spot_img
Home Blog Page 5399

ପଡୋଶୀଙ୍କ କଳହରୁ ଫୁଟିଲା ଗୁଳି, ଗାଡି ପାର୍କିଂରୁ ମହାଭାରତ

ଭୁବନେଶ୍ୱର: ଗାଡି ପାର୍କିଂକୁ ନେଇ ରାଜଧାନୀରେ ଫୁଟିଲା ଗୁଳି  । ଜାଗମରାରେ ଘଟିଛି ଘଟଣା, ୨ପଡୋଶୀଙ୍କ ମଧ୍ୟରେ ହୋଇଛି ମାରପିଟ  । ମିଳିଥିବା ସୂଚନା ମୁତାବକ ଗାଡ଼ି ପାର୍କିଂକୁ ନେଇ ଦୁଇ ପଡୋଶୀଙ୍କ ମଧ୍ୟରେ ମାରପିଟ ହୋଇଥିଲା  ।  ପଡୋଶୀଙ୍କ ମାଡ଼ରେ ଆହତ ହୋଇଥିଲେ ଜଣେ ଯୁବକ  । ଉକ୍ତ ଯୁବକ ଜଣଙ୍କ  ଫାଙ୍କା ଗୁଳି ଚାଳନା କରିଥିବା ସୂଚନା ମିଳିଛି  ।

୩ରୁ ୪ରାଉଣ୍ଡ ଫାଙ୍କା ଗୁଳି ଫୁଟାଇଛନ୍ତି ଉକ୍ତ ଯୁବକ  । ସେପେଟେ ଘଟଣାକୁ ନେଇ ଖଣ୍ଡଗିରି ଥାନା ପୋଲିସ ତଦନ୍ତ ଆରମ୍ଭ କରିଛି  ।  ପ୍ରାଥମିକ ତଦନ୍ତରୁ ହସ୍ତକ୍ଷେପ ହୋଇଥିବା ସୂଚନା ଅନୁଯାୟୀ ଯୁବକଙ୍କ ପାଖରେ ଲାଇସେନ୍ସ ବନ୍ଧୁକ ରହିଥିବାବେଳେ ସେହି ବନ୍ଧୁକରୁ ହିଁ ଗୁଳି ଚାଳନା କରିଛନ୍ତି ଯୁବକ ଜଣଙ୍କ  । ଯେଉଁ ବନ୍ଧୁକରୁ ଗୁଳି ଫୁଟିଛି, ତାହା  ଲାଇସେନ୍ସ ବନ୍ଧୁକ ହୋଇଥିବା ସୂଚନା ଦେଇଛି ପୋଲିସ  ।

ଦୁର୍ଗା ପୂଜା ପେଣ୍ଡାଲରେ ତିଆରି ହେଉଛି ମମତାଙ୍କ ୧୦ ହାତ ଥିବା ମୂର୍ତ୍ତି, ଶୁଭେନ୍ଦୁ କହିଲେ ଏହା ମମତାଙ୍କ ଅହଂକାର

କୋଲକାତା: ପଶ୍ଚିମବଙ୍ଗରେ ଦୁର୍ଗା ପୂଜା ପାଇଁ ଜୋରସୋରରେ ପ୍ରସ୍ତୁତି ଆରମ୍ଭ ହୋଇଛି। ଦୁର୍ଗାପୂଜା ହେଉଛି ପଶ୍ଚିମବଙ୍ଗର ସବୁଠାରୁ ବଡ଼ ପର୍ବ। କରୋନାରେ ପୂର୍ବବର୍ଷ ଦୁର୍ଗା ପୂଜା ଫିକା ପଡ଼ିଥିବା ବେଳେ ଚଳିତ ବର୍ଷ ପଶ୍ଚିମବଙ୍ଗରେ ଧୁମଧାମରେ ପାଳନ ହେବାକୁ ଯାଉଛି। ପ୍ରତି ବର୍ଷ ଭଳି ଏଥର ମଧ୍ୟ ବହୁତ ସୁନ୍ଦର ସୁନ୍ଦର ପେଣ୍ଡାଲ ମାନଙ୍କରେ ମା’ ଭକ୍ତଙ୍କୁ ଦର୍ଶନ ଦେବେ। ଏହା ସହ ଅନେକ ସ୍ୱତନ୍ତ୍ର କାର୍ଯ୍ୟକ୍ରମ ମାନ ଆୟୋଜନ କରାଯିବ। କିନ୍ତୁ ଇତି ମଧ୍ୟରେ ପେଣ୍ଡାଲରେ ମା’ଙ୍କ ମୂର୍ତ୍ତିକୁ ନେଇ ଏକ ବିବାଦ ଉପୁଜିଛି। କାରଣ ଏଥର ଦୁର୍ଗା ପେଣ୍ଡାଲରେ ସିଏମ୍‌ ମମତା ବାନାର୍ଜୀଙ୍କ ମୂର୍ତ୍ତି ଦେଖିବାକୁ ମିଳିବ।

ବିଜେପିକୁ ଟାର୍ଗେଟ କରି ଚଳିତବର୍ଷ ଚିର୍ବାଚନରେ ଟିଏମ୍‌ସି ବିଜୟ ହାସଲ କରିଥିଲା। ପଶ୍ଚିମବଙ୍ଗକୁ ପୁଣିଥରେ ନିଜ ଅକ୍ତିଆରକୁ ନେଇଥିଲେ ମମତା। ଯେଉଥିପାଇଁ ଏଥର ପୂଜାରେ ମଧ୍ୟ ଏହାର ଝଲକ ଦେଖିବାକୁ ମଳିବ। ଏଥର ପଶ୍ଚିମବଙ୍ଗର ଏକ ଦୁର୍ଗା ପୂଜା ପେଣ୍ଡାଲରେ ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ୧୦ ହାତ ଥିବା ମୂର୍ତ୍ତି ନିର୍ମାଣ ହେଉଛି।

ମୂର୍ତ୍ତି କାରିଗର ମିଣ୍ଟୁ ପାଲ ତାଙ୍କ ଦଳ ସହିତ ମମତା ବାନାର୍ଜୀଙ୍କ ୧୦ ହାତ ଥିବା ପ୍ରତିମୂର୍ତ୍ତିକୁ ତିଆରି କରୁଛନ୍ତି। ଦୁର୍ଗା ପୂଜା ସମୟରେ ଏହି ପ୍ରତିମାକୁ ଏକ ପେଣ୍ଡାଲରେ ରଖାଯିବ। କୁହାଯାଉଛି ଯେ ଏହି ପ୍ରତିମୂର୍ତ୍ତି ମମତା ବାନାର୍ଜୀଙ୍କ କାର୍ଯ୍ୟକାଳ ମଧ୍ୟରେ ଆରମ୍ଭ ହୋଇଥିବା ୧୦ ଟି ଯୋଜନା ବିଷୟକୁ ନେଇ ତିଆରି କରାଯାଇଛି। ପ୍ରତିମା ମାଧ୍ୟମରେ ସମୁଦାୟ ୧୦ ଟି ଯୋଜନା ଦେଖାଇବାକୁ ଚେଷ୍ଟା କରାଯିବ।

ସେପଟେ ଏହାକୁ ମମତାଙ୍କ ଇଗୋ ବୋଲି କହିଛନ୍ତି ପଶ୍ଚିମବଙ୍ଗ ବିଜେପିର ବିଧାୟକ ଦଳର ନେତା ଶୁଭେନ୍ଦୁ ଅଧିକାରୀ।

ମୂର୍ତ୍ତି କାରିଗର ପିଣ୍ଟୁ ପ୍ରତିମୂର୍ତ୍ତିକୁ ନେଇ ସ୍ପଷ୍ଟ କରିଛନ୍ତି ଯେ ଏହି ପ୍ରତିମା ଉପରେ କୌଣସି ବିବାଦ ନହେବା ଉଚିତ୍। କାରଣ ଅତୀତରେ ମଧ୍ୟ ଅନେକ ନେତାଙ୍କୁ ନେଇ ଏପରି ପ୍ରତିମୂର୍ତ୍ତି ପ୍ରସ୍ତୁତ ହୋଇସାରିଛି। ସେ ଆହୁରି ମଧ୍ୟ ସୂଚନା ଦେଇଛନ୍ତି ଯେ ମମତା ବାନାର୍ଜୀଙ୍କ ପ୍ରତିମା ପୂଜା କରାଯିବ ନାହିଁ। ଏହାକୁ ଜନସାଧାରଣ ଦେଖିବା ପାଇଁ କେବଳ ପେଣ୍ଡାଲାରେ ରଖାଯିବ। ତେବେ ଏହି ପ୍ରତିମାକୁ ନିର୍ମାଣ କରିବା ପାଇଁ ନାଜରୁଲ ପାର୍କ ଉନ୍ନୟନ ସମିତି କହିଥିଲା। ମମତା ବାନାର୍ଜୀଙ୍କ ଏହି ପ୍ରତିମୂର୍ତ୍ତିକୁ ବିସର୍ଜନ କରାଯିବ ନାହିଁ।

ବିଜେପି ମମତା ବାନାର୍ଜୀଙ୍କ ଏହି ପ୍ରତିମୂର୍ତ୍ତିକୁ ତାଙ୍କ ଇଗୋ ସହିତ ଯୋଡିଛି। ଶୁଭେନ୍ଦୁ କହିଛନ୍ତି ତୁମକୁ ଭଗବାନ କହି ଖୁସି କରାଇବା ପାଇଁ ଏଭଳି ପ୍ରୟାସ କରାଯାଇଛି ବୋଲି ଥଟ୍ଟା କରି କହିଛନ୍ତି। ଏହା ସ୍ପଷ୍ଟ ଯେ ତୁମର ଅହଂକାର ଏତେ ବଢ଼ିଯାଇଛିଯେ ସେଥିପାଇଁ ତୁମ ବିବେକ ବି ତୁମକୁ ବାଧା ଦେଉନି ବୋଲି ବିଜେପି କହିଛି।

OSRTCର ୧୧୦ ନୂଆ ବସ୍ ଲୋକାର୍ପଣ କଲେ ମୁଖ୍ୟମନ୍ତ୍ରୀ, ଅତ୍ୟାଧୁନିକ ସୁବିଧା ପାଇବେ ଯାତ୍ରୀ

ଭୁବନେଶ୍ୱର: ଗଡ଼ିଲା  OSRTCର ୧୧୦ଟି ନୂଆ ବସ୍  । ଏଥର ଅତ୍ୟାଧୁନିକ ବସରେ ବସି ଯାତ୍ରା କରିବେ ଯାତ୍ରୀ  । ଏହି ଅତ୍ୟାଧୁନିକ ନୂଆ ବସକୁ  ଲୋକାର୍ପଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ପ୍ରଥମ ପର୍ଯ୍ୟାୟରେ ୧୧୦ଟି ନୂତନ ଯାତ୍ରୀବାହୀ ବସ୍ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ  । ଏହି ନୂଆ ବସ ପ୍ରଦୂଷଣ ରହିତ ରହିଛି, ଏଥି ସହିତ ବିଏସ୍-୬ ଶ୍ରେଣୀର ମଧ୍ୟ  । ନୂତନ ବସରେ ରୁଟ୍ ଟ୍ରାକିଂ ବ୍ୟବସ୍ଥା ରହିଛି  ।

OSRTC ଦ୍ୱାରା ଏହି ବସ ବ୍ୟବସ୍ଥା କରାଯାଇଥିଲାବେଳେ ଯାତ୍ରୀଙ୍କ ସୁବିଧା ନିମନ୍ତେ ବସ୍ ଟ୍ରାକିଂ ସିଷ୍ଟମ ରହିଛି  । ବସରେ ରହିଛି ଜରୁରିକାଳୀନ ସୁରକ୍ଷା ବଟନ ବ୍ୟବସ୍ଥା  । ସେହିପରି ଯାତ୍ରୀଙ୍କ ପାଇଁ ରହିଛି ଆରାମ ଦାୟକ ସିଟ୍  । ଅନ୍ୟପଟେ ପଟିଆରେ ମୋ ବସର ନୂତନ ଡିପୋ ମଧ୍ୟ କରାଯାଇଛି  । ଏହି ଡିପୋରେ ସମସ୍ତ ସୁବିଧା ଉପଲବ୍ଧ ରହିଥିବାବେଳେ ଏହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲୋକାର୍ପଣ କରିଛନ୍ତି  ।

ଆଜି ୧୧୦ଟି ନୂଆ ଅତ୍ୟାଧୁନିକ ବସ ଲୋକାର୍ପଣ ହୋଇଥିବାବେଳେ ଦ୍ୱିତୀୟ ପର୍ଯ୍ୟାୟରେ ଆଉ ୭୦ଟି ବସ ମଧ୍ୟ ଲୋକାର୍ପଣ କରାଯିବ ବୋଲି କହିଛନ୍ତି ବିଭାଗୀୟ ଅଧିକାରୀ  । ଭୁବନେଶ୍ୱରରେ ଦୁଇଟି ମୋ ବସ୍‌ ଡିପୋର ଲୋକାର୍ପଣ ହୋଇଛି । ଭଗବାନପୁର ଓ ପଟିଆରେ ମୋ ବସ୍‌ ଡିପୋର ଉଦ୍‌ଘାଟନ ହେଉଛି ।

ବାଲେଶ୍ଵରରୁ ପ୍ରସ୍ତୁତ କ୍ଷୁଦ୍ର ଚଳଚ୍ଚିତ୍ର ଆନ୍ତର୍ଜାତିକ ଫିଲ୍ମ ଫେଷ୍ଟିଭାଲରେ ମନୋନୀତ, ନିର୍ଦ୍ଦେଶନା ଦେଇଛନ୍ତି ଶିଳ୍ପୀ କେଶୁ ଦାସ

ଭୁବନେଶ୍ୱର: ଆନ୍ତର୍ଜାତିକ ଫିଲ୍ମ ଫେଷ୍ଟିଭାଲରେ ମନୋନୀତ ହେଲା ଓଡ଼ିଆ ସର୍ଟ ଫିଲ୍ମ । ବାଲେଶ୍ଵରର ଶିଳ୍ପୀ କେଶୁଦାସଙ୍କ ନିର୍ଦ୍ଦେଶିତ ଫିଲ୍ମ ଏ ଲିଟିଲ ପଟସେର୍ଡ ଆର୍ଟିଷ୍ଟ ଇନ୍ କୋଭିଡ ୧୯ ଫିଲ୍ମ ମନୋନୀତ ହୋଇଛି । ଜେବିଏସ୍ ଓ ଓରିଫାର୍ମିଙ୍ଗ ଭୁବନେଶ୍ୱର ଦ୍ବାରା ଆୟୋଜିତ ୨ୟ କୋଭିଡ ଆନ୍ତର୍ଜାତିକ ଫିଲ୍ମ ଫେଷ୍ଟିଭାଲରେ ଏହା ମନୋନୀତ ହେଇଛି । ଭାରତ ସହ ଅନ୍ୟାନ୍ୟ ଦେଶର ମୋଟ ୨୭୫ଟି ଫିଲ୍ମ ଆସିଥିବା ବେଳେ ଓଡ଼ିଶାର ୧୦ଟି କ୍ଷୁଦ୍ର ଚଳଚ୍ଚିତ୍ର ସ୍ଥାନିତ ହୋଇଛି ।

ବାଲେଶ୍ଵରରୁ ଏହା ଏକମାତ୍ର ଫିଲ୍ମ ମନୋନୀତ ହୋଇଛି । ଗାଁରେ ପଡିଥିବା ଭଙ୍ଗା ହାଣ୍ଡି ଖପରା କାତିକୁ ନେଇ ସୁନ୍ଦର ସୁନ୍ଦର ଚିତ୍ର ସବୁ କାନ୍ଥ ଆଙ୍କୁଥିବାର ଦୃଶ୍ୟକୁ ସୁନ୍ଦର ଭାବରେ ଏହି ଫିଲ୍ମରେ ପ୍ରଦର୍ଶିତ କରାଯାଇଛି । ବାଲେଶ୍ବର ଜିଲ୍ଲା ନୀଳଗିରି ବ୍ଳକର ବାବନ୍ଧ ଗାଁରେ ଆଦିବାସୀ ଝିଅକୁ ଏହି କ୍ଷୁଦ୍ର ଚଳଚିତ୍ରରେ ସ୍ଥାନ ଦିଆଯାଇଛି । ସପ୍ତମ ଶ୍ରେଣୀରେ ପଢ଼ୁଥିବା ଶିଲୀ ଜଣେ କୁନି ଖପରାଶିଳ୍ପୀ । କୋରନା ସମୟରେ ପାଠପଢ଼ା ସହ ବାପାମାଆଙ୍କୁ ଘର କାମରେ ସାହାଯ୍ୟ କରେ । ଏହା ସହ ଗାଁ ଲୋକମାନଙ୍କୁ କୋରନା ସଚେତନତା କରୁଥିବା ଏହି ଫିଲ୍ମରେ ଦେଖିବାକୁ ମିଳିଛି ।

ସମସ୍ତଙ୍କୁ ଛାଡ଼ି ଚାଲିଗଲେ ସିଦ୍ଧାର୍ଥ ଶୁକ୍ଳା, ଦେଖନ୍ତୁ ଅନ୍ତିମ ସତ୍କାର ସମୟର କିଛି ଲୁହ ଭିଜା ଫଟୋ

ମୁମ୍ବାଇ: ସିଦ୍ଧାର୍ଥଙ୍କ ମୃତ୍ୟୁର ଦୁଃଖରେ ପୁରା ଫିଲ୍ମ ଜଗତ। ଖୁବ୍ କମ୍ ସମୟ ମଧ୍ୟରେ ସିଦ୍ଧାର୍ଥ ଏକ ଭିନ୍ନ ପରିଚୟ ସୃଷ୍ଟି କରିପାରିଥିଲେ। ଟିଭି ସିରିୟଲ ଠାରୁ ଚଳଚ୍ଚିତ୍ର ଇଣ୍ଡଷ୍ଟ୍ରି ପର୍ଯ୍ୟନ୍ତ ସମସ୍ତେ ସିଦ୍ଧାର୍ଥ ଶୁକ୍ଲା ଏବଂ ତାଙ୍କ ବ୍ୟକ୍ତିତ୍ୱର ପ୍ରଶଂସକ ଥିଲେ।

ସିଦ୍ଧାର୍ଥ ଶୁକ୍ଲା ମଡେଲିଂରୁ ନିଜର କ୍ୟାରିଅର୍ ଆରମ୍ଭ କରିଥିଲେ ଏବଂ ଅନେକ ଟିଭି ସୋ ଏବଂ ରିଆଲିଟି ସୋରେ କାମ କରିଥିଲେ। ତାଙ୍କ କ୍ୟାରିଅର୍ ‘ବାଲିକା ବଧୂ’ରୁ ଆରମ୍ଭ ହୋଇଥିଲା ଏବଂ ‘ବିଗ୍ ବସ୍ ୧୩’ ଜିତିବା ପରେ ଲୋକପ୍ରିୟତା ମଧ୍ୟରେ ତାଙ୍କୁ ବହୁତ ମିଳିଥିଲା।

ସମସ୍ତଙ୍କୁ ଛାଡ଼ି ଶେଷ ଯାତ୍ରାରେ ଚାଲିଯାଇଛନ୍ତି ସିଦ୍ଧାର୍ଥ। ପଛରେ ଛାଡ଼ିଦେଇ ଯାଇଛନ୍ତି ମାଆ ଭଉଣୀ ସାଙ୍ଗ ସାଥିଙ୍କୁ। ସିଦ୍ଧାର୍ଥ ଗଲା ପରେ ଏବେ ସମସ୍ତଙ୍କ ମୁହଁରେ ଗୋଟିଏ କଥା, ଏମିତି କଣ କେହି କାହାକୁ ଛାଡ଼ି ଯାଏ।

ଏଭଳି ଜଣେ ତାରକା ମାତ୍ର ୪୦ ବର୍ଷରେ ଛାଡ଼ି ଚାଲିଯିବାଟା ସମସ୍ତଙ୍କୁ ମର୍ମାହତ କରିଛି। ସିଦ୍ଧାର୍ଥଙ୍କ ପରେ ଏବେ ଖାଲି ଯାହା ରହିଯାଇଛି ତାଙ୍କର ଅଭୁଲା ସ୍ମୃତି।

ସିଦ୍ଧାର୍ଥଙ୍କର ସବୁଠାରୁ ପ୍ରିୟ ଥିଲେ ତାଙ୍କର ମାଆ ରିତା ଶୁକ୍ଳା। ସେ ତାଙ୍କ ମାଆଙ୍କୁ ବହୁତ ଭଲ ପାଉଥିଲେ। ଗୋଟିଏ କ୍ଷଣ ବି ତାଙ୍କ ମାଆଙ୍କ ଠାରୁ ଦୁରକୁ ଯିବାକୁ ଚାହୁଁନଥିଲେ। ହେଲେ ଆଜି ସବୁଦିନ ପାଇଁ ତାଙ୍କ ମାଆଙ୍କୁ ଛାଡ଼ି ଚାଲିଗଲେ ସିଦ୍ଧାର୍ଥ। ସିଦ୍ଧାର୍ଥ ତାଙ୍କ ପରିବାରରେ ସବୁଠାରୁ ସାନ ଥିଲେ। ସେଥିପାଇଁ ତାଙ୍କୁ ତାଙ୍କ ଭଉଣୀ ମାନେ ବହୁତ ଭଲ ପାଉଥିଲେ। ସିଦ୍ଧାର୍ଥଙ୍କର ଦୁଇଜଣ ବଡ଼ ଭଉଣୀ ରହିଛନ୍ତି।

ବିଗ୍‌ ବସ୍‌ ସିଜିନ ୧୩ର ପ୍ରତିଯୋଗି ଏବଂ ସିଦ୍ଧାର୍ଥଙ୍କ ଘନିଷ୍ଠ ବନ୍ଧୁ ସେହେନାଜ୍‌ ଗିଲ ପୁରା ଭାଙ୍ଗିପଡ଼ିଛନ୍ତି। ସେହେନାଜ୍‌ ତାଙ୍କ ମୃତ୍ୟୁରେ ନିଜକୁ ସମ୍ଭାଳି ପାରୁନାହାଁନ୍ତି।

କାରଣ ସେହୋନାଜ୍‌ ସିଦ୍ଧାର୍ଥଙ୍କୁ ବହୁତ ଭଲପାଉଥିଲେ। ଆଜି ଅନ୍ତିମ ସତ୍କାରରେ ପହଞ୍ଚିଥିଲେ। ସେହେନାଜ ଏବଂ ସିଦ୍ଧାର୍ଥଙ୍କ ବଣ୍ଡିଂ ବହୁତ ଭଲ ଏବଂ ରୋମାଣ୍ଟିକ ଥିଲା।

ସିଦ୍ଧାର୍ଥଙ୍କ ମୃତଦେହ ମୁମ୍ବାଇର କପୁର୍ ହସ୍ପିଟାଲରେ ଥିଲା। ତାଙ୍କର ପୋଷ୍ଟମର୍ଟମ ଗୁରୁବାର ଏଠାରେ କରାଯାଇଥିଲା। ଶୁକ୍ରବାର ଦିନ ତାଙ୍କ ମୃତଦେହକୁ ଆମ୍ବୁଲାନ୍ସ ଯୋଗେ ଓଶିୱାରାର ସ୍ମଶାନକୁ ନିଆଯାଇଥିଲା ଯେଉଁଠାରେ ତାଙ୍କ ଶବଦାହକ ଶବଦାହ କରାଯାଇଥିଲା।

ସିଦ୍ଧାର୍ଥଙ୍କ ଅନ୍ତି ସତ୍କାର ପାଇଁ ସ୍ମଶାନରେ ବଲିଉଡ ଜଗତରେ ଅଭିନେତା ମାନେ ଆସିଥିଲେ। ଅସୀମ ରିଆଜ, ଅଲି ଗୋନି, ଅର୍ଜୁନ ବିଜଲାନି, ରାହୁଲ ମହାଜନ୍‌, ଅଭିନେତ୍ରୀ ଦିଲଜତ୍‌ କୌର ଉପସ୍ଥିତ ଥିଲେ।

ପାନ ଦୋକାନରେ ଗଞ୍ଜେଇ ବେପାର, କୋର୍ଡ ୱାର୍ଡରେ ଧୁମ ବେପାର

ଭୁବନେଶ୍ୱର: ପାନ ଦୋକାନରେ ଚାଲିଥିଲା ଗଞ୍ଜେଇ ବେପାର । ହେଲେ ଖେଳ ବିଗାଡିଦେଲା ଅବକାରୀ ବିଭାଗ । ଭୁବନେଶ୍ୱର କେଦାରପଲ୍ଲୀ ବସ୍ତିରେ ଅବକାରୀ ମୋବାଇଲ ସ୍କ୍ୱାଡ୍‌ ଚଢ଼ାଉ କରି ଏକ ପାନ ଦୋକାନରୁ ସାଢ଼େ ୪ କିଲୋ ଗଞ୍ଜେଇ ଓ ଗଞ୍ଜେଇ ସିଗାରେଟ ଜବତ କରିଛି । ଦୋକାନୀ ଟୁନା ନାୟକକୁ ଗିରଫ କରିଛି ଅବକାରୀ ବିଭାଗ ।

ପାନ ଦୋକାନରେ କୋଡ୍‌ ୱାର୍ଡ ଚକଖଡ଼ି ଓ ବାବା କହିଲେ ମିଳୁଥିଲା ଗଞ୍ଜେଇ ଓ ଗଞ୍ଜେଇ ସିଗାରେଟ୍ । ଜବତ ଗଞ୍ଜେଇର ଆନୁମାନିକ ମୂଲ୍ୟ ୫୦ ହଜାର ଟଙ୍କା ହେବ । ଦୋକାନୀ ଟୁନା ନାୟକକୁ କୋର୍ଟ ଚାଲାଣ କରାଯାଇଛି । ରାଜଧାନୀରେ ପୋଲିସର କଡା ପ୍ରହରା ସ୍ୱତେ କେମିତି ଏବଂ କେଉଁ ଉପାୟରେ ଚାଲିଛି ଏହି ବେପାର  । ତାହା ଏବେ ବଡ଼ ପ୍ରଶ୍ନ  ।

 

ଦିଲ୍ଲୀ ବିଧାନସଭାରୁ ଲାଲକିଲ୍ଲାକୁ ଥିଲା ଗୁପ୍ତ ସୁଡ଼ଙ୍ଗ, ସ୍ୱାଧୀନତା ସଂଗ୍ରାମୀମାନଙ୍କୁ ନେବା ଆଣିବା ଲାଗି ବ୍ୟବହାର ହେଉଥିଲା

ନୂଆଦିଲ୍ଲୀ: ଦିଲ୍ଲୀ ବିଧାନସଭାରୁ ଲାଲକିଲ୍ଲାକୁ ଥିଲା ଗୁପ୍ତ ସୁଡଙ୍ଗ। ଖୋଦ ରାଜଧାନୀ ଦିଲ୍ଲୀର ମଧ୍ୟଭାଗରେ ଏକ ପୁରାତନ ଦୀର୍ଘ ସୁଡଙ୍ଗର ଆବିଷ୍କାର ପରେ ଦିଲ୍ଲୀରେ ଚାଞ୍ଚଲ୍ୟ ଖେଳିଛି। ଦିଲ୍ଲୀ ବିଧାନସଭା ବାଚସ୍ପତି ରାମ ନିଓ୍ୱାସ ଗୋୟଲ କହିଛନ୍ତି ଅତୀତରେ ସ୍ୱାଧୀନତା ସଂଗ୍ରାମୀମାନଙ୍କୁ ଏହି ସୁଡଙ୍ଗ ଦେଇ ଲାଲକିଲ୍ଲା ନିଆଯାଉଥିଲା। ଲୋକଙ୍କ ଭିତରେ ଯେପରି ଉତ୍ତେଜନା ପ୍ରକାଶ ପାଇବ ନାହିଁ ତାହାକୁ ନଜରରେ ରଖି ଏହି ପଦକ୍ଷେପ ନିଆଯାଉଥିଲା।

ସେ କହିଛନ୍ତି ୧୯୯୩ରେ ସେ ବିଧାୟକ ହୋଇଥିବାବେଳେ ଏହି ସୁଡଙ୍ଗ ସମ୍ପର୍କରେ ଜାଣିଥିଲେ। ବର୍ତ୍ତମାନ ଏହି ସୁଡଙ୍ଗର ମୁହଁ ଠାବ ହୋଇଛି। ମାତ୍ର ଏହାକୁ ଖୋଳିବା ସମ୍ଭବ ହେବନାହିଁ। କାରଣ ଏହି ସୁଡ଼ଙ୍ଗର ଅଧିକାଂଶ ସ୍ଥାନ ଧସିଗଲାଣି। ଗୋୟଲ ଆହୁରି କହିଛନ୍ତି- ୧୯୧୨ରେ ଭାରତର ରାଜଧାନୀ କୋଲକତାରୁ ଦିଲ୍ଲୀକୁ ସ୍ଥାନାନ୍ତର ହୋଇଥିଲା। ବର୍ତ୍ତମାନର ଦିଲ୍ଲୀ ବିଧାନସଭା ସେତେବେଳେ ସେଣ୍ଟ୍ରାଲ ଲେଜିସଲେଟିଭ ଆସେମ୍ବ୍ଲି ଭାବେ ଅବସ୍ଥାପିତ ହୋଇଥିଲା। ୧୯୨୬ରେ ଏହାକୁ ଏକ କୋର୍ଟରେ ପରିଣତ କରାଯାଇଥିଲା। ସ୍ୱାଧୀନତା ସଂଗ୍ରାମୀମାନଙ୍କୁ ନେବା ଆଣିବା ଲାଗି ଏହି ଟନେଲ ଖୋଳାଯାଇଥିଲା।

ପଞ୍ଜଶୀରର ସାହାସୀ ଯୋଦ୍ଧା, ୪୦ ତାଲିବାନୀଙ୍କୁ କଲେଣି ହତ୍ୟା

ନନ୍ଦିଘୋଷ ବ୍ୟୁରୋ: ଆଫଗାନିସ୍ତାନକୁ ତାଲିବାନ କବଜ୍ଜା କରିନେଇଛି ସତ,କିନ୍ତୁ ଏବେ ବି ଏହିଭଳି ଏକ ଅଂଚଳ ରହିଛି,ଯାହାକୁ କବଜା କରିବାରେ ବିଫଳ ହୋଇଛନ୍ତି ତାଲିବାନୀ । ଆଫଗାନିସ୍ତାନର ପଞ୍ଜଶୀର ପ୍ରାନ୍ତକୁ ଏଯାଏଁ ପହଂଚିପାରିନି ତାଲିବାନୀଙ୍କ ଛାୟା । ଘାଟିର ସାହାସୀ ଯୋଦ୍ଧା ଲଗାତାର ତାଲିବାନୀଙ୍କୁ ଚକମା ଦେଉଛନ୍ତି । ନୂଆ ସରକାରଙ୍କ ପାଇଁ ପଞ୍ଜଶୀର ପ୍ରାନ୍ତରେ ଗତ କିଛିଦିନ ହେବ ତାଲିବାନ ଏବଂ ରେଜିଷ୍ଟାନ୍ସ ଫୋର୍ସ ତଥା ଉତ୍ତର ଆଲାଇନ୍ସ ମଧ୍ୟରେ ଯୁଦ୍ଧ ଜାରି ରହିଛି । ଏବେ ତାଲିବାନ ପଞ୍ଜଶୀର ଘାଟରେ ପ୍ରବେଶ କରିବାର ଚେଷ୍ଟା ଜାରି ରଖିଛି । ଉପରାଷ୍ଟ୍ରପତି ଅମରୁଲ୍ଲା ସାଲେହ ଏବଂ ଅହମ୍ମଦ ମାସୁଦଙ୍କ ନେତୃତ୍ୱରେ ରେଜିଷ୍ଟାନ୍ସ ଫୋର୍ସ ତଥା ଉତ୍ତର ଆଲାଇନ୍ସ ସଠିକ ଜବାବ ଦେଇଛି ।

ଏହି ସମୟରେ ପଞ୍ଜଶୀରଙ୍କ ବାହିନୀ ୪୦ ତାଲିବାନିଙ୍କ ହତ୍ୟା କରିଛନ୍ତି । କେବଳ ସେତିକି ନୁହେଁ ପଞ୍ଜଶୀରର ସାହାସୀ ଯୋଦ୍ଧାଙ୍କୁ ଭୟ କରି ସେମାନେ ନିଜ ସାଥୀମାନଙ୍କ ଶବ ଛାଡ଼ି ପଳାୟନ କରିଥିଲେ । ତେବେ ରେଜିଷ୍ଟାନ୍ସ ଫୋର୍ସ ଏହି ପ୍ରଦେଶରେ ସଂଘର୍ଷ ସମୟରେ ନିହତ ହୋଇଥିବା ୪୦ ତାଲିବାନ ଆତଙ୍କବାଦୀଙ୍କ ମୃତଦେହକୁ ତାଲିବାନ ଗୋଷ୍ଠୀକୁ ହସ୍ତାନ୍ତର କରିଛି। ରେଜିଷ୍ଟାନ୍ସ ଫୋର୍ସର ମୁଖପାତ୍ର କହିଛନ୍ତି ଯେ, ତାଲିବାନୀ ବାରମ୍ବାର ପଞ୍ଜଶୀରର ପ୍ରଦେଶର ଶୋତୁଲ ଜିଲ୍ଲାକୁ ପ୍ରବେଶ କରିବାକୁ ଚେଷ୍ଟା କରିଥିଲେ । ହେଲେ ସେମାନଙ୍କ ଚେଷ୍ଟା ବିଫଳ ହୋଇଥିଲା । ତେବେ ଜିଲ୍ଲାକୁ ପ୍ରବେଶ କରିବା ଉଦ୍ୟମ ଜାରି ଥିବାବେଳେ ଉଭୟ ପାର୍ଶ୍ୱରୁ ଗୁଳି ବିନିମୟ ହୋଇଥିଲା ଏବଂ ତାଲିବାନର ୪୦ ଆତଙ୍କବାଦୀଙ୍କର ମୃତ୍ୟୁ ହୋଇଥିଲା ।

ନିହତ ହୋଇଥିବା ଲୋକଙ୍କ ଶବ ତାଲିବାନକୁ ହସ୍ତାନ୍ତର କରାଯାଇଛି। ଏହା ପରେ ଗୁରୁବାର ଉଭୟ ପକ୍ଷରୁ କୌଣସି ବିବାଦ ସୃଷ୍ଟି ହୋଇନଥିଲା ବୋଲି କହିଛନ୍ତି ମୁଖପାତ୍ର । ପଞ୍ଜଶିର ଘାଟିରେ ଆଫଗାନିସ୍ତାନର କାର୍ଯ୍ୟନିର୍ବାହୀ ରାଷ୍ଟ୍ରପତି ଅମରୁଲ୍ଲାହ ସାଲେହ ଆଫଗାନିସ୍ତାନରୁ ତାଲିବାନୀକୁ ହଟାଇବା ନେଇ ଶପଥ ନେଇଛନ୍ତି। ଏହା ସହ ଅହମ୍ମଦ ଶାହଙ୍କ ପୁଅ ଅହମ୍ମଦ ମାସୁଦ ମଧ୍ୟ ହାର ନମାନିବାର ନିଷ୍ପତ୍ତି ନେଇଛନ୍ତି । ସେ କହିଛନ୍ତି ଯେ, ତାଙ୍କ ଡିକ୍ସନାରିରେ ଆତ୍ମସମର୍ପଣ ଭଳି କୌଣସି ଶବ୍ଦ ନାହିଁ । ତେଣୁ ଏଭଳି ପରିସ୍ଥିତିରେ ତାଲିବାନୀଙ୍କ ପାଇଁ ପଞ୍ଜଶୀର ଘାଟିକୁ ନିଜ କବଜ୍ଜାରେ କରିବା ଅତ୍ୟନ୍ତ କଷ୍ଟକର ହେବ।

ନିକଟରେ ତାଲିବାନ ନେତାମାନେ ଏହି ଚୁକ୍ତି ସମ୍ପର୍କରେ ବିଦ୍ରୋହୀ ଦଳର ନେତା ଅହମ୍ମଦ ମାସୁଦଙ୍କ ସହ ଆଲୋଚନା କରିଥିଲେ। କିନ୍ତୁ ଏହି ବାର୍ତ୍ତାଳାପ ଦ୍ୱାରା କୌଣସି ସମାଧାନ ହୋଇପାରିନଥିଲା । ଏହା ପରେ ତାଲିବାନ ପୁନର୍ବାର ପଞ୍ଜସିର ଉପରେ ଆକ୍ରମଣ କରିଥିଲା। ଅଗଷ୍ଟ ମଧ୍ୟଭାଗରୁ ପ୍ରସିଦ୍ଧ ଆଫଗାନୀ କମାଣ୍ଡର ଅହମ୍ମଦ ଶାହା ମସୁଦଙ୍କ ପୁଅ ଅହମ୍ମଦ ମାସୁଦଙ୍କ ନେତୃତ୍ୱରେ ତାଲିବାନ ବିଦ୍ରୋହୀମାନେ ପଞ୍ଜସିର ଘାଟିରେ ଏକଜୁଟ ହୋଇଥିଲେ। ଆଫଗାନିସ୍ତାନର ପୂର୍ବତନ ଉପରାଷ୍ଟ୍ରପତି ଅମରୁଲ୍ଲା ସାଲେହ ମଧ୍ୟ ସେମାନଙ୍କ ସହ ଉପସ୍ଥିତ ଅଛନ୍ତି । ମିଳିତ ଭାବେ ସେମାନେ ଏଠାରେ ତାଲିବାନୀଙ୍କୁ ଚ୍ୟାଲେଞ୍ଜ କରୁଛନ୍ତି।

କରୋନାରେ ମୃତକଙ୍କ ପରିବାରକୁ କ୍ଷତିପୂରଣ ଦେବା ପ୍ରସଙ୍ଗ, କେନ୍ଦ୍ର ଉପରେ ବର୍ଷିଲେ ସୁପ୍ରିମକୋର୍ଟ

ନୂଆଦିଲ୍ଲୀ: କରୋନା କାରଣରୁ ମୃତ୍ୟୁବରଣ କରିଥିବା ଲୋକଙ୍କ ପରିବାରକୁ କ୍ଷତିପୂରଣ ଦେବା ନୀତି ଉପରେ ସୁପ୍ରିମକୋର୍ଟ ଅସନ୍ତୋଷ ବ୍ୟକ୍ତ କରିଛନ୍ତି। କ୍ଷତିପୂରଣ ନୀତି ପ୍ରସ୍ତୁତ କରିବା ବ୍ୟତୀତ ମୃତ୍ୟୁ ପ୍ରମାଣପତ୍ରରେ ମୃତ୍ୟୁର ପ୍ରକୃତ କାରଣ ରେକର୍ଡ କରିବା ପାଇଁ ଏକ ସିଷ୍ଟମ ପ୍ରସ୍ତୁତ କରିବାକୁ କୋର୍ଟ କେନ୍ଦ୍ରକୁ କହିଥିଲେ। ହେଲେ ଏପର୍ଯ୍ୟନ୍ତ କୌଣସିଥିରେ ବି ସଫଳ ହୋଇପାରିଲେ ନାହିଁ କେନ୍ଦ୍ରସରକାର। କରୋନାରେ ମୃତ୍ୟୁ କରିଥିବା ଲୋକଙ୍କ ଏପର୍ଯ୍ୟନ୍ତ କ୍ଷତିପୂରଣ ଦେବା ନୀତି ପ୍ରସ୍ତୁତ ହୋଇପାରିଲା ନାହିଁ। ଏହି ପ୍ରସଙ୍ଗରେ ଉତ୍ତର ଦାଖଲ ନକରିବା ଉପରେ ମନ୍ତବ୍ୟ ଦେଇ କୋର୍ଟ ଆଜି କେନ୍ଦ୍ରକୁ ତାଗିଦ୍‌ କରିଛନ୍ତି। କୋର୍ଟ କେନ୍ଦ୍ରକୁ ଇଙ୍ଗିତ କରି କହିଛନ୍ତି-ଆପଣ ପଦକ୍ଷେପ ନେବା ବେଳକୁ ତୃତୀୟ ଲହର ଦେଶକୁ ଆସି ଚାଲିଯାଇଥିବ।

ଆଜି ଏହି ମାମଲାକୁ କେନ୍ଦକରି ଏକ ବେଞ୍ଚ ବସିଥିଲା। ଜଷ୍ଟିସ ଏମଆର ଶାହା ଏବଂ ଅନିରୁଦ୍ଧ ବୋଷଙ୍କ ବେଞ୍ଚରେ ଏହି ମାମଲାର ଶୁଣାଣି ହୋଇଥିଲା। ଶୁଣାଣି ଆରମ୍ଭରେ ଅତିରିକ୍ତ ସଲିସିଟର ଜେନେରାଲ ଐଶ୍ୱର୍ଯ୍ୟା ଭାଟି କୋର୍ଟଙ୍କୁ ସୂଚନା ଦେଇଥିଲେ ଯେ ଏପର୍ଯ୍ୟନ୍ତ ଏଫିଡେଭିଟ୍ ଦାଖଲ ହୋଇନାହିଁ। ଭାଟି ଏଥିପାଇଁ ୧୦ ଦିନ ସମୟ ମାଗିଥିଲେ। କୋର୍ଟରେ ଉପସ୍ଥିତ ଥିବା ସଲିସିଟର ଜେନେରାଲ ତୁଷାର ମେହେଟ୍ଟା ମଧ୍ୟ କହିଛନ୍ତି ଯେ ଏହି ମାମଲା ସରକାରଙ୍କ ନିକଟରେ ବିଚାରାଧୀନ ଅଛି। ଏହାର ଜବାବରେ ବେଞ୍ଚର ଚେୟାରମ୍ୟାନ୍ ଜଷ୍ଟିସ୍ ଶାହା କହିଛନ୍ତି ଯେ ଆଦେଶ ଆସିବା ପରେ ବହୁତ ସମୟ ଅତିବାହିତ ହୋଇଛି। ସରକାର କିଛି କରିବା ବେଳକୁ ତୃତୀୟ ତରଙ୍ଗ ଅତିକ୍ରମ ହୋଇଯିବ। କୋର୍ଟ କହିଛନ୍ତି ଯେ ସରକାର ପୂର୍ବରୁ ସମୟ ମାଗିଛନ୍ତି। ବର୍ତ୍ତମାନ କେନ୍ଦ୍ରସରକାର ସେପ୍ଟେମ୍ବର ୧୧ ସୁଦ୍ଧା ନିଜର ଉତ୍ତର ଦାଖଲ କରିବା ଉଚିତ୍।

ପୂର୍ବ କୋର୍ଟର ନିର୍ଦ୍ଦେଶ ଅନୁଯାୟୀ ଜୁନ୍ ୩୦ରେ ଦିଆଯାଇଥିବା ଆଦେଶରେ ସୁପ୍ରିମକୋର୍ଟ ଦେଶରେ କରୋନା ଦ୍ୱାରା ଘଟିଥିବା ପ୍ରତ୍ୟେକ ମୃତ୍ୟୁ ପାଇଁ କ୍ଷତିପୂରଣ ଦେବାକୁ କହିଥିଲେ। ୬ ସପ୍ତାହ ମଧ୍ୟରେ କ୍ଷତିପୂରଣ ରାଶି ଠିକ୍ କରିବା ପରେ ରାଜ୍ୟମାନଙ୍କୁ ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (NDMA) କୁ ଜଣାଇବାକୁ କୋର୍ଟ କହିଥିଲେ। ଏପରି ବିପଦରେ ଲୋକଙ୍କୁ କ୍ଷତିପୂରଣ ଦେବା ସରକାରଙ୍କ ଆଇନଗତ କର୍ତ୍ତବ୍ୟ ବୋଲି କୋର୍ଟ କହିଥିଲେ। କିନ୍ତୁ କ୍ଷତିପୂରଣ ରାଶି କେତେ ହେବ ତାହା ସ୍ଥିର କରିବାକୁ କୋର୍ଟ ସରକାରଙ୍କୁ ଛାଡ଼ିଥିଲେ।

ଏହି ମାମଲାର ଆବେଦନକାରୀମାନେ ଯୁକ୍ତି ଦର୍ଶାଇଥିଲେ ଯେ ମୃତମାନଙ୍କୁ ଶେଷ ରୀତିନୀତି ପାଇଁ ସିଧାସଳଖ ଡାକ୍ତରଖାନାରୁ ନିଆଯାଉଛି। ତାଙ୍କର ପୋଷ୍ଟମର୍ଟମ କରାଯାଉ ନାହିଁ କିମ୍ବା ମୃତ୍ୟୁ ପ୍ରମାଣପତ୍ରରେ ଲେଖା ନାହିଁ ଯେ ମୃତ୍ୟୁର କାରଣ କରୋନା ବୋଲି। ଏଭଳି ପରିସ୍ଥିତିରେ କ୍ଷତିପୂରଣ ଯୋଜନା ଆରମ୍ଭ ହୋଇଥିଲେ ମଧ୍ୟ ଲୋକମାନେ ଏହାର ଫାଇଦା ଉଠାଇ ପାରିବେ ନାହିଁ। ଏହା ଉପରେ କୋର୍ଟ କହିଥିଲେ ଯେ କରୋନାରେ ମୃତ୍ୟୁବରଣ କରିଥିବା ଲୋକଙ୍କ ମୃତ୍ୟୁ ପ୍ରମାଣପତ୍ରରେ ମୃତ୍ୟୁର କାରଣ ସ୍ପଷ୍ଟ ଭାବେ ଲେଖାଯିବା ଉଚିତ୍। ସାର୍ଟିଫିକେଟ୍ ପାଇବା ପ୍ରକ୍ରିୟା ସରଳ ହେବା ଉଚିତ୍। ଯଦି ପୂର୍ବରୁ ଦିଆଯାଇଥିବା ସାର୍ଟିଫିକେଟ୍ ବିରୋଧରେ ପରିବାରର କୌଣସି ଅଭିଯୋଗ ଅଛି, ତେବେ ଏହାର ସମାଧାନ ହେବା ଉଚିତ୍ ବୋଲି କୋର୍ଟ କହିଥିଲେ।

ପଞ୍ଚଭୂତରେ ବିଲୀନ ହେଲେ ବିଗ୍‌ ବସ୍‌ ସିଜିନ୍‌-୧୩ର ବିଜେତା ସିର୍ଦ୍ଧାର୍ଥ ଶୁକ୍ଳା

ମୁମ୍ବାଇ: ପଞ୍ଚଭୂତରେ ବିଲୀନ ହେଲେ ବଲିଉଡର ହ୍ୟାଣ୍ଡସମ୍‌ ହିରୋ ସିଦ୍ଧାର୍ଥ ଶୁକ୍ଳା। ମୃତ୍ୟୁ ବେଳକୁ ତାଙ୍କୁ ୪୦ବର୍ଷ ବୟସ ହୋଇଥିଲା। ମୁମ୍ବାଇର ଓଶିୱାରା ସ୍ମଶାନ ଘାଟରେରେ ହୋଇଛି ସିଦ୍ଧାର୍ଥଙ୍କ ଶେଷକୃତ୍ୟ। ସିଦ୍ଧାର୍ଥଙ୍କ ଶେଷକୃତ୍ୟରେ ତାଙ୍କ ମାଆ ଏବଂ ଭଉଣୀଙ୍କ ସହ ତାଙ୍କ ସାଙ୍ଗ ସେହେନାଜ୍‌ ମଧ୍ୟ ଉପସ୍ଥିତ ରହିଛନ୍ତି। ଅନେକ ବଡ଼ ବଡ଼ ଅଭିନେତା ସାମିଲ ହୋଇଛନ୍ତି ସିଦ୍ଧାର୍ଥଙ୍କ ଶେଷକୃତ୍ୟ କାର୍ଯ୍ୟକ୍ରମରେ।

ତେବେ ବଲିଉଡର ହ୍ୟାଣ୍ଡସମ ହିରୋଙ୍କ ମଧ୍ୟରେ ଜଣେ ଥିଲେ ସିଦ୍ଧାର୍ଥ। ହାର୍ଟଆଟାକ ଆସିବା କାରଣରୁ ତାଙ୍କର ଗତକାଲି ମୃତ୍ୟୁ ହୋଇଥିଲା। ସିଦ୍ଧାର୍ଥ ବିଗ୍‌ ବସ୍‌ ସିଜିନ୍‌ ୧୩ର ଟାଇଟଲ ହାତେଇଥିଲେ। ମୃତ୍ୟୁ କେତେବେଳେ ବି ଆସିବ ତାହା କହି ହେବ ନାହିଁ। ଗତକାଲି ଲୋକଙ୍କୁ ମନୋରଞ୍ଜନ କରଥିବା ବିଲିଉଡ ହିରୋ ଆଜି ପଞ୍ଚଭୂତରେ ଲିନ ହୋଇଛନ୍ତି। ଜୀବନ ଏବଂ ମୃତ୍ୟୁ ଭିତରେ ମାତ୍ର କିଛି କ୍ଷଣର ବ୍ୟବଧାନ ଆଜି ବଲିଉଡ ମୋଷ୍ଟ ହ୍ୟାଣ୍ଡସମ ହିରୋ ସିଦ୍ଧାର୍ଥ ଶୁକ୍ଳାଙ୍କ ପାଇଁ ପୂରଣ ହୋଇଛି। ୪୦ ବର୍ଷ ବୟସରେ ତାଙ୍କ ମୃତ୍ୟୁ ଖବର ପୁରା ବଲିଉଡ ଏବଂ ଟିଭି ଇଣ୍ଡଷ୍ଟ୍ରି ଦୁଃଖର ସାଗରରେ ଭସାଇ ନେଇଛି। ତାଙ୍କ ମୃତ ଦେହର

ସିଦ୍ଧାର୍ଥଙ୍କ ମୃତ୍ୟୁର ଦୁଃଖରେ ପୁରା ଫିଲ୍ମ ଜଗତ। ଖୁବ୍ କମ୍ ସମୟ ମଧ୍ୟରେ ସିଦ୍ଧାର୍ଥ  ଏକ ଭିନ୍ନ ପରିଚୟ ସୃଷ୍ଟି କରିପାରିଥିଲେ। ଟିଭି ସିରିୟଲ ଠାରୁ ଚଳଚ୍ଚିତ୍ର ଇଣ୍ଡଷ୍ଟ୍ରି ପର୍ଯ୍ୟନ୍ତ ଲୋକମାନେ ସିଦ୍ଧାର୍ଥ ଶୁକ୍ଲା ଏବଂ ତାଙ୍କ ବ୍ୟକ୍ତିତ୍ୱର ପ୍ରଶଂସକ ଥିଲେ। ସିଦ୍ଧାର୍ଥ ଶୁକ୍ଲା ମଡେଲିଂରୁ ନିଜର କ୍ୟାରିଅର୍ ଆରମ୍ଭ କରିଥିଲେ ଏବଂ ଅନେକ ଟିଭି ସୋ ଏବଂ ରିଆଲିଟି ସୋରେ କାମ କରିଥିଲେ। ତାଙ୍କ କ୍ୟାରିଅର୍ ‘ବାଲିକା ବଧୁ’ରୁ ଆରମ୍ଭ ହୋଇଥିଲା ଏବଂ ‘ବିଗ୍ ବସ୍ ୧୩’ ଜିତିବା ପରେ ଲୋକପ୍ରିୟତା ମଧ୍ୟରେ ତାଙ୍କୁ ବହୁତ ମିଳିଥିଲା।