ଚୋରା ଗାଡ଼ିରେ ବୁଲି ବୁଲି କରୁଥିଲେ ବାଇକ୍ ଚୋରି
ଭୁବନେଶ୍ୱର: ରାଜଧାନୀରେ କୁଣ୍ଡଳୀ ଦେଖିଲା, ସନ୍ଧାନ ଧରିଲା । ପୋଲିସ କବଜାରେ ୩ ଜଣିଆ କେବିଏସ ଗ୍ୟାଙ୍ଗ୍ । ଚୋରା ଗାଡ଼ିରେ ବୁଲି ବୁଲି କରୁଥିଲେ ବାଇକ ଚୋରି । ଭୁବନେଶ୍ୱରରୁ ୩ ଜଣ କୁଖ୍ୟାତ ଲୁଟେରାଙ୍କୁ ଗିରଫ କରିଛି ଖଣ୍ଡଗିରି ଥାନା ପୋଲିସ । ଗିରଫ ଅଭିଯୁକ୍ତମାନେ ହେଲେ କାର୍ତ୍ତିକ ପ୍ରକାଶ, ସାଗର ପୁନ ଓ ବିକାଶ ରାୟ । ଭୁବନେଶ୍ୱର, କଟକ, ଗଞ୍ଜାମ ସମେତ ବିଭିନ୍ନ ଜିଲ୍ଲାରେ ଡୁପ୍ଲିକେଟ ଚାବି ଓ ଲକ୍ ଭାଙ୍ଗି ବାଇକ୍ ଚୋରି କରୁଥିଲା ଏହି ଗ୍ୟାଙ୍ଗ ।
ପୋଲିସକୁ ଚକମା ଦେବା ପାଇଁ ଚୋରି ଗାଡ଼ିକୁ କ୍ରାଇମରେ ବ୍ୟବହାର କରୁଥିଲେ । ସେମାନେଙ୍କ ଠାରୁ ୭ଟି ବାଇକ ଓ ୧୧ ଟି ମୋବାଇଲ୍ ଜବତ କରିଛି ପୋଲିସ । ଏହି ଗ୍ୟାଙ୍ଗରେ ଆଉ କେଉଁମାନେ ସାମିଲ ଅଛନ୍ତି ସେ ନେଇ ପୋଲିସ ତଦନ୍ତ କରୁଛି । ଗତକାଲି ଭୁବନେଶ୍ୱରରେ ୬ ଲକ୍ଷ ଟଙ୍କାର ଜବତ ହୋଇଥିବା ଚୋରି ସାମଗ୍ରୀକୁ ଲୋକଙ୍କୁ ଫେରାଇଛି କମିଶନରେଟ ପୋଲିସ । ଅପରାଧୀମାନଙ୍କୁ ଟ୍ରାକ କରିବା ପାଇଁ କାମ କରୁଛି କୁଣ୍ଡଳୀ ଓ ସନ୍ଧାନ ଆପ୍ ।
