spot_img
Home Blog Page 5508

ନିଯୁକ୍ତି ପ୍ରକ୍ରିୟାର ଚଞ୍ଚକତା ଅଭିଯୋଗ : ଓଏସ୍ଏସ୍‌ସି କାର୍ଯ୍ୟାଳୟରେ ଛାନଭିନ୍ ଆରମ୍ଭ

ଭୁବନେଶ୍ୱର: କୋଟିପତି OSSC ସଦସ୍ୟଙ୍କ ବ୍ୟକ୍ତିଗତ ସଚିବ ବିରଞ୍ଚି ସାହୁ ଗିରଫ ଘଟଣା । OSSC କାର୍ଯ୍ୟାଳୟରେ ଛାନଭିନ୍ ଆରମ୍ଭ କରିଛି ଭିଜିଲାନ୍ସ । ଗିରଫ ପିଏ ବିରଞ୍ଚି ସାହୁଙ୍କ ସମ୍ପର୍କରେ ଚାଲିଛି ତଦନ୍ତ । ସେପଟେ OSSCରେ ଦୁର୍ନୀତି ଅଭିଯୋଗ ନେଇ ଭିଜିଲାନ୍ସର ଦ୍ୱାରସ୍ଥ ହେଲେ ଜଣେ ପରୀକ୍ଷାର୍ଥୀ । ୨୦୧୧ରେ ଜୁନିଅର ଆସିଷ୍ଟାଣ୍ଟ ପଦବୀ ପାଇଁ କିଭଳି ଦୁର୍ନୀତି ହୋଇଥିଲା, ସେନେଇ ଆରଟିଆଇ ତଥ୍ୟ ନେଇ ଭିଜିଲାନ୍ସ କାର୍ଯ୍ୟାଳୟରେ ଅଭିଯୋଗ କଲେ ଚିନ୍ମୟ ରାଉତ । କଟଅଫ ମାର୍କଠାରୁ ଅଧିକ ମାର୍କ ରଖି ମଧ୍ୟ ସେ ଚାକିରି ପାଇବାରୁ ବଞ୍ଚିତ ହୋଇଥିଲେ । କଟଅଫ ମାର୍କ ୧୭୫ ଥିବା ବେଳେ ଚିନ୍ମୟ ରଖିଥିଲେ ୧୭୭ ଦଶମିକ ୨୫ ମାର୍କ । ୧୭୫ ମାର୍କ ରଖିଥିବା ପରୀକ୍ଷାର୍ଥୀ ଚାକିରି ପାଇଥିବା ବେଳେ ଚିନ୍ମୟ ୧୭୭ ଦଶମିକ ୨୫ ମାର୍କ ରଖି କେମିତି ଚାକିରି ପାଇବାରୁ ବଞ୍ଚିତ ହେଲେ ସେ ନେଇ ପ୍ରଶ୍ନ ଉଠାଇଛନ୍ତି ଚିନ୍ମୟ ରାଉତ ।

ଏଥିସହିତ ପଢ଼ନ୍ତୁ: ଯୋଦ୍ଧା-ଆକବର ଉଦାହରଣ ଦେଇ ହାଇକୋର୍ଟ କହିଲେ, କେବଳ ବିବାହ ପାଇଁ ଧର୍ମ ପରିବର୍ତ୍ତନ ଠିକ୍ ନୁହେଁ

 

ଉହାନରେ ପୁଣି କଡ଼ ଲେଉଟାଇଲାଣି କରୋନା: ୯୦ ନୂଆ କରୋନା ସଂକ୍ରମିତ ଚିହ୍ନଟ

ବେଜିଂ: ଉହାନରେ ପୁଣି କଡ଼ ଲେଉଟାଇଲାଣି କରୋନା । ମଙ୍ଗଳବାର ସହରରୁୁ ୯୦ ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୬୧ ଜଣ ସ୍ଥାନୀୟ ଅଞ୍ଚଳର କରୋନା ଆକ୍ରନ୍ତଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଥିବା ବେଳେ ଦିନକ ପୂର୍ବରୁ ପ୍ରାୟ ୫୫ ଜଣ କରାନ ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଏହି ନୂଆ ଲହରରେ ନାନଜିଙ୍ଗ ଏୟାରପୋର୍ଟରେ କାର୍ଯ୍ୟରତ କର୍ମଚାରୀଙ୍କ ଠାରେ ପ୍ରଥମେ ସଂକ୍ରମଣ ଦେଖିବାକୁ ମିଳିଛି । ସ୍ଥାନୀୟ କର୍ତ୍ତୃପକ୍ଷ ୯.୨ ମିଲିୟନ ଲୋକଙ୍କୁ ୩ ଥର ଟେଷ୍ଟି କରିବା ସହ ସେଠାରେ ଲକ୍‌ଡାଉନ୍ ଲାଗୁ କରିଛନ୍ତି । ଏଥିସହିତ ଘରକୁ ପ୍ରତ୍ୟାବର୍ତ୍ତନ କରିଥିବା ପ୍ରାୟ ୫ ହଜାର ଲୋକଙ୍କ ଉପରେ ନଜର ରଖିଛି ସ୍ଥାନୀୟ ପ୍ରଶାସନ । ଜିଙ୍ଗଜିଜେ ବର୍ତ୍ତମାନ କରୋନା ସଂକ୍ରମଣର ନୂଆ ସ୍ଥଳୀ ପାଲଟିଥବା ଚାଇନାରେ ଶ୍ୱାସରୋଗ ବିଶେଷଜ୍ଞ କରିଛନ୍ତି । ତେବେ କରୋନାର ଏହି ନୂଆ ଲହର ଚୀନ ରାଜଧାନୀ ବେଜିଂରେ ମଧ୍ୟ ପହଞ୍ଚିଥିବା ସୂଚନା ରହିଛି ।

ସୂଚନା ଯୋଗ୍ୟ ଯେ, ଉହାନରୁ ପ୍ରଥମ କରୋନା ରୋଗୀ ଚିହ୍ନଟ ପରେ ୨୦୧୯ ମସିହାରେ ସମସ୍ତଙ୍କ ନଜର ଆସିଥିଲା ଉହାନ । ବର୍ତ୍ତମାନ ଗତ ୧୦ ଦିନ ମଧ୍ୟରେ ୩ଶହ କରୋନା ସଂକ୍ରମିତ ଚିହ୍ନଟ ଚୀନ ପାଇଁ ମୁଣ୍ଡ ବ୍ୟାଥାର କାରଣ ପାଲଟିଛି । ଦେଶର ପ୍ରାୟ ୧୫ଟି ପ୍ରାନ୍ତରୁ ଏହି ନୂଆ ମାମଲା ସାମ୍ନାକୁ ଆସିଛି । ଏଣୁ ସରକାର କଡ଼ା କଟକଣା ମଧ୍ୟ ଲାଗୁ କରିଛନ୍ତି ।

ଏଥିସହିତ ପଢ଼ନ୍ତୁ: ବିଏସ୍‌ଏଫ୍ ଯବାନଙ୍କ ଉପରେ ଆମ୍ୱୁଶ ଆକ୍ରମଣ, ୨ ସୈନିକ ଶହୀଦ

ବିଏସ୍‌ଏଫ୍ ଯବାନଙ୍କ ଉପରେ ଆମ୍ୱୁଶ ଆକ୍ରମଣ, ୨ ସୈନିକ ଶହୀଦ

ନୂଆଦିଲ୍ଲୀ: ତ୍ରିପୂରା ନିକଟ ଭାରତ-ବାଂଲାଦେଶ ଅନ୍ତର୍ଜାତୀୟ ସୀମା ନିକଟରେ ସୀମା ସୁରକ୍ଷା ବଳ (ବିଏସ୍‌ଏଫ୍) ଉପରେ ଆକ୍ରମଣ । ଏନ୍ଏଲ୍‌ଏଫ୍‌ଟି ଆତଙ୍କବାଦୀ ସଂଗଠନ ପକ୍ଷରୁ ଆମ୍ୱୁଶ ଆକ୍ରମଣରେ ୨ ସେନା ଶହୀଦ । ଢାଲାଇ ଜିଲ୍ଳାରେ ସକାଳ ୬.୩୦ ମିନିଟ ସମୟରେ ସୀମା ସୁରକ୍ଷା ବଳ ଉପରେ ଆମ୍ୱୁଶ ଆକ୍ରମଣ ହୋଇଥିଲା । ଏଥିରେ ଶହୀଦ ହୋଇଥିବା ବିଏସ୍ଏଫ୍ ଯବାନ ସବ୍ ଇନ୍ସପେକ୍ୱର ରାଙ୍କ୍‌ର ବୋଲି ଜଣାପଡ଼ିଛି । ତେବେ ଏହାର ଜାବାବରେ ବିଏସ୍ଏଫ୍‌ ଯବାନଙ୍କ ପକ୍ଷରୁ ପ୍ରତିଆକ୍ରମଣ କରାଯାଇଥିଲା । ଢାଲାଇ ଜିଲ୍ଲାର ଚାଓ୍ୱମାନୁ ପୋଲିସ ଷ୍ଟେସନ ଅଧିନରେ ଏହି ଆକ୍ରମଣ ଘଟିଥିଲା । ଭାରତ-ବାଂଲାଦେଶସୀମା ମୋଟ ୪ହଜାର ୯୬ କିଲୋମିଟରର ହୋଇଥିବା ବେଳେ ୮୫୬ କିଲୋମିଟର ଅଞ୍ଚଳରେ ତ୍ରିପୁରା ରହିଛି । ତେବେ ଏହି ଆକ୍ରମଣରେ ସବ୍‌ ଇନ୍ସପେକ୍ଟର ଭୁରୁ ସିଂହ ଓ କନଷ୍ଟେବଳ ରାଜ କୁମାର ଶହୀଦ ହୋଇଛନ୍ତି । ତେବ ଘଟଣା ପରେ ସ୍ଥାନୀୟ ଅଞ୍ଚଳରେ ବଡ଼ ଧରଣର ସର୍ଚ୍ଚ ଅପରେସନ ଚାଲିଥିବା ସୂଚନା ରହିଛି । ତେବେ ଶହୀଦ ଯବାନଙ୍କ ଅସ୍ତ୍ରଶସ୍ତ୍ର ନ୍ୟାସନାଲ ଲିବରେଣ୍ଟ ଫ୍ରଣ୍ଟ ଅଫ୍ ତ୍ରିପୁରା ଆତଙ୍କବାଦୀ ସଂଗଠନ ପକ୍ଷରୁ ନିଆଯାଇଥିଲା ।

ଏଥିସହିତ ପଢ଼ନ୍ତୁ: ଯୋଦ୍ଧା-ଆକବର ଉଦାହରଣ ଦେଇ ହାଇକୋର୍ଟ କହିଲେ, କେବଳ ବିବାହ ପାଇଁ ଧର୍ମ ପରିବର୍ତ୍ତନ ଠିକ୍ ନୁହେଁ

 

ଯୋଦ୍ଧା-ଆକବର ଉଦାହରଣ ଦେଇ ହାଇକୋର୍ଟ କହିଲେ, କେବଳ ବିବାହ ପାଇଁ ଧର୍ମ ପରିବର୍ତ୍ତନ ଠିକ୍ ନୁହେଁ

ଲକ୍ଷ୍ନୌ: କେବଳ ଧର୍ମ ପରିବର୍ତ୍ତନ ପାଇଁ ବିବାହ ଠିକ ନୁହେଁ ବୋଲି ଆହ୍ଲାବାଦ ହାଇକୋର୍ଟ ଏକ ମାମଲାର ଶୁଣାଣି କରି କହିଛନ୍ତି । ଲଭ୍ ଜିହାଦ ଅଭିଯୋଗରେ ଗିରଫ ହୋଇ ଜେଲରେ ଥିବା ଜଣେ ଅଭିଯୁକ୍ତଙ୍କ ଜାମିନ ଆବେଦନକୁ ନାକଚ କରି ହାଇକୋର୍ଟ ଏଭଳି କହିଛନ୍ତି । ହାଇକୋର୍ଟ ଜାମିନ ଆବେଦନର ଶୁଣାଣି କରି ବିଚାରପତି ମୋଗଲ ବାଦଶାହା ଆକବର ଓ ଯୋଦ୍ଧାବାଇଙ୍କ ବିବାହର ଉଦାହରଣ ଦେଇ କହିଥିଲେ ଯେ, ଆକବର ଯୋଦ୍ଧାଙ୍କୁ ବିବାହ କରିଥିଲେ ମଧ୍ୟ ତାଙ୍କ ଧର୍ମ ପରିବର୍ତ୍ତନ କରିନଥିଲେ । ଉଭୟ ପରସ୍ପରର ଧର୍ମୀୟ ବିଶ୍ୱାସର ସମ୍ମାନ କରୁଥିଲେ ଓ ପରସ୍ପର ପ୍ରତି ସେମାନଙ୍କ ସମ୍ମାନଭାବ ମଧ୍ୟ ଥିଲା ।
ଏଟା ଜିଲ୍ଲାର ଜାଭେଦ ନାମକ ବ୍ୟକ୍ତି ଲଭ ଜିହାଦ ଅଭିଯୋଗରେ ଜେଲରେ ଅଛନ୍ତି । ଜାଭେଦଙ୍କ ଜାମିନ ଆବେଦନର ଶୁଣାଣି ବେଳେ ବିଚାରପତି କହିଥିଲେ ଯେ, ଧର୍ମ ବ୍ୟକ୍ତିଗତ ଆସ୍ଥାର ବିଷୟ ଓ ଏହା ଆପଣଙ୍କ ଜୀବନଶୈଳୀକୁ ଦର୍ଶାଇ ଥାଏ । ଇଶ୍ୱରଙ୍କ ପ୍ରତି ଆସ୍ଥା ପ୍ରଦର୍ଶନ କରିବାକୁ କୌଣସି ବିଶେଷ ପୂଜାପଦ୍ଧତିର ଆବଶ୍ୟକତା ନାହିଁ । ବିବାହ ପାଇଁ ସମାନ ଧର୍ମର ହେବା ଜରୁରୀ ନୁହେଁ । ଏମିତିରେ କେବଳ ବିବାହ କରିବା ପାଇଁ ଧର୍ମ ପରିବର୍ତ୍ତନ କରିବା ଉଚିତ ନୁହେଁ । ଅଦାଲତ କହିଛନ୍ତି ଯେ, ଧର୍ମ ପରିବର୍ତ୍ତନରେ ଧର୍ମ ପରିବର୍ତ୍ତନ କରୁଥିବା ବ୍ୟକ୍ତିଙ୍କର କୌଣସି ଆସ୍ଥା କି ବିଶ୍ୱାସ ନଥାଏ । ଏହା କେବଳ ଚାପ,ଭୟ କିମ୍ବା ଲୋଭ ଦ୍ୱାରା ହୋଇଥାଏ । କେବଳ ବିବାହ ପାଇଁ ଧର୍ମ ପରିବର୍ତ୍ତନକୁ କୌଣସି ସାମ୍ବିଧାନିକ ମାନ୍ୟତା ନାହିଁ ।
ବ୍ୟକ୍ତିଗତ ଲାଭ ପାଇଁ କରାଯାଇଥିବା ଧର୍ମ ପରିବର୍ତ୍ତନ କେବଳ ବ୍ୟକ୍ତିଗତ ଭାବେ କ୍ଷତିକାରକ ହୋଇନଥାଏ ଏହା ମଧ୍ୟ ସମାଜ ପାଇଁ ବିପଜ୍ଜନକ ହୋଇଥାଏ । ଏଭଳି ଧର୍ମପରିବର୍ତ୍ତନ ଦ୍ୱାରା ଧର୍ମାନ୍ଧଙ୍କୁ ସମାଜରେ ବିଶୃଙ୍ଖଳା ସୃଷ୍ଟି କରିବାକୁ ବଳ ମିଳିଥାଏ ବୋଲି ଅଦାଲତ ନିଜ ବକ୍ତବ୍ୟରେ କହିଥିଲେ ।
ମାମଲା କ’ଣ
ଏଟା ଜିଲ୍ଲାର ଜାଭେଦଙ୍କ ବିରୋଧରେ ଅଭିଯୋଗ ରହିଛି ଯେ, ସେ ଜଣେ ହିନ୍ଦୁ ଝିଅଙ୍କୁ ବିବାହ କରିବା ପରେ ତାଙ୍କ ଅଜାଣତରେ କିଛି କାଗଜପତ୍ରରେ ଦସ୍ତଖତ ନେଇ ତାଙ୍କର ଧର୍ମ ପରିବର୍ତ୍ତନ କରିଥିଲେ । ହିନ୍ଦୁ ଯୁବତୀ ଜଣକ ପରେ ଏନେଇ ଅଦାଲତରେ ଅଭିଯୋଗ କରିଥିଲେ । ଜାଭେଦ ଏହି ମାମଲାରେ ଗିରଫ ହୋଇ ଜେଲରେ ଅଛନ୍ତି । ଜାମିନରେ ଆସିବା ପାଇଁ ଜାଭେଦ ଆବେଦନ କରିଥିଲେ ମଧ୍ୟ ଅଦାଲତ ତାଙ୍କ ଆବେଦନକୁ ଖାରଜ କରି ଦେଇଛନ୍ତି ।

ଏଥିସହିତ ପଢ଼ନ୍ତୁ: ପ୍ରକାଶ ପାଇଲା CBSE ୧୦ମ ଶ୍ରେଣୀ ପରୀକ୍ଷା ଫଳ, ପାସ ହାର ରହିଛି ୯୯.୦୪ ପ୍ରତିଶତ

ପେଗାସସ ପ୍ରସଙ୍ଗରେ ଭିନ୍ନମୋଡ, ତିନି ଜଣ ସାମ୍ବାଦିକଙ୍କ ଫୋନରେ ଠାବ ହେଲା ସ୍ପାଇୱେୟାର

ନୂଆଦିଲ୍ଲୀ: ପେଗାସସ ପ୍ରସଙ୍ଗରେ ଭିନ୍ନ ମୋଡ । ଫ୍ରାନ୍ସର ତିନି ଜଣ ସାମ୍ବାଦିକଙ୍କ ଫୋନରେ ସ୍ପାଇୱେୟାର ଠାବ ହୋଇଛି ବୋଲି କହିଛି ଫ୍ରାନ୍ସର ଗୁଇନ୍ଦା ସଂସ୍ଥା । ପେଗାସସ ଜରିଆରେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ, ଇରାକ ରାଷ୍ଟ୍ରପତି ବାରହମ ସାଲି ଓ ଦକ୍ଷିଣ ଆଫ୍ରିକାର ରାଷ୍ଟ୍ରପତି ସାଇରିଲ ରାମୋଫାସାଙ୍କୁ ଟାର୍ଗେଟ କରାଯାଇଥିଲା । ଏହା ସହ ଦେଶ ବିଦେଶର ଅନେକ ରାଜନେତା, ମନ୍ତ୍ରୀ, ବିଚାରପତି, ସାମ୍ବାଦିକଙ୍କୁ ଟାର୍ଗେଟ କରାଯାଇଥିବା ଖବର ପ୍ରକାଶ ପାଇବା ପରେ ଚାଞ୍ଚଲ୍ୟ ସୃଷ୍ଟି ହୋଇଥିଲା ।

କିଛି ଦିନ ଧରି ପେଗାସସ ମାମଲା ତମ୍ବି ତୋଫାନ ସୃଷ୍ଟି କରିବା ପରେ ପ୍ରଥମ ଥର ଲାଗି ଫ୍ରାନ୍ସ ଗୁଇନ୍ଦା ସଂସ୍ଥା ପକ୍ଷରୁ କୁହାଯାଇଛି ଯେ, ୩ ଜଣ ସାମ୍ବାଦିକଙ୍କ ଫୋନରୁ ଏହି ସ୍ପାଇୱେୟାର ଠାବ ହୋଇଛି । ସେମାନଙ୍କ ମଧ୍ୟରେ ରହିଛନ୍ତି ଫ୍ରାନ୍ସର ଆନ୍ତର୍ଜାତିକ ଟେଲିଭିଜନ ଷ୍ଟେସନ ଫ୍ରାନ୍ସ ୨୪ର ଜଣେ ବରିଷ୍ଠ ସଦସ୍ୟ । ଫ୍ରାନ୍ସର ନ୍ୟାସନାଲ ଏଜେନ୍ସି ଫର ଇନଫର୍ମେସନ ସିଷ୍ଟମସ ସିକ୍ୟୁରିଟି ବା ଆନସି ପକ୍ଷରୁ କରାଯାଇଥିବା ଡିଜିଟାଲ ଟ୍ରେସିଂରୁ ଜାସୁସୀ ସମ୍ପର୍କରେ ସ୍ପଷ୍ଟ ସୂଚନା ମିଳିଛି ।

ଫ୍ରାନ୍ସ ୨୪ର ସାମ୍ବାଦିକ, ଫ୍ରାନ୍ସର ଅନୁସନ୍ଧାନଧର୍ମୀ ୱେବସାଇ ମିଡିଆ ପାର୍ଟର ସାମ୍ବାଦିକ ଲେନେଗ ବ୍ରେଡକ୍ସ ଓ ଏହି ୱେବସାଇଟର ନିର୍ଦ୍ଦେଶକ ଏଡି ପ୍ଲେନେଲଙ୍କ ଫୋନରୁ ଏହି ସ୍ପାଇ ୱେୟାର ଠାବ ହୋଇଛି । ତେବେ ଏହି ଅଭିଯୋଗକୁ ଖଣ୍ଡନ କରିଛନ୍ତି ଲେନେଗ ବ୍ରେଡକ୍ସ । ସେ କହିଛନ୍ତି ଏହା ମିଥ୍ୟା ଏବଂ ସେ ଜାସୁସୀ କରିଥିବା ନେଇ ପ୍ରମାଣ ଆବଶ୍ୟକ । ଜାସୁସୀଗିରି କରୁଥିବା ସନ୍ଦେହରେ ଫ୍ରାନ୍ସ ୨୪ ସାମ୍ବାଦିକଙ୍କ ଫୋନକୁ ମେ ୨୦୧୯,  ସେପ୍ଟେମ୍ବର ୨୦୨୦ ଓ ଜାନୁଆରୀ ୨୦୨୧ରେ ଟାର୍ଗେଟ କରାଯାଇଥିଲା ।

ଗଜପତି ଆସି ତଦନ୍ତରେ ସହଯୋଗ କରିବାକୁ ବିଦ୍ୟାଙ୍କୁ ନୋଟିସ୍‌ କରିବ ପାରଳା ପୋଲିସ୍‌

ବାଲେଶ୍ୱର: ଏସିଏଫ୍‌ ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲାରେ ବିଦ୍ୟାଭାରତୀଙ୍କୁ ନୋଟିସ୍ କରିବ ପାରଳା ପୋଲିସ। ଗଜପତି ଯାଇ ତଦନ୍ତରେ ସହଯୋଗ କରିବା ପାଇଁ ତାଙ୍କୁ ନୋଟିସ୍‌ କରାଯିବ। ସେପଟେ ପୁଣି ପତ୍ନୀ ବିଦ୍ୟାଭାରତୀଙ୍କୁ ଜେରା କରୁଛି ପାରଳାଖେମୁଣ୍ଡି ପୋଲିସ। ମୟୂରଭଞ୍ଜ ଜିଲ୍ଲା କପ୍ତିପଦାରେ ପାରଳା ପୋଲିସର ୪ ଜଣିଆ ଟିମ୍‌ ବିଦ୍ୟାଙ୍କୁ ଜେରା କରୁଛି। କେମିତି ସୌମ୍ୟଙ୍କ ଦେହରେ ନିଆଁ ଲାଗିଲା? ଗୋଟେ ଘରେ ଥାଇ ମଧ୍ୟ କେମିତି ଜାଣିପାରିଲେନି ବିଦ୍ୟା ? ସୌମ୍ୟଙ୍କ ସହ ତାଙ୍କ ସମ୍ପର୍କ କେମିତି ଥିଲା ? ଚାକିରି ଓ ପାରିବାରିକ କାରଣରୁ ଚାପରେ ଥିଲେ କି ସୌମ୍ୟ ? ଭଳି ପ୍ରଶ୍ନ ବିଦ୍ୟାଙ୍କୁ ପୋଲିସ ପଚାରିଥିବା ଶୁଣିବାକୁ ମିଳୁଛି । ଏହା ଭିତରେ ଉଭୟ ବିଦ୍ୟା ଓ ସୌମ୍ୟଙ୍କ ଅନେକ ହାତଲେଖା ସାମନାକୁ ଆସିଛି।

ଏଥିରୁ ଉଭୟଙ୍କ ସଂପର୍କ ଠିକ୍‌ ନଥିବା ଅନୁମାନ କରାଯାଉଛି। ତେବେ ସୌମ୍ୟ ମୃତ୍ୟୁ ସହ ଏହାର କିଛି ସଂପର୍କ ରହିଛି କି, ସେନେଇ ଖୋଳତାଡ଼ କରିପାରେ ପାରଳା ପୋଲିସ। ଏହା ପୂର୍ବରୁ ବିଭିନ୍ନ ସ୍ଥାନରେ ମାମଲା ସହ ଜଡିତ ଲୋକଙ୍କୁ ଜେରା କରିବା ସହିତ ସିଡିଆର ଯାଞ୍ଚ କରିଛି ପୋଲିସ। ଡ୍ରାଇଭରଙ୍କୁ ମଧ୍ୟ ଟିମ୍ ପଚରା ଉଚରା କରିବ। ଡ୍ରାଇଭର ଘଟଣା ଦିନ ଓ ପୂର୍ବରୁ ବିଦ୍ୟାଭାରତୀଙ୍କ ପରିବାରକୁ ଭଡା ଗାଡିରେ ନେବା ଆଣିବା କରିଥିଲେ। ସେପଟେ ସୌମ୍ୟଙ୍କ ମୃତ୍ୟୁର ୩ ସପ୍ତାହ ପରେ ପୋଲିସ ପ୍ରାୟ ୨୫ରୁ ଅଧିକ ଲୋକଙ୍କ ବୟାନ ରେକର୍ଡ କରିଛି। ୬ ଜଣଙ୍କୁ ଜେରା କରାଯାଇଛି ତଥାପି ରହସ୍ୟର ଗୁମର ଖୋଲିନି।

ବନ୍ୟା ଜଳରେ ଭାସୁଛି ଚୀନ: କାର୍ ପାର୍କିଂରୁ ମିଳିଲା ୩୯ ମୃତଦେହ, ଡ୍ରେନରେ ବୁଡ଼ି ୬ ମୃତ

ଚୀନ: ଚୀନରେ ଭୟହ୍କର ରୂପ ନେଉଛି ବନ୍ୟା । ଅଧିକାଂଶ ଅଞ୍ଚଳ ଜଳମଗ୍ନ ହୋଇଯାଇଥିବାବେଳେ ଶହ ଶହ ଲୋକଙ୍କ ଜୀବନ ଗଲାଣି । ଗତ କିଛି ଦିନ ହେବ ଚୀନର ହେନାନ୍ ଅଞ୍ଚଳରେ ବନ୍ୟା ତାଣ୍ଡବ ରଚିଛି । ମୂଷଳଧାରାରେ ହୋଇଥିବା ବର୍ଷା କାରଣରୁ ଜନଜୀବନ ଅସ୍ତବ୍ୟସ୍ତ ହୋଇଯାଇଛି ।

ସରକାରୀ ଖବର ଅନୁସାରେ, ହେନାନର ରାଜଧାନୀ ଝାଙ୍ଗଜୋ ଅଞ୍ଚଳ ସବୁଠାରୁ ଅଧିକ ପ୍ରଭାବିତ ହୋଇଛି । ଏଠାରେ ୨୯୨ ଜଣ ପ୍ରାଣ ହରାଇଛନ୍ତି । ସେହିପରି ୪୭ ଜଣ ଏବେବି ନିଖୋଜ ଅଛନ୍ତି । ଏଠାରେ ଥିବା ଏକ କାର ପାର୍କିଂରେ ୩୯ ଜଣଙ୍କ ମୃତଦେହ ମିଳିଛି । ସହରର କିଛି ଡ୍ରେନରେ ମଧ୍ୟ ୬ଜଣ ବୁଡି ପ୍ରାଣ ହରାଇଛନ୍ତି । ଜିନଜିଆଙ୍ଗ୍ ସହରରେ ୭ ଜଣ ପ୍ରାଣ ହରାଇବା ବେଳେ ୩ ଜଣ ନିଖୋଜ ଅଛନ୍ତି ।

ଶୁକ୍ରବାର ସ୍ଥାନୀୟ ଅଧିକାରୀ ମୃତକଙ୍କ ସଂଖ୍ୟା ୯୯ କହିଥିଲେ । ଯାହା ୪୦୦କୁ ବୃଦ୍ଧି ପାଇଛି । ଏବେବି ୫୦ ଜଣ ନିଖୋଜ ଅଛନ୍ତି । ତେବେ ବର୍ଷା ଓ ବନ୍ୟା କାରଣରୁ ୧ କୋଟି ୪୫ ଲକ୍ଷ ୩୦ ହଜାରରୁ ଅଧିକ ଲୋକ ପ୍ରଭାବିତ ହୋଇଛନ୍ତି । ଏହାସହ ୯୦ ହଜାର ହେକ୍ଟରରୁ ଅଧିକ ଫସଲ କ୍ଷତିଗ୍ରସ୍ତ ହୋଇଛି । ୩୦୬୦୦ରୁ ଅଧିକ ଘର ଭାଙ୍ଗି ଯାଇଛି ।

ଜୁଲାଇ ୧୬ ପରେ ହେନାନ ପ୍ରାନ୍ତରେ ଅଧିକ ବର୍ଷା ହୋଇଥିଲା । ଝୋଙ୍ଗଝୋରେ ୩ ଦିନରେ ୬୧୭.୧ ମିମି ବର୍ଷା ରେକର୍ଡ କରାଯାଇଛି । ଯାହା ସହରର ବାର୍ଷିକ ବର୍ଷାର ପରିମାଣ ସହ ସମାନ । ଅର୍ଥାତ ଘଣ୍ଟା ପ୍ରତି ୨୦୧.୯ ମିମି ବର୍ଷା ହେଉଥିଲା । ଏହି କ୍ଷୟକ୍ଷତି ପାଇଁ ସ୍ଥାନୀୟ ପ୍ରଶାସନକୁ ସମସ୍ତେ ଦାୟୀ କରିଛନ୍ତି ।

ଗିରଫ ହେଲେ ରୋଜଭ୍ୟାଲି ଓଡ଼ିଶା ମୁଖ୍ୟ ବିକ୍ରମଜିତ୍ ଭୌମିକ

ଭୁବନେଶ୍ୱର:ଗିରଫ ହେଲେ ରୋଜଭ୍ୟାଲି ଓଡ଼ିଶା ମୁଖ୍ୟ। ଓଡ଼ିଶା ହେଡ୍‌ ବିକ୍ରମଜିତ୍ ଭୌମିକଙ୍କୁ କୋଲକାତାରୁ ଗିରଫ କରିଛି ଅର୍ଥନୈତିକ ଅପରାଧିକ ଶାଖା। ଗିରଫ ପରେ ବାଲେଶ୍ୱର ଓପିଆଇଡି କୋର୍ଟରେ ହାଜର କରିଛି ଇଓଡବ୍ଲ୍ୟୁ। ଜମାକାରୀଙ୍କୁ ଅଧିକ ଲାଭ ଦେବାର ଲୋଭ ଦେଖାଇ ୬ କୋଟିରୁ ଅଧିକ ଟଙ୍କା ଠକିଥିବା ନେଇ ଇଓଡବ୍ଲ୍ୟୁରେ ଅଭିଯୋଗ ହୋଇଥିଲା। ବିକ୍ରମଜିତଙ୍କୁ ପଶ୍ଚିମବଙ୍ଗର ମଇନାରୁ ଗିରଫ କରାଯାଇଥିବାବେଳେ ସେ ୨୦୧୩ ମସିହାରୁ ସେ ଫେରାର ଥିଲେ।

ଏହି ମାମଲାରେ ୨୦୧୯ ନଭେମ୍ବର ୨୯ରେ ଶୁଭ୍ରାଙ୍କୁ ଇଡି ଲୁକ୍ ଆଉଟ୍ ନୋଟିସ୍ ଜାରି କରିଥିଲା। ଏହା ପରେ ୨୦୨୧ରେ ଜାନୁଆରି ୧୫ରେ ରୋଜଭ୍ୟାଲିର ମୁଖ୍ୟ ଗୌତମକୁଣ୍ଡୁଙ୍କ ସ୍ତ୍ରୀକୁ ଗିରଫ କରାଯାଇଥିଲା। ସିବିଆଇ ୨୦୧୫ରେ ଗୌତମ କୁଣ୍ଡୁଙ୍କ ଗିରଫ କରିଥିଲା। ଏଥିସହ ଗୌତମଙ୍କ ୨୩୦୦ କୋଟି ଟଙ୍କାର ସମ୍ପତ୍ତି ବାଜ୍ୟାପ୍ତ କରାଯାଇଥିଲା। ଯେଉଁଥିରେ ହୋଟେଲ, ରିସର୍ଟ ଆଦି ରହିଛି। ରୋଜ୍ ଭ୍ୟାଲି ସାଥି ୨୭ଟି କମ୍ପାନୀ ମାଧ୍ୟରେ ଚିଟଫଣ୍ଡ ସ୍କାମ କରି ଲୋକଙ୍କୁ ଲୁଟୁଥିଲା। ରୋଜଭ୍ୟାଲି ଗ୍ରୁପ୍ ୧୫ ହଜାର କୋଟିର ସ୍କାମ କରିଥିବା ଅଭିଯୋଗ ହୋଇଥିଲା।

ଜାମ୍ମୁ କାଶ୍ମୀର: କଠୁଆ ଅଞ୍ଚଳରେ ଭାରତୀୟ ସେନା ହେଲିକପ୍ଟର ଦୁର୍ଘଟଣାଗ୍ରସ୍ତ, ଉଦ୍ଧାର କାର୍ଯ୍ୟ ଜାରି

ଜମ୍ମୁ କାଶ୍ମୀର: ବାୟୁସେନା ହେଲିକପ୍ଟର ଦୁର୍ଘଟଣାଗ୍ରସ୍ତ । ଜାମ୍ମୁ-କାଶ୍ମୀରର କଠୁଆ ଅଞ୍ଚଳରେ ମଙ୍ଗଳବାର ସକାଳୁ ଭାରତୀୟ ବାୟୁସେନାର ଏକ ହେଲିକପ୍ଟର କ୍ରାସ୍ ହୋଇଛି । ହେଲିକାପ୍ଟରଟି ଦୁର୍ଘଟଣାଗ୍ରସ୍ତ ହୋଇ ରଣଜିତ ସାଗର ଡ୍ୟାମରେ ଖସିପଡ଼ିଥିବା ସୂଚନା ରହିଛି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ଦିନ ପ୍ରାୟ ୧୦ଟା ୨୦ରେ ବାୟୁସେନାର ହେଲିକାପ୍ଟର-୨୫୪ ଆର୍ମି ସ୍କ୍ୱାର୍ଡନ ମାମୁନ କ୍ୟାଣ୍ଟରୁ ଉଡାଣ ଭରିଥିଲା । ଡ୍ୟାମ ଆଖପାଖ ଅଞ୍ଚଳରେ କମ୍ ଉଚ୍ଚତାରେ ହେଲିକାପ୍ଟରଟି ଚକ୍କର ମାରୁଥିବା ବେଳେ ହଠାତ୍ ଏହା କ୍ରାସ୍ ହୋଇଯାଇଥିଲା ।

 (ପ୍ରତିକାତ୍ମକ ଚିତ୍ର)

ଘଟଣାସ୍ଥଳରେ NDRF ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ହେଲିକାପ୍ଟରରେ କେତେ ଲୋକ ଥିଲେ ଓ କ’ଣ କ୍ଷତି ହୋଇଛି, ସେ ସମ୍ପର୍କରେ ଏଯାଏ ସୂଚନା ମିଳିନାହିଁ । କଠୁଆ ଜିଲ୍ଲା ଏସଏସପି ଆରସି କୋଟୱାଲଙ୍କ ଅନୁଯାୟୀ, ଡାଇଭରମାନେ ବର୍ତ୍ତମାନ ହ୍ରଦରେ ପଶି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି । ହେଲିକପ୍ଟରରେ କେତେ ଲୋକ ଥିଲେ, କେତେ କ୍ଷୟକ୍ଷତି ହୋଇଛି ଏନେଇ କୌଣସି ସୂଚନା ମିଳିପାରିନି ।

ପ୍ରକାଶ ପାଇଲା CBSE ୧୦ମ ଶ୍ରେଣୀ ପରୀକ୍ଷା ଫଳ, ପାସ ହାର ରହିଛି ୯୯.୦୪ ପ୍ରତିଶତ

ନୂଆଦିଲ୍ଲୀ: ବାହାରିଲା ସିବିଏସଇ ଦଶମ ପରୀକ୍ଷା ଫଳ। କୋଭିଡ ଯୋଗୁ ଇଣ୍ଟରନାଲ ଆସେସମେଣ୍ଟ ଭିତ୍ତିରେ ଚଳିତ ବର୍ଷ ମୂଲ୍ୟାୟନ କରାଯାଇଛି। cbseresults.nic.in ଓ http://cbse.gov.inରେ ରେଜଲ୍ଟ ପ୍ରକାଶ ପାଇଛି। ପୂର୍ବ ନିର୍ଧାରିତ ସମୟ ଅନୁଯାୟି ଆଜି ଦିନ ବାରଟାରେ ପ୍ରକାଶ ପାଇଛି ପରୀକ୍ଷା ଫଳ। ପ୍ରାର୍ଥୀମାନେ ମଧ୍ୟ CBSE Digilocker ୱେବସାଇଟ୍, digilocker.gov.in କୁ ଲଗ୍ ଇନ୍ କରି ମଧ୍ୟ ସେମାନଙ୍କର ରେଜଲ୍ଟ ଜାଣିପାରିବେ।

ମୋଟ ୨୦ ଲକ୍ଷ ୯୭ ହଜାର ୧୨୮ ଛାତ୍ରଛାତ୍ରୀଙ୍କ ମଧ୍ୟରୁ ୨୦ ଲକ୍ଷ ୭୬ ହଜାର ୯୯୭ ଛାତ୍ରଛାତ୍ରୀ ପାସ୍ କରିଛନ୍ତି। ପାସ ହାର ରହିଛି ୯୯.୦୪ ପ୍ରତିଶତ।  ଏଥିରେ ପ୍ରତ୍ୟେକ ବିଷୟ ପାଇଁ ୨୦ ମାର୍କ ଲେଖାଏଁ ଏବଂ ଆଗରୁ ହୋଇଥିବା ବିଭିନ୍ନ ଟେଷ୍ଟ ବା ପରୀକ୍ଷାରେ ପିଲା ରଖିଥିବା ମାର୍କ ଆଧାରରେ ୮୦ ମାର୍କର ମୂଲ୍ୟାୟନ କରାଯାଇଛି। ପ୍ରି-ବୋର୍ଡ, ମିଡ-ଟର୍ମ ଓ ପ୍ରି-ବୋର୍ଡ ପରୀକ୍ଷାରେ ପିଲା ରଖିଥିବା ମାର୍କ ଅନୁସାରେ ମୂଲ୍ୟାୟନ କରାଯାଇଛି।

ବିକଳ୍ପ ମୂଲ୍ୟାୟନ କରିବା ଲାଗି ସ୍କୁଲଗୁଡିକୁ ସିବିଏସଇ କର୍ତ୍ତୃପକ୍ଷ ନିର୍ଦ୍ଦେଶ ଦେଇଥିଲେ। ଦେଶରେ ପ୍ରାୟ ୧୮ ଲକ୍ଷ ଛାତ୍ରଛାତ୍ରୀ ସିବିଏସଇ ଦଶମ ପରୀକ୍ଷା ଲାଗି ନାମ ପଞ୍ଜିକରଣ କରିଥିଲେ। କୋଭିଡ ପାଇଁ ଚଳିତ ବର୍ଷ ପରୀକ୍ଷା ବାତିଲ ହୋଇଥିଲା। ତେବେ ତେବେ ଯେଉଁ ଛାତ୍ରଛାତ୍ରୀମାନେ ମୂଲ୍ୟାଙ୍କନ ପଦ୍ଧତିରେ ଖୁସି ନୁହଁନ୍ତି। ସେମାନେ ଅଫଲାଇନ ଜରିଆରେ ପରୀକ୍ଷା ଦେଇପାରିବେ। COVID-19 ସ୍ଥିତି ସୁଧାରିବା ପରେ ଏନେଇ ନିଷ୍ପତ୍ତି ନିଆଯିବ।