spot_img
Home Blog Page 5606

‘ପ୍ରତ୍ୟେକ ଦିନ ଆସୁଥିବା ମୃତ୍ୟୁସଂଖ୍ୟା ରିୟଲ ଟାଇମ୍ ନୁହେଁ’

ଭୁବନେଶ୍ୱର: କୋଭିଡ ମୃତ୍ୟୁକୁ ନେଇ ରାଜ୍ୟ ସରକାରଙ୍କ ସ୍ପଷ୍ଟୀକରଣ । ପ୍ରତ୍ୟେକ ଦିନ ଆସୁଥିବା ମୃତ୍ୟୁସଂଖ୍ୟା ରିୟଲ ଟାଇମ୍ ନୁହେଁ । ଗୋଟିଏ ଦିନରେ ଆସୁଥିବା ମୃତ୍ୟୁ ସଂଖ୍ୟା ସେଇ ନିର୍ଦ୍ଦିଷ୍ଟ ଦିନର ନୁହେଁ । ବିଭିନ୍ନ ସ୍ତରରେ ଅଡିଟ୍ କରାଯାଇ କୋଭିଡ୍ ମୃତ୍ୟୁ ସଂଖ୍ୟା ଘୋଷଣା କରାଯାଉଛି । ସରକାର ମୃତ୍ୟୁ ସଂଖ୍ୟାକୁ ଲୁଚେଇ ନାହାଁନ୍ତି ବୋଲି କହିଛନ୍ତି ଡିଏମଇଟି ସିବିକେ ମହାନ୍ତି ।

ପୂର୍ବରୁ କୋଭିଡ୍, ନନ କୋଭିଡ ମୃତ୍ୟୁକୁ ନେଇ ସଂଶୟ ସୃଷ୍ଟି ହୋଇଥିଲା । କେଉଁ କାଟାଗୋରୀରେ କେଉଁ ମୃତ୍ୟୁ ଯିବ ସେ ନେଇ ସରକାରଙ୍କ ପକ୍ଷରୁ ନିର୍ଦ୍ଦେଶ ମିଳିବା ପରେ ମୃତ୍ୟୁ ତଥ୍ୟର ଅଡିଟ୍ କରାଯାଇଛି । କରୋନା ପିକ୍ ସମୟରେ ଡାକ୍ତର ମାନେ ରୋଗୀଙ୍କ ଚିକିତ୍ସାରେ ବ୍ୟସ୍ତ ରହୁଥିଲେ ଏବେ ରୋଗୀ ସଂଖ୍ୟା କମିବା ପରେ ଅଡିଟ୍ କରାଯାଇ ତଥ୍ୟ ଆସୁଛି ।

କଟକ, ଭୁବନେଶ୍ୱରରେ ସଂକ୍ରମଣ ଗତ ୧୦ ଦିନ ତୁଳନାରେ କମିଛି । କିନ୍ତୁ ଏବେ ବି ଅନ୍ୟ ଜିଲ୍ଲା ତୁଳନାରେ ଅଧିକ ରହିଛି । ସ୍ୱତନ୍ତ୍ର ଫୋକସ୍ କରିଛୁ । ଟେଷ୍ଟିଂ, ଟ୍ରେସିଂ ଓ ସର୍ଭେଲାନ୍ସ ବଢ଼ା ଯାଇଛି ବୋଲି କହିଛନ୍ତି ଡିଏମଇଟି ।

ହଟିଲା କଟକଣା, ଏଣିକି ଜର୍ମାନୀ ଯାଇପାରିବେ ଭାରତୀୟ

ନୂଆଦିଲ୍ଲୀ: ଏଣିକି ଜର୍ମାନୀ ଯାଇପାରିବେ ଭାରତର ଯାତ୍ରୀ। କରୋନା ଲାଗି ଜାରି କରାଯାଇଥିବା କଟକଣାକୁ ହଟାଇଛି ଜର୍ମାନୀ । ଜର୍ମାନୀ ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ଯେ, ଭାରତ, ନେପାଳ, ଋଷିଆ, ପର୍ତ୍ତୁଗାଲ ଓ ବ୍ରିଟେନରେ ଡେଲଟା ଭାରିଆଣ୍ଟ ବ୍ୟାପି ଥିବାରୁ ଏହି ଦେଶଗୁଡିକର ଯାତ୍ରୀଙ୍କ ଲାଗି କଟକଣା କରାଯାଇଥିଲା।

ବର୍ତ୍ତମାନ ଏହି ନିୟମରେ ପରିବର୍ତ୍ତନ କରାଯାଇଛି । ଯେକୌଣସି ନାଗରିକ ଏଣିକି ଜର୍ମାନୀ ଯାଇପାରିବେ । ତେବେ ସଂକ୍ରମଣକୁ ରୋକିବା ଲାଗି ପଦକ୍ଷେପ ନିଆଯିବ ବୋଲି ସ୍ୱାସ୍ଥ୍ୟ ବିଭାଗ କହିଛି। ଜର୍ମାନୀର ସ୍ୱାସ୍ଥ୍ୟ ମନ୍ତ୍ରୀ ଜେନସ ସ୍ପାନ କହିଛନ୍ତି, ଜର୍ମାନୀରେ ଡେଲଟା ଭାରିଆଣ୍ଟ ପ୍ରଭାବଶାଳୀ ରହିଛି । ବାହାର ଦେଶର ଯାତ୍ରୀମାନଙ୍କ ଉପରେ ଥିବା କଟକଣାକୁ ହଟାଇ ଦିଆଯାଇଛି । ଡେଲଟା ଭାରିଆଣ୍ଟର ମୁକାବିଲା ଲାଗି ସରକାର ସମସ୍ତ ପଦକ୍ଷେପ ନେବେ। ଲଣ୍ଡନ ଗସ୍ତରେ ଯାଇଥିବା ଚାନସେଲର ଆଞ୍ଜେଲା ମର୍କେଲ ବି କହିଥିଲେ ବ୍ରିଟେନର ଯାତ୍ରୀଙ୍କ ପ୍ରତି ସରକାର କୋହଳ ନୀତି ଅବଲମ୍ବନ କରିବେ।

ଥମୁନି ପଞ୍ଜାବ କଂଗ୍ରେସର ବିବାଦ, ସୋନିଆଙ୍କୁ ଭେଟିବେ କ୍ୟାପ୍ଟେନ ଅମରିନ୍ଦର

ପଞ୍ଜାବ କଂଗ୍ରେସରେ ବିବାଦ ଥମିବାର ନା ନେଉନି। ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂ ଓ ନବଜୋତ ସିଂ ସିଦ୍ଧୁଙ୍କ ମଧ୍ୟରେ ଲାଗି ରହିଛି ଶୀତଳ ଯୁଦ୍ଧ। ସିଦ୍ଧୁ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି ଓ ସାଂସଦ ରାହୁଲ ଗାନ୍ଧିଙ୍କୁ ଭେଟି ସାରିବା ପରେ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ଆଜି  ଅମରିନ୍ଦର ସିଂ ଭେଟିବେ।

ଦଳରେ ଲାଗି ରହିଥିବା କନ୍ଦଳ ଓ ଆଗାମି ନିର୍ବାଚନ ନେଇ ସୋନିଆ ଓ ଅମରିନ୍ଦର ସିଂଙ୍କ ମଧ୍ୟରେ ଆଲୋଚନା ହେବ। ସେପଟେ ରାହୁଲ ଗାନ୍ଧିଙ୍କୁ ମଧ୍ୟ କ୍ୟାପଟେନ ଭେଟିପାରନ୍ତି। କଂଗ୍ରେସ ହାଇକମାଣ୍ଡ ସିଦ୍ଧୁଙ୍କୁ ଗୁରୁ ଦାୟିତ୍ୱ ଦେବା ପାଇଁ ଚାହୁଁଥିବାବେଳେ କ୍ୟାପଟେନ୍ ଏହାର ବିରୋଧ କରୁଛନ୍ତି। ଏଭଳିସ୍ଥଳେ ଆଜିର ଆଲୋଚନା ଅନେକ ଗୁରୁତ୍ୱ ବହନ କରୁଛି । ପୂର୍ବରୁ ଅମରିନ୍ଦର ସିଂ, ସିଦ୍ଧୁ ଓ ଦଳର ବରିଷ୍ଠ ନେତା ଏବଂ ବିଧାୟକମାନେ ସୋନିଆ ଗାନ୍ଧିଙ୍କ ନିର୍ଦ୍ଦେଶରେ ଗଠନ ହୋଇଥିବା ଟିମକୁ ଭେଟି ସାରିଛନ୍ତି ।

ଖୋଲୁଛି ପ୍ରିୟଙ୍କା ହତ୍ୟା ରହସ୍ୟ, ସୁଇସାଇଡ୍ ନୋଟରେ ସବୁ ଲେଖିଛି ଅଭିଯୁକ୍ତ

ଭୁବନେଶ୍ୱର/ଚଣ୍ଡିଖୋଲ: ଭୁବନେଶ୍ୱର ଭୀମଟାଙ୍ଗି ଅଞ୍ଚଳରେ ମହିଳାଙ୍କୁ ବିଭତ୍ସ ହତ୍ୟା ଘଟଣା । ହତ୍ୟାକାଣ୍ଡ ପଛରେ ପ୍ରେମ ସମ୍ପର୍କ ରହିଥିବା ସୂଚନା । ଏନେଇ ପ୍ରତିକ୍ରିୟା ରଖିଛନ୍ତି ଜଗନ୍ନାଥ ପ୍ରଧାନଙ୍କ ମାଆ ସାବିତ୍ରୀ ପ୍ରଧାନ । ମୃତ ମହିଳା ପ୍ରିୟଙ୍କାଙ୍କ ସହ ଜଗନ୍ନାଥର ଥିଲା ପ୍ରେମ ସମ୍ପର୍କ । ବିବାହ ପୂର୍ବରୁ ଜଗନ୍ନାଥଙ୍କୁ ଜାଣିଥିଲା ପ୍ରିୟଙ୍କା । ତେବେ ବିବାହ ପରେ ସମ୍ପର୍କ ନଥିଲା । ଗତବର୍ଷ ଲକଡାଉନରୁ ପୁଣି ଉଭୟଙ୍କ ମଧ୍ୟରେ ସମ୍ପର୍କ ଆରମ୍ଭ ହୋଇଥିଲା । ମୃତ ମହିଳା ପ୍ରିୟଙ୍କା ପ୍ରିୟଦର୍ଶିନୀ ସାହୁଙ୍କ ସହ ଜଗନ୍ନାଥଙ୍କ ସମ୍ପର୍କ ଥିଲା । ତେବେ ଏହି ସମ୍ପର୍କରେ ତିକ୍ତତା ଆସିଥିଲା ।

Accuse Reveals Priyanka Murder Mistry

ଅନ୍ୟପଟେ ନନ୍ଦିଘୋଷ ଟିଭି ହାତରେ ଲାଗିଛି କିଲର୍ ଜଗନାଥ ପ୍ରଧାନର ସୁଇସାଇଡ୍ ନୋଟ୍ । ଯେଉଁଥିରେ ଅଭିଯୁକ୍ତ ଜଗନ୍ନାଥ ପ୍ରଧାନ ଓ ପ୍ରିୟଙ୍କାଙ୍କ ସହ ସମ୍ପର୍କର ପୂରା କାହାଣୀ ଲେଖା ହୋଇଛି । କାହିଁକି ସେ ପ୍ରିୟଙ୍କାକୁ ହତ୍ୟା କରିବା ସହ ନିଜେ ଆତ୍ମହତ୍ୟା କରିବା ପାଇଁ ନିଷ୍ପତ୍ତି ନେଇଥିଲା, ସେ କଥା ସୁଇସାଇଡ୍ ନୋଟରେ ଲେଖିଛି ଅଭିଯୁକ୍ତ । ସୁଇସାଇଡ୍ ନୋଟରେ ଅଭିଯୁକ୍ତ ନିଜର ଦସ୍ତଖତ ସହ ଗତକାଲିର ତାରିଖ ମଧ୍ୟ ଲେଖିଛି । ଗତକାଲି ଭୀମଟାଙ୍ଗିରେ ଘର ଭିତରୁ ଏହି ଚିଠିକୁ ଜବତ କରିଛି ଏୟାରଫିଲ୍ଡ ଥାନା ପୋଲିସ । ସମ୍ପର୍କ ଭାଙ୍ଗି ଦେବା ନିଷ୍ପତ୍ତି ହିଁ ହତ୍ୟାକାଣ୍ଡର ପ୍ରକୃତ କାହାଣୀ ।

Accuse Reveals Priyanka Murder Mistry

ସେପଟେ ଅଭିଯୁକ୍ତ ଜଗନ୍ନାଥ ପ୍ରଧାନର ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ତାକୁ କ୍ୟାପିଟାଲ ହସ୍ପିଟାଲରେ ଚିକିତ୍ସା କରାଯାଉଛି । ସୁସ୍ଥ ହେବା ପରେ ପୋଲିସ ଅଭିଯୁକ୍ତ ଜଗନ୍ନାଥ ପ୍ରଧାନକୁ ନିଜ ହେପାଜତକୁ ନେଇ ଗିରଫ କରିବା ସହ ପଚରାଉଚରା କରିବ । ସେପଟେ ଆଜି ପ୍ରିୟଙ୍କାଙ୍କ ଶବ ବ୍ୟବଚ୍ଛେଦ କରାଯିବା ପରେ ମୃତଦେହକୁ ପରିବାର କୋଲଙ୍କୁ ହସ୍ତାନ୍ତର କରାଯିବ । ଗତକାଲି ପ୍ରିୟାଙ୍କକୁ ବିଭତ୍ସ ହତ୍ୟା କରିବା ପରେ ସ୍ୱାମୀ ରାକେଶକୁ ଭିଡିଓ କଲ କରିଥିଲା ହତ୍ୟାକରୀ । କିନ୍ତୁ ଫୋନ୍ ନଉଠାଇବାରୁ ପ୍ରିୟଙ୍କାଙ୍କ ରକ୍ତ ରଞ୍ଜିତ ଫଟୋ ପଠାଇଥିଲା ଅଭିଯୁକ୍ତ ଜଗନ୍ନାଥ ପ୍ରଧାନ ।

ମନ୍ତ୍ରୀମଣ୍ଡଳ ନବକଳେବର ପୂର୍ବରୁ ମୋଦିଙ୍କ ବାସଭବନରେ ଗୁରୁତ୍ୱପୂର୍ଣ୍ଣ ବୈଠକ

ନୂଆଦିଲ୍ଲୀ: ଆସନ୍ତାକାଲି ହୋଇପାରେ କେନ୍ଦ୍ର ମନ୍ତ୍ରିମଣ୍ଡଳର ଅଦଳବଦଳ । ଏହା ପୂର୍ବରୁ ଆଜି ପ୍ରଧାନମନ୍ତ୍ରୀଙ୍କ ବାସଭବନରେ ଏକ ଗୁରୁତ୍ୱ ପୂର୍ଣ୍ଣ ବୈଠକ ବସିବ। ଯେଉଁଥିରେ ବରିଷ୍ଠ ମନ୍ତ୍ରୀମାନେ ସାମିଲ ହେବେ। କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷାମନ୍ତ୍ରୀ ରାଜନାଥ ସିଂ, ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ସହ ପିୟୁଷ ଗୋଏଲ, ଧର୍ମେନ୍ଦ୍ର ପ୍ରଧାନ, ପ୍ରହଲ୍ଲାଦ ସିଂ ଯୋଶୀ ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡା ପ୍ରମୁଖ ସାମିଲ ହେବ।

ଏହି ବୈଠକରେ ମନ୍ତ୍ରିମଣ୍ଡଳର ବିସ୍ତାର ନେଇ ଆଲୋଚନା ହେବ। କାହାକୁ କେଉଁ ପଦ ମିଳିବ, କେଉଁ ରାଜ୍ୟରୁ କାହାକୁ ମନ୍ତ୍ରୀ କରାଯିବ ସେ ନେଇ ହେବ ବିସ୍ତୃତ ଆଲୋଚନା । ପୂର୍ବରୁ ପ୍ରଧାନମନ୍ତ୍ରୀ  ଅନେକ ମନ୍ତ୍ରୀଙ୍କ ବିଭିନ୍ନ ବିଭାଗର ସମୀକ୍ଷା କରିସାରିଛନ୍ତି। ଦଳର ବରିଷ୍ଠ ନେତାଙ୍କ ସହ ଆଲୋଚନା ସରିଛି। ମନ୍ତ୍ରିମଣ୍ଡଳର ବିସ୍ତାର ନେଇ ପ୍ରକ୍ରିୟା ଏବେ ଶେଷ ପର୍ଯ୍ୟାୟରେ ପହଞ୍ଚିଛି। ସୂଚନା ମୁତାବକ ମନ୍ତ୍ରୀ ୧୭ରୁ ୨୨ ଜଣ ସାଂସଦ ଭାବେ ଶପଥ ନେଇପାରନ୍ତି। ସହଯୋଗୀ ଦଳକୁ ମଧ୍ୟ ବିଜେପି ସୁଯୋଗ ଦେଇପାରେ।

ସୂଚନାଯୋଗ୍ୟ, ଏବେ ମୋଦିଙ୍କ ମନ୍ତ୍ରିମଣ୍ଡଳରେ ୫୩ ଜଣ ମନ୍ତ୍ରୀ ଅଛନ୍ତି। ମନ୍ତ୍ରିମଣ୍ଡଳରେ ୨୮ଟି ପଦ ଖାଲି ରହିଛି। କ୍ୟାବିନଟେରେ ୮୧ ଜଣ ମନ୍ତ୍ରୀ ହୋଇପାରିବେ।  ଅନେକ ମନ୍ତ୍ରୀଙ୍କ ପାଖରେ ଏକରୁ ଅଧିକ ମନ୍ତ୍ରାଳୟ ରହିଛି । ଏଣୁ ୨୦୨୪ ନିର୍ବାଚନ ପୂର୍ବରୁ ମୋଦିଙ୍କ ମନ୍ତ୍ରିମଣ୍ଡଳରେ  ନବକଳେବର ହେବ। ଜାତୀୟ ଗଣମାଧ୍ୟମର ଚର୍ଚ୍ଚା ଅନୁସାରେ ବିହାରରେ ୨ରୁ ୩ ଜଣକୁ ଓ ଉତ୍ତର ପ୍ରଦେଶରୁ ୩ ଜଣକୁ ମନ୍ତ୍ରୀ ପଦ ମିଳିପାରେ । ସେହିଭଳି ମଧ୍ୟ ପ୍ରଦେଶରୁ ଜ୍ୟୋତିରାଦିତ୍ୟ ସିନ୍ଧିଆ ଓ ଉତ୍ତରାଖଣ୍ଡରୁ ତୀରଥ ସିଂ ରାୱତଙ୍କୁ ମିଳିପାରେ ମନ୍ତ୍ରୀ ପଦ। ବିହାରରୁ ସୁଶିଲ ମୋଦି ଓ LJPରୁ ପଶୁପତି ପାରସ ହୋଇପାରନ୍ତି ମନ୍ତ୍ରୀ। ବରୁଣ ଗାନ୍ଧି, ପ୍ରବୀଣ ନିଷାଦଙ୍କୁ ବି ମନ୍ତ୍ରିମଣ୍ଡଳରେ ସୁଯୋଗ ମିଳିପାରେ। ଅନ୍ୟପଟେ ଓଡ଼ିଶାରୁ ଜଣକୁ ମନ୍ତ୍ରୀ ପଦ ମିଳିବା ନେଇ ଚର୍ଚ୍ଚା ମଧ୍ୟ ଜୋର ଧରିଛି।

ଇସାରା ଇସାରାରେ ହେଇଗଲା ପ୍ରେମ, ବାହାହେଲେ ଦୁଇ ମୁକ

ଜଳେଶ୍ୱର: କେବଳ ଓଠ ପ୍ରେମର ଭାଷା କହେନି । ଆଖି ବି କହିପାରେ ଅନକେ କିଛି । ବ୍ୟକ୍ତ କରିପାରେ ହୃଦୟର ଭାବନା, ମନକୁ ଆସୁଥିବା ଉନ୍ମାଦନା । ଆଉ ସେଇ ଆଖିର ଇସାରାରେ ଏକାଠି ହୋଇଛନ୍ତି ୨ଜଣ ପ୍ରେମପକ୍ଷୀ । ଉଭୟ ପିଲାଟି ଦିନରୁ ମୁକ । କିଛି ସିନା କହି ପାରନ୍ତି ନାହିଁ କିନ୍ତୁ ଠାରରେ ଠାରରେ ସବୁ ବଖାଣିପାରନ୍ତି । ଆଉ ସେହି ଠାରର ଭଲ ପାଇବା ପାଇଛି ବିବାହ ସ୍ୱୀକୃତି । ହିନ୍ଦୁ ଧର୍ମର ରୀତିନୀତି ଅନୁସାରେ ଉଭୟ ବିବାହ ବନ୍ଧନରେ ଆବଦ୍ଧ ହୋଇଛନ୍ତି ।

Two Dumb Married In Jaleswar

ବାଲେଶ୍ୱର ଜିଲ୍ଲା ଭୋଗରାଇ ବଟ ଗାଁର ଗୌତମ ଦାସ ଭୁବନେଶ୍ୱର ଜଟଣୀ ମୁକ ବଧିର ବିଦ୍ୟାଳୟରେ ରହି ପାଠ ପଢ଼ୁଥିଲେ । ଆଉ ସେଠାରେ ରହି ପାଠ ପଢୁଥିବା ବୌଦ୍ଧ ଜିଲ୍ଲାର ବଡ଼ା ଗାଁର ଗୀତାଞ୍ଜଳିଙ୍କ ସହ ଗୌତମଙ୍କ ଦେଖା । ଆଉ ସେଇଠୁ ଆରମ୍ଭ ହୁଏ ଉଭୟଙ୍କ ମଧ୍ୟରେ ଭଲ ପାଇବା । ଠରା ଠରିର ପ୍ରେମ ଏବେ ସ୍ୱାମୀ, ସ୍ତ୍ରୀର ସମ୍ପର୍କରେ ପରିଣତ ହୋଇଛି ।

Two Dumb Married In Jaleswar

ବନ୍ଧୁ ବାନ୍ଧବଙ୍କ ଗହଳିରେ ଗୀତାଞ୍ଜଳିଙ୍କୁ ବାହା ହୋଇଛନ୍ତି ଗୌତମ । ସାତ ଜନମର ସାଥୀ ହେବା ନେଇ ଦେଇଛନ୍ତି ପ୍ରତିଶ୍ରୁତି । ଜଣେ ଦିବ୍ୟାଙ୍ଗଙ୍କ ମଥାରେ ଆଉ ଜଣେ ଦିବ୍ୟାଙ୍ଗ ପିନ୍ଧାଇଛନ୍ତି ସିନ୍ଦୂର । ଉଭୟଙ୍କ ବିବାହକୁ ନେଇ ପରିବାରର ସଦସ୍ୟ ବି ଖୁସିବ୍ୟକ୍ତ କରିଛନ୍ତି । ଉଭୟ ନୂଆ ଜୀବନ ଆରମ୍ଭ କରିଥିବା ବେଳେ ସମସ୍ତେ ପ୍ରଶଂସା କରୁଛନ୍ତି । କୁହାଯାଏ ମନ ଯୋଡ଼ି ହୋଇଗଲେ ସଂସାର ସୁନ୍ଦର ଦେଖା ଯାଏ । ଏଠି ମନ ସହ ମନ ମିଶିଯିବା ପରେ ସବୁକିଛି ବେଶ୍ ସୁନ୍ଦର ଦେଖାଯାଉଛି ।

୧୧୧ ଦିନ ପରେ ସବୁଠୁ କମ୍ ୩୪ ହଜାର ୭୦୩ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ଖସୁଛି କରୋନା ସଂକ୍ରମଣ ମାମଲା । ବିଗତ ୨୪ ଘଣ୍ଟାରେ ଦେଶରେ ୩୪ ହଜାର ୭୦୩ ନୂଆ ସଂକ୍ରମଣ ମାମଲା ଆସିଛି । ଦେଶରେ ୧୧୧ ଦିନ ପରେ କମ୍ ସଂକ୍ରମଣ ମାମଲା ଚିହ୍ନଟ ହୋଇଛି । ସକ୍ରିୟ ସଂକ୍ରମଣ ମାମଲା ୪ ଲକ୍ଷ ୬୪ ହଜାର ୩୫୭କୁ ହ୍ରାସ୍ ପାଇଛି । ଏବେ ସୁସ୍ଥତା ହାର୍ ୯୭.୧୭ ପ୍ରତିଶତ ରହିଛି । ଲଗାତାର ଅଷ୍ଟମ ଦିନରେ କରୋନାର ମାମଲା ୫୦ ହଜାର ତଳେ ରହିଛି । ସଂକ୍ରମିତଙ୍କ ସଂଖ୍ୟା କମିବା ସହ ମୃତ୍ୟୁସଂଖ୍ୟା ମଧ୍ୟ ହ୍ରାସ୍ ପାଇଛି ।

ରାଜଧାନୀ ଦିଲ୍ଲୀ ସହ ଉତ୍ତରପ୍ରଦେଶ, ବିହାର, ଝାଡ଼ଖଣ୍ଡ, ପଞ୍ଜାବ, ଗୋଆ, ମଧ୍ୟପ୍ରଦେଶ, ରାଜସ୍ଥାନ ଓ ଗୁଜରାଟ ସମେତ ଦେଶର ୧୦ ବଡ଼ ରାଜ୍ୟରେ ଏବେ କରୋନା ସଂକ୍ରମଣ ମାମଲା କମିଛି । ତେବେ ମହାରାଷ୍ଟ୍ରରେ କର୍ଣ୍ଣାଟକ, ଆସାମ, ପଶ୍ଚିମବଙ୍ଗ, ମିଜୋରାମ, ତେଲଙ୍ଗାନା, ଜାମ୍ମୁ-କାଶ୍ମୀର ଓ ଝାଡ଼ଖଣ୍ଡରେ ଏବେ ମଧ୍ୟ ସଂକ୍ରମଣ ମାମଲା ଅଧିକ ରହିଛି ।

Corona: ପୁରୀ ଓ ଜଗତସିଂହପୁର ଜିଲ୍ଲାରେ ସ୍ଥିତି ଅନୁଧ୍ୟାନ କରିବ ବିଶେଷଜ୍ଞ ଦଳ

ଭୁବନେଶ୍ୱର: କରୋନା ସ୍ଥିତି, ଭିତ୍ତିଭୂମି, ଭବିଷ୍ୟତ ଯୋଜନା ସମ୍ପର୍କରେ ଅନୁଧ୍ୟାନ ପାଇଁ ଓଡ଼ିଶା ଆସିଛନ୍ତି କେନ୍ଦ୍ରୀୟ ପ୍ରତିନିଧି ଦଳ । ଗତକାଲି ସ୍ୱାସ୍ଥ୍ୟ ବିଭାଗ ସହିତ ଆଲୋଚନା କରି ପ୍ରାଥମିକ ତଥ୍ୟ ହାସଲ କରିଥିଲେ ଟିମ୍ । ଆଜି ପୁରୀ ଓ ଜଗତସିଂହପୁର ଜିଲ୍ଲାରେ ସ୍ଥିତି ଅନୁଧ୍ୟାନ କରିବ ବିଶେଷଜ୍ଞ ଦଳ । କରୋନାର ପ୍ରଥମ ଲହରକୁ ସଫଳତାର ସହ ମୁକାବିଲା କରିବା ପରେ ଦ୍ୱିତୀୟ ଲହରର ଚେନକୁ ରୋକିବାରେ ଅଗ୍ରଣୀ ଭୂମିକା ଗ୍ରହଣ କରିଛି ଓଡ଼ିଶା ।

Central Team To Review Corona Situation Puri And Jagatsinghpur Today

ଟେଷ୍ଟିଂ, ଟ୍ରେସିଂ, ଟ୍ରିଟମେଣ୍ଟ ସହ ଟିକାକରଣକୁ ଫୋକସ୍ କରି କରୋନା ଚେନକୁ ରୋକିବାରେ ସଫଳତା ପାଇଛି ରାଜ୍ୟ । ବର୍ତ୍ତମାନ କରୋନା ସ୍ଥିତି, ଭିତ୍ତିଭୂମି, ଭବିଷ୍ୟତ ଯୋଜନା ଓ ଟିକାକରଣ କିପରି ଚାଲିଛି, ତାହା ଅନୁଧ୍ୟାନ ପାଇଁ ଓଡ଼ିଶା ଆସିଛି କେନ୍ଦ୍ରୀୟ ଟିମ୍କେ । ନ୍ଦ୍ରୀୟ ଟିମର ମୁଖ୍ୟ ଶିବାନୀ ଦତ୍ତ ଓ ପ୍ରଶାନ୍ତ ରାଘବ ମହାପାତ୍ର ସ୍ୱାସ୍ଥ୍ୟ ବିଭାଗ ସହ ପ୍ରାଥମିକ ଆଲୋଚନା କରିଛନ୍ତି ।

Central Team To Review Corona Situation Puri And Jagatsinghpur Today

ଯେଉଁସବୁ ଜିଲ୍ଲାରେ କରୋନା ସଂକ୍ରମଣ କମୁନାହିଁ, ସେସବୁ ଜିଲ୍ଲାର ସ୍ଥିତି ସମ୍ପର୍କରେ ବି ଜନସ୍ୱାସ୍ଥ୍ୟ ନିର୍ଦ୍ଦେଶକଙ୍କ ସହ କେନ୍ଦ୍ରୀୟ ଟିମ୍ ଗତକାଲି ଆଲୋଚନା କରିଥିଲେ ।  ଓଡ଼ିଶାରେ ୭ ଦିନ ରହିବା ସହ ବିଭିନ୍ନ ଜିଲ୍ଲା ବୁଲି ଅନୁଧ୍ୟାନ କରିବେ ଟିମ୍ ସଦସ୍ୟ ।  ପ୍ରତ୍ୟେକ ଦିନ ସନ୍ଧ୍ୟାରେ ସରକାରଙ୍କ ସହ ବୈଠକ କରି ରିପୋର୍ଟ ଦେବେ ।

ରାଜ୍ୟରେ କରୋନା ସଂକ୍ରମଣ ମାମଲା ହ୍ରାସ, ୨୪ ଘଣ୍ଟାରେ ୨୪୮୭ ପଜିଟିଭ୍

ଭୁବନେଶ୍ୱର: ରାଜ୍ୟରେ ଖସୁଛି କରୋନା ଗ୍ରାଫ୍ । ଗତ ୨୪ ଘଣ୍ଟାରେ ୨୫ଶହରୁ କମ୍ ସଂକ୍ରମିତ ଚିହ୍ନଟ ହୋଇଛନ୍ତି । ଦିନକରେ ୨୪୮୭ ସଂକ୍ରମଣ ମାମଲା ଆସିଛି । କ୍ୱାରେଣ୍ଟାଇନରୁ ୧୪୨୮ଟି ମାମଲା ଆସିଥିବା ବେଳେ ୧୦୫୯ଟି ହେଉଛି ସ୍ଥାନୀୟ ସଂକ୍ରମଣ ମାମଲା । କଟକରୁ ସର୍ବାଧିକ ୪୨୨ ସଂକ୍ରମିତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧାରୁ ୪୦୭ଟି ପଜିଟିଭ୍ କେସ୍ ଆସିଛି ।

ଅନୁଗୁଳରୁ ୭୯ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୧୫୭, ବରଗଡ଼ରୁ ୨୨, ଭଦ୍ରକରୁ ୧୧୩, ବଲାଙ୍ଗିରରୁ ୧୬, ବୌଦ୍ଧରୁ ୧୨, ଦେବଗଡ଼ରୁ ୯, ଢେଙ୍କାନାଳରୁ ୫୯, ଗଜପତିରୁ ୧୧, ଗଞ୍ଜାମରୁ ୧୪, ଜଗତସିଂହପୁରରୁ ୧୨୬, ଯାଜପୁରରୁ ୨୦୨, ଝାରସୁଗୁଡ଼ାରୁ ୧୨, କଳାହାଣ୍ଡିରୁ ୭, କନ୍ଧମାଳରୁ ୨୩, କେନ୍ଦ୍ରାପଡ଼ାରୁ ୮୭ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କେନ୍ଦୁଝରରୁ ୬୮, କୋରାପୁଟରୁ ୫୨, ମାଲକାନଗିରିରୁ ୫୪, ମୟୂରଭଞ୍ଜରୁ ୧୦୩, ନବରଙ୍ଗପୁରରୁ ୨୩, ନୟାଗଡ଼ରୁ ୮୦, ନୂଆପଡ଼ାରୁ ୫, ପୁରୀରୁ ୧୫୪, ରାୟଗଡ଼ାରୁ ୨୬, ସମ୍ବଲପୁରରୁ ୨୬, ସୋନପୁରରୁ ୨୬, ସୁନ୍ଦରଗଡ଼ରୁ ୨୮ ଓ ଷ୍ଟେଟପୁଲରୁ ୭୬ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୯ ଲକ୍ଷ ୨୭ ହଜାର ୧୮୬କୁ ବୃଦ୍ଧି ପାଇଛି । ୨୮ ହଜାର ୭୩୦ଟି ସକ୍ରିୟ ସଂକ୍ରମଣ ମାମଲା ରହିଥିବା ବେଳେ ୮ ଲକ୍ଷ ୯୪ ହଜାର ୧୦୪ ଜଣ କରୋନାରୁ ସୁସ୍ଥ ହୋଇଛନ୍ତି । ନୂଆ ୫୧ଟି ମୃତ୍ୟୁ ମାମଲାକୁ ମିଶାଇ ରାଜ୍ୟରେ ମୋଟ ମୃତ୍ୟୁସଂଖ୍ୟା ୪ ହଜାର ୨୯୯କୁ ବୃଦ୍ଧି ପାଇଛି ।

ବିବାହ ପରେ ସ୍ୱାମୀଙ୍କୁ ଛାଡ଼ପତ୍ର ଦେଇ ଶ୍ୱଶୁରଙ୍କୁ ବାହା ହେଲା ବୋହୂ

ଲକ୍ଷ୍ନୌ: ୟୁପିରୁ ଆସିଛି ଆଶ୍ଚର୍ଯ୍ୟଜନକ, ଅଜବ ଖବର । ଏଠି ସ୍ତ୍ରୀ, ସ୍ୱାମୀଙ୍କୁ ଛାଡ଼ପତ୍ର ଦେବା ପରେ ଶ୍ୱଶୁରକୁ ବାହା ହୋଇଯାଇଛି । ଶୁଣିବାକୁ ଅଜବ ଲାଗୁଥିଲେ ବି ଏମିତି ଘଟିଛି ଉତ୍ତରପ୍ରଦେଶର ବଦାୟୁଁରେ । ଏନେଇ ପୂର୍ବ ସ୍ୱାମୀ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୋଲିସ ଉଭୟଙ୍କୁ ଧରିଥିଲା । ଆଉ ବିବାହ ଆଇନ୍ ସମ୍ମତ ହୋଇଥିବା ଦେଖିବା ପରେ ଛାଡ଼ି ଦେଇଥିଲା ।

ବିବାହ ବେଳେ ନାବାଳକ ଥିଲା ସ୍ୱାମୀ

ପ୍ରକୃତରେ ବିବାହ ବେଳେ ସ୍ୱାମୀ ନାବାଳକ ଥିଲେ । ସେ ନିଜ ଇଚ୍ଛାରେ ଶ୍ୱଶୁରଙ୍କ ସହ ବିବାହ କରିଥିଲେ । ପରେ କୋର୍ଟ ମ୍ୟାରେଜ୍ ମଧ୍ୟ କରିଥିଲେ । ପୂର୍ବପତି ବୈଶାଲି ଥାନାରେ ଅଭିଯୋଗ କରିଥିଲେ ତାଙ୍କ ବିବାହ ୨୦୧୬ରେ ବଜିରଗଞ୍ଜର ଜଣେ ଯୁବତୀଙ୍କ ସହ ହୋଇଥିଲା । ସେମାନେ ବର୍ଷେ ଯାଏଁ ଏକାଠି ରହିଥିଲେ । ପରେ ତାଙ୍କ ସ୍ତ୍ରୀ, ତାଙ୍କ ବାପାଙ୍କ ସହ କେଉଁ ଆଡ଼େ ପଳାଇ ଯାଇଛନ୍ତି । ସେବେଠୁ ଦୁଇଜଣଙ୍କୁ ଖୋଜାଖୋଜି ଚାଲିଥିଲା । ତା’ପରେ ଜଣାପଡ଼ିଥିଲା ଉଭୟ ଚନ୍ଦୌସିରେ ରହୁଛନ୍ତି ।

ପୋଲିସ ସୂଚନା ଅନୁସାରେ, ସୁମିତ ଜୁଆ ଖେଳ ସହ ମଦ୍ୟପାନ କରୁଥିଲା । ଯାହା ଫଳରେ ପତ୍ନୀ ତା’ଠାରୁ ଦୂରେଇ ଯାଇଥିଲା । ଉଭୟ ଅଲଗା ଅଲଗା ରହିଲେ । ପରେ ସ୍ତ୍ରୀ ସୁମିତଙ୍କୁ ଛାଡ଼ପତ୍ର ଦେଇଥିଲେ । ଆଉ ସ୍ତ୍ରୀଙ୍କ ସହ ତାଙ୍କ ବାପାଙ୍କ ବାହାଘର ନେଇ ସୁମିତ ଜାଣିଥିଲା ।

ଖବର ଅନୁସାରେ, ୪୫ ବର୍ଷିଅ ଦେବାନନ୍ଦଙ୍କ ପତ୍ନୀଙ୍କ ଦେହାନ୍ତ ୨୦୧୫ ମସିହାରେ ହୋଇଥିଲା । ସେତେବେଳେ ତାଙ୍କ ବୟସ ୩୯ ଥିଲା । ପରିବାର ବିବାହ କଥା ଚିନ୍ତା କରି ୧୫ ବର୍ଷର ପୁଅ ସୁମିତର ବିବାହ ୨୦୧୬ରେ କରାଇଥିଲେ । ବିବାହର କିଛିଦିନ ପରେ ଦୁହିଁଙ୍କ ମଧ୍ୟରେ ମନୋମାଳିନ୍ୟ ହୋଇଥିଲା । ଯାହାର ସୁଯୋଗ ନେଇ ବୋହୂର ନିକଟତର ହୋଇଥିଲେ ଶ୍ୱଶୁର ।