spot_img
Home Blog Page 5565

ଆଫଗାନ ରାଷ୍ଟ୍ରଦୂତଙ୍କ ଝିଅଙ୍କୁ ଅପହରଣ, ଅପହରଣ ପରେ ଭୀଷଣ ନିର୍ଯାତନା

କାବୁଲ: ଆଫଗାନିସ୍ତାନରେ ଅସ୍ଥିରତା ଜାରି ରହିଥିବାବେଳେ ପାକିସ୍ତାନସ୍ଥିତ ଆଫଗାନ ରାଷ୍ଟ୍ରଦୂତ ନାଜିବୁଲ୍ଲା ଅଲିଖିଲଙ୍କ କନ୍ୟାଙ୍କୁ କରାଯାଇଛି ଅପହରଣ । ଇସଲାମାବାଦରେ ଅଲିଖିଲଙ୍କ ୨୭ ବର୍ଷ ବୟସ୍କା କନ୍ୟା ସିଲସିଲା ଅଲିଖିଲଙ୍କୁ ଅପହରଣ ପରେ ଭୀଷଣ ନିର୍ଯାତନା ଦିଆଯାଇଛି । ନିର୍ଯାତନାର କିଛି ଘଣ୍ଟା ପରେ ତାଙ୍କୁ ମୁକ୍ତ କରାଯାଇଛି । ଏହି ଘଟଣା ଆନ୍ତର୍ଜାତିକ ସ୍ତରରେ ଚାଞ୍ଚଲ୍ୟ ସୃଷ୍ଟି କରିଛି ।

ଏହି ଘଟଣାକୁ ନେଇ ଆଫଗାନ ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ତୀବ୍ର ନିନ୍ଦା କରାଯାଇଛି । ପାକିସ୍ତାନରେ ରାଷ୍ଟ୍ରଦୂତଙ୍କ ସୁରକ୍ଷା ଉପରେ ଗୁରୁତ୍ବ ଦେଇଛି ଆଫଗାନିସ୍ତାନ । ଏହା ସହ ବିଭିନ୍ନ ଅଫିସର କର୍ମଚାରୀଙ୍କୁ ସୁରକ୍ଷା ଯୋଗାଇଦେବା ଲାଗି ଆଫଗାନିସ୍ତାନ ଦାବି କରିଛି । ସିଲସିଲାଙ୍କୁ ଏବେ ଗୁରୁତର ଅବସ୍ଥାରେ ଚିକିତ୍ସା କରାଯାଉଛି । ଏହି ଘଟଣା ପରେ ଦୁଇ ଦେଶ ମଧ୍ୟରେ କୂଟନୈତିକ ସ୍ତରରେ ଆଲୋଚନା ହୋଇଛି ।

ବିଶ୍ୱାସ/ ଅନ୍ଧବିଶ୍ୱାସ: ଗୋପାଳନ କରନ୍ତି କିନ୍ତୁ କ୍ଷୀର ବ୍ୟବହାର କରନ୍ତିନି

ମାଲକାନଗିରି:  ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳରେ ବସବାସ କରୁଥିବା ଲୋକମାନେ ଅତି ଯତ୍ନରେ ଗାଈ ପାଳନ୍ତି । କିନ୍ତୁ କ୍ଷୀର ଟୋପାଏ ଦୁହିଁବାକୁ ସଂକୋଚ କରନ୍ତି । ପିଢି ପରେ ପିଢି ଏହି ପରମ୍ପରା ଚାଲିଆସିଛି । କାହିଁକି କ୍ଷୀର ଦୁହିଁବାକୁ ସଂକୋଚ କରନ୍ତି ତାହାର କିଛି ତଥ୍ୟ ସେମାନଙ୍କ ପାଖରେ ନାହିଁ । ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳରେ ଏବେବି ଏମିତି କିଛି ଅଜବ ବିଶ୍ୱାସ ବଞ୍ଚିଛି । ତାହା ବୋଲି ଗାଈର ଯତ୍ନ ନେବାରେ ଆଜି ଯାଏଁ କୌଣସି ପ୍ରକାର ଅବହେଳା କରିନାହାନ୍ତି ।

ଦୀର୍ଘଦିନ ହେଲା ବିଛିନ୍ନ ହୋଇ ରହିଥିଲା ଚିତ୍ରକୋଣ୍ଡା ବ୍ଲକର ସାତଟି ପଞ୍ଚାୟତ । ବର୍ତ୍ତମାନ ଗୁରୁପ୍ରିୟା ସେତୁ ନିର୍ମାଣ ପରେ ଏବେ ସମସ୍ତ ପଞ୍ଚାୟତ ବାହ୍ୟଜଗତ ସହ ଯୋଡ଼ି ହେବାକୁ ଲାଗିଛି । ଏହି ଅଞ୍ଚଳ ଗୁଡିକରେ ବର୍ତମାନ ଧୀରେ ଧୀରେ ବିକାଶ ପହଞ୍ଚୁଛି । ବର୍ତମାନ ଏହି ସ୍ୱାଭିମାନ ଅଞ୍ଚଳବାସୀ କେମିତି ଜୀବନ ବଞ୍ଚୁଛନ୍ତି ତାହା ଅନୁଧ୍ୟାନ କରିବାବେଳେ ସାମ୍ନାକୁ ଆସିଲା ଗୋଟିଏ ଚକିତ କଲାଭଳି ପରମ୍ପରା । ଏହି ଅଞ୍ଚଳରେ ସମସ୍ତେ ଗାଈ ପାଳନ କରନ୍ତି ଗାଈ ଗୋବରକୁ ଖତ କରି ଚାଷ କାର୍ଯ୍ୟରେ ବ୍ୟବହାର କରନ୍ତି କିନ୍ତୁ କ୍ଷୀରକୁ ବ୍ୟବହାର କରନ୍ତି ନାହିଁ । ଏମିତି ଏକ ଅଜବ ପରମ୍ପରା ଦେଖବାକୁ ମିଳିଥିଲା । ପଚାରୁ ପଚାରୁ ଏଠାକାର ସମସ୍ତ ବାସିନ୍ଦା ଗାଈରୁକ୍ଷୀର  ନଦୁହିଁ ବାଛୁରୀ ପାଇଁ ଛାଡ଼ିଦେବା କଥା କହୁଥିବା ବେଳେ ଆଉ କେତେ ଲୋକ ଭଗବାନଙ୍କୁ ବିଶ୍ୱାସ କରି ଖୀର ଦୁହୁଁ ନଥିବା କଥା କହୁଥିଲେ ।

ଅନେକ ଲୋକେ ପୁଣି ଏଭଳି ଉତ୍ତର ଦେଇ କହିଥିଲେ ଯେ ପୂର୍ବ ପୁରୁଷ ପ୍ରଣୟନ କରିଥିବା ପରମ୍ପରାକୁ ପିଢି ପରେ ପିଢି ନିଭେଇ ଆସୁଛୁ । କେବେଳ ଦେବା ଦେବୀଙ୍କ ପୂଜା ସମୟରେ କ୍ଷୀର ଦୁହିଁ ପୂଜା କରନ୍ତି । ଅନ୍ୟ ସମୟରେ ସେମାନେ କ୍ଷୀର କେବେ ଦୁହାଁନ୍ତିନି ବୋଲି ଜଣା ପଡିଥିଲା । କିନ୍ତୁ ଏହା ପଛରେ ଯୁକ୍ତି ରହିଥିବା ସେମାନେ ମନେ କରନ୍ତି । ସେହି ପରି ନିଜ ପରମ୍ପରାକୁ ବଞ୍ଚାଇବା ପାଇଁ ପୂର୍ବ ପୁରୁଷଙ୍କ ନିଷ୍ପତିକୁ ସମ୍ମାନ ଦେବା ତାଙ୍କର ମୁଖ୍ୟ ଉଦେଶ୍ୟ ବୋଲି କହନ୍ତି । ତେବେ ସେହି ଅଞ୍ଚଳର ଅନ୍ୟ କିଛି ଜଣା କହିବା କଥା ଅନୁଯାଇ ଦେବା ଦେବୀଙ୍କୁ ସନ୍ତୁଷ୍ଟ ରଖିବା ପାଇଁ ପୂର୍ବପୁରୁଷ ଏହି ପରମ୍ପରାକୁ ପାଳନ କରିବା ପାଇଁ ଆଦେଶ ଦେଇଥିଲେ ଯାହା ଆଜି ପର୍ଯ୍ୟନ୍ତ ବଞ୍ଚି ରହିଛି ।

ଓଡ଼ିଶା ଭୂ-ବନ୍ଦୋବସ୍ତ ଆଇନ୍ ୧୯୬୨ରେ ହେବ ସଂଶୋଧନ, ଷ୍ଟାମ୍ପ ଖର୍ଚ୍ଚ ହଜାରେ ଟଙ୍କା ରହିବ

ଭୁବନେଶ୍ୱର: ଓଡ଼ିଶା ଭୂ-ବନ୍ଦୋବସ୍ତ ଆଇନ୍ ୧୯୬୨ରେ ହେବ ସଂଶୋଧନ । ପୂର୍ବ ଆଇନରେ ଥିବା ଅସଙ୍ଗତିକୁ ଦୂର କରିବା ପାଇଁ ସଂଶୋଧନ ପ୍ରସ୍ତାବକୁ କ୍ୟାବିନେଟ ମଞ୍ଜୁରୀ ମିଳିଛି । ଜମି କିଣାବିକା ସମୟରେ ପାଓ୍ବାର ଅଫ୍ ଆଟର୍ଣ୍ଣି ଚୁକ୍ତିପତ୍ର ପାଇଁ ହେଉଥିବା ଷ୍ଟାମ୍ପ ଖର୍ଚ୍ଚକୁ ୫ ପ୍ରତିଶତରୁ ଦୁଇ ପ୍ରତିଶତକୁ ହ୍ରାସ କରାଯାଇଛି । ସର୍ବନିମ୍ନ ଷ୍ଟାମ୍ପ ଖର୍ଚ୍ଚ ହଜାରେ ଟଙ୍କା ରହିବ । ତେବେ ରାଜ୍ୟର ରାଜସ୍ବ ବୃଦ୍ଧି ପାଇଁ ପୂର୍ବ ନିବନ୍ଧିତ ଦଲିଲର ପ୍ରମାଣପତ୍ର ନକଲ ପାଇଁ ଷ୍ଟାମ୍ପ ଦେୟ ୧୦ ଟଙ୍କାରୁ ୧୦୦ ଟଙ୍କାକୁ ବୃଦ୍ଧି କରାଯାଇଛି ।

ସେହିଭଳି ଅବଢା ଯୋଜନାରେ ଖଣ୍ଡଲାଇଟ୍ ପଥର ଉପରେ ରୟାଲଟି ଛାଡ କରାଯାଇଛି । ସୁନ୍ଦରଗଡ ଜିଲ୍ଲାର ଡୁଡୁକା- ଗୋପାଳପୁର- ଟୋପାରିଆ ରାସ୍ତାର ସଂପ୍ରସାରଣ ପାଇଁ ଖର୍ଚ୍ଚ ହେବ ୧ ଶହ ୨କୋଟି ୬୫ ଲକ୍ଷ ଟଙ୍କା । ପଞ୍ଚାୟତ ନିର୍ବାହୀ ଅଧିକାରୀ ନିଯୁକ୍ତି ନିୟମାବଳୀରେ ସଂଶୋଧନ କରାଯାଇଛି । ଓଡ଼ିଶା ବେସାମରିକ ସେବା ନିୟମାବଳୀରେ ସଂଶୋଧନ ସହ ଓଡ଼ିଶା ଷ୍ଟେଟ୍ ଓ୍ବାଇଡ ନେଟଓ୍ବାର୍କ-ଓସ୍ବାନ ପ୍ରକଳ୍ପର ଉନ୍ନତିକରଣ ପ୍ରସ୍ତାବକୁ ମଞ୍ଜୁରୀ ମିଳିଛି । ଏଥି ପାଇଁ ଖର୍ଚ୍ଚ ହେବ ୩ ଶହ ୩୨ କୋଟି ଟଙ୍କା ।

ଦୁଇ ଡୋଜ ଟିକା ନେବା ପରେ ବି ଭୁବନେଶ୍ୱରରେ ହୋଇଛନ୍ତି ୨,୫୨୭ ସଂକ୍ରମିତ

ଭୁବନେଶ୍ୱର: କୋଭିଡ ଟିକା ନେଇ ମଧ୍ୟ ସଂକ୍ରମିତ ହାର କମିନି  । ଖୋଦ ଭୁବନେଶ୍ୱର ମହାନଗର ନିଗମର କୋଭିଡ ଏବଂ ଟିକାକରଣ ସଂକ୍ରାନ୍ତରେ ଦିଆଯାଇଥିବା ସୂଚନା ହିଁ ଚିନ୍ତା ବଢାଇଦେଇଛି  । କାରଣ ଭ୍ୟାକ୍ସିନ ନେଇଥିବା ଲୋକଙ୍କ ମଧ୍ୟରେ ଭୁବନେଶ୍ୱରରେ ୪୦ ପ୍ରତିଶତ ହୋଇଛନ୍ତି ସଂକ୍ରମିତ  । ଗୋଟେପଟେ କୋଭିଡ ଭ୍ୟାକ୍ସିନ ସୁରକ୍ଷିତ ବୋଲି ମତ ପ୍ରକାଶ କରୁଛନ୍ତି ସ୍ବାସ୍ଥ୍ୟ ବିଶେଷଜ୍ଞ  ଅନ୍ୟପଟେ ଟିକା ନେଇଥିବା ଲୋକେ ହିଁ ସଂକ୍ରମିତ ହେବା ରିପୋର୍ଟ ସଭିଙ୍କୁ ଆଶ୍ଚର୍ଯ୍ୟ କରିଛି  ।

ମିଳିଥିବା ସୂଚନା ମୁତବାକ ଭୁବନେଶ୍ୱରରେ ପ୍ରଥମ ଡୋଜ କରୋନା ଟିକା ନେଇଥିବା ଲୋକଙ୍କୁ ମଧ୍ୟରୁ ସଂକ୍ରମିତ ହୋଇଛନ୍ତି ୧ ହଜାର ୮୯୦ ଜଣ । ସେହିପରି ଟିକାର ୨ଟି ଡୋଜ ନେଇ ସଂକ୍ରମିତ ହୋଇଛନ୍ତି ୨ହଜାର ୫୨୭ଜଣ । କୁହଯାଉଛି ଟିକାର ୨ଟି ଡୋଜ ନେବା ପରେ ୧୪ ଦିନ ବ୍ୟବଧାନରେ ଆଂଟିବଡ଼ି ବା ପ୍ରତିରୋଧ ଶକ୍ତି ସୃଷ୍ଟି ହେବ । କିନ୍ତୁ ଭୁବନେଶ୍ୱରରେ   ୨ଟି ଡୋଜ ନେଇ ମଧ୍ୟ ୧୪ ଦିନ ପରେ ସଂକ୍ରମିତ ହୋଉଛନ୍ତି ୧ ହଜାର ୭୦୫ଜଣ ।

ସେହିପରି ଚିକା ନେଇଥିବା ବ୍ୟକ୍ତିଙ୍କ ମଧ୍ୟରୁ ୫ ପ୍ରତିଶତଙ୍କ ଠାରେ ଗମ୍ଭୀର ସ୍ୱାସ୍ଥ୍ୟ ସମସ୍ୟା ଦେଖାଯାଇଛି  । କିନ୍ତୁ ସବୁଠୁ ଆଶ୍ୱସ୍ତିକର ଖବର ହେଉଛି, ଦୁଇଟି ଡୋଜ ନେଇଥିବା ଅଧିକାଂଶ ବ୍ୟକ୍ତିଙ୍କ ଠାରେ କୌଣସି କୋଭିଡ ଲକ୍ଷଣ ଦେଖାଯାଇନି କିମ୍ବା ହୋଇନାହିଁ  । ତେଣୁ ଟିକା କେଉଁଠି ନା କେଉଁଠି ସଫଳ ପ୍ରଭାବ ପକାଇଛି  । କିନ୍ତୁ ସଂକ୍ରମିତ ସଂଖ୍ୟା କମାଇବାରେ ସେତେଟା ଫଳପ୍ରଦ ହୋଇନଥିବା ବିଏମସି ରିପୋର୍ଟରୁ ଜଣାପଡ଼ିଛି  ।

ବିଶୁଦ୍ଧ ପାଣି ପିଇବେ ରାଜ୍ୟବାସୀ, ସୁନ୍ଦରଗଡରେ ନିର୍ମାଣ ହେବ ୩୮୮ କୋଟି ଟଙ୍କାର ପ୍ରକଳ୍ପ

ଭୁବନେଶ୍ୱର: ଗ୍ରାମାଞ୍ଚଳ ଲୋକଙ୍କୁ ମିଳିବ ବିଶୁଦ୍ଧ ପାନୀୟଜଳ । ରାଜ୍ୟ ବାସୀଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇଦେବା ନେଇ ପ୍ରତିଶ୍ରୁତି ଦେଇଥିଲେ ମୁଖ୍ୟମନ୍ତ୍ରୀ । ବିଶୁଦ୍ଧ ପାଣି ଯୋଗାଇଦେବା ନେଇ କ୍ୟାବିନେଟରେ ମୋହର ମାରିଛନ୍ତି ମୁଖ୍ୟମନ୍ତ୍ରୀ  । ସୂଚନା ମୁତାବକ ସୁନ୍ଦରଗଡ ଜିଲ୍ଲାରେ ୩ ଶହ ୮୮ କୋଟି ୮୧ ଲକ୍ଷ ଟଙ୍କାର ଦୁଇ ବୃହତ ଗ୍ରାମ୍ୟ ଜଳ ପ୍ରକଳ୍ପକୁ ମଞ୍ଜୁରୀ ମିଳିଛି । କଟକ ଜିଲ୍ଲାରେ ବାଙ୍କି, ଆଠଗଡ ଓ ତିଗିରିଆରେ ପାଇପ୍ ଜଳ ଯୋଗାଣ ପାଇଁ କ୍ୟାବିନେଟର ମଞ୍ଜୁରୀ ମିଳିଛି ।

୭ଟି ପଞ୍ଚାୟତରେ ସମସ୍ତ ଘରକୁ ପାଇପ୍ ଜଳ ଯୋଗାଣ ହେବ । ୩ ବର୍ଷ ମଧ୍ୟରେ ପ୍ରକଳ୍ପ କାର୍ଯ୍ୟ ସରିବ । ଏଥି ପାଇଁ ୨ ଶହ ୭୫ କୋଟି ୩୯ ଲକ୍ଷ ଟଙ୍କାର ପ୍ରକଳ୍ପ ପାଇଁ ଠିକା ସଂସ୍ଥାକୁ କ୍ୟାବିନେଟ୍ ମୋହର ବାଜିଛି ।  ସେହିଭଳି କେନ୍ଦୁଝର ଜିଲ୍ଲା ଯୋଡା ଓ ଚମ୍ପୁଆରେ ଡ୍ରିଙ୍କ ଫର୍ ଟ୍ୟାପ୍ ଜଳ ଯୋଗାଣ ପ୍ରକଳ୍ପକୁ ମିଳିଛି କ୍ୟାବିନେଟ୍ ମଞ୍ଜୁରୀ । କଟକ ଓ ପୁରୀରେ ଏହି ପ୍ରକଳ୍ପର ସଫଳତା ପରେ କେନ୍ଦୁଝରରେ ୧୦୩ କୋଟି ଟଙ୍କାର ପ୍ରକଳ୍ପକୁ କ୍ୟାବିନେଟ୍ ମଞ୍ଜୁରୀ ଦେଇଛି ।

ରାଜ୍ୟବାସୀଙ୍କୁ ବିଶୁଦ୍ଧ ପିଇବା ପାଣି ଯୋଗାଇ ଦେବା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ବାଚନ ସମୟରେ ଘୋଷଣା କରିଥିଲେ  । ଏହାର ଗପରବର୍ତ୍ତି ସମୟରେ ସରକାର ପୁନର୍ବାର ଗଢିବା ପରେ ସରକାର ପୁରୀ ଏବଂ କଟକ ଜିଲ୍ଲାରେ ଏହି ମେଗା ପ୍ରକଳ୍ପ କାର୍ଯ୍ୟ ଆରମ୍ଭ କରିଥିଲେ  । ଯାହାର ଚୂଡ଼ାନ୍ତ ପ୍ରତିଫଳନ ଆଜି ଅନେକ ଅଞ୍ଚଳକରେ ଦେଖିବାକୁ ମିଳିଛିି  । ଘରେ ଘରେ ସ୍ଚଚ୍ଛ ପାନୀୟ ଜଳ ମୁଳୁଛି  ।

ବଦଳିଲା ଗ୍ରୁପ୍ ସି କର୍ମଚାରୀଙ୍କ ପଦୋନ୍ନତି ନୀତି, ଏଣିକି ୫ ବର୍ଷର ସିସିଆର ଜରୁରୀ ନୁହେଁ, ଗୋଟିଏ କ୍ଲିକରେ ଫିଟିବ ପଦୋନ୍ନତି ବାଟ

ଭୁବନେଶ୍ୱର: ରାଜ୍ୟ ସରକାରଙ୍କ ଅଧୀନରେ କାମ କରୁଥିବା ଗ୍ରୁପ୍ ସି କର୍ମଚାରୀଙ୍କ ଲାଗି ବଡ଼ ଘୋଷଣା କରିଛନ୍ତି ସରକାର। ଏଣିକି ସେମାନଙ୍କ ପଦୋନ୍ନତି ଲାଗି ଆଉ ୫ ବର୍ଷର ସିସିଆର କିମ୍ବା ପାରଦର୍ଶିତା ରିପୋର୍ଟ ( ପିଏଆର୍) ଆବଶ୍ୟକତା ପଡ଼ିବ ନାହିଁ। ଏହାବଦଳରେ ସମ୍ପୃକ୍ତ କର୍ମଚାରୀ କାମ କରୁଥିବା ଉପରିସ୍ଥ ଅଧିକାରୀଙ୍କ ଗୋଟିଏ ମାତ୍ର ମନ୍ତବ୍ୟ ତାଙ୍କୁ ପରବର୍ତ୍ତୀ ପାହାଚ ଚଢ଼ିବା ଅର୍ଥାତ୍ ପଦୋନ୍ନତି ଦେବାରେ ସହାୟକ ହେବ। ଏଥିନେଇ ୧୯୯୨ ମସିହାର ଓଡ଼ିଶା ପ୍ରଶାସନିକ ସେବାର ପଦୋନ୍ନତି ନିୟମାବଳୀରେ ସରକାର ସଂଶୋଧନ କରିଛନ୍ତି। ଶୁକ୍ରବାର ସନ୍ଧ୍ୟାରେ ରାଜ୍ୟ କ୍ୟାବିନେଟ୍ ଏହାରି ଉପରେ ମୋହର ଲଗାଇଥିବା ମୁଖ୍ୟ ଶାସନ ସଚିବ ସୁରେଶଚନ୍ଦ୍ର ମହାପାତ୍ର କହିଛନ୍ତି।

ରାଜ୍ୟ ସରକାରଙ୍କ ଅଧୀନରେ କାର୍ଯ୍ୟ କରୁଥିବା କର୍ମଚାରୀଙ୍କ ପଦୋନ୍ନତି ଲାଗି ୫ବର୍ଷର ସିସିଆର୍ ବା ଚରିତ୍ର ପ୍ରମାଣପତ୍ର ଆବଶ୍ୟକ ପଡ଼ୁଥିଲା। ପୁଣି ପଦବୀ ଅନୁସାରେ ପ୍ରାର୍ଥୀ ଅଧିକ ହେଉଥିଲେ ଆହୁରି ପିଛିଲା ୩ ବର୍ଷର ସିସିଆର୍ ବା ପିଏଆର୍ ଆବଶ୍ୟକ ପଡ଼ୁଥିଲା। କିନ୍ତୁ ବିଭିନ୍ନ କାରଣ ଯୋଗୁ ଉପରିସ୍ଥ ଅଧିକାରୀମାନେ ଏହି ସିସିଆର୍ ବା ପିଏଆରକୁ ଠିକଣା ଭାବେ ରେକର୍ଡ଼ କରୁନଥିବା ଅଭିଯୋଗ ହୋଇ ଆସୁଥିଲା। ଅର୍ଥାତ୍ ଗ୍ରୁପ୍ ସି କର୍ମଚାରୀଙ୍କ କ୍ଷେତ୍ରରେ ଏହି ପ୍ରମାଣପତ୍ର ମିଳୁ ନଥିବାରୁ ଅନେକ କର୍ମଚାରୀଙ୍କର ପଦୋନ୍ନତି ବକେୟା ପଡ଼ିଥିଲା। ଏହାକୁ ବିବେଚନା କରି ରାଜ୍ୟ ସରକାର ୧୯୯୨ ଓଡ଼ିଶା ପ୍ରଶାସନିକ ସେବା ନିୟମରେ ସଂଶୋଧନ ଆଣିଛନ୍ତି।

ଏହି ସଂଶୋଧନ ଦ୍ୱାରା ସିସିଆର୍ ବଦଳରେ ଉପରିସ୍ଥ ଅଧିକାରୀଙ୍କୁ ସମ୍ପୃକ୍ତ କର୍ମଚାରୀ ଅଧିକ ଦାୟିତ୍ୱ ଗ୍ରହଣ କରିବା ପାଇଁ ଯୋଗ୍ୟ ବା ଅଯୋଗ୍ୟ ବିବେଚନା କରିବାକୁ ହେବ। ଏହି କ୍ରମରେ ସମ୍ପୃକ୍ତ ଅଧିକାରୀଙ୍କ ଆବଶ୍ୟକ ସଫ୍ଟୱେର୍ରେ ଏ ବିଷୟରେ ମନ୍ତବ୍ୟ ଦେବାକୁ ହେବ। ଏହାପୁଣି ଗୋଟିଏ ବଟନ୍ ମାଧ୍ୟମରେ ଶେଷ ହୋଇପାରିବ। ଅର୍ଥାତ୍ ଉପରିସ୍ଥ ଅଧିକାରୀଙ୍କୁ ଗୋଟିଏ ମାଉସ୍ କ୍ଲିକ୍ ଏବେ ଗ୍ରୁପ୍ ସି କର୍ମଚାରୀଙ୍କୁ ପଦୋନ୍ନତି ଦେବା ଲାଗି ସମସ୍ତ ବାଟ ଖୋଲିଦେବ। ଡିସେମ୍ବର ୩୦, ୨୦୨୦ ମସିହାରେ ସାଧାରଣ ପ୍ରଶାସନର ଏକ ଚିଠିରେ ଗ୍ରୁପ୍ ସି କର୍ମଚାରୀଙ୍କ ପଦୋନ୍ନତି ପାଇଁ ସିସିଆର୍ ବା ପିଏଆର୍ ଲେଖିବା ଅଭ୍ୟାସକୁ ଉଠାଇ ନିଆଯାଇଛି। ହେଲେ ଆଇନରେ ଆବଶ୍ୟକ ସଂଶୋଧନ ଆବଶ୍ୟକ ହେଉଥିବାରୁ କ୍ୟାବିନେଟ୍ ଏହାକୁ ବିଧିବଦ୍ଧ ଭାବେ ଅନୁମୋଦନ କରିଛନ୍ତି।

ପ୍ରଥମ ଅଲମ୍ପିକ୍ସରେ ପଦକ ଭାବେ କ’ଣ ମିଳିଥିଲା ? ଜାଣିଲେ ଆଶ୍ଚର୍ଯ୍ୟ ହେବେ କାହାରିକି ମିଳିନଥିଲା ସ୍ୱର୍ଣ୍ଣପଦକ

ଟୋକିଓ: ମାତ୍ର କେଇଟା ଦିନ ପରେ ଆରମ୍ଭ ହେବ ଟୋକିଓ ଅଲମ୍ପିକ୍ସ। କରୋନା ପାଇଁ ୨୦୨୦ରେ ବନ୍ଦ ଥିବା ଅଲମ୍ପିକ୍ସ ୨୦୨୧ ଜୁଲାଇ ୨୩ରେ ଟୋକିଓରେ ହେବାକୁ ଯାଉଛି। ଅଲମ୍ପିକ୍ସକୁ ନେଇ ଅନକେ ଇତିହାସ ସମୟର କାନ୍ଥରେ ଲିପିବଦ୍ଧ ହୋଇ ରହିଛି। କେମିତି ଆରମ୍ଭ ହୋଇଥିଲା ଅଲମ୍ପିକ୍ସ, କିଏ ଏହାକୁ ଆରମ୍ଭ କରିଥିଲେ, କେଉଁ ଦେଶରେ ଏହା ପ୍ରଥମେ ଆରମ୍ଭ ହୋଇଥିଲା। ଏମିତି କିଛି ଲୁଚିଯାଇଥିବା ଇତିହାସର କିଛି ଫର୍ଦ୍ଦ ଆପଣଙ୍କ ସାମ୍ନାରେ ରଖିବୁ।

ଅଲିମ୍ପିକ୍ସ ଗେମ୍ସ ହେଉଛି ପ୍ରାଚୀନ ଗ୍ରୀସର ଏକ ହଜିଯାଇଥିବା ପରମ୍ପରା। ଖ୍ରୀଷ୍ଟପୂର୍ବ ଅଷ୍ଟମ ଶତାବ୍ଦୀରୁ ଗ୍ରୀସର ଅଲିମ୍ପିଆରେ ଅନୁଷ୍ଠିତ ହୋଇଥିଲା ଏହି ଅଲମ୍ପିକ୍ସ ଗେମ୍ସ। ୪ ବର୍ଷରେ ଥରେ ଖେଳାଯାଉଥିବା ଅଲମ୍ପିକ୍ସକୁ ରୋମାନ୍ ସମ୍ରାଟ ଥିଓଡୋସିୟସ୍ ବନ୍ଦ କରିଥିଲେ। ଯାହାର ୧୫ଶହ ବର୍ଷ ପରେ ୧୮୯୬ ମସିହାରେ ପୁଣିଥରେ ଆରମ୍ଭ ହୋଇଥିଲା ଅଲମ୍ପିକ୍ସ । ୧୮୯୪ ମସିହାରେ ବାରୋନ୍ ପିଆର ଡି କ୍ୟୁବର୍ଟିନ୍ ଆନ୍ତର୍ଜାତୀୟ ଅଲିମ୍ପିକ୍ କମିଟି (IOC) ପ୍ରତିଷ୍ଠା କରିଥିଲେ। ଯାହା ୧୮୯୬ ମସିହାରେ ଏଥେନ୍ସରେ ପ୍ରଥମ ଆଧୁନିକ ଅଲମ୍ପକ୍ସ ଖେଳକୁ ଆଗେଇ ନେଇଥିଲା।

ଏଥେନ୍ସରେ ପୂନର୍ଜିବନ ପାଇଥିଲା ପ୍ରାଚୀନ ଗ୍ରୀସର ହଜିଯାଇଥିବା ପରମ୍ପରା। ଅଲମ୍ପିକ୍ସର ପୂର୍ବ ନିୟମ ପରି କେବଳ ପୁରୁଷ ଖେଳାଳି ମାନେ ଏଥେନ୍ସ ଗେମ୍ସରେ ଅଂଶଗ୍ରହଣ କରିଥିଲେ। ଆଧୁନିକ ଅଲିମ୍ପିକ୍ସରେ ଏହା ଏକମାତ୍ର ଆୟୋଜନ ଥିଲା ଯେଉଁଥିରେ ମହିଳା ଅଂଶଗ୍ରହଣକାରୀ ନଥିଲେ। ୬ରୁ ୧୫ ଏପ୍ରିଲ ପର୍ଯ୍ୟନ୍ତ ଆୟୋଜିତ ଏହି ଖେଳଗୁଡିକରେ, ୧୪ ଟି ଦେଶର ୨୪୧ ଖେଳାଳି ସେମାନଙ୍କ ପ୍ରତିଭା ପ୍ରଦର୍ଶନ କରିଥିଲେ। ଖେଳାଳିମାନେ ଆଥଲେଟିକ୍ସ, ସାଇକେଲ ଚଲାଇବା, ସନ୍ତରଣ, ଜିମ୍ନାଷ୍ଟିକ୍, ଭାରୋତ୍ତୋଳନ, କୁସ୍ତି, ଫେନସିଂ, ଶୁଟିଂ ଏବଂ ଟେନିସ୍ ଭଳି ୪୩ ଟି ଇଭେଣ୍ଟରେ ଅଂଶଗ୍ରହଣ କରିଥିଲେ।

ଏବେ ଅଲମ୍ପିକ୍ସରେ କୌଣସି ଖେଳରେ ପ୍ରଥମ ସ୍ଥାନ ଗ୍ରହଣ କରିଥିବା ଖେଳାଳୀ ଓ ଆଥଲେଟଙ୍କୁ ସ୍ୱର୍ଣ୍ଣ ପଦକ ମିଳୁଛି । କିନ୍ତୁ ଜାଣିଲେ ଆଶ୍ଚର୍ଯ୍ୟ ହେବେ ଯେ, ପ୍ରଥମ ଅଲମ୍ପିକ୍ସରେ କାହାରିକି ସ୍ୱର୍ଣ୍ଣ ପଦକ ମିଳିନଥିଲା । କାରଣ ସ୍ୱର୍ଣ୍ଣ ପଦକର ବ୍ୟବସ୍ଥା ହିଁ ନଥିଲା । ୧୮୯୬ ମସିହାର ପ୍ରଥମ ଅଲମ୍ପିକ୍ସରେ ପ୍ରଥମ ସ୍ଥାନ ଅଧିକାର କରିଥିବା ଖେଳାଳୀଙ୍କୁ ସ୍ୱର୍ଣ୍ଣ ନୁହେଁ ରୋପ୍ୟ ପଦକ ମିଳିଥିଲା । ରୋପ୍ୟ ପଦକ ସହିତ ସହିତ ଦିଆଯାଇଥିଲା ଅଲିଭ୍ ଶାଖା । ଦ୍ୱିତୀୟ ସ୍ଥାନ ଅଧିକାର କରିଥିବା ଖେଳାଳିଙ୍କୁ ମିଳିଥିଲା ବ୍ରୋଞ୍ଜ ପଦକ ଓ ଅଲିଭ୍ ଶାଖା । ଆଉ ସବୁଠାରୁ ମଜାଦାର ତଥା ଦୁଃଖଦ କଥା ହେଉଛି ତୃତୀୟ ସ୍ଥାନ ଅଧିକାରୀଙ୍କୁ କୌଣସି ପଦକ ଦେବାର ବ୍ୟବସ୍ଥା ନଥିଲା । ସେମାନଙ୍କୁ ଖାଲି ହାତରେ ଘରକୁ ଫେରିବାକୁ ପଡିଥିଲା । ଯେଉଁ ପଦକ ଖେଳାଳୀଙ୍କୁ ଦିଆଯାଇଥିଲା ତାହାର ଗୋଟିଏ ପାର୍ଶ୍ୱରେ ଗ୍ରୀକ୍ ଦେବତା ଜିଓସ ଥିବାବେଳେ ଅନ୍ୟ ପାର୍ଶ୍ୱରେ ଥିଲା ପ୍ରାଚୀନ ଗ୍ରୀକ୍ ସହର ଏକ୍ରୋପଲିସ୍ର ଚିତ୍ର।

ଆମେରିକୀୟ ଆଥଲେଟ୍ ଜେମ୍ସ କନୋଲି ୧୮୯୬ରେ ଟ୍ରିପଲ୍ ଜମ୍ପ ଇଭେଣ୍ଟ ଜିତି ପ୍ରଥମ ଅଲିମ୍ପିକ୍ ଚାମ୍ପିଅନ୍ ହୋଇଥିଲେ। ସେହିସମୟରେ ଖେଳ ଦ୍ୱାରା ପ୍ରଥମ ଥର ପାଇଁ ଆୟୋଜିତ ହୋଇଥିଲା ସଂଗଠିତ ମାରାଥନ୍। ହେଲେ ପ୍ରାୟ ଅଧା ଅଂଶଗ୍ରହଣକାରୀ ହାଲିଆ ହୋଇ ପ୍ରତିଯୋଗିତାରୁ ଓହରି ଯାଇଥିଲେ। ଗ୍ରୀସର ସ୍ପାଇରଡନ୍ ଲୁଇ ଜିତିଥିଲେ ଏହି ଇଭେଣ୍ଟ। ସେପଟେ ଜିଆ ଖାଡି’ରେ ହୋଇଥିଲା ସନ୍ତରଣ ଇଭେଣ୍ଟ। ଅଂଶଗ୍ରହଣକାରୀମାନଙ୍କୁ ପ୍ରଥମେ କାଠରେ ନିର୍ମିତ ଡଙ୍ଗା ସାହାଯ୍ୟରେ ନିଆଯାଇଥିଲା ଏବଂ ସେଠାରୁ ସେମାନେ ପାଣିରେ ପହଁରି କୂଳ ଆଡକୁ ଆସିଥିଲେ। ଆଧୁନିକ ଯୁଗର ଉନ୍ନତ ଧରଣର ପୋଖରୀ ନଥିଲା। ଆଧୁନିକ ଯୁଗର ପ୍ରଥମ ଅଲିମ୍ପିକ୍ସରେ ଜର୍ମାନୀର କାର୍ଲ ଶୁମାନ୍ ସବୁଠାରୁ ସଫଳ ଆଥଲେଟ୍ ଥିଲେ। ଜିମ୍ନାଷ୍ଟିକ୍ ଏବଂ କୁସ୍ତିର ଚାରୋଟି ଇଭେଣ୍ଟରେ ସେ ଶୀର୍ଷରେ ରହିଥିଲେ। ଭାରୋତ୍ତୋଳନରେ ମଧ୍ୟ କାର୍ଲ ଶୁମାନ୍ ଭାଗ ନେଇଥିଲେ।

ତଥ୍ୟ ଅନୁଯାୟୀ ଗ୍ରୀକ୍ ଜିମ୍ନାଷ୍ଟ ଡିମିଟ୍ରୋସ୍ ଲଣ୍ଡ୍ରାସ ସର୍ବକନିଷ୍ଠ ଅଲିମ୍ପିଆନ୍ ହୋଇଥିଲେ। ସେ ୧୦ ବର୍ଷ ୨୧୮ ଦିନ ବୟସରେ ଇଭେଣ୍ଟରେ ପ୍ରତିଦ୍ୱନ୍ଦ୍ୱିତା କରି ତୃତୀୟ ସ୍ଥାନ ଅଧିକାର କରିଥିଲେ । ଯାହାର ଅର୍ଥ ହେଉଛି ବିଚରା ଡିମିଟ୍ରୋସଙ୍କୁ କୌଣସି ପଦକ ମିଳିନଥିଲା । ସେ ଖାଲି ହାତରେ ଘରକୁ ଫେରିଥିଲେ । କାରଣ ତୃତୀୟ ସ୍ଥାନ ପାଇଥିବା ଖେଳାଳୀଙ୍କ ପାଇଁ ପଦକ ହିଁ ନଥିଲା ।

କ୍ୟାବିନେଟର ମୋହର: CETକୁ ୟୁନିଟାରି ବିଶ୍ୱବିଦ୍ୟାଳୟ ମାନ୍ୟତା, ନୂଆ ନାମ OUTR

ଭୁବନେଶ୍ୱର: ରାଜ୍ୟ କ୍ୟାବିନେଟରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି  ।  ଅପରାହ୍ନରେ ବସିଥିବା ବୈଠକରେ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ମୋହର ମାରିଛନ୍ତି  ରାଜ୍ୟ ସରକାର । ଏହି କ୍ରମରେ ଆଜି  CETକୁ ୟୁନିଟାରି ବିଶ୍ୱବିଦ୍ୟାଳୟ ମାନ୍ୟତା ଦିଆଯିବା ନେଇ ନିଷ୍ପତ୍ତି ହୋଇଛି  । କଲେଜ ଅଫ ଇଂଜିନୟରିଂ ପରିବର୍ତ୍ତେ ଏହାର ନୂଆ ନାମ ଓଡ଼ିଶା ଟେକ୍ନୋଲୋଜି ଓ ଗବେଷଣା ବିଶ୍ୱବିଦ୍ୟାଳୟ (OUTR) କରାଯିବା ନେଇ ମୋହର ମାରିଛନ୍ତି ରାଜ୍ୟ କ୍ୟାବିନେଟ  ।

ସେହିପରି ଏଠାରେ  ସ୍ନାତକ, ସ୍ନାତ୍ତୋକତ୍ତର, ଗବେଷଣା ଏବଂ ଶିଳ୍ପ ସମ୍ପର୍କିତ ପାଠ୍ୟକ୍ରମ ନୂତନ କରି ପଢାଯିବ  । ଦେଶ ଭିତରେ ଓ ବାହାରେ ଥିବା ବିଶ୍ୱବିଦ୍ୟାଳୟ ସହଯୋଗ କରିପାରିବ  । ରାଜ୍ୟ କ୍ୟାବିନେଟ୍ ବୈଠକରେ ମୋଟ୧୫ଟି ପ୍ରସ୍ତାବ ଉପରେ ବାଜିଛି ମୋହର । ବଡ ନିଷ୍ପତ୍ତିକ୍ରମେ ଏକକ ବିଶ୍ୱଦ୍ୟାଳୟରେ  ହେବ ଭୁବନେଶ୍ୱର CET କଲେଜ୍ ।  ଏନେଇ ଏକ ଆଇନ୍ ପ୍ରଣୟନ କରାଯିବ । ଆଜି କ୍ୟାବିନେଟ ବୈଠକରେ ଏହି ପ୍ରସ୍ତାବକୁ ମଞ୍ଜୁରୀ ମିଳିଛି । ପ୍ରସ୍ତାବିତ OUTR ବିଶ୍ବବିଦ୍ୟାଳୟ ସ୍ନାତକ ଓ ସ୍ନାତକୋତ୍ତର ଶିକ୍ଷା ତଥା ପିଏଚଡି ଶିକ୍ଷା କ୍ଷେତ୍ରରେ ନୂଆ ସୁଯୋଗ ସୃଷ୍ଟି କରିବ । ଏହି ବିଶ୍ୱଦ୍ୟାଳୟ ଇଞ୍ଜିନିୟରିଂ, ସାଇନ୍ସ ଓ ଟେକ୍ନୋଲୋଜି କ୍ଷେତ୍ରରେ ଅଧିକ ତାଲିମ ଓ ଅନୁସନ୍ଧାନର ସୁଯୋଗ ସୃଷ୍ଟି କରିବ ।

ବିଭିନ୍ନ ଶିଳ୍ପାନୁଷ୍ଠାନ ଓ କମ୍ପାନୀ ସହ ଦୀର୍ଘମିଆଦି ସମ୍ପର୍କ ପାଇଁ MOU ଚୁକ୍ତି କରିବାର ସୁଯୋଗ ସୃଷ୍ଟି ହେବ । କଲେଜକୁ ବିଶ୍ୱଦ୍ୟାଳୟରେ ନବୀକରଣ ଦ୍ବାରା ରାଜ୍ୟ , ଦେଶ ଓ ବିଦେଶର ଅନ୍ୟ ବିଶ୍ବବିଦ୍ୟାଳୟ ସହିତ ଅଭିଜ୍ଞତା ଆଦାନପ୍ରଦାନ ସୁଯୋଗ ସୃଷ୍ଟି ହେବ । ଏଥି ସହ ବାଙ୍କି, ଆଠଗଡ ଓ ତିଗିରିଆରେ ପାଇପ୍ ଜଳ ଯୋଗାଣ ପାଇଁ କ୍ୟାବିନେଟର ମଞ୍ଜୁରୀ ମିଳିଛି । ୭ଟି ପଞ୍ଚାୟତରେ ସମସ୍ତ ଘରକୁ ପାଇପ୍ ଜଳ ଯୋଗାଣ ହେବ । ୩ ବର୍ଷ ମଧ୍ୟରେ ପ୍ରକଳ୍ପ କାର୍ଯ୍ୟ ସରିବ । ସେହିଭଳି ସୁନ୍ଦରଗଡ ଜିଲ୍ଲାରେ ଦୁଇ ବୃହତ ଗ୍ରାମ୍ୟ ଜଳ ପ୍ରକଳ୍ପକୁ ମଞ୍ଜୁରୀ ମିଳିଥିବାବେଳେ ଅବଢା ଯୋଜନାରେ ଖଣ୍ଡୋଲାଇଟ ପଥର ଯୋଗାଣରୁ ରୟାଲଟି ଛାଡ ହେବା ନେଇ ନିଷ୍ପତ୍ତି ହୋଇଛି ।

ଏଇ ମାସରୁ ସ୍କୁଲ, ୧୦ ଟାରୁ ୧.୩୦ ପର୍ଯ୍ୟନ୍ତ ଚାଲିବ କ୍ଲାସ୍

ଭୁବନେଶ୍ୱର : ଚଳିତ ମାସରେ ଖୋଲିବ ସ୍କୁଲ  । କୋଭିଡର ତୃତୀୟ ଲହର ପୂର୍ବରୁ  ସ୍କୁଲ ଖୋଲିବା ନେଇ ରାଜ୍ୟ ସରକାରଙ୍କ ବଡ଼ ଘୋଷଣା  ।  ଏନେଇ ବଡ଼ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର  । ଚଳିତ ମାସରୁ ଅର୍ଥାତ ଜୁଲାଇ 26ରୁ ଖୋଲିବ ରାଜ୍ୟର ସମସ୍ତ ଦଶମ ଓ ଦ୍ୱାଦଶ ଶ୍ରେଣୀ  । ଏ ନେଇ ଆଜି ପ୍ରେସମିଟରେ ସୂଚନା ଦେଇଛନ୍ତି ଗଣଶିକ୍ଷା ସଚିବ ସତ୍ୟବ୍ରତ ସାହୁ  । ସ୍କୁଲର ସମୟ ସୀମା ମଧ୍ୟ ନିର୍ଦ୍ଧାରଣ କରାଯାଇଛି  । ସରକାରଙ୍କ ନୂଆ ନିୟମ ମୁତାବକ ସକାଳ ୧୦ଟାରୁ ଗୋଟାଏ ୩୦ ପର୍ଯ୍ୟନ୍ତ ଚାଲିବ କ୍ଲାସ୍  ।

ସେହିଭଳି ଅଗଷ୍ଟ 16ରୁ ନବମ ଶ୍ରେଣୀ ଖୋଲିବା ପାଇଁ ନିଷ୍ପତ୍ତି ହୋଇଛି । ଅଭିଭାବକଙ୍କ ସହ ଆଲୋଚନା କରି ସ୍କୁଲ ଆସିପାରିବେ ଛାତ୍ରଛାତ୍ରୀ  । ଅନ୍ୟ ଶ୍ରେଣୀରେ ପୂର୍ବ ନିର୍ଦ୍ଧାରିତ ନିୟମ ଅନୁଯାୟୀ ଅନଲାଇନ୍ ପରୀକ୍ଷା ଜାରି ରହିବ  । ସେହିପରି ଜୁଲାଇ 30ରୁ ଅଗଷ୍ଟ 5 ପର୍ଯ୍ୟନ୍ତ ମାଟ୍ରିକ୍ ପରୀକ୍ଷା ଚାଲିବ । କୋଭିଡ୍ କଟକଣା ଭିତରେ ପରୀକ୍ଷା ହେବ । ପରୀକ୍ଷା ପରିଚାଳନା ଦାୟିତ୍ବରେ ଥିବା ସମସ୍ତ କର୍ମଚାରୀଙ୍କ  କୋଭିଡ୍ ଟେଷ୍ଟ  ମଧ୍ୟ କରାଯିବ ।  ମୋଟ ୨ ହଜାର ୪୪୪ ଜଣ ଛାତ୍ରଛାତ୍ରୀ ପରୀକ୍ଷାରେ ଅସନ୍ତୁଷ୍ଟ ଥିବା ଗଣଶିକ୍ଷା ସଚିବ ସୂଚନା ଦେଇଛନ୍ତି  ।

୫ ଦିନ ପାଇଁ ଖୋଲିଲା ପ୍ରସିଦ୍ଧ କେରଳର ସାବରିମାଳା ମନ୍ଦିର, ୫ ହଜାର ଭକ୍ତଙ୍କୁ ମିଳିଛି ଅନୁମତି

କେରଳ: ଆଜିଠୁ ଖୋଲିଲା କେରଳର ପ୍ରସିଦ୍ଧ ସାବରିମାଳା ମନ୍ଦିର। କରୋନା କଟକଣାରେ ୫ଦିନ ପାଇଁ ମନ୍ଦିରକୁ ଖୋଲାଯାଇଛି। ଏନେଇ ସାବରିମାଳା ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ଜୁଲାଇ ୧୭ ରୁ ୨୧ ତାରିଖ ପର୍ଯ୍ୟନ୍ତ ପୂଜାପାଠ ପାଇଁ ମନ୍ଦିର ଖୋଲାଯାଇଛି। ବିଧି ଅନୁସାରେ ହେଉଛି ପୁଜା କାର୍ଯ୍ୟ। ସମସ୍ତ କରୋନା କଟକଣାକୁ ମାନି ପୁଜାପାଠ ଆରମ୍ଭ ହୋଇଛି। କେବଳ ୫ହଜାର ଭକ୍ତଙ୍କୁ ଦର୍ଶନ ପାଇଁ ଅନୁମତି ମିଳିଛି। ଏଥିପାଇଁ ପୁର୍ବରୁ ଭକ୍ତମାନେ ଅନଲାଇନରେ ବୁକିଂ କରିଛନ୍ତି। ସମସ୍ତ ଭକ୍ତଙ୍କୁ ୪୮ ଘଣ୍ଟାର ନେଗେଟିଭ ରିପୋର୍ଟ ଦେଖାଇବା ବାଧ୍ୟତାମୂଳକ ହୋଇଛି।