spot_img
Home Blog Page 5509

ପ୍ରକାଶ ପାଇଲା CBSE ୧୦ମ ଶ୍ରେଣୀ ପରୀକ୍ଷା ଫଳ, ପାସ ହାର ରହିଛି ୯୯.୦୪ ପ୍ରତିଶତ

ନୂଆଦିଲ୍ଲୀ: ବାହାରିଲା ସିବିଏସଇ ଦଶମ ପରୀକ୍ଷା ଫଳ। କୋଭିଡ ଯୋଗୁ ଇଣ୍ଟରନାଲ ଆସେସମେଣ୍ଟ ଭିତ୍ତିରେ ଚଳିତ ବର୍ଷ ମୂଲ୍ୟାୟନ କରାଯାଇଛି। cbseresults.nic.in ଓ http://cbse.gov.inରେ ରେଜଲ୍ଟ ପ୍ରକାଶ ପାଇଛି। ପୂର୍ବ ନିର୍ଧାରିତ ସମୟ ଅନୁଯାୟି ଆଜି ଦିନ ବାରଟାରେ ପ୍ରକାଶ ପାଇଛି ପରୀକ୍ଷା ଫଳ। ପ୍ରାର୍ଥୀମାନେ ମଧ୍ୟ CBSE Digilocker ୱେବସାଇଟ୍, digilocker.gov.in କୁ ଲଗ୍ ଇନ୍ କରି ମଧ୍ୟ ସେମାନଙ୍କର ରେଜଲ୍ଟ ଜାଣିପାରିବେ।

ମୋଟ ୨୦ ଲକ୍ଷ ୯୭ ହଜାର ୧୨୮ ଛାତ୍ରଛାତ୍ରୀଙ୍କ ମଧ୍ୟରୁ ୨୦ ଲକ୍ଷ ୭୬ ହଜାର ୯୯୭ ଛାତ୍ରଛାତ୍ରୀ ପାସ୍ କରିଛନ୍ତି। ପାସ ହାର ରହିଛି ୯୯.୦୪ ପ୍ରତିଶତ।  ଏଥିରେ ପ୍ରତ୍ୟେକ ବିଷୟ ପାଇଁ ୨୦ ମାର୍କ ଲେଖାଏଁ ଏବଂ ଆଗରୁ ହୋଇଥିବା ବିଭିନ୍ନ ଟେଷ୍ଟ ବା ପରୀକ୍ଷାରେ ପିଲା ରଖିଥିବା ମାର୍କ ଆଧାରରେ ୮୦ ମାର୍କର ମୂଲ୍ୟାୟନ କରାଯାଇଛି। ପ୍ରି-ବୋର୍ଡ, ମିଡ-ଟର୍ମ ଓ ପ୍ରି-ବୋର୍ଡ ପରୀକ୍ଷାରେ ପିଲା ରଖିଥିବା ମାର୍କ ଅନୁସାରେ ମୂଲ୍ୟାୟନ କରାଯାଇଛି।

ବିକଳ୍ପ ମୂଲ୍ୟାୟନ କରିବା ଲାଗି ସ୍କୁଲଗୁଡିକୁ ସିବିଏସଇ କର୍ତ୍ତୃପକ୍ଷ ନିର୍ଦ୍ଦେଶ ଦେଇଥିଲେ। ଦେଶରେ ପ୍ରାୟ ୧୮ ଲକ୍ଷ ଛାତ୍ରଛାତ୍ରୀ ସିବିଏସଇ ଦଶମ ପରୀକ୍ଷା ଲାଗି ନାମ ପଞ୍ଜିକରଣ କରିଥିଲେ। କୋଭିଡ ପାଇଁ ଚଳିତ ବର୍ଷ ପରୀକ୍ଷା ବାତିଲ ହୋଇଥିଲା। ତେବେ ତେବେ ଯେଉଁ ଛାତ୍ରଛାତ୍ରୀମାନେ ମୂଲ୍ୟାଙ୍କନ ପଦ୍ଧତିରେ ଖୁସି ନୁହଁନ୍ତି। ସେମାନେ ଅଫଲାଇନ ଜରିଆରେ ପରୀକ୍ଷା ଦେଇପାରିବେ। COVID-19 ସ୍ଥିତି ସୁଧାରିବା ପରେ ଏନେଇ ନିଷ୍ପତ୍ତି ନିଆଯିବ।

ସଂସଦରେ ବିରୋଧୀଙ୍କ ଉତ୍ତେଜନା ସମ୍ବିଧାନ ଏବଂ ଗଣତନ୍ତ୍ରର ଅପମାନ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସଂସଦର ମୌସୁମୀ ଅଧିବେଶନରେ ବିରୋଧୀଙ୍କ ଉତ୍ତେଜନାକୁ ସମ୍ବିଧାନ ଏବଂ ଗଣତନ୍ତ୍ରର ଅପମାନ ବୋଲି କହିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ସରକାର ଏବଂ ଦଳର ସାଂସଦମାନେ ପ୍ରତ୍ୟେକଟି ପଦକ୍ଷେପ ନେବା ଉଚିତ ଯାହା ଦ୍ୱାରା ଗୃହ ସୁରୁଖୁରୁରେ ଚାଲିପାରିବ। ଏହା ପୂର୍ବରୁ ବିଜେପି ସଂସଦୀୟ ଦଳର ବୈଠକରେ ସାଂସଦମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଓବିସି ବର୍ଗରେ ଡାକ୍ତରୀ ଶିକ୍ଷା କ୍ଷେତ୍ରରେ ୨୭ ପ୍ରତିଶତ ଏବଂ ଅର୍ଥନନୈତିକ ରୂପରେ ଦୁର୍ବଳ ଥିବା ଲୋକଙ୍କ ପାଇଁ ୧୦ ପ୍ରତିଶତ ସଂରକ୍ଷଣ ଦେଇଥିବାରୁ ଅଭିନନ୍ଦନ ଜଣାଇଛନ୍ତି।

 

ବୈଠକ ପରେ ସୂଚନା ପ୍ରଦାନ କରି କେନ୍ଦ୍ର ମନ୍ତ୍ରୀ ଭି ମୁରଲାଧରମ କହିଛନ୍ତି ଯେ, ସଂସଦୀୟ ଦଳର ବୈଠକରେ ପ୍ରଧାନମନ୍ତ୍ରୀ ସମ୍ବୋଧନର ଆରମ୍ଭ ଭଲ ଖବରରୁ ଆରମ୍ଭ କରିଛନ୍ତି । ଦେଶରେ ଜିଏସଟି ସଂଗ୍ରହ ୧.୧୬ ଲକ୍ଷ କୋଟିରେ ପହଞ୍ଚିଛି । ଟୋକିଓ ଅଲିମ୍ପିକ୍ସରେ ପିଭି ସିନ୍ଧୁଙ୍କ ବ୍ରୋଞ୍ଜ ପଦକ ଜିତିବା ଏବଂ ହକି ଦଳର ସଫଳତା ବିଷୟରେ ପ୍ରଧାନମନ୍ତ୍ରୀ ମଧ୍ୟ ଆଲୋଚନା କରିଥିଲେ।

ମୁରଲୀଧରନ୍ କହିଛନ୍ତି ଯେ ସଂସଦର ଉଭୟ ଗୃହରେ ବିରୋଧୀଙ୍କ ଉତ୍ତେଜନା ସଂସଦ ପାଇଁ ଅପମାନ। ଯେଉଁ ବ୍ୟକ୍ତି କାଗଜ ଛଡ଼ାଇ ନେଇ ତାକୁ ଚିରିଦେଇଛନ୍ତି, ତାଙ୍କୁ ଏହି କାର୍ଯ୍ୟକଳାପ ପାଇଁ ଟିକେ ବି ଅନୁତାପ ନାହିଁ । ବିଲ୍ ପାସ୍ ନେଇ ଜଣେ ବରିଷ୍ଠ ସାଂସଦଙ୍କ ମନ୍ତବ୍ୟ ଅତ୍ୟନ୍ତ ଅପମାନଜନକ ବୋଲି ସେ କହିଛନ୍ତି । ଅଧିବେଶନରେ ପ୍ରଧାନମନ୍ତ୍ରୀ ଇ-ଟଙ୍କା ବିଷୟରେ ମଧ୍ୟ କହିଛନ୍ତି ଏବଂ ଏଥିରୁ ଲୋକମାନେ ବିଶେଷ ଲାଭ ପାଇବେ ବୋଲି କହିଛନ୍ତି  ।

ଗ୍ଲୋବାଲ ଓ୍ୱାର୍ମିଂ ପାଇଁ ଗାଁ ଭିତରକୁ ମାଡ଼ି ଆସୁଛି ସମୁଦ୍ର ଜୁଆର

ପୁରୀ: ଗ୍ଲୋବାଲ ୱାର୍ମିଂ ପାଇଁ ବିପଦରେ ପୁରୀ ଜିଲ୍ଲା ଉପକୂଳ। ଧିରେ ଧିରେ ଭୟଙ୍କର ହେଉଛି ପୁରୀ ଜିଲ୍ଲାରେ ଉପରେ ଗ୍ଲୋବାଲ ଓ୍ୱାର୍ମିଂର ପ୍ରଭାବ। କାରଣ ଗାଁ ଭିତରକୁ ମାଡି ଆସୁଛି ସମୁଦ୍ର ଜୁଆର। ଫଳରେ ଚାଷ ଜମିରେ ପଶିଯାଉଛି ଲୁଣି ପାଣି। ତେବେ ଚାଷ ଜମିରେ ଲୁଣିପାଣି ପଶିଯିବା ଫଳରେ ନଷ୍ଠ ହେଉଛି ଏକର ଏକର ଜମି। ଏବେ ଭୟବିତ ଅବସ୍ଥାରେ ଅସ୍ତରଙ୍ଗ ବ୍ଲକର ଛେନୁଅ, ତଣ୍ଡାହର, ଉଦୟକନି ,କେଉଟଜଙ୍ଗା,ଦାଳୁଅକଣି ଭଳି ଅନେକ ଗ୍ରାମବାସୀ। ସବୁଦିନ ଭୟରେ ରାତି କଟୁଛି। ଜୁଆର ପୂର୍ବାପେକ୍ଷା ବଡ଼ ହୋଇଥିବାରୁ ସମୁଦ୍ର ମାଡ଼ିଆସିବାର ଭୟ ସବୁବେଳେ ରହୁଛି। ସେପଟେ ପୁରୀ କୋଣାର୍କ ମେରାଇନ୍ ଡ୍ରାଇଭରେ ମଧ୍ୟ ସମୁଦ୍ର ଜୁଆର ମାଡ ହେଉଥିବା ଦେଖିବାକୁ ମିଳିଛି। ଜୁଆର ବଡ଼ ହେବା କାରଣରୁ ବିଶେଷକରି ଇକୋ ରିଟ୍ରିଟ ହେଉଥିବା ସ୍ଥାନ ସମୁଦ୍ର ଗର୍ଭରେ ମିସିଗଲାଣି। ଏବେ ଏହି ଉପକୂଳର ସୁରକ୍ଷା ପାଇଁ ସରକାର ପଦକ୍ଷେପ ନେବାକୁ ସ୍ଥାନୀୟ ଲୋକେ ଓ ପର୍ଯ୍ୟଟକ ଦାବି କରିଛନ୍ତି। ଅନ୍ୟପଟେ ଉପକୂଳର ଅବକ୍ଷୟ ରୋକିବା ପାଇଁ ଖୁବ୍‌ଶୀଘ୍ର ପଦକ୍ଷେପ ନିଆଯିବ ବୋଲି କହିଛନ୍ତି ପୁରୀ ଜିଲ୍ଲାପାଳ ସମର୍ଥ ବର୍ମା।

ପୂର୍ବତନ ବିଧାୟକ ଅରୁଣ ଦେଙ୍କୁ ବିଜେଡି ପାର୍ଟି ଅଫିସରେ ଶ୍ରଦ୍ଧାଞ୍ଜଳି ଅର୍ପଣ

ଭୁବନେଶ୍ୱର: ପୂର୍ବତନ ବିଧାୟକ ତଥା ବିଜେଡି ନେତା ଅରୁଣ ଦେଙ୍କୁ ଆଜି ବିଜେଡି ଅଫିସରେ ଶ୍ରଦ୍ଧାଞ୍ଜଳି ଦିଆଯାଇଛି। ବିଜେଡିର ନେତାମନ୍ତ୍ରୀମାନେ ଆଜି ବିଜେଡି ପାର୍ଟି ଅଫିସରେ ଅରୁଣ ଦେଙ୍କୁ ଶ୍ରଦ୍ଧାଞ୍ଜଳି ଦେବା ସହ ତାଙ୍କ ଅମର ଆତ୍ମାର ସଦଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରିଛନ୍ତି। ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ମନ୍ତ୍ରୀ ସମୀର ଦାଶ, ସୁଶାନ୍ତ ସିଂହ, ଜ୍ୟୋତି ପାଣିଗ୍ରାହୀ, ବିଜେଡ଼ି ମହିଳା ସଭାନେତ୍ରୀ ସେହାଙ୍ଗିନୀ ଛୁରିଆ, ଓ ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା ପ୍ରମୁଖ ଉପସ୍ଥିତ ରହି ଶ୍ରଦ୍ଧାଞ୍ଜଳି ଦେଇଥିଲେ।  ଗତକାଲି ଭୁବନେଶ୍ୱରରେ ଏକ ଘରୋଇ ହସ୍ପିଟାଲରେ ଅରୁଣ ଦେଙ୍କ ଦେହାନ୍ତ ହୋଇଥିଲା। ବାମପନ୍ଥୀ ଚିନ୍ତାଧାର ସହ ଜଡ଼ିତ ଅରୁଣ ଦେ ୧୯୭୧ରେ ସିପିଆଇରେ ଯୋଗ ଦେଇଥିଲେ। ସିପିଆଇ ଦଳ ସହ ୧୯୯୪ ସହ ଜଡ଼ିତ ଥିଲେ। ସିପିଆଇ ପ୍ରାର୍ଥୀ ଭାବେ ସେ ତିନି ଥର ବାଲେଶ୍ୱର ବିଧାନସଭା କ୍ଷେତ୍ରରୁ ନିର୍ବାଚିତ ହୋଇଥିଲେ।

୧୯୭୪, ୧୯୮୦ ଓ ୧୯୯୦ରେ ସେ ତିନିଥର ସିପିଆଇରୁ ପ୍ରତିନିଧିତ୍ୱ କରି ବିଧାୟକ ହୋଇଥିଲେ । ୧୯୯୫ରେ ସେ ସ୍ୱାଧୀନ ପ୍ରାର୍ଥୀ ଭାବେ ଜିତିଥିଲେ । ପରେ ୨୦୦୪ରେ ସେ ଓଡିଶା ଗଣ ପରିଷଦରୁ ବିଧାୟକ ଭାବେ ନିର୍ବାଚିତ ହୋଇଥିଲେ । ୧୯୪୬ ଏପ୍ରିଲ ୩୦ ତାରିଖରେ ବାଲେଶ୍ୱରରେ ଜନ୍ମଗ୍ରହଣ କରିଥିବା ଅରୁଣ ଦେ ବୃତ୍ତିରେ ଜଣେ ଆଇନଜୀବୀ । ୨୦୦୯ରେ ସେ ଓଡିଶା ଗଣ ପରିଷଦରୁ ବାଲେଶ୍ୱର ଲୋକସଭା ଆସନ ପାଇଁ ପ୍ରତିଦ୍ୱନ୍ଦ୍ୱିତା କରି କଂଗ୍ରେସ ପ୍ରାର୍ଥୀ ଶ୍ରୀକାନ୍ତ ଜେନାଙ୍କ ଠାରୁ ହାରିଯାଇଥିଲେ । ୨୦୦୯ ପରେ ସେ ଆଉ ନିର୍ବାଚନ ଜିତି ପାରିନାହାଁନ୍ତି । ୨୦୧୪ରେ ସେ ବିଜେଡିରେ ଯୋଗ ଦେଇଥିଲେ । କିନ୍ତୁ ଟିକେଟ ନପାଇବାରୁ ସେ ବିଜେଡି ଛାଡି କଂଗ୍ରେସ ପ୍ରାର୍ଥୀ ଭାବେ ବାଲେଶ୍ୱର ବିଧାନସଭା ଆସନରୁ ଲିଢିଥିଲେ । କିନ୍ତୁ ବିଜେଡି ପ୍ରାର୍ଥୀ ଜୀବନ ପ୍ରଦୀପ ଦାସଙ୍କ ଠାରୁ ହାରିଯାଇଥିଲେ । ୨୦୨୦ରେ ବାଲେଶ୍ୱର ଉପନିର୍ବାଚନ ପୂର୍ବରୁ ସେ ପୁଣି ଥରେ ବିଜେଡି ଫେରିଥିଲେ ।

ଆଜି ପ୍ରକାଶ ପାଇବ ସିବିଏସଇ ଦଶମ ଶ୍ରେଣୀ ପରୀକ୍ଷା ଫଳ

ଭୁବନେଶ୍ୱର: ଆଜି ପ୍ରକାଶ ପାଇବ ସିବିଏସଇ ଦଶମ ପରୀକ୍ଷା ଫଳ। କୋଭିଡ ଯୋଗୁ ଇଣ୍ଟରନାଲ ଆସେସମେଣ୍ଟ ଭିତ୍ତିରେ ଚଳିତ ବର୍ଷ ମୂଲ୍ୟାୟନ କରାଯାଇଥିଲା। ଇଣ୍ଟରନାଲ ଆସେସମେଣ୍ଟ କ୍ଷେତ୍ରରେ ପ୍ରତ୍ୟେକ ବିଷୟ ସକାଶେ ୨୦ ଲେଖାଁଏ ମାର୍କ ଏବଂ ସମ୍ପନ୍ନ ହୋଇଥିବା ବିଭିନ୍ନ ଟେଷ୍ଟ ବା ପରୀକ୍ଷାରେ ପିଲା ରଖିଥିବା ମାର୍କକୁ ଆଧାର କରି ୮୦ ମାର୍କର ମୂଲ୍ୟାୟନ କରାଯାଇଥିଲା। ପ୍ରି-ବୋର୍ଡ, ମିଡ-ଟର୍ମ ଓ ପ୍ରି-ବୋର୍ଡ ପରୀକ୍ଷାରେ ପିଲା ରଖିଥିବା ମାର୍କ ଅନୁସାରେ ମୂଲ୍ୟାୟନ କରାଯାଇଥିଲା। ବିକଳ୍ପ ମୂଲ୍ୟାୟନ କରିବା ଲାଗି ସ୍କୁଲଗୁଡିକୁ ସିବିଏସଇ କର୍ତ୍ତୃପକ୍ଷ ନିର୍ଦ୍ଦେଶ ଦେଇଥିଲେ। ଦେଶରେ ପ୍ରାୟ ୧୮ ଲକ୍ଷ ଛାତ୍ରଛାତ୍ରୀ ସିବିଏସଇ ଦଶମ ପରୀକ୍ଷା ଲାଗି ନାମ ପଞ୍ଜିକରଣ କରିଥିଲେ। କୋଭିଡ ନେଇ ପରୀକ୍ଷା ହୋଇଥିଲା ବାତିଲ। ଗତ ଜୁଲାଇ ୩୦ ତାରିଖରେ ସିବିଏସଇ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇଥିଲା। ଚଳିତ ବର୍ଷ ପରୀକ୍ଷା ହୋଇପାରି ନଥିବାରୁ ଦ୍ୱାଦଶ ପରୀକ୍ଷା ଫଳ ବିକଳ୍ପ ମୂଲ୍ୟାୟନ ଭିତ୍ତିରେ ହୋଇଥିଲା।
cbseresults.nic.in, cbse.gov.in. ୱେବସାଇଟରେ ପ୍ରକାଶ ପାଇବ ପରୀକ୍ଷା ଫଳ। କରୋନା ପାଇଁ ବାତିଲ ହୋଇଥିଲା ଚଳିତ ବର୍ଷର ଦଶମ ଓ ଦ୍ୱାଦଶ ପରୀକ୍ଷା ।

ମୁକେଶ ଅମ୍ବାନୀଙ୍କ ଘର ନିକଟରେ ବୋମା ରଖିବା ଘଟଣା, ଅଖତାର ଠାରୁ ଜବତ ହୋଇଥିବା ଦୁଇଟି ମୋବାଇଲ ଫୋନକୁ ହେପାଜତକୁ ନେଲା ଏନଆଇଏ

ନୂଆଦିଲ୍ଲୀ: ଶିଳ୍ପପତି ମୁକେଶ ଅମ୍ବାନୀଙ୍କ ଘର ନିକଟରେ ବୋମା ଠାବ ମଲା। ଇଣ୍ଡିଆନ ମୁଜାହିଦ୍ଦିନ ମୁଖ୍ୟ ତଥା ମୁଖ୍ୟ ଅଭିଯୁକ୍ତ ତେହସିନ ଅଖତାର ନିକଟରୁ ଜବତ ହୋଇଥିବା ଦୁଇଟି ମୋବାଇଲ ଫୋନକୁ ହେପାଜତକୁ ନେଇଛି ଜାତୀୟ ତଦନ୍ତକାରୀ ସଂସ୍ଥା ବା ଏନଆଇଏ। ବର୍ତ୍ତମାନ ଅଖତାର ତିହାର ଜେଲରେ ରହିଛି। ସେ ଏହି ଦୁଇଟି ଆଣ୍ଡ୍ରଏଡ ଫୋନ ସମ୍ପର୍କରେ ସ୍ୱୀକାର କରିଛି। ମାତ୍ର ଏହା ଜରିଆରେ କୌଣସି ମେସେଜକୁ ସେୟାର କରିନାହିଁ ବୋଲି କହିଥିଲା। ଅମ୍ବାନୀଙ୍କ ଘର ଆଗରେ ରହିଥିବା ଏସୟୁଭିରେ ବୋମା ରଖିବା ଘଟଣାରେ ଆତଙ୍କବାଦୀ ସଂଗଠନ ଜୈସ ଉଲ ହିନ୍ଦ ନାମକ ଏକ ସଂଗଠନର ହାତ ରହିଛି ବୋଲି ମେସେଜରେ ଦାବି କରାଯାଇଥିଲା। ଦିଲ୍ଲୀ ପୋଲିସ ସ୍ପେଶାଲ ସେଲ୍ ନିକଟରୁ ଏନଆଇଏ ଏହି ଫୋନ ସଂଗ୍ରହ କରି ଅଧିକ ତଦନ୍ତ ଜାରି ରଖିବା ସହ ଜଣେ ବରିଷ୍ଠ ପୋଲିସ ଅଧିକାରୀଙ୍କ ସମ୍ପୃକ୍ତି ନେଇ ତଦନ୍ତ ଜାରି ରଖିଛି। ପ୍ରମାଣ ମିଳିବା ପରେ ତାଙ୍କୁ ଗିରଫ ଲାଗି ଅନୁମତି ମଗାଯିବା ସହ ପ୍ରତିଷ୍ଠାତା ୟାସିନ ଭଟକଲ ଗିରଫ ହେବା ପରେ ଇଣ୍ଡିଆନ ମୁଜାହିଦ୍ଦିନ ସଂଗଠନର ଦାୟିତ୍ୱ ନେଇଛି ଅଖତାର। ୨୦୧୧ ମୁମ୍ବାଇ ବିସ୍ଫୋରଣ ମାମଲାରେ ଭଟକଲର ବି ସମ୍ପୃକ୍ତି ଥିଲା। ତିହାର ଜେଲରେ ଦିଲ୍ଲୀ ପୋଲିସର ରେଡ ବେଳେ ବାରାକ ଭିତରୁ ଅଖତାରର ଦୁଇଟି ଫୋନ ଜବତ ହୋଇଥିଲା।

କରୋନାକୁ ନେଇ ବଡ଼ ଖବର, ସଂକ୍ରମିତଙ୍କ ଲୁହ ଦ୍ୱାରା ବି ବ୍ୟାପିପାରେ କରୋନା ସଂକ୍ରମଣ

ନୂଆଦିଲ୍ଲୀ: କୋଭିଡ ରୋଗୀଙ୍କ ଲୁହ ଜରିଆରେ ବି ସଂକ୍ରମିତ କରିପାରେ କରୋନା ଭାଇରସ। କେତେକ ସଂକ୍ରମିତ ରୋଗୀଙ୍କ ପରୀକ୍ଷା ପରେ ଏହା ସ୍ପଷ୍ଟ ହୋଇଛି। ତେବେ ନିଶ୍ୱାସ ପ୍ରଶ୍ୱାସ ଜନିତ ଜଳୀୟ ବିନ୍ଦୁ ବା ଡ୍ରପଲେଟ ସଂକ୍ରମଣର ପ୍ରାଥମିକ କାରଣ ବୋଲି ଅନୁସନ୍ଧାନରୁ ଜଣାଯାଇଛି। ପଞ୍ଜାବ ଅମୃତସରସ୍ଥିତ ସରକାରୀ ମେଡିକାଲ କଲେଜ ପକ୍ଷରୁ କରାଯାଇଥିବା ଗବେଷଣାରେ କୁହାଯାଇଛି, ଚକ୍ଷୁର ଏକ ଅବସ୍ଥା ଆସିଥାଏ ଯାହାକୁ ଅକୁଲାର ମାନିଫେଷ୍ଟେସନ କୁହାଯାଏ। ଶରୀରର ଅନ୍ୟ କୌଣସି ଅଙ୍ଗର କାରଣ ଥିବା ରୋଗ ଜରିଆରେ ପରୋକ୍ଷ ବା ପ୍ରତ୍ୟକ୍ଷ ଭାବେ ଏହା ଚକ୍ଷୁକୁ ସଂକ୍ରମିତ କରିଥାଏ। ଦୃଷ୍ଟିଶକ୍ତି ମଧ୍ୟ ପ୍ରଭାବିତ ହୋଇଥାଏ। ପ୍ରାୟ ୧୨୦ ଜଣ ରୋଗୀଙ୍କ କ୍ଷେତ୍ରରେ ପ୍ରମାଣିତ ହୋଇଥିଲା ଯେ ୬୦ ଜଣ ରୋଗୀଙ୍କୁ ଅକୁଲାର ମାନିଫେଷ୍ଟେସନ ହୋଇଛି। ଅନ୍ୟ ୬୦ଜଣକ କ୍ଷେତ୍ରରେ ଏହା ଦେଖାଯାଇ ନଥିଲା। ପ୍ରାୟ ୩୭ ପ୍ରତିଶତ ରୋଗୀଙ୍କ କ୍ଷେତ୍ରରେ ମଧ୍ୟମ ଧରଣର କୋଭିଡ ସଂକ୍ରମଣ ପରିଲକ୍ଷିତ ହୋଇଥିବା ବେଳେ ୬୩ ପ୍ରତିଶତଙ୍କ କ୍ଷେତ୍ରରେ ଗୁରୁତର କୋଭିଡ ସଂକ୍ରମଣ ହୋଇଥିଲା। ଲୁହର ଆରଟିପିସିଆର ଟେଷ୍ଟ ହୋଇଥିବା ରୋଗୀଙ୍କ ମଧ୍ୟରୁ ପ୍ରାୟ ୧୭.୦୫ ପ୍ରତିଶତ ରୋଗୀ କୋଭିଡ ପଜିଟିଭ ଥିବା ଜଣାପଡିଥିଲା। ସେମାନଙ୍କ ମଧ୍ୟରୁ ୧୧ଜଣ ରୋଗୀ ଅକୁଲାର ମାନିଫେଷ୍ଟେସନରେ ପୀଡିତ ଥିବା ବେଳେ, ୧୦ ଜଣ ରୋଗୀଙ୍କ ନିକଟରେ ଏହା ଦେଖାଯାଇ ନଥିଲା। ଏହି ପ୍ରମାଣ ମିଳିବା ପରେ ରୋଗୀଙ୍କୁ ଦେଖିବା ସମୟରେ ସତର୍କତା ଅବଲମ୍ବନ କରିବା ଲାଗି ଚକ୍ଷୁ ଡାକ୍ତରମାନଙ୍କୁ ପରାମର୍ଶ ଦିଆଯାଇଛି।

ପେଗାସସ ପ୍ରସଙ୍ଗର ଭିନ୍ନ ମୋଡ, ତିନି ଜଣ ସାମ୍ବାଦିକଙ୍କ ଫୋନରେ ଠାବ ହେଲା ସ୍ପାଇଓ୍ୱେୟାର

ନୂଆଦିଲ୍ଲୀ: ପେଗାସସ ପ୍ରସଙ୍ଗର ଭିନ୍ନ ମୋଡ। ଫ୍ରାନ୍ସର ତିନି ଜଣ ସାମ୍ବାଦିକଙ୍କ ଫୋନରେ ସ୍ପାଇଓ୍ୱେୟାର ଠାବ ହୋଇଛି ବୋଲି କହିଛି ଫ୍ରାନ୍ସର ଗୁଇନ୍ଦା ସଂସ୍ଥା।  ପେଗାସସ ଜରିଆରେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ, ଇରାକ ରାଷ୍ଟ୍ରପତି ବାରହମ ସାଲି ଓ ଦକ୍ଷିଣ ଆଫ୍ରିକାର ରାଷ୍ଟ୍ରପତି ସାଇରିଲ ରାମୋଫାସାଙ୍କୁ ଟାର୍ଗେଟ କରାଯାଇଥିଲା। ଏହା ସହ ଦେଶ ବିଦେଶର ଅନେକ ରାଜନେତା, ମନ୍ତ୍ରୀ, ବିଚାରପତି, ସାମ୍ବାଦିକଙ୍କୁ ଟାର୍ଗେଟ କରାଯାଇଥିବା ଖବର ପ୍ରକାଶ ପାଇବା ପରେ ଚାଞ୍ଚଲ୍ୟ ସୃଷ୍ଟି ହୋଇଥିଲା। କିଛି ଦିନ ଧରି ପେଗାସସ ମାମଲା ତମ୍ବି ତୋଫାନ ସୃଷ୍ଟି କରିବା ପରେ ପ୍ରଥମ ଥର ଲାଗି ଫ୍ରାନ୍ସ ଗୁଇନ୍ଦା ସଂସ୍ଥା ପକ୍ଷରୁ କୁହାଯାଇଛି ଯେ, ୩ ଜଣ ସାମ୍ବାଦିକଙ୍କ ଫୋନରୁ ଏହି ସ୍ପାଇଓ୍ୱେୟାର ଠାବ ହୋଇଛି। ସେମାନଙ୍କ ମଧ୍ୟରେ ରହିଛନ୍ତି ଫ୍ରାନ୍ସର ଆନ୍ତର୍ଜାତିକ ଟେଲିଭିଜନ ଷ୍ଟେସନ ଫ୍ରାନ୍ସ ୨୪ର ଜଣେ ବରିଷ୍ଠ ସଦସ୍ୟ। ଫ୍ରାନ୍ସର ନ୍ୟାସନାଲ ଏଜେନ୍ସି ଫର ଇନଫର୍ମେସନ ସିଷ୍ଟମସ ସିକ୍ୟୁରିଟି ବା ଆନସି ପକ୍ଷରୁ କରାଯାଇଥିବା ଡିଜିଟାଲ ଟ୍ରେସିଂରୁ ଜାସୁସୀ ସମ୍ପର୍କରେ ସ୍ପଷ୍ଟ ସୂଚନା ମିଳିଛି। ଫ୍ରାନ୍ସ ୨୪ର ସାମ୍ବାଦିକ, ଫ୍ରାନ୍ସର ଅନୁସନ୍ଧାନଧର୍ମୀ ଓ୍ୱେବସାଇଡ ମିଡିଆ ପୋର୍ଟର ସାମ୍ବାଦିକ ଲେନେଗ ବ୍ରେଡକ୍ସ ଓ ଏହି ଓ୍ୱେବସାଇଟର ନିର୍ଦ୍ଦେଶକ ଏଡି ପ୍ଲେନେଲଙ୍କ ଫୋନରୁ ଏହି ସ୍ପାଇଓ୍ୱେୟାର ଠାବ ହୋଇଛି। ତେବେ ଏହି ଅଭିଯୋଗକୁ ଖଣ୍ଡନ କରିଛନ୍ତି ଲେନେଗ ବ୍ରେଡକ୍ସ। ସେ କହିଛନ୍ତି ଏହା ମିଥ୍ୟା ଏବଂ ସେ ଜାସୁସୀ କରିଥିବା ନେଇ ପ୍ରମାଣ ଆବଶ୍ୟକ। ଜାସୁସୀଗିରି କରୁଥିବା ସନ୍ଦେହରେ ଫ୍ରାନ୍ସ ୨୪ ସାମ୍ବାଦିକଙ୍କ ଫୋନକୁ ମେ ୨୦୧୯, ସେପ୍ଟେମ୍ବର ୨୦୨୦ ଓ ଜାନୁଆରୀ ୨୦୨୧ରେ ଟାର୍ଗେଟ କରାଯ଼ଇଥିଲା।

ମୁଗୁନି ପଥର ଖଣିରେ ରାତି ଅଧିଆ ଚଢାଉ, ବେଆଇନ ଭାବେ ଚାଲାଣ ହେଉଥିଲା ଶହ ଶହ ଟ୍ରକ୍‌ ପଥର

ଟାଙ୍ଗୀ: ଟାଙ୍ଗୀ ବେଆଇନ କଳା ମୁଗୁନି ପଥର ଖଣିରେ ରାତି ଅଧିଆ ଚଢାଉ। ରେଡ୍‌ ବେଳେ ଛତ୍ରଭଙ୍ଗ ଦେଲେ ଖଣି ମାଫିଆ। ଗୋଟିଏ ପୋକଲିନ୍ ମେସିନ୍ ସହ ୨ଟି ଟ୍ରାକ୍ଟର କଂପ୍ରେସର ଜବତ କରିଛି ରେଡ କରିଥିବା ଦଳ। ଧରାପଡ଼ିଥିବା ୬ ଜଣଙ୍କୁ ଅଟକ ରଖାଯାଇଛି। ଜବତ ପୋକଲିନ୍‌ର ମୁଲ୍ୟ ୨କୋଟି ଟଙ୍କାରୁ ଅଧିକ ହେବ ବୋଲି ସୂଚନା ମିଳିଛି।

କୟଠପଲା  ନିକଟ ବ୍ରୁଷବନ୍ଧ ପାହାଡର ୭ନମ୍ବର ଖଣିରେ ହୋଇଛି ଚଢାଉ। ମାଫିଆ ମାନେ ଖଣିରେ ବେଆଇନ ଭାବେ ରାତି ଅଧିଆ ଚଳାଇଥିଲେ ପଥର ଚାଲାଣ କାରନାମା। ଦିନ ଦ୍ୱିପ୍ରହରରେ ବ୍ଲାଷ୍ଟିଂ କରି ଚାଲାଣ କରୁଥିଲେ ଶହ ଶହ ଟ୍ରକ୍ କଳା ମୁଗୁନି ପଥର। ରୋଜଗାର କରୁଥିଲେ ଲକ୍ଷ ଲକ୍ଷ ଟଙ୍କା। ତେବେ ପୋଲିସ୍  ଓ  ତହସିଲଦାରଙ୍କ ଜୋରଦାର ଚଢାଉ ଫଳରେ କିଛି ଦିନ ଖଣିରେ କାରବାର ବନ୍ଦ କରିଦେଇଥିଲେ ଖଣି ମାଫିଆ। ବିଳମ୍ବିତ ରାତିରେ ଚଢାଉ କରି ମିଳିଲା ସଫଳତା।

କଟକଣା କୋହଳ ହେବା ପରେ ଖୋଲୁଛି ଧର୍ମାନୁଷ୍ଠାନ, କଟକଣାରେ ଖୋଲିଲା ମା’ ବିରଜାଙ୍କ ମନ୍ଦିର

ଭୁବନେଶ୍ୱର: ସରିଲା ଭକ୍ତଙ୍କ ଅପେକ୍ଷା। ଆଜିଠୁ ରାଜ୍ୟରେ ଖୋଲିଛି ବିଭିନ୍ନ ଧର୍ମାନୁଷ୍ଠାନ। ସରକାରଙ୍କ ଅନୁମତି ପରେ ଖୋଲୁଛି ବିଭିନ୍ନ ମନ୍ଦିର। ଏନେଇ ସ୍ୱତନ୍ତ୍ର ଏସଓପି ମଧ୍ୟ ଜାରି ହୋଇଛି। ମନ୍ଦିରରେ ପ୍ରସାଦ ନେବା ମନା ହୋଇଛି। ଏହାସହିତ ସାମାଜିକ ଦୂରତାରେ ଭକ୍ତ ଦର୍ଶନ କରିବେ। ପଶ୍ଚିମ ଓଡ଼ିଶାର ଅଧିଷ୍ଠାତ୍ରୀ ଦେବୀ ମା ସମଲେଶ୍ୱରୀଙ୍କୁ ଆଜିଠୁ ଭକ୍ତ ଦର୍ଶନ କରୁଛନ୍ତି। ଦୀର୍ଘଦିନ ପରେ ମନ୍ଦିର ଖୋଲିଥିବାରୁ ଭକ୍ତଙ୍କ ମଧ୍ୟରେ ଉତ୍ସାହ ଦେଖାଦେଇଛି। ତେବେ ମନ୍ଦିର ଭିତରକୁ ଭୋଗ, ଫୁଲ, ଦୀପ ନେବାକୁ ବାରଣ କରାଯାଇଛି। ସେପଟେ ଆସନ୍ତାକାଲିଠୁ ଖୋଲିବ ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ମନ୍ଦିର। ଏଥିପାଇଁ ଜିଲ୍ଲା ପ୍ରଶାସନ ଅନୁମତି ଦୋଇଛି। ଅନ୍ୟପଟେ ପୁରୀ ଶ୍ରୀମନ୍ଦିର ଖୋଲିବା ନେଇ ଖୁବଶୀଘ୍ର ଆସିପାରେ ନିଷ୍ପତ୍ତି। ଆସନ୍ତାକାଲି ମନ୍ଦିର ପ୍ରଶାସନ ଏନେଇ ବୈଠକ କରିବ। ବୈଠକରେ ଜଗା ଦୁଆର ଖୋଲିବା କିଛି ନିଷ୍ପତ୍ତି ଆସିପାରେ। ପୁରୀରେ ଶ୍ରୀମନ୍ଦିର ବ୍ୟତୀତ ଅନ୍ୟ ମନ୍ଦିର ଖୋଲିବାକୁ ଜିଲ୍ଲା ପ୍ରଶାସନ ତରଫରୁ ଅନୁମତି ମିଳିଛି।