ଭୁବନେଶ୍ୱର: ୨୦୨୧-୨୨ ଶିକ୍ଷା ବର୍ଷ ପାଇଁ ଆରମ୍ଭ ହୋଇଛି ନାମଲେଖା। ରାଜ୍ୟର ସମସ୍ତ ସରକାରୀ ସ୍କୁଲରେ ପ୍ରଥମରୁ ନବମ ଶ୍ରେଣୀ ଯାଏ ଚାଲିଛି ନାମଲେଖା। ପ୍ରଥମ ଦିନ ହାତ ଗଣତି ଅଭିଭାବକ ଆସିଥିବାବେଳେ ଅନେକ ବେସରକାରୀ ସ୍କୁଲରୁ ସରକାରୀ ସ୍କୁଲରେ ନାମ ଲେଖାଇବାକୁ ଆସିଥିଲେ।

ଘରୋଇ ସ୍କୁଲରେ ଆଉ ପିଲା ପଢ଼ିବେନି ପାଠ  । ସରକାରୀ ସ୍କୁଲ-ମୁହାଁ ଅଭିଭାବକ  । ବର୍ଦ୍ଧିତ ସ୍କୁଲ ଫି ପାଇଁ ବାପା ମା’ଙ୍କ ମୁଣ୍ଡରେ ଚଡକ  ।  ୨୦୨୧-୨୨ କରୋନା ମାଡ଼ରେ ବେହାଲ ଆର୍ଥିକି ସ୍ଥିତି  । ପ୍ରାଇଭେଟ ସ୍କୁଲର ଫି ବୃଦ୍ଧି ମଧ୍ୟ ଅଭିଭାବକଙ୍କ ପକେଟ ଫାଙ୍କା କରୁଛି  । ବେସରକାରୀ ସ୍କୁଲ କର୍ତ୍ତୃପକ୍ଷ ଟଙ୍କା ଶୋଷିବା ଆରମ୍ଭ କରିଛନ୍ତି  । ଫଳରେ  ପିଲାଙ୍କ ପାଠ ପଢା ସହ ପରିବାର ଚଳାଇବା  କଷ୍ଟକର ହେଉଛି  । ତେଣୁ ସରକାରୀ ସ୍କୁଲରେ ପିଲାଙ୍କୁ ପଢ଼ାଇବାକୁ ସ୍ଥିର କରିଛନ୍ତି  ।…

ସୂର୍ଯ୍ୟକାନ୍ତଙ୍କ ଭଳି ରାଉରକେଲାର ସୁବଳ ବିଶ୍ବାଳ ବି ସମାନ ନିଷ୍ପତ୍ତି ନେଇଛନ୍ତି  । ସୁବଳଙ୍କ ଝିଅ ବେସରକାରୀ ଶିକ୍ଷାନୁଷ୍ଠାନରେ ପାଠ ପଢୁଥିଲେ  ।   ଚଳିତ ବର୍ଷ ସପ୍ତମ ଶ୍ରେଣୀରୁ ଟିସି ନେଇ ସରକାରୀ ବିଦ୍ୟାଳୟରେ ପାଠ ପଢାଇବା ପାଇଁ ଚିନ୍ତା କଲେଣି ସୁବଳ  ।…

ଏ କାହାଣୀ କେବଳ ସୂର୍ଯ୍ୟକାନ୍ତ କିମ୍ବା ସୁବଳଙ୍କର ନୁହେଁ, ଏଭଳି ଅନେକ ମଧ୍ୟବିତ୍ତ ଅଭିଭାବକ ବେସରକାରୀ ବିଦ୍ୟାଳୟରୁ ମୁହଁ ଫେରାଇ ସରକାରୀ ବିଦ୍ୟାଳୟ ମୁହାଁ ହେଉଛନ୍ତି  ।

ଭୁବନେଶ୍ୱର: ସଂକ୍ରମଣ ରୋକିବାକୁ ରାଜ୍ୟ ସରକାରଙ୍କ ପକ୍ଷରୁ ନିଆ ଯାଉଛି ଅନେକ ପଦକ୍ଷେପ। ହେଲେ ଆହାର କେନ୍ଦ୍ର ଗୁଡ଼ିକରେ ଲାଗିରହୁଛି ଭିଡ଼। ନା ଏଠି ଅଛି ସାମାଜିକ ଦୂରତା ନା ଏଠାରେ ହେଉଛି ବିଶୋଧନ। ଯାହାକୁ ନେଇ ଖୋଦ୍ ଆହାର କେନ୍ଦ୍ର ହିତାଧିକାରୀ ଉଠାଇଛନ୍ତି ପ୍ରଶ୍ନ। ସେପଟେ କେନ୍ଦ୍ରରେ ଭିଡ ନିୟନ୍ତ୍ରଣ ପାଇଁ ନିଆଯାଉଥିବା ପଦକ୍ଷେପ  ଯଥେଷ୍ଟ ନଥିବା ସ୍ୱିକାର  କରିଛନ୍ତି ନିଜେ କେନ୍ଦ୍ରର କର୍ମଚାରୀ।

ରାଜଧାନୀରେ ଥିବା ୧୨ଟି ଆହାର କେନ୍ଦ୍ରରେ ସୁଲଭ ମୁଲ୍ୟରେ ଦିନକୁ ଖାଦ୍ୟ ପାଉଛନ୍ତି  ୫ହଜାରରୁ ଅଧିକ ଲୋକ। ତେବେ କେନ୍ଦ୍ରଗୁଡ଼ିକରେ ଭିଡ଼କୁ ଦୃଷ୍ଟିରେ ରଖି ବିଏମସି ପକ୍ଷରୁ ଜାରି କରାଯାଇଛି ସ୍ବତନ୍ତ୍ର ଗାଇଡ୍ ଲାଇନ୍। ସେପଟେ ଆହାର କେନ୍ଦ୍ର ଖୋଲିବା ସମୟସୀମାକୁ ମଧ୍ୟ ବୃଦ୍ଧି କରାଯାଇଛି। ନିୟମିତ ବ୍ୟବଧାନରେ ବିଶୋଧନ କରାଯିବା ସହ ବିନା ମାସ୍କ ଓ ସାମାଜିକ ଦୂରତାରେ କେନ୍ଦ୍ରକୁ ପ୍ରବେଶ କରିବା ଉପରେ କଟକଣା ଲଗାଯିବ ବୋଲି କହିଛନ୍ତି ବିଏମ୍ସି ଅତିରିକ୍ତ କମିଶନର।

ସପ୍ତାହାନ୍ତ ସଟଡାଉନ୍ ଦୁଇ ଦିନ ରାଜଧାନୀର ସମସ୍ତ ଆହାର କେନ୍ଦ୍ରକୁ ବନ୍ଦ ରଖିବାକୁ ନିଷ୍ପତ୍ତି ନେଇଛି ବିଏମ୍‌ସି ।

କଟକ: ଭ୍ୟାକସିନ୍ ପାଇଁ ଭୟାବହ ସ୍ଥିତି। ସବୁଠି ହାହାକାର, ଉତ୍ତେଜନା। ଟିକା ଗାଡିକୁ ଅଟକାଇଲେ ଲୋକେ। କଟକ ସିଡିଏ ଅଞ୍ଚଳରେ ଆଜି ଟିକାକରଣରେ ବିଳମ୍ବ ଓ ଟିକା ଅନ୍ୟତ୍ର ସ୍ଥାନାନ୍ତରିତ ନେଇ ଅଭିଯୋଗ।  କଟକ ସିଡିଏ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପରିସରର ଏହି ଦୃଶ୍ୟ । ଟିକା ନେବାକୁ ଆସିଥିବା ୪୫ ବର୍ଷରୁ ଉର୍ଦ୍ଧ୍ବ ଲୋକ ନିରାସ ହୋଇଛନ୍ତି। ଏପରିକି ମୁଣ୍ଡୁଳି ଯାଉଥିବା ଶହେ ଡୋଜ ଟିକାକୁ ଜୋର ଜବରଦସ୍ତି ଅଟକାଇଥିଲେ ସ୍ଥାନୀୟବାସିନ୍ଦା ।

ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା ପରେ ପରିସ୍ଥିତି ଶାନ୍ତ ପଡିବା ସହ ଟିକାକରଣ ଆରମ୍ଭ ହୋଇଥିଲା ।   ପ୍ରଥମେ ବରିଷ୍ଠ ନାଗରିକଙ୍କୁ ଦ୍ବିତୀୟ ଓ ପ୍ରଥମ ଡୋଜ ଟିକା ଦିଆ ଯାଇଥିଲା। ସ୍ଥାନୀୟ ବିଧାୟକ ମଧ୍ୟ ଆସନ୍ତାକାଲିଠାରୁ ଟିକାକରଣ ସ୍ବାଭାବିକ କରିବାକୁ ଦାବି କରିଥିଲେ।

କେବଳ ସିଡିଏ ନୁହେଁ କଟକ ର ଅଧିକାଂଶ ଟୀକା କେନ୍ଦ୍ର ରେ ଆଜି ଟୀକା ଅଭାବ ଥିବା ଲୋକମାନେ ଅଭିଯୋଗ କରିଛନ୍ତି । ତେଣୁ ଟୀକାକରଣ ର ସୁପରିଚାଳନା  ଆଗକୁ ଯେପରି ହେବ ସେ ନେଇ ଆଶା ରଖିଛନ୍ତି ସାଧାରଣ ଲୋକ ।

ଆସିକା: କରୋନାରେ ଘାଣ୍ଟି ହେଉଛି ସାରା ରାଜ୍ୟ। ସବୁଠି ଆତଙ୍କ ଓ ସବୁଠି ସତର୍କତା। ଗଞ୍ଜାମ ଜିଲ୍ଲା ଉପରେ ରହିଛ ପ୍ରଶାସନର ନଜର। ସଜାଗ ସରପଞ୍ଚ, ଚାଲିଛି ସଚେତନତା। ଜିଲ୍ଲାର ଆସିକା ଅଞ୍ଚଳରେ ପ୍ରଥମ କଣ୍ଟେନମେଣ୍ଟ ଘୋଷଣା ପରେ ସକ୍ରିୟ ହୋଇଛନ୍ତି ସରପଞ୍ଚ। ଆସିକା ବ୍ଳକର ଆଲିପୁର ପଞ୍ଚାୟତରେ ସରପଞ୍ଚ ଲୋକଙ୍କୁ ସଚେତନ କରିବା ସହ ଶପଥ ପାଠ କରାଇଛନ୍ତି। ସାମାଜିକ କର୍ମୀଙ୍କ ସହ ମିଶି ପ୍ରଚାର ଗାଡ଼ିରେ ଲୋକଙ୍କୁ ସଚେତନ କରିବା ସହ ନିଜେ ସଂଗରୋଧ କେନ୍ଦ୍ର ପ୍ରସ୍ତୁତ କରିଛନ୍ତି।

ଗାଁର ଯୁବକମାନଙ୍କୁ ନେଇ ଗଠିତ କରିଛନ୍ତି କୋରୋନା ଲଢେଇ ଯୋଦ୍ଧା ସଂଗଠନ। ଘର ଘର ବୁଲି ଲୋକଙ୍କ କରୋନା ଲଢେଇରେ ସାମିଲ କରିବାକୁ ସଚେତନ କରାଯାଉଛି। ପ୍ରବାସୀ ଫେରିଲେ କିପରି ସଂଗରୋଧ କେନ୍ଦ୍ରରେ ରଖାଯିବ ସେଥିପାଇଁ ବ୍ୟବସ୍ଥା ହୋଇଛି। କରୋନା ମୁକ୍ତ ପଞ୍ଚାୟତ ପାଇଁ ସଂଗ୍ରାମ ଜାରି ରହିଥିବା କହିଛନ୍ତି ସରପଞ୍ଚ।

ଖାଲି ଆଲିପୁର ନୁହେଁ, ଗତବର୍ଷ କରୋନାରୁ ଶିକ୍ଷା ଲାଭ କରିଛି ପୁରା ଗଞ୍ଜାମ ଜିଲ୍ଲା। ଏଥିପାଇଁ ପଞ୍ଚାୟତ ସ୍ତରରୁ ସବୁଠି ଆରମ୍ଭ ହୋଇଛି ସଚେତନତା।