spot_img
Home Blog Page 5586

ଆସାମର ‘ବୀରାପ୍ପାନ’କୁ ହତ୍ୟା, ନିଜ ଗ୍ୟାଙ୍ଗର ଲୋକେ ଗୁଳି କରି କଲେ ହତ୍ୟା

ନୂଆଦିଲ୍ଲୀ: ଆସାମର ବୀରାପ୍ପାନ ନିହତ। ୟୁନାଇଟେଡ ପିପୁଲ୍ସ ରିଭଲ୍ୟୁସନାରୀ ଫ୍ରଣ୍ଟର ଆତ୍ମଘୋଷିତ ମୁଖ୍ୟ କମାଣ୍ଡର ମାଙ୍ଗିନ ଖାଲାଉକୁ ତାର ନିଜ ସଂଗଠନର ସଦସ୍ୟମାନେ ଗୁଳି କରି ହତ୍ୟା କରିଛନ୍ତି। କାର୍ବି ଅଙ୍ଗଲଙ୍ଗ ଜିଲ୍ଲାର ଦକ୍ଷିଣାଞ୍ଚଳ ପାର୍ବ୍ୟତାଞ୍ଚଳ ଇଲାକାରେ ସେମାନଙ୍କ ମଧ୍ୟରେ ସଂଘର୍ଷର ସୂତ୍ରପାତ ପରେ ତାର ନିକଟତମ ସହଯୋଗୀ ମାଙ୍ଗିନକୁ ହତ୍ୟା କରିଥିଲେ। ପୋଲିସ ସୂତ୍ରରୁ ପ୍ରକାଶ ଆସାମରେ କୋଟି କୋଟି ଟଙ୍କାର ମୂଲ୍ୟବାନ କାଠ ଚାଲାଣରେ ଦୀର୍ଘ ଦିନ ଧରି ମାଙ୍ଗିନର ହାତ ରହିଥିଲା। ଏଣୁ ତାକୁ ଆସାମର ବୀରାପ୍ପାନ କୁହାଯାଉଥିଲା। ବିଭିନ୍ନ ଏନକାଉଣ୍ଟରରେ ତାର ଅନେକ ସହଯୋଗୀ ପ୍ରାଣ ହରାଇଥିଲେ ମଧ୍ୟ ସେ ବର୍ତ୍ତି ଆସୁଥିଲା। କାର୍ବି ଅଙ୍ଗଲଙ୍ଗ ଜିଲ୍ଲା ଅନ୍ତର୍ଗତ ବୋକାଜନ ସହର ନିକଟସ୍ଥ ଖେଙ୍ଗାପିବଙ୍ଗରେ ଏହି ଘଟଣା ଘଟିଛି। ତା ମୃତଦେହକୁ ଉଦ୍ଧାର କରିଥିଲା ପୋଲିସ। ପୂର୍ବରୁ ସଂଗଠନର ମୁଖ୍ୟ ମାର୍ଟିନ ଗୁଇଟ ପୋଲିସ ସହ ଏନକାଉଣ୍ଟରରେ ଗତବର୍ଷ ଅକ୍ଟୋବରରେ ନିହତ ହୋଇଥିଲା।

ରାଜନୀତି କରିବେ ନାହିଁ ସୁପରଷ୍ଟାର ରଜନୀକାନ୍ତ, ଭଙ୍ଗ ହେଲା ରଜନୀ ମକ୍କାଲ ମନ୍ଦ୍ରମ

ନୂଆଦିଲ୍ଲୀ: ସୁପରଷ୍ଟାର ରଜନୀକାନ୍ତ ରାଜନୀତି କରିବେ ନାହିଁ। ସୋମବାର ଦିନ ରଜନୀକାନ୍ତ ତାଙ୍କ ଦ୍ୱାରା ଗଠିତ  ରଜନୀ ମକ୍କାଲ ମନ୍ଦ୍ରମର ଭଙ୍ଗ ବାବଦରେ ଘୋଷଣା କରିବା ଦ୍ୱାରା ଏହା ସ୍ପଷ୍ଟ ହୋଇଛି । ଫଳରେ ରଜନୀକାନ୍ତ ରାଜନୀତି କରିବେ ବୋଲି ଯେଉଁ କଳ୍ପନାଜଳ୍ପନା ଚାଲିଥିଲା ତାହାର ଅବସାନ ଘଟିଛି। ଦଳର କର୍ମକର୍ତ୍ତାଙ୍କ ସହ ଆଲୋଚନା ପରେ ସେ ଏହି ଘୋଷଣା କରିଛନ୍ତି। ବର୍ତ୍ତମାନଠାରୁ ରଜନୀ ମକ୍କାଲ ମନ୍ଦ୍ରମର ସ୍ଥାନ ନେବ  ରଜନୀ ରସିଗାର ନରପାନି ମନ୍ଦ୍ରମ । ଯାହାକି କଲ୍ୟାଣମୂଳକ କାର୍ଯ୍ୟ କରିବ। ସେ କହିଛନ୍ତି- ପୂର୍ବରୁ ସେ ରାଜନୀତିରେ ଯୋଗ ଦେବାକୁ ଘୋଷଣା କରିଥିଲେ। ମାତ୍ର ସେ ଏହି ନିଷ୍ପତ୍ତିରୁ ଓହରିଛନ୍ତି।

ଦଳ ପକ୍ଷରୁ ବିଭିନ୍ନ ଜିଲ୍ଲା ଓ ରାଜ୍ୟରେ କମିଟିମାନ ଗଠନ କରାଯାଇଥିଲା। ମାତ୍ର ପରେ ବିଭିନ୍ନ କାରଣରୁ ଏହି ଯୋଜନାକୁ ବାତିଲ କରାଯାଇଛି। ଦଳ ଗଠନ ବେଳେ ଯାହା ଆଶା କରାଯାଇଥିଲା ତାହା ପରିଲକ୍ଷିତ ନ ହେବାରୁ ସେ ଏହି ପଦକ୍ଷେପ ନେଇଛନ୍ତି। ସ୍ୱାସ୍ଥ୍ୟ ପରୀକ୍ଷା ଲାଗି ଆମେରିକା ଯାଇଥିବା ରଜନୀକାନ୍ତ ଫେରିବା ପରେ ଏହି ଘୋଷଣା କରିଛନ୍ତି। କେତେକ କାରଣରୁ ସେ  ଦଳର କର୍ମକର୍ତ୍ତାଙ୍କୁ ଭେଟି ପାରିନଥିଲେ ବୋଲି ଦୁଃଖ ପ୍ରକାଶ କରିଛନ୍ତି ।

ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରରୁ ଉତ୍‌କ୍ଷେପଣ ହେଲା ସୁପରସୋନିକ୍‌ କ୍ରୁଜ୍‌ ମିସାଇଲ ବ୍ରହ୍ମୋସ

ବାଲେଶ୍ୱର: ଶକ୍ତିଶାଳୀ ହେଉଛି ଭାରତୀୟ ସେନା। ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରରୁ ଉତ୍‌କ୍ଷେପଣ ହେଲା ସୁପରସୋନିକ୍‌ କ୍ରୁଜ୍‌ ମିସାଇଲ ବ୍ରହ୍ମୋସ। ଉତ୍‌କ୍ଷେପଣ ପରେ ରାଡ଼ାରରୁ ମିଳିଥିବା ତଥ୍ୟକୁ ନେଇ ଚାଲିଛି ସମିକ୍ଷା। ଭାରତ ଓ ଋଷର ମିଳିତ ସହଯୋଗରେ ନିର୍ମିତ ହୋଇଛି ବ୍ରହ୍ମୋସ। ବ୍ରହ୍ମୋସକୁ ସ୍ଥଳ, ବାୟୁ ଓ ନୌସେନାରେ ସାମିଲ କରାଯାଇଛି। ଏହାର ଲକ୍ଷ୍ୟଭେଦ କ୍ଷ୍ୟମତା ୬୫୦ରୁ ୮୦୦ କିଲୋମିଟର। ଶବ୍ଦର ବେଗ ଠାରୁ ୩ଗୁଣ ଅଧିକ ବେଗରେ ଗତୀ କରିପାରେ ସୁପରସୋନିକ୍‌ ମିସାଇଲ ବ୍ରହ୍ମୋସ। ଏଥିରେ ୨୦୦ରୁ ୩୦୦ କିଲୋଗ୍ରାମ ପର୍ଯ୍ୟନ୍ତ ଆଣବିକ ଯୁଦ୍ଧାସ୍ତ୍ର ବ୍ୟବହାର କରାଯାଇ ପାରିବ।

ପବିତ୍ର ଗୁଣ୍ଡିଚାରେ ସ୍ଥାପନ ହେଲା ବିଜେଡି ନୂଆ କାର୍ଯ୍ୟାଳୟର ଭିତ୍ତିପ୍ରସ୍ତର

ଭୁବନେଶ୍ୱର: ପବିତ୍ର ରଥଯାତ୍ରାରେ ବିଜୁ ଜନତା ଦଳର ଅତ୍ୟାଧୁନିକ ବ୍ୟବସ୍ଥାରେ ନିର୍ମାଣ ହେବାକୁ ଥିବା ବିଜେଡି ରାଜ୍ୟ ମୁଖ୍ୟାଳୟର ଭିତ୍ତିପ୍ରସ୍ତର ସ୍ଥାପନ କଲେ ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସାଢେ ଚାରି କୋଟି ଓଡ଼ିଆଙ୍କ ସେବାରେ ସମର୍ପିତ ହେବ କାର୍ଯ୍ୟଳୟ। ଗତ ୨୩ ବର୍ଷ ଭିତରେ ଓଡିଶା ବାସୀଙ୍କ ନିକଟରେ ବିଜୁ ଜନତା ଦଳ ଆଶା ଓ ବିଶ୍ଵାସର ପ୍ରତୀକ ହୋଇ ଛିଡ଼ା ହୋଇଛି। ଯୁବ, ଛାତ୍ର, ମହିଳା, କୃଷକ, ସଂଖାଲଘୁ, ଅନୁସୂଚିତ ଜାତି ଓ ଜନଜାତି, ପଛୁଆ ବର୍ଗ ସମସ୍ତଙ୍କୁ ନେଇ ବିଜେଡ଼ିର ସଭ୍ୟ ସଂଖ୍ୟା ୧ କୋଟିରୁ ଉର୍ଦ୍ଧ୍ୱରେ ପହଁଚିଛି। ରଥଯାତ୍ରା ଅବସରରେ ବିଜୁ ଜନତା ଦଳର ସଭାପତି ତଥା ମୁଖ୍ୟମନ୍ତ୍ରୀ ନୂତନ କାର୍ଯ୍ୟାଳୟର ଭିତ୍ତିପ୍ରସ୍ତର ସ୍ଥାପନ କରିଛନ୍ତି।

ଏଥିରେ ବିଜୁ ଜନତା ଦଳର ସମସ୍ତ ଶାଖା କାର୍ଯ୍ୟକ୍ଷମ ହେବ। ଏହା ସହିତ ରକ୍ତ ଦାନ ଓ ଅନ୍ୟାନ୍ୟ ସାମାଜିକ କାର୍ଯ୍ୟକ୍ରମ ପାଇଁ ବ୍ୟବସ୍ଥା କରାଯିବ। ବିଜୁ ଯୁବ ଓ ଛାତ୍ର ନିଜର ଘର ଭାବି ଏହି କାର୍ଯ୍ୟକ୍ରମରେ ଶ୍ରମ ଦାନ କରିବେ। କାର୍ଯ୍ୟାଳୟ ମାଧ୍ୟମରେ ଓଡ଼ିଶା ବାସୀଙ୍କ ପାଇଁ ବିଜୁ ଜନତା ଦଳର ସମସ୍ତ କର୍ମକର୍ତ୍ତା ସମର୍ପଣ କରିବେ ବୋଲି ବୋଲି କହିଛନ୍ତି ବିଜେଡ଼ି ସଂଗଠନ ସଂପାଦକ ପ୍ରଣବ ପ୍ରକାଶ ଦାସ୍‌।

ସେପଟେ ଗତ ୨୩ ବର୍ଷ ପରେ ବିଜେଡ଼ି ମୁଖ୍ୟାଳୟ ନୂଆ ରୂପ ନେବାକୁ ଯାଉଛି। ଆଜି ତାହାର ଭୂମି ପୂଜନ କରିଛନ୍ତି ମୁଖ୍ୟମନ୍ତ୍ରୀ। ଏହା ଆମ ସମସ୍ତଙ୍କ ପାଇଁ ଏକ ଐତିହାସିକ ମୁହୂର୍ତ୍ତ। ରାଜ୍ୟ କାର୍ଯ୍ୟାଳୟଠୁ ଆରମ୍ଭ କରି ୩୦ ଟି ଜିଲ୍ଲାର ସଦର ମହକୁମାରେ ଜିଲ୍ଲା କାର୍ଯ୍ୟାଳୟ ସ୍ଥାପନ କରାଯିବ। ଅତ୍ୟାଧୁନିକ ଜ୍ଞାନ କୌଶଳ ସହିତ ଏହି ନିର୍ମାଣ କାର୍ଯ୍ୟ ହେବ। ଏହାକୁ ୩ ଟି ମହଲା ଭିତରେ ସଂକ୍ଷିପ୍ତ ରଖାଯିବ। ଏହାର ବାସ୍ତୁ ଓ ନିର୍ମାଣକୁ ସ୍ୱତନ୍ତ୍ର ଭାବେ କରାଯାଇଛି ଯେଉଁଥିରେ ଓଡ଼ିଶାର ସ୍ଥାପତ୍ୟ ଓ କଳାକୁ ଗୁରୁତ୍ୱ ଦିଆଯିବ। ଏହା ଭିତରେ ଏକ ବଡ଼ ଅଡ଼ିଟୋରିୟମ ଓ ରିଟର୍ଣ୍ଣିଂ ରୁମ କରାଯିବାର ବ୍ୟବସ୍ଥା ରଖାଯାଇଛି ସଞ୍ଜୟ ଦାସବର୍ମାଙ୍କ ପ୍ରତିକ୍ରିୟା ଦେଇଛନ୍ତି। ଆଜିର ଭୂମି ପୂଜନରେ ଦଳର ଛାମୁଆ ନେତା, ମନ୍ତ୍ରୀ ଓ ବରିଷ୍ଠ ସଦସ୍ୟ ଉପସ୍ଥିତ ଥିଲେ।

କରୋନା ସଂକ୍ରମଣ ବଢ଼ିବା କାରଣରୁ ସିଲ୍‌ ହେଲା ବଲିଉଡ୍‌ ଅଭିନେତା ସୁନିଲ ଶେଟ୍ଟୀଙ୍କ ଘର

ମୁମ୍ବାଇ: ମୁମ୍ବାଇରେ ବୃଦ୍ଧି ପାଉଛି କରୋନା ସଂକ୍ରମଣ। ମୁମ୍ବାଇର ଆଲ୍ଟାମାଉଣ୍ଟ ରୋଡରେ ଥିବା ପୃଥିବୀ ଆପାର୍ଟମେଣ୍ଟକୁ ସିଲ୍ କରାଯାଇଛି। ବଲିଉଡ ଅଭିନେତା ସୁନୀଲ ଶେଟ୍ଟୀଙ୍କ ଘର ଏହି ବିଲଡିଂରେ ଅଛି। ବିଲ୍ଡିଂକୁ ସିଲ୍ କରିବାର କାରଣ ହେଉଛି ଏହି ବିଲ୍ଡିଂରେ ବାରମ୍ବାର କରୋନା ମାମଲା ବୃଦ୍ଧି ପାଇଥିଲା। ନିୟମ ଅନୁଯାୟୀ, ଯଦି କୌଣସି ବିଲ୍ଡିଂରେ ପାଞ୍ଚଟି କରୋନା ମାମଲା ଦେଖାଯାଏ, ତେବେ ଏହାକୁ ସିଲ୍ କରିବା ଆବଶ୍ୟକ। ତେବେ ପ୍ରଶଂସକମାନେ ଜାଣି ଖୁସି ହେବେ ଯେ ସୁନୀଲ ଶେଟ୍ଟୀ ଏବଂ ତାଙ୍କ ପରିବାର ବର୍ତ୍ତମାନ ମୁମ୍ବାଇରୁ ବାହାରେ ରହିଛନ୍ତି। ସେଥିପାଇଁ କରୋନାକୁ ନେଇ ତାଙ୍କ ଉପରେ କୌଣସି ପ୍ରଭାବ ନାହିଁ।

ଏହି ବିଲଡିଂରେ ୩୦ ମହଲା ଏବଂ ୧୨୦ ଫ୍ଲାଟ ଅଛି। ଏହି କୋଠାକୁ ସିଲ୍ କରାଯାଇଛି ବୋଲି ମୁମ୍ବାଇର ଡି ୱାର୍ଡର ସହକାରୀ କମିଶନର ପ୍ରଶାନ୍ତ ଗାଇକୱାଡ ନିଶ୍ଚିତ କରିଛନ୍ତି। ବର୍ତ୍ତମାନ ମୁମ୍ବାଇର ଡି ୱାର୍ଡରେ କରୋନା ସଂକ୍ରମିତ ଚିହ୍ନଟ ହୋଇଥିବା ୧୦ ଟି ସ୍ଥାନକୁ ସିଲ୍ କରାଯାଇଛି। ଏଥିରେ ମାଲାବାର ହିଲ ଏବଂ ପେଡର୍ ରୋଡ୍ ମଧ୍ୟ ଅନ୍ତର୍ଭୁକ୍ତ ରହିଛି।

ସବୁଠାରୁ ଦୁର୍ଗମ ଏବଂ ଉଚ୍ଚ ସ୍ଥାନ ତିବ୍ଦତରେ ବୁଲେଟ ଟ୍ରେନ୍‌ ଚଳାଚଳ ଆରମ୍ଭ କଲା ଚୀନ୍‌, ଭାରତର ବଢ଼ିଲା ଚିନ୍ତା

ନୁଆଦିଲ୍ଲୀ: ତିବ୍ଦତରେ ଚୀନ୍‌ର ପ୍ରଥମ ବୁଲେଟ୍ ଟ୍ରେନ୍‌ର ଚିତ୍ର ସାମ୍ନାକୁ ଆସିଛି। ଚୀନ୍ ୨୫ ଜୁନ୍ ରୁ ଏହାର କାର୍ଯ୍ୟ ଆରମ୍ଭ କରିଥିଲା। ତିବ୍ଦତରେ ପ୍ରଥମ ଥର ପାଇଁ ଯାତ୍ରୀମାନେ ଏକ ହାଇ ସ୍ପିଡ୍ ବୁଲେଟ୍ ଟ୍ରେନରେ ବସି ପାର୍ବତର ଦୃଶ୍ୟକୁ ଉପଭୋଗ କରିଛନ୍ତି। ଏହି ଟ୍ରେନ୍ ତିବ୍ଦତର ପ୍ରାଦେଶିକ ରାଜଧାନୀ ଲାସା ଏବଂ ଅରୁଣାଚଳ ପ୍ରଦେଶ ସୀମାବର୍ତ୍ତୀ ସହର ନିଙ୍ଗିଚିକୁ ସଂଯୋଗ କରୁଛି।

ଲାସାକୁ ନିଙ୍ଗଚି ସହର ସହିତ ସଂଯୋଗ କରୁଥିବା ଏହି ଲାଇନର ଲମ୍ବ ୪୩୫ କିଲୋମିଟର। ଏହି ହାଇ ସ୍ପିଡ୍ ଟ୍ରେନ୍ ଚାଇନାର ୩୧ ଟି ପ୍ରାଦେଶିକ ସହର ଦେଇ ଯାଉଛି। ତେବେ ଅରୁଣାଚଳର ସୀମା ପର୍ଯ୍ୟନ୍ତ ଚୀନ୍ ଏହାର ଭିତ୍ତିଭୂମିକୁ ମଜବୁତ କରୁଥିବା ବେଳେ ଭାରତର ଚିନ୍ତା ବଢ଼ିବାରେ ଲାଗିଛି।

୪୭ ଟନେଲ୍, ୧୨୧ ବ୍ରିଜ୍: ତିବ୍ଦତରେ ଏକ ଉଚ୍ଚ ଗତିର ରେଳପଥ ନିର୍ମାଣ କରିବା ଏତେ ସହଜ ହୋଇନଥିଲା। ଏତେ ଉଚା ସ୍ଥାନରେ ବୁଲେଟ ଟ୍ରେନ୍‌ ପାଇଁ ଟ୍ରାକ୍‌ ନିର୍ମାଣ କରିବା ବହୁତ କଷ୍ଟ ସାଧ୍ୟ ହୋଇଥିଲା। ସମୁଦ୍ର ପତନଠାରୁ ୩ ହଜାର ମିଟର ଉଚ୍ଚରେ ଅବସ୍ଥିତ ଏହି ଲାଇନର ୯୦ ପ୍ରତିଶତ ନିର୍ମାଣ ପାଇଁ ଚାଇନାକୁ ଛଅ ବର୍ଷ ସମୟ ଲାଗିଥିଲା।

ଲାସା-ନିଙ୍ଗଚି ଲାଇନରେ ୪୭ ଟି ଟନେଲ ଏବଂ ୧୨୧ ଟି ବ୍ରିଜ୍‌ ରହିଛି। ସମଗ୍ର ବୁଲେଟ ଟ୍ରେନ୍‌ ରାସ୍ତାର ୭୫ ପ୍ରତିଶତ ହେଉଛି ବ୍ରିଜ୍‌ ଏବଂ ଟନେଲର ରାସ୍ତା। ଏଥିରେ ୫୨୫ ମିଟର ଲମ୍ବ ଜାଙ୍ଗମୁ ରେଳ ବ୍ରିଜ ଅନ୍ତର୍ଭୂକ୍ତ ହୋଇଛି, ଯାହାକି ଦୁନିଆର ସବୁଠାରୁ ବଡ ଏବଂ ସର୍ବୋଚ୍ଚ ଆର୍କ ବ୍ରିଜ ଅଟେ।

ରିପୋର୍ଟ ଅନୁଯାୟୀ ଚୀନ୍ ଷ୍ଟେଟ୍ ରେଲୱେ ଗ୍ରୁପ୍ ଦ୍ୱାରା ନିର୍ମିତ ଏହି ରେଳ ଲାଇନ ନିର୍ମାଣ ପାଇଁ ୫.୬ ବିଲିୟନ ଡ଼ଲାର୍ ଖର୍ଚ୍ଚ ହୋଇଛି। ହାଇ ସ୍ପିଡ୍ ଇଲେକ୍ଟ୍ରିକ୍ ଟ୍ରେନର ଫକ୍ସିଂ ସିରିଜ୍ ଅଧୀନରେ ଏହା ପରିଚାଳିତ ହେଉଛି। ବହୁ ଉଚ୍ଚତାରେ ଚାଲୁଥିବା ଫକ୍ସିଂ ଟ୍ରେନ୍ ଗୁଡିକ ସ୍ୱୟଂଚାଳିତ ଅମ୍ଳଜାନ ଯୋଗାଣ ପ୍ରଣାଳୀ ସାମିଲ ରହିଛି। ଏହି ପ୍ରଣାଳୀ ପର୍ବତର ଉଚ୍ଚତାରେ ଚାଲୁଥିବା ଟ୍ରେନରେ ୨୩.୬% ଅମ୍ଳଜାନ ସ୍ତର ବଜାୟ ରଖେ।

ତିବ୍ଦତରେ ପର୍ବତ ଉପରେ ସୂର୍ଯ୍ୟ କିରଣ କାରଣରୁ ଅଧିକ ଉଜ୍ଜ୍ୱଳ ହୋଇଥାଏ। ସେଥିପାଇଁ ଏହି ବୁଲେଟ୍ ଟ୍ରେନର ୱିଣ୍ଡୋରେ ସ୍ୱତନ୍ତ୍ର ଗ୍ଲାସ୍ ଲଗାଯାଇଛି। ଏହି କାରଣରୁ ଯାତ୍ରୀମାନଙ୍କ ଚର୍ମ ସୂର୍ଯ୍ୟଙ୍କ ପ୍ରବଳ ଆଲୋକରୁ ରକ୍ଷା ପାଇପାରିବ।

ଲାସା – ନିଙ୍ଗଚି ଲାଇନରେ ନଅଟି ଷ୍ଟେସନ୍ ଅଛି । ଫକ୍ସିଂ ଟ୍ରେନ୍ ଉଭୟ ବୈଦ୍ୟୁତିକ ଏବଂ ଅଣ-ବୈଦ୍ୟୁତିକ ପ୍ରଣାଳିରେ ଚଲାଇବାରେ ସକ୍ଷମ। ଡୁଆଲ୍ ପାୱାର୍ ଇଞ୍ଜିନ୍ ହେତୁ ଏହି ବୁଲେଟ୍ ଟ୍ରେନ୍ ଗୁଡିକ ବିଦ୍ୟୁତ୍ ଏବଂ ବିନା ବିଦ୍ୟୁତ୍ ଚଲାଇବାରେ ସକ୍ଷମ ହୋଇଛି।

ଧାଡ଼ି ପହଣ୍ଡି ପରେ ଏବେ ରଥାରୂଢ଼ ହୋଇଛନ୍ତି ଚତୁର୍ଦ୍ଧା ମୁରତି, କିଛି ସମୟ ପରେ ଆରମ୍ଭ ହେବ ରଥଟଣା

ପୁରୀ: ଧାଡ଼ି ପହଣ୍ଡି ପରେ ରଥାରୂଢ଼ ହୋଇଛନ୍ତି ଚତୁର୍ଦ୍ଧା ମୂର୍ତ୍ତି। ଦେଉଳ ଭିତରୁ ଧାଡ଼ିରେ ଛୁଟି ଆସିଛନ୍ତି ମହାପ୍ରଭୁ। ପ୍ରଥମେ ସୁଦର୍ଶନ, ତାପରେ ବଳଭଦ୍ର, ମଝିରେ ଆସିଥିଲେ ଗେଲି ଭଉଣୀ ସୁଭଦ୍ରା ଏବଂ ସବୁଠାରୁ ଶେଷରେ ଟାହିଆକୁ ଦୋହଲାଇ ହୋହଲାଇ ଆସିଥିଲେ ନଟବର ନଟିଆ କାଳିଆ ସାଆନ୍ତ ମହାବାହୁ। ଜଣଙ୍କ ପରେ ଜଣେ ଆସି ରଥାରୂଢ଼ ହୋଇଥିଲେ। ଚତୁର୍ଦ୍ଧା ମୁରତିଙ୍କୁ ରଥ ଉପରେ ଦେଖି ବିଜିଛି ନେତ୍ର ଅଥୟ ହୋଇ ଉଠିଛି ପାଦ। ଘଣ୍ଟା ଘଣ୍ଟା ହରିବୋଲରେ ପ୍ରକମମ୍ପିତ ହୋଇ ଉଠିଛି ବଡ଼ ଦାଣ୍ଡ। ଏବେ ଖାଲି ଅପେକ୍ଷା ରଥ ଟଣାକୁ। ରାଜପ୍ରସାଦରୁ ରାଜା ଛେରାପହଁରା ସାରିବା ପରେ ଆରମ୍ଭ ହେବ ରଥ ଟଣା। ତେବେ କରୋନା କଟକଣା ଲାଗିଥିବାରୁ କେବଳ ପୋଲିସ ଏବଂ ସେବାୟତ ରଥ ଟାଣିବେ।

ଦେଶରେ ଥମିବାରେ ଲାଗିଛି କରୋନାର ଦ୍ୱିତୀୟ ଲହର, ୩୭୧୫୪ ନୂଆ ସଂକ୍ରମିତ ଚିହ୍ନଟ

ଦେଶରେ ଲଗାତାର କମୁଛି ସଂକ୍ରମଣ । ଦିନକରେ  ୩୭ ହଜାର ୧୫୪ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ୭୨୪ଜଣଙ୍କ ଜୀବନ ନେଇଛି କିଲର ଭାଇରସ୍। ଦେଶର ମୋଟ୍ ମୃତ୍ୟୁ ସଂଖ୍ୟା ୪ଲକ୍ଷ ୮ହଜାର ୮୯୯ରେ ପହଞ୍ଚିଥିବା ବେଲେ ମୋଟ୍ ସୁସ୍ଥ ହୋଇଛନ୍ତି  ୩କୋଟି ୧୪ହଜାର ୭୧୩ ସଂକ୍ରମିତ ଚିହ୍ନଟ ହୋଇଛନ୍ତି। ଆକ୍ଟିଭ କେସ୍ ୪ ଲକ୍ଷ ୫୦ହଜାର ୮୯୯ ଥିବା ବେଳେ ମୋଟ୍ ୩୭ କୋଟି ୭୩ଲକ୍ଷ ୫୨ହଜାର ୫୦୧ଜଣଙ୍କୁ ଟିକା ଦିଆଯାଇଥିବା ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି। ଦେଶରେ ମହାମାରୀର ଦ୍ୱିତୀୟ ଲହରର ବେଗ ଥମିବାରେ ଲାଗିଛି। ଦୈନିକ କରୋନା ରୋଗ ହ୍ରାସ ପାଇଉଛି। ଗତ ୨୪ ଘଣ୍ଟା ମଧ୍ୟରେ ଦେଶରେ ୩୭,୧୫୪ ନୂତନ ରୋଗୀ ଦେଖିବାକୁ ପାଇଛନ୍ତି ଏବଂ ସଂକ୍ରମଣ ହେତୁ ୭୨୪ ଜଣ ଲୋକ ପ୍ରାଣ ହରାଇଛନ୍ତି।

ଶୌଚ ପାଇଁ ଯାଇଥିବା ବେଳେ ହାତୀ ଆକ୍ରମଣରେ ବୃଦ୍ଧାଙ୍କର ମୃତ୍ୟୁ

ଯୋଡ଼ା: ଚମ୍ପୁଆ ରେଞ୍ଜରେ ଥମୁନି ହାତୀ ଆତଙ୍କ। ହାତୀପଲ, କେତେବେଳେ ଘରଦ୍ୱାର ଭାଙ୍ଗି ଦେଉଛନ୍ତି ତ ଆଉ କେତେବେଳେ ଫସଲ ଉଜାଡ଼ି ଦେଉଛନ୍ତି। ବିଭିନ୍ନ ସମୟରେ ହାତୀ ଆକ୍ରମଣରେ ଲୋକଙ୍କ ପ୍ରାଣହାନୀ ଘଟୁଛି। ଗତ ରାତିରେ ପୁଣି ଏହିଭଳି ଏକ ଦୁଃଖଦ ଘଟଣା ଘଟିଛି। ଚମ୍ପୁଆ ଏନଏସି, ୨ନଂ ୱାର୍ଡ, ପାଞ୍ଚ ପୋଖରୀଆ ଅଂଚଳରେ ଗୋଠ ଛଡା ଦନ୍ତାହାତୀ ଆକ୍ରମଣରେ ଜଣେ ବୃଦ୍ଧାଙ୍କ ମୃତ୍ୟୁ ଶୋଚନୀୟ ଘଟିଛି। ମୃତକ ପାଞ୍ଚ ପୋଖରୀଆ ମୁଣ୍ଡା ସାହିର ୬୦ ବର୍ଷିୟା ରାଜେଶ୍ୱରୀ ସର୍ଦ୍ଧାର।

ଗତ ବିଳମ୍ବିତ ରାତିରେ ଶୌଚ ପାଇଁ ଅଗଣାକୁ ଯାଇଥିବା ବେଳେ, ଗୋଠ ଛଡା ଦନ୍ତା ହାବୁଡ଼ରେ ପଡିଯାଇଥିଲେ ବୃଦ୍ଧା। ବୃଦ୍ଧାଙ୍କୁ ଟେକି କଚାଡି ଦେଇଥିଲା ଦନ୍ତା। ସଙ୍କଟାପନ୍ନ ଅବସ୍ଥାରେ ଉଦ୍ଧାର କରାଯାଇ ତାଙ୍କୁ ପ୍ରଥମେ ଚମ୍ପୁଆ ମେଡିକାଲକୁ ନିଆଯାଇଥିଲା ଓ ପରେ କେନ୍ଦୁଝର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ତେବେ କେନ୍ଦୁଝର ନେବା ବାଟରେ ତାଙ୍କର ପ୍ରାଣବାୟୁ ଉଡ଼ିଯାଇଥିଲା। ଏନେଇ ବନ ବିଭାଗ ପକ୍ଷରୁ ଘଟଣାର ତଦନ୍ତ ଜାରି ରହିଛି ।

ୟୁରୋ କପ୍‌ ହାତେଇଲା ଇଟାଲୀ, ଇଂଲଣ୍ଡକୁ ପେନାଲ୍ଟି ଶୁଟଆଉଟ୍‌ରେ ହରାଇଲା ଇଟାଲୀ

ନୂଆଦିଲ୍ଲୀ: ୟୁରୋ କପ୍ ଫାଇନାଲ ମୁକାବିଲାରେ ଇଂଲଣ୍ଡକୁ ପେନାଲ୍ଟି ଶୁଟଆଉଟ୍‌ରେ ହରାଇଲା ଇଟାଲୀ। ଇଂଲଣ୍ଡକୁ ପେନାଲ୍ଟି ଶୁଟଆଉଟ୍‌ ୩-୨ରେ ହରାଇ ଟାଇଟଲ ହାସଲ କରିଛି ଇଟାଲୀ। ଇଟାଲି ଟିମ୍ ଦ୍ୱିତୀୟ ଥର ପାଇଁ ୟୁରୋ କପ ବିଜୟୀ ହୋଇଛି। ଇଂଲଣ୍ଡ ୫୫ ବର୍ଷ ପରେ ପାଇଥିବା ସୁଯୋଗକୁ ହାତଛଡା କରିଛି। ଇଟାଲି ଫାଇନାଲରେ ଜିତିବା ସହ ଲଗାତର ୩୪ଟି ମ୍ୟାଚ୍ ଜିତି ବିଜୟ ରଥକୁ ଆଗକୁ ନେଇଛି।

ଏହାପୂର୍ବରୁ ଇଟାଲି ୧୯୬୮ରେ ୟୁରୋ କପ୍ ଜିତିଥିଲା। ଏହା ଦ୍ୱିତୀୟ ଥର ପାଇଁ ହୋଇଛି ଯେତେବେଳେ ୟୁରୋ କପ୍ ଫାଇନାଲ ମ୍ୟାଚର ଫଳାଫଳ ପେନାଲ୍ଟି ଶୁଟଆଉଟରେ ବାହାରିଥିଲା। ଇଟାଲି ତରଫରୁ ଡୋମାନିକା ବେରାଡି, ଫେଡରିକୋ ଓ ଲିୟୋନାଡୋ ଗୋଲ୍ ଦେଇଥିଲେ। ଇଂଲଣ୍ଡ ପକ୍ଷରୁ ହ୍ୟାରି କେନ୍, ହ୍ୟାରି ମାଗୁଆର ଗୋଲ୍ ଦେଇଥିଲେ।