spot_img
Home Blog Page 5611

ତୃତୀୟ ପ୍ରବାହ ନେଇ ରାଜ୍ୟ ସରକାରଙ୍କ ପ୍ରସ୍ତୁତି: ବେଡ୍ ସଂରକ୍ଷିତ ରଖିବାକୁ ନିର୍ଦ୍ଦେଶ

ଭୁବନେଶ୍ୱର: କରୋନାର ସମ୍ଭାବ୍ୟ ତୃତୀୟ ଲହର ପାଇଁ ରାଜ୍ୟ ସ୍ୱାସ୍ଥ୍ୟ ବିଭାଗ ପ୍ରସ୍ତୁତ । ଗତ ୧୭ ତାରିଖରୁ ପ୍ରସ୍ତୁତ ଏସଓପିରେ ତୃତୀୟ ଲହର ପାଇଁ ପ୍ରସ୍ତୁତ ରହିବାକୁ ସବୁ ଜିଲ୍ଲାପାଳ, ମେଡିକାଲ କଲେଜ, ମ୍ୟୁନିସିପାଲ କମିଶନରଙ୍କୁ ନିର୍ଦ୍ଦେଶ ଦିଆଯାଇଥିବା ସ୍ୱାସ୍ଥ୍ୟମନ୍ତ୍ରୀ ନବ ଦାସ ସୂଚନା ଦେଇଛନ୍ତି । ବିଶେଷଜ୍ଞଙ୍କ ପରାମର୍ଶ ଅନୁସାରେ, ଶିଶୁଙ୍କୁ ତୃତୀୟ ଲହର ବେଶି ପ୍ରଭାବିତ କରିପାରେ । ତେଣୁ ସବୁ ଡାକ୍ତର ଓ ନର୍ସଙ୍କୁ ଦିଆଯାଇଛି ସ୍ୱତନ୍ତ୍ର ଟ୍ରେନିଂ । ୧୦ଟି ଆଇସୋଲେସନ ବେଡ୍ ସିଏଚସିୟୁର ୨ରୁ ୪ଟି ବେଡ୍ ରଖିବାକୁ କୁହାଯାଇଛି । ୬୪ଟି ଏନଆଇସିୟୁ ବେଡ୍ ପ୍ରସ୍ତୁତ ରଖିବାକୁ କୁହାଯ଼ାଇଛି  । ଭିମସାର ଏନଆଇସିୟୁରେ ୨୦ ବେଡ୍, ଏସସିବିରେ ୧୦, ବାଲେଶ୍ୱର ଏଫ.ଏମ୍.ରେ ୧୦ ବେଡ୍ ସଂରକ୍ଷିତ ରଖିବାକୁ ନିର୍ଦ୍ଦେଶ ଦିଆଯାଇଛି । ଏହାଛଡ଼ା ପିଆଇସିୟୁରେ ୯୪ଟି , ଏଚଡିୟୁ ୮୪ଟି ପ୍ରସ୍ତୁତି ରଖିବାକୁ କୁହାଯାଇଛି । କଳାହାଣ୍ଡି ଓ ଦେବଗଡ଼ରେ ଶିଶୁଙ୍କ ପାଇଁ ଖୋଲିଛି ସ୍ୱତନ୍ତ୍ର ମେଡିକାଲ । ଦ୍ୱିତୀୟ ଲହର ନିୟନ୍ତ୍ରଣକୁ ଆସୁଛି । ଏହି ସମୟରେ ରାଜ୍ୟବାସୀଙ୍କୁ ସାବଧାନ ରହିବା ସହ କୋଭିଡ ନିୟମ ମାନିବାକୁ ସ୍ୱାସ୍ଥ୍ୟମନ୍ତ୍ରୀ ନବ ଦାସ ପରାମର୍ଶ ଦେଇଛନ୍ତି । କୋଭିଡକୁ ମାତ୍ ଦେବାକୁ ଟିକାକରଣ ଓ କୋଭିଡ ନିୟମ ମାନିବା ଜରୁରୀ । ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ରାଜ୍ୟ କରୋନା ବିରୋଧୀ ଲଢେଇରେ ନିଶ୍ଚୟ ଜିତିବ ବୋଲି ସ୍ୱାସ୍ଥ୍ୟମନ୍ତ୍ରୀ ନବ ଦାସ ଦୃଢୋକ୍ତି ପ୍ରକାଶ କରିଛନ୍ତି  ।

ଏଥିସହିତ ପଢ଼ନ୍ତୁ: ଗର୍ଭବତୀ ପ୍ରେମିକାକୁ ଛାଡ଼ି ପଳାଇଲା ପ୍ରେମିକ: ଏଭଳି ଅବସ୍ଥାରେ ଯୁବତୀଙ୍କୁ ଉଦ୍ଧାର କଲା ପୋଲିସ

 

ଲକଡାଉନ୍ ସଜାଇଲା ବଳଦ, ପୁଅର ସାଇକେଲକୁ ଲଙ୍ଗଳ କରି ହଳ କଲେ କୃଷକ

ଚେନ୍ନାଇ: ସାଇକେଲରେ ମଣିଷ ପରିବା ବୋହିବା ଦେଖିଥିବେ । କେବେ ଦେଖିଛନ୍ତି ? ସାଇକେଲରେ କେହି କେବେ ହଳ କରିବା… ହଁ ଏମିତି ଘଟିଛି । କରୋନାର କାଳ ନଜର ଓ ତାଲାବନ୍ଦ ଯୋଗୁଁ ଜଣେ କୃଷକଙ୍କୁ ଏମିତି କରିବାକୁ ପଡ଼ିଛି । କୃଷକ ନିଜେ ବଳଦ ସାଜିଥିବା ବେଳେ ପୁଅ ଧରିଛି ଲଙ୍ଗଳ । ଏଭଳି କରୁଣ ଦୃଶ୍ୟ ଦେଖିବାକୁ ମିଳିଛି ତାମିଲନାଡ଼ୁରେ । ଥିରୁଥାନୀ ଜିଲ୍ଲାର ଅଗୁରରେ ରହୁଥିବା ୩୭ ବର୍ଷୀୟ ନାଗରାଜ କରଜ ଆଣି ବିଲରେ ଚମ୍ପା ଚାଷ କରିଥିଲେ । ଆଶା ଥିଲା ଭଲ ଚମ୍ପା ଫୁଲ ହେଲେ ମନ୍ଦିର ଯାଉଥିବା ଶ୍ରଦ୍ଧାଳୁ ନେବେ । ବିବାହ, ବ୍ରତରେ ବିକ୍ରି କରି ଭଲ ଦି’ପଇସା ରୋଜଗାର କରି ପରିବାର ପୋଷିବେ ।

Tamilnadu Farmer Use Sons Bicycle To Plough Field Due To Faced The Brunt Of Lockdown

ଆଶାର ବିଶ୍ୱାସରେ ଇନ୍ଧନ ଭରି ଆସୁଥିବା ବେଳେ ହଠାତ୍ କରୋନା ପାଇଁ ସରକାର ଘୋଷଣା କରି ଦେଲେ ଲକଡାଉନ୍ । ଶ୍ରଦ୍ଧାଳୁଙ୍କ ପାଇଁ ବନ୍ଦ ହୋଇଗଲା ମନ୍ଦିର । ଠପ୍ ହୋଇଗଲା ଜାକଜମକରେ ହେଉଥିବା ବାହାଘର । ଫଳରେ ଅମଳ ଫୁଲ ବିକ୍ରି ହୋଇ ପାରିଲା ନାହିଁ । ଏଭଳି ଦୁଃସ୍ଥିତିରେ ବର୍ଷେ ଚଳିବା ପରେ ନାଗରାଜ ପୁଣି ଚାଷ ପାଇଁ ଅଣ୍ଟା ଭିଡ଼ିଥିଲେ । ପାଖରେ ବେଶି ଟଙ୍କା ନଥିବାରୁ ଟ୍ରାକ୍ଟରରେ ହଳ କରିବା ସମ୍ଭବ ନଥିଲା । ଶେଷରେ ପୁଅକୁ ପାଠ ପଢ଼ିବା ପାଇଁ ସରକାର ଦେଇଥିବା ସାଇକେଲକୁ ଜୁଆଳି କରି ଚାଷ ଆରମ୍ଭ କରିଥିଲେ ନାଗରାଜ । ତାଙ୍କ ସହ ପୂରା ପରିବାର ବି ଚାଷରେ ଲାଗି ପଡ଼ିଥିଲା । ୬ ମାସର ପରିଶ୍ରମ ପରେ ଅପେକ୍ଷାର ଫୁଲ ଫୁଟିବା ବେଳକୁ ପୁଣି ଲକଡାଉନ୍ ହୋଇଗଲା ।

Tamilnadu Farmer Use Sons Bicycle To Plough Field Due To Faced The Brunt Of Lockdown

ଏନେଇ ନାଗରାଜ କୁହନ୍ତି- ମୁଁ ମୋ ପୁଅର ସାଇକେଲକୁ ଚାଷ କାର୍ଯ୍ୟରେ ବ୍ୟବହାର କରୁଛି । ଏମିତିରେ ମୋ ପାଖରେ ଅନ୍ୟ କୌଣସି ବିକଳ୍ପ ନାହିଁ । କେଉଁଠାରୁ କିଛି ସାହାଯ୍ୟ ନ ମିଳିବା ପରେ ଖେତ ହଳ କରିବା ପାଇଁ ମୁଁ ଏ ରାସ୍ତା ବାହାର କରିଛି । ଏ କେବଳ ଗୋଟିଏ ଘଟଣା ନୁହେଁ ପୂର୍ବରୁ ଏଭଳି ଅନେକ ଘଟଣା ଘଟିଛି । ୟୁପିରେ ଜଣେ ବୃଦ୍ଧ ଯୋଡ଼ା ବଳଦ ନଥିବାରୁ ନିଜେ ବଳଦ ସାଜି କ୍ଷେତ ହଳ କରିଥିଲେ ।

ଗର୍ଭବତୀ ପ୍ରେମିକାକୁ ଛାଡ଼ି ପଳାଇଲା ପ୍ରେମିକ: ଏଭଳି ଅବସ୍ଥାରେ ଯୁବତୀଙ୍କୁ ଉଦ୍ଧାର କଲା ପୋଲିସ

ଭୁବନେଶ୍ୱର: ଫେସବୁକରୁ ପ୍ରେମ, ତାପରେ ଶାରୀରିକ ସମ୍ପର୍କ ଆଉ ଏବେ ପ୍ରେମିକ ଚମ୍ପଟ । ବାଧ୍ୟ ହୋଇ ଥାନା ଆଗରେ ଆତ୍ମାହୁତି ଉଦ୍ୟମ କଲେ ଯୁବତୀ । ଭଦ୍ରକ ଜିଲ୍ଲା ଆଗରପଡ଼ା ଅଞ୍ଚଳର ଜଣେ ଯୁବତୀଙ୍କ ସହ ସିମୁଳିଆ ଥାନା କୁପୁରା ଅଞ୍ଚଳର ଯୁବକ ଜସିମ ସାହାଜିଙ୍କ ପ୍ରେମ ହୋଇଥିଲା । ଏହା ପରେ ଶାରୀରିକ ସମ୍ପର୍କ ଗଢି ଉଠିଥିଲା । ଦୁଇ ଜଣ ବିବାହ ବନ୍ଧନରେ ବାନ୍ଧି ହୋଇ ବେଙ୍ଗାଲୁରରେ ଏକ ହୋଟେଲ ୩ ମାସ ରହିଥିଲେ । ଯୁବତୀ ୨ ମାସର ଗର୍ଭବତୀ ହୋଇଥିବା ବେଳେ ଯୁବକ ଜଣକ ହୋଟେଲରେ ଯୁବତୀଙ୍କୁ ଛାଡ଼ି ପଳେଇ ଆସିଥିଲେ । ଫୋନ କଲେ ମଧ୍ୟ ଜସିମ୍ ଫୋନ୍ ନ ଉଠାଇବାରୁ ଯୁବତୀ ଜଣଙ୍କ ଗତ ମାସ ୯ ତାରିଖରେ ସିମୁଳିଆ ଥାନାରେ ଅଭିଯୋଗ କରିଥିଲେ । ଏକ ମାସ ବିତି ଯାଇଥିଲେ ମଧ୍ୟ ପୋଲିସ କୌଣସି ପଦକ୍ଷେପ ନେଇନଥିଲା । ଯାହାଫଳରେ ଆଜି ଯୁବତୀଜଣକ ସିମୁଳିଆ ଥାନା ସମ୍ମୁଖରେ କିରାସିନ ଢାଳି ଆତ୍ମହୁତି ଦେବାକୁ ଉଦ୍ୟମ କରିଥିଲେ । ପୋଲିସ ଯୁବତୀକୁ ଉଦ୍ଧାର କରିବା ସହ ଯୁବତୀର ଭାଇଙ୍କୁ ଅଟକ ରଖି ତଦନ୍ତ ଚଳାଇଛି ।

ଏଥିସହିତ ପଢ଼ନ୍ତୁ: ରେକର୍ଡ଼ କଲା ଓଡ଼ିଶା: କୋଟିଏ ଅତିକ୍ରମ କଲା ପ୍ରଥମ ଡୋଜ୍ ଭ୍ୟାକ୍ସିନେସନ

 

ନାବାଳକକୁ ଗୋଇଠା ମାରିବା ଘଟଣାରେ ଡିସିପିଙ୍କୁ ରିପୋର୍ଟ ମାଗିଲା ଶିଶୁ ଅଧିକାର ଆୟୋଗ

ଭୁବନେଶ୍ୱର: କେସୁରା ଛକରେ ନାବାଳକକୁ ପୋଲିସର ଗୋଇଠା ମାରିବା ଘଟଣାରେ ଡିସିପିଙ୍କୁ ରିପୋର୍ଟ ମାଗିଲା ରାଜ୍ୟ ଶିଶୁ ଅଧିକାର ଆୟୋଗ । ୭ ଦିନ ମଧ୍ୟରେ ତଦନ୍ତ ରିପୋର୍ଟ ଦେବାକୁ ଡିସିପିଙ୍କୁ ନିର୍ଦ୍ଦେଶ । ଜୁଭେନାଇଲ ଜଷ୍ଟିସ ଆକ୍ଟରେ ନାବାଳକକୁ ମାଡ଼ ମାରିବା କାହାକୁ ଅଧିକାର ଦିଆଯାଇନି । ରିପୋର୍ଟ ଆସିଲେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ କମିଶନ ସାଧ୍ୟବତୀ ପ୍ରଧାନ ସୂଚନା ଦେଇଛନ୍ତି । ସେପେଟେ ପୋଲିସ ଆଚରଣ ଓ ଉଚ୍ଚାରଣ କଥା ସାମନାକୁ ଆସିଛି । ଜେଜେ ଆକ୍ଟ ଅନୁସାରେ ଗିରଫ ହୋଇପାରିବ ବୋଲି ଆଇନଜୀବୀ କହିଛନ୍ତି । ଗତ ମାସରେ ନାବାଳକଙ୍କ ବାପା ସଟଡାଉନରେ ଦୋକାନ ଖୋଲି ଥିଲେ । ପାଟ୍ରୋଲିଂ ବେଳେ ନବାଳକ ଜଣକୁ ଗୋଇଠା ମାରିଥିଲେ ପୋଲିସ୍ କର୍ମଚାରୀ । ଘଟଣାରେ ପୋଲିସ କର୍ମଚାରୀ ଜଣଙ୍କୁ ନିଲମ୍ବିତ କରାଯାଇଛି । ଅନ୍ୟମାନଙ୍କ ଉପସ୍ଥିତିକୁ ନେଇ ପୋଲିସ ତଦନ୍ତ କରୁଛି ।

ଏଥିସହିତ ପଢ଼ନ୍ତୁ: କରୋନା ଟିକା ନେଇ କୁନି ଛୁଆଙ୍କ ସଚେତନତାକୁ ମୁଖ୍ୟମନ୍ତ୍ରୀଙ୍କ ପ୍ରଶଂସା

କରୋନା ଟିକା ନେଇ କୁନି ଛୁଆଙ୍କ ସଚେତନତାକୁ ମୁଖ୍ୟମନ୍ତ୍ରୀଙ୍କ ପ୍ରଶଂସା

ଭୁବନେଶ୍ୱର: ଭ୍ୟାକ୍ସିନ ନେଇ ପିଲାମାନଙ୍କ ସଚେତନତାକୁ ମୁଖ୍ୟମନ୍ତ୍ରୀଙ୍କ ପ୍ରଶଂସା । କରୋନାରୁ ରକ୍ଷା ପାଇବା ପାଇଁ ଭ୍ୟାକ୍ସିନର ଆବଶ୍ୟକତା ନେଇ ଅଭିନୟ ମାଧ୍ୟମରେ  ଲୋକଙ୍କୁ ସଚେତନ କରିଛନ୍ତି କିଛି କୁନି କୁନି ଛୁଆ । ଆଉ ପିଲାଙ୍କ ଏଭଳି ପ୍ରୟାସକୁ ସାଧୁବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କୋଭିଡରୁ ସୁରକ୍ଷିତ ରହିବା ପାଇଁ ଟିକା ହିଁ ଶ୍ରେଷ୍ଠ ଉପାୟ ବୋଲି କୁନି କୁନି ଛୁଆମାନେ ଅତି ସୁନ୍ଦରଭାବେ ବୁଝାଇଥିବା ମୁଖ୍ୟମନ୍ତ୍ରୀ ଟ୍ୱିଟ୍ କରି ଜଣାଇଛନ୍ତି । ପିଲାଙ୍କ ଦ୍ୱାରା ଅଭିନିତ ଏହି ସଚେତନତା ଭିଡିଓରେ ଲୋକମାନେ କିଭିଳି ଟିକା ଅପେକ୍ଷା କରୋନାରୁ ସୁରକ୍ଷିତ ରହିବା ପାଇଁ ପୂଜା ପାଠ ଉପରେ ଭରସା କରନ୍ତି । କିନ୍ତୁ ପୂଜା ପାଠ ପରେ ଭଗବାନ ନିଜେ ମଧ୍ୟ କରୋନାରୁ ସୁରକ୍ଷିତ ରହିବା ପାଇଁ ଆଗ ଟିକା ନେବା ନେଇ କହୁଥିବା ଏଥିରେ ଦର୍ଶାଇଛନ୍ତି । ଯାହା କିଛି ଲୋକଙ୍କ ମଧ୍ୟରେ ଥିବା କରୋନା ଟିକାକୁ ନେଇ ଧାରଣା ସମ୍ପର୍କରେ ସୂଚାଉଥିବା ସହ ଏ ଦିଗରେ ସଚେତନ ମଧ୍ୟ କରାଇଛି ।

ତୃତୀୟ ପ୍ରବାହରେ ଅଧା ହୋଇପାରେ ସଂକ୍ରମଣ

ନୂଆଦିଲ୍ଲୀ: କୋଭିଡ ତୃତୀୟ ପ୍ରବାହକୁ ନେଇ ଆସିଲା ଗୁରୁତ୍ୱ ପୂର୍ଣ୍ଣ ସୂଚନା। ତୃତୀୟ ପ୍ରବାହ ଆକ୍ରାନ୍ତଙ୍କ ସଂଖ୍ୟା ପ୍ରଥମ ପ୍ରବାହ ଭଳି ହେବ। ଅର୍ଥାତ ଦ୍ୱିତୀୟ ପ୍ରବାହ ତୁଳନାରେ ଏହା ବହୁତ କମ୍ ରହିବ। ଏଭଳି ସୂଚନା ଦେଇଛନ୍ତି କୋଭିଡ ପ୍ୟାନେଲର ବୈଜ୍ଞାନିକ ମନୀନ୍ଦ୍ର ଅଗ୍ରୱାଲ।

ଅଗ୍ରୱାଲ କହିଛନ୍ତି ଯେ ଲୋକଙ୍କ ଭିତରେ ପ୍ରତିରୋଧକ ଶକ୍ତିର ଅଭାବ, ଟିକାଦାନ ପ୍ରକ୍ରିୟା ଓ ପ୍ରଭାବଶାଳୀ ଭାରିଆଣ୍ଟ ଯୋଗୁ ବର୍ତ୍ତମାନ ସଂକ୍ରମଣ ସଂଖ୍ୟା ଅଧକ ରହିଛି। ଆସନ୍ତା ଅକ୍ଟୋବର- ନଭେମ୍ବର ବେଳକୁ କୋଭିଡ ସଂକ୍ରମଣ ସର୍ବୋଚ୍ଚ ସ୍ତରକୁ ଯାଇପାରେ। ମାତ୍ର ବର୍ତ୍ତମାନ ଯେଉଁ ସଂଖ୍ୟାରେ ସଂକ୍ରମଣ ଚାଲିଛି ତାହାର ଅଧା ହେବ। ତେବେ ତୃତୀୟ ପ୍ରବାହରେ ସଂକ୍ରମଣ ପୂର୍ବ ତୁଳନାର ଅଧିକ ଗତିଶୀଳ ହେବ।

ଦେଶରେ କରୋନା ସଂକ୍ରମଣର ଗାଣିତିକ ପରିସଂଖ୍ୟାନ ନେଇ ବିଜ୍ଞାନ ଓ ପ୍ରଯୁକ୍ତି ବିଭାଗ ପକ୍ଷରୁ ଗଠିତ ପ୍ୟାନେଲର ବୈଜ୍ଞାନିକ ଅଗ୍ରୱାଲ ଆହୁରି କହିଛନ୍ତି ଯେ ଅଗଷ୍ଟ ସୁଦ୍ଧା ଦେଶରେ ଜନଜୀବନ ସ୍ବାଭାବିକ ହୋଇପାରେ ବୋଲି ଆଶା କରାଯାଉଛି। ଅନ୍ୟ କୌଣସି ମ୍ୟୁଟାଣ୍ଟ ଆସିବାର ସମ୍ଭାବନା ଦିଶୁନାହିଁ। ଅନ୍ୟ ଏକ ଆକଳନରୁ ବି କୁହାଯାଇଛି ଯେ ଆସନ୍ତା ଅଗଷ୍ଟରେ ୨୫ ପ୍ରତିଶତ ଅଧିକ ସଂକ୍ରମଣଶୀଳ ମ୍ୟୁଟାଣ୍ଟ ଆସିବାର ସମ୍ଭାବନା ରହିଛି । ମାତ୍ର ଏହା ଡେଲଟା ପ୍ଲସ ହୋଇ ନପାରେ ବୋଲି ସେ କହିଛନ୍ତି।

ଅନ୍ୟ ଏକ ଆକଳନ ଅନୁସାରେ ତୃତୀୟ ପ୍ରବାହରେ ଦେଶରେ ସଂକ୍ରମଣ ସଂଖ୍ୟା ଦେଢ଼ ଲକ୍ଷରୁ ୨ ଲକ୍ଷ ହେବାର ଆଶଙ୍କା ରହିଛି ବୋଲି ସେ କହିଛନ୍ତି।

ରେକର୍ଡ଼ କଲା ଓଡ଼ିଶା: କୋଟିଏ ଅତିକ୍ରମ କଲା ପ୍ରଥମ ଡୋଜ୍ ଭ୍ୟାକ୍ସିନେସନ

କରୋନା ଟିକାକରଣରେ ରେକର୍ଡ଼ କଲା ଓଡ଼ିଶା। ବର୍ତ୍ତମାନ ସୁଦ୍ଧା ପ୍ରଥମ ଡୋଜ୍ ଟିକାକରଣରେ ଏକ କୋଟି ଟପିସାରିଛି। ଏନେଇ ସ୍ବାସ୍ଥ୍ୟ ଓ ପରବାର କଲ୍ୟାଣ ବିଭାଗ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି। 

ବଡ଼ ବଡ଼ ରାଜ୍ୟକୁ ପଛରେ ପକାଇ ନୂଆ ରେକର୍ଡ ସୃଷ୍ଟି କରିଛି ଓଡ଼ିଶା। ତେବେ ଏହାର ଶ୍ରେୟ ଓଡ଼ିଶାବାସୀ ଓ ସ୍ବାସ୍ଥ୍ୟକର୍ମୀଙ୍କୁ ଦିଆଯାଇଛି। ରାଜ୍ୟରେ ଟିକା ଅପଚୟ ଅନ୍ୟ ରାଜ୍ୟ ତୁଳନାରେ ଢେର କମ ରହିଛି। କିଭଳି ସୁରୁଖୁରୁରେ ସମସ୍ତେ ଟିକା ନେଇପାରିବେ ତାହା ଉପରେ ଗୁରୁତ୍ବ ଦେଇଛନ୍ତି ଓଡ଼ିଶା ସରକାର। ସମସ୍ତଙ୍କୁ ଟିକାକରଣରେ ସାମିଲ କରିବା ପାଇଁ ଲକ୍ଷ୍ୟ ଥିବାବେଳେ ଅଧିକରୁ ଅଧିକ ଟିକା ଓଡ଼ିଶା ଦାବି କରୁଛି।

 

ତୃତୀୟ ଲହର ମୁକାବିଲା ପାଇଁ ରାଜ୍ୟ ସ୍ବାସ୍ଥ୍ୟ ବିଭାଗ ପ୍ରସ୍ତୁତ

ଭୁବନେଶ୍ୱର: କରୋନାର ସମ୍ଭାବ୍ୟ ତୃତୀୟ ଲହର ପାଇଁ ରାଜ୍ୟ ସ୍ବାସ୍ଥ୍ୟ ବିଭାଗ ଚଲାଇଛି ଜୋରଦାର୍ ପ୍ରସ୍ତୁତି। ଗତ ୧୭ ତାରିଖରୁ ପ୍ରସ୍ତୁତ ଏସଓପିରେ ତୃତୀୟ ଲହର ପାଇଁ  ସବୁ ଜିଲ୍ଲାପାଳ, ମେଡିକାଲ କଲେଜ, ମ୍ୟୁନିସିପାଲ କମିଶନରଙ୍କୁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି। ଏ ନେଇ ସ୍ବାସ୍ଥ୍ୟମନ୍ତ୍ରୀ ନବ ଦାସ ସୂଚନା ଦେଇଛନ୍ତି।

ବିଶେଷଜ୍ଞଙ୍କ ପରାମର୍ଶ ଅନୁସାରେ, ଶିଶୁଙ୍କୁ ତୃତୀୟ ଲହର ବେଶି ପ୍ରଭାବିତ କରିପାରେ। ତେଣୁ ସବୁ ଡାକ୍ତର ଓ ନର୍ସଙ୍କୁ ଏହାର ମୁକାବିଲା କରିବାକୁ ସ୍ବତନ୍ତ୍ର ଟ୍ରେନିଂ ଦିଆଯାଇଛି। ୧୦ଟି ଆଇସୋଲେସନ ବେଡ୍ ସିଏଚସିୟୁର ୨ରୁ ୪ଟି ବେଡ୍ ଓ ୬୪ଟି ଏନଆଇସିୟୁ ବେଡ୍ ପ୍ରସ୍ତୁତ ରଖିବାକୁ କୁହାଯ଼ାଇଛି । ଭିମସାର ଏନଆଇସିୟୁରେ ୨୦ ବେଡ୍, ଏସସିବିରେ ୧୦, ବାଲେଶ୍ବର ଏଫ.ଏମ୍.ରେ ୧୦ ବେଡ୍ ସଂରକ୍ଷିତ ରଖିବାକୁ ନିର୍ଦ୍ଦେଶ ଦିଆଯାଇଛି।

ଏହାବ୍ୟତୀତ ପିଆଇସିୟୁରେ ୯୪ଟି, ଏଚଡିୟୁ ୮୪ଟି ପ୍ରସ୍ତୁତି ରଖିବାକୁ କୁହାଯାଇଛି। କଳାହାଣ୍ଡି ଓ ଦେବଗଡ଼ରେ ଶିଶୁଙ୍କ ପାଇଁ ସ୍ବତନ୍ତ୍ର ମେଡିକାଲ ଖୋଲିଛି। ଦ୍ବିତୀୟ ଲହର ନିୟନ୍ତ୍ରଣକୁ ଆସୁଛି। ଏହି ସମୟରେ ରାଜ୍ୟବାସୀଙ୍କୁ ସାବଧାନ ରହିବା ସହ କୋଭିଡ ନିୟମ ମାନିବାକୁ ସ୍ବାସ୍ଥ୍ୟମନ୍ତ୍ରୀ ନବ ଦାସ ପରାମର୍ଶ ଦେଇଛନ୍ତି। କୋଭିଡକୁ ମାତ୍ ଦେବାକୁ ଟିକାକରଣ ଓ କୋଭିଡ ନିୟମ ମାନିବା ଜରୁରୀ। ମୁଖ୍ୟମନ୍ତ୍ରୀଙ୍କ ନେତୃତ୍ବରେ ରାଜ୍ୟ କରୋନା ବିରୋଧୀ ଲଢେଇରେ ନିଶ୍ଚୟ ଜିତିବ ବୋଲି ସ୍ବାସ୍ଥ୍ୟମନ୍ତ୍ରୀ ନବ ଦାସ ଦୃଢୋକ୍ତି ପ୍ରକାଶ କରିଛନ୍ତି।

ବଜାରରେ ନୁହେଁ କେବଳ ସରକାରୀ ହସ୍ପିଟାଲରେ ମିଳୁଛି ବ୍ଲାକ୍‌ ଫଙ୍ଗସ୍‌

ଭୁବନେଶ୍ୱର: ବଜାରରେ ବ୍ଲାକ୍‌ ଫଙ୍ଗସ୍‌ ରୋଗର ଔଷଧ ମିଳୁନି। ରାଜ୍ୟ ସରକାର ଏହି ଔଷଧକୁ ଔଷଧ ନିଗମ ଓ ୧୦ରୁ ଅଧିକ ସରକାରୀ ହସ୍ପିଟାଲରେ ମହଜୁଦ ରଖିଛନ୍ତି। ତେଣୁ ହସ୍ପିଟାଲଗୁଡିକ ରୋଗୀଙ୍କୁ ସିଧାସଳଖ ବଜାରରୁ ମେଡିସିନ୍ କିଣିବାକୁ ନକହି ସରକାର ଯୋଗାଉଥିବା ଔଷଧ ଆଣିବାକୁ ସ୍ବାସ୍ଥ୍ୟ ବିଭାଗ ନିର୍ଦ୍ଦେଶ ଦେଇଛି। ଏ ନେଇ ଡିଏମଇଟି ନିର୍ଦ୍ଦେଶକ ସି.ବି.କେ ମହାନ୍ତି ସୂଚନା ଦେଇଛନ୍ତି।

ସି.ବି.କେ ମହାନ୍ତି କହିଛନ୍ତି ଯେ ବ୍ଲାକ୍ ଫଙ୍ଗସ ଓ କରୋନା ଔଷଧ ରାଜ୍ୟରେ ମହଜୁଦ ଅଛି। ବ୍ଲାକ୍ ଫଙ୍ଗସ ଔଷଧର ସୁବଣ୍ଟନ ବ୍ୟବସ୍ଥା ରାଜ୍ୟ ସରକାର କରିଛନ୍ତି । ସମସ୍ତ ରୋଗୀଙ୍କୁ ମାଗଣାରେ ଔଷଧ ଯୋଗାଇବାକୁ ସରକାର ପ୍ରତିଶ୍ରୁତିବଦ୍ଧ । ତେଣୁ ଅଯଥାରେ ରୋଗୀଙ୍କୁ ହଇରାଣ ନକରିବାକୁ ଡିଏମଇଟି ନିର୍ଦ୍ଦେଶକ ସିବିକେ ମହାନ୍ତି ପରାମର୍ଶ ଦେଇଛନ୍ତି।

ରାଜ୍ୟରେ ଏଯାଏ ୧୦୦ରୁ ଉର୍ଦ୍ଧ୍ବ ବ୍ଲାକ୍ ଫଙ୍ଗସ୍ ରୋଗୀ ଚିହ୍ନଟ ହେଲେଣି। ଫଙ୍ଗସ ଥିଲା ଓ ରହିବ । ତେଣୁ ଏଥିପାଇଁ ବ୍ୟତିବ୍ୟସ୍ତ ହେବା ଉଚିତ ନୁହେଁ ବୋଲି ଡିଏମଇଟି ନିର୍ଦ୍ଦେଶକ ସିବିକେ ମହାନ୍ତି ପରାମର୍ଶ କହିଛନ୍ତି। ଅନ୍ୟପଟେ ରାଜ୍ୟରେ କରୋନା ସ୍ଥିତି ଅନୁଧ୍ୟାନ ପାଇଁ ଆସନ୍ତାକାଲି କେନ୍ଦ୍ରୀୟ ଟିମ୍ ଆସିବ।

୨୦୨୨ ସୁଦ୍ଧା ପୁରୀରୁ ଉଡ଼ିବ ବିମାନ

ପୁରୀ: ୨୦୨୨-୨୩ ସୁଦ୍ଧା ଜଗନ୍ନାଥ ଧାମ ପୁରୀରୁ ଉଡ଼ିବ ବିମାନ। ସବୁ ଠିକଠାକ ଚାଲିଲେ ୨୦୨୨ ସୁଦ୍ଧା ପୁରୀ ବିମାନ ବନ୍ଦର କାମ ସରିବ।  ପରିବହନ ମନ୍ତ୍ରୀ ପଦ୍ମନାଭ ବେହେରା ଏହି ସୂଚନା ଦେଇଛନ୍ତି ।

ମନ୍ତ୍ରୀଙ୍କ ସୂଚନା ମୁତାବକ ପ୍ରଥମେ ପୁରୀରେ ବିମାନବନ୍ଦର ପାଇଁ ଜାଗା ଚିହ୍ନଟ ଉପରେ ଚୂଡ଼ାନ୍ତ ମୋହର ବାଜିବ। କରୋନା ପରିସ୍ଥିତି ପାଇଁ କାମ ସାମାନ୍ୟ ବିଳମ୍ବିତ ହୋଇଛି । ରାଜ୍ୟର ଉତ୍‌କେଲା, ରାଉରକେଲା ଓ ଜୟପୁର ପ୍ରଭୃତି ସ୍ଥାନରୁ ବିମାନ ଉଡାଣ ପାଇଁ ରାଜ୍ୟ ସରକାର ସହଯୋଗ କରୁଛନ୍ତି । ସେହିପରି ସମସ୍ତ ଅବିଭକ୍ତ ଜିଲ୍ଲାରେ ଥିବା ଏୟାର୍ ଷ୍ଟ୍ରିପ୍‌ର ଉନ୍ନତି ପାଇଁ ଆଲୋଚନା ହୋଇଛି ବୋଲି ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି ।