spot_img
Home Blog Page 5398

ଟୋକିଓ ପାରା ଅଲମ୍ପିକ୍ସ: ଦମଦାର ପ୍ରଦର୍ଶନ ସହ ଫାଇନାଲରେ ପ୍ରବେଶ କଲେ ପ୍ରମୋଦ

ଟୋକିଓ: ଟୋକିଓ ପାରା ଅଲମ୍ପିକ୍ସରେ ଦମ୍ ଦେଖାଇଲେ ଓଡ଼ିଆ ପୁଅ ପ୍ରମୋଦ ଭଗତ। ପାରା ଅଲମ୍ପିକ୍ସରେ ସିଙ୍ଗଲ ବ୍ୟାଡମିଣ୍ଟନ ଇଭେଣ୍ଟରେ ଦମଦାର ପ୍ରଦର୍ଶନ କରି ଫାଇନାଲରେ ପ୍ରବେଶ କରିଛନ୍ତି ପ୍ରମୋଦ।

ଏହି ଦମଦାର ପ୍ରଦର୍ଶନ ସହ ପ୍ରମୋଦଙ୍କ ପଦକ ପକ୍କା ହୋଇଛି । ସେମିରେ ଜାପାନର ଦାଇସୁକ ଫୁଜିହାରାଙ୍କୁ ହରାଇ ଫାଇନାଲ ଟିକେଟ୍ ହାସଲ କରିଛନ୍ତି ପ୍ରମୋଦ । ପୁରୁଷ ସିଙ୍ଗିଲ SL -୩ ଇଭେଣ୍ଟରେ ପ୍ରମୋଦ ଦେଖାଇଛନ୍ତି ଜଲୱା ।

ସୂଚନା ଅନୁଯାୟୀ, ସ୍ୱର୍ଣ୍ଣ ପାଇଁ ଅପରାହ୍ଣରେ ମୁକାବିଲା ହେବ । ପ୍ରମୋଦ ୫ ଥର ବିଶ୍ୱ ଚାମ୍ପିୟନ ଟାଇଟଲ ହାତେଇଛନ୍ତି । ପାରା ଅଲମ୍ପିକସରେ ଭାରତ ଭଲ ପ୍ରଦର୍ଶନ ସହ ଏବେ ସୁଦ୍ଧା ଭାରତ ୧୩ ପଦକ ଜିତିଛି।

୨୦୧୯ରେ ବିଜୁ ପଟ୍ଟନାୟକ କ୍ରୀଡା ପୁରସ୍କାର ପାଇଥିଲେ ପ୍ରମୋଦ । ସେହିପରି ୨୦୧୯ରେ ରାଜ୍ୟର ପ୍ରଥମ ପାରା କ୍ରୀଡାବିତ୍ ଭାବେ ଅର୍ଜୁନ ପୁରସ୍କାର ପାଇଥିଲେ । ବରଗଡ଼ ଅତାବିରାରେ ଜନ୍ମିତ ପ୍ରମୋଦ ୧୩ ବର୍ଷରୁ ବ୍ୟାଡମିଣ୍ଟନ ଖେଳ ଆରମ୍ଭ କରିଥିଲେ ।

ପଳାଇଲେ ଅମରୁଲ୍ଲା, ଶେଷରେ ତାଲିବାନ ହାତକୁ ଗଲା ପଞ୍ଜଶୀର ଭ୍ୟାଲି

କାବୁଲ: ତାଲିବାନ ହାତକୁ ଗଲା ଆଫଗାନିସ୍ଥାନ ପଞ୍ଜଶୀର ଭ୍ୟାଲି । ନର୍ଦନ ଆଲିଆନ୍ସ ସହ ଘମାସାନ୍ ଲଢେଇରେ ତାଲିବାନ ବିଜୟ ହାସଲ କରିଛି । ପୂର୍ବତନ ଉପରାଷ୍ଟ୍ରପତି ଅମରୁଲ୍ଲା ସାଲେହ ଏବେ ତାଜିକିସ୍ତାନ ଚାଲିଯାଇଥିବା ସୂଚନା ରହିଛି । ପୂର୍ବରୁ ସମଗ୍ର ଆଫଗାନିସ୍ତାନକୁ କବଜା କରିଥିଲେ ବି ପଞ୍ଜଶୀରକୁ ପସି ପାରିନଥିଲା ତାଲିବାନ । ଶୁକ୍ରବାର କାବୁଲଠାରୁ ୧୫୦ କିମି ଦୂରରେ ଥିବା ଏହି ଅଞ୍ଚଳକୁ ପୁଣି ଅକ୍ତିଆର ପାଇଁ କରିଥିବା ଉଦ୍ୟମ ସଫଳ ହୋଇଥିବା ତାଲିବାନ ପକ୍ଷରୁ ଦାବି କରାଯାଇଛି ।

ପଞ୍ଜଶୀର ଅକ୍ତିଆର ବେଳେ ତାଲିବାନ ଏବଂ ନର୍ଦନ ଆଲିଆନ୍ସ ଭିତରେ ଆକ୍ରମଣ ପ୍ରତିଆକ୍ରମଣ ହୋଇଥିଲା । ଏଥିରେ ଅନେକ ନର୍ଦନ ଆଲିଆନ୍ସ ସୈନ୍ୟଙ୍କ ମୃତ୍ୟୁ ହୋଇଥିବା ସୂଚନା ରହିଛି । ସେହିପରି ତାଲିବାନର ମଧ୍ୟ ୫୦ରୁ ଅଧିକ ବ୍ୟକ୍ତିଙ୍କର ମଧ୍ୟ ମୃତ୍ୟୁ ଘଟିଥିବା ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ହୋଇଥିଲା  ।  ପୂର୍ବରୁ ରାଷ୍ଟ୍ରପତି ଘନି ଦେଶ ଛାଡି ଚାଲିଯାଇଥିବାବେଳେ ଏବଂ ଉପରାଷ୍ଟ୍ରପତି ଅମରୁଲ୍ଲା ସାଲେହ ମଧ୍ୟ ପଳାଇ ଯାଇଥିବା ନେଇ  ଏଥିସହ ପୁରା ଆଫଗାନିସ୍ତାନକୁ କବଜାକୁ ନେଇଛି ତାଲିବାନ ।

୫ ବର୍ଷ ପରେ ମିଳିଲା ନ୍ୟାୟ, ଦୁଷ୍କର୍ମ ଅଭିଯୁକ୍ତକୁ ୧୦ ଜେଲ ଦଣ୍ଡ

କନ୍ଧମାଳ: ବିଳମ୍ବରେ ହେଉ ପଛେ ମିଳିଲା ନ୍ୟାୟ । ୫ ବର୍ଷ ପରେ ଦୁଷ୍କର୍ମ ଅଭିଯୁକ୍ତକୁ ୧୦ ଜେଲ ଦଣ୍ଡ ସହ ୧୦ ହଜାର ଟଙ୍କାର ଜୋରିମାନା ଶୁଣାଇଛନ୍ତି କୋର୍ଟ । କନ୍ଧମାଳ ଜିଲ୍ଲା ଫିରିଙ୍ଗିଆ ଅଞ୍ଚଳର ଏକ ଦୁଷ୍କର୍ମ କେସ ବିଚାର କରିଛନ୍ତି ଫାଷ୍ଟ ଟ୍ରାକ ପୋସ୍କୋ କୋର୍ଟ  ।

ଫିରିଙ୍ଗିଆ ଅଞ୍ଚଳର ଅଭିଯୁକ୍ତ ଜୟ ଦିଗାଲକୁ ଦଶ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିବା ସହ ଦଶ ହଜାର ଟଙ୍କା ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ । ଜରିମାନ ଅନାଦେୟ ହେଲେ ୬ ମାସ ଅଧିକ ଜେଲ ଦଣ୍ଡ ଭୋଗିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ ।

ଭିନ୍ନକ୍ଷମଙ୍କୁ ମିଳିବ ଉନ୍ନତ ଚିକିତ୍ସା ସୁବିଧା, ଏସଆଇଇପି ପ୍ରତିଷ୍ଠାନ ଲୋକାର୍ପଣ

ଭୁବନେଶ୍ୱର: ଭିନ୍ନକ୍ଷମଙ୍କୁ ମିଳିବ ଉନ୍ନତ ଚିକିତ୍ସା ସୁବିଧା । ଏସଆଇଇପି ପ୍ରତିଷ୍ଠାନର ଲୋକାର୍ପଣ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୧୩ କୋଟି ଟଙ୍କା ବ୍ୟୟ ଅଟ୍ଟକଳରେ ନିର୍ମିତ ଏହି ପ୍ରତିଷ୍ଠାନରେ ୭ କୋଟି ଟଙ୍କାର ଅତ୍ୟାଧୁନିକ ଚିକିତ୍ସା ଉପକରଣ ରହିଛି । ଏହା ଦ୍ୱାରା ଫିଜିଓଥେରାପି, ଅକ୍ୟୁପସନାଲ ଥେରାପି ଓ ମାନସିକ ରୋଗ ଥେରାପି ସହଜ ହୋଇପାରିବ ।

ପ୍ରତିଷ୍ଠାନରେ ଏକାକାଳୀନ ୨ଶହ ଜଣଙ୍କ ଚିକିତ୍ସା କରାଯାଇପାରିବ । ଆଗାମୀ ଦିନରେ ରାଜ୍ୟରେ ଏଭଳି ୧୦ଟି ବ୍ରାଞ୍ଚ ଖୋଲିବା ପାଇଁ ଯୋଜନା ରହିଛି । ରାଜ୍ୟ ତଥା ରାଜ୍ୟ ବାହାରର ଶହ ଶହ ରୋଗୀ ଏହା ଦ୍ୱାରା ଚିକିତ୍ସା ସୁବିଧା ପାଇପାରିବେ ।

ଦୂରଦର୍ଶୀ କ୍ରୀଡା ସମ୍ନାନ ପାଇଲେ ନନ୍ଦିଘୋଷ ଟିଭି ସ୍ପୋର୍ଟସ ରିପୋର୍ଟର୍ ଦେବୀ ପ୍ରସନ୍ନ ପାଣିଗ୍ରାହୀ

ଭୁବନେଶ୍ୱର: ନନ୍ଦିଘୋଷ ଟିଭିର ସ୍ପୋର୍ଟସ ରିପୋର୍ଟର୍ ଦେବୀ ପ୍ରସନ୍ନ ପାଣିଗ୍ରାହୀଙ୍କୁ ଦୂରଦର୍ଶୀ କ୍ରୀଡା ସମ୍ନାନ।  ରାଜ୍ୟ କ୍ରୀଡାମନ୍ତ୍ରୀଙ୍କ ଠାରୁ  ଦୂରଦର୍ଶୀ କ୍ରୀଡା ସମ୍ମାନ ଗ୍ରହଣ କରିଛନ୍ତି ଦେବୀପ୍ରସନ୍ନ ପାଣିଗ୍ରାହୀ। ଏହି ଅବସରରେ ହକି କୋଚ୍ କାଳୁ ଚୌଧୁରୀ, ମହିଳା ଅନ୍ତର୍ଜାତୀୟ କ୍ରିକେଟର ସୁଶ୍ରୀ ଦିବ୍ୟଦର୍ଶିନୀ ପ୍ରମୁଖଙ୍କୁ ଏହି ସମ୍ମାନ ପ୍ରଦାନ କରାଯାଇଛି।

ଦୂରଦର୍ଶୀ ପକ୍ଷରୁ କ୍ରୀଡା ସାମ୍ବାଦିକତା ଓ କ୍ରୀଡା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଦୀର୍ଘ ବର୍ଷ ଧରି ଏହି ସମ୍ମାନ ଦିଆଯାଉଅଛି । ଆଜିର ଉତ୍ସବରେ କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା, ବିଧାୟକ ଅନନ୍ତ ନାରାୟଣ ଜେନା, ସୁଶାନ୍ତ ରାଉତ ପ୍ରମୁଖ ଅତିଥି ଭାବେ ଯୋଗଦେଇଥିଲେ  ।

୨୫ ଏକର ଜମିରେ ନିର୍ମାଣ ହେବ ଆଇକନିକ୍ ଆଦର୍ଶ ବିଦ୍ୟାଳୟ, ପଢିବେ 500 ଛାତ୍ରଛାତ୍ରୀ

ଭୁବନେଶ୍ୱର: ଶିକ୍ଷା କ୍ଷେତ୍ରରେ ରାଜ୍ୟ ସରକାରଙ୍କ ଗୁରୁତ୍ୱପୂର୍ଣ୍ଣ ଘୋଷଣା । ଭୁବନେଶ୍ୱର ଅନ୍ଧାରୁଆରେ ପ୍ରତିଷ୍ଠା ହେବ ଆଇକନିକ୍ ଆଦର୍ଶ ବିଦ୍ୟାଳୟ । 25 ଏକର ଜମିରେ ଏହା ପ୍ରତିଷ୍ଠା ହେବ । ଏହି ବିଦ୍ୟାଳୟରେ 500 ଛାତ୍ରଛାତ୍ରୀ ଯୁକ୍ତଦୁଇ ପଢିବାର ବ୍ୟବସ୍ଥା ରହିବ । ରାଜ୍ୟରେ ଥିବା 314 ବ୍ଲକରେ ଥିବା ଆଦର୍ଶ ବିଦ୍ୟାଳୟରୁ ବଛାବଛା ମେଧାବୀ ଛାତ୍ରଛାତ୍ରୀ ଏହି ସ୍କୁଲରେ ପଢିବାର ସୁବିଧା ପାଇବେ । ଆସନ୍ତା ୫ତାରିଖରେ ଆଇକନିକ୍ ଆଦର୍ଶ ବିଦ୍ୟାଳୟ ଶୁଭ ଦିଆଯିବ ।

ରାଜ୍ୟ ସରକାର ଶିକ୍ଷାକୁ ଗୁରୁତ୍ୱ ଦେହବା ସହ ପ୍ରାଥମିକ ଶିକ୍ଷାରେ ଯେପରି ରାଜ୍ୟର ସମସ୍ତ ଛାତ୍ରଛାତ୍ରୀ ଜଡ଼ିତ ହୋଇପାରିବେ ସେନେଇ ଗୁରୁତ୍ୱ ଦେଇଛନ୍ତି  । ଗଞ୍ଜାମ ଜିଲ୍ଲାରେ ୫T ଅନ୍ତ୍ରର୍ଗତରେ ମଡେଲ କ୍ଲାସରୁମ ମଧ୍ୟ ନିକଟରେ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ନିକଟରେ 25 ଏକର ଜମିରେ ରାଜଧାନୀ ଉପକଣ୍ଠ ଅନ୍ଧାରୁଆରେ ନିର୍ମିାଣ ହେବାକୁ ଯାଉଛି ନୂତନ ଆଦର୍ଶ ବିଦ୍ୟାଳୟ  ।

 

ଆସିଲା ପଞ୍ଜାବ ନିର୍ବାଚନର ଏବିପି ସିଭୋଟର ତାଲିକା, କଂଗ୍ରେସକୁ ପଛରରେ ପକାଇଲା ଆପ୍‌

0

ନୂଆଦିଲ୍ଲୀ: ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ପଞ୍ଜାବରେ ରାଜନୈତିକ ମାହୋଲ ସରଗରମ ହେବାରେ ଲାଗିଛି।  ନିର୍ବାଚନକୁ ନେଇ ହୋଇଥିବା ଏବିପି-ସି ଭୋଟର ସର୍ଭେରେ ପରେ ଏବେ ନିର୍ବାଚନୀର ରଙ୍ଗରେ ପରିବର୍ତ୍ତନ ହୋଇଛି। କାରଣ ପଞ୍ଜାବରେ ବଡ଼ ଧରଣର ପରିବର୍ତ୍ତନ ହେବାର ସମ୍ଭାବନା ରହିଛି। ଏହି ସର୍ଭେରେ ପଞ୍ଜାବରେ କଂଗ୍ରେସ ତାର ସତା ହରାଉଛି ବୋଲି ପୂର୍ବାନୁମାନ କରିଦେଇଛି। କଂଗ୍ରସକୁ ହରାଇ ଆସନ୍ତା ବର୍ଷ ଆପ୍‌ ପଞ୍ଜାବରେ ସରକାର ଗଢ଼ିବ ବୋଲି ସିଭୋଟର ଆଗୁଆ ହିଣ୍ଟ ହେଇଛି। ଏହି ସର୍ଭେରେ ଆମ୍ ଆଦମୀ ପାର୍ଟିକୁ ପଞ୍ଜାବରେ ସର୍ବାଧିକ ୫୧ ରୁ ୫୭ ଟି ସିଟ୍ ମିଳିବ ବୋଲି ହୋଉଛି ଯୋରସୋରରେ ଚାର୍ଚ୍ଚା। ଶାସକ କଂଗ୍ରେସ ଦଳରର ଭୋଟ ବକ୍ସରେ ୩୮ରୁ ୪୬ ଟି ଆସନ ଆସିପାରେ ବୋଲି ପୂର୍ବାନୁମାନ କରାଯାଇଛି।

ବାସ୍ତବରେ, ପଞ୍ଜାବରେ ବିଧାନସଭା ନିର୍ବାଚନ ପୂର୍ବରୁ ଶାସକ କଂଗ୍ରେସ ଦଳବାଦ ସହ ଲଢ଼ୁଛି। କଂଗ୍ରେସ ସଭାପତି ନବଜୋତ ସିଂ ସିଦ୍ଧୁ ଏବଂ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କ ମଧ୍ୟରେ ବିବାଦ କହାକୁ ବି ଅଛପା ନାହିଁ। ଏହା ବ୍ୟତୀତ ଶିରୋମଣି ଅକାଳୀ ଦଳ ଏବଂ ମୁଖ୍ୟ ବିରୋଧୀ ଆମ୍ ଆଦମୀ ପାର୍ଟି ଅମରିନ୍ଦର ସରକାର ଉପରେ କ୍ରମାଗତ ଟାର୍ଗେଟ କରୁଛନ୍ତି। ଏହି ସମୟରେ ସି ଭୋଟର ସର୍ଭେ ପଞ୍ଜାବରେ ରାଜନୈତିକ ମାହୋଲକୁ ସରଗରମ କରିଦେଇଛି

ଶିଶୁ ଭବନରେ ପ୍ରବେଶ କଲାଣି କରୋନା, ଜଣଙ୍କର ଜୀବନ ନେଲାଣି ଭାଇରସ୍

ଭୁବନେଶ୍ଵର: ଶିଶୁ ଭବନରେ ପ୍ରବେଶ କଲାଣି କରୋନା  । ଦ୍ୱିତୀୟ ଲହରୀ ସରି ତୃତୀୟ ଲହରୀ ସମ୍ଭାବ୍ୟ ଥିବାବେଳେ ଶିଶୁ ଭବନରେ ଚିନ୍ତା ବଢାଇଛି କୋଭିଡ  । ୨୪ ଘଣ୍ଟାରେ ଭୁବନେଶ୍ଵରରୁ ପୁଣି ୨୯ ଜଣ ଚିହ୍ନଟ ହୋଇଛନ୍ତି, ଯେଉଁମାନଙ୍କ ବୟସ ୧୮ ବର୍ଷରୁ କମ ବର୍ଗର  ।  କ୍ୱାରେନଣ୍ଟାଇନରୁ ୧୦ ଜଣ ଓ ୧୯ ଜଣ ସ୍ଥାନୀୟ ସଂକ୍ରମିତ ଚିହ୍ନଟ ହୋଇଛନ୍ତି । ସେପଟେ ଭୁବନେଶ୍ବର ଶିଶୁଭବନରେ ଜଣେ ଦୁଇ ବର୍ଷର ଶିଶୁକନ୍ୟା କରୋନାରେ ସଂକ୍ରମିତ ହୋଇଥିବା ସୂଚନା ମିଳିଛି  ।

ଅନ୍ୟପଟେ କୋଭିଡରେ ଜଣକର ମୃତ୍ୟୁ ହୋଇଥିବା ନେଇ ବି ସୂଚନା ଦିଆଯାଇଛି । ଗତକାଲି ଶିଶୁଭବନରେ ମା ଓ ଶିଶୁଙ୍କ ସହ ମୋଟ ୧୪ ଜଣଙ୍କର କୋଭିଡ ପରୀକ୍ଷା କରଯାଇଥିଲା । ସେଥିମଧ୍ୟରୁ ଜଣେ ଶିଶୁ ସଂକ୍ରମିତ ଚିହ୍ନଟ ହୋଇଛନ୍ତି । ଶିଶୁର ସ୍ୱାସ୍ଥ୍ୟାବସ୍ଥା ସ୍ଥିର ରହିଛି ଓ ସୁରକ୍ଷା ଦୃଷ୍ଟିରୁ ସଂଗରୋଧରେ ରଖାଯାଇଥିବା କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ ଡାକ୍ତର ଲକ୍ଷ୍ମୀଧର ସାହୁ ସୂଚନା ଦେଇଛନ୍ତି।

ରାଜଧାନୀରେ ଓଡ଼ିଆ ରେଷ୍ଟୁରାଣ୍ଟ ‘ନିମନ୍ତ୍ରଣ’ ଶୁଭାରମ୍ଭ, ମିଳିବ ଖାଣ୍ଟି ଓଡ଼ିଆ ଖାଦ୍ୟ

ଭୁବନେଶ୍ୱର: OTDCର ଓଡ଼ିଆ ରେଷ୍ଟୁରାଣ୍ଟ ‘ନିମନ୍ତ୍ରଣ’ ଶୁଭାରମ୍ଭ । ସହିଦନଗରରେ ଶୁଭାରମ୍ଭ ହେଲା OTDCର ଓଡ଼ିଆ ରେଷ୍ଟୁରାଣ୍ଟ ‘ନିମନ୍ତ୍ରଣ’ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ‘ନିମନ୍ତ୍ରଣ’ ରେଷ୍ଟୁରାଣ୍ଟକୁ ଶୁଭାରମ୍ଭ କରିଛନ୍ତି । ଏହି କାର୍ଯ୍ୟକ୍ରମରେ ସଂସ୍କୃତି ଓ ପର୍ଯଟନ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ଓ OTDC ଅଧକ୍ଷା ଶ୍ରିମୟୀ ମିଶ୍ର ଉପସ୍ଥିତ ଥିଲେ । କାର୍ଯ୍ୟକ୍ରମରେ 5T ସଚିବ ଭି.କେ ପାଣ୍ଡିୟାନ ମଧ୍ୟ ଉପସ୍ଥିତ ରହିଥିଲେ  ।

ରାଜ୍ୟରେ ପ୍ରଥମ ଥର ପାଇଁ ଭୁବନେଶ୍ୱରରେ ଏହି ରେଷ୍ଟୁରାଣ୍ଟ ଖୋଲିଥିବା ବେଳେ ଆଗକୁ ପୁରୀ ଓ ସମ୍ବଲପୁର ରେ ଖୋଲିବାକୁ ଲକ୍ଷ୍ୟ ରଖିଛନ୍ତି ରାଜ୍ୟ ସରକାର । ସ୍ଵତନ୍ତ୍ର ଭାବେ ବାହାର ପର୍ଯ୍ୟଟକ ମାନଙ୍କୁ ଆକୃଷ୍ଟ କରିବା ପାଇଁ ରାଜ୍ୟର ଘରୋଇ ଗୃହିଣୀ ଖାଦ୍ୟ ମିଳିବ ବୋଲି କହିଛନ୍ତି ଓଟିଡିସି ଅଧ୍ୟକ୍ଷ ଶ୍ରୀମୟୀ ମିଶ୍ର । ଏଥି ସହ ୧୨୫ କେଜି ଓଜନ ର ଓଡିଶା ମାନଚିତ୍ର ପ୍ରତିକୃତି ର ସବୁ ଜିଲ୍ଲାର ସ୍ୱତନ୍ତ୍ର ଖାଦ୍ୟକୁ ନେଇ ପୋଡ଼ ପିଠା ନିର୍ମିତ ସ୍ୱତନ୍ତ୍ର କେକ କାଟି ଏହାର ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ ।

 

ଛାତିରେ ୧୦ ଇଞ୍ଚ ଲମ୍ବ ଛୁରୀ, ହସ୍ପିଟାଲରେ ନିଜେ ପହଞ୍ଚିଲେ ଯୁବକ

ମଧ୍ୟପ୍ରଦେଶ: ଭୋପାଳରେ AIIMS ଡାକ୍ତରଙ୍କ ସଫଳ ଅସ୍ତ୍ରୋପଚାର। ଛାତିରେ ଛୁରୀ ପସିଥିବା ଏକ ବ୍ୟକ୍ତିଙ୍କ ଛାତିରୁ ଅସ୍ତ୍ରୋପଚାର କରି ଛୁରୀକୁ ବାହାର କଲେ ଡାକ୍ତର। ଏଭଳି ଜଟିଳ ଅପରେସନ୍ ପରେ ବ୍ୟକ୍ତି ଜଣକ ପୁନଃ ଜୀବନ ପାଇଛନ୍ତି। ଗଣ୍ଡୋଗୋଳ ସମୟରେ କେହି ଜଣେ ଦୁର୍ବୃତ ବ୍ୟକ୍ତିଙ୍କର ବାମ ପାଖ ଛାତିରେ ଛୁରୀକୁ ଉଭୟ ପାର୍ଶ୍ୱକୁ ଭେଦ କରିଦେଇଥିଲା। କିଛି ଲୋକ ବିଳମ୍ବିତ ରାତିରେ AIIMS ରେ ପହଞ୍ଚିଥିଲେ। ଆହତ ବ୍ୟକ୍ତିଙ୍କୁ ଦେଖି AIIMS ରେ ଉପସ୍ଥିତ ଥିବା ଡାକ୍ତରମାନେ ମଧ୍ୟ ଚକିତ ହୋଇଯାଇଥିଲେ। କାରଣ ବ୍ୟକ୍ତିଙ୍କ ଛାତିରେ ୧୦ ଇଞ୍ଚର ବଡ ଛୁରୀ ପସିକି ରହିଥିଲା।

ଛାତିର ଦୁଇ ପାର୍ଶ୍ୱକୁ ଛୁରୀ ଭେଦ କରିଥିବାର ବହୁତ ପରିମାଣରେ ରକ୍ତ ବହୁଥିଲା। ଯେଉଁଥିପାଇଁ ସମୟ ବଢ଼ିବା ସହିତ ଅଧିକରୁ ଅଧିକ ଗୁରୁତର ହୋଇପଡ଼ୁଥିଲେ ଆହତ ବ୍ୟକ୍ତି ଜଣକ। ରୋଗୀର ଗୁରୁତର ଅବସ୍ଥା ଦେଖି ଡାକ୍ତରମାନେ ତୁରନ୍ତ ତାଙ୍କର ଅସ୍ତ୍ରୋପଚାର କରିବାକୁ ଏବଂ ଛାତିରେ ଲାଗିଥିବା ଛୁରୀକୁ ବାହାର କରିବାକୁ ନିଷ୍ପତ୍ତି ନେଇଥିଲେ। ଟ୍ରମା ଏବଂ ଜରୁରୀକାଳୀନ ବିଭାଗର ମୁଖ୍ୟ ଡାକ୍ତର ମହମ୍ମଦ ୟୁନୁସ ଏବଂ ତାଙ୍କ ଟିମ୍ ଅସ୍ତ୍ରୋପଚାର ଆରମ୍ଭ କରିଥିଲେ।

ଅସ୍ତ୍ରୋପଚାରର ପ୍ରାୟ ଅଧ ଘଣ୍ଟା ପରେ ଛାତିରୁ ଛୁରୀକୁ ବାହାର କରାଯାଇଥିଲା। ଡାକ୍ତର ମହମ୍ମଦ ୟୁନୁସ କହିଛନ୍ତି ଯେ ରୋଗୀଙ୍କ ଭାଗ୍ୟ ବହୁତ ଭଲ ତେ ଛୁରୀ ହାର୍ଟରେ ବାଜିନି। ମହମ୍ମଦ ୟୁନୁସଙ୍କ ଅନୁଯାୟୀ, ଏହି ଅସ୍ତ୍ରୋପଚାର ଡାକ୍ତର ବିକ୍ରମ ବଟ୍ଟି,  ଡାକ୍ତର ଭୁପେଶ୍ୱରୀ ପଟେଲ, ଡାକ୍ତର ଶୈଲେଶ ଏବଂ ଡାକ୍ତର ରାହୁଲ ଦୁବାଇପୁରିଆଙ୍କ ଦ୍ୱାରା କରାଯାଇଥିଲା।