spot_img
Home Blog Page 5741

ଚୀନରେ ଏବେ ଆମେ ଦୁଇ, ଆମର ତିନି

ବେଜିଂ: ଚୀନରେ ଜନସଂଖ୍ୟା ହ୍ରାସ ହେତୁ ଚିନ୍ତାରେ ପଡିଛନ୍ତି ସରକାର । ଏହାକୁ ଦୃଷ୍ଟିରେ ଏକ ବଡ଼ ନିଷ୍ପତ୍ତି ନିଆଯାଇଛି । ଏଥିସହିତ ପରିବାର ନିୟୋଜନ ନିୟମକୁ ମଧ୍ୟ କୋହଳ କରିଛନ୍ତି ଚୀନ ସରକାର। ସୋମବାର ଦିନ ନିଆଯାଇଥିବା ନିଷ୍ପତ୍ତି ଅନୁଯାୟୀ, ଏବେ ଚୀନରେ ଦମ୍ପତ୍ତି ମାନେ ୩ଟି ସନ୍ତାନ ଜନ୍ମ କରିପାରିବେ ।

ସୂଚନା ଅନୁଯାୟୀ ନିକଟରେ ଚୀନର ଜନସଂଖ୍ୟା ସମ୍ବନ୍ଧୀୟ ଏକ ରିପୋର୍ଟ ସାମ୍ନାକୁ ଆସିଥିଲା । ଯେଉଁଥିରେ ଅଧିକାଂଶ ଲୋକ ବୃଦ୍ଧାବସ୍ଥାରେ ଥିବା ନଜର ଆସିଥିଲା ବେଳେ ଶିଶୁ ଜନ୍ମ ସଂଖ୍ୟା ହ୍ରାସ ପାଇଛି। ଯାହା ଫଳରେ ଆଗାମୀ ଭବିଷ୍ୟତକୁ ଦେଖି ଚିନ୍ତା ପ୍ରକଟ କରିଛନ୍ତି ସରକାର ।

ଚୀନର ଗଣମାଧ୍ୟମ ଅନୁଯାୟୀ, ଏହି ନୂଆ ପଲିସିକୁ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କ ମଙ୍ଗୁରୀ ମିଳିଛି । ଫଳରେ ବହୁ ବର୍ଷରୁ ପ୍ରଚଳିତ ହୋଇ ଆସୁଥିବା ଟୁ-ଚାଇଲ୍ଡ ପଲିସି ଏବେ ଶେଷ ହେବାକୁ ଯାଉଛି ।

ଜନସଂଖ୍ୟା ଆକଳନ ଅନୁଯାୟୀ, ୨୦୧୦ରୁ ୨୦୨୦ ମସିହା ମଧ୍ୟରେ ଚୀନ ଜନସଂଖ୍ୟା ବୃଦ୍ଧି ହାର ୦.୫୩% ଥିଲା । ୨୦୦୦ରୁ ୨୦୧୦ ମଧ୍ୟରେ ଏହି ହାର ୦.୫୭% ରହିଥିଲା । ଏହାକୁ ଦେଖିଲେ ଜଣାପଡିବ ଯେ, ଚୀନରେ ଜନସଂଖ୍ୟା ବୃଦ୍ଧି ହାର ହ୍ରାସ ପାଇଛି।

ଜୁନ୍ ୨୪ରେ ଦେବସ୍ନାନ ପୂର୍ଣ୍ଣିମା: ଭକ୍ତଙ୍କ ଉପସ୍ଥିତି ନେଇ ହୋଇନି ନିଷ୍ପତ୍ତି

ପୁରୀ:  ଜୁନ ୨୪ରେ ମହାପ୍ରଭୁ ଜଗନ୍ନାଥଙ୍କ ଦେବସ୍ନାନ ପୂର୍ଣ୍ଣିମା ନୀତି ଅନୁଷ୍ଠିତ ହେବ । କୋଭିଡ କଟକଣାରେ ନୀତି ସମ୍ପନ୍ନ ନେଇ ଚାଲିଛି ବିଚାରବିମର୍ଶ । ତେବେ ବିନାଭକ୍ତରେ ଆୟୋଜନ ନେଇ ପ୍ରଶାସନ ଏ ଯାଏଁ କୌଣସି ଚୂଡାନ୍ତ ନିଷ୍ପତ୍ତି ନେଇନି । ବୈଠକ ପରେ ଚୂଡାନ୍ତ ରୂପରେଖ ଜଣାପଡ଼ିବ ବୋଲି ସୂଚନା ଦେଇଛନ୍ତି ପୁରୀ ଜିଲ୍ଲାପାଳ ସମର୍ଥ ବର୍ମା । ତେବେ ପୂର୍ବରୁ ରାଜ୍ୟରେ କରୋନା ସ୍ଥିତିକୁ ଆଖି ଆଗରେ ରଖି ରଥଯାତ୍ରା, ଚନ୍ଦନ ଯାତ୍ର ସୀମିତ ସେବାୟତ ଓ ବିନା ଭକ୍ତରେ କରିବା ନେଇ ନିଷ୍ପତ୍ତି ହୋଇଥିଲା । ଏବଂ ତଦ୍‌ନୁଯାୟୀ ଯାତ୍ରା ମଧ୍ୟ ଅନୁଷ୍ଠିତ ହୋଇଥିଲା । ତେବେ ବର୍ତ୍ତମାନ ପରିସ୍ଥିତିରେ ମଧ୍ୟ ରାଜ୍ୟରେ କରୋନା ସମସ୍ୟା ଜାରି ରହିଛି । ସଂକ୍ରମଣ ସଂଖ୍ୟାକୁ ଆଖି ଆଗରେ ରଖି ରାଜ୍ୟ ସରକାର ଲକ୍‌ଡାଉନ୍ ଅବଧିକୁ ମଧ୍ୟ ବୃଦ୍ଧି କରିଛନ୍ତି । ବର୍ତ୍ତମାନର ଲକ୍‌ଡାଉନ୍ କଟକଣା ଅନୁଯାୟୀ ବିିଭିନ୍ନ ଧର୍ମାନୁଷ୍ଠାନ ମଧ୍ୟ ବନ୍ଦ ରହିଛି । ବିନାଭକ୍ତରେ କେବଳ ନୀତିକାନ୍ତି ସମ୍ପନ୍ନ କରାଯାଇଛି ।

ଏଥିସହିତ ପଢ଼ନ୍ତୁ: ସଂକ୍ରମଣକୁ ରୋକିବାରେ ସହାୟକ ହେବ ଲକ୍‌ଡାଉନ୍: ଜାଣନ୍ତୁ କେବେ ହଟିବ କଟକଣା

କ୍ରେଡିଟ୍ କାର୍ଡର ରିୱାର୍ଡରେ ଜଣେ ବ୍ୟକ୍ତି ଜିତିଲେ ନଗଦ ୨ କୋଟି ଟଙ୍କା , ଜାଣନ୍ତୁ କେମିତି

ୱାସିଂଟନ: କ୍ରେଡିଟ୍ କାର୍ଡ ସାହାଯ୍ୟରେ ଜଣେ ବ୍ୟକ୍ତି ୨କୋଟି ଟଙ୍କାରୁ ଅଧିକ ଟଙ୍କା ରିୱାର୍ଡ ପାଇପାରିଛନ୍ତି । ଆଉ ତାଙ୍କରି ଏହି ରିୱାର୍ଡ ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ଅନେକ ଥର ଯେତେବେଳେ ଆମେ ଅନଲାଇନରେ ଦେୟ ଦେଇଥାଉ କିମ୍ବା କ୍ରେଡିଟ୍-ଡେବିଟ୍ କାର୍ଡ ସାହାଯ୍ୟରେ ଦେୟ ଦେଇଥାଉ । ଏହାର ପ୍ରତିବଦଳରେ ଆମକୁ ପୁରସ୍କାର ବା ରିୱାର୍ଡ ମିଳିଥାଏ । ଏହି ରିୱାର୍ଡସ ବେଳେବେଳେ ପଏଣ୍ଟ ଆକାରରେ କିମ୍ବା କ୍ୟାସବ୍ୟାକ୍ ଆକାରରେ ମିଳିଥାଏ । ଲୋକମାନେ ସାଧାରଣତଃ ରିୱାର୍ଡ ମାଧ୍ୟମରେ କିଛି ଟଙ୍କା ରୋଜଗାର କରି ଖୁସି ହୋଇଥାନ୍ତି । କିନ୍ତୁ ଜଣେ ଆମେରିକୀୟ ବ୍ୟକ୍ତି କ୍ରେଡିଟ୍ କାର୍ଡର ରିୱାର୍ଡ ମାଧ୍ୟମରେ ୨ କୋଟି ୧୭ ଲକ୍ଷ ଟଙ୍କା ଜିତିବା ପରେ ଚର୍ଚ୍ଚାକୁ ଆସିଛନ୍ତି ।
ସୂଚନା ଅନୁଯାୟୀ, କୋଷ୍ଟାଟିନ୍ ଅନିକେବ ନାମକ ଜଣେ ବ୍ୟକ୍ତି ତାଙ୍କ କ୍ରେଡିଟ୍ କାର୍ଡରୁ ବହୁ ସଂଖ୍ୟକ ଗିଫ୍ଟ କାର୍ଡ କିଣିବା ଆରମ୍ଭ କରିଥିଲେ। କ୍ରେଡିଟ୍ କାର୍ଡର ଦୈନିକ ସୀମା ଅନୁଯାୟୀ ଅନିକେବ ପ୍ରଥମେ ଏକ ଉପହାର କାର୍ଡ କିଣି ତା’ପରେ ତାକୁ ନଗଦ ଟଙ୍କାରେ ପରିଣତ କରାଉଥିଲେ । ଏହାପରେ ସେ ସେହି ଟଙ୍କାକୁ ବ୍ୟାଙ୍କ ଆକାଉଣ୍ଟରେ ଜମା କରି କ୍ରେଡିଟ୍ କାର୍ଡର ବିଲ୍ ଭରୁଥିଲେ । ଏହାମାଧ୍ୟମରେ ଯାହା ରିୱାର୍ଡ ମିଳିଥାଏ ତାହା ତାଙ୍କ ରୋଜଗାର ହେଉଥିଲା ।
ଅନିକେବ ପାଖରେ ଯେଉଁ ଆମେରିକୀୟ ଏକ୍ସପ୍ରେସ କ୍ରେଡିଟ କାର୍ଡ ଥିଲା, ସେହି କାର୍ଡ ମାଧ୍ୟମରେ ଗ୍ରୋସରୀ ଷ୍ଟୋର୍ କିମ୍ବା ଫାର୍ମାସିରେ କିଣାକିଣି କରିବା ଦ୍ୱାରା ୫ ପ୍ରତିଶତ ଅସୀମିତ ରିୱାର୍ଡ ମିଳୁଥିଲା । ଏହି କାରଣରୁ, ଅନିକେବ ଗ୍ରୋସରୀ ଦୋକାନକୁ ଯାଇ ସେଠାରେ ପ୍ରିପେଡ୍ ଭିସା ଗିଫ୍ଟ କାର୍ଡ କିଣୁଥିଲେ । ଗ୍ରୋସରୀ ଦୋକାନରେ ଗିଫ୍ଟ କାର୍ଡ କିଣିବା ପାଇଁ ଦୈନିକ ସୀମା ରହୁଥିଲା । ସେଥିପାଇଁ ଅନିକେବ ପ୍ରାୟତଃ ଗ୍ରୋସରୀ ଦୋକାନକୁ ଯାଉଥିଲେ । ଅନିକେବ କେବଳ ସେହି ଗିଫ୍ଟ କାର୍ଡ କିମ୍ବା ମନି ଅର୍ଡର କାର୍ଡ କିଣୁଥିଲେ ଯେଉଁଥିରେ ପ୍ରୋଶେସିଂ ଶୁଳ୍କ କମ୍ ରହୁଥିଲା ।
୫୦୦ ଡଲାର ଗିଫ୍ଟ କାର୍ଡ କିଣିବା ଉପରେ ତାଙ୍କୁ ୫ ପ୍ରତିଶତ ହାରରେ ୨୫ ଡଲାର ରିୱାର୍ଡ ମିଳୁଥିଲା । ଗିଫ୍ଟ କାର୍ଡର ଫି ଏବଂ ଏହାକୁ ନଗଦ ଆକାରରେ ପରିଣତ କରିବାକୁ ତାଙ୍କୁ ୬ ଡଲାର ଖର୍ଚ୍ଚ କରିବାକୁ ପଡୁଥିଲା । ଏହି ହିସାବରେ ତାଙ୍କୁ ୧୯ ଡଲାରର ଲାଭ ହେଉଥିଲା । ରିପୋର୍ଟ ଅନୁଯାୟୀ, ଏମିତି କରି କରି ଅନିକେବ ତିନି ଲକ୍ଷ ଡଲାର (ପ୍ରାୟ ଦୁଇ କୋଟି ସତର ଲକ୍ଷ ଟଙ୍କା) ରୋଜଗାର କରିଦେଇଥିଲେ। ଏହାପରେ ଆମେରିକାର ଟିକସ ବିଭାଗର ବ୍ୟବସ୍ଥା ଅଧିକାରୀମାନଙ୍କୁ ସତର୍କ କରାଇ ଦେଇଥିଲା । ଏବଂ ଆୟକର ବିଭାଗ ଏ ସମ୍ପର୍କରେ ଖବର ପାଇ ତାଙ୍କୁ ନୋଟିସ ପଠାଇ ଦେଇଛି ।
ରିପୋର୍ଟରେ ଦର୍ଶାଯାଇଛି ଯେ ଅନିକେବ ଛାତ୍ର ଜୀବନରୁ କ୍ରେଡିଟ କାର୍ଡରୁ ରୋଜଗାର କରିବାକୁ ଆଗ୍ରହୀ ଥିଲେ। ସେ ୨୦୦୯ରୁ ଏହା କରିଆସୁଥିଲେ। ପରେ ସେ ଅଧିକ ସପିଂ କରିବା ଆରମ୍ଭ କରିଥିଲେ ।

ସଂକ୍ରମଣକୁ ରୋକିବାରେ ସହାୟକ ହେବ ଲକ୍‌ଡାଉନ୍: ଜାଣନ୍ତୁ କେବେ ହଟିବ କଟକଣା

ଭୁବନେଶ୍ୱର: ସଂକ୍ରମଣକୁ ରୋକିବାରେ ସହାୟକ ହେବ ଲକ୍‌ଡାଉନ୍ । ରାଜ୍ୟରେ ଲାକଡାଉନ ପ୍ରଭାବ ନିଶ୍ଚିତ ଭାବେ ଦେଖିବାକୁ ମିଳିବ । ଲାକଡାଉନ ଆରମ୍ଭରୁ ସଂକ୍ରମଣ ହାର ପାଖାପାଖି ୨୬ ପ୍ରତିଶତ ଥିଲା। ଗତକାଲି ୧୪ ପ୍ରତିଶତକୁ ଖସିଆସିଛି । ଏହା ସଂକ୍ରମଣ ତଳମୁହାଁ ହେବାର ସଂକେତ ଦେଉଛି। ହଠାତ କମିବନି ଏଭଳି ସଂକ୍ରମଣ ହାର । ବନ୍ୟା ଅଞ୍ଚଳରୁ ଫେରିଲେ ସଂଖ୍ୟା ପ୍ରାୟ ବଢ଼ିବ। ତେଣୁ ବର୍ତ୍ତମାନ ସଂକ୍ରମର ହାର ଏଭଳି ରହିବ । କିନ୍ତୁ ୨ ସପ୍ତାହ ବେଳକୁ ପ୍ରାୟ ୫ ପ୍ରତିଶତ ଖସିଆସିବା ସମ୍ଭାବନା ରହିଛି। ୫ ପ୍ରତିଶତ ତଳକୁ ଖସିବା ପରେ କଟକଣା କୋହଳ କରି ହେବ। ୩ ଟି ଜିଲ୍ଲାରେ ସଂକ୍ରମଣ ହାର ୫ ପ୍ରତିଶତ ତଳକୁ ଖସିଥିବାରୁ ତିନିଟି ଜିଲ୍ଲାରେ କଟକଣା କୋହଳ କରିଛନ୍ତି ସରକାର, ଯାହାକି ଏକ ଭଲ ନିଷ୍ପତ୍ତି । ଗାଁମାନଙ୍କରେ ବାହାଘରରେ ଯେଭଳି ଅଧିକ ସଂଖ୍ୟାରେ ଲୋକ ଗହଳି ନ ହୁଏ ସେଥପ୍ରତି ଦୃଷ୍ଟି ଦିଆଯିବା ଆବଶ୍ୟକ। ଟ୍ରାନ୍ସମିଶନ ରେଟ କମିବା ସ୍ଥିତିରେ ଥିବାରୁ ସରକାର କିଛି ଜିଲ୍ଲାରେ କୋହଳ କରିଛନ୍ତି। କିନ୍ତୁ ବଢିଲେ କଟକଣା କରିବାକୁ ପ୍ରାବଧାନ ରହିଛି। ତେଣୁ ସମ୍ପୂର୍ଣ୍ଣ ଟିକାକରଣ ନ ହେବା ପର୍ଯ୍ୟନ୍ତ ସମ୍ପୂର୍ଣ୍ଣ ସଜାଗ ରହିବାକୁ ପଡ଼ିବ । ନୂଆ ଷ୍ଟ୍ରେନ ଆସୁଥିବାରୁ ଟିକାର ପ୍ରଭାବ କମ୍ ରହୁଛି । ଏହା ଚିନ୍ତାର କାରଣ ହୋଇପାରେ। ମାମଲା ସଂଖ୍ୟା ଅଧିକ ଥିବାରୁ ଏହା ମୃତ୍ୟୁ ସଂଖ୍ୟା ବଢିବାର କାରଣ । ସେହି ସମୟରେ କେସ ଲୋଡ଼ ଅଧିକ ଥିଲା। ଆଜିର ଦିନକୁ ଦେଖିଲେ ଜୁନ ୧୫ ଆଡକୁ ମୃତ୍ୟୁ ସଂଖ୍ୟା କମିଯିବ। ବିଶେଷଜ୍ଞଙ୍କୁ ନେଇ ସରକାର ପ୍ୟାନେଲ କରିଥିବାରୁ ଏହା ବହୁତ ଫଳପ୍ରଦ ହେବ। ଗାଁ ମାନଙ୍କରେ ସଂକ୍ରମଣ ବ୍ୟାପିଥିବାରୁ ଅନ୍ୟ ରାଜ୍ୟ ପରି ହଠାତ୍ କମିବନି। କିନ୍ତୁ ଜୁଲାଇ ଆଡ଼କୁ ୩ ଅଙ୍କକୁ ଖସି ଆସିଥିବା ସଂକ୍ରମିତଙ୍କ ସଂଖ୍ୟା । ଟିକାକରଣ ବ୍ୟାପକ ହେଲେ ତୃତୀୟ ଲହରର ଏତେ ପ୍ରଭାବ ପଡିବନି । ଟିକାକରଣ ହେଲେ ମୃତ୍ୟ ସଂଖ୍ୟା ଓ ଗୁରୁତର ରୋଗୀଙ୍କ ସଂଖ୍ୟା କମିବ ନିଶ୍ଚୟ। ଜିନମ ସିକ୍ୟୁଏନ୍ସ କରିବାକୁ ପଡିବ ନୂଆ ଟ୍ରେଣ୍ଡ ବିଷୟରେ ଜାଣିବା ପାଇଁ। ଯାହାଦ୍ୱାରା ଯେଉଁଠି ବଢିବ କିମ୍ବା ନୂଆ ଷ୍ଟ୍ରେନ ଦେଖିବାକୁ ମିଳିବ କଟକଣା କରାଯାଇବାପରିବ।

ଏଥିସହିତ ପଢ଼ନ୍ତୁ: ବାତ୍ୟା କ୍ଷୟକ୍ଷତି ନେଇ ରିପୋର୍ଟ ପ୍ରଦାନ: ଜଳ ସମ୍ପଦ ବିଭାଗରେ ୮୭କୋଟି ଟଙ୍କାର କ୍ଷତି

ଅସୁସ୍ଥ ଚିତ୍ରଶିଳ୍ପୀ ତାରାକାନ୍ତ ପରିଡ଼ାଙ୍କୁ ରାଜ୍ୟ ସଂସ୍କୃତି ବଭାଗ ପକ୍ଷରୁ ଆର୍ଥିକ ସହାୟତା

ଭୁବନେଶ୍ୱର: ଅସୁସ୍ଥ ଚିତ୍ରଶିଳ୍ପୀଙ୍କୁ ରାଜ୍ୟ ସଂସ୍କୃତି ବିଭାଗ ପକ୍ଷରୁ ଆର୍ଥିକ ସହାୟତା ପ୍ରଦାନ । ୧ ଲକ୍ଷ ଟଙ୍କାର ଆର୍ଥିକ ସହାୟତା ପ୍ରଦାନ କଲା ରାଜ୍ୟ ସଂସ୍କୃତି ବିଭାଗ । ବିଶିଷ୍ଟ ଚିତ୍ରଶିଳ୍ପୀ ତାରାକାନ୍ତ ପରିଡ଼ା ହେଉଛନ୍ତି ଲଳିତ କଳା ଏକାଡେମୀର ପୂର୍ବତନ ସଚିବ । ସେ ବର୍ତ୍ତମାନ ମେଡ଼ିକାଲରେ ଚିକିତ୍ସାଧୀନ ଅଛନ୍ତି ।ଓଡ଼ିଶା ଚିତ୍ରଶିଳ୍ପୀ ଜଗତର ଜଣେ ଜଣାଶୁଣା ନାମ ହେଉଛି ତାରାକାନ୍ତ ପରିଡା । ନିଜର ତୂଳୀରେ ଯାଦୁରେ ନିମିଷେକ ମଧ୍ୟରେ ଆଙ୍କି ଦିଅନ୍ତି ବିଭିନ୍ନ ବିଷୟବସ୍ତୁକୁ ନେଇ ଉତ୍କର୍ଷ ଚିତ୍ରକଳା । ଆହୁରି ମଧ୍ୟ ରାଜ୍ୟରେ ଆର୍ଟ ଗ୍ୟାଲେରୀର ଜନକ ଭାବେ ପରିଚିତ ପରିଡା ଗତ ୧୩ ତାରିଖ ରାତିରୁ ଅସୁସ୍ଥ ହୋଇ ପଡିଛନ୍ତି । ଫଳରେ ତାଙ୍କୁ ଏମ୍ସ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ତାଙ୍କର ଏବେ ଚିକିତ୍ସା ଚାଲିଥିବା ନିକଟତମ ମହଲରୁ ପ୍ରକାଶ। ସୂଚନାଯୋଗ୍ୟ ପରିଡା ଗତ କିଛି ଦିନ ଧରି ମଧ୍ୟ ଅସୁସ୍ଥ ହୋଇ ଭଲ ହୋଇଥିଲେ । ସେ ସ୍ନାୟବିକ ରୋଗରେ ପୀଡ଼ିତ ଅଛନ୍ତି ।

ଏଥିସହିତ ପଢ଼ନ୍ତୁ: ରାଜଧାନୀରେ ଲୁଟେରାଙ୍କ ଦୌରାତ୍ମ୍ୟ: ଯୁବତୀଙ୍କୁ ଛୁରା ମାଡ଼ କରି ଲୁଟ୍ ଉଦ୍ୟମ, ସିସିଟିଭିରେ କଏଦ ହେଲା ଦୃଶ୍ୟ

ହାର୍ଟ ଆଟାକରେ ’ସାଇକେଲ୍ ଗାର୍ଲ’ ଜ୍ୟୋତିଙ୍କ ପିତାଙ୍କ ଦେହାନ୍ତ

ପାଟନା: ବିହାର ଦରଭଙ୍ଗାର ସାଇକେଲ୍ ଗାର୍ଲ ଭାବେ ପରିଚିତ ଜ୍ୟୋତି ପାସବାନଙ୍କ ପିତା ମୋହନ ପାସବାନଙ୍କର ହୃଦଘାତରେ ମୃତ୍ୟୁ ଘଟିଛି । ଆଜି ସକାଳେ ତାଙ୍କର ମୃତ୍ୟୁ ଘଟିଛି । ଏନେଇ ପରିବାର ବର୍ଗ ପକ୍ଷରୁ ସ୍ପଷ୍ଟ କରାଯାଇଛି ।

ଗତ ବର୍ଷ କରୋନା ମହାମାରୀ ଜନିତ ଲକଡାଉନ୍ ସମୟରେ ଜ୍ୟୋତି ନିଜ ପିତାଙ୍କୁ ସାଇକେଲରେ ବସାଇ ଗୁଡଗାଁଓରୁ ଦରଭଙ୍ଗା ଆଣିଥିଲେ । ଯାହା ସେସମୟରେ ଖୁବ୍ ଚର୍ଚ୍ଚାର ବିଷୟ ପାଲଟିଥିଲା ।

ଦରଭଙ୍ଗା ଜିଲ୍ଲାର ସିଂହୱାଡା ପ୍ରଖଣ୍ଡ ସ୍ଥିତ ସିରହୁଲ୍ଲି ଗାଁର ୧୩ ବର୍ଷୀୟା ଏହି ଝିଅଟି ସାଇକେଲରେ ନିଜ ପିତାଙ୍କୁ ବସାଇ ଗୁରୁଗ୍ରାମରୁ ବିହାରର ଦରଭଙ୍ଗା ଯାଏ ଆଣିଥିଲେ ମାତ୍ର  ୮ ଦିନରେ । ଆଉ ଯେଉଁଥିପାଇଁ ତାଙ୍କୁ ପ୍ରାୟ ୧୨ ଶହ କିଲୋମିଟର ସାଇକେଲ ଚଳାଇବାକୁ ପଡିଥିଲା ।

କେବଳ ଏତିକି ନୁହେଁ ଜ୍ୟୋତିଙ୍କର ଏହି ସମୟର ଫଟୋକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଝିଅ ଇଭାଙ୍କା ଟ୍ରମ୍ପ ମଧ୍ୟ ଟ୍ୱିଟ୍ କରିଥିଲେ। ତା ପରେ ସେ ଚର୍ଚ୍ଚା ଘେରକୁ ଆସିଥିଲେ। ତାଙ୍କ ଉପରେ ଫିଲ୍ମ ତିଆରି କରିବାକୁ ମଧ୍ୟ ଚର୍ଚ୍ଚା ହୋଇଥିଲା। ତାଙ୍କୁ କିଛି ସାଇକେଲ କମ୍ପାନୀ ସାଇକେଲିଂ ଟ୍ରେନିଂ ଦେବା ପାଇଁ ମଧ୍ୟ କହିଥିଲେ।

ଉଲ୍ଲେଖଯୋଗ୍ୟ, ଦିଲ୍ଲୀ-ଏନସିଆରରେ ମୋହନ ପାସବନ ଅଟୋ ଚଳାଇ ନିଜ ପରିବାର ପ୍ରତିପୋଷଣ କରୁଥିଲେ । ୨୦୨୦ ମସିହା ଜାନୁଆରୀରେ ତାଙ୍କର ଆକ୍ସିଡେଣ୍ଟ ହୋଇଯାଇଥିଲା । ଯାହା ପରେ ପିତାଙ୍କର ଦେଖାଶୁଣା କରିବା ଲାଗି ଜ୍ୟୋତି ସେଠାକୁ ଯାଇଥିଲେ । ହେଲେ ପରେ ସାରା ଦେଶରେ ଲକଡାଉନ୍ ଜାରି କରାଯାଇଥିଲା । ଯାହା ପରେ ଜ୍ୟୋତି ନିଜ ପିତାଙ୍କୁ ଧରି ଘରକୁ ଫେରିଥିଲେ ।

ବାତ୍ୟା କ୍ଷୟକ୍ଷତି ନେଇ ରିପୋର୍ଟ ପ୍ରଦାନ: ଜଳ ସମ୍ପଦ ବିଭାଗରେ ୮୭କୋଟି ଟଙ୍କାର କ୍ଷତି

ଭୁବନେଶ୍ୱର: ବାତ୍ୟା ଓ ବନ୍ୟା ଯୋଗୁଁ ଜଳସମ୍ପଦ ବିଭାଗର ୮୭ କୋଟି ଟଙ୍କାର କ୍ଷୟକ୍ଷତି ହୋଇଛି । ଏ ନେଇ ସରକାରଙ୍କୁ ପ୍ରାଥମିକ ଆକଳନ ରିପୋର୍ଟ ଦେଇଛି ବିଭାଗ। ବୃହତ ଜଳ ପ୍ରକଳ୍ପ ଓ ଲୁଣାବନ୍ଧରେ କ୍ଷତି ହୋଇଛି ୬୯.୧୮ କୋଟି। ଡ୍ରେନେଜରେ ୭.୬୬ କୋଟି। ଉଠା ଜଳସେଚନ ପ୍ରକଳ୍ପ ପ୍ରାୟ ୨.୬୩ କୋଟି । ମଧ୍ୟମ ପ୍ରକଳ୍ପରେ ୭.୦୮ କୋଟି କ୍ଷୟକ୍ଷତି ହୋଇଛି। ବାଲେଶ୍ୱରର ଏବେ ବି କିଛି ଅଞ୍ଚଳ ଜଳମଗ୍ନ ଥିବାରୁ ସମ୍ପୂର୍ଣ୍ଣ ଆକଳନ କରାଯାଇପାରିନି।ଆସନ୍ତାକାଲି ସୁଦ୍ଧା ସ୍ଥିତି ସ୍ୱାଭାବିକ ହେବା ପରେ ଆକଳନ କରାଯିବ। ବର୍ତ୍ତମାନ ସୁଦ୍ଧା ଛୋଟ ଓ ବଡ଼ ଘାଇକୁ ମିଶାଇ ୩୫ଟି ଘାଇ ମରାମତି କରାଯାଇଛି। ମୋଟ ୭୭ ଘାଇ ହୋଇଛି। ବାଲେଶ୍ଵରରେ ଲୁଣବନ୍ଧ ବହୁ ମାତ୍ରାରେ ପ୍ରଭାବିତ ହୋଉଛି। ମୌସୁମୀ ବର୍ଷା ପୂର୍ବରୁ ଯୁଦ୍ଧକାଳୀନ ଭିତ୍ତିରେ ସବୁ ମରାମତି କରାଯିବ। ବନ୍ୟା ସ୍ଥିତିରେ ସୁଧାର ଆସୁଛି ।

ଏଥିସହିତ ପଢ଼ନ୍ତୁ: ୪ ଦିନ ଯାଏଁ ରାଜ୍ୟର ଅଧିକାଂଶ ସ୍ଥାନରେ କାଳବୈଶାଖୀ ବର୍ଷା ଆଶଙ୍କା

 

ମୁଖ୍ୟ ସଚିବଙ୍କ ବଦଳି ନିର୍ଦ୍ଦେଶକୁ ବାତିଲ କରିବାକୁ ଚିଠି ଲେଖିଲେ ମମତା, କହିଲେ ଏହା ଏକପାକ୍ଷିଆ ନିଷ୍ପତ୍ତି

ନୂଆଦିଲ୍ଲୀ: ପଶ୍ଚିମବଙ୍ଗର ମୁଖ୍ୟ ସଚିବ ଅଲପନ୍ ବନ୍ଦୋପାଧ୍ୟାୟଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ। କାରଣ ବନ୍ଦୋପାଧ୍ୟୟଙ୍କ ଦିଲ୍ଲୀ ଗସ୍ତରେ ଲାଗିଛି ରୋକ । ଆଉ ରାଜ୍ୟ ଓ କେନ୍ଦ୍ର ଫଶି ଯାଇଛନ୍ତି ବାନ୍ଦୋପାଧ୍ୟାୟ । ଅଲପନ ବନ୍ଦୋପାଧ୍ୟୟଙ୍କୁ ମେ ୩୧ ଅର୍ଥାତ୍ ଆଜି ସକାଳ ୧୦ ଟା ପୂର୍ବରୁ ଦିଲ୍ଲୀରେ ରିପୋର୍ଟ କରିବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଥିଲେ । କିନ୍ତୁ ବନ୍ଦୋପାଧ୍ୟାୟ ସେଠାରେ ରିପୋର୍ଟ କରିବା ବଦଳରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ କେନ୍ଦ୍ରକୁ ଏକ ଚିଠି ପଠାଇଛନ୍ତି । ଆଉ ସେ ଚିଠି ମାଧ୍ୟମରେ ମମତା ଲେଖିଛନ୍ତି ଯେ, ଏଭଳି କଠିନ ସମୟରେ ପଶ୍ଚିମବଙ୍ଗ ସରକାର ତାଙ୍କର ମୁଖ୍ୟ ସଚିବଙ୍କୁ ମୁକ୍ତ କରିପାରିବେ ନାହିଁ । ବିଭିନ୍ନ ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ମମତାଙ୍କ ଏହି ନିଷ୍ପତ୍ତି ପରେ DoPT ବିଭାଗ ବନ୍ଦୋପାଧ୍ୟାୟଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରନ୍ତି।

ସୋମବାର ସକାଳୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସମ୍ବୋଧିତ କରି ଯେଉଁ ପତ୍ରରେ ମମତା ଲେଖିଛନ୍ତି ସେଥିରେ ଲେଖାଯାଇଛି ଯେ, ଆଲାପାନ୍ ବାନ୍ଦୋପାଧ୍ୟାୟଙ୍କୁ ଦିଲ୍ଲୀର ରିପୋର୍ଟ କରିବାର ନିର୍ଦ୍ଦେଶକୁ ପ୍ରତ୍ୟାହାର କରିବା ଉଚିତ୍। ଏବଂ ମମତା କହିଛନ୍ତି ଯେ, କେନ୍ଦ୍ରର ଏହି ‘ଏକପାଖିଆ’ ନିଷ୍ପତ୍ତିରେ ସେ ଆଶ୍ଚର୍ଯ୍ୟ । ରାଜ୍ୟ ସଚିବାଳୟରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ସୋମବାର ଅନୁଷ୍ଠିତ ହେବାକୁ ଥିବା ବୈଠକରେ ବନ୍ଦୋପାଧ୍ୟାୟଙ୍କୁ ଯୋଗଦେବାର କାର୍ଯ୍ୟକ୍ରମ ରହିଛି।

ଚିଠିରେ କଣ ଲେଖିଛନ୍ତି ମମତା ?

ମମତା ବାନାର୍ଜୀ ଏହି ଚିଠିରେ କହିଛନ୍ତି ଯେ, ପଶ୍ଚିମବଙ୍ଗ ସରକାର ଏଭଳି କଷ୍ଟ ସମୟରେ ତାହାର ମୁଖ୍ୟ ସଚିବଙ୍କୁ ମୁକ୍ତ କରିପାରିବେ ନାହିଁ । ମମତା କେନ୍ଦ୍ରକୁ ଏହି ନିଷ୍ପତ୍ତି ପ୍ରତ୍ୟାହାର କରିବାକୁ ନିର୍ଦ୍ଦେଶକୁ ପୁନର୍ବିଚାର ଏବଂ ବାତିଲ କରିବାକୁ ଅନୁରୋଧ କରିଛନ୍ତି । ଶନିବାର ଦିନ ମମତା କହିଥିଲେ, “ତାଙ୍କର (ଆଲାପାନ୍ ବାନ୍ଦୋପାଧ୍ୟାୟ) ଭୁଲ୍ କ’ଣ? ମୁଖ୍ୟ ଶାସନ ସଚିବ ଭାବରେ ମୋତେ ସାହାଯ୍ୟ କରିବା ତାଙ୍କର କର୍ତ୍ତବ୍ୟ। ବନ୍ଦୋପାଧ୍ୟାୟଙ୍କୁ କାହିଁକି ହଇରାଣ କରାଯାଉଛି ? ସେ ଦିନରାତି କାର୍ଯ୍ୟ କରୁଥିବା ଜଣେ ସଚ୍ଚୋଟ ବ୍ୟକ୍ତି। ”

ସୂଚନାଯୋଗ୍ୟ ଯେ, ବନ୍ଦୋପାଧ୍ୟାୟଙ୍କ କାର୍ଯ୍ଯକାଳ ଆଜି ଅର୍ଥାତ୍ ୩୧ମେ ସରିବାର ଥିଲା କିନ୍ତୁ ଏହାର କିଛିଦିନ ପୂର୍ବରୁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ବନ୍ଦୋପାଧ୍ୟୟଙ୍କ କାର୍ଯ୍ୟକାଳ ଆଉ ୩ମାସ ବୃଦ୍ଧି କରାଇଛନ୍ତି । ତେବେ ଏଭଳି ପରିସ୍ଥିତରେ ରାଜ୍ୟ ଓ କେନ୍ଦ୍ର ମଧ୍ୟରେ ଚାଲିଥିବା ଏହି ଶୀତଳ ଯୁଦ୍ଧ ଏବେ ପଦାରେ ପଡ଼ିଛି ।

ସେଣ୍ଟ୍ରାଲ ଭିଷ୍ଟା ପ୍ରକଳ୍ପ କାର୍ଯ୍ୟରେ ଲାଗିବନି ରୋକ, ଆବେଦନକାରୀଙ୍କ ଉପରେ ଲାଗିଲା ଜୋରିମାନା

ନୂଆଦିଲ୍ଲୀ: ସେଣ୍ଟ୍ରାଲ ଭିଷ୍ଟା ପ୍ରକଳ୍ପ କାର୍ଯ୍ୟରେ ଲାଗିବନି ରୋକ। ଏନେଇ ଦିଲ୍ଲୀ ହାଇକୋର୍ଟ ଶୁଣାଣି କରିଛନ୍ତି ।

ସୂଚନା ଅନୁଯାୟୀ, ଏହି ପ୍ରକଳ୍ପ କାର୍ଯ୍ୟରେ ରୋକ ଲଗାଇବାକୁ ଦାଏର ହୋଇଥିବା ପିଟିସନର ଶୁଣାଣି କରି କାର୍ଯ୍ୟ ବନ୍ଦ କରାଯିବ ନାହିଁ ବୋଲି କହିଛନ୍ତି ଦିଲ୍ଲୀ ହାଇକୋର୍ଟ । ଏହାସହ ପିଟିସନ ଦାଏର କରିଥିବା ଆବେଦନକାରୀଙ୍କୁ ୧ ଲକ୍ଷ ଟଙ୍କାର ଜୋରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ।

ଏହି ଅବସରରେ କୋର୍ଟ କହିଛନ୍ତି ଯେ, ସେଣ୍ଟ୍ରାଲ ଭିଷ୍ଟା ଏକ ପ୍ରମୁଖ ପ୍ରକଳ୍ପ ଏବଂ ଏକ ଆବଶ୍ୟକୀୟ ରାଷ୍ଟ୍ରୀୟ ଯୋଜନା । ଏହା ସହ ଆବେଦନକୁ ଏକ ସୁପରିକଳ୍ପିତ କହିବା ସଙ୍ଗେସଙ୍ଗେ ଏହା ବାସ୍ତବିକ ଜନସ୍ୱାର୍ଥ ମାମଲା ନୁହେଁ ବୋଲି କହିଛନ୍ତି ।

ଦିଲ୍ଲୀରେ ଲକଡାଉନ ଜାରି କରାଯାଇଥିବା ବେଳେ ନିର୍ମାଣ କାର୍ଯ୍ୟ ବନ୍ଦ ରହିଛି । ହେଲେ ସେଣ୍ଟ୍ରାଲ ଭିଷ୍ଟା ପ୍ରକଳ୍ପ କାର୍ଯ୍ୟ ଜାରି ରହିବା ସହ ସେଠାରେ ପ୍ରାୟ ୫ଶହ ଶ୍ରମିକ କାର୍ଯ୍ୟ କରୁଛନ୍ତି । ସେମାନଙ୍କ ଯୋଗୁ କରୋନା ସଂକ୍ରମଣ ବ୍ୟାପିବା ଆଶଙ୍କା କରି କୋର୍ଟରେ ପିଟିସନ ଦାଏର ହୋଇଥିଲା ।

Delhi High Court

ତେବେ ଏହି ପ୍ରକଳ୍ପ କାର୍ଯ୍ୟସ୍ଥଳରେ କରୋନା କଟକଣାରେ କାର୍ଯ୍ୟ ଚାଲିଛି । ତେଣୁ ପ୍ରକଳ୍ପ କାର୍ଯ୍ୟ ଜାରି ରହିବ ବୋଲି କୋର୍ଟ କହିଛନ୍ତି।