spot_img
Home Blog Page 5598

ଆଜି ମହାପ୍ରଭୁଙ୍କ ନବଯୌବନ ଦର୍ଶନ

ପୁରୀ: ମଝିରେ ଆଉ ଦୁଇ ଦିନ । ରଥ ଉପରେ ଦର୍ଶନ ଦେବେ ମହାବାହୁ । ଆଜି ମହାପ୍ରଭୁଙ୍କ ନବଯୌବନ ଦର୍ଶନ । ୧୫ ଦିନର ଅଣବସରର ଗୁପ୍ତ ନୀତି ପରେ ନବଯୌବନ ବେଶରେ ଦର୍ଶନ ଦେବେ ଶ୍ରୀଜିଉ । କରୋନା କାରଣରୁ ନବଯୌବନ ଦର୍ଶନରୁ ବଞ୍ଚିତ ହେବେ ଭକ୍ତ ।

Puri Snana Yatra Update

ସେପଟେ ତିନି ରଥର ଦ୍ୱାରବେଢ଼ାରେ କୋଠ ସୁଆଁସିଆ ସେବାୟତ ମାନେ କପଡ଼ା ଲଗାଇବା କାର୍ଯ୍ୟ ସମ୍ପାଦନ କରିଛନ୍ତି । ସେପଟେ ରଥଯାତ୍ରା ପାଇଁ ପୁରୀରେ ଲାଗୁ ହେବ କର୍ଫ୍ୟୁ । ୧୧ ତାରିଖ ରାତି ୮ଟାରୁ ସହରରେ କର୍ଫ୍ୟୁ ଜାରି ହେବ । କଟକଣାରେ ରଥଯାତ୍ରା ପାଇଁ ଜିଲ୍ଲା ପ୍ରଶାସନ ତରଫରୁ ଏହି ନିଷ୍ପତ୍ତି ନିଆଯାଇଛି । ୧୩ ତାରିଖ ରାତି ୮ଟା ପର୍ଯ୍ୟନ୍ତ କଟକଣା ଜାରି ରହିବ ।

ସକାଳୁ ଥରିଲା ମଣିପୁର, ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୪.୫

ଇମ୍ଫାଲ: ଉତ୍ତର ପୂର୍ବ ରାଜ୍ୟ ମଣିପୁରର ଉଖରୁଲରେ ଭୂମିକମ୍ପ ଅନୁଭୂତ ହୋଇଛି । ସକାଳ ୫ଟା ୫୬ରେ ଭୂମିକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ୪.୫ ରେକର୍ଡ କରାଯାଇଛି । ଏହି ସୂଚନା ଦେଇଛନ୍ତି ନ୍ୟାସନାଲ ସେଣ୍ଟର ଫର୍ ସିମୋସଲଜି । ତେବେ ଭୂମିକମ୍ପ ଦ୍ୱାରା କୌଣସି କ୍ଷୟକ୍ଷତି ନେଇ ଏବେ ଯାଏଁ ସୂଚନା ମିଳିନାହିଁ ।

ଗତ ଜୁନ୍ ୨୦ରେ ମଧ୍ୟ ଉଖରୁଲ ଜିଲ୍ଲାରେ ୩.୬ ତୀବ୍ରତାର ଭୂମିକମ୍ପ ଅନୁଭୂତ ହୋଇଥିଲା । ଶିଋଇ ଠାରୁ ୨୦ କିଲୋମିଟରଦୂର ଉତ୍ତର-ପଶ୍ଚିମ ଅଞ୍ଚଳରେ ଏହି ଭୂମିକମ୍ପ ଆସିଥିଲା । ତାର ଏକ ମାସ ପୂର୍ବରୁ ମେ ୨୩ରେ ମଧ୍ୟ ଭୂମିକମ୍ପ ହୋଇଥିଲା । ଯାହାର ତୀବ୍ରତା ୪.୩ ଥିଲା ।

ଗତ ବୁଧବାର ସକାଳେ ଆସାମରେ ୫.୨ ତୀବ୍ରତାର ଭୂମିକମ୍ପ ହୋଇଥିଲା । ଯାହା ପଡ଼ୋଶୀ ମେଘାଳୟ ଓ ପଶ୍ଚିମବଙ୍ଗର ଉତ୍ତର ପାର୍ଶ୍ୱ ସହ ବାଂଲାଦେଶରେ ଅନୁଭୂତ ହୋଇଥିଲା ।

ତୈଳଦର ବୃଦ୍ଧି ନେଇ ଆଜି ଜିଲ୍ଲା ସ୍ତରରେ ବିକ୍ଷୋଭ କରିବ କଂଗ୍ରେସ

ଭୁବନେଶ୍ୱର: ବ୍ଲକ ପରେ ଆଜି ଜିଲ୍ଲା ସ୍ତରରେ କଂଗ୍ରେସର ତୈଳ ଦର ବୃଦ୍ଧି ପ୍ରତିବାଦ । ଦେଶରେ ତୈଳ ଦର ବୃଦ୍ଧିକୁ ନେଇ ରାଜରାସ୍ତାକୁ ଓହ୍ଲାଇଛି ରାଜ୍ୟ କଂଗ୍ରେସ । ଦର ବୃଦ୍ଧି ପ୍ରତିବାଦରେ ଆଜି ଜିଲ୍ଲା ସ୍ତରରେ ବିକ୍ଷୋଭ କରିବ ଦଳ । ସାରା ଦେଶରେ ଦିନକୁ ଦିନ ପେଟ୍ରୋଲ ଓ ଡିଜେଲ ଦର ବେଲଗାମ ହେଉଛି । ରାଜ୍ୟର ସମସ୍ତ ସ୍ଥାନରେ ପେଟ୍ରୋଲ ଦର ୧୦୦ ଟପିଛି । ଏହାର ପ୍ରଭାବରେ ଅତ୍ୟାବଶ୍ୟକ ସାମଗ୍ରୀ ଦର ମଧ୍ୟ ବଢ଼ିବାରେ ଲାଗିଛି ।

Congress To Protest In District Wise Against Fuel Price Hike

କରୋନା ସମୟରେ ଲୋକ ରୋଜଗାର ହରାଇଥିବା ବେଳେ ତୈଳ ଦର ବୃଦ୍ଧି ବୋଝ ଉପରେ ନଳିତା ବିଡ଼ା ସାଜିଛି । ଏହାର ପ୍ରତିବାଦରେ ଗତ ୭ ତାରିଖରୁ ଆନ୍ଦୋଳନକୁ ଓହ୍ଲାଇଛି ରାଜ୍ୟ କଂଗ୍ରେସ । ଆଜି ଜିଲ୍ଲା ସ୍ତରରେ ବିକ୍ଷୋଭ ହେଉଥିବା ବେଳେ ଆସନ୍ତା ୧୪ରେ ଭୁବନେଶ୍ୱରରେ ଦର ବୃଦ୍ଧି ବିରୋଧରେ ପ୍ରତିବାଦ କରିବ କଂଗ୍ରେସ । ପରେ  ୧୫ତାରିଖରେ ଲୋକଙ୍କୁ ତେଲ ନକିଣିବାକୁ ଦଳ ଅନୁରୋଧ କରିବ । ୧୭ରେ ପ୍ରତି ପେଟ୍ରୋଲ ପମ୍ପ ଆଗରେ ଦସ୍ତଖତ ଅଭିଯାନ କରିବ କଂଗ୍ରେସ ।

ପୁଣି ଟିକା ଅଭାବ, ଆଜି ୫ ଜିଲ୍ଲାରେ ଦିଆଯିବନି କୋଭିଡ୍ ଟିକା

ଭୁବନେଶ୍ୱର: ଟିକା ସଂକଟରୁ ମୁକୁଳି ପାରୁନି ଓଡ଼ିଶା । କେନ୍ଦ୍ର କୋଭିସିଲ୍ଡ ଟିକା କମ୍ ଦେଉଥିବାରୁ ପୂରା ରାଜ୍ୟରେ ଟିକାକରଣ ହୋଇ ପାରୁନି । ପର୍ଯ୍ୟାପ୍ତ ଟିକା ନଥିବାରୁ ଆଜି ୫ ଜିଲ୍ଲାରେ କୋଭିଡ୍ ଟିକାକରଣ ବନ୍ଦ ରହିବ । ଝାରସୁଗୁଡ଼ା, କେନ୍ଦ୍ରାପଡ଼ା, କୋରାପୁଟ, ନୟାଗଡ଼ ଓ ନୂଆପଡ଼ା ଜିଲ୍ଲାରେ ଆଜି ଟିକା ଦିଆଯିବ ନାହିଁ । ଆଜି ରାଜ୍ୟର ମାତ୍ର ୫୨୦ଟି କେନ୍ଦ୍ରରେ ଟିକା ଦିଆଯିବ ।

Covid Vaccination Stopped In 5 District Of Odisha

ଗତକାଲି ୭୧୭ଟି କେନ୍ଦ୍ରରେ ୧ ଲକ୍ଷ ୩୬ ହଜାର ୯୬୪ ଡୋଜ୍ କୋଭିଡ୍ ଟିକା ଦିଆଯାଇଥିଲା । ଏବେ ଯାଏଁ ରାଜ୍ୟରେ ୧ କୋଟି ୩୧ ଲକ୍ଷ ୭୯ ହଜାର ୩୦୪ ଡୋଜ୍ ଟିକା ଦିଆଯାଇଛି । ଏବେ ରାଜ୍ୟ ପାଖରେ ୧ ଲକ୍ଷ ୯ ହଜାର ୫୯୦ ଡୋଜ୍ କୋଭିସିଲ୍ଡ ଟିକା ଥିବାବେଳେ ୨ ଲକ୍ଷ ୫୪ ହଜାର ୩୦ ଡୋଜ୍ କୋଭିସିଲ୍ଡ ଟିକା ରହିଛି ।

ଭୁବନଶ୍ୱରକୁ ବାଦ୍ ଦେଇ ସମଗ୍ର ରାଜ୍ୟରେ କୋଭିସିଲ୍ଡ ଟିକା ଦିଆଯାଉଛି । କେବଳ ଭୁବନେଶ୍ୱର ଓ ଗଞ୍ଜାମ ଜିଲ୍ଲାରେ ଦିଆଯାଉଛି କୋଭାକ୍ସିନ୍ ଟିକା । ୧୫ ତାରିଖରେ କେନ୍ଦ୍ର ସରକାର ୩ ଲକ୍ଷ ୧୬ ହଜାର ୪୭୦ ଡୋଜ୍ କୋଭିସିଲ୍ଡ ଟିକା ରାଜ୍ୟକୁ ପ୍ରଦାନ କରିବେ । ଜୁଲାଇ ମାସର କୋଟା ଅନୁସାରେ ରାଜ୍ୟକୁ ୨୫ ଲକ୍ଷ ୩୧ ହଜାର ୮୦୦ ଡୋଜ୍ କୋଭିସିଲ୍ଡ ଏବଂ ୫ ଲକ୍ଷ ୧୯ ହଜାର ୧୧୦ ଡୋଜ୍ କୋଭକ୍ସିନ୍ ଟିକା ମିଳିବ । ଜୁଲାଇ ମାସରେ କେନ୍ଦ୍ର ସରକାର ୧୦ ଲକ୍ଷ ୪୩ ହଜାର ୯୩୦ ଡୋଜ୍ କୋଭିସିଲ୍ଡ ଏବଂ ୧ ଲକ୍ଷ ୭୦ ହଜାର ୨୫୦ ଡୋଜ୍ କୋଭକ୍ସିନ ଟିକା ପ୍ରଦାନ କରିଛନ୍ତି ।

ଟୋକିଓ ଅଲିମ୍ପିକ୍ସ ନେଇ ଜାପାନ ପ୍ରଧାନମନ୍ତ୍ରୀଙ୍କ ନିଷ୍ପତ୍ତି, ଦର୍ଶକ ବସିବେନି କିନ୍ତୁ ଖେଳ ଚାଲିବ

ଟୋକିଓ: ବିନା ଦର୍ଶକରେ ଏଥର ଅଲିମ୍ପିକ୍ସ  । ଦର୍ଶକ ବସିବେନି କିନ୍ତୁ ଖେଳ ଚାଲିବ  । କୋଭିଡ ଜନିତ ସଂକ୍ରମଣ ଏବଂ ମୃତ୍ୟୁ ସଂଖ୍ୟା ଜାପାନରେ ବଢି ଚାଲିଥିବାବେଳେ ଜାପାନ ପ୍ରଧାନମନ୍ତ୍ରୀ ନେଇଛନ୍ତି ଏହି ନିଷ୍ପତ୍ତି  ।  ଚଳିତ ବର୍ଷ ଜୁଲାଇ 23 ରୁ ଅଗଷ୍ଟ 8 ଯାଏଁ ଅଲିମ୍ପିକ୍ସ ଜାପାନର ରାଜଧାନୀ ଟୋକିଓରେ ଖେଳାଯିବାକୁ ଥିବାବେଳେ ଏପରି କଠୋର କଟକଣା ଲଗାଇଛନ୍ତି ଜାପାନ ପ୍ରଧାନମନ୍ତ୍ରୀ ୟୋସିହିଡେ ସୁଗା  ।

ଟୋକିଓ ଅଲମ୍ପିକ ଖେଳାଯିବା ପୂର୍ବରୁ ଅନେକ କ୍ରୀଡ଼ାବିତ୍ ମଧ୍ୟ କୋଭିଡ ଆକ୍ରାନ୍ତ ହୋଇଛନ୍ତି  । ସେପଟେ ସମଗ୍ର ଜାପାନରେ ମଧ୍ୟ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ଘଟିବାରେ ଲାଗିଛି  ।  ତେବେ ଜାପାନ ସରକାର, ଟୋକିଓ ଅଲମ୍ପିକର ଆୟୋଜକ, ଅଲମ୍ପିକ ଏବଂ ପାରା ଅଲମ୍ପିକର କିଛି ସଦସ୍ୟଙ୍କୁ ନେଇ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି।

BDA ନୋଟିସ୍: ପ୍ଲଟ୍ ପାଇବାର 5 ବର୍ଷ ମଧ୍ୟରେ ଗୃହ ନିର୍ମାଣ ନ କଲେ କାର୍ଯ୍ୟାନୁଷ୍ଠାନ

ଭୁବନେଶ୍ୱର:  ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷଙ୍କ ଠାରୁ ଆବଣ୍ଟନ ମାଧ୍ୟମରେ ଜମି ପାଇଥିବା ହିତାଧିକାରୀଙ୍କ ପାଇଁ ବିଡିଏର ନୋଟିସ୍ । ଜମି ବା ପ୍ଲଟ୍ ପାଇବାର 5 ବର୍ଷ ମଧ୍ୟରେ ଗୃହ ନିର୍ମାଣ ନ କଲେ ହେବ କାର୍ଯ୍ୟାନୁଷ୍ଠାନ । ଜୋରିମାନା ଆଦାୟ ଏବଂ ଆବଶ୍ୟକ ସ୍ଥଳେ ଆଲଟମେଣ୍ଟକୁ ରଦ୍ଦ କରାଯିବ । ପ୍ଲଟ୍ ମାଲିକଙ୍କୁ ବିଡିଏ ପକ୍ଷରୁ ଏନଓସି ମଧ୍ୟ ଦିଆଯିବ ନାହିଁ । ବିଡିଏ ର 139ତମ ଅଥରୀଟି ବୈଠକରେ ଏଭଳି କଡା ନିଷ୍ପତି ନିଆଯାଇଥିବା ସୂଚନା ଦେଇଛନ୍ତି ବିଡିଏ ସଚିବ କବୀନ୍ଦ୍ର କୁମାର ସାହୁ ।

ବିଡିଏ ରୁ ପ୍ଲଟ ହାତେଇବା ପରେ ଗୃହ ନିର୍ମାଣ ନକରି ପରବର୍ତ୍ତୀ ସମୟରେ ଅଧିକ ମୂଲ୍ୟରେ ବିଲଡରଙ୍କୁ ଉକ୍ତ ପ୍ଲଟ୍ ବିକ୍ରି ହେଉଥିବା ଘଟଣା ବିଡିଏ ର ନଜରକୁ ଆସିଛି । ୨୦୧୨ ରୁ ଅନେକ ବ୍ୟକ୍ତି ବିଡିଏ ଠାରୁ ଆବଣ୍ଟନରେ ପ୍ଲଟ ପାଇବା ପରେ ବାରମ୍ବାର ନୋଟିସ୍ ପାଇ ମଧ୍ୟ ବେଖାତିର କରିଛନ୍ତି । ପ୍ରପର୍ଟି ମେନେଜମେଣ୍ଟ ଆଲଟମେଣ୍ଟ ରେଗୁଲେସନ 2015 ଏବଂ ବିଡିଏ ଲ୍ୟାଣ୍ଡ ଡିସପୋଜାଲ ଆଣ୍ଡ ଆଲଟମେଣ୍ଟ ରେଗୁଲସନ 2015 ଆଧାରରେ ବିଡିଏ ଏଭଳି କାର୍ଯ୍ୟାନୁଷ୍ଠାନ ନେଇପାରିବ ।

ଆସନ୍ତା ମାର୍ଚ୍ଚ 31ତାରିଖ 2022 ସୁଦ୍ଧା ଆବଣ୍ଟନ ଜରିଆରେ ବିଡିଏ ରୁ ହାତେଇଥିବା ଜମି ବା ପ୍ଲଟ୍ ମାଲିକଙ୍କୁ ଗୃହ ନିର୍ମାଣ ପାଇଁ ସମୟ ଧାର୍ଯ୍ୟ କରିଛି ବିଡିଏ । ତେବେ କୋଭିଡ କଟକଣା ଯୋଗୁଁ ଆଲଟମେଣ୍ଟ ପାଇ ବିଦେଶରେ ଥିବା ବ୍ୟକ୍ତିଙ୍କ ପାଇଁ ବିଡିଏ ନିର୍ଦ୍ଧାରିତ ସମୟ ଠାରୁ ଅଧିକ ଏକ ବର୍ଷ ସମୟ ଦିଆଯାଇଛି ।

କେନ୍ଦ୍ର କ୍ୟାବିନେଟ ନିଷ୍ପତି: ମଣ୍ଡି ମାଧ୍ୟମରେ ଚାଷୀ ପାଇବେ ଏକ ଲକ୍ଷ କୋଟି

ନୂଆଦିଲୀ: ସ୍ବାସ୍ଥ୍ୟ ଓ କୃଷି କ୍ଷେତ୍ର ପାଇଁ କେନ୍ଦ୍ର କ୍ୟାବିନେଟରେ ଗୁରୁତ୍ବପୂର୍ଣ୍ଣ ନିଷ୍ପତ୍ତି । ଏପିଏମସି ଜାରି ରହିବା ସହ ମଣ୍ଡି ମାଧ୍ୟମରେ ଏକ ଲକ୍ଷ କୋଟି ଟଙ୍କା ଚାଷୀଙ୍କୁ ଦେବା ପାଇଁ ନିଷ୍ପତ୍ତି ନିଆଯାଇଛି । ଏହା ଆତ୍ମନିର୍ଭର ଭାରତ ଯୋଜନା ମଧ୍ୟ ଲାଭ ମିଳିବ ବୋଲି କେନ୍ଦ୍ର ମନ୍ତ୍ରୀ ନରେନ୍ଦ୍ର ସିଂହ ତୋମାର କହିଛନ୍ତି । ଯେଉଁ ଚାଷୀ ମାନେ ଆନ୍ଦୋଳନରତ ଅଛନ୍ତି ସେମାନଙ୍କୁ ମଧ୍ୟ ଏପିଏମସି ଜରିଆରେ ସିଧାସଳଖ ବ୍ୟାଙ୍କ ଆକାଉଣ୍ଟକୁ ଟଙ୍କା ଦିଆଯାଇଛି । ଏଥିସହ ନଡିଆ ଚାଷୀଙ୍କୁ ଲାଭ ପହଞ୍ଚଇବା ପାଇଁ ନଡିଆ ବୋର୍ଡରେ ମଧ୍ୟ ଗୁରୁତ୍ବପୂର୍ଣ୍ଣ ପରିବର୍ତ୍ତନ କରାଯାଇଛି ।

ସ୍ବାସ୍ଥ୍ୟ କ୍ଷେତ୍ର ପାଇଁ ମଧ୍ୟ କେନ୍ଦ୍ର ସରକାର ବଡ଼ ନିଷ୍ପତ୍ତି ନେଇଛନ୍ତି । ୨୩ ହଜାର ୧୦୦ କୋଟି ଟଙ୍କା ଏମର୍ଜେନ୍ସି ପ୍ୟାକେଜ ଘୋଷଣା କରିଛନ୍ତି ସରକାର । ଏହି ଅର୍ଥ କେନ୍ଦ୍ର ଓ ରାଜ୍ୟର ମିଳିତ ଉଦ୍ୟମରେ ଦିଆଯିବ । ଏଥିରେ କୋଭିଡ ହସ୍ପିଟାଲ ଓ ଆବଶ୍ୟକ ଭିତ୍ତିଭୂମିରେ ଆବଶ୍ୟକ ବ୍ୟବସ୍ଥା କରାଯିବ । କେନ୍ଦ୍ର ମନ୍ତ୍ରୀମଣ୍ଡଳରେ ପରିବର୍ତ୍ତନ କରାଯିବା ପରେ ନୂଆ ଦାୟିତ୍ବ ନେଇଥିବା ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁରଙ୍କ ଅଧ୍ୟକ୍ଷତାରେ ସାମ୍ବାଦିକ ସମ୍ମିଳନୀରେ ଏହି ଗୁରୁତ୍ବପୂର୍ଣ୍ଣ ଘୋଷଣା ହୋଇଛି ।

ପଖାଳରେ ଅଛି ଇମ୍ୟୁନିଟି ବୁଷ୍ଟ ପାୱାର, କୋଭିଡ ବିରୋଧରେ ସୃଷ୍ଟି କରୁଛି ରୋଗ ପ୍ରତିରୋଧକ ଶକ୍ତି

ଭୁବନେଶ୍ୱର: ଓଡ଼ିଆଙ୍କ ଖାଦ୍ୟ ପଖାଳରେ ଅଛି ପ୍ରଚୁର ରୋଗ ପ୍ରତିରୋଧକ ଶକ୍ତି । ପଖାଳ ସହିତ ତୋରାଣିରେ ବି ରହିଛି ଇମ୍ୟୁନିଟି ବୁଷ୍ଟ ପାୱାର । ଯାହା କରୋନା ଭଳି ମହାମାରୀରେ କମାଲ କରିବାର କ୍ଷମତା ରଖିଛି । ଭୁବନେଶ୍ବର ଏମ୍‌ସ୍‌ର ଏକ ରିସର୍ଚ୍ଚ ରିପୋର୍ଟରୁ ଏହା ସ୍ପଷ୍ଟ ହୋଇଛି । ପଖାଳ ଦେହ ହାତ ବ୍ୟଥାକୁ ଦୂର କରିଥାଏ ବୋଲି ଜଣା ପଡିଛି । ତୋରାଣିରେ ଥିବା ପ୍ରଚୁର ପରିମାଣର ଲ୍ୟାକ୍ଟୋ-ବାସିଲସ୍ ଶରୀରର ଫୁସ୍‌ଫୁସ୍ ଓ ଅନ୍ତଃନଳୀକୁ ସଂକ୍ରମଣରୁ ରୋକିଥାଏ । ସ୍ମଲ-ଚେନ୍ ଫ୍ୟାଟି-ଏସିଡରେ ମଧ୍ୟ ଆଂଟି-ଭାଇରାଲ ଶକ୍ତି ଥାଏ, ଯାହା ଶରୀରର ବିଭିନ୍ନ ଅଂଶକୁ ଅଧିକ ଚଳଚଂଚଳ କରିଥାଏ ।

ପଖାଳ ଖାଅ ଫିଟ୍ ରୁହ । ପ୍ରତିଟି ଓଡ଼ିଆ ଘରର ପ୍ରିୟ ଖାଦ୍ୟ ପଖାଳ । ଗଣ୍ଡେ ପଖାଳ ଆଉ ମୁନ୍ଦେ ତୋରାଣି ମନକୁ ଦେଇଥାଏ ଶାନ୍ତି । ଏହି ସ୍ବତନ୍ତ୍ର ଖାଦ୍ୟ ପାଇଁ ମାର୍ଚ୍ଚ ୧୯ରେ ପଖାଳ ଦିବସ ମଧ୍ୟ ପାଳନ କରାଯାଏ । ହେଲେ ଏହି ପଖାଳ ଯେ ମଣିଷ ପାଇଁ ଏତେ ହିତକାରକ , ତାହା ଅଲ୍ ଇଣ୍ଡିଆ ଇନ୍‌ଷ୍‌ଟିଚ୍ୟୁଟ ଅଫ୍ ମେଡ଼ିକାଲ୍ ସାଇନ୍ସ ବା ଏମସର ଏକ ଗବେଷଣାରୁ ସ୍ପଷ୍ଟ ହୋଇଛି । ବାସି ପଖାଳରେ ବଡ଼ ଶକ୍ତି ରହିଛି ବୋଲି ଏହି ରିପୋର୍ଟ କହୁଛି । ପଖାଳର ଏହି ତୋରାଣିରେ ସଟ୍-ଚେନ୍ ଫ୍ୟାଟି-ଏସିଡ଼୍ ପ୍ରଚୁର ମାତ୍ରାରେ ଥାଏ । ଯାହା ଶରୀରର ରୋଗ ପ୍ରତିଶୋଧକ ଶକ୍ତି ବଢାଇ ଥାଏ । ଏମସ୍‌ର ମାଇକ୍ରୋ ବାୟୋଲୋଜି ବିଭାଗର ମୁଖ୍ୟ ଡକ୍ଟର ବାଲା ମୁରୁଗାନ୍ ରାମଦାସଙ୍କ ନେତୃତ୍ବରେ ଏକ ୨୦ ଜଣିଆ ଟିମ୍ ପଖାଳ ଉପରେ ରିସର୍ଚ୍ଚ କରିଥିଲେ ।

ପଖାଳ ଓଡ଼ିଶାରେ ଖୁବ୍ ପରିଚିତ ଥିଲେ ବି ଅନ୍ୟ ରାଜ୍ୟରେ ଭିନ୍ନ ଭିନ୍ନ ନାମରେ ଏହାକୁ ଖାଦ୍ୟ ରୂପେ ଗ୍ରହଣ କରାଯାଏ । ରାଜ୍ୟର ପ୍ରାୟ ୨୦ଟି ଜିଲ୍ଲାରୁ ପଖାଳର ନମୁନା ସଂଗ୍ରହ କରାଯାଇ ରିସର୍ଚ୍ଚ ହୋଇଛି । ତୋରାଣିରେ ଥିବା ଲ୍ୟାକ୍ଟୋ-ବାସିଲସ୍ ବିଭନ୍ନ ରୋଗକୁ ପ୍ରତିରୋଧ କରିବାରେ ସହାୟକ ହୋଇଥାଏ । ବିଶେଷ କରି ଫୁସଫୁସ୍ ଓ ଅନ୍ତନଳିରେ ସଂକ୍ରମଣ ରୋକିବାରେ ଏହା ଅଧିକ କାମ ଦିଏ । କେବଳ ସେତିକି ନୁହଁ ଗର୍ଭବତୀଙ୍କ ପାଇଁ ମଧ୍ୟ ଏହା ଅଧିକ ଲାଭଦାୟକ । ରିସର୍ଚ୍ଚ କରିଥିବା ଡାକ୍ତର ମଧ୍ୟ ପ୍ରତିଦିନ ଅଧ ଲିଟର ତୋରାଣି ପିଅନ୍ତି । ଏହା ଅଧିକ ଶକ୍ତି ଦିଏ ବୋଲି କହିଛନ୍ତି ।

ଅଲମ୍ପିକସ ଯାଉଥିବା କ୍ରୀଡ଼ାବିତଙ୍କ ସହ କଥା ହେଲେ ନବୀନ, ଘୋଷଣା କଲେ ପୁରସ୍କାର ରାଶି

ଭୁବନେଶ୍ୱର: ଚଳିତ ମାସ ଶେଷ ଭାଗରେ ଅନୁଷ୍ଠିତ ହେବାକୁ ଥିବା ଟୋକିଓ ଅଲମ୍ପିକସ ରେ ଭାଗ ନେଉଥିବା ଓଡିଶାର ଅଲମ୍ପିୟାନ ମାନଙ୍କ ସହିତ ଭର୍ଚୁଆଲ ମାଧ୍ୟମରେ ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକ ଆଜି କଥା ହୋଇଛନ୍ତି  ।  କ୍ରୀଡ଼ାବୀତଙ୍କୁ ଉତ୍ସାହିତ ମଧ୍ୟ କରିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି ଯେ ପ୍ରତି ଖେଳାଳିଙ୍କ ପାଇଁ ଅଲମ୍ପିକସ ହେଉଛି ଜୀବନର ଶ୍ରେଷ୍ଠ ସ୍ଵପ୍ନ । ଏହି ଅବସରରେ ଅଲମ୍ପିୟାନ ଦୂତୀ ଚାନ୍ଦ , ପ୍ରମୋଦ ଭଗତ, ଦୀପ ଗ୍ରେସ ଏକ୍କା, ନମିତା ଟପ୍ପୋ, ବୀରେନ୍ଦ୍ର ଲାକ୍ରା ଓ ଅମିତ ରୋହିଦାସଙ୍କୁ ଶୁଭେଚ୍ଛା ଜଣାଇ ମୁଖ୍ୟମନ୍ତ୍ରୀ କହିଥିଲେ ଯେ ତୁମମାନେ ଓଡିଶାର ଯୁବ ସମାଜ ପାଇଁ ରୋଲମଡେଲ ପାଲଟିଯାଇଛ ।

ତୁମ ପରିବାର ପାଇଁ ଓ ଆମ ସମସ୍ତଙ୍କ ପାଇଁ ଗର୍ବ ଆଣିଛ । କଠୋର ପରିଶ୍ରମ, ନିଷ୍ଠା ଓ ଶୃଙ୍ଖଳା ଦ୍ଵାରା ତୁମେମାନେ ନିଶ୍ଚୟ ପଦକ ଜିତିବ ବୋଲି ମୁଖ୍ୟମନ୍ତ୍ରୀ ଆଶାପ୍ରକାଶ କରିଥିଲେ । ଏହି ଅବସରରେ ଅଲମ୍ପିକସ ପଦକ ବିଜେତାଙ୍କ ପାଇଁ ମୁଖ୍ୟମନ୍ତ୍ରୀ ଆର୍ଥିକ ପୁରସ୍କାର ଘୋଷଣା କରିଥିଲେ । ଟୋକିଓ ଅଲମ୍ପିକସରେ ସ୍ଵର୍ଣ୍ଣ ପଦକ ଜିତିଲେ ୬ କୋଟି ଟଙ୍କା , ରୌପ୍ୟ ପଦକ ଜିତିଲେ ୪ କୋଟି ଟଙ୍କା ଏବଂ କାଂସ୍ୟ ପଦକ ଜିତିଲେ ୨.୫ କୋଟି ଟଙ୍କା ରାଜ୍ୟ ସରକାରଙ୍କ ପଷରୁ ଦିଆଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି । ଏହାସହିତ ଅଲମ୍ପିକସ ପାଇଁ ଯୋଗ୍ୟତା ହାସଲ କରିଥିବାରୁ ପ୍ରତି ଖେଳାଳିଙ୍କ ପାଇଁ ଅଲମ୍ପିକ ପ୍ରସ୍ତୁତି ନିମନ୍ତେ ୧୫ ଲକ୍ଷ ଟଙ୍କା ଲେଖାଏଁ ପୁରସ୍କାର ଘୋଷଣା କରିଛନ୍ତି  ।

କାର୍ଯ୍ୟକ୍ରମରେ ଅଂଶଗ୍ରହଣ କରି କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା ଖେଳାଳି ମାନଙ୍କୁ ଶୁଭେଚ୍ଛା ଜଣାଇବା ସହ ଅଲମ୍ପିକ ରେ ସେମାନଙ୍କ ସଫଳତା କ୍ରୀଡା କ୍ଷେତ୍ରରେ ଓଡିଶାକୁ ଗୌରବ ମଣ୍ଡିତ କରିବ ବୋଲି ଆଶା ପ୍ରକାଶ କରିଥିଲେ । ଏହି ଅବସରରେ ସମସ୍ତ ଖେଳାଳି ବ୍ୟକ୍ତିଗତ ଭାବରେ ସେମାନଙ୍କର ମତାମତ ଦେଇ ଅଲମ୍ପିକରେ ଭଲ ପ୍ରଦର୍ଶନ କରି ରାଜ୍ୟ ତଥା ଦେଶ ପାଇଁ ଗୌରବ ଆଣିବେ ବୋଲି କହିଥିଲେ ଏବଂ ରାଜ୍ୟ ସରକାରଙ୍କ ସହଯୋଗ ଓ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା ପାଇଁ ଧନ୍ୟବାଦ ଜଣାଇଥିଲେ। ।

ଖେଳାଳି ମାନଙ୍କ ସହିତ ଆଲୋଚନା କରି ମୁଖ୍ୟମନ୍ତ୍ରୀଙ୍କ ସଚିବ(5T)  ଭି କେ ପାଣ୍ଡିଆନ ଖେଳାଳି ମାନଙ୍କ ଅଲମ୍ପିକସ ପ୍ରସ୍ତୁତି ଓ ଏଥି ନିମନ୍ତେ ସେମାନଙ୍କର ଆବଶ୍ୟକତା ସମ୍ପର୍କରେ ପଚାରି ବୁଝିଛନ୍ତି । କ୍ରୀଡା ବିଭାଗର ପ୍ରମୁଖ ସଚିବ  ବିଶାଳ ଦେବ ସ୍ଵାଗତ ଭାଷଣ ଦେଇଥିଲେ ଓ ସ୍ଵତନ୍ତ୍ର ସଚିବ  ଆର ଭିନିଲ କ୍ରିଷ୍ଣା ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ମୁଖ୍ୟ ଶାସନ ସଚିବ  ସୁରେଶ ମହାପାତ୍ର , ଉନ୍ନୟନ କମିଶନର  ପି କେ ଜେନା ଏବଂ ବିଭିନ୍ନ ବିଭାଗର ପ୍ରମୁଖ ସଚିବ ଓ ସଚିବ ମାନେ ଉପସ୍ଥିତ ରହିଥିଲେ  ।

ହୀରାକୁଦ ଛାଡ଼ିବ ପ୍ରଥମ ବନ୍ୟାଜଳ, ୧୧ ତାରିଖରେ ଖୋଲିବ ଗେଟ୍

ଭୁବନେଶ୍ୱର: ଉପରମୁଣ୍ଡରେ  ବର୍ଷା ହେଉଛି  । ହୀରାକୁଦରେ ଜଳସ୍ତର ବଢୁଛି  । ଯେହେତୁ ହୀରାକୁଦ ଜଳ ଭଣ୍ଡାରରେ ଜଳସ୍ତର ବଢିବାରେ ଲାଗିଛି, ତେଣୁ ତାହାକୁ ଅପସାରିତ କରିବା ନେଇ ନିଷ୍ପତ୍ତି ନେଇଛି ଜଳଭଣ୍ଡାର ଅଧିକାରୀ  । ଆସନ୍ତା 11 ତାରିଖ ଦିନ 11 ଟା ସମୟରେ ପ୍ରଥମ ଥର ପାଇଁ ହୀରାକୁଦ ଡ୍ୟାମର ପ୍ରଥମ ବନ୍ୟାଜନ ନିଷ୍କାସନ କରାଯିବ।

ସେପଟେ ଚଳିତ ବର୍ଷର ପ୍ରଥମ ବନ୍ୟାଜଳ ଆସନ୍ତା ୧୧ ତାରିଖରୁ ଛଡ଼ାଯିବ  । ହୀରାକୁଦ ଜଳଭଣ୍ଡାରର ଅତିରିକ୍ତ କାର୍ଯ୍ୟ ନିର୍ବାହୀ ଅଧିକାରୀ ଏନେଇ ସବିଶେଷ ସୂଚନା ପ୍ରଦାନ କରିଛନ୍ତି  । ଉପରସ୍ତରରେ ବର୍ଷା ହେଉଥିବାରୁ ଜଳଭଣ୍ଡରାରରେ ଜଳସ୍ତର ବଢିବାରେ ଲାଗିଛି  । ତେଣୁ ଜଳ ନିଷ୍କାସନର ଆବଶ୍ୟକତା ରହିଥିବା କହିଛନ୍ତି ଅଧିକାରୀ  ।