ଭୁବନେଶ୍ୱର: ରାଜ୍ୟରେ ସ୍ଥିର କରୋନା ସଂକ୍ରମଣ, ବଢୁଛି ସୁସ୍ଥତା ସଂଖ୍ୟା । ଦିନକରେ ୮ହଜାର ୭୩୫ସଂକ୍ରମିତ ଚିହ୍ନଟ ହୋଇଛନ୍ତି । ଆଉ ୩୭ଜଣଙ୍କ ଜୀବନ ନେଇଛି କିଲର ଭାଇରସ୍ । ଅନୁଗୁଳରୁ ସର୍ବାଧିକ ୫ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ କଳାହାଣ୍ଡି ଓ କଟକରୁ ୪ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି । ନବରଙ୍ଗପୁର, ସୁନ୍ଦରଗଡ଼, ଝାରସୁଗୁଡ଼ା ଓ ଖୋର୍ଦ୍ଧାରୁ ୩ଜଣ ଲେଖାଏ ଆକ୍ରାନ୍ତଙ୍କ ଜୀବନ ନେଇଛି କରୋନା । କେନ୍ଦ୍ରାପଡ଼ା, ନୂଆପଡ଼ା, ରାୟଗଡ଼ା ଓ ସୋନପୁରରୁ ୨ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି । କୋରାପୁଟ, ବଲାଙ୍ଗୀର, ଜଗପତି ଓ ଗଞ୍ଜାମରୁ ଜଣେ ଲେଖାଏ କରୋନାରେ ମୃତ୍ୟୁବରଣ କରିଛନ୍ତି । ମୃତ୍ୟୁସଂଖ୍ୟା ୨ହଜାର ୭୯୧କୁ ବୃଦ୍ଧି । ସେପଟେ କ୍ବାରେଣ୍ଟାଇନରୁ ୪ହଜାର ୮୯୨, ଲୋକାଲ କେସ୍ ୩ହଜାର ୮୪୩ ପଜିଟିଭ ଚିହ୍ନଟ ହୋଇଛି । ଖୋର୍ଦ୍ଧାରୁ ସର୍ବାଧିକ ୧୨ଶହ୨୨ ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୬୭୩, ବାଲେଶ୍ବରରୁ ୫୬୬, ଯାଜପୁରରୁ ୫୦୭, ଢେଙ୍କାନାଳରୁ ୫୦୩, ପୁରୀରୁ ୪୬୭, ଅନୁଗୁଳରୁ ୪୫୬, କେନ୍ଦ୍ରାପଡାରୁ ୩୮୭, ଜଗତସିଂହପୁରରୁ ୩୮୨, ମୟୂରଭଞ୍ଜରୁ ୩୪୨, ସଂକ୍ରମିତ ଚିହ୍ନଟ ହୋଇଛନ୍ତି । ନୟାଗଡ଼ରୁ ୨୮୫, ନବରଙ୍ଗପୁରରୁ ୨୬୪, କୋରାପୁଟରୁ ୨୫୫, ସୁନ୍ଦରଗଡ଼ରୁ ୨୪୪, ଷ୍ଟେଟପୁଲରୁ ୨୨୦ ସଂକ୍ରମିତ ଚିହ୍ନଟ ହୋଇଛନ୍ତି । ବରଗଡ଼ରୁ ୧୯୩, କେନ୍ଦୁଝରରୁ ୧୭୯, କଳାହାଣ୍ଡି ଓ ସମ୍ବଲପୁରରୁ ୧୭୭ଜଣ ଲେଖାଏଁ, ଝାରସୁଗୁଡାରୁ ୧୫୭, ଗଞ୍ଜାମ ଓ ସୋନପୁରରୁ ୧୫୬ଜଣ ଲେଖାଏଁ, ଭଦ୍ରକରୁ ୧୪୭, ବୌଦ୍ଧରୁ ୧୩୭ ସଂକ୍ରମିତ ଚିହ୍ନଟ ହୋଇଛନ୍ତି । ମାଲକାନଗିରିରୁ ୯୬, ରାୟଗଡ଼ାରୁ ୯୦, ଗଜପତିରୁ ୮୦, କନ୍ଧମାଳରୁ ୬୫, ଦେଓଗଡ଼ରୁ ୬୩, ବଲାଙ୍ଗୀରରୁ ୪୯, ନୂଆପଡାରୁ ୪୦ସଂକ୍ରମିତ ଚିହ୍ନଟ । ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୭ଲକ୍ଷ ୭୩ହଜାର ୭୩୨ । ମୋଟ୍ ସୁସ୍ଥ ହେଲେଣି ୬ଲକ୍ଷ ୮୦ହାଜର ୯୩୨ ।
କରୋନା ଟିକା ନେବା ପରେ ଶରୀରରେ ସୃଷ୍ଟି ହେଲାନି ଆଣ୍ଟିବଡି: ଥାନାରେ କମ୍ପାନୀ ବିରୋଧରେ ଠକେଇ ମାମଲା
ଲକ୍ଷ୍ଣୌ: କାମକରୁନି କରୋନା ଟିକା । ଟିକା ନେବା ପରେ ଶରୀରରେ ସୃଷ୍ଟି ହେଉନି ଆଣ୍ଟବଡି । ଏଭଳି ଅଭିଯୋଗ କରିଛନ୍ତି ରୁଚି ଖାଣ୍ଡର ବାସିନ୍ଦା ପ୍ରତାପ ଚନ୍ଦ୍ର । ଏ ନେଇ ସେ ପୋଲିସ ଷ୍ଟେସନରେ ମାମଲା ମଧ୍ୟ ରୁଜୁ କରିଛନ୍ତି । ଅଭିଯୋଗକାରୀ ପ୍ରତାପ ଚନ୍ଦ୍ରଙ୍କ କହିବା ହେଲା ଯେ, ସେ ଏପ୍ରିଲ ୮ରେ କୋଭିସିଲ୍ଡର ପ୍ରଥମ ଡୋଜ୍ ନେଇଥିଲେ । ୨୮ ଦିନ ପରେ ଦ୍ୱିତୀୟ ଡୋଜ ନେବାକୁ ଥିବା ବେଳେ ଏହା ମଧ୍ୟରେ ସରକାରଙ୍କ ଟିକାକରଣ ନେଇ ନୂଆ ଗାଇଡଲାଇନ୍ ଜାରି ହୁଏ ଏବଂ ଏଥିରେ ଟିକାକରଣ ଅବଧିକୁ ବୃଦ୍ଧି କରାଯାଏ । ଏଣୁ ତାଙ୍କୁ ଦ୍ୱିତୀୟ ଡୋଜ ପାଇଁ ଅପେକ୍ଷା କରିବାକୁ ପଡ଼େ । ଏହାରି ମଧ୍ୟରେ ସେ ମଇ’ ୨୧ ତାରିଖରେ ଆଇସିଏମ୍ଆର ନିର୍ଦ୍ଦେଶକ ବଳରାମ ଭାର୍ଗବ ଏକ ଟିଭି ସାକ୍ଷାତକାର ଦେଖିଥିଲେ । ଯେଉଁଥିରେ ସେ, କୋଭିସିଲ୍ଡ ଟିକାର ପ୍ରଭାବ ସମ୍ପର୍କରେ କହିଥିଲେ । ସେ କହିଥିଲେ ଯେ, କୋଭିସିଲ୍ଡ ଟିକାର ପ୍ରଥମ ଡୋଜ୍ ପରେ ଶରୀରରେ ଆଣ୍ଟିବଡ଼ି ସୃଷ୍ଟି ହୋଇଯାଏ । କିନ୍ତୁ କୋଭାକ୍ସିନ୍ର ଦ୍ୱିତୀୟ ଡୋଜ୍ ନେଲା ପରେ ଶରୀରରେ ଆଣ୍ଟବଡି ସୃଷ୍ଟି ହୋଇଥାଏ । ଏହା ପରେ ସେ ମଇ ୨୫ ତାରିଖରେ ଆଣ୍ଟିବଡ଼ି ଟେଷ୍ଟ ପାଇଁ ଘରୋଇ ହସ୍ପିଟାଲକୁ ରକ୍ତ ନମୁନା ପଠାନ୍ତି । ଏବଂ ମଇ ୨୭ ତାରିଖରେ ହସ୍ପିଟାଲ କର୍ତ୍ତୃପକ୍ଷଙ୍କ ଦ୍ୱାରା ପ୍ରାପ୍ତ ରିପୋର୍ଟ ମୁତାବକ ତାଙ୍କ ଶରୀରରେ କୌଣସି ପ୍ରକାର ଆଣ୍ଟିବଡ଼ି ସୃଷ୍ଟି ହୋଇନି । ବରଂ ପ୍ଳେଟ୍ଲେଟ୍ ସଂଖ୍ୟା ୩ ଲକ୍ଷରୁ ହ୍ରାସ ହୋଇ ୧.୫ଲକ୍ଷକୁ ହ୍ରାସ ଘଟିଥିବା ରିପୋର୍ଟରେ ଉଲ୍ଲେଖ ରହିଛି । ଏହା ପରେ ସ୍ଥାନୀୟ ପୋଲିସ ଷ୍ଟେସନରେ କରୋନା ଟିକା ନେଇ ଏକ ଠକେଇ ମାମଲା ରୁଜୁ କରିଛନ୍ତି । ଏବଂ ଟିକା ଉତ୍ପାଦନକାରୀ କମ୍ପାନୀ ମାଲିକ, କେନ୍ଦ୍ର ସରକାରଙ୍କ ସ୍ୱାସ୍ଥ୍ୟ ବିଭାଗ ଯୁଗ୍ମ ସଚିବ, ଆଇସିଏମ୍ଆର ନିର୍ଦ୍ଦେଶକ, ଏନ୍ଏଚ୍ଏମ୍ ନିର୍ଦ୍ଦେଶକ ଏବଂ ବିଶ୍ୱ ସ୍ୱାସ୍ଥ୍ୟ ସଂଗଠନ ନିର୍ଦ୍ଦେଶକଙ୍କ ମାମଲରାରେ ପକ୍ଷଭୁକ୍ତ କରାଯାଇଛି । ତେବେ ଅଭିଯୋଗର ସମୀକ୍ଷା ପାଇଁ ଏହାକୁ ସିଏମ୍ଓକୁ ପଠାଯିବ ବୋଲି ଏଡିସିପି ଇଷ୍ଟଜୋନ୍ କହିଛନ୍ତି
ଏଥିସହିତ ପଢ଼ନ୍ତୁ: EPFO ନିୟମରେ ପରିବର୍ତ୍ତନ: କରୋନା ଚିକିତ୍ସା ପାଇଁ PFରୁ ବାହାର କରିପାରିବେ ଟଙ୍କା
କରୋନାରେ ଚାଲିଗଲେ ଫୁଟବଲ୍ କୋଚ୍ ନନ୍ଦକିଶୋର
ଭୁବନେଶ୍ୱର: ଫୁଟବଲ୍ କୋଚ୍ ନନ୍ଦକିଶୋର ପଟ୍ଟନାୟକଙ୍କ ପରଲୋକ । କରୋନାରେ ଫୁଟବଲ୍ କୋଚ୍ ନନ୍ଦକିଶୋର ପଟ୍ଟନାୟକଙ୍କ ଦେହାନ୍ତ । କରୋନାରେ ଆକ୍ରାନ୍ତ ହୋଇ ଭୁବନେଶ୍ବରର ଏକ ହସ୍ପିଟାଲରେ ସେ ଚିକିତ୍ସିତ ହେଉଥିଲେ । ଗତକାଲି ବିଳମ୍ବିତ ରାତିରେ ନନ୍ଦକିଶୋର ପଟ୍ଟନାୟକଙ୍କ ଦେହାନ୍ତ ହୋଇଛି । ସେ ଓଡ଼ିଶା ମହିଳା ଫୁଟବଲ ଜଗତର ସ୍ରଷ୍ଟା ଥିଲେ । ସେ ଅନେକ ଅନ୍ତର୍ଜାତୀୟ ମହିଳା ଫୁଟବଲ ଖେଳାଳିଙ୍କୁ ତିଆରି କରିଛନ୍ତି । ଶ୍ରଦ୍ଧାଞ୍ଜଳି ସାମନ୍ତରାୟ, ରଞ୍ଜିତା ମହାନ୍ତି, ସସ୍ମିତା ମାଲିକ, ଜବାମଣି ଟୁଡୁଙ୍କ ଭଳି ଅନେକ ଖେଳାଳିଙ୍କ ସେ କୋଚିଂ ଦେଇ ଅନ୍ତର୍ଜାତୀୟ ଷ୍ଟାର କରିଥିଲେ ।
ଏଥିସହିତ ପଢ଼ନ୍ତୁ: କୋଭିଡ୍ କେୟାର ସେଣ୍ଟର ପାଇଁ ଖିମଜୀ ଫାଉଣ୍ଡେସନ୍ ତରଫରୁ ୬୦ଟି ଶଯ୍ୟା ପ୍ରଦାନ
କୋଭିଡ୍ କେୟାର ସେଣ୍ଟର ପାଇଁ ଖିମଜୀ ଫାଉଣ୍ଡେସନ୍ ତରଫରୁ ୬୦ଟି ଶଯ୍ୟା ପ୍ରଦାନ
ଭୁବନେଶ୍ୱର: କୋଭିଡ୍ କେୟାର ସେଣ୍ଟର ପାଇଁ ଖିମଜୀ ଫାଉଣ୍ଡେସନ୍ ତରଫରୁ ୬୦ଟି ଶଯ୍ୟା ପ୍ରଦାନ କରାଯାଇଛି । ଏହାସହ ଏଥି ନିମନ୍ତେ ଆବଶ୍ୟକୀୟ ସମସ୍ତ ଉପକରଣ ପ୍ରଦାନ କରିଛନ୍ତି ଖିମଜୀ ଜୁଏଲର୍ସର ନିର୍ଦ୍ଦେଶକ ସୁମିତ ଖିମଜୀ । ବିଏମସି କମିଶନରଙ୍କୁ ଆନୁଷ୍ଠାନିକ ବାବେ ଏସବୁ ସାମଗ୍ରୀ ସେ ହସ୍ତାନ୍ତର କରିଛନ୍ତି । ଏହି ଶଯ୍ୟାଗୁଡିକ ଭୁବନେଶ୍ବରରେ ଥିବା ପଟିଆ, ଡୁମୁଡୁମା କୋଭିଡ୍ କେୟାର ସେଣ୍ଟର ଓ ବିଏମସି ଦ୍ବାରା ପରିଚାଳିତ ଅନ୍ୟ ୟୁପିଏଚସି- ଏଚସିଏସ୍ ଗୁଡିକରେ ବ୍ୟବହୃତ ହେବ ।
ଏହି ଅବସରରେ ଖିମଜୀ ଜୁଏଲର୍ସର ନିର୍ଦ୍ଦେଶକ କହିଛନ୍ତି, ରାଜଧାନୀ ବର୍ତ୍ତମାନ୍ କୋଭିଡ- ୧୯ର ଦ୍ବିତୀୟ ଲହରକୁ ସାହସ ଓ ଦାୟିତ୍ବବୋଧତା ସହ ଲଢେଇ କରୁଛି । ଏହି ସଂକଟ ସମୟରେ ବିଏମସିର ସେବା ଯୋଗାଇବା ଦିଗରେ ଗଠନମୂଳକ ପଦକ୍ଷେପ ପ୍ରଶଂସାଯୋଗ୍ୟ । ଖିମଜୀ ଫାଉଣ୍ଡେସନ, ସଙ୍କଟ ସମୟରେ ଓଡିଶା ସରକାର ଓ ବିଏମସିକୁ ସର୍ବଦା ସମର୍ଥନ କରିଆସୁଛି । ତେଣୁ ଭୁବନେଶ୍ବର ନାଗରିକ ଭୟଭୀତ ନହୋଇ ମାସ୍କ, ସାମାଜିକ ଦୂରତା ସହ ନିୟମ ମାନି ଚଳିବାବାକୁ ସେ ଅନୁରୋଧ କରିଛନ୍ତି ।
କୋୱିନ ଆପ୍ ମାଧ୍ୟମରେ ପଞ୍ଜିକରଣ କରିଥିବା ଲୋକଙ୍କୁ ମିଳିବ ଅଗ୍ରାଧିକାର
ଭୁବନେଶ୍ୱର: କରୋନା ଟିକା ନେବା ପାଇଁ କୋଓ୍ବିନ ଆପ୍ ମାଧ୍ୟମରେ ପଞ୍ଜିକରଣ କରିଥିବା ଲୋକଙ୍କୁ ଅଗ୍ରାଧିକାର ମିଳିବ । ସେମାନଙ୍କୁ ଆଗେ ଟିକା ମିଳିବ ବୋଲି କହିଛନ୍ତି ରାଜ୍ୟ ସରକାର । ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ନିର୍ଦ୍ଦେଶାନାମା ଜାରି କରାଯାଇଛି । ଅଫଲାଇନ୍ ବା ଟିକା କେନ୍ଦ୍ରକୁ ଯାଇ ପଞ୍ଜିକରଣ କରୁଥିବା ଲୋକଙ୍କୁ ଟିକା ଦେବା ଉପରେ କଟକଣା ଜାରି କରାଯାଇଛି । ଏହାଦ୍ବାରା ଟିକାର ପରିଚାଳନା ଠିକ୍ ହେବା ସହ ଟିକା ନଷ୍ଟ ମଧ୍ୟ ବହୁ ମାତ୍ରା ଆୟତକୁ ଆସିବ । ଅନଲାଇନ୍ରେ ପଞ୍ଜିକରଣ କରିଥିବା ଲୋକଙ୍କୁ ଅନେକ ସମୟ ଧରି ଅପେକ୍ଷା କରୁଥିବା ଦେଖିବାକୁ ମିଳୁଛି । ଟିକା କେନ୍ଦ୍ରରେ ପଞ୍ଜିକରଣ କରି ଲୋକେ ଭିଡ ଜମାଉଥିବାରୁ ଅନଲାଇନ ପଞ୍ଜିକରଣକାରୀରେ ହଇରାଣ ହେଉଛନ୍ତି । ଅନେକ ସମୟ ଧରି ଅପେକ୍ଷା କରୁଛନ୍ତି ।
ଏପଟେ ବୟସ୍କ ଲୋକଙ୍କୁ ଘର ପାଖରେ ଟିକାକରଣ କରେଇବା ନେଇ ବ୍ୟବସ୍ଥା କରିଛନ୍ତି ରାଜ୍ୟ ସରକାର । ବୟସ୍କ ଓ ଭିନ୍ନକ୍ଷମ ମାନେ ଚାହିଁଲେ ଘର ପାଖରେ ଥିବା ଯେ କୌଣସି ସ୍ଥାନରେ ଟିକା ନେଇପାରିବେ । ସେମାନଙ୍କର ଯେଉଁଠି ସୁବିଧା ହେବ ସେମାନେ ଟିକା ନେବେ । ଏଥିପାଇଁ ଖୁବଶିଘ୍ର ଗାଇଡଲାଇନ୍ ପ୍ରକାଶ କରାଯିବ । କମ୍ୟୁନିଟି ସେଣ୍ଟର, ସ୍କୁଲ, ପଞ୍ଚାୟତ କାର୍ଯ୍ୟାଳୟ ଭଳି ସ୍ଥାନରେ ସେମାନଙ୍କୁ ଟିକା ଦିଆଯିବ । ସମସ୍ତଙ୍କୁ ସୁରୁଖୁରୁରେ ଟିକାକରଣ କରିବା ପାଇଁ ରାଜ୍ୟ ସରକାର ଏଭଳି ପଦକ୍ଷେପ ନେଇଛନ୍ତି ।
ସେପଟେ ଟିକାର ପରିଚାଳନା ନେଇ ରାଜ୍ୟ ସରକାରଙ୍କ ପକ୍ଷରୁ ଗାଇଡଲାଇନ୍ ପ୍ରକାଶ ପାଇଛି । ମାତ୍ର ୪ଟି ମାଧ୍ୟମରେ ରାଜ୍ୟରେ ଟିକାକରଣ ହେବ । ଅନ୍ୟ କୌଣସି ଉପାୟରେ ଟିକାକରଣ ହେଲେ ରାଜ୍ୟ ସରକାର କାର୍ଯ୍ୟାନୁଷ୍ଠାନ ନେବେ । ପ୍ରଥମଟି ହେଲା ସରକାରୀ ଟିକାକରଣ କେନ୍ଦ୍ର, ଦ୍ବିତୀୟରେ ଘରୋଇ ମେଡିକାଲ ଦ୍ବାରା ପରିଚାଳିତ କେନ୍ଦ୍ର, ତୃତୀୟରେ ସରକାରୀ ଅଫିସ ଓ ଘରୋଇ ଅଫିସ୍ରେ ସରକାରଙ୍କ ତତ୍ବାବଧାନରେ ହେଉଥିବା ଟିକାକରଣ ଏବଂ ଚତୁର୍ଥରେ ବୟସ୍କ ଓ ଭିନ୍ନକ୍ଷମ ପାଇଁ ହୋଇଥିବା ସ୍ବତନ୍ତ୍ର ଟିକାକରଣ କେନ୍ଦ୍ରରେ ଟିକା ଦିଆଯିବ । ହୋଟେଲରେ ଟିକା ଦିଆଯାଉଥିବା ନେଇ ଅଭିଯୋଗ ପରେ ସରକାର ଏଭଳି ଗାଇଡଲାଇନ୍ ଜାରି କରିଛନ୍ତି । ତୁରନ୍ତ ଟିକାକରଣରେ ଏଭଳି ମାଧ୍ୟମକୁ ବନ୍ଦ କରିବା ପାଇଁ ସବୁ ଜିଲ୍ଲାପାଳଙ୍କୁ ଚିଠି ଲେଖିଛି ସ୍ବାସ୍ଥ୍ୟ ବିଭାଗ ।
ଭୁଶୁଡ଼ି ପଡ଼ିଲା ନିର୍ମାଣାଧୀନ ପୋଲ
ଯାଜପୁର: ଭୁଶୁଡ଼ିଲା ନିର୍ମାଣାଧୀନ ପୋଲ । ପାଣିକୋଇଲି ଥାନା ବ୍ରଜନଗର ନିକଟରେ ନିର୍ମାଣାଧୀନ ଏକ ପୋଲ ଭୁଶୁଡ଼ି ପଡ଼ିଛି । ୧୬ ନଂ ଜାତୀୟ ରାଜପଥରେ ଏହି ପୋଲ ନିର୍ମାଣ କାର୍ଯ୍ୟ ଚାଲିଥିଲା। ତେବେ ପୋଲ ଭୁଶୁଡ଼ିବାରେ କେହି ମୃତାହତ ହୋଇ ନଥିବା ସୂଚନା ମିଳିଛି । ୧୬ ନଂ. ଜାତୀୟ ରାଜପଥ ସମ୍ପ୍ରସାରଣ ଦାୟିତ୍ୱ DBL ନାମକ ଏକ ଠିକା ସଂସ୍ଥା ହାତରେ ରହିଛି ।
ନିର୍ମାଣ କାର୍ଯ୍ୟ ଚାଲୁ ରହିଥିବା ବେଳେ ଆଜି ଅପରାହ୍ନରେ ହଠାତ୍ ପୋଲଟି ଭୁଶୁଡ଼ି ପଡ଼ିଥିଲା । ଅଘଟଣ ପରେ ବିଭାଗୀୟ ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । 3ମାସ ହେବ ସେଠାରେ ପୋଲ ନିର୍ମାଣ କାମ ଆରମ୍ଭ ହୋଇଥିବା ବେଳେ ସଟରିଂ କରାଯାଇଛି । ୟାସ୍ ବାତ୍ୟା ଯୋଗୁ ପାଣି ଜମି ରହିବା ଫଳରେ ବନ୍ୟା ସ୍ଥିତି ଦେଖାଦେଇଥିଲା । ପାଣି ଭିତରେ ଲୁହା ସଟରିଂଟି ରହିଥିବାରୁ ଏଥିରେ କଳଙ୍କି ଲାଗି ଭୁଶୁଡ଼ି ପଡ଼ିଛି ବୋଲି ସ୍ଥାନୀୟ ଲୋକେ କହିଛନ୍ତି ।
ଝାରପଡା ଜେଲରେ ଅଚାନକ ଡିଜି ସନ୍ତୋଷ ଉପାଧ୍ୟାୟ, ଗଞ୍ଜେଇ ମିଳିବା ପରେ ଆକ୍ଟିଭ
ଭୁବନେଶ୍ୱର: ଝରାପଡା ସ୍ୱତନ୍ତ୍ର ଜେଲରେ ମୋବାଇଲ ଓ ଗଂଜେଇ ମିଳିବା ଘଟଣା ପରେ ଆକ୍ଟିଭ ହୋଇଛି ଜେଲ ବିଭାଗ। ଆଜି ସନ୍ଧ୍ୟାରେ ଜେଲରେ ଅଚାନକ ପରିଦର୍ଶନ କରି ଅନୁଧ୍ୟାନ କରିଛନ୍ତି ଜେଲ ଡିଜି ସନ୍ତୋଷ ଉପାଧ୍ୟାୟ। ଗତ ମାସେ ଭିତରେ 26 ଟି ମୋବାଇଲ ଜବତ ହୋଇଥିଲା।ତା ସହିତ ବିପୁଳ ପରିମାଣରେ ଗଂଜେଇ ଜବତ ହୋଇଥିଲା। ଅନୁଧ୍ୟାନ ପରେ ଗଣମାଧ୍ୟମକୁ ପ୍ରତିକ୍ରିୟାରେ କହିଛନ୍ତି। ଟ୍ରାନ୍ସଜେଣ୍ଡର ଆଇନ ଆସିବା ପରେ ଭାବରେ ସ୍ବତନ୍ତ୍ର ଟ୍ରାନ୍ସଜେଣ୍ଡର ୱାର୍ଡ ଗଠନ କରାଯିବ।
ବାର୍ଦ୍ଧକ୍ୟ ଲୋକଙ୍କ ପାଇଁ ସ୍ୱତନ୍ତ୍ର ୱାର୍ଡ କରାଯିବ। କଏଦୀଙ୍କ ସଂଖ୍ୟା ବୃଦ୍ଧି କାରଣରୁ ନୂଆ କରି 100ଟିକିଆ ୱାର୍ଡ କରାଯିବ।10ଟି ହାର୍ଡକୋର କଏଦୀଙ୍କ ପାଇଁ10ଟା ସେଲ କରାଯିବ।ଭଲ ୱାର୍ଡନଙ୍କୁ ପୁରସ୍କୃତ କରାଯିବ। ଯେଉଁମାନେ ଖରାପ କାର୍ଯ୍ୟରେ ଲିପ୍ତ ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ। ଗତକାଲି ଜଣେ ୱାର୍ଡନଙ୍କୁ ସସପେଣ୍ଡ କରାଯାଇଛି। ଚେକିଂ ଜୋରଦାର ହେବ।
ଅର୍ଥନୀତିରେ କରୋନା ମାଡ଼, ଗତ ୪୦ ବର୍ଷର ସବୁଠୁ ଖରାପ ସ୍ଥିତି
ଭୁବନେଶ୍ୱର: ଭାରତୀୟ ଅର୍ଥନୀତିରେ କରୋନା ଭାଇରସର ପ୍ରଭାବ । ୨୦୨୦-୨୧ ଆର୍ଥିକବର୍ଷରେ ଜିଡିପି ମାଇନସ ୭ ଦଶମିକ ୩ ପ୍ରତିଶତ ରହିଛି । ଯାହା ଗତ ୪୦ ବର୍ଷର ସବୁଠୁ ଖରାପ ସ୍ଥିତି । ଚଳିତବର୍ଷ ଜାନୁଆରୀରୁ ମାର୍ଚ୍ଚ ମାସ ମଧ୍ୟରେ ୧ ଦଶମିକ ୬ ପ୍ରତିଶତ ବୃଦ୍ଧି ପାଇଛି । ପୂର୍ବରୁ କେନ୍ଦ୍ର ସରକାର ଅଭିବୃଦ୍ଧି ହାର ମାଇନସ ୮ ପ୍ରତିଶତ ରହିବ ବୋଲି ଅନୁମାନ କରିଥିଲେ । ଗତବର୍ଷ ଲକଡାଉନ୍ ସମୟରୁ ହିଁ ଭାରତୀୟ ଅର୍ଥନୀତି ମାଇନସ ଟ୍ରାକ୍ରେ ରହିଛି ।
ଧୀରେ ଧୀରେ ସ୍ଥିତି ସୁଧୁରୁଥିଲେ ମଧ୍ୟ କଟକଣା ଓ ଦ୍ବିତୀୟ ଲହର ଯୋଗୁଁ ଏପରି ସ୍ଥିତି ହୋଇଥିବା ଅନୁମାନ କରାଯାଉଛି । ଗତବର୍ଷ ପୂରା ଦେଶରେ ଲକଡାଉନ୍ ଯୋଗୁଁ ମାଇନସ୍ ୨୪ ପ୍ରତିଶତକୁ ଖସିଯାଇଥିଲା ଅବିବୃଦ୍ଧି ହାର । ୨୦-୨୧ ଆର୍ଥିକବର୍ଷର ଚତୁର୍ଥ ତ୍ରୈମାସିକରେ ସ୍ଥିତି ସମ୍ପୂର୍ଣ୍ଣ ସୁଧୁରିବ ଆଶା କରାଯାଉଥିଲା । ଏହି ସମୟରେ ଜିଏସଟି ସଂଗ୍ରହ ମଧ୍ୟ ଭଲ ହୋଇଥିଲା । ତଥାପି ଆର୍ଥିକ ସ୍ଥିତିର ଉନ୍ନତିରେ ବିଶେଷ କିଛି ସଫଳତା ମିଳିନାହିଁ । ୧୯-୨୦ ବର୍ଷର ଏହି ମାସରେ ଅଭିବୃଦ୍ଧି ହାର ୪ ଦଶମିକ ୦ ପ୍ରତିଶତ ଥିଲା ।
ପଞ୍ଜାବ ହରିୟାଣା ହାଇକୋର୍ଟଙ୍କ ଐତିହାସିକ ନିଷ୍ପତ୍ତି: ମାଆଠୁ ପିଲାକୁ ଅଲଗା କରିପାରିବନି ପରକୀୟା ପ୍ରିତୀ
ମାଆଠୁ ପିଲାକୁ ଅଲଗା କରିପାରିବନି ପରକୀୟା ପ୍ରିତି । ଏଭଳି ଐତିହାସିକ ନିଷ୍ପତ୍ତି ଶୁଣାଇଛନ୍ତି ପଞ୍ଜାବ ହରିୟାଣା ହାଇକୋର୍ଟ । ଯଦି ମା’ର ଏକ୍ସଟ୍ରା ମ୍ୟାରେଟାଲ ଅଫେୟାର ରହିଛି ତେବେ ଏହା ଆଧାରରେ ମା’କୁ ପିଲାର କଷ୍ଟଡିରୁ ବଞ୍ଚିତ ରଖାଯାଇପାରିବନି
ଜଣେ ମହିଳା ତାଙ୍କ ଚାରି ବର୍ଷର ଝିଅକୁ ତା’ର ପିତା ହେପାଜତରୁ ମୁକ୍ତ କରି ତାଙ୍କୁ ହସ୍ତାନ୍ତର କରିବା ପାଇଁ କୋର୍ଟରେ ହାବିୟସ କର୍ପସ ରିଟ ଦାଖଲ କରିଥିଲେ । ତେବେ ମେ ୧୦ରେ ଜଷ୍ଟିସ୍ ଅନୁପନ୍ଦର ସିଂ ଗରେୱାଲ୍ ଏହାର ଶୁଣାଣି କରି ମହିଳାଙ୍କୁ ତାଙ୍କ ଝିଅର କଷ୍ଟଡି ଦେଇଛନ୍ତି ଓ କହିଛନ୍ତି ଯେ ଆବେଦନକାରୀଙ୍କ ଉପରେ ତାଙ୍କ ସମ୍ପର୍କୀୟ ପରକୀୟା ପ୍ରିତିର ଅଭିଯୋଗ ଲଗାଇଛନ୍ତି । ଏହା ବ୍ୟତୀତ ପିଟିସନରେ ଆଉ କୌଣସି ଉପଯୁକ୍ତ କାରଣ କିମ୍ବା ତଥ୍ୟ ଦିଆଯାଇ ନାହିଁ। ଜଷ୍ଟିସ ଆହୁରି କହିଥିଲେ ଯେ ପିତୃସତ୍ତାତ୍ମକ ସମାଜରେ ନାରୀର ଚରିତ୍ର ଉପରେ ଆକ୍ଷେପ କରିବା ଏକ ସାଧାରଣ କଥା। ପ୍ରାୟ ଅଭିଯୋଗଗୁଡ଼ିକ ଭିତ୍ତିହୀନ ହିଁ କରାଯାଏ। ତେଣୁ କେବଳ ଏହା ଅନୁମାନ କରି ଯେ ମହିଳାଙ୍କର ଅନ୍ୟ ପୁରୁଷ ସହ ସମ୍ପର୍କ ରହିଛି କିମ୍ବା ସତରେ ବି ଯଦି ଏଭଳି କିଛି ରହିଛି ତେବେ ଏହା ଆଧାରରେ ସିଦ୍ଧାନ୍ତ ହୋଇପାରିବ ନାହିଁ ଯେ ମହିଳା ଜଣକ ଭଲ ମାଆ ନୁହଁନ୍ତି ବା ସେ ନିଜ ପିଲାର କଷ୍ଟଡି ପାଇବାର ହକଦାର ନୁହଁନ୍ତି ।
ଜଷ୍ଟିସ୍ ଗରେୱାଲ୍ କହିଛନ୍ତି ଯେ ପିଲାଟି ପ୍ରାମ୍ଭିକ ବୟସରେ ତା’ର ବିକାଶ ପାଇଁ ମା’ର ପ୍ରେମ, ଯତ୍ନ ଏବଂ ସ୍ନେହ ଆବଶ୍ୟକ କରେ। ଏବଂ “କିଶୋର ଅବସ୍ଥାରେ ମା’ର ସମର୍ଥନ ଏବଂ ମାର୍ଗଦର୍ଶନ ଆବଶ୍ୟକ କରେ। Hindu Minority and Guardianship Act, 1956, ଧାରା ୬ ଅନୁଯାୟୀ ପିଲାକୁ ୫ ବର୍ଷ ହେବା ପର୍ଯ୍ୟନ୍ତ ମା ହିଁ ଶିଶୁର ପ୍ରକୃତ ଅଭିଭାବକ।
ତେବେ ପଞ୍ଜାବ ହରିୟାଣା ହାଇକୋର୍ଟଙ୍କ ଏଭଳି ନିଷ୍ପତ୍ତିକୁ ସାରା ଦେଶରେ ପ୍ରଶଂସା କରାଯାଉଛି।
EPFO ନିୟମରେ ପରିବର୍ତ୍ତନ: କରୋନା ଚିକିତ୍ସା ପାଇଁ PFରୁ ବାହାର କରିପାରିବେ ଟଙ୍କା
ନୂଆଦିଲ୍ଲୀ: କରୋନା ଭାଇରସର ଦ୍ୱିତୀୟ ଲହର ପାଇଁ ପୁଣି ଥରେ ଦେଶରେ ଲକଡାଉନ୍ ହୋଇଛି । ତେଣୁ ଅନେକ ଲୋକ ଆର୍ଥିକ ସଙ୍କଟ ଦେଇ ଗତି କରୁଛନ୍ତି । ଏଭଳି ପରିସ୍ଥିତିରେ ଯଦି ଜଣେ ବ୍ୟକ୍ତି ସଂକ୍ରମିତ ହୁଅନ୍ତି, ତେବେ ଚିକିତ୍ସା ପାଇଁ ଟଙ୍କା ବ୍ୟବସ୍ଥା କରିବା ମଧ୍ୟ ଏକ ବଡ଼ ସମସ୍ଯା ହୋଇପଡ଼ୁଛି । ଏହି ପରିସ୍ଥିତିରେ ଲୋକଙ୍କୁ ଆର୍ଥିକ ଅସୁବିଧାରୁ ମୁକ୍ତ କରିବା ପାଇଁ ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଯାହା ମାଧ୍ୟମରେ ଏମ୍ପ୍ଲୋଇ ପ୍ରୋଭିଡେଣ୍ଟ ଫଣ୍ଡ ଅର୍ଗାନାଇଜେସନ (ଇପିଏଫଓ) ବର୍ତ୍ତମାନ PFର ପରିମାଣ ବାହାର କରିବାର ସର୍ତ୍ତରେ ଦ୍ୱିତୀୟ ଥର ପାଇଁ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଛନ୍ତି ।
ବର୍ତ୍ତମାନ କରୋନା ସଂକ୍ରମିତଙ୍କ ଚିକିତ୍ସା ପାଇଁ PFରୁ ଟଙ୍କା ବାହାର କରାଯାଇପାରିବ । ଏହାପୂର୍ବରୁ, ମାର୍ଚ୍ଚ ୨୦୨୦ ରେ କେନ୍ଦ୍ର ସରକାର ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା (PMGKY) ଅଧୀନରେ ଏକ ସ୍ୱତନ୍ତ୍ର ବ୍ୟବସ୍ଥା ହୋଇଥିଲା, ଯେଉଁଥିରେ ଇପିଏଫ୍ ସଦସ୍ୟମାନେ PFର ୭୦ ପ୍ରତିଶତ କିମ୍ବା ୩ମାସର ଦରମା ଏବଂ ଭତ୍ତା ବାହାର କରିପାରିବେ ।
ଆପଣ ଘର କିଣିବା ପାଇଁ ମଧ୍ୟ ଟଙ୍କା ଉଠାଇ ପାରିବେ
ଯଦି ଆପଣ ଘର କିଣିବାର ଚାହୁଁଛନ୍ତି, କିନ୍ତୁ ଅଧିକ ସୁଧ ହାର ଏବଂ ହାଉସ ଲୋନର କଠୋର ସର୍ତ୍ତ ଯୋଗୁଁ ଆପଣ ନିଷ୍ପତ୍ତି ନେଇପାରୁ ନାହାଁନ୍ତି । ତେବେ ଆପଣଙ୍କ PF ଆକାଉଣ୍ଟ ଆପଣଙ୍କୁ ସାହାଯ୍ୟ କରିପାରିବ । ଇପିଏଫ୍ ହେଉଛି ସେହି ନିର୍ଦ୍ଦିଷ୍ଟ ପରିମାଣ ଟଙ୍କା ଯେଉଁଟା ପ୍ରତି ମାସରେ କର୍ମଚାରୀଙ୍କ ମାସିକ ବେତନରୁ କଟାଯାଇ ଏକ ଆକାଉଣ୍ଟରେ ଜମା କରାଯାଇଥାଏ । ଶ୍ରମ ମନ୍ତ୍ରଣାଳୟ ଅଧୀନରେ କାର୍ଯ୍ୟ କରୁଥିବା କର୍ମଚାରୀ ପ୍ରୋଭିଡେଣ୍ଟ ପାଣ୍ଠି ସଂଗଠନ (EPFO)କୁ EPF ପରିଚାଳନା କରେ । ପ୍ରତିମାସରେ ଏହାର ସୂଚି, ବେତନ ବା ସାଲାରି ସ୍ଲିପରେ ରହିଥାଏ । ଯେକୌଣସି ବେତନ ପ୍ରାପ୍ତ କର୍ମଚାରୀ ଘର କିଣିବା ପାଇଁ ତାଙ୍କ PF ଆକାଉଣ୍ଟରୁ ଟଙ୍କା ଉଠାଇ ପାରିବେ । ଏହା ବ୍ୟତୀତ, ଏହି ସୁବିଧା EPFO ଦ୍ୱାରା ମଧ୍ୟ ଦିଆଯାଇଛି ଯେ ଆପଣ ନିଜ ଘର କିଣିବା ପାଇଁ PF ଆକାଉଣ୍ଟରୁ ୯୦ ପ୍ରତିଶତ ପର୍ଯ୍ୟନ୍ତ ଟଙ୍କା ଭରଣ କରିପାରିବେ । କେବଳ ଏତିକି ନୁହେଁ, ଆପଣ ଆପଣଙ୍କର PF ଆକାଉଣ୍ଟ ମାଧ୍ୟମରେ ମାସିକ EMI ବା କିସ୍ତି ମଧ୍ୟ ଦେଇପାରିବେ ।
ମାଗଣା ୭ ଲକ୍ଷ ଟଙ୍କା ପର୍ଯ୍ୟନ୍ତ ପାଇପାରିବେ
ଯଦି ଆପଣ EPFO ସହିତ ଜଡିତ ଅଛନ୍ତି, ଅର୍ଥାତ୍ ଆପଣଙ୍କର PF କଟାଯାଇଥାଏ, ତେବେ ଆପଣଙ୍କୁ ସଂସ୍ଥା ତରଫରୁ ଜୀବନ ବୀମା ସୁବିଧା ଦିଆଯିବ । ଇପିଏଫଓ ତାହାର ସଦସ୍ୟମାନଙ୍କୁ ୭ ଲକ୍ଷ ଟଙ୍କା ପର୍ଯ୍ୟନ୍ତ ଜୀବନ ବୀମା ସୁବିଧା ଯୋଗାଉଛି। ଏହାପୂର୍ବରୁ ଏହି ପରିମାଣ ୬ ଲକ୍ଷ ଟଙ୍କା ଥିଲା। ସେପ୍ଟେମ୍ବର ୯, ୨୦୨୦ ରେ EDLI ଯୋଜନା ଅନୁଯାୟୀ ଅଧିକତର ବୀମା ରାଶି ବୃଦ୍ଧି କରାଯାଇ ୭ ଲକ୍ଷ ଟଙ୍କା କରିବାକୁ ନିଷ୍ପତ୍ତି ନିଆଯାଇଛି ।