spot_img
Home Blog Page 5394

ଦକ୍ଷ ଶିଳ୍ପ ନୀତି ପାଇଁ ଓଡ଼ିଶା ପାଲଟିଛି ନିବେଶକଙ୍କ ପ୍ରଥମ ପସନ୍ଦ: ୨୧୭୧.୮୨ କୋଟି ଟଙ୍କାର ୧୦ ପ୍ରକଳ୍ପକୁ ମଞ୍ଜୁରୀ

ଭୁବନେଶ୍ୱର: ଷ୍ଟେଟ ଲେବଲ ସିଙ୍ଗିଲ ଓ୍ୱିଣ୍ଡୋ କ୍ଲିୟରାନ୍ସ ଅଥୋରିଟି ବୈଠକରେ ୧୦ଟି ନୂଆ ପୁଞ୍ଜି ନିବେଶକୁ ମଞ୍ଜୁରୀ ମିଳିଛି । ୨ ହଜାର ୧୭୧ କୋଟି ୮୨ ଲକ୍ଷ ଟଙ୍କାର ନୂଆ ପୁଞ୍ଜି ନିବେଶକୁ ମଞ୍ଜୁରୀ ମିଳିଛି । ୬୫୦କୋଟିରେ ଯାଜପୁର ବଡଚଣାରେ ହେବ ୩ଟି MTPA ସିମେଣ୍ଟ ଗ୍ରାଇଣ୍ଡିଂ ୟୁନିଟ୍ । ଝାରୁସୁଗୁଡାରେ ମଧ୍ୟ ୨୦୫ କୋଟି ଟଙ୍କାର ନିବେଶ ହେବ । ଜଗତସିଂହପୁରର ଉଦୟବଟରେ ୧୫୦ କୋଟି ଟଙ୍କାର ନିବେଶ ହେବ । ସେହିଭଳି ବରଗଡରେ ୧୦୦ କୋଟି, ସୋନପୁରରେ ୨୫୮ କୋଟି, ହରିଦାଶପୁରରେ ୧୯୦ କୋଟି, କଳିଙ୍ଗନଗରରେ ୨୧୦ କୋଟି, ଖୋର୍ଦ୍ଧାରେ ୧୧୯ କୋଟି, ଭୁବନେଶ୍ୱରରେ ୧୮୧ କୋଟି ପୁଞ୍ଜି ନେବଶ କରାଯାଇ ପ୍ରକଳ୍ପ ନିର୍ମାଣ କରାଯିବ । ଦକ୍ଷ ଶିଳ୍ପ ନୀତି ପାଇଁ ଓଡ଼ିଶା ଏବେ ନିବେଶକଙ୍କ ପ୍ରଥମ ପସନ୍ଦ ସାଜିଛି । ଏନେଇ ଟ୍ବିଟ କରି ଖୁସି ଜାହିର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ୧୦ଟି ପ୍ରକଳ୍ପ ଦ୍ୱାରା ୫ ହଜାର ୨୪୨ ନିଯୁକ୍ତି ସୁଯୋଗ ସୃଷ୍ଟି ହେବ । ପ୍ରକଳ୍ପ ଗୁଡିକ ଶିଳ୍ପ ସମୃଦ୍ଧ ଧାରାକୁ ଆହୁରି ତ୍ୱରାନ୍ୱିତ କରିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ।

ଆମେରିକାର ପରିତ୍ୟକ୍ତ ଘୋଷିତ ଯୁଦ୍ଧ ବିମାନ ଉଡାଇଲା ତାଲିବାନ

କାବୁଲ: ଆମେରିକା ଦ୍ୱାରା ପରିତ୍ୟକ୍ତ ଘୋଷିତ ଯୁଦ୍ଧ ବିମାନକୁ ମରାମତି କରି ଉଡାଇଲା ତାଲିବାନ । ଆଫଗାନିସ୍ତାନରେ ଆମେରିକା ଛାଡି ଚାଲିଯ଼ାଇଥିବା ବିମାନର ମାଲିକ ସାଜିଛି ତାଲିବାନ।

ଆଉ ଏହି ଯୁଦ୍ଧ ବିମାନ ଗୁଡିକୁ ଅକାମୀ କରି ଦିଆଯାଇଛି ବୋଲି ଆମେରିକା ଯେଉଁ ଦାବି କରୁଥିଲା, ତାହା ଭୁଲ୍ ପ୍ରମାଣିତ ହୋଇଛି । ଦୁଇଟି ପରିତ୍ୟକ୍ତ ଘୋଷିତ ବ୍ଲାକ ହକ ହେଲିକପ୍ଟରକୁ ମରାମତି କରି ତାଲିବାନ ଏହାକୁ ଉଡାଇଛି । ଫଳରେ ସମସ୍ତ ପରିତ୍ୟକ୍ତ ଘୋଷିତ ଯୁଦ୍ଧାସ୍ତ୍ରର ଯେ ଅପପ୍ରୟୋଗ ନ ହେବ ତାହା କୁହାଯାଇପାରିବ ନାହିଁ ।

US-Taliban May Join Hands Against ISIS-K (1)

ଆଫଗାନ ଆର୍ମି ଇଞ୍ଜିନିୟରଙ୍କ ସ୍ବତନ୍ତ୍ର ଟିମ୍ ଏହି ବିମାନ ଗୁଡିକୁ ମରାମତି କରିବାରେ ସକ୍ଷମ ହୋଇଛନ୍ତି । ଆଫଗାନିସ୍ତାନରୁ ଆମେରିକା ବିଦାୟ ନେବା ପରେ କାବୁଲ ବିମାନ ବନ୍ଦରରେ କେତେକ ବିମାନ ସମେତ ବିଭିନ୍ନ ସ୍ଥାନରେ ଫାଇଟର ଜେଟ, ହେଲିକପ୍ଟର ଆଦି ଛାଡିଯାଇଥିଲା ।

ତେବେ ସେଗୁଡିକୁ ଅକାମୀ କରିଦିଆଯାଇଛି ଏବଂ ପୁନଃ ବ୍ୟବହାରକ୍ଷମ ହୋଇପାରିବ ନାହିଁ ବୋଲି ଆମେରିକା କହିଥିଲା । ମାତ୍ର ଏହା ଭୁଲ୍ ସାବ୍ୟସ୍ତ ହୋଇଛି । ଫଳରେ ଶତାଧିକ ବିମାନ, ହେଲିକପ୍ଟର, ଫାଇଟର ଜେଟ, ଯୁଦ୍ଧାସ୍ତ୍ର ଆଦିକୁ ତାଲିବାନ ପୁନଃକାର୍ଯ୍ୟକ୍ଷମ କରି ବ୍ୟବହାର କରିବା ସ୍ପଷ୍ଟ ହୋଇଛି।

US-Taliban May Join Hands Against ISIS-K (1)

ସୂଚନା ଅନୁଯାୟୀ, ଗୋଟିଏ ଗୋଟିଏ ବ୍ଲାକ ହକ ହେଲିକପ୍ଟରର ଦାମ ୬ ନିୟୁତ ଡଲାର । ବଙ୍ଗରାମ, ମଜାର-ଇ-ସରିଫ, କାବୁଲ ସମେତ ପ୍ରାୟ ୧୦ଟି ଜାଗାରେ ମିଲିଟାରୀ ଏୟାରବେସ ରହିଛି । ଯାହାର ପୂର୍ଣ୍ଣ ମାଲିକାନା ଏବେ ତାଲିବାନ ହାତରେ । ଏହି ସମସ୍ତ ଏୟାରବେସରେ ନାନା ପ୍ରକାର ବିମାନ ଓ ଯୁଦ୍ଧ ସାମଗ୍ରୀ ରହିଛି । ପଞ୍ଜଶୀରରେ ଲଢେଇ ଜାରି ରହିଥିବା ବେଳେ ତାଲିବାନ ଏସବୁ ଯୁଦ୍ଧାସ୍ତ୍ରକୁ ବ୍ୟବହାର କରିବା ଆଶଙ୍କା ରହିଛି ।

ଅପରପକ୍ଷେ କାବୁଲ ବିମାନ ବନ୍ଦରରେ ରହିଥିବା ୧୪ ନିୟୁତ ଡଲାର ମୂଲ୍ୟ ସମ୍ପନ୍ନ ହରକ୍ୟୁଲସ ଟ୍ରାନସପୋର୍ଟ ଜେଟକୁ ବି ମରାମତି କରି ଏହାକୁ ବ୍ୟବହାର କରାଯିବା ଆଶଙ୍କା ଦେଖାଦେଇଛି । ଅନ୍ୟ ଏକ ରିପୋର୍ଟରେ କୁହାଯାଇଛି, ଆଫଗାନିସ୍ତାନରେ ଆମେରିକା ଛାଡି ଚାଲିଯାଇଥିବା ସାମରିକ ବିମାନ ଓ ଯୁଦ୍ଧାସ୍ତ୍ର ଏତେ ସଂଖ୍ୟାରେ ରହିଛି ଯେ, ଏହା ଜରିଆରେ ନାଟୋର ୩୦ ସଦସ୍ୟ ରାଷ୍ଟ୍ର ମଧ୍ୟରୁ ୧୦ଟି ରାଷ୍ଟ୍ର ଉପରେ ଆକାଶ ମାର୍ଗରୁ ହମଲା କରିବା ସମ୍ଭବ ହେବ ।

ଗୁରୁ-ଶିଷ୍ୟ ପରମ୍ପରାର ଅପୂର୍ବ ନିଦର୍ଶନ ଗୁରୁ ଦିବସ

‘ଗୁରୁ ଗୋବିନ୍ଦ ଦୌଉ ଖଡେ଼, କାକେ ଲାଗୁଁ ପାବ
ବାଲିହାରୀ ଗୁରୁ ଆପନେ, ଗୋବିନ୍ଦ ଦିୟୋ ବତାୟ’
ଏହାର ଅର୍ଥ ଗୁରୁ ଏବଂ ଈଶ୍ୱର ଏକା ସହିତ ଛିଡା ହୋଇଥିବାବେଳେ ମନରେ ଦ୍ୱନ୍ଦ୍ୱ ଉତ୍ପନ୍ନ ହୁଏ ଯେ, କାହା ପାଦ ଆଗେ ସ୍ପର୍ଶ କରିବା ଉଚିତ୍? ଏ ନେଇ ଈଶ୍ୱର ନିଜେ ହିଁ ଉତ୍ତର ଦିଅନ୍ତି , ଗୁରୁ ହିଁ ଭଗବାନଙ୍କ ନିକଟରେ ପହଞ୍ଚିବାର ମାର୍ଗ । ସେଥିପାଇଁ ସର୍ବ ପ୍ରଥମେ ଗୁରୁଙ୍କ ଚରଣ ସ୍ପର୍ଶ କରିବା ଉଚିତ୍। ଆଜି ସେହି ଗୁରୁଙ୍କ ଦିନ ।

କେବେ ଆକଟ ଭରା କଠୋର ଅନୁଶାସନ । ପୁଣି କେବେ ଉତ୍ସାହପ୍ରଦ ପ୍ରେରଣା । ସାଧାରଣ ଛାତ୍ରଟିକୁ ଅସାଧାରଣ କରିବାର ଶକ୍ତି ତାଙ୍କ ପାଖେ । ପାଠରୁ ପ୍ରତିଭା ସବୁଥିରେ ଦୀପ୍ତିମନ୍ତ କରିବା ପାଇଁ ଆବଶ୍ୟକ ତାଙ୍କ ଅନ୍ତ୍ରମନର ଆଶୀର୍ବାଦ । ପ୍ରତିଟି କ୍ଷେତ୍ରରେ ଗୁରୁଙ୍କର ମାର୍ଗଦର୍ଶନ କୃତୀ ପ୍ରତିଭାଙ୍କ ପାଇଁ ଆଣି ଦେଇଛି ପ୍ରସିଦ୍ଧି ।

ସେପ୍ଟେମ୍ବର ୫ ତାରିଖ ୧୮୮୮ ମସିହା । ତାମିଲନାଡୁର ତିରୁଟ୍ଟନୀଠାରେ ଜନ୍ମଗ୍ରହଣ କରନ୍ତି ପୂର୍ବତନ ରାଷ୍ଟ୍ରପତି, ମହାନ ଦାର୍ଶନିକ ଏବଂ ପ୍ରଣମ୍ୟ ଗୁରୁ ସର୍ବପଲ୍ଲି ରାଧାକ୍ରିଷ୍ଣନ । ରାଧାକ୍ରିଷ୍ଣନଙ୍କ ଶୈଶବ ତିରୁଟ୍ଟନୀ ଓ ତିରୁପତିରେ କଟିଥିଲା ଏବଂ ତାଙ୍କର ପାଠପଢା ଆରମ୍ଭ ହୋଇଥିଲା ଖ୍ରୀଷ୍ଟିଆନ୍ ମିସନାରି ସ୍କୁଲରେ । ପରେ ଆରମ୍ଭ ହୁଏ ଉଚ୍ଚ ଶିକ୍ଷା । ୧୯୦୯ରେ ରାଧାକ୍ରିଷ୍ଣନଙ୍କୁ ମାଡ୍ରାସ ପ୍ରେସିଡେନ୍ସି ମହାବିଦ୍ୟାଳୟରେ ଦର୍ଶନ ବିଭାଗର ଅଧ୍ୟାପକ ଭାବେ ନିଯୁକ୍ତି ମିଳିଥିଲା । ଏହାପରଠାରୁ ରାଧାକ୍ରିଷ୍ଣନ ମୁଖ୍ୟତଃ ଭାରତୀୟ ଦର୍ଶନ ଶାସ୍ତ୍ର ଏବଂ ଧର୍ମଶାସ୍ତ୍ର ଅଧ୍ୟୟନରେ ନିଜକୁ ନିୟୋଜିତ ରଖିଥିଲେ ।

‘ଶ୍ରୀମଦ ଭଗବତଗୀତା’କୁ ଇଂରାଜୀରେ ଅନୁବାଦ କରିଥିଲେ ରାଧାକ୍ରିଷ୍ଣନ । ୧୯୪୯ରେ ସୋଭିଏତ ରଷିଆକୁ ଭାରତୀୟ ରାଷ୍ଟ୍ରଦୂତ ଭାବେ ପ୍ରେରିତ ହୋଇଥିଲେ ଏବଂ ୧୯୫୪ରେ ତାଙ୍କୁ ପ୍ରଦାନ କରାଯାଇଥିଲା ସମ୍ମାନଜନକ ଭାରତ ରତ୍ନ । ଆଜି ସେହି ମହାନ ଜନନାୟକଙ୍କ ଉଦ୍ଦେଶ୍ୟରେ ସମଗ୍ର ଦେଶବ ପାଳୁଛନ୍ତି ପବିତ୍ର ‘ଗୁରୁ ଦିବସ’ । ‘ଗୁରୁ ଦିବସ’ ସେହି ପ୍ରାତଃସ୍ମରଣୀୟ ଜ୍ଞାନଦାତାଙ୍କ ପାଇଁ ଉଦ୍ଦିଷ୍ଟ । ଭାରତୀୟ ପରମ୍ପରାରେ ଗୁରୁପୂଜା କେଉଁ ପୁରାତନ ଯୁଗରୁ ଚଳି ଆସୁଅଛି । ଗୁରୁଙ୍କ ପ୍ରତି ସେହି ଶ୍ରଦ୍ଧା ଏବଂ ସମ୍ମାନ ଆଜି ବି ସତେଜ । ଗୁରୁ ଶିଷ୍ୟ ପରମ୍ପରାର ଏହି ଅନନ୍ୟ ଦିବସରେ ପ୍ରତିଟି ଗୁରୁଙ୍କୁ ପ୍ରଣାମ ।

Teachers’ Day: ଜାଣନ୍ତୁ ‘ଗୁରୁ ଦିବସ’ର କ’ଣ ରହିଛି ମହତ୍ୱ

ଭୁବନେଶ୍ୱର: ସିଏ ହିଁ ଗୁରୁ, ଯିଏ ଆମକୁ ଅଜ୍ଞାନ ରୂପକ ଅନ୍ଧକାରରୁ ବାଟ କଢ଼େଇ ଜ୍ଞାନ ରୂପକ ଆଲୋକର ରାସ୍ତା ଦେଖାନ୍ତି। ଯାହାଙ୍କ ପ୍ରଦତ୍ତ ଜ୍ଞାନରେ ଜୀବନର ପ୍ରକୃତ ଉଦ୍ଦେଶ୍ୟ ବୁଝିହୁଏ। ଯୁଗେ ଯୁଗେ ଗୁରୁ ଶିଷ୍ୟ ସମ୍ପର୍କ ଅତୁଟ ରହିଛି । ପ୍ରତିବର୍ଷ ସେପ୍ଟମ୍ବର ୫ ତାରିଖକୁ ‘ଗୁରୁ ଦିବସ’ ଭାବେ ପାଳନ କରାଯାଉଛି ।

ଡକ୍ଟର ସର୍ବପଲ୍ଲୀ ରାଧାକ୍ରିଷ୍ଣନ୍‌ ୧୮୮୮ ମସିହା ଆଜିର ତାରିଖ ଅର୍ଥାତ୍‌ ସେପ୍ଟେମ୍ବର ୫ ତାରିଖରେ ଜନ୍ମଗ୍ରହଣ କରିଥିଲେ । ରାଷ୍ଟ୍ରପତି ଡକ୍ଟର ରାଧାକ୍ରିଷ୍ଣନ୍‌ଙ୍କ ଜନ୍ମ ଦିନକୁ ଛାତ୍ରଛାତ୍ରୀମାନେ ‘ରାଧାକ୍ରିଷ୍ଣନ୍‌ ଦିବସ’ ରୂପେ ପାଳନ କରିବାକୁ ଅନୁମତି ମାଗିଥିଲେ । ହେଲେ ରାଧାକ୍ରିଷ୍ଣନ୍‌ ଏଥିରେ ରାଜି ହୋଇ ନଥିଲେ । ଜନ୍ମଦିନ ପାଳନ ନକରି ବରଂ ଗୁରୁ ଦିବସ’ ରୂପେ ପାଳନ କରାଯାଉ ବୋଲି ମତ ଦେଇଥିଲେ । ସେହିଦିନଠାରୁ ସେପ୍ଟେମ୍ବର ୫ ତାରିଖକୁ ଗୁରୁ ଦିବସ ରୂପେ ପାଳନ କରାଯାଉଛି ।

କୁହାଯାଏ, ଶିଷ୍ୟର ଚରିତ୍ର ଗଠନ କିମ୍ବା ଭଲ ମଣିଷ ରୂପେ ତାକୁ ଗଢ଼ି ତୋଳିବାରେ ଜଣେ ଗୁରୁର ପ୍ରମୁଖ ଭୂମିକା ରହିଥାଏ ।  ଜଣେ ପ୍ରକୃତ ଗୁରୁ ଶିଷ୍ୟକୁ ଉଚିତ୍ ମାର୍ଗ ଦେଖାଇଥାଏ । ଆଉ ଯେଉଁଥିରେ ଚଲାପଥ ସୁଗମ ହେବା ସହ ପିଲାଟି ଜୀବନରେ
ସଫଳତା ପାଇଥାଏ।

ମୁକ୍ତା ଚାଷ ପ୍ରତି ଆକୃଷ୍ଟ ଯୁବପିଢ଼ି: ୟୁଟ୍ୟୁବ୍ ଦେଖି ଆରମ୍ଭ କଲେ ଚାଷ

ସୋନପୁର: ବଢୁଛି ମୁକ୍ତା ଚାଷର ଚାହିଦା । ଧନୀ ଲୋକଙ୍କ ସୌଖୀନ ସାମଗ୍ରୀ ପାଲଟିଛି ମୁକ୍ତା । ବଜାର ଚାହିଦା ଓ ଆବଶ୍ୟକତା ପୂରଣ ପାଇଁ ପୂର୍ବ ଓ ଉତ୍ତର ଓଡ଼ିଶା ପରେ ଏବେ ପଶ୍ଚିମ ଓଡ଼ିଶାରେ ଆରମ୍ଭ ହୋଇଛି ଚାଷ । ୟୁ-ଟ୍ୟୁବରୁ ଦେଖିବା ପରେ ତାଲିମ ନେଇ ଶାମୁକା ଚାଷ କରୁଛନ୍ତି ସୁବର୍ଣ୍ଣପୁର ବୀରମହାରାଜପୁର ଯୁବକ ।

ବଢୁଛି ମୁକ୍ତାର ଚାହିଦା । ରୋଜଗାର ମାଧ୍ୟମ ପାଲଟିଛି ମୁକ୍ତା ଚାଷ । ଉତ୍ତର ଓଡ଼ିଶା ପରେ ପଶ୍ଚିମ ଓଡ଼ିଶାରେ ଚାଷ । ଶାମୁକା ଚାଷ ପ୍ରତି ଆକୃଷ୍ଟ ହେଇଛନ୍ତି ଯୁବପିଢ଼ି । ପ୍ରଥମେ ୟୁଟ୍ୟୁବ୍‌ରେ ଦେଖିବା ପରେ ତାଲିମ ନେଇ ଚାଷ କରୁଛନ୍ତି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରର ଯୁବଚାଷୀ ଅଭିମନ୍ୟୁ ଓ ତାଙ୍କ ସହଯୋଗୀ । ମାଛ ଚାଷ ଭଳି କୁଣ୍ଡ ପ୍ରସ୍ତୁତ କରି ମଧୁର ଜଳରେ ଶାମୁକା ଚାଷ କରୁଛନ୍ତି । ୧୨ ମାସ ଭିତରେ ମୁକ୍ତା ପ୍ରସ୍ତୁତ ହେଉଥିବା ବେଳେ ଏହାକୁ ବିକ୍ରି କରି ଦୁଇ ପଇସା ଲାଭ ଆଶା ରଖିଛନ୍ତି ଚାଷୀ ।

ପ୍ରଥମଥର ପାଇଁ ସୁବର୍ଣ୍ଣପୁର ଜିଲ୍ଲାରେ ମୁକ୍ତା ଚାଷ ଆରମ୍ଭ ହୋଉଛି । ବାଲେଶ୍ୱର ବ୍ୟବସାୟୀଙ୍କ ସହଯୋଗରେ ତିନି ବର୍ଷ ପାଇଁ ଶାମୁକା ଆଣି ଚାଷ କରୁଛନ୍ତି ଅଭିମନ୍ୟୁ ଓ ତାଙ୍କ ସାଙ୍ଗମାନେ । ଗୋଟିଏ ଶାମୁକା ମୂଲ୍ୟ ୧୦ ଟଙ୍କା ପଡୁଥିବା ବେଳେ ଏଥିରେ ୫୦ ଟଙ୍କା ଖର୍ଚ୍ଚ ହେଉଛି । ଆଉ ବର୍ଷକ ମଧ୍ୟରେ ଦ୍ୱିଗୁଣା ଲାଭ ହେବ ବୋଲି ଆଶା ରଖିଛନ୍ତି ।

ଏଥିସହିତ ପଢ଼ନ୍ତୁ: ବିଧାନସଭାରେ ପ୍ରତିବାଦ ବେଳେ ଅସୁସ୍ଥ ହୋଇପଡ଼ିଲେ ତାରା ବାହିନୀପତି

ପାରମ୍ପରିକ ଚାଷରେ ଅନେକ କ୍ଷତି ହେଉଥିବା ବେଳେ ମୁକ୍ତା ଚାଷରେ ପ୍ରତି ଆକୃଷ୍ଟ ହେଉଛନ୍ତି ଚାଷୀ । ଆଗକୁ ଭଲ ଚାଷ ହେଲେ ଦୁଇ ପଇସା ରୋଜଗର ହେବା ସହ ଅନ୍ୟମାନଙ୍କ ପାଇଁ ଉଦାହାରଣ ପାଲଟିବେ ଏହି ତିନି ଚାଷୀ ।

ହାତୀ ଦାନ୍ତ ଚୋରା ଚାଲାଣ ଅଭିଯୋଗରେ ମଧ୍ୟରାତ୍ରୀରେ ରେଡ୍: ୪ଜଣଙ୍କୁ କାବୁ କଲା ଏସ୍‌ଟିଏଫ୍

ଭଦ୍ରକ: ହାତୀଦାନ୍ତ ଚୋରା ଚାଲାଣରେ ଭଦ୍ରକ ଲିଙ୍କ । ରାତି ଅଧରେ ରେଡ୍ କରି କାଦବରାଙ୍ଗରୁ ୫ଜଣଙ୍କୁ ଉଠାଇ ନେଲା ଏସଟିଏଫ ଓ ବନ ବିଭାଗ । ସୂଚନା ଅନୁସାରେ, ଭଦ୍ରକ ଜିଲ୍ଲା ଆଗରପଡ଼ା ଥାନା ଅଞ୍ଚଳରେ ଏସଟିଏଫ ରେଡ୍‌ କରିଥିବା ବେଳେ ୪ଜଣଙ୍କୁ କାବୁ କରିଥିବା ବେଳେ ସୋର ଖଇରାରେ ରେଡ୍ କରି ଜଣଙ୍କୁ କାବୁ କରିଛି ଏସଟିଏଫ୍ ।

ଏମାନେ ଆଗରପଡା ଥାନା କାଦବରାଙ୍ଗ ଅଞ୍ଚଳର ବୋଲି ଜଣାପଡ଼ିଛି । ଚଢ଼ାଉ ବେଳେ କିଛି ସାମଗ୍ରୀ ଜବତ ହୋଇଥିବା ସୂଚନା ମିଳିଛି । ଘଟଣାରେ ମୋଟ କେତେ ଜଣଙ୍କୁ ଗିରଫ କରାଯାଇଛି ସେ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ ।

ଏଥିସହିତ ପଢ଼ନ୍ତୁ: ଓୟୋ ରୁମରୁ ସେକ୍ସ ରାକେଟ ଠାବ, ୮ ବଙ୍ଗୀୟ ଯୁବତୀ ଉଦ୍ଧାର

Tokyo Paralympics: ବ୍ୟାଡମିଣ୍ଟନ ଡବଲ୍ସରେ ବ୍ରୋଞ୍ଜ ପାଇଁ ଲଢିବେ ପ୍ରମୋଦ ଓ ପଲକ

ଟୋକିଓ: ସ୍ୱର୍ଣ୍ଣ ବିଜୟ ପରେ ଆଜି ବ୍ରୋଞ୍ଜ ପାଇଁ ଲଢେଇ କରିବେ ପାରା ଅଲମ୍ପିଆନ ପ୍ରମୋଦ ଭଗତ। ଆଜି ବ୍ୟାଡମିଣ୍ଟନ ଡବଲ୍ସରେ ଜାପାନ ବିପକ୍ଷରେ ଖେଳିବ ଭାରତ। ସକାଳ ୮ଟା ୪୫ରେ ଏହି ଖେଳ ଆରମ୍ଭ ହେବାକୁ ଯାଉଛି।

ପ୍ରମୋଦ ଭଗତ ଓ ପଲକ କୋହଲି ଜାପାନର ଆକିକୋ ଏବଂ ଡାଇସୁକେଙ୍କୁ ଭେଟିବେ। ଗତକାଲି ଟୋକିଓ ପାରାଲିମ୍ପିକ୍ସରେ ଇତିହାସ ରଚିଥିଲେ ଓଡ଼ିଆ ପୁଅ ପ୍ରମୋଦ ଭଗତ । ବ୍ୟାଡ୍‌ମିଣ୍ଟନ ପୁରୁଷ ଏକକ ବର୍ଗରେ ଜିତିଥିଲେ ସ୍ୱର୍ଣ୍ଣ ପଦକ । ପ୍ରଥମ ଭାରତୀୟ ଭାବେ ସେ ପାରାଲିମ୍ପିକ୍ସ ବ୍ୟାଡ୍‌ମିଣ୍ଟନରେ ସ୍ୱର୍ଣ୍ଣ ଜିତିଛନ୍ତି ।

ପ୍ରମୋଦ ନିଜର ବିଶ୍ୱର ୧ ନମ୍ବର ଖେଳାଳି ମାନ୍ୟତାକୁ ବି ବଜାୟ ରଖିଛନ୍ତି । ଏଭଳି ସ୍ବର୍ଣ୍ଣିମ ବିଜୟ ପରେ ପ୍ରମୋଦଙ୍କ ଗାଁ ଏବେ ଉତ୍ସବ ମୁଖର ହୋଇପଡିଛି । ପରିବାର ମଧ୍ୟରେ ଖୁସିର ଲହରି ଖେଳିଯାଇଛି । ଆଜି ମଧ୍ୟ ଡବଲ୍ଟରେ ଚମତ୍କାର ପ୍ରଦର୍ଶନ କରି ଭାରତ ବ୍ରୋଞ୍ଜ ମେଡାଲ ହାତେଇବେ ବୋଲି ଆଶା କରାଯାଉଛି । ବର୍ତ୍ତମାନ ସୁଦ୍ଧା ୧୭ଟି ମେଡାଲ ହାତେଇଛି ଭାରତ।

ଅଧିକ ପଢନ୍ତୁ– ପାରା ଅଲମ୍ପିକ୍ସରେ ଓଡ଼ିଆ ପୁଅ ପ୍ରମୋଦଙ୍କ ଜଲୱା, ଜିତିଲେ ସ୍ୱର୍ଣ୍ଣ

ତେବେ ଅଲମ୍ପିକ୍ସରେ ମଧ୍ୟ କୌଣସି ଭାରତୀୟ ଏ ପର୍ଯ୍ୟନ୍ତ ବ୍ୟାଡ୍‌ ମିଣ୍ଟନରେ ସ୍ୱର୍ଣ୍ଣ ପଦକ ଜିତି ନାହାନ୍ତି। ପାରା ଅଲମ୍ପିକ୍ସରେ ଭାରତ ଭଲ ପ୍ରଦର୍ଶନ ସହ ଏବେ ସୁଦ୍ଧା ଭାରତ ୧୭ ପଦକ ଜିତିଛି।

 

ପୁଅକୁ ହତ୍ୟା ଘଟଣାରେ ବାପା ଓ ସାବତ ମାଆଙ୍କୁ ଆଜୀବନ ଜେଲ୍ ଦଣ୍ଡ

ଯୋଡ଼ା: ପୁଅକୁ ହତ୍ୟା ଘଟଣାରେ ବାପା ଓ ସାବତ ମାଆକୁ ଆଜୀବନ ଜେଲ୍ ଦଣ୍ଡ । ଦଣ୍ଡାଦେଶ ଶୁଣାଇଲେ ଚମ୍ପୁଆ ଅତିରିକ୍ତ ଜିଲ୍ଲା ଦୌରା ଜଜ୍ ଦୋଳଗୋବିନ୍ଦ ବାରିକ । ଘଟଣାରେ ଅନ୍ୟ ଜଣେ ଅଭିଯୁକ୍ତ ସାବତଭାଇ ଗୌତମଙ୍କୁ ୧ ବର୍ଷ ଜେଲ୍ ଦଣ୍ଡାଦେଶ ଦେଇଛନ୍ତି କୋର୍ଟ । ୨୦୧୯ ସେପ୍ଟେମ୍ବର ୧ ତାରିଖରେ କେନ୍ଦୁଝର ବାମେବାରୀ ଥାନା ବଳଭଦ୍ରପୁର ଗାଁରେ ଟ୍ରାନ୍ସପୋର୍ଟ ବ୍ୟବସାୟ ଲାଭ ଟଙ୍କା ଭାଗବଣ୍ଟାକୁ ନେଇ ଏହି ହତ୍ୟାକାଣ୍ଡ ଘଟିଥିଲା ।

ନାରାୟଣ ମହାନ୍ତ ତାଙ୍କ ତୃତୀୟ ପତ୍ନୀଙ୍କ ପୁଅ ପିତାମ୍ବରଙ୍କୁ ଲାଭ ଟଙ୍କା ଦେବାକୁ ଚାହୁଁ ନଥିଲେ । ଏହାକୁ ନେଇ ପରିବାର ଭିତରେ ଲାଗିଥିଲା ଝଗଡ଼ା । ବାପା ନାରାୟଣ ମହାନ୍ତ, ତାଙ୍କର ପ୍ରଥମ ସ୍ତ୍ରୀ ମାଳତି ଓ ଦ୍ୱିତୀୟ ସ୍ତ୍ରୀଙ୍କ ପୁଅ ଗୌତମ ମିଶି ପିତାମ୍ବରଙ୍କୁ ନିସ୍ତୁକ ମାରିଥିଲେ । ପିତାମ୍ବର ତଳେ ପଡ଼ିଯିବା ପରେ ବାପା ନାରାୟଣ ପଥରରେ ତାଙ୍କ ମୁଣ୍ଡକୁ ଛେଚି ଜଘନ୍ୟ ଭାବେ ହତ୍ୟା କରିଥିଲେ । ପ୍ରମାଣ ଓ ସାକ୍ଷୀଙ୍କ ବୟାନକୁ ଭିତ୍ତିକରି ଆଜି ଉଭୟଙ୍କୁ ଆଜୀବନ ଜେଲ୍ ଦଣ୍ଡାଦେଶ ଶୁଣାଇଛନ୍ତି କୋର୍ଟ ।

ପାଇଖାନା ଘରୁ ଯୁବ ଇଞ୍ଜିନିୟରଙ୍କ ମୃତଦେହ ଉଦ୍ଧାର

ବାଲିଗୁଡ଼ା: ପାଇଖାନା ଘରୁ ଯୁବ ଇଞ୍ଜିନିୟରଙ୍କ ମୃତଦେହ ଉଦ୍ଧାର । ଏଭଳି ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ଲୁହୁର ସାହିରେ । ମୃତ୍ୟୁର କାରଣ ଜଣା ପଡ଼ିନଥିବା ବେଳେ ପୋଲିସ ମୃତଦେହ ଉଦ୍ଧାର କରିଛି । ମୃତକ ନୟାଗଡ଼ ଜିଲ୍ଲା ଦଶପଲ୍ଲାର ରବୀନ୍ଦ୍ରନାଥ ବେହେରାଙ୍କ ପୁଅ ରାକେଶ କୁମାର ବେହେରା । ସେ କିଛିଦିନ ହେଲା RKD ଠିକାସଂସ୍ଥାରେ କାମ କରୁଥିଲେ । ଦାରିଙ୍ଗବାଡ଼ି ଲୁହୁର ସାହିରେ ଘର ଭଡ଼ା ନେଇ ରହିଆସୁଥିଲେ ।

Youth Engineer's Body Recovered From Toilet

ଗତକାଲି କାମସାରି ସନ୍ଧ୍ୟା ସମୟରେ ଆସିବା ପରେ ଘରୁ ବାହାରକୁ ବାହାରି ନଥିଲେ । କୌଣସି କାରଣରୁ ଘର ମାଲିକ କଥା ହେବା ପାଇଁ ଯାଇଥିଲେ । ହେଲେ କବାଟ ଖୋଲି ନଥିଲେ କି କୌଣସି ଉତ୍ତର ଦେଇ ନଥିବାରୁ ଥାନାକୁ ଜଣାଇଥିଲେ ଘର ମାଲିକ । ପୋଲିସ କବାଟ ଭାଙ୍ଗି ଘର ଭିତରକୁ ପଶିବା ପରେ ଉଲଗ୍ନ ଅବସ୍ଥାରେ ପାଇଖାନାରୁ ରାକେଶଙ୍କ ମୃତଦେହ ଉଦ୍ଧାର କରିଛି । ମୃତଦେହ ବ୍ୟବଚ୍ଛେଦ ପରେ ମୃତ୍ୟୁର କାରଣ ଜଣାପଡିବ ବୋଲି କହିଛି ପୋଲିସ ।

ଓୟୋ ରୁମରୁ ସେକ୍ସ ରାକେଟ ଠାବ, ୮ ବଙ୍ଗୀୟ ଯୁବତୀ ଉଦ୍ଧାର

ଭୁବନେଶ୍ୱର: ଓୟୋ ରୁମରେ ସେକ୍ସ ରାକେଟ ଠାବ । ଭରତପୁର ଥାନା ଅଞ୍ଚଳରେ ଥିବା ଏକ ଓୟୋ ଲଜରେ ଚାଲିଥିବା ସେକ୍ସ ରାକେଟର ପର୍ଦ୍ଦାଫାସ କରିଛି ପୋଲିସ । ଓୟୋ ରୁମରେ ଦେହ କାରବାର ଚାଲିଥିବା ନେଇ କୌଣସି ସୂତ୍ରରୁ ଖବର ପାଇ ପୋଲିସ ଚଢ଼ାଉ କରିଥିଲା ।

Police Nabbed Sex racket In Oyo Room Bhubaneswar

ଓୟୋ ରୁମରୁ ୮ ବଙ୍ଗୀୟ ଯୁବତୀଙ୍କୁ ଉଦ୍ଧାର କରାଯାଇଥିବା ବେଳେ ପୋଲିସ ୨ ଜଣଙ୍କୁ ଅଟକ ରଖିଛି । ଚଢ଼ାଉ ବେଳେ ଲଜ୍ ମାଲିକ ଫେରାର ହୋଇଯାଇଥିବା ବେଳେ ପୋଲିସ ତଦନ୍ତ ଜାରି ରଖିଛି । ଲଜରୁ ମଦ ବୋତଲ ସହ ବହୁ ଆପତ୍ତିଜନକ ସାମଗ୍ରୀ ଜବତ କରାଯାଇଛି । କଳିଙ୍ଗ ନଗର କେ୧ରେ ଥିବା ଏକ ଓୟୋ ହୋଟେଲରେ ସେକ୍ସ ରାକେଟ ଚାଲିଥିଲା ।