spot_img
Home Blog Page 5478

ଆଫଗାନିସ୍ତାନର ବଡ଼ ବଡ଼ ସହରକୁ କବଜା କଲା ତାଲିବାନ୍

ତାଲିବାନ: ଆଫଗାନିସ୍ତାନର ଅନ୍ୟତମ ବଡ଼ ବଡ଼ ସହର ହେରାତ ଓ କନ୍ଦାହାରକୁ କବ୍‌ଜା କରିଛି ତାଲିବାନ୍‌ । ପୂର୍ବରୁ ଗଜନୀ ସହରକୁ ନିଜ କବ୍‌ଜାକୁ ନେଇଥିଲା ତାଲିବାନ। ଆଫଗାନିସ୍ତାନର ଦ୍ୱିତୀୟ ବୃହତମ ସହର ହେଉଛି କନ୍ଦାହାର । ଆତଙ୍କବାଦୀମାନେ ସହରର ସହୀଦ ମଇଦାନଠାରେ ପହଞ୍ଚି ସାରିଛନ୍ତି । କନ୍ଦାହାର ସହର ପରେ ତାଲିବାନର ବଡ଼ ଟାର୍ଗେଟ ହେଉଛି କାବୁଲ ।

ସୂଚନା ଅନୁଯାୟୀ, ତାଲିବାନୀ ମାନେ କନ୍ଧାରର ଜେଲ ମଧ୍ୟ ଭାଙ୍ଗିଛନ୍ତି। ଜେଲ ଭାଙ୍ଗିବା ସହ ସେଠାରେ ଥିବା ସମସ୍ତ ରାଜନୈତିକ କଏଦୀଙ୍କୁ ନେଇ ପଳାଇଛନ୍ତି। ଏଭଳି ଭାବେ ଯଦି ତାଲିବାନର ବର୍ବରତା ଜାରି ରୁହେ, ତେବେ ଖୁବ୍ ଶୀଘ୍ର ସମ୍ପୂର୍ଣ୍ଣ ଆଫଗାନିସ୍ତାନକୁ ତାଲିବାନ ନିଜ ଅକ୍ତିଆରକୁ ନେଇଯିବ ବୋଲି ପୂର୍ବାନୁମାନ କରିଛି ଆମେରିକାର ଗୁଇନ୍ଦା ସଂସ୍ଥା । ଏବେ ସୁଦ୍ଧା ଆଫଗାନିସ୍ତାନର ଅଧାରୁ ଅଧିକ ଅଞ୍ଚଳକୁ ନିଜ ଅକ୍ତିଆରକୁ ନେଇ କ୍ରୁର ଶାସନ ଆରମ୍ଭ କରିଛି ତାଲିବାନ ।

ଏପଟେ ପରିସ୍ଥିତିକୁ ନଜରରେ ରଖି ଆଫଗାନିସ୍ତାନ ନିଜର ସେନା ମୁଖ୍ୟ ପରିବର୍ତ୍ତନ କରିଛି । ଅନ୍ୟପଟେ ଆଫଗାନିସ୍ତାନକୁ ଭାରତ ଦେଇଥିବା ଯୁଦ୍ଧ ବିମାନ MI-24କୁ ନିଜ ଅକ୍ତିଆରକୁ ନେଇଛି ତାଲିବାନ । ୨୦୧୯ରେ ଭାରତ ଆଫଗାନିସ୍ତାନକୁ ଏହି ହେଲିକପ୍ଟର ଗିଫ୍ଟ ଦେଇଥିଲା ।

ଆଫଗାନିସ୍ତାନରେ ଏଭଳି ସଙ୍କଟ ଦେଖି ପଡୋଶୀ ଦେଶ ମଧ୍ୟ ଚିନ୍ତାରେ । ଆପୋଷ ଆଲୋଚନା ମଧ୍ୟରେ ବିବାଦର ସମାଧାନ ହେବା ଦରକାର ବୋଲି ବିରୋଧୀ କହିଛନ୍ତି । ଆମେରିକା ମଧ୍ୟ ଏଥିରେ କୌଣସି ପ୍ରକାର ହସ୍ତକ୍ଷେପ ନକରିବାକୁ ସିଧାସିଧା କହିଦେଇଛନ୍ତି। ଏପଟେ ଆଫଗାନ୍‌  ସରକାରୀ କ୍ଷମତାକୁ ତାଲିବାନ ସହ ବାଣ୍ଟିବା ପାଇଁ ଚିନ୍ତା କରୁଛନ୍ତି। ଦେଶରେ ଚାଲିଥିବା ହିଂସାକୁ ବନ୍ଦ କଲେ ତାଲିବାନ, ସରକାରରେ ମଧ୍ୟ କିଛି ମାତ୍ରାରେ କ୍ଷମତାରେ ରହିବ ବୋଲି ଆଫଗାନ୍‌ ସରକାର ପ୍ରସ୍ତାବ ରଖିଛନ୍ତି ।

ଓଡ଼ିଶାରେ ଚାକିରି କରିବାକୁ ଚାହୁଁଛନ୍ତି ଅଲିମ୍ପିଆନ ଦୀପଗ୍ରେସ ଏକ୍କା

ଭୁବନେଶ୍ୱର: ଓଡ଼ିଶାରେ ଚାକିରି କରିବାକୁ ଚାହୁଁଛନ୍ତି ଅଲିମ୍ପିଆନ ଦୀପଗ୍ରେସ ଏକ୍କା। ଭୁବନେଶ୍ୱରରେ ଆୟୋଜିତ ଏକ ସମ୍ବର୍ଦ୍ଧନା ସଭାରେ ସମ୍ମାନୀତ ହେବା ଅବସରରେ ଏହା କହିଛନ୍ତି ଭାରତୀୟ ମହିଳା ହକି ଦଳର ଉପ ଅଧିନାୟକ। ଦୀପଗ୍ରେସ ବର୍ତ୍ତମାନ ମୁମ୍ବାଇ ରେଳବିଭାଗରେ କାର୍ଯ୍ୟରତ ଅଛନ୍ତି। ଓଡ଼ିଶାରେ ଚାକିରି ପାଇଁ ତାଙ୍କୁ ଅଫର ମିଳିଲେ ନିଶ୍ମୟ ଗ୍ରହଣ କରିବେ ବୋଲି କହିଛନ୍ତି ଦୀପଗ୍ରେସ। ୪ ଓଡ଼ିଆ ଖେଳାଳିଙ୍କୁ ଆଜି ସମ୍ବର୍ଦ୍ଧନା ଜଣାଇଥିଲା ହକି ଫ୍ୟାନ୍ସ ଏବଂ ୱେଲ ୱିସର ଅନୁଷ୍ଠାନ। ଭୁବନେଶ୍ୱର ସ୍ଥିତ ଏକ ହୋଟେଲରେ ଅମିତ ରୋହିଦାସ, ବୀରେନ୍ଦ୍ର ଲାକ୍ରା, ଦୀପଗ୍ରେସ ଏକ୍କା ଓ ନମିତା ଟପ୍ପୋଙ୍କୁ ସମ୍ବର୍ଦ୍ଧନା ଦିଆଯାଇଛି। ଭାରତୀୟ ହକିର ପୂର୍ବତନ କ୍ୟାପଟେନ ଦିଲ୍ଲୀପ ତିର୍କୀଙ୍କୁ ମଧ୍ୟ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧନା ଦିଆଯାଇଛି। ପୂର୍ବତନ କ୍ରୀଡା ପ୍ରଶାସକ ଅଶୋକ ମହାନ୍ତି ସମ୍ବର୍ଦ୍ଧନା ସଭାର ପରିଚାଳନା କରିଥିଲେ।

ପ୍ରଧାନମନ୍ତ୍ରୀ ଶ୍ରମ ପୁରସ୍କାର ଘୋଷଣା, ଓଡ଼ିଶାରୁ ମୋଟ ୧୫ ଜଣ ପାଇବେ ପୁରସ୍କାର

ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ଶ୍ରମ ଆୱାର୍ଡରେ ସ୍ଥାନ ପାଇଥିବା ବ୍ୟକ୍ତିଙ୍କ ତଥ୍ୟ ଭାରତ ସରକାରଙ୍କ ପକ୍ଷରୁ ପ୍ରକାଶ ପାଇଛି। ପୁରସ୍କାର ପାଇବା ପାଇଁ ଯୋଗ୍ୟ ବିବେଚିତ ହୋଇଛନ୍ତି ୬୯ ଜଣ ବ୍ୟକ୍ତି। ସମୁଦାୟ ୫ଶହ ବ୍ୟକ୍ତିଙ୍କ ନାମକୁ ସୁପାରିସ୍‌ କରାଯାଇଥିଲା। କେନ୍ଦ୍ର ସରକାରଙ୍କ ବିଭିନ୍ନ ବିଭାଗ, ପବ୍ଲିକ୍‌ କମ୍ପାନୀ ଏବଂ ରାଜ୍ୟ ସରକାର ଓ ବେସରକାରୀ ଅନୁଷ୍ଠାନରେ କାମ କରୁଛନ୍ତି ଏହି ସମସ୍ତ ୫୦୦ ବ୍ୟକ୍ତି। ସେମାନଙ୍କର ଦକ୍ଷତା, କାର୍ଯ୍ୟ ଶୈଳୀକୁ ବିଚାରକୁ ନିଆଯାଇ ଏହି ତଥ୍ୟ ପ୍ରକାଶ କରାଯାଇଛି। ଏହା ତିନୋଟି କ୍ୟାଟେଗୋରୀରେ ମିଳିବ।

୫ଶହ ଜଙ୍କ ମଧ୍ୟରୁ ଓଡ଼ିଶାରୁ ମୋଟ ୧୫ ଜଣ ଏହି ପୁରସ୍କାର ପାଇବା ପାଇଁ ମନୋନୀତ ହୋଇଥିବା ବେଳେ ୬ ଜଣ କେବଳ ରାଉରକେଲା ଷ୍ଟିଲ୍‌ ପ୍ଲାଣ୍ଟ୍‌ର କର୍ମଚାରୀ ହୋଇଥିବା ଜଣାପଡ଼ିଛି। ୬ ଜଣ ଶ୍ରମ ଭୂଷଣ ପାଇବାକୁ ଥିବା ବେଳେ ୬ ଜଣ ଶ୍ରମବୀର ଏବଂ ୩ ଜଣଙ୍କୁ ଶ୍ରମ ଶ୍ରୀ ପୁରସ୍କାର ପାଇବା ପାଇଁ ମନୋନୀତ ହୋଇଛନ୍ତି।

ଶ୍ରମ ଭୂଷଣ ଯେଉଁଥିରେ ୧ ଲକ୍ଷ ଟଙ୍କା ପୁରସ୍କାର ରହିଛି। ଶ୍ରମ ବୀର ପାଇଁ ୬୦ ହଜାର ଏବଂ ଶ୍ରମ ଶ୍ରୀ ପାଇଁ ୪୦ ହଜାର ଟଙ୍କା ପ୍ରଦାନ କରାଯିବ। ୨୦୧୮ ମସିହା ପାଇଁ ଶ୍ରମ ଭୂଷଣରେ ୪ ଜଣଙ୍କୁ ମନୋନୀତ କରାଯାଇଥିବା ବେଳେ ଶ୍ରମବୀର ପାଇଁ ୧୨ ଜଣ ଏବଂ ଶ୍ରମ ଶ୍ରୀ ପାଇଁ ୧୭ ଜଣଙ୍କୁ ଏହି ପୁରସ୍କାର ମିଳିବ। ସମୁଦାୟ ୩୩ ଜଣ ଆୱାର୍ଡ ପାଉଥିବା ବେଳେ ବଳକା ଟିମ୍‌ ବା ଅନୁଷ୍ଠାନରେ କାମ କରୁଥିବା ଜଣେରୁ ଅଧିକ ବ୍ୟକ୍ତିଙ୍କୁ ମିଳିବ ବୋଲି ଜଣାପଡ଼ିଛି।

 

ପ୍ରତିଶ୍ରୁତିକୁ ଭୁଲିଯାଇ ପ୍ରେମିକାକୁ ଧୋକା ଦେଇଥିଲେ, ଏବେ ଜେଲରେ ବାହା ହେଲେ

କଟକ: ପ୍ରଥମେ ଭଲ ପାଇଲେ ତାପରେ ବିବାହର ପ୍ରତଶ୍ରୁତି ଦେଲେ।  କିନ୍ତୁ ସମୟର ସହ ବଦଳି ଯାଇଥିଲା ସବୁକିଛି। ପ୍ରତିଶ୍ରୁତି ପାଣିର ଗାର ପାଲଟିଥିଲା। ପ୍ରତିଶ୍ରୁତିକୁ ଭୁଲିଯାଇ ଧୋକା ଦେଥିଲା ପ୍ରରେମିକ। ବାହା ହେବନି ବୋଲି ପ୍ରେମିକାକୁ କହିଥିଲା। ଯାହାପରେ ଅଭିଯୁକ୍ତ ସାଜି ଜେଲକୁ ଯାଇଥିଲା ପ୍ରେମିକ।

କିଛି ଦିନ ଜେଲରେ ରହିଲା ପରେ ନିଜ ଭୁଲକୁ ବୁଝିବା ସହ ଯୁବତୀଙ୍କୁ ବାହା ହେବାକୁ ମନବଳାଇଥିଲା। ଆଉ ଏବେ ଜେଲ ଭିତରେ ପ୍ରେମିକାର ମଥାରେ ସିନ୍ଦୁର ପିନ୍ଧାଇଛି ପ୍ରେମିକ। ସାତ ଜନମର ଜୀବନ ସାଥୀ ଭାବେ ଗ୍ରହଣ କରିଛି।

ଚୌଦ୍ୱାର ସର୍କଲ ଜେଲରେ ଅଭିଯୁକ୍ତ ବର ଓ ପୀଡିତା କନ୍ୟା ଙ୍କ ଶୁଭବିବାହ ଅନୁଷ୍ଠିତ ହୋଇଛି। ହିନ୍ଦୁ ଧର୍ମ ରୀତି ନୀତି ଅନୁଯାଇ ଶୁଭ ବିବାହ କାର୍ଯ୍ୟକ୍ରମ ଚୌଦ୍ୱାର ସର୍କଲ ଜେଲ ସଭା ଗୃହ ରେ ବ୍ରହ୍ମଣ ବେଦପାଠ ମଧ୍ୟ ରେ ଅନୁଷ୍ଠିତ ହୋଇଯାଇଛି। ଏହି ବିବାହ ପାଈଁ ମାନ୍ୟବର ଅତିରିକ୍ତ ଜିଲ୍ଲା ଦୌରା ଜଜଙ୍କ ନିର୍ଦେଶ ଦେଇଥିଲେ।

ମଣ୍ଡଳ କାରାଗାର ଚୌଦ୍ୱାର ର ବରିଷ୍ଠ ଅଧିକ୍ଷକ, ଜେଲର, ୱେଲଫେୟାର ଅଫିସର, ଜେଲ କର୍ମଚାରୀ ଓ ସ୍ୱେଛାସେବୀ ସଂଗଠନ ର କର୍ମକର୍ତା ଙ୍କ ଉପସ୍ଥିତରେ ବିଚାରଧୀନ ବନ୍ଦୀ ଅଂଶୁମାନ ମଳିକ ଓ ପୀଡିତା ଚିନ୍ମୟୀ ସେଠୀଙ୍କ ମଧ୍ୟରେ ଶୁଭ ବିବାହ କାର୍ଯ୍ୟକ୍ରମ ସମ୍ପନ୍ନ ହୋଇଥିବା ସୂଚନା ଦେଇଛନ୍ତି ଜେଲ ବିଭାଗର ବରିଷ୍ଠ ଅଧିକାରୀ।

ରାଜ୍ୟସ୍ତରୀୟ ସ୍ୱାଧୀନତା ଦିବସ ପାଳନ ସମୟରେ ଏମିତି ରହିବ ଟ୍ରାଫିକ୍‌ ବ୍ୟବସ୍ଥା

ଭୁବନେଶ୍ୱର: ରାଜ୍ୟସ୍ତରୀୟ ସ୍ୱାଧୀନତା ଦିବସ ପାଳନ ପାଇଁ ଆସିଲା ଗାଇଡଲାଇନ୍। କୋଭିଡ କଟକଣା ଭିତରେ ପ୍ରଦର୍ଶନୀ ପଡିଆରେ ପାଳିତ ହେବ ଉତ୍ସବ। ଏନେଇ ୧୫ ତାରିଖ ସକାଳ ୬ଟା ୩୦ରୁ ପ୍ୟାରେଡ ଶେଷ ପର୍ଯ୍ୟନ୍ତ ରାମ ମନ୍ଦିର ଛକ ଠାରୁ ହାଉସିଂ ବୋର୍ଡ ଛକ ପର୍ଯ୍ୟନ୍ତ ଯାନବାହାନ ଚଳାଚଳ ବନ୍ଦ ରହିବ। ରାମମନ୍ଦିର ଛକକୁ ଯିବାକୁ ହେଲେ ଏମବିଏସ୍ ସ୍କୁଲ ଗଳି ଦେଇ ଯିବାକୁ ପଡିବ। ହାଉସିଂ ବୋର୍ଡ ଛକକୁ ଯିବାକୁ ହେଲେ ସେଣ୍ଟ ଜୋସେଫ୍ ସ୍କୁଲ ଗଳି ରାସ୍ତା ଦେଇ ଯାଇପାରିବେ।

ସେହିଭଳି ପିଏମଜି ଓ କେଶରୀ ଟକିଜ୍ ପଟୁ ଆସୁଥିବା ସମସ୍ତ ଗାଡି ଚାର୍ଲି ହୋଟେଲ ଠାରୁ ସଚିବାଳୟ ମାର୍ଗ ଦେଇ ଯାଇ ପାରିବେ। ଗାଡି ପାର୍କିଂ ପାଇଁ ମଧ୍ୟ ସ୍ୱତନ୍ତ୍ର ବ୍ୟବସ୍ଥା ହୋଇଛି। ଭିଭିଆଇପି ଗାଡି ଗୁଡିକ ଗେଟ୍ ନମ୍ବର ୧ ନିକଟରେ  ପାର୍କି ବ୍ୟବସ୍ଥା ହୋଇଛି। ସମସ୍ତ ଅତିଥିଙ୍କ ଗାଡି ଗେଟ୍ ନମ୍ବର-୨ ନିକଟରେ ପାର୍କି କରାଯିବ। ଗଣମାଧ୍ୟମ ଗାଡି ଗୁଡିକ ପାଇଁ ଗେଟ୍ ନମ୍ବର-୫ ନିକଟରେ ପାର୍କି ବ୍ୟବସ୍ଥା କରାଯାଇଛି। ସେହିଭଳି ପୋଲିସ ବାହିନୀର ଗାଡି ପାର୍କି ପାଇଁ ଏମବିଏସ୍ ସ୍କୁଲ ଓ ସେଣ୍ଟ ଜୋସେଫ୍ ସ୍କୁଲ ଗଳିରେ କରାଯାଇଛି।

୩ ମାସ ମଧ୍ୟରେ ଆଫଗାନିସ୍ତାନକୁ କବ୍‌ଜା କରିପାରେ ତାଲିବାନ, ଆଫଗାନିସ୍ତାନର ୬୫% ଦଖଲ କଲା ତାଲିବାନ

ନୂଆଦିଲ୍ଲୀ: ପୂରା ଆଫଗାନିସ୍ତାନକୁ କବ୍‌ଜା କରିବ ତାଲିବାନ। ରାଜଧାନୀରୁ ମାତ୍ର ୧୫୦ କିଲୋମିଟର ଦୁରରେ ଅଛନ୍ତି ତାଲିବାନୀ। ଆଜି ଗଜନୀ ସହରକୁ ନିଜ କବ୍‌ଜାକୁ ନେଇ ନେବା ପରେ ତାଲିବାନର ଆତ୍ମବିଶ୍ୱାସ ଢେର ବଢିଛି। ତାଲିବାନୀ ମାନେ କାନ୍ଦାହାରର ଜେଲ ମଧ୍ୟ ଭାଙ୍ଗିଛନ୍ତି। ଜେଲ ଭାଙ୍ଗିବା ସହ ସେଠାରେ ଥିବା ସମସ୍ତ ରାଜନୈତିକ କଏଦୀଙ୍କୁ ନେଇ ପଳାଇଛନ୍ତି। ଗତ କିଛି ଦିନ ପୂର୍ବରୁ କାନ୍ଦାହାର ଜେଲ ଉପରେ ନଜର ପକାଇଥିଲେ ମଧ୍ୟ ବିଫଳ ହୋଇଥିଲା ତାଲିବାନ। ହେଲେ ଏବେ ସେ ମିଶନରେ ସଫଳ ହୋଇଛି। ଯଦି ଏଭଳି ଭାବେ ତାଲିବାନ ବର୍ବରତା ଜାରି ରୁହେ ତେବେ ୩ ମାସ ମଧ୍ୟରେ ସମ୍ପୂର୍ଣ୍ଣ ଆଫଗାନିସ୍ତାନକୁ ତାଲିବାନ ନିଜ ଅକ୍ତିଆରକୁ ନେଇଯିବ ବୋଲି ପୂର୍ବାନୁମାନ କରିଛି ଆମେରିକାର ଗୁଇନ୍ଦା ସଂସ୍ଥା।

ଏବେ ସୁଦ୍ଧା ଆଫଗାନିସ୍ତାନର ଅଧାରୁ ଅଧିକ ଅଞ୍ଚଳକୁ ନିଜ ଅକ୍ତିଆରକୁ ନେଇ କ୍ରୁର ଶାସନ ଆରମ୍ଭ କରିଛି ତାଲିବାନ। ଆଫଗାନିସ୍ତାନରୁ ଆମେରିକା ସୈନ୍ୟ ପ୍ରତ୍ୟାହାର କରିନେବା ପରେ ତାଲିବାନକୁ ଆୟତ କରିବା ଏବେ କାଠିକର ହୋଇପଡିଛି। ଏପଟେ ପରିସ୍ଥିତିକୁ ନଜରରେ ରଖି ଆଫଗାନିସ୍ତାନ ନିଜର ସେନା ମୁଖ୍ୟ ପରିବର୍ତ୍ତନ କରିଛି। ଅନ୍ୟପଟେ ଆଫଗାନିସ୍ତାନକୁ ଭାରତ ଦେଇଥିବା ଯୁଦ୍ଧ ବିମାନ ଏମ୍‌ଆଇ-୨୪ କୁ ନିଜ ଅକ୍ତିଆରକୁ ନେଇଛି ତାଲିବାନ।

୨୦୧୯ରେ ଭାରତ ଆଫଗାନିସ୍ତାନକୁ ଏହି ହେଲିକାପ୍ଟର ଗିଫ୍ଟ ଦେଇଥିଲା। ଆଫଗାନିସ୍ତାନରେ ଏଭଳି ସଙ୍କଟ ଦେଖି ପଡୋଶୀ ଦେଶ ମଧ୍ୟ ଚିନ୍ତାରେ। ଆପୋଷ ଆଲୋଚନା ମଧ୍ୟରେ ବିବାଦର ସମାଧାନ ହେବା ଦରକାର ବୋଲି ବିରୋଧୀ କହିଛନ୍ତି। ଆମେରିକା ମଧ୍ୟ ଏଥିରେ କୌଣସି ପ୍ରକାର ହସ୍ତକ୍ଷେପ ନକରିବାକୁ ସିଧାସିଧା କହିଦେଇଛନ୍ତି। ଏପଟେ ଆଫଗାନ୍‌ ସରକାର ସରକାରୀ କ୍ଷମତାକୁ ତାଲିବାନ ସହ ବାଣ୍ଟିବା ପାଇଁ ଚିନ୍ତା କରୁଛନ୍ତି। ଦେଶରେ ଚାଲିଥିବା ହିଂସାକୁ ବନ୍ଦ କଲେ ତାଲିବାନ, ସରକାରରେ ମଧ୍ୟ କିଛିମାତ୍ରାରେ କ୍ଷମତାରେ ରହିବ ବୋଲି ଆଫଗାନ୍‌ ସରକାର ପ୍ରସ୍ତାବ ରଖିଛନ୍ତି।

ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି, କମିଟିରେ ୧୦ ଜଣଙ୍କ ମଧ୍ୟରୁ ୭ ଜଣ ନୂଆ

ପୁରୀ: ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି। ଏନେଇ ଆଜି ଆଇନ ବିଭାଗ ପକ୍ଷରୁ ବିଧିବଦ୍ଧ ନୋଟିସ ଜାରି ହୋଇଛି। ନୂଆ କରି ଗଠିତ ୧୦ ଜଣ ମନୋନୀତ ସଦସ୍ୟଙ୍କ ମଧ୍ୟରେ ୭ ଜଣଙ୍କୁ ନୂତନ ଭାବେ କମିଟିରେ ସାମିଲ କରାଯାଇଛି। ମହାପ୍ରଭୁଙ୍କ ସେବା କରିବା ପାଇଁ ସୁଯୋଗ ମିଳିଥିବାରୁ ନୂଆକରି ସାମିଲ ହୋଇଥିବା ସଦସ୍ୟ ମାନେ ନିଜକୁ ଧନ୍ୟମନେ କରିଛନ୍ତି। ପୂର୍ବ ପରିଚାଳନା କମିଟିରେ ସଦସ୍ୟ ଥିବା ବରିଷ୍ଠ ସଦସ୍ୟ ମାଧବ ପୂଜାପଣ୍ଡା ପୁନର୍ବାର କମିଟି ସଦସ୍ୟ ମନୋନୀତ ହୋଇଥିବା ବେଳେ ସେବାୟତ କଲ୍ୟାଣ, ସ୍ୱାସ୍ଥ୍ୟ, ଶିକ୍ଷାର ବିକାଶ ଦିଗରେ କାର୍ଯ୍ୟ କରିବାକୁ ମତ ରଖିଛନ୍ତି। ବିଶେଷ କରି ଶ୍ରଦ୍ଧାଳୁମାନେ ମହାପ୍ରଭୁଙ୍କ ଦର୍ଶନ ଓ ମହାପ୍ରସାଦ କିଭଳି ବ୍ୟବସ୍ଥିତ ଢଙ୍ଗରେ ପାଇପାରିବେ ସେନେଇ ଗୁରୁତ୍ୱ ଦିଆଯିବ ବୋଲି ମତ ରଖିଛନ୍ତି।

ବିଫଳ ହେଲା ଇସ୍ରୋର ମିଶନ, ଅଧାରେ ଅଟକିଲା ମିଶନ ଆଇ ଇନ୍ ସ୍କାଏ

ନୂଆଦିଲ୍ଲୀ: ବିଫଳ ହେଲା ଇସ୍ରୋର ମିଶନ। ଫେଲ ମାରିଲା ଜିସାଟ୍‌-୧। ଯାହାଫଳରେ ଅଧାରେ ଅଟକିଲା ମିଶନ ଆଇ ଇନ୍ ସ୍କାଏ। କ୍ରାୟୋଜନିକ ଇଞ୍ଜିନରେ ତ୍ରୁଟି ଯୋଗୁଁ ମିଶନ ଫେଲ୍ ହୋଇଥିବା ଇସ୍ରୋ ଅଧ୍ୟକ୍ଷ କେ ଶିବନ ସୂଚନା ଦେଇଛନ୍ତି। ଆଜି ଭୋର ୫ଟା ୪୩ ମିନିଟରେ ଆନ୍ଧ୍ରର ଶ୍ରୀହରିକୋଟାସ୍ଥିତ ସତୀଶ ଧାଓ୍ବନ ମହାକାଶ କେନ୍ଦ୍ରରୁ ଉତକ୍ଷେପଣ ହୋଇଥିଲା ଜିସାଟ୍‌-୧। ହେଲେ ମିଶନର ମାତ୍ର ୧୦ ସେକେଣ୍ଡ ପୂର୍ବରୁ କ୍ରାୟୋଜନିକ ଇଞ୍ଜିନରେ ତ୍ରୁଟି ସାମ୍ନାକୁ ଆସିଥିଲା। ଯାହାଫଳରେ ବୈଜ୍ଞାନିକମାନେ କୌଣସି ତଥ୍ୟ ପାଇପାରିନଥିଲେ। ଜିସାଟ-୧ ଆର୍ଥ ଅବଜର୍ଭେସନ ସାଟେଲାଇଟ ବା ଇଓଏସର ଲଞ୍ଚ ସଫଳ ହୋଇଥିଲେ ଭାରତୀୟ ମହାକାଶ ବିଜ୍ଞାନ ଲାଗି ଏକ ମାଇଲଖୁଣ୍ଟ ସାବ୍ୟସ୍ତ ହୋଇଥାଆନ୍ତା। ବିଶେଷ କରି ପ୍ରାକୃତିକ ବିପର୍ଯ୍ୟୟ ଓ ଅନ୍ୟାନ୍ୟ ଘଟଣାଗୁଡିକ ସମ୍ପର୍କରେ ନିର୍ଦ୍ଦିଷ୍ଟ ତଥ୍ୟ ପାଇ ପାରିଥାଆନ୍ତା ଇସ୍ରୋ।

ଓଡ଼ିଆ ସମାଜ ପ୍ରତିଷ୍ଠାତା ଡକ୍ଟର ଅରୁଣ କୁମାରଙ୍କ ପ୍ରଚେଷ୍ଟାରେ ଓଡ଼ିଶା ଫେରୁଛି ସୀମାଞ୍ଚଳଙ୍କ ମରଶରୀର

ଭୁବନେଶ୍ୱର: ଓଡ଼ିଶା ଫେରୁଛି ସୀମାଞ୍ଚଳ ରାଉତଙ୍କ ମରଶରୀର। ଆସନ୍ତା ୧୫ ତାରିଖରେ ସୀମାଞ୍ଚଳଙ୍କ ମୃତଦେହ ଏୟାରଇଣ୍ଡିଆର ବିମାନଯୋଗେ ଭୁବନେଶ୍ୱର ପହଞ୍ଚିବ। ବାହାରିନରେ ଅବସ୍ଥାପିତ ଓଡ଼ିଆ ସମାଜ ପ୍ରତିଷ୍ଠାତା ତଥା ବିଶ୍ୱ ଓଡ଼ିଶା ସଦ୍ଭାବନା ରାଷ୍ଟ୍ରଦୂତ ଡକ୍ଟର ଅରୁଣ କୁମାର ପ୍ରହରାଜଙ୍କ ପ୍ରଚେଷ୍ଟାରେ ସୀମାଞ୍ଚଳଙ୍କ ମୃତ ଦେହ ଫେରାଇ ଅଣାଯାଉଛି। ଗତ ୮ ତାରିଖରେ ବାହାରିନର ସଲମାନିଆ ହସପିଟାଲରେ ଚିକିତ୍ସାଧୀନ ଅବସ୍ଥାରେ ସୀମାଞ୍ଚଳଙ୍କ ମୃତ୍ୟୁ ହୋଇଥିଲା।

ତାଙ୍କ ଚିକିତ୍ସା ପାଇଁ ସ୍ଥାନୀୟ ପ୍ରଶାସନ, ଭାରତୀୟ ଦୂତାବାସ, ଭାରତ ସରକାରଙ୍କ ଉଚ୍ଚ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ ଅରୁଣ କୁମାର ପ୍ରହରାଜ। ଏଥିସହ ସୀମାଞ୍ଚଳଙ୍କ ଉପଯୁକ୍ତ ଚିକତ୍ସା ପାଇଁ ସମସ୍ତ ସହାୟତା ଯୋଗାଇ ଦେଇଥିଲେ। ଗତ ୧୮ ଜୁଲାଇରେ ସୀମାଞ୍ଚଳଙ୍କ ମସ୍ତିଷ୍କରୁ ରକ୍ତସ୍ରାବ ହେବାରୁ କୋମାକୁ ଚାଲି ଯାଇଥିଲେ। ଉଚ୍ଚ ରକ୍ତଚାପ କାରଣରୁ ବ୍ରେନ ହାମରେଜ ପରେ ତାଙ୍କ ମୃତ୍ୟୁ ହୋଇଥିଲା। ରବିବାର ଅପରାହ୍ନରେ ତାଙ୍କ ମରଶରୀର ଭୁବନେଶ୍ୱର ବିଜୁ ପଟ୍ଟନାୟକ ବିମାନବନ୍ଦରରେ ପହଞ୍ଚିବ ବୋଲି ସୂଚନା ମିଳିଛି।

ଗଞ୍ଜାମ ଖଲ୍ଲିକୋଟ ତୋଟାଗାଁର ସୀମାଞ୍ଚଳ ବାହରିନର ଏନ୍‌ଏସ୍‌ଏଚ୍‌ ନିଗମରେ ମେକାନିକାଲ କମ୍ପାନୀରେ ଲିଡ୍‌ ମେନ୍‌ ଭାବେ କାର୍ଯ୍ୟରତ ଥିଲେ। ସେପଟେ ଅରୁଣ ପ୍ରହରାଜଙ୍କ ସହାୟତା ପାଇଁ ବିଭିନ୍ନ ସ୍ୱେଚ୍ଛାସେବୀ ସଂଗଠନ ଓ ସୀମାଞ୍ଚଳଙ୍କ ପରିବାର ଧନ୍ୟବାଦ ଜଣାଇଛନ୍ତି।

ଇଣ୍ଡୋର ଷ୍ଟାଡିୟମ ନିର୍ମାଣକୁ ନେଇ ବିଭିନ୍ନ ମହଲରୁ ମୁଖ୍ୟମନ୍ତ୍ରୀଙ୍କୁ ଛୁଟୁଛି ପ୍ରଶଂସା

ଭୁବନେଶ୍ୱର: ଗଞ୍ଜାମ ଜିଲ୍ଲା କବିସୂର୍ଯ୍ୟନଗରରେ ଇଣ୍ଡୋର ଷ୍ଟାଡିୟମ ଘୋଷଣା ପରେ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ ବିଧାୟିକା ଓ କ୍ରୀଡା ପ୍ରେମୀ।  ମୁଖ୍ୟମନ୍ତ୍ରୀଙ୍କୁ ସାଧୁବାଦ ଜଣାଇବା ପାଇଁ ସ୍ଥାନୀୟ ବିଧାୟିକା ଲତିକା ପ୍ରଧାନଙ୍କ ନେତୃତ୍ୱରେ ଏକ ସଭା ଆୟୋଜନ କରାଯାଇଥିଲା। ସହରରେ ଯୁବ ଗୋଷ୍ଠୀ ଓ କ୍ରୀଡା ପ୍ରେମିକୁ କ୍ରୀଡା କ୍ଷେତ୍ରରେ ଉତ୍ସାହିତ କରିବାକୁ ଏହି ଇଣ୍ଡୋର ଷ୍ଟାଡିୟମ ନିର୍ମାଣ ପାଇଁ ନିଷ୍ପତ୍ତି ନିଆଯାଇଥିବାକୁ ମୁଖ୍ୟମନ୍ତ୍ରୀଙ୍କୁ  ଭୁୟସୀ ପ୍ରଶଂସା କରିଥିଲେ କ୍ରୀଡାପ୍ରେମୀ ଓ ବୁନ୍ଧିଜୀବୀ।

ସେହିପରୁ ଭଦ୍ରକ ଜିଲ୍ଲା ବାସୁଦେବପୁର ଅଟଳ ବିହାରୀ ହାଇସ୍କୁଲ ପରିସରରେ ନିର୍ମାଣ ହେବ ୧୦ କୋଟି ୨୫ ଲକ୍ଷ ଟଙ୍କା ବୟରେ ଇଣ୍ଡୋର ଷ୍ଟାଡିୟମ। ଏ ନେଇ ବାସୁଦେବପୁର ନୀଳମଣି ଟାଉନହଲ ପରିସରରେ ଆୟୋଜିତ ହୋଇଥିଲା ଧନ୍ୟବାଦ ଉତ୍ସବ। ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇଥିଲେ ଉପସ୍ଥିତ ନେତା ଓ ଜନତା। ମହିଷାପଦା ଠାରେ ୪ କୋଟି ଟଙ୍କାର ଷ୍ଟାଡିୟମ ନିର୍ମାଣ ହେବା ନେଇ ଅର୍ଥ ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ।

ସେପଟେ ଖୋର୍ଦ୍ଧାରେ  ନିର୍ମାଣ ହେବ ଇଣ୍ଡୋର ଷ୍ଟାଡିୟମ। ଏ ନେଇ ମୁଖ୍ୟମନ୍ତ୍ରୀ ଅର୍ଥ ମଞ୍ଜୁର କରିଥିବାବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି କ୍ରୀଡ଼ାପ୍ରେମୀ। ଏ ନେଇ ଏକ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଯେଉଁଥିରେ ଜିଲ୍ଲା ପରିଷଦ ଅଧ୍ୟକ୍ଷ ପ୍ରଫୁଲ ଦଳେଇ, ବିଜୁ ଛାତ୍ର ଜନତାର ସଭାପତି ବିଶ୍ୱଦୀପ ପ୍ରଧାନ ପ୍ରମୁଖ ଯୋଗ ଦେଇ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି।

ଜଳେଶ୍ୱରରେ ମଧ୍ୟ ନୂତନ ଇନଡୋର ଷ୍ଟାଡିୟମ ନିର୍ମାଣ ହେବାକୁ ନେଇ ଜଳେଶ୍ୱର ବିଧାୟକ ଅଶ୍ୱିନୀ କୁମାର ପାତ୍ର ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି। ଏହି ଅବସରରେ ଜଳେଶ୍ୱରର ଭଞ୍ଜ ଭବନ କଲ୍ୟାଣ ମଣ୍ଡପରେ ଅନୁଷ୍ଠିତ ହେଇଥିଲା କୃତଜ୍ଞତା ଉତ୍ସବ। କାର୍ଯ୍ୟକ୍ରମରେ ଜଳେଶ୍ୱର ବିଧାୟକ ଓ ଖେଲାଳିମାନେ ଉପସ୍ଥିତ ରହି ରାଜ୍ୟ ସରକାରଙ୍କ ନିଷ୍ପତ୍ତିକୁ ସ୍ୱାଗତ କରିବା ସହ ଧନ୍ୟବାଦ ଦେଇଥିଲେ।