spot_img
Home Blog Page 5406

Scrub Typhus: ୟୁପିରେ ରହସ୍ୟମୟ ରୋଗରେ ୬୦ ଆକ୍ରାନ୍ତ, ୧୦ ମୃତ

 କରୋନା ସଙ୍କଟ ମଧ୍ୟରେ ଉତ୍ତର ପ୍ରଦେଶରେ ଏକ ରହସ୍ୟମୟ ରୋଗ ଚିନ୍ତା ବଢ଼ାଇଛି । ଏହି ଜ୍ୱରର ନାଁ ରଖାଯାଇଛି ସ୍କ୍ରବ ଟାଇଫ୍ସ ( Scrub Typhus ) । ତେଣୁ ଏହି ଜ୍ୱର କିପରି ବ୍ୟାପିଥାଏ ଏବଂ ସ୍କ୍ରବ ଟାଇଫ୍ସର ଲକ୍ଷଣ ଓ ନିରାକରଣ ବିଷୟରେ ଜାଣିବା ମଧ୍ୟ ନିହାତି ଆବଶ୍ୟକ । ବୁଧବାର ଦିନ ମଥୁରାର ମୁଖ୍ୟ ଚିକିତ୍ସା ଅଧିକାରୀ ଡ. ରଚନା ଗୁପ୍ତା କହିଛନ୍ତି ଯେ ‘କୁହ’ ନାମକ  ଗାଁରେ ପ୍ରାୟ ୨୬ ଜଣ ଶିଶୁ ଏହି ରୋଗରେ ସଂକ୍ରମିତ ହୋଇଥିଲେ। ଏଥି ସହିତ ପିପରୋଥ, ରାଲ ଏବଂ ଜାସୋଦାରେ ଯଥାକ୍ରମେ ୩ , ୧୪ ଏବଂ ୧୭ ଟି ମାମଲା ସାମ୍ନାକୁ ଆସିଛି ।

ସ୍କ୍ରବ୍ ଟାଇଫସ୍ ଯୋଗୁଁ ଏହି ଅଞ୍ଚଳରେ ସମୁଦାୟ ୧୦ ଜଣଙ୍କର ମୃତ୍ୟୁ ହୋଇଛି, ଏଥିରୁ ୮ ଜଣ ଶିଶୁ ଥିଲେ । ଏହା ବ୍ୟତୀତ ପଶ୍ଚିମ ୟୁପି ଜିଲ୍ଲାରେ ଆଗ୍ରା, ଫିରୋଜାବାଦ, ମେନ୍ପୁରୀ, ଏଟା ଏବଂ କାସଗଞ୍ଜ ଭଳି ସଂକ୍ରମଣ ଏବଂ ମୃତ୍ୟୁ ମାମଲା ମଧ୍ୟ ରିପୋର୍ଟ କରାଯାଇଛି, ଯାହାର ନମୁନା ଯାଞ୍ଚ ଚାଲିଛି।

ରୋଗ ନିୟନ୍ତ୍ରଣ ଏବଂ ପ୍ରତିରୋଧ କେନ୍ଦ୍ର (CDC) ଅନୁଯାୟୀ ସ୍କ୍ରବ୍ ଟାଇଫସ୍ କିପରି ବ୍ୟପିଥାଏ, ଏହା ଓରିଏଣ୍ଟିଆ ସୁଟସୁଗାମୁସି ନାମକ ଏକ ଜୀବାଣୁ ଦ୍ୱାରା ହୋଇଥାଏ । ସଂକ୍ରମିତ ଚିଗର୍ସ (ଲାର୍ଭା ମାଇଟ୍ସ ) ଦ୍ୱାରା କାମୁଡ଼ିବା ସମୟରେ ଏହି ଜୀବାଣୁ ଲୋକମାନଙ୍କ ନିକଟରେ ବ୍ୟାପିଥାଏ ।

ସ୍କ୍ରବ୍ ଟାଇଫସ୍ ର ଲକ୍ଷଣଗୁଡିକ ଚିଗର୍ସ (ଲାର୍ଭା ମାଇଟ୍) କାମୁଡ଼ିବାର ୧୦ ଦିନ ମଧ୍ୟରେ ସ୍କ୍ରବ୍ ଟାଇଫସ୍ ର ଲକ୍ଷଣ ଦେଖାଯାଏ | ଏହାର ଲକ୍ଷଣ ହେଉଛି ଜ୍ୱର, ନାକରୁ ପାଣି ବାହାରିବା, ମୁଣ୍ଡବିନ୍ଧା, ଶରୀର ଏବଂ ମାଂସପେଶୀ ଯନ୍ତ୍ରଣା, ଉତ୍ତେଜନା, ଶରୀର ଉପରେ ଦାଗ ଇତ୍ୟାଦି ।

ସ୍କ୍ରବ୍ ଟାଇଫ୍ସ ପାଇଁ କୌଣସି ଟିକା ଉପଲବ୍ଧ ନାହିଁ, କିନ୍ତୁ ପ୍ରତିରୋଧ ସମ୍ଭବ ସିଡିସି ଅନୁଯାୟୀ ସ୍କ୍ରବ୍ ଟାଇଫ୍ସ ପାଇଁ କୌଣସି ଟିକା ନାହିଁ, କିନ୍ତୁ ଏହାକୁ ଏଡ଼ାଇ ଦିଆଯାଇପାରେ । ଏଥିରେ ସଂକ୍ରମିତ ବ୍ୟକ୍ତିଙ୍କଠାରୁ ଉପଯୁକ୍ତ ଦୂରତା ରଖିବା ସବୁଠାରୁ ଗୁରୁତ୍ୱପୂର୍ଣ୍ଣ । ଏହା ବ୍ୟତୀତ, ଏପରି ସ୍ଥାନକୁ ଯିବା ଠାରୁ ଦୂରେଇ ରହିବା ଉଚିତ ଯେଉଁଠାରେ ଚିଗର୍ସ (ଲାର୍ଭାଲ୍ ମାଇଟ୍) ଅଛନ୍ତି । ଏହା ସହିତ ଲୋକମାନଙ୍କୁ ହାତ ଓ ପାଦ ଘୋଡ଼ାଇ ରଖିବାକୁ ସିଡିସି ଦ୍ୱାରା ପରାମର୍ଶ ଦିଆଯାଇଛି । ଲୋକଙ୍କୁ ପରମେଥ୍ରିନ୍ କୀଟନାଶକ ବ୍ୟବହାର କରିବାକୁ ମଧ୍ୟ ପରାମର୍ଶ ଦିଆଯାଇଛି କାରଣ ଏହା ଲାର୍ଭା ମାଇଟ୍କୁ ମାରିଦିଏ ।

କୁଇଣ୍ଟାଲ କୁଇଣ୍ଟାଲ ନକଲି ଚା ନଷ୍ଟ କଲା କଟକ ସଦର ଥାନା ପୋଲିସ

କଟକ: କଟକ ପାଲଟିଛି ନକଲି ସାମଗ୍ରୀ ବ୍ୟବସାୟର ଆଡ୍ଡାସ୍ଥଳୀ। କେତେବେଳେ ନକଲି ତେଲ ଘିଅ ଜବତ ହେଲାଣିତ ପୁଣି କେତେବେଳେ ନକଲି ମସଲା ହେଲାଣି ଜବତ। ଯେଉଁଥିପାଇଁ ଏବେ ନକଲି ସାମଗ୍ରୀ ତିଆରି କରୁଥିବା ଲୋକଙ୍କ ପାଇଁ କଟକ ଚରାଭୂଇଁ ପାଲଟିଛି। ଏବେ ପୁଣି କଟକରୁ ଜବତ ହୋଇଛି ନକଲି ଚା। କୁଇଣ୍ଟାଲ କୁଇଣ୍ଟାଲ ନକଲି ଚା ନଷ୍ଟ କଲା କଟକ ସଦର ଥାନା ପୋଲିସ।

କିଛି ଦିନ ପୂର୍ବେ ସଦର ଥାନା ପୋଲିସ କାଜିପାଟଣା ରେ ଏକ ଗୋଦାମ ଉପରେ ଚଢ଼ାଉ କରି କୁଇଣ୍ଟାଲ କୁଇଣ୍ଟାଲ ନକଲି ଚା କୁ ଜବତ କରିଥିଲା। ଆଜି କୋର୍ଟର ନିର୍ଦ୍ଦେଶ କ୍ରମେ ପୋଲିସ ଫୁଡ଼ ସେଫଟି ଅଫିସର, ମାଜିଷ୍ଟ୍ରେଟ ଉପସ୍ଥିତ ରେ ୪୦ କୁଇଣ୍ଟାଲ  ନକଲି ଚା କୁ ମୁକାମେସ୍ୱର କାଠଯୋଡି ନଦୀ କୂଳରେ ନଷ୍ଟ କଲା କମିଶନରେଟ ପୋଲିସ। ଆନୁମାନିକ ମୂଲ୍ୟ ୩୦ଲକ୍ଷରୁ ଉର୍ଦ୍ଧ୍ୱ ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି।

ନନ୍ଦନକାନନରେ ଆତଙ୍କ, ବାଘ ଖୁଆଡ଼ରୁ ଖସିଲା ମହାବଳ

ଭୁବନେଶ୍ୱର : ନନ୍ଦନକାନନରେ ଆଜି ଏକ ବଡ଼ ଅଘଟଣ ଘଟିବା ପୂର୍ବରୁ ଟଳିଯାଇଛି । ନନ୍ଦନକାନନର ୩୩ ନମ୍ବର ଖୁଆଡ଼ରୁ ମହାବଳ ବାଘ ବାହାରି ଆସିଥିଲା । ଖୁଆଡ଼ରୁ ଖସିଥିବା ନାଲି ମହାବଳ ବାଘର ନାମ ରାଜେଶ । ଖୁଆଡ଼ରୁ ଖସି ବାଘଟି ବାଘ ସଫାରି ଭିତରକୁ ଚାଲି ଯାଇଛି । ବାଘ ଖୁଆଡ଼ ଡେଇଁବା ଖବର ପ୍ରଚାର ହେବା ମାତ୍ରେ ନନ୍ଦନକାନନରେ ଆତଙ୍କ ସୃଷ୍ଟି ହୋଇଥିଲା ।


ବାଘ ରାଜେଶ ଉପରେ ନନ୍ଦନକାନନ କର୍ତ୍ତୁପକ୍ଷ ନଜର ରଖିଥିବା ଜଣା ପଡିଛି । ପ୍ରଶାସନ ଅନୁସାରେ ସ୍ଥିତି ବର୍ତ୍ତମାନ ସ୍ୱଭାବିକ ହୋଇଛି । ସକାଳ ୯.୧୫ରେ ବାଘ ଖୁଆଡ଼ ଡେଇଁଥିଲା । ବାଘ ତାର ଜାଲିକୁ ମୁଣ୍ଡରେ ପିଟିଥିଲା,କଳଙ୍କି ଲାଗିଥିବା ଜାଲି ଭାଙ୍ଗିଯିବା ପରେ ବାଘ ସଫାରି ଆଡକୁ ପଳାଇଥିଲା ।
ନନ୍ଦନକାନନ କର୍ତ୍ତୁପକ୍ଷଙ୍କ ଅନୁସାରେ ବାଘ ସଫାରୀ ଭିତରକୁ ପ୍ରବେଶ କରିଥିବାରୁ ବିପଦ ଟଳିଯାଇଛି । ରିପୋର୍ଟ ଲେଖାଯିବା ବେଳକୁ ନନ୍ଦନକାନନ ମଧ୍ୟରେ ପାଖାପାଖି ୨ ହଜାର ପର୍ଯ୍ୟଟକ ଥିଲେ । ସବୁ ପର୍ଯ୍ୟଟକ ସୁରକ୍ଷିତ ଥିବା ଜଣା ପଡିଛି ।


ତେବେ କଳଙ୍କି ଲଗା ତାର ଜାଲି ଭିତରେ କେମିତି ବାଘକୁ ରଖା ଯାଇଥିଲା ତାକୁ ନେଇ ପ୍ରଶ୍ନ ଉଠିଛ । ଖୁଆଡର ଉଚ୍ଚତା ୧୮ ଫୁଟ ଥିବାରୁ ବାଘ ପକ୍ଷରେ ଲମ୍ଫ ପ୍ରଦାନ କରି ପଳାୟନ କରିବା ସମ୍ଭବ ନଥିଲା । ଉପଯୁକ୍ତ ରକ୍ଷଣାବେକ୍ଷଣ ଅଭାବ କାରଣରୁ ଏପରି ପରିସ୍ଥିତି ସୃଷ୍ଟି ହୋଇଥିବା କୁହାଯାଉଛି ।

ବିଧାନସଭା ଗୃହରେ ବିରୋଧୀଙ୍କ ଦୁଇଦୁଇଥର ହଟ୍ଟଗୋଳ, ଗୃହ ଅପରାହ୍ନ ୪ଟା ପର୍ଯ୍ୟନ୍ତ ମୁଲତବି

ଭୁବନେଶ୍ୱର: ବିଧାନସଭା ମୌସୁମୀ ଅଧିବେଶନର ଦ୍ୱିତୀୟ ଦିନରେ ବି ହଟ୍ଟଗୋଳ । ଗୃହ କାର୍ଯ୍ୟ ଆରମ୍ଭରୁ ବିରୋଧୀ ହୋ ହଲ୍ଲା ଆରମ୍ଭ କରି ଦେଇଛନ୍ତି । ନାରାବାଜି ଓହଙ୍ଗାମା ଯୋଗୁଁ ଅପରାହ୍ଣ ୪ଟା ପର୍ଯ୍ୟନ୍ତ ଗୃହକୁ ମୁଲତବି ରଖିଛନ୍ତି ବାଚସ୍ପତି । ଆଜି ଅଧିବେଶନ ଆରମ୍ଭରୁ ମାହାଙ୍ଗା ଡବଲ ମର୍ଡର ଓ ଚାଷୀ ପ୍ରସଙ୍ଗରେ ପୋଡିୟମରେ ଚଢି ହୋ ହଲ୍ଲା କରିଥିଲେ କଂଗ୍ରେସ ଓ ବିଜେପି ବିଧାୟକ । ଫଳରେ ବାଚସ୍ପତି ପ୍ରଥମେ ଦିନ ସାଢ଼େ ୧୧ଟା ପର୍ଯ୍ୟନ୍ତ ଗୃହକୁ ମୁଲତବି ଘୋଷଣା କରିଥିଲେ । ଏହାପରେ ପୁଣି ଗୃହ ଆରମ୍ଭ ହୋଇଥିଲା ।

opposition-groups-called-for-a-boycott-of-the-assembly-which-was-adjourned-until-4-p-m

ଶୂନ୍ୟକାଳ ଭଳି ପ୍ରଶ୍ନକାଳକୁ ଚଲାଇ ଦେଇନଥିଲେ ବିରୋଧୀ । ଅଚଳାବସ୍ଥା ଜାରି ରହିବାରୁ ବାଚସ୍ପତି ଅପରାହ୍ଣ ୪ଟା ପର୍ଯ୍ୟନ୍ତ ଗୃହକୁ ମୁଲତବି କରିଛନ୍ତି । ମରୁଡି ପ୍ରସଙ୍ଗରେ ପୁଣି ଥରେ ଆଲୋଚନା ହେବ ବୋଲି ସର୍ବଦଳୀୟ ବୈଠକ ପରେ ବାଚସ୍ପତି ଗୃହକୁ ସୂଚନା ଦେଇଛନ୍ତି । ଆଲୋଚନା ପାଇଁ କଂଗ୍ରେସ ଗୃହରେ ଦାବି କରିଥିଲା । ସରକାର ଆଲୋଚନା କରି ଏନେଇ ଉଚିତ ପଦକ୍ଷେପ ନେବେ ବୋଲି କହିଛନ୍ତି ବାଚସ୍ପତି । ଆଜି ଜଳସମ୍ପଦ, ଯୋଜନା ଓ ସଂଯୋଜନା, ପର୍ଯ୍ୟଟନ, ସୂଚନା ଓ ଲୋକସମ୍ପର୍କ, ଓଡ଼ିଶା ଭାଷା ସାହିତ୍ୟ ଓ ସଂସ୍କୃତି, ପରିବହନ ବିଭାଗର ପ୍ରଶ୍ନକାଳ ଥିଲା ।

opposition-groups-called-for-a-boycott-of-the-assembly-which-was-adjourned-until-4-p-m

ବିଧାନସଭାର ମୌସୁମୀ ଅଧିବେଶନରେ ମାତ୍ର ୮ଟି କାର୍ଯ୍ୟ ଦିବସ ରହିଛି। ଦୁଇ ଦିନ ହେଲା ବିରୋଧୀମାନେ ପ୍ରଶ୍ନକାଳ ଚଲାଇ ଦେଉନାହାନ୍ତି । ଫଳରେ ବହୁ ବିଧାୟକ ହତାସ ହୋଇଛନ୍ତି । ଦୀର୍ଘଦିନରୁ ସେମାନେ ଯେଉଁ ପ୍ରଶ୍ନର ଉତ୍ତର ଚାହୁଁଥିଲେ, ତାହା ମିଳିପାରିଲା ନାହିଁ । ପ୍ରଶ୍ନକାଳକୁ ଚଲାଇ ତାପରେ ନିଜ ନିଜ ଦାବି ଉପସ୍ଥାପନ କରିବାରେ କିଛି ଅସୁବିଧା ନାହିଁ ବୋଲି ବିଶେଷଜ୍ଞମାନେ କହିଛନ୍ତି । ବିରୋଧୀଙ୍କ ଏଭଳି ଆଭିମୁଖ୍ୟକୁ ସାଧାରଣରେ ନାପସନ୍ଦ କରାଯାଇଛି ।

ଆଲାହାବାଦ ହାଇକୋର୍ଟର ପ୍ରଶ୍ନ, ଏକ ଧର୍ମନିରପେକ୍ଷ ରାଜ୍ୟ ମାଦ୍ରାସା ଗୁଡ଼ିକୁ ପାଣ୍ଠି ଦେଇପାରିବ କି ?

ଉତ୍ତର ପ୍ରଦେଶ: ଧାର୍ମିକ ଶିକ୍ଷା ଉପରେ ଅର୍ଥ ପ୍ରଦାନକୁ ନେଇ ଆଲାହାବାଦ ହାଇକୋର୍ଟ ବୁଧବାର ଅନେକ ଗୁରୁତ୍ୱପୂର୍ଣ୍ଣ ପ୍ରଶ୍ନ ଉଠାଇଛନ୍ତି। ଏକ ଧର୍ମନିରପେକ୍ଷ ରାଜ୍ୟ ମଦ୍ରାସାକୁ ପାଣ୍ଠି ଯୋଗାଇ ପାରିବେ କି ନାହିଁ ବୋଲି ହାଇକୋର୍ଟ ପ୍ରଶ୍ନ କରିଛନ୍ତି ? ଏହା ସହିତ, ସମ୍ବିଧାନର ଧାରା ୨୮ ଅନୁଯାୟୀ, ମଦ୍ରାସାଗୁଡ଼ିକ ଧାର୍ମିକ ଉପଦେଶ, ବାର୍ତ୍ତା ଏବଂ ପୂଜା ପଦ୍ଧତୀ ଶିଖାଇପାରିବେ କି ନାହିଁ ବୋଲି ପ୍ରଶ୍ନ କରିଛନ୍ତି ।

ମଦ୍ରାସା ବିଷୟରେ ଅନେକ ପ୍ରଶ୍ନ ପଚରାଯାଇଥିଲା, ହାଇକୋର୍ଟ ରାଜ୍ୟ ସରକାରଙ୍କଠାରୁ ଜାଣିବାକୁ ଚାହୁଁଥିଲେ କି ମଦ୍ରାସା ସମ୍ବିଧାନ ଅନୁଯାୟୀ ଧାର୍ମିକ ଶିକ୍ଷା ଏବଂ ଉପାସନା ଶିକ୍ଷା ଦେଇପାରିବ କି? ହାଇକୋର୍ଟ ଏହା ମଧ୍ୟ ପ୍ରଶ୍ନ ପଚାରିଛି ଯେ ଧାରା ୨୫ ରୁ ୩୦ ପର୍ଯ୍ୟନ୍ତ ଦିଆଯାଇଥିବା ମୌଳିକ ଅଧିକାର ଅଧୀନରେ ମଦ୍ରାସା ସବୁ ଧର୍ମର ବିଶ୍ୱାସକୁ ସୁରକ୍ଷା ଦେଉଛି କି ? ମହିଳାମାନେ ମାଦ୍ରାସାରେ ନାମ ଲେଖାଇ ପାରୁଛନ୍ତି କି ନାହିଁ ଆଉ ଯଦି ନାହଁ, ତେବେ ଏହା ଭେଦଭାବ ନୁହେଁ କି ବୋଲି ହାଇକୋର୍ଟ ପ୍ରଶ୍ନ କରିଛନ୍ତି ?

ରାଜ୍ୟକୁ ହାଇକୋର୍ଟଙ୍କ ଏହି ମୁଖ୍ୟ ପ୍ରଶ୍ନ-

  1. ଧାରା ୨୮ ଅନୁଯାୟୀ ମଦ୍ରାସା ଧାର୍ମିକ ଶିକ୍ଷା ଦେଇପାରିବ କି ?
  2. ମଦ୍ରାସାରେ ମହିଳାଙ୍କ ପ୍ରବେଶ ଉପରେ କୌଣସି ପ୍ରତିବନ୍ଧକ ଅଛି କି ?
  3. ମଦ୍ରାସାଗୁଡ଼ିକ ସମସ୍ତ ଧର୍ମର ବିଶ୍ୱାସକୁ ମୌଳିକ ଅଧିକାର ଅଧୀନରେ ସୁରକ୍ଷା ଦେଉଛନ୍ତି କି ?
  4. ଧାରା ୨୧ ଏବଂ ୨୧A ଅଧୀନରେ ଖେଳ ପଡିଆ ଅଛି କି?
  5. ସରକାର ଅନ୍ୟ ଧାର୍ମିକ ସଂଖ୍ୟାଲଘୁମାନଙ୍କର ଧାର୍ମିକ ଶିକ୍ଷାନୁଷ୍ଠାନଗୁଡିକୁ ଅର୍ଥ ପ୍ରଦାନ କରୁଛନ୍ତି କି?

ଏହି ପ୍ରଶ୍ନ ପରିଚାଳନା କମିଟି ମାଦ୍ରାସା ଅଞ୍ଜୁମାନ ଇସଲାମିଆ ଫୈଜୁଲ ଉଲୁମଙ୍କ ଆବେଦନ ଉପରେ ଜଷ୍ଟିସ ଅଜୟ ଭାନୋଟ ୪ ସପ୍ତାହ ମଧ୍ୟରେ ସରକାରଙ୍କଠାରୁ ଉତ୍ତର ମାଗିଛନ୍ତି। ଏହି ମଦ୍ରାସା ବୋର୍ଡ ଦ୍ୱାରା ସ୍ୱୀକୃତିପ୍ରାପ୍ତ ଏବଂ ଏହା ରାଜ୍ୟ ସରକାରଙ୍କଠାରୁ ସହାୟତା ପାଇଥାଏ । ଏହି ସମସ୍ତ ପ୍ରଶ୍ନର ଉତ୍ତର ଦେବାକୁ ହାଇକୋର୍ଟ ରାଜ୍ୟ ସରକାରଙ୍କୁ ୪ ସପ୍ତାହ ସମୟ ଦେଇଛନ୍ତି । ବର୍ତ୍ତମାନ ଏହି ମାମଲାର ପରବର୍ତ୍ତୀ ଶୁଣାଣି ଅକ୍ଟୋବର ୬ ହେବା ସୂଚନା ରହିଛି।

ଆତ୍ମାହୁତି ଉଦ୍ୟମ ପରେ ପୁନଃନିଯୁକ୍ତି ପାଇଲେ ଅତିଥି ଅଧ୍ୟାପକ

ଗଞ୍ଜାମ: ଆତ୍ମାହୁତି ଉଦ୍ୟମ ପରେ ପୁନଃନିଯୁକ୍ତି ପାଇଲେ ଅତିଥି ଅଧ୍ୟାପକ। ଖଲ୍ଲିକୋଟ ବିଶ୍ଵବିଦ୍ୟାଳୟରେ ଏପରି ଘଟଣା ଘଟିଛି। ଚାକିରି ହରାଇଥିବା ଅର୍ଥନୀତି ବିଭାଗ ଅତିଥି ଅଧ୍ୟାପକ ଡକ୍ଟର ବିଭୂତି ଭୂଷଣ ପାତ୍ର ଗତକାଲି ଆତ୍ମାହୁତି ଉଦ୍ୟମ କରିଥିଲେ। ରେଜିଷ୍ଟ୍ରାର ଏବଂ ଅନ୍ୟ କର୍ମଚାରୀମାନେ ତାଙ୍କୁ ଉଦ୍ଧାର କରି ନେଇଥିଲେ। ବିଶ୍ୱବିଦ୍ୟାଳୟରେ ଏକ ସ୍ୱତନ୍ତ୍ର କମିଟିର ନିଷ୍ପତ୍ତି ପ୍ରକାରେ ତାଙ୍କୁ ପୁନଃନିଯୁକ୍ତି ଦିଆଯାଇଥିବା କୁଳପତି ପ୍ରଫେସର ପ୍ରଫୁଲ୍ଲ କୁମାର ମହାନ୍ତି କହିଛନ୍ତି।

ପୁର୍ବରୁ ପାଠ ପଢ଼ାକୁ ନେଇ ହୋଇଥିବା ଅଭିଯୋଗକୁ ଭିତ୍ତି କରି ତାଙ୍କୁ ଚାକିରିରୁ ଅନ୍ତର କରାଯାଇଥିଲା। ୨୦୧୫ରୁ ୫ବର୍ଷ ଧରି ଅତିଥି ଅଧ୍ୟାପକ ଭାବେ ଅର୍ଥନୀତି ବିଭାଗର ଡକ୍ଟର ବିଭୂତି ଭୂଷଣ ପାତ୍ର କାର୍ଯ୍ୟ କରି ଆସୁଥିଲେ। ୨୦୨୧ ଜାନୁଆରୀ ମାସରେ ତାଙ୍କ ନାରେ ଅଭିଯୋଗ କରିଥିଲେ ଛାତ୍ରଛାତ୍ରୀ। ଏହା ପରେ ତାଙ୍କୁ କାର୍ଯ୍ୟରୁ ଅନ୍ତର କରାଯାଇଥିଲା।

ତାଙ୍କୁ ପୁଣି ନିଯୁକ୍ତି ଦିଆଯାଇଛି। ତେବେ ଆତ୍ମାହୁତି ଉଦ୍ୟମ ନେଇ ପୋଲିସ ଖବର ପାଇ ଘଟଣାସ୍ଥଳକୁ ଆସି ବିଭୂତିଙ୍କୁ ଥାନାକୁ ନେଇ ପଚରାଉଚରା କରିଛି ଓ ଏକ ମାମଲା ରୁଜୁ କରିବା ସହ ନୋଟିସ କରି ଛାଡ଼ିଛି।

ବିଚ୍‌ ରାସ୍ତା ଉପରେ କିନ୍ନର ଓ ପୋଲିସ ମଧ୍ୟରେ ମାଡ଼ ମରାମରି, ୨ କିନ୍ନର ଅଟକ

ପୁରୀ: ପୁରୀରେ କିନ୍ନର ଓ ପୋଲିସ ମଧ୍ୟରେ ମାଡ଼ ମରାମରି। ଏହି ମାଡ଼ ମରାମରି ଘଟଣା ଘଟିଛି ପୁରୀ ସୁବାଷ ବୋଷ ଛକ ନିକଟରେ। ଭିଡିଓ ରେ ଦୁଇ କିନ୍ନରଙ୍କ ସହ ପୋଲିସ କର୍ମଚାରୀଙ୍କ ମୁଥା ମରାମରି ଓ ମାରପିଟ ର ଦୃଶ୍ୟ ଏବେ ଭାଇରଲ ହେବାରେ ଲାଗିଛି। ଗତକାଲି ବିଳମ୍ବିତ ରାତିରେ ପୁରୀରେ ଘଟିଛି ଏଭଳି ଅଭାବନୀୟ ଘଟଣା। ଦୁଇଜଣ କିନ୍ନରଙ୍କ ସହ ପୋଲିସର ହାତାହାତି ହେଉଥିବାର ଭିଜୁଆଲ ଭାଇରଲ ହେବାରେ ଲାଗିଛି। କୌଣସି ଏକ କାରଣକୁ ନେଇ ପୋଲିସ୍‌ କିନ୍ନର ମାନଙ୍କୁ ଅଟକ ରଖିଥିଲା।

ତେବେ ନିର୍ଦ୍ଧିଷ୍ଠ ଭାବରେ ଅଟକ ରଖିବାର କୌଣସି ସ୍ପଷ୍ଟ କାରଣରେ ପୋଲିସ କିନ୍ନର ମାନଙ୍କୁ ପୋଲିସ ଅଟକାଇ ନଥିବା ଦର୍ଶାଇ କିନ୍ନର ମାନେ ପୋଲିସର ଅଟକ ରଖିବାକୁ ବିରୋଧ କରିଥିଲେ। ବିରୋଧ ଯୋଗୁଁ ଉଭୟଙ୍କ ମଧ୍ୟରେ ବଚସା ହୋଇଥିଲା ଏବଂ ପରବର୍ତୀ ସମୟରେ ହାତାହାତି ଯାଏ କଥା ଯାଇଥିଲା। ତେବେ ହାତାହାତିରେ ପୋଲିସ ଓ କିନ୍ନର ଉଭୟ ଆହତ ହୋଇଛନ୍ତି। ତେବେ ପ୍ରାଥମିକ ଭାବେ ଯାହା ଜଣାପଡିଛି ଉଭୟ କିନ୍ନରଙ୍କୁ ସମୁଦ୍ର କୂଳ ଥାନାରେ ଅଟକ ରଖାଯାଇଛି। ଏଥିସହ ଘଟଣାର ସତ୍ୟାସତ୍ୟ କଣ ରହିଛି ପୋଲିସ ପକ୍ଷରୁ ଅନୁସନ୍ଧାନ ଜାରି ରହିଛି। ତେବେ କିନ୍ନରଙ୍କ ସହ ପୋଲିସର ଏଭଳି ଧସ୍ତାଧସ୍ତିର ଭିଡିଓ ପୁରୀ ସହରରେ ଚର୍ଚ୍ଚାର ବିଷୟ ପାଲଟିଛି।

ଅଭିନେତା ତଥା ବିଗ୍ ବସ୍ ବିଜେତା ସିଦ୍ଧାର୍ଥ ଶୁକ୍ଲାଙ୍କ ଦେହାନ୍ତ

ମୁମ୍ବାଇ: ଅଭିନେତା ତଥା ବିଗ୍ ବସ୍ ବିଜେତା ସିଦ୍ଧାର୍ଥ ଶୁକ୍ଲାଙ୍କ ଦେହାନ୍ତ । ମୁମ୍ବାଇର କପୁର୍ ହସ୍ପିଟାଲରେ ସିଦ୍ଧାର୍ଥଙ୍କ ମୃତ୍ୟୁ ନିଶ୍ଚିତ ହୋଇଛି । ସୂଚନାନୁସାରେ, ୪୦ ବର୍ଷୀୟ ସିଦ୍ଧାର୍ଥ ଶୁକ୍ଲାଙ୍କର ହୃଦଘାତରେ ମୃତ୍ୟୁ ଘଟିଛି ।

ଅଭିନେତା ସିଦ୍ଧାର୍ଥ ଶୁକ୍ଲା ଶୋଇବା ପୂର୍ବରୁ କିଛି ଔଷଧ ଖାଇଥିଲେ କିନ୍ତୁ ଏହା ପରେ ସେ ଉଠି ପାରିନଥିଲେ। ପରେ ଡାକ୍ତରଖାନା ନିଶ୍ଚିତ କରିଥିଲା ​​ଯେ ସିଦ୍ଧାର୍ଥଙ୍କର ହୃଦଘାତରେ ମୃତ୍ୟୁ ଘଟିଛି। ଟିଭି ଇଣ୍ଡଷ୍ଟ୍ରିର ନାମୀ କଳାକାର ସିଦ୍ଧାର୍ଥ ଶୁକ୍ଲା ରିଅଲିଟି ସୋ ବିଗ୍ ବସ୍ ର ୧୩ ତମ ସିଜନର ବିଜେତା ଥିଲେ, ଏହା ବ୍ୟତୀତ ସେ ଖାତରୋଁ କେ ଖିଲାଡିର ସପ୍ତମ ସିଜନ୍ ମଧ୍ୟ ଜିତିଥିଲେ । ବାଲିକା ବଧୁ ସିରିଏଲରୁ ସିଦ୍ଧାର୍ଥ ଶୁକ୍ଲା ଦେଶର ପ୍ରତ୍ୟେକ ଘରେ ନିଜର ପରିଚୟ ସୃଷ୍ଟି କରିଥିଲେ।

ଅଟୋ ଡ୍ରାଇଭରକୁ ନକଲି ନୋଟ ଦେଇ ଧରାପଡ଼ିଲେ ଯୁବକ, ଜବତ ହେଲା ୧୨ ହଜାର ୩ଶହ ଟଙ୍କା

ବୁର୍ଲା: ବୁର୍ଲା ପୋଲିସ ନକଲି ନୋଟ କାରବାରରେ ୨ଜଣଙ୍କୁ ଅଟକ ରଖିବା ସହ ୧୨୩୦୦ ଟଙ୍କାର ନକଲି ନୋଟ ଓ ନମ୍ବର ବିହିନୀ ପଲସର ଗାଡି ଜବତ କରିଛି। ସୂଚନା ଅନୁସାରେ ଗତକାଲି ପଦ୍ମପୁର ଅଂଚଳର ଶ୍ୟାମସୁନ୍ଦର ସାହୁ ଅଟୋ ଡ୍ରାଇଭର ସନାତନ ବାଗକୁ ୨୦୦ ଟଙ୍କା ଦେଇ ଅଟୋ ଭଡା ନେଇଥିଲେ।

 

ହେଲେ ସମ୍ପୃକ୍ତ ନୋଟ ନକଲି ଲାଗିବାରୁ ଅଟୋଡ୍ରାଇଭର ସନାତନ ପୋଲିସକୁ ଖବର ଦେଇଥିଲେ। ପୋଲିସ ଅଭିଯୁକ୍ତ ଶ୍ୟାମ ସୁନ୍ଦର ସାହୁ ଓ ତାର ସହଯୋଗୀକୁ ଅଟକ ରଖି ପଚାରଉଚୁରା କରିବାରୁ ତାଙ୍କର ପାଖରୁ ୧୨୩୦୦ ଟଙ୍କାର

ପାୟୋନିୟର ସମ୍ପାଦକ ତଥା ପୂର୍ବତନ ରାଜ୍ୟସଭା ସାଂସଦ ଡକ୍ଟର ଚନ୍ଦନ ମିତ୍ରଙ୍କ ପରଲୋକ

ନୂଆଦିଲ୍ଲୀ: ପାୟୋନିୟର ସମ୍ପାଦକ ତଥା ପୂର୍ବତନ ରାଜ୍ୟସଭା ସାଂସଦ ଡକ୍ଟର ଚନ୍ଦନ ମିତ୍ରଙ୍କ ପରଲୋକ । ବୁଧବାର ବିଳମ୍ବିତ ରାତିରେ ତାଙ୍କ ମୃୃତ୍ୟୁ ହୋଇଛି । ତାଙ୍କ ମୃତ୍ୟୁ ସମ୍ପର୍କରେ ରାଜ୍ୟସଭା ସାଂସଦ ତଥା ବିଜେପି ନେତା ସ୍ୱପନ ଦାସଗୁପ୍ତ ସୂଚନା ଦେଇଛନ୍ତି।

ସେ ଟ୍ୱିଟ୍ କରି କହିଛନ୍ତି, ‘ମୁଁ ମୋର ସବୁଠୁ ନିକଟତମ ବନ୍ଧୁ ପାୟୋନିୟର ସମ୍ପାଦକ ତଥା ପୂର୍ବତନ ସାଂସଦ ଚନ୍ଦନ ମିତ୍ରଙ୍କୁ ଆଜି ସକାଳେ ହରାଇଲି। ଆମ ଲା ମାର୍ଟିନେରେ ଛାତ୍ର ଭାବରେ ଏକାଠି ହୋଇ ସେଣ୍ଟ ଷ୍ଟିଫେନ୍ସ ଏବଂ ଅକ୍ସଫୋର୍ଡକୁ ଯାଇଥିଲୁ | ଆମେ ଏକାସାଙ୍ଗରେ ସାମ୍ବାଦିକତାରେ ଯୋଗ ଦେଇ ଅଯୋଧ୍ୟା ଏବଂ ଗେରୁଆର ଲହରୀ ଉତ୍ସାହରେ ସାମିଲ ହୋଇଥିଲୁ।

 

ଏଥି ସହିତ ୧୯୭୨ରେ ଏକ ସ୍କୁଲ ଟ୍ରିପ୍ ସମୟରେ ଚନ୍ଦନ ମିତ୍ର ସହ ବିଜେପି ସାଂସଦ ସ୍ୱପନ ଦାସଗୁପ୍ତ ଉଠାଇଥିବା ଫଟୋକୁ ଟ୍ୱିଟ୍‌ରେ ସେୟାର କରିଛନ୍ତି । ଡକ୍ଟରର ଚନ୍ଦନ ମିତ୍ର ବିଜେପି କୋଟାରୁ ରାଜ୍ୟସଭାରେ ପହଞ୍ଚିଥିଲେ । ସେ ୨୦୧୮ ମସିହାରେ ବିଜେପି ଦଳକୁ ଛାଡ଼ି ଟିଏମ୍‌ସିରେ ସାମିଲ ହୋଇଥିଲେ। ଏଥି ସହିତ ଡକ୍ଟର ଚନ୍ଦନ ମିତ୍ର ପାୟୋନିୟର ଖବର ସମ୍ପାଦକ ପଦରୁ କିଛି ଦିନ ପୂର୍ବରୁ ଇସ୍ତଫା ଦେଇଥିଲେ।