spot_img
Home Blog Page 5610

ଶାରିରୀକ ସମ୍ପର୍କ ପରେ ପ୍ରତିଶ୍ରୁତି ପାଲଟିଲା ପାଣିର ଗାର: ଥାନାରେ ମାମଲା ରୁଜୁ କଲେ ପୀଡ଼ିତା

ମାଲକାନଗିରି: ପ୍ରେମ ପରେ ପ୍ରତାରଣା । ବିବାହର ପ୍ରଲୋଭନ ଦେଖାଇ ଶରିରୀକ ସମ୍ପର୍କ । ଆଉ ତା’ପରେ ପ୍ରତିଶ୍ରୁତି ପାଲଟିଲା ପାଣିର ଗାର । ବିବାହ ପାଇଁ କହିବାରୁ ଦିନ ଗଡ଼ାଇ ଚାଲିଲେ । ଏଭଳି କି ଧୋକ୍କା ଦେଇ ଅନ୍ୟ ଜଣଙ୍କୁ ମଧ୍ୟ ବାହାହେଲେ ମଧ୍ୟ ହୋଇଗଲେ । ଏ ନେଇ ପ୍ରତିବାଦ କରିବାରୁ ଆରମ୍ଭ ହେଲା ଗାଳିଗୁଲଜ । ଏଣୁ ବାଧ୍ୟ ପୀଡ଼ିତା ନେଲେ ପୋଲିସର ଆଶ୍ରୟ । ମାଲକାନଗିରି ଜିଲ୍ଲା ଆର୍କେଲ ଥାନା ଘଟଣା ।

ଘଟଣା ପ୍ରକାରେ, ମାଲକାନଗିରି ବନବିଭାଗରେ କାର୍ଯ୍ୟରତ ବନପାଳ ମୂରଲିଧର ଅନୁଗୁଳିଆ, ଓରକେଲ ଥାନା ଅଞ୍ଚଳର ଜଣେ ୨୬ ବର୍ଷୀୟା ଯୁବତୀଙ୍କ  ସହ ବିବାହର ପ୍ରଲଭନ ଦେଖାଇ ଶାରିରୀକ ସମ୍ପର୍କ ରଖିଥିଲେ । ଏ ନେଇ ଯୁବତୀଙ୍କ ପରିବାର ଲୋକେ ଜାଣିବା ପରେ ପ୍ରେମିକ ବନପାଳ ବିବାହ କରିବାକୁ ପ୍ରତିଶ୍ରୁତି ଦେଲେ । ହେଲେ ପ୍ରତିଶ୍ରୁତି ପୂରଣ କଲେନି । ବିବାହ ପାଇଁ କହିବାରୁ ଦିନ ଗଡ଼ାଇ ଚାଲିଲେ । ଏଭଳି କି ଅନ୍ୟ ଜଣେ ଯୁବତୀଙ୍କୁ ବିବାହ ମଧ୍ୟ କଲେ । ଏକଥା ପୀଡ଼ିତା ଜାଣିବାରୁ ପ୍ରତିବାଦ କଲେ । ଏଣୁ ବନପାଳ ଜଣଙ୍କ ଧମକ ଦେବା ସହ ଅଶ୍ଳୀଳ ଭାଷାରେ ଗାଳିଗୁଲଜ କଲେ । ତେଣୁ ବାଧ୍ୟ ହୋଇ ପୀଡ଼ିତା ଜଣକ ଅର୍କେଲ ଥାନାରେ ଅଭିଯୋଗ କଲେ । ଅର୍କେଲ ପୋଲିସ ମାମଲା ରୁଜୁ ନ କରିବାରୁ ରଖିବାରୁ ପୀଡ଼ିତା ଜଣଙ୍କ ବାଧ୍ୟ ହୋଇ ମାଲକାନଗିରି ଏସ.ଡି.ଜେ.ଏମ୍ କୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଏସ.ଡି.ଜେ.ଏମଙ୍କ ନିର୍ଦ୍ଦେଶ କ୍ରମେ ଆଜି ମାଲକାନଗିରି ପୋଲିସ  ୩୭୬ (୨ଏନ୍), ୪୨୦,୨୯୪ ଓ ୫୦୬ ଦଫାରେ ମାମଲା ରୁଜୁ କରି ଅଭିଯୁକ୍ତ ବନପାଳଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି ।

ଏଥିସହିତ ପଢ଼ନ୍ତୁ: ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ ନ କରିବାରୁ ଯୁବକଙ୍କ ଆତ୍ମହତ୍ୟା ଅଭିଯୋଗ: ଥାନା ଘେରିଲେ ପରିବାର ଲୋକେ

ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ ନ କରିବାରୁ ଯୁବକଙ୍କ ଆତ୍ମହତ୍ୟା ଅଭିଯୋଗ: ଥାନା ଘେରିଲେ ପରିବାର ଲୋକେ

ଭୁବନେଶ୍ୱର: ଯୁବକଙ୍କ ଆତ୍ମହତ୍ୟାକୁ ନେଇ ଉତ୍ତେଜନା । ମୃତଦେହ ରଖି ବାଲିପାଟଣା ଥାନା ଘେରିଲେ ଗ୍ରାମବାସୀ । ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିନଥିବାରୁ ଯୁବକ ଜଣଙ୍କ ଆତ୍ମହତ୍ୟା କରିଥିବା ଅଭିଯୋଗ । ପରକୀୟାପ୍ରୀତି ମାମଲାରେ ପୋଲିସ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରିନଥିବାର ଯୁବକ ଜଣଙ୍କ ଆତ୍ମହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ଲୋକେ ଏବଂ ଗ୍ରାମବାସୀ । ଏବଂ ଥାନା ଆଗରେ ମୃତଦେହ ରଖି କାର୍ଯ୍ୟାନୁଷ୍ଠାନ ଦାବି କରିଛନ୍ତି ।

ଘଟଣାନୁଯାୟୀ, ବାଲିପାଟଣା ଥାନା ବାରିଲୋ ଗାଁର ପ୍ରଶାନ୍ତ ଭୋଇ ସ୍ତ୍ରୀଙ୍କ ଅନୈତିକ ସମ୍ପର୍କକୁ ନେଇ ବାଲିପାଟଣା ଥାନାର ଦ୍ୱାରସ୍ଥ ହୋଇଥିଲେ । ପରେ ବାଲିପାଟଣା ଥାନା ଏ ଏସ୍ ଆଇ ପୁଷ୍ପଲତା ପାଇକରାୟ ଉଭୟ ସ୍ଵାମୀ – ସ୍ତ୍ରୀଙ୍କୁ ବସାଇ ଆଲୋଚନା କରିଥିଲେ । ଏବଂ ବୁଝାସୁଝା କରି ଘରକୁ ପଠାଇଥିଲେ । କିନ୍ତୁ ଏଥିରେ ପ୍ରଶାନ୍ତ ରାଜି ହୋଇନଥିଲେ ଏବଂ ସଠିକ୍ କାର୍ଯ୍ୟାନୁଷ୍ଠାନ ଗ୍ରହଣ ନ କଲେ ଆତ୍ମହତ୍ୟା କରିବେ ବୋଲି ଧମକ ଦେଇଥିଲେ ।

ପରେ ରବିବାର ସକାଳେ ପ୍ରଶାନ୍ତ ବିଷ ପିଇ ଗୁରୁତର ହୋଇଥିଲେ । ତାଙ୍କୁ ପ୍ରଥମେ ବାଳକାଟି ଗୋଷ୍ଠୀସ୍ଵାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ପରେ କ୍ୟାପିଟାଲ୍‌ ଏବଂ କଟକ ବଡ ମେଡ଼ିକାଲ୍‌ ସ୍ଥାନାନ୍ତର କରାଯାଇଥିଲା । କଟକ ବଡ ମେଡ଼ିକାଲ୍‌ରେ ପ୍ରଶାନ୍ତଙ୍କର ମୃତ୍ୟୁ ହୋଇଥିଲା । ମୃତଦେହ ଗାଁରେ ପହଁଞ୍ଚିବା ପରେ ଗ୍ରାମବାସୀ ମୃତଦେହକୁ ଥାନା ସମ୍ମୁଖରେ ରଖି ଅନୈତିକ ସମ୍ପର୍କରେ ଜଡ଼ିତ ଥିବା ଯୁବକଙ୍କୁ ଗିରଫ ଏବଂ ଏଏସ୍ ଆଇଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ଥାନା ଘେରାଉ କରିଥିଲେ । ଆଇଆଇସିଙ୍କ ସହ ଆଲୋଚନା ପରେ ସମ୍ପୃକ୍ତ ଯୁବକଙ୍କୁ ଗିରଫ କରିଥିଲା ପୋଲିସ୍ । ଏହା ସହ ଏ ଏସ୍ ଆଇଙ୍କ ବିରୋଧରେ କାର୍ଯ୍ୟାନୁଷ୍ଠାନ ପ୍ରତିଶ୍ରୁତି ପରେ ସ୍ଥିତି ଶାନ୍ତ ପଡିଥିଲା ।

ଏଥିସହିତ ପଢ଼ନ୍ତୁ: ପରିସ୍ଥିତି ବଦଳାଇ ଦେଇଛି ବୃତ୍ତି: ସଫେଇ ଗାଡ଼ି ଚଳାଉଛନ୍ତି ଶିକ୍ଷୟିତ୍ରୀ

ପରିସ୍ଥିତି ବଦଳାଇ ଦେଇଛି ବୃତ୍ତି: ସଫେଇ ଗାଡ଼ି ଚଳାଉଛନ୍ତି ଶିକ୍ଷୟିତ୍ରୀ

ଦୀର୍ଘ ଦେଢ଼ବର୍ଷ ହେଲା କନ୍ଦାଇଲାଣି କରୋନା । କଟକଣା ଯୋଗୁଁ ଭାଙ୍ଗିଯାଇଛି ଲୋକଙ୍କ ଆର୍ଥିକ ମେରୁଦଣ୍ଡ । ଅନେକ ନିଜର ଜୀବିକା ହରାଇଥିବାବେଳେ ଅନେକ ବାଧ୍ୟ ହୋଇ ନିଜର ବୃତ୍ତି ବଦଳାଇଛନ୍ତି । ଏଭଳି ଦୁଃସ୍ଥିତିରୁ ବାଦ ପଡ଼ିନାହାନ୍ତି ସ୍ମୃତିରେଖା । ଆର୍ଥିକ ଅନଟନ କାରଣରୁ ଶିକ୍ଷକତା ଛାଡ଼ି ଏବେ ସଫେଇବାଲା ଭାବେ ରାଜଧାନୀରେ ଚଲାଉଛନ୍ତି ଅଳିଆ ଗାଡ଼ି ।

ସ୍ମୃତିରେଖା ବେହେରା । ପଥରବନ୍ଧ ବସ୍ତିର ବାସିନ୍ଦା । ଶିକ୍ଷାଗତ ଯୋଗ୍ୟତା ରାଜନୀତି ବିଜ୍ଞାନରେ ସମ୍ମାନ ସହ ସ୍ନାତକ । ସ୍ୱାମୀ ଜଣେ ଅଟୋ ଡ୍ରାଇଭର । ଦୁଇ ଛୁଆ, ଶାଶୁ ଓ ଶ୍ୱଶୁରଙ୍କୁ ନେଇ ପରିବାର । ପ୍ରଥମେ ସତ୍ୟ ସାଇ ଇଂରାଜୀ ମାଧ୍ୟମ ସ୍କୁଲ ଓ ପରେ ଅନ୍ୟ ଏକ ଶିକ୍ଷାନୁଷ୍ଠାନରେ ଶିକ୍ଷକତା କରୁଥିଲେ । ହେଲେ କରୋନା ସାଜିଲା ଦାଉ । ସ୍କୁଲ ବନ୍ଦ ଯୋଗୁଁ ଚାକିରି ଯାଇଛି । ସେପଟେ ଲକଡାଉନ କଟକଣା ଯୋଗୁଁ ସ୍ୱାମୀଙ୍କ ଅଟୋ ବି ବନ୍ଦ ରହିଛି । ପରିବାର ଚଳିବା କଷ୍ଟ ହେବାରୁ ଶେଷରେ ବିଏମସିର ମୋ ସଫେଇବାଲା ଗାଡି ଚଲାଉଛନ୍ତି ସ୍ମୁତି । ସ୍ୱାଭାବିକ ଅବସ୍ଥା ଫେରିଲେ ପୁଣି ଶିକ୍ଷକତା କରିବେ ବୋଲି ଆଶା ରଖିଛନ୍ତି ।

ଶିକ୍ଷାକତାରୁ ସଫେଇବାଲା ହୋଇଥିଲେ ସୁଦ୍ଧା ନିଜ କର୍ତ୍ତବ୍ୟରେ ଅବହେଳା କରନ୍ତିନି ସ୍ମୃତିରେଖା । ସକାଳ 6 ଟାରୁ ମଧ୍ୟାହ୍ନ 2ଟା ପର୍ଯ୍ୟନ୍ତ ଗାଡି ଚଲାନ୍ତି । ପରିସ୍ଥିତିରେ ପଡି ବୃତ୍ତି ବଦଳାଇଛନ୍ତି ସତ ହେଲେ ସେ ଭିତରେ ଲୋକଙ୍କୁ ସଚେତନ କରିବାକୁ ଭୁଲିନାହାନ୍ତି । ତାଙ୍କର ଏହି ଉଦ୍ୟମକୁ ପ୍ରଶଂସା କରନ୍ତି ଅଞ୍ଚଳବାସୀ । ପରିସ୍ଥିତିରେ ସ୍ମୃତିରେଖାଙ୍କୁ ନିଜ ବୃତ୍ତି ବଦଳାଇବାକୁ ପଡିଛି ସତ, ହେଲେ ସେ ହାରିନାହାନ୍ତି । ଏବେ ସେ ଅନ୍ୟମାନଙ୍କ ପାଇଁ ସାଜିଛନ୍ତି ପ୍ରେରଣା ।

ଏଥିସହିତ ପଢ଼ନ୍ତୁ: ସାବଧାନ! ଅମାନିଆ ହୋଇ ଘରୁ ବାହାରିଲେ ବିଏମ୍‌ସି ନେବ ଏଭଳି କାର୍ଯ୍ୟାନୁଷ୍ଠାନ

ସାବଧାନ! ଅମାନିଆ ହୋଇ ଘରୁ ବାହାରିଲେ ବିଏମ୍‌ସି ନେବ ଏଭଳି କାର୍ଯ୍ୟାନୁଷ୍ଠାନ

ଭୁବନେଶ୍ୱର: ଅମାନିଆଙ୍କୁ ସାବାଡ କରିବାକୁ ବିଏମସିର ନିଆରା ପଦକ୍ଷେପ । ସଟ୍‌ଡାଉନ୍‌ରେ ଘରୁ ବାହାରିଲେ ଅଟକାଇ କରାଯାଉଛି ବାଧ୍ୟତାମୂଳକ ଟେଷ୍ଟିଂ । ବିଏମ୍‌ସି ନର୍ଥ ଜୋନ୍ ପକ୍ଷରୁ ନିଆଯାଇଛି ଏହି ପଦକ୍ଷେପ । କେବଳ ଟେଷ୍ଟିଂ ନୁହେଁ ବରଂ ଆଦାୟ କରାଯାଉଛି ମୋଟା ଅଙ୍କର ଜରିମାନା ।

ସଟ୍‌ଡାଉନ୍‌ରେ ଅମାନିଆ ହେବେ ସାବାଡ । ଟେଷ୍ଟିଂକୁ ବାଧ୍ୟତାମୂଳକ କଲା ବିଏମ୍‌ସି । ଜରିମାନା ଅର୍ଥ ବି ଦୁଇଗୁଣା ହୋଇଛି । ବିଏମ୍‌ସି ନର୍ଥ ଜୋନ୍‌ ପକ୍ଷରୁ ନିଆରା ପଦକ୍ଷେପ । ସଟ୍‌ଡାଉନ୍‌ ସତ୍ତ୍ୱେ ରାସ୍ତାରେ ଗଡୁଛି ମାଳ ମାଳ ଗାଡି । ବାରମ୍ବାର ସଚେତନ ପରେ ବି ଅମାନିଆ ହେଉଛନ୍ତି ରାଜଧାନୀବାସୀ । ସଂକ୍ରମଣକୁ ରୋକିବା ପାଇଁ ସବୁ ପଦକ୍ଷେପ ପରେ ଅମାନିଆଙ୍କୁ ସାବାଡ କରିବାକୁ ବିଏମ୍‌ସି ପକ୍ଷରୁ ନିଆଯାଇଛି ନୂଆ ତଥା ନିଆରା ପଦକ୍ଷେପ । ନର୍ଥ ଜୋନ୍‌ ଅଞ୍ଚଳରେ ରାସ୍ତାରେ ଗାଡି ଓ ମାସ୍କ ଯାଞ୍ଚକୁ କଡାକଡି କରାଯାଇଛି । ଅମାନିଆଙ୍କ ଠାରୁ ମୋଟା ଅଙ୍କର ଜୋରିମାନା ଆଦାୟ ସହିତ ବାଧ୍ୟତାମୂଳକ କରାଯାଇଛି ଆଣ୍ଟିଜେନ୍‌ ଟେଷ୍ଟ । ଲୋକେ ଯେ କଟକଣା ସମ୍ପର୍କରେ ଅଜ୍ଞ ଏହା କହିବା ଭୁଲ । ଜାଣିଶୁଣି କଟକଣାକୁ କିଏ ଖିଲାପ କରୁଛନ୍ତି ତ ଆଉ କିଏ ବାଧ୍ୟବାଧକତାରେ କଟକଣାକୁ ଖିଲାପ କରୁଛି । ତେବେ ସଂକ୍ରମଣକୁ ରୋକିବା ପାଇଁ ବିଏମ୍‌ସିର ପଦକ୍ଷେପକୁ ସ୍ବାଗତ କରିବା ସହ ସହଯୋଗ ମଧ୍ୟ କରିଛନ୍ତି । ବିଏମ୍‌ସିର ନର୍ଥ ଜୋନ୍‌ ପକ୍ଷରୁ ହୋଇଥିବା ଚେକିଂ ଓ ଟେଷ୍ଟିଂ ଖବର ପ୍ରସାରିତ ହେବା ପରେ ବହୁ ଲୋକ ନିଜନିଜ ଗନ୍ତବ୍ୟ ପଥର ଦିଗ ବଦଳାଇଦେଇଥିବା ଦେଖିବାକୁ ମିଳିଥିଲା।

ଏଥିସହିତ ପଢ଼ନ୍ତୁ: ଅବସରପ୍ରାପ୍ତ ଶିକ୍ଷୟିତ୍ରୀଙ୍କ ପ୍ରକୃତି ପ୍ରେମ: ବଗିଚାରେ ଫଳାଇଛନ୍ତି ବିଶ୍ୱର ଦାମୀ ଆମ୍ୱ

ବଜ୍ରାଘାତରେ ଚାଲିଗଲା ୨ ଜୀବନ

ବାଲେଶ୍ୱର/ବଲାଙ୍ଗୀର: ରାଜ୍ୟର ପୃଥକ ପୃଥକ ସ୍ଥାନରେ ବଜ୍ରାଘାତରେ ୨ ଜଣଙ୍କ ମୃତ୍ୟୁ । ବାଲେଶ୍ୱରରେ ବଜ୍ରାଘାତରେ ମହିଳାଙ୍କ ମୃତ୍ୟୁ ହୋଇଥିବା ବେଳେ ବଲାଙ୍ଗୀର ଜିଲ୍ଲା ସଇଁତଳା ଅଞ୍ଚଳରେ ଆଉ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ଔପଦା ବ୍ଳକ୍ ବାଲିମୁଣ୍ଡଳି ଗାଁର ମହିଳା ଜଣଙ୍କ ବିଲରେ କାମ କରୁଥିବା ବେଳେ ବଜ୍ରାଘାତର ଶିକାର ହୋଇଥିଲେ । ଏଥିରେ ତାଙ୍କର ମୃତ୍ୟୁ ଘଟିଛି । ମୃତ ମହିଳା ଜଣଙ୍କ ହେଉଛନ୍ତି ସାଲଗେ ମୁର୍ମୁ । ସେହିଭଳି ବଲାଙ୍ଗୀର ଜିଲ୍ଲା ସଇଁତଳା ଅଞ୍ଚଳରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି । ମୃତକ ଜଣଙ୍କ ପିପୁଟ ଗାଁର ଧନୁ ରଣା ବୋଲି ଜଣାପଡ଼ିଛି । ଜମିକୁ ହଳ କରିବାକୁ ଯାଉଥିବା ବେଳେ ଅଘଟଣ ଘଟିଥିବା ସୂଚନା ।

ଏଥିସହିତ ପଢ଼ନ୍ତୁ: ଚୋରା ଗାଡ଼ିରେ ବୁଲି ବୁଲି କରୁଥିଲେ ବାଇକ୍ ଚୋରି

ଚୋରା ଗାଡ଼ିରେ ବୁଲି ବୁଲି କରୁଥିଲେ ବାଇକ୍ ଚୋରି

ଭୁବନେଶ୍ୱର: ରାଜଧାନୀରେ କୁଣ୍ଡଳୀ ଦେଖିଲା, ସନ୍ଧାନ ଧରିଲା । ପୋଲିସ କବଜାରେ ୩ ଜଣିଆ କେବିଏସ ଗ୍ୟାଙ୍ଗ୍ । ଚୋରା ଗାଡ଼ିରେ ବୁଲି ବୁଲି କରୁଥିଲେ ବାଇକ ଚୋରି । ଭୁବନେଶ୍ୱରରୁ ୩ ଜଣ କୁଖ୍ୟାତ ଲୁଟେରାଙ୍କୁ ଗିରଫ କରିଛି ଖଣ୍ଡଗିରି ଥାନା ପୋଲିସ । ଗିରଫ ଅଭିଯୁକ୍ତମାନେ ହେଲେ କାର୍ତ୍ତିକ ପ୍ରକାଶ, ସାଗର ପୁନ ଓ ବିକାଶ ରାୟ । ଭୁବନେଶ୍ୱର, କଟକ, ଗଞ୍ଜାମ ସମେତ ବିଭିନ୍ନ ଜିଲ୍ଲାରେ ଡୁପ୍ଲିକେଟ ଚାବି ଓ ଲକ୍ ଭାଙ୍ଗି ବାଇକ୍ ଚୋରି କରୁଥିଲା ଏହି ଗ୍ୟାଙ୍ଗ ।

Commisionerate Police Arrested 3 In Bike Stolen Case

ପୋଲିସକୁ ଚକମା ଦେବା ପାଇଁ ଚୋରି ଗାଡ଼ିକୁ କ୍ରାଇମରେ ବ୍ୟବହାର କରୁଥିଲେ । ସେମାନେଙ୍କ ଠାରୁ ୭ଟି ବାଇକ ଓ ୧୧ ଟି ମୋବାଇଲ୍ ଜବତ କରିଛି ପୋଲିସ । ଏହି ଗ୍ୟାଙ୍ଗରେ ଆଉ କେଉଁମାନେ ସାମିଲ ଅଛନ୍ତି ସେ ନେଇ ପୋଲିସ ତଦନ୍ତ କରୁଛି । ଗତକାଲି ଭୁବନେଶ୍ୱରରେ ୬ ଲକ୍ଷ ଟଙ୍କାର ଜବତ ହୋଇଥିବା ଚୋରି ସାମଗ୍ରୀକୁ ଲୋକଙ୍କୁ ଫେରାଇଛି କମିଶନରେଟ ପୋଲିସ । ଅପରାଧୀମାନଙ୍କୁ ଟ୍ରାକ କରିବା ପାଇଁ କାମ କରୁଛି କୁଣ୍ଡଳୀ ଓ ସନ୍ଧାନ ଆପ୍ ।

ଅବସରପ୍ରାପ୍ତ ଶିକ୍ଷୟିତ୍ରୀଙ୍କ ପ୍ରକୃତି ପ୍ରେମ: ବଗିଚାରେ ଫଳାଇଛନ୍ତି ବିଶ୍ୱର ଦାମୀ ଆମ୍ୱ

ରାଉରକେଲା ସହରରେ ଫଳିଛି ବିଶ୍ୱର ସବୁଠାରୁ ମୂଲ୍ୟବାନ ଆମ୍ବ । ଜଣେ ଅବସରପ୍ରାପ୍ତ ଶିକ୍ଷୟିତ୍ରୀ ବଗିଚାରେ ଫଳୁଛି ଏହି ଆମ୍ବ । ବିଶ୍ୱର ସବୁଠାରୁ ମୂଳ୍ୟବାନ ଆମ୍ଵ ସହିତ ବିଭିନ୍ନ ପ୍ରଜାତିର ଫୁଲଗଛ, ଫଳ, ସୈନ୍ଦର୍ଯ୍ୟ ଗଛ, ସହିତ ବିଭିନ୍ନ ପ୍ରଜାତିର ମାଛ ଓ କୁକୁଡ଼ା ଚାଷ କରିଛନ୍ତି ଅବସରପ୍ରାପ୍ତ ଶିକ୍ଷୟତ୍ରୀ ଲଳିତା ପଣ୍ଡା । ୭୬ ଵର୍ଷ ଵୟସରେ ଲଳିତା ସାଜିଛନ୍ତି ପ୍ରକୃତି ପ୍ରେମୀ । ନିଜ ବଗିଚାରେ ଲଗାଇଛନ୍ତି ଦେଶ ବିଦେଶର ୪୦ ପ୍ରକାର ବିଭିନ୍ନ ଫୁଲ ଓ ଫଳ । ଏହାସହ ସେ ଘରେ ରଖିଛନ୍ତି ଅନେକ ପ୍ରଜାତିର ମାଛ ଓ ପକ୍ଷୀ । ତେବେ ତାଙ୍କ ବଗିଚାର ମୁଖ୍ୟ ଆକର୍ଷଣ ହେଉଛି ବିଶ୍ଵର ସବୁଠାରୁ ମୂଲ୍ୟବାନ ମିଆଜାକି ଆମ୍ବ । ମଧ୍ୟପ୍ରଦେଶ ଜବଲପୁରରେ ଜଣେ ବ୍ୟକ୍ତି ତାଙ୍କ ବାଡ଼ିରେ ଥିବା ଏହି ପ୍ରଜାତିର ଦୁଇଟି ଆମ୍ବଗଛକୁ ଜଗିବା ଲାଗି ବନ୍ଧୁକଧାରୀ ସୁରକ୍ଷାକର୍ମୀ ଓ ଜଗୁଆଳି କୁକୁର ନିୟୋଜିତ କରିଥିବାର ଖବର ନିକଟରେ ଗଣମାଧ୍ୟମରେ ଚର୍ଚ୍ଚିତ ହୋଇଥିଲା । ଅନ୍ତର୍ଜାତୀୟ ବଜାରରେ ଆମ୍ବର ମୂଲ୍ୟ କେଜି ପ୍ରତି ଥିଲା ୨ ଲକ୍ଷ ୭୦ ହଜାର ଟଙ୍କା । କଲିକତାରୁ ଆଣିଥିବା ୩ଟି ଚାରା ମଧ୍ୟରୁ ଏବେ ଗୋଟିଏରେ ୨ ଟି ଓ ଆଉ ଗୋଟିଏ ଗଛରେ ଗୋଟିଏ ଆମ୍ବ ଫଳିଛି । ଆମ୍ଵର ଓଜନ୍‌ ପ୍ରାୟ ଅଧ କିଲୋଗ୍ରାମରୁ ଅଧିକ । ଏହି ବଗିଚାରେ ରହିଥିବା ପ୍ରସିଦ୍ଧ ରାଜା ଆମ୍ବ ବର୍ଷକୁ ୩ ଥର ଫଳୁଛି ।

ଏଥିସହିତ ପଢ଼ନ୍ତୁ: ଗର୍ଭବତୀ ପ୍ରେମିକାକୁ ଛାଡ଼ି ପଳାଇଲା ପ୍ରେମିକ: ଏଭଳି ଅବସ୍ଥାରେ ଯୁବତୀଙ୍କୁ ଉଦ୍ଧାର କଲା ପୋଲିସ

ରଥଯାତ୍ରା ନେଇ ସୁରକ୍ଷା ବ୍ୟବସ୍ଥାର ସମୀକ୍ଷା: ପୁରୀବାସୀଙ୍କ ସହଯୋଗ ଲୋଡ଼ିଲେ ଡିଜିିପି

ପୁରୀ: ପୋଲିସ ଡିଜିଙ୍କ ସୁରକ୍ଷା ସମୀକ୍ଷା । ପୁରୀଗସ୍ତରେ ଯାଇ ରଥଯାତ୍ରା ନେଇ ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି ପୋଲିସ ଡିଜି ଅଭୟ ।ସମୀକ୍ଷା ପରେ ଶୃଙ୍ଖଳିତ ରଥଯାତ୍ରା ପାଇଁ ପୋଲିସ କାମ କରୁଥିବା କହିଛନ୍ତି ପୋଲିସ ଡିଜି । ଗତବର୍ଷ ଘୋଷଯାତ୍ରାରେ ପୁରୀବାସୀଙ୍କ ସହଯୋଗ ମିଳିଥିଲା । ଚଳିତ ବର୍ଷ ମଧ୍ୟ ପୁରୀବାସୀଙ୍କ ସହାୟତା ଲୋଡିଲେ ପୋଲିସ ଡିଜି । କେନ୍ଦ୍ରାଞ୍ଚଳ ଆଇଜି ଓ ପୁରୀ ଏସପି ବ୍ଲୁପ୍ରିଣ୍ଟ ପ୍ରସ୍ତୁତ କରିଛନ୍ତି । କେତେ ପୋଲିସ ନିୟୋଜିତ ହେବେ ୨/୩ଦିନରେ ସ୍ପଷ୍ଟ ହେବ  । ଘରେ ରୁହନ୍ତୁ, ମୋବାଇଲ ଓ ଟିଭିରେ ଭଗବାନଙ୍କୁ ଦର୍ଶନ କରନ୍ତୁ ବୋଲି କହିଛନ୍ତି ଶ୍ରୀ ଅଭୟ । ସରକାରଙ୍କ ରଥଯାତ୍ରା ଗାଇଡଲାଇନ ପାଳନ୍ତୁ ପୁରୀବାସୀ । ଡିଜିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଆଇନ ଶୃଙ୍ଖଳା ଏଡିଜି ମଧ୍ୟ ସାମିଲ ଥିଲେ । ପୁରୀ ଏସପି ଓ ବରିଷ୍ଠ ଅଧିକାରୀ , ଗୁଇନ୍ଦା ନିର୍ଦ୍ଦେଶକ ଲଳିତ ଦାସ ପ୍ରମୁଖ ମଧ୍ୟ ଉପସ୍ଥିତ ଥିଲେ ।

ଏଥିସହିତ ପଢ଼ନ୍ତୁ: ରେକର୍ଡ଼ କଲା ଓଡ଼ିଶା: କୋଟିଏ ଅତିକ୍ରମ କଲା ପ୍ରଥମ ଡୋଜ୍ ଭ୍ୟାକ୍ସିନେସନ

ପ୍ରେମ ପାଇଁ ୫ ଜଣଙ୍କୁ ମାରି ୧୦ ଫୁଟ୍ ତଳେ ପୋତି ଦେଲା

ଭୋପାଳ: ମଧ୍ୟପ୍ରଦେଶର ଦେବାସ ନେମାବରରେ ୫ ଜଣଙ୍କୁ ବିଭତ୍ସ ହତ୍ୟାର ଖିଅ ଖୋଲୁଛି । ମୁଖ୍ୟ ଅଭିଯୁକ୍ତ ସୁରେନ୍ଦ୍ର ଓ ସାଥୀ କରଣଙ୍କୁ ପୋଲିସ ୨ ଦିନର ରିମାଣ୍ଡରେ ନେବା ପରେ ଜେଲ୍ ପଠାଇ ଦିଆଯାଇଛି । ଅଭିଯୁକ୍ତ ରାକେଶ ନିମୋରଙ୍କୁ ଦିନକ ପାଇଁ ରିମାଣ୍ଡରେ ନେଇଛି ପୋଲିସ । ଏଥିସହ ସୁରେନ୍ଦ୍ରର ଭାଇ ବୀରେନ୍ଦ୍ରଙ୍କୁ ବି ରିମାଣ୍ଡରେ ନେଇଛି ପୋଲିସ । ମାମଲାରେ ଏବେ ଯାଏ ୭ ଜଣଙ୍କୁ ଗିରଫ କରାଯାଇଛି ।

ମଧ୍ୟପ୍ରଦେଶର ନେମାବରରେ ଜୁନ୍ ୨୯ ସନ୍ଧ୍ୟାରେ ମାଟି ତଳୁ ୫ ଜଣଙ୍କ ମୃତଦେହ ମିଳିଥିଲା । ମୃତକମାନେ ମେ ୧୩ ତାରିଖରୁ ନିଖୋଜ ଥିଲେ । ପୋଲିସ ଏମାନଙ୍କ ସନ୍ଧାନରେ ଲାଗିଥିଲା । ନିଖୋଜଙ୍କ ମଧ୍ୟରେ ଜଣେ ମହିଳା, ୩ ଯୁବତୀ ଓ ଜଣେ ଯୁବକ ଥିଲେ । ମୁଖବୀରଙ୍କ ସୂଚନା ପ୍ରକାରେ ପୋଲିସ ଯାଞ୍ଚ ଆରମ୍ଭ କରିଥିଲା । ପୋଲିସ ଜଣଙ୍କ ପରେ ଜଣେ ଅଭିଯୁକ୍ତଙ୍କୁ ନେବା ସହ ମଙ୍ଗଳବାର ମୁଖ୍ୟ ଅଭିଯୁକ୍ତ ସୁରେନ୍ଦ୍ରଙ୍କୁ କାବୁ କରିଥିଲା । ଏଥିସହ ମାଟି ଖୋଳି ୫ ଜଣଙ୍କ ମୃତଦେହ ଉଦ୍ଧାର କରିଥିଲା ପୋଲିସ ।

ଜେସିବିରେ ପ୍ରାୟ ୧୦ ଫୁଟ୍ ଖୋଳିବା ପରେ ୫ ଜଣଙ୍କ ଶବ ମିଳିଥିଲା । ସୂଚନା ପାଇବା ପରେ ଉଜ୍ଜୟିନୀ ଆଇଜି/ଏଡିଜି ଘଟଣା ସ୍ଥଳରେ ପହଞ୍ଚିଥିଲେ । ଏଡିଜିଙ୍କ ସୂଚନା ପ୍ରକାରେ ଏ ଜଘନ୍ୟ ହତ୍ୟାକାଣ୍ଡ ସୁରେନ୍ଦ୍ର ଓ ରୂପାଲିଙ୍କ ପ୍ରେମକୁ ନେଇ ହୋଇଛି । ମୃତ ଯୁବତୀଙ୍କ ସହ ସୁରେନ୍ଦ୍ରର ପ୍ରେମ ସମ୍ପର୍କ ଥିଲା । ଆଉ ଅନ୍ୟ କେଉଁଠି ସୁରେନ୍ଦ୍ରର ବିବାହ ସ୍ଥିର ହୋଇଥିଲା । ଆଉ ରୂପାଲି ଚାହୁଁ ନଥିଲା ସୁରେନ୍ଦ୍ର ଅନ୍ୟ କେଉଁଠି ବାହା ହେଉ । ଏହାପରେ ରୂପାଲିକୁ ରାସ୍ତାରୁ ହଟାଇବାକୁ ଯାଇ ସୁରେନ୍ଦ୍ର ସାଥୀଙ୍କ ଏହି ଜଘନ୍ୟ ହତ୍ୟାକାଣ୍ଡ ଭିଆଇ ଥିଲା ।

ତୃତୀୟ ପ୍ରବାହ ନେଇ ରାଜ୍ୟ ସରକାରଙ୍କ ପ୍ରସ୍ତୁତି: ବେଡ୍ ସଂରକ୍ଷିତ ରଖିବାକୁ ନିର୍ଦ୍ଦେଶ

ଭୁବନେଶ୍ୱର: କରୋନାର ସମ୍ଭାବ୍ୟ ତୃତୀୟ ଲହର ପାଇଁ ରାଜ୍ୟ ସ୍ୱାସ୍ଥ୍ୟ ବିଭାଗ ପ୍ରସ୍ତୁତ । ଗତ ୧୭ ତାରିଖରୁ ପ୍ରସ୍ତୁତ ଏସଓପିରେ ତୃତୀୟ ଲହର ପାଇଁ ପ୍ରସ୍ତୁତ ରହିବାକୁ ସବୁ ଜିଲ୍ଲାପାଳ, ମେଡିକାଲ କଲେଜ, ମ୍ୟୁନିସିପାଲ କମିଶନରଙ୍କୁ ନିର୍ଦ୍ଦେଶ ଦିଆଯାଇଥିବା ସ୍ୱାସ୍ଥ୍ୟମନ୍ତ୍ରୀ ନବ ଦାସ ସୂଚନା ଦେଇଛନ୍ତି । ବିଶେଷଜ୍ଞଙ୍କ ପରାମର୍ଶ ଅନୁସାରେ, ଶିଶୁଙ୍କୁ ତୃତୀୟ ଲହର ବେଶି ପ୍ରଭାବିତ କରିପାରେ । ତେଣୁ ସବୁ ଡାକ୍ତର ଓ ନର୍ସଙ୍କୁ ଦିଆଯାଇଛି ସ୍ୱତନ୍ତ୍ର ଟ୍ରେନିଂ । ୧୦ଟି ଆଇସୋଲେସନ ବେଡ୍ ସିଏଚସିୟୁର ୨ରୁ ୪ଟି ବେଡ୍ ରଖିବାକୁ କୁହାଯାଇଛି । ୬୪ଟି ଏନଆଇସିୟୁ ବେଡ୍ ପ୍ରସ୍ତୁତ ରଖିବାକୁ କୁହାଯ଼ାଇଛି  । ଭିମସାର ଏନଆଇସିୟୁରେ ୨୦ ବେଡ୍, ଏସସିବିରେ ୧୦, ବାଲେଶ୍ୱର ଏଫ.ଏମ୍.ରେ ୧୦ ବେଡ୍ ସଂରକ୍ଷିତ ରଖିବାକୁ ନିର୍ଦ୍ଦେଶ ଦିଆଯାଇଛି । ଏହାଛଡ଼ା ପିଆଇସିୟୁରେ ୯୪ଟି , ଏଚଡିୟୁ ୮୪ଟି ପ୍ରସ୍ତୁତି ରଖିବାକୁ କୁହାଯାଇଛି । କଳାହାଣ୍ଡି ଓ ଦେବଗଡ଼ରେ ଶିଶୁଙ୍କ ପାଇଁ ଖୋଲିଛି ସ୍ୱତନ୍ତ୍ର ମେଡିକାଲ । ଦ୍ୱିତୀୟ ଲହର ନିୟନ୍ତ୍ରଣକୁ ଆସୁଛି । ଏହି ସମୟରେ ରାଜ୍ୟବାସୀଙ୍କୁ ସାବଧାନ ରହିବା ସହ କୋଭିଡ ନିୟମ ମାନିବାକୁ ସ୍ୱାସ୍ଥ୍ୟମନ୍ତ୍ରୀ ନବ ଦାସ ପରାମର୍ଶ ଦେଇଛନ୍ତି । କୋଭିଡକୁ ମାତ୍ ଦେବାକୁ ଟିକାକରଣ ଓ କୋଭିଡ ନିୟମ ମାନିବା ଜରୁରୀ । ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ରାଜ୍ୟ କରୋନା ବିରୋଧୀ ଲଢେଇରେ ନିଶ୍ଚୟ ଜିତିବ ବୋଲି ସ୍ୱାସ୍ଥ୍ୟମନ୍ତ୍ରୀ ନବ ଦାସ ଦୃଢୋକ୍ତି ପ୍ରକାଶ କରିଛନ୍ତି  ।

ଏଥିସହିତ ପଢ଼ନ୍ତୁ: ଗର୍ଭବତୀ ପ୍ରେମିକାକୁ ଛାଡ଼ି ପଳାଇଲା ପ୍ରେମିକ: ଏଭଳି ଅବସ୍ଥାରେ ଯୁବତୀଙ୍କୁ ଉଦ୍ଧାର କଲା ପୋଲିସ