ରାଜ୍ୟସ୍ତରୀୟ ସ୍ୱାଧୀନତା ଦିବସ ପାଳନ ସମୟରେ ଏମିତି ରହିବ ଟ୍ରାଫିକ୍ ବ୍ୟବସ୍ଥା
1 min read
ଭୁବନେଶ୍ୱର: ରାଜ୍ୟସ୍ତରୀୟ ସ୍ୱାଧୀନତା ଦିବସ ପାଳନ ପାଇଁ ଆସିଲା ଗାଇଡଲାଇନ୍। କୋଭିଡ କଟକଣା ଭିତରେ ପ୍ରଦର୍ଶନୀ ପଡିଆରେ ପାଳିତ ହେବ ଉତ୍ସବ। ଏନେଇ ୧୫ ତାରିଖ ସକାଳ ୬ଟା ୩୦ରୁ ପ୍ୟାରେଡ ଶେଷ ପର୍ଯ୍ୟନ୍ତ ରାମ ମନ୍ଦିର ଛକ ଠାରୁ ହାଉସିଂ ବୋର୍ଡ ଛକ ପର୍ଯ୍ୟନ୍ତ ଯାନବାହାନ ଚଳାଚଳ ବନ୍ଦ ରହିବ। ରାମମନ୍ଦିର ଛକକୁ ଯିବାକୁ ହେଲେ ଏମବିଏସ୍ ସ୍କୁଲ ଗଳି ଦେଇ ଯିବାକୁ ପଡିବ। ହାଉସିଂ ବୋର୍ଡ ଛକକୁ ଯିବାକୁ ହେଲେ ସେଣ୍ଟ ଜୋସେଫ୍ ସ୍କୁଲ ଗଳି ରାସ୍ତା ଦେଇ ଯାଇପାରିବେ।
ସେହିଭଳି ପିଏମଜି ଓ କେଶରୀ ଟକିଜ୍ ପଟୁ ଆସୁଥିବା ସମସ୍ତ ଗାଡି ଚାର୍ଲି ହୋଟେଲ ଠାରୁ ସଚିବାଳୟ ମାର୍ଗ ଦେଇ ଯାଇ ପାରିବେ। ଗାଡି ପାର୍କିଂ ପାଇଁ ମଧ୍ୟ ସ୍ୱତନ୍ତ୍ର ବ୍ୟବସ୍ଥା ହୋଇଛି। ଭିଭିଆଇପି ଗାଡି ଗୁଡିକ ଗେଟ୍ ନମ୍ବର ୧ ନିକଟରେ ପାର୍କି ବ୍ୟବସ୍ଥା ହୋଇଛି। ସମସ୍ତ ଅତିଥିଙ୍କ ଗାଡି ଗେଟ୍ ନମ୍ବର-୨ ନିକଟରେ ପାର୍କି କରାଯିବ। ଗଣମାଧ୍ୟମ ଗାଡି ଗୁଡିକ ପାଇଁ ଗେଟ୍ ନମ୍ବର-୫ ନିକଟରେ ପାର୍କି ବ୍ୟବସ୍ଥା କରାଯାଇଛି। ସେହିଭଳି ପୋଲିସ ବାହିନୀର ଗାଡି ପାର୍କି ପାଇଁ ଏମବିଏସ୍ ସ୍କୁଲ ଓ ସେଣ୍ଟ ଜୋସେଫ୍ ସ୍କୁଲ ଗଳିରେ କରାଯାଇଛି।
