, କେନ୍ଦ୍ରାପଡା, ଜଗତସିଂହପୁର ଜିଲ୍ଲା ପ୍ରଶାସନକୁ ସଜାଗ ରହିବାକୁ କୁହାଯାଇଛି । ସମୁଦ୍ର କୁଳିଆ ଅଞ୍ଚଳରୁ ଲୋକଙ୍କୁ ହଟାଇବା କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ ଜାରି ରହିଛି ବୋଲି ସେ କହିଛନ୍ତି । ଚିହ୍ନଟ ଆଶ୍ରୟସ୍ଥଳୀ ସହିତ ସମସ୍ତ ସରକାରୀ ପକ୍କାଘରକୁ ଲୋକଙ୍କ ପାଇଁ ଉନ୍ମୁକ୍ତ କରାଯାଇଛି ।

ସୂଚନାଯୋଗ୍ୟ ଯେ, ବାତ୍ୟା ‘ୟାସ’ ମୁକାବିଲା ନେଇ ରାଜ୍ୟ ସରକାର ସବୁ ପ୍ରକାରର ପଦକ୍ଷେପ ଗ୍ରହଣ କରିଛନ୍ତି । ବାତ୍ୟା ଦ୍ୱାରା ପ୍ରଭାବିତ ହେବାକୁ ଥିବା ଅଂଚଳର ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ କରି ଦିଆଯାଇଛି । ଏନଡିଆରଏଫ୍, ଓଡ୍ରାଫ୍, ରାଜ୍ୟ ଅଗ୍ନିଶମ ବାହିନୀଙ୍କୁ ମୁକାବିଲା ନିମନ୍ତେ ତୟାର ରଖାଯାଇଛି । ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଉଛି । ଆଗରୁ ବାତ୍ୟା ଚାନ୍ଦିପୁର ନିକଟରେ ମାଡ଼ ହେବ ବୋଲି କୁହାଯାଉଥିଲା । ଏବେ ବାତ୍ୟା ୟାସ ଘଣ୍ଟାପ୍ରତି ୧୦ରୁ ଅଧିକ କିଲୋମିଟର ବେଗରେ ଗତି କରୁଛି । ସ୍ଥଳଭାଗରେ ମାଡ଼ ହେବାର ୬ ଘଣ୍ଟା ପୂର୍ବରୁ ଓ ୬ ଘଣ୍ଟା ପରେ ବିପଦ ସର୍ବାଧିକ ବୋଲି କୁହାଯାଉଛି ।

ଭାରତରେ ବନ୍ଦ ହେବ କି ଫେସବୁକ୍, ଟ୍ୱିଟର ଭଳି ସୋସିଆଲ୍ ମିଡ଼ିଆ କମ୍ପାନୀ…

ନୂଆଦିଲ୍ଲୀ: ଭାରତରେ ଫେସବୁକ୍, ଟ୍ୱିଟର ଓ ଇନଷ୍ଟାଗ୍ରାମ୍ ଭଳି ସୋସିଆଲ୍ ମିଡିଆ କମ୍ପାନୀ କାମ କରିବା ବନ୍ଦ କରିଦେବ । ଏନେଇ ୟୁଜର୍ସଙ୍କ ଗହଣରେ ଖୁବ୍ ଚର୍ଚ୍ଚା ହେଉଛି ।  କାରଣ ଏହି ସବୁ କମ୍ପାନୀ ପକ୍ଷରୁ ଏଯାବତ୍ ସରକାରଙ୍କ ନିୟମ ଗଡିକର ପାଳନ କରାଯାଇନାହିଁ । ଆଉ ନିୟମ ପାଳନ ପାଇଁ ୩ ମାସ ସମୟ ଦିଆଯାଇଥିଲା ।

ସୂଚନା ଅନୁଯାୟୀ ଏହି ସମୟ ଅବଧି ମେ ୨୫ ତାରିଖରେ ସମାପ୍ତ ହେଉଛି । ଅଧିକାଂଶ ବହୁରାଷ୍ଟ୍ରୀୟ ସୋସିଆଲ୍ ମିଡିଆ ପ୍ଲାଟଫର୍ମ ଏପର୍ଯ୍ୟନ୍ତ ନୂଆ ନିୟମକୁ ମାନି ନାହାଁନ୍ତି। ଯଦି ଏହି ନିୟମ ବିଷୟରେ କୗେଣସି ରିପୋର୍ଟ ମେ ୨୫ ସୁଦ୍ଧା ସରକାରଙ୍କ ନିକଟରେ ନ ପହଞ୍ଚେ, ତେବେ କୗେଣସି ୟୁଜର୍ସଙ୍କ ପୋଷ୍ଟ ପାଇଁ କମ୍ପାନୀ ମଧ୍ୟ ଆଇନଗତ ଭାବରେ ଦାୟୀ ରହିବ ବୋଲି ସରକାର ଚେତାଇଛନ୍ତି।

ଚଳିତ ବର୍ଷ ଫେବୃଆରୀ ୨୫ରେ ଆଇନ ମନ୍ତ୍ରୀ ରବି ଶଙ୍କର ପ୍ରସାଦ ଏବଂ ସୂଚନା ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର ଏକ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଥିଲେ।

ଇଣ୍ଡିଆ ଟୁଡେର ଏକ ରିପୋର୍ଟ ଅନୁଯାୟୀ, ଗତ ୩ ମାସରେ ପ୍ରାୟ ୩ଥର ଭାରତ ସରକାର (Meity)ଙ୍କ ପକ୍ଷରୁ  ଟ୍ୱିଟରର ଶୀର୍ଷ ଟିମକୁ କଲ୍ କରାଯାଇଥିଲେ ମଧ୍ୟ କମ୍ପାନୀ ପକ୍ଷରୁ କିଛି ପ୍ରତିକ୍ରିୟା ଦିଆଯାଇନାହିଁ। ସେମାନଙ୍କର ଏଭଳି ବ୍ୟବହାରରେ ସରକାର ଅତ୍ୟନ୍ତ ଅସନ୍ତୁଷ୍ଟ ଥିବା ପ୍ରକାଶ କରାଯାଇଛି।

କେବଳ ଭାରତୀୟ ସୋସିଆଲ ମିଡିଆ କମ୍ପାନୀ କୋ ସରକାରଙ୍କ ନୂଆ ନିୟମର ପାଳନ କରିଛନ୍ତି । ଯାହାର ୟୁଜର୍ ବେସ୍ ୫୦ ଲକ୍ଷରୁ ଅଧିକ ରହିଛି। ନୂତନ ନିୟମ ଅନୁଯାୟୀ, ଯେଉଁ ସୋସିଆଲ ମିଡିଆ ପ୍ଲାଟଫର୍ମ  ୟୁଜର୍ ବେସ୍ ୫୦ ଲକ୍ଷରୁ ଅଧିକ ରହିଛି ସେମାନେ ଜଣେ ଅଭିଯୋଗ ଅଧିକାରୀ, ମୁଖ୍ୟ ନିୟମ ଅଧିକାରୀ ଏବଂ ନୋଡାଲ ଯୋଗାଯୋଗ ବ୍ୟକ୍ତିଙ୍କୁ ରଖିବାକୁ ପଡିବ।

ତେବେ ମେ ୨୫ ପରେ ମଧ୍ୟ ଏହି ପ୍ଲାଟଫର୍ମ ଗୁଡିକର କାର୍ଯ୍ୟ ଜାରି ରଖିବ, କିନ୍ତୁ କୌଣସି ୟୁଜରଙ୍କ ପୋଷ୍ଟ ପାଇଁ ସେମାନଙ୍କୁ ଆଇନଗତ ସୁରକ୍ଷା ଦିଆଯିବ ନାହିଁ ବୋଲି ସୂଚନା ମିଳିଛି।