spot_img
Home Blog Page 5320

ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର 

ଭୁବନେଶ୍ୱର: ଭାରତୀୟ ପୋଲିସ ପ୍ରଶାସନିକ ସେବାରେ କାର୍ଯ୍ୟ କରିଥିବା ଜଳଦ କୁମାର ତ୍ରିପାଠୀ ହୋଇଛନ୍ତି ନୂଆ ମୁଖ୍ୟ ସୂଚନା କମିଶନର  । ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ଅନୁମୋଦନ ପରେ ପ୍ରକାଶ ପାଇଛି ବିଜ୍ଞପ୍ତି  । ପୂର୍ବରୁ ଜଳଦ କୁମାର ତ୍ରିପାଠୀ ପୋଲିସ ସେବାରୁ ଅବସର ଗ୍ରହଣ କରିଥିଲେ  ।  କିନ୍ତୁ ବରିଷ୍ଠ ଅବସର ପ୍ରାପ୍ତ ଆଇପିଏସ୍ ଜଳଦ କୁମାର ତ୍ରିପାଠୀଙ୍କ ନାମ ଚୟନ କମିଟି ତାଙ୍କ ନାମ ସୁପାରିସ କରିଥିଲା  ।

୧୯୮୫ ମସିହା ବ୍ୟାଚ୍ ଆଇପିଏସ୍ ଜଳଦ କୁମାର ତ୍ରିପାଠୀ ପୂର୍ବରୁ ଅନେକ ବିଭାଗକୁ ଦକ୍ଷତାର ତୁଲାଇଛନ୍ତି  । ପୋଲିସ ପ୍ରଶାସନିକ ସେବାରେ ଜଳଦ କୁମାର ତ୍ରିପାଠୀଙ୍କ ଅନେକ ଅଭିଜ୍ଞତା ରହିଛି  । ତେଣୁ ତାଙ୍କ ନାମକୁ ଚୟନ କମିଟି ସୁପାରିସ କରିଥିଲେ  । ରାଜ୍ୟପାଳ ଆଜି ଅନୁମୋଦନ ମାରିବା ପରେ ଜଳଦ କୁମାର ତ୍ରିପାଠୀ ନୂତନ ସୂଚନା କମିଶନର ହୋଇଛନ୍ତି  ।

 

ଅପରାହ୍ନରେ ବଡ଼ ଘୋଷଣା, ଓଡ଼ିଶାରେ ହେବ ଜୁନିୟର ହକି ବିଶ୍ୱକପ୍ !

ଭୁବନେଶ୍ୱର: ହକିକୁ ନେଇ ବଡ଼ ଘୋଷଣା କରିପାରନ୍ତି  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ।  କଳିଙ୍ଗ ଷ୍ଟାଡିୟମରେ ଜୁନିୟର ହକି ବିଶ୍ୱକପ ହେବା ନେଇ ଘୋଷଣା କରିପାରନ୍ତି ମୁଖ୍ୟମନ୍ତ୍ରୀ। ଲୋକସେବା ଭବନରେ ଏକ ସ୍ଵତନ୍ତ୍ର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଏନେଇ ଘୋଷଣା କରିପାରନ୍ତି ।

ଏହି ଅବସରରେ କ୍ରୀଡ଼ାମନ୍ତ୍ରୀ ତୁଶାରକାନ୍ତି ବେହେରା, କ୍ରୀଡାସଚିବ, ହକି ଲିଜେଣ୍ଡ ଦିଲୀପ ତିର୍କିଙ୍କ ସହ ହକି ଇଣ୍ଡିଆର ଶୀର୍ଷ ନେତୃତ୍ୱ ମଧ୍ୟ ସାମିଲ ରହିବା ନେଇ ସୂଚନା ମିଳିଛି  । ପୂର୍ବରୁ କଳିଙ୍ଗ ଷ୍ଟାଡ଼ିୟମରେ ସିନିୟର ବିଶ୍ୱ କପ ହୋଇସାରିଥିବା ବେଳେ ଆଗାମୀ ଦିନରେ ଓଡ଼ିଶାରେ ଜୁନିୟର ବିଶ୍ୱ କପ ହେବା ନେଇ ଘୋଷଣା କରିପାରନ୍ତି ମୁଖ୍ୟମନ୍ତ୍ରୀ  ।

ବନ୍ଧୁକ ତିଆରି କାରଖାନା ଉପରେ ସମ୍ବଲପୁର ପୋଲିସର ଚଢାଉ

ସମ୍ବଲପୁର: ଜିଲ୍ଲା ପୋଲିସକୁ ବଡ଼ ସଫଳତା । ଯୁଯୁମୁରା ଥାନା ଅଂଚଳରୁ ୨ଟି ବନ୍ଧୁକ ତିଆରି କାରଖାନା ଠାବ କରିଛି ପୋଲିସ । ଦୀର୍ଘ ବର୍ଷ ଧରି ଏହି ବନ୍ଧୁକ କାରଖାନାରେ ବନ୍ଧୁକ ତିଆରି କରାଯାଉଥିଲା । ବନ୍ଧୁକ ତିଆରି ଅଭିଯୋଗରେ ଦମ୍ପତିଙ୍କ ସହ ମୋଟ ସାତ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ସେମାନଙ୍କ ନିକଟରୁ ଚାରିଟି ଦେଶୀ ବନ୍ଧୁକ, କିଛି ବନ୍ଧୁକ ତିଆରି ସାମଗ୍ରୀ ଜବତ ହୋଇଛି ।

ସେପଟେ ଏହି ଘଟଣାରେ ସାମିଲ ଥିବା ସମସ୍ତ ଅଭିଯୁକ୍ତଙ୍କୁ ଗୁଡାପାଲି, ବାସୁପଲି ଓ ହିରୋ ଗାଁରୁ ଗିରଫ କରାଯାଇଛି । ସମସ୍ତ ବନ୍ଧୁକ କେବଳ ପଶୁ ଶିକାର ପାଇଁ ଉଦିଷ୍ଟ ଥିଲା ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ସମ୍ବଲପୁର ଏସପି ।

ମାଲିକ ହେବ ତ ଏମିତି, ଗୋଟିଏ ଝଟକାରେ ୫ଶହ କର୍ମଚାରୀଙ୍କୁ କରିଦେଲେ କୋଟିପତି

0

ବିଜନେସ୍ ସଫ୍ଟୱେୟାର ଫାର୍ମ ଫ୍ରେଶୱାର୍କସ୍ Inc. ବୁଧବାର ଦିନ ଆମେରିକୀୟ ଏକ୍ସଚେଞ୍ଜ ନେସଡେକ୍ ରେ ଧମାକାଦାର ଏଣ୍ଟ୍ରି କରିଛି । ଏଥିସହିତ କମ୍ପାନୀ ଏହାର ୫୦୦ କର୍ମଚାରୀଙ୍କୁ କୋଟିପତି କରିଦେଇଛି । ଏଥିମଧ୍ୟରୁ ୬୯ ଜଣଙ୍କ ବୟସ ୩୦ ବର୍ଷରୁ କମ୍। ନେସଡେକରେ ତାଲିକାଭୁକ୍ତ ହୋଇଥିବା ଏହା ହେଉଛି ଭାରତର ପ୍ରଥମ ସଫ୍ଟୱେର୍ ଏଜ୍ ସର୍ଭିସେସ୍ (SaaS) ଏବଂ ୟୁନିକର୍ଣ୍ଣ କମ୍ପାନୀ ।

ଗିରିଶ ମଥ୍ରୁବୁଥମ୍ ଙ୍କ ଏହି କମ୍ପାନୀର ସେୟାରଗୁଡିକ ଏହାର ଇସ୍ୟୁ ପ୍ରାଇମରେ ୨୧ ପ୍ରତିଶତ ପ୍ରିମିୟମରେ ନେସଡେକ ଇଣ୍ଡେକ୍ସରେ ଏଣ୍ଟ୍ରି କରିଛି । ଏହା ସହିତ କମ୍ପାନୀର ମାର୍କେଟ କ୍ୟାପ୍ ୧୨ ବିଲିୟନ୍ ଡ଼ଲାରରୁ ଉପରେ ପହଞ୍ଚିଛି ।

୫୦୦ କର୍ମଚାରୀ ବନିଲେ କୋଟିପତି

ଗିରିଶଙ୍କ କହିବାନୁଯାୟୀ ଫ୍ରେଶୱାର୍କ ସାର୍ବଜନୀନ ହେବା ସହିତ କମ୍ପାନୀର ୫୦୦ କର୍ମଚାରୀ କୋଟିପତି ହୋଇପାରିଛନ୍ତି ।  FreshWorks ର ଦୁଇ-ତୃତୀୟାଂଶ କର୍ମଚାରୀ ସେୟାର ହୋଲଡର୍ । କମ୍ପାନୀର କୋଫାଉଣ୍ଡର ତଥା ସିଇଓ ମାତୃଭୁତମ କହିଛନ୍ତି ଯେ ଯେଉଁମାନେ କମ୍ପାନୀ ତିଆରି କରିବା ପାଇଁ ଦିନରାତି ପରିଶ୍ରମ କରିଥିଲେ ସେମାନଙ୍କୁ ପୁରସ୍କାର ମିଳିବା ଉଚିତ୍। ଭାରତରେ ଆମର ୫୦୦ରୁ ଅଧିକ କର୍ମଚାରୀ କୋଟିପତି ହୋଇଯିବେ। ତନ୍ମଧ୍ୟରେ ୬୯ ଜଣଙ୍କ ବୟସରୁ ୩୦ ବର୍ଷରୁ କମ୍ ।

ତେବେ ଭାରତ ବଦଳରେ ଆମେରିକାରେ କମ୍ପାନୀ ତାଲିକାଭୁକ୍ତ କରିବା ନେଇ ସେ କହିଛନ୍ତି ଯେ ଫ୍ରେଶୱାର୍କ ଆରମ୍ଭରୁ ଏକ ବିଶ୍ୱସ୍ତରୀୟ କମ୍ପାନୀ ରହିଆସିଛି। ଏହାର ଗ୍ରାହକ ୧୨୦ରୁ ଅଧିକ ଦେଶରେ ଅଛନ୍ତି ଏବଂ ଏହାର ଅଧିକାଂଶ ରାଜସ୍ୱ ଆମେରିକାରୁ ଆସିଥାଏ ।

ପିଲାଙ୍କ ଝଗଡ଼ାରୁ କଙ୍ଗାରୁକୋର୍ଟ, ପରିବାରକୁ ବାସନ୍ଦ ଧମକ ଦେଇ ୩ ଗିରଫ

ଭୁବନେଶ୍ୱର: ରାଜଧାନୀରେ କଙ୍ଗାରୁକୋର୍ଟ । ଭୁବନେଶ୍ୱରର ଛାତି ଉପରେ କଙ୍ଗାରୁକୋର୍ଟ ବସିଛି । ସାମାନ୍ୟ ଝଗଡ଼ାକୁ ନେଇ ନୟାପଲ୍ଲୀ ଥାନା ସାଲିଆସାହି ମାରୁତି ବିହାରରେ ଦାଦାଗିରି ଦେଖାଇଛନ୍ତି ମହିଳା କମିଟି । କଙ୍ଗାରୁକୋର୍ଟରେ ମହିଳାମାନେ ନାବାଳକଙ୍କୁ ଆଣ୍ଠେଇଥିବା ଜଣାପଡ଼ିଛି ।

Kangaroo Court In Bhubaneswar Saliasahi

ନାବାଳକଙ୍କ ପରିବାରକୁ ସାଢ଼େ ୫ ହଜାର ଟଙ୍କା ଜରିମାନା କରିଛି ମହିଳା କମିଟି । ଜରିମାନା ଅର୍ଥ ନଦେଲେ ନିଆଁ, ପାଣି, ବିଜୁଳି ବନ୍ଦ ପାଇଁ କଙ୍ଗାରୁକୋର୍ଟରେ ନିଷ୍ପତ୍ତି ଶୁଣାଇ ଦିଆଯାଇଛି । ଘଟଣାରେ ୩ ଜଣ ମହିଳାଙ୍କୁ ଗିରଫ କରିଛି ନୟାପଲ୍ଲୀ ଥାନା ପୋଲିସ ।

ସ୍ତ୍ରୀ, ଦୁଇ ଝିଅ ପରେ ମିଳିଲା ସ୍ୱାମୀର ମୃତଦେହ, ସନ୍ଦେହରେ ସାନ ଭାଇ

ଝାରସୁଗୁଡ଼ା: ବ୍ରଜରାଜନଗରରେ ତିନି ଜଣଙ୍କ ହତ୍ୟା ଘଟଣାରେ ନୂଆ ମୋଡ଼ । ଗତକାଲି ଘର ଭିତରୁ ସ୍ତ୍ରୀ ଓ ଦୁଇ ଝିଅଙ୍କ ମୃତ ଦେହ ମିଳିଥିବା ବେଳେ ଆଜି ସ୍ୱାମୀଙ୍କ ମୃତଦେହ ମିଳିଛି । ୨୪ ଘଣ୍ଟାରେ ପୂରା ନିଶ୍ଚିହ୍ନ ହୋଇଯାଇଛି ଗୋଟିଏ ପରିବାର । ପୂର୍ବରୁ ସ୍ତ୍ରୀ ଓ ଦୁଇ ଝିଅଙ୍କ ହତ୍ୟା ଘଟଣାରେ ସ୍ୱାମୀଙ୍କୁ ଅଭିଯୁକ୍ତ ବୋଲି ପୋଲିସ ସନ୍ଦେହ କରୁଥିଲା । ଆଜି ମୃତ ମହିଳାଙ୍କ ସ୍ଵାମୀଙ୍କ ମୃତଦେହ ଘର ପାଖ କୂଅରୁ ଉଦ୍ଧାର କରାଯାଇଛି । ବ୍ରଜରାଜନଗର ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ।

Brajarajnagr Triple Murder Case, Husband Suicide

ଗଙ୍ଗାନଗର ଫାଟକ ପଦାରେ ଏକ କୂଅରୁ ନାରାୟଣ ପୋଦାରଙ୍କ ମୃତଦେହ ମିଳିଛି । ଗତକାଲି ମାଆ ଓ ଦୁଇ ନାବାଳିକା ଝିଅଙ୍କ ମୃତଦେହ ଉଦ୍ଧାର ହୋଇଥିଲା । ମୃତ ମହିଳାଙ୍କ ପରିବାର ଲୋକେ ନାରାୟଣଙ୍କ ନାଁରେ ଅଭିଯୋଗ ଆଣିଥିଲେ । ଏହି ଘଟଣାରେ ମୃତ ମହିଳାଙ୍କ ଦିଅରକୁ ପୋଲିସ ଅଟକ ରଖିଛି । ଆଜି ଘଟଣା ସ୍ଥଳକୁ ପୋଲିସ ଯାଇ ତଦନ୍ତ ଚଳାଇଛି ।

Brajarajnagr Triple Murder Case, Husband Suicide

ଛତିଶଗଡ଼ର ନାରାୟଣ ବ୍ରଜରାଜନଗରରେ ରହି ଦିନ ମଜୁରିଆ ଭାବେ କାମ କରୁଥିଲେ । ସ୍ତ୍ରୀ ଏବଂ ତାଙ୍କ ଦୁଇ ଛୁଆ ମଧ୍ୟ ନାରାୟଣଙ୍କ ସହ ରହୁଥିଲେ । ମଙ୍ଗଳବାର ରାତିରେ ଖାଇସାରିବା ସମସ୍ତେ ଶୋଇଥିବା ବେଳେ, ଭୋରରୁ ନାରାୟଣ କୁଆଡେ ଚାଲି ଯାଇଥିଲେ । ସକାଳୁ କ୍ଷୀରବାଲା ତିନି ଜଣଙ୍କର ମୃତଦେହ ଦେଖି ପଡ଼ୋଶୀଙ୍କୁ ଜଣାଇବା ସହ ପୋଲିସକୁ ଖବର ଦେଇଥିଲେ । ମୃତ ମହିଳାଙ୍କୁ ପ୍ରାୟ ତିନି ମାସ ପୂର୍ବରୁ ବଳାତ୍କାର ଉଦ୍ୟମ ଅଭିଯୋଗରେ ଦିଅରଙ୍କୁ ଜେଲ ପଠାଯାଇଥିଲା । ଜାମିନରେ ଆସିବା ପରେ କ୍ଷୁବ୍ଧ ଦିଅର ଏପରି କାଣ୍ଡ ଘଟାଇ ଥିବା ସନ୍ଦେହ କରାଯାଉଛି । ତେବେ ପୋଲିସ ତଦନ୍ତ ପରେ ସବୁ ସ୍ପଷ୍ଟ ହେବ ।

ବିଷାକ୍ତ ବାୟୁ ଯୋଗୁ ବଢୁଛି ମୃତ୍ୟୁ ସଂଖ୍ୟା, ଚିନ୍ତା ବ୍ୟକ୍ତ କଲା WHO

ନୂଆଦିଲ୍ଲୀ: ବିଷାକ୍ତ ବାୟୁ ଯୋଗୁ ରୋଗ ବଢିବା ସହ ବଢୁଛି ମୃତ୍ୟୁସଂଖ୍ୟା। ବାୟୁର ଗୁଣାବତ୍ତା କମୁଥିବାରୁ ହାର୍ଟ ଓ ଲଙ୍ଗସଜନିତ ରୋଗ ହୁ ହୁ ହୋଇ ବଢୁଛି। ବର୍ଷକୁ ବିଶ୍ବରେ ପ୍ରାୟ ୭୦ଲକ୍ଷ ଲୋକଙ୍କ ଜୀବନ ନେଉଛି ପ୍ରଦୂଷିତ ବାୟୁ। ଯାହାକୁ ନେଇ ଚିନ୍ତା ବ୍ୟକ୍ତ କରିଛି WHO ବା ବିଶ୍ବ ସ୍ବାସ୍ଥ୍ୟ ସଂଗଠନ ।

୨୦୦୫ରେ ବିଶ୍ବ ସ୍ବାସ୍ଥ୍ୟ ସଂଗଠନ ପକ୍ଷରୁ ଜାରି କରାଯାଇଥିବା ଗାଇଡଲାଇନକୁ ପରିବର୍ତ୍ତନ କରି ନୂଆ ଗାଇଡଲାଇନ ଜାରି କରାଯାଇଛି। ବିଶେଷ କରି ବାୟୁ ପ୍ରଦୂଷଣର ଛଅଟି ମୁଖ୍ୟ ପ୍ରଦୂଷକର ସ୍ତର ହେଉଛି PM2.5, PM10, ଓଜୋନ୍, ନାଇଟ୍ରୋଜେନ୍ ଡାଇଅକ୍ସାଇଡ୍, ସଲଫର୍ ଡାଇଅକ୍ସାଇଡ୍, ଏବଂ କାର୍ବନ ମନୋକ୍ସାଇଡ୍ ।

ବାୟୁରେ PM ୨.୫ର ସ୍ତର 10ରୁ ୫କୁ ଖସାଇ ଦିଆଯାଇଥିବା ବେଳେ PM ୧୦ର ସ୍ତର ୧୫ ରହିଲେ ବିପଦଜନକ ବୋଲି କୁହାଯାଇଛି । ପୂର୍ବରୁ ଏହି ସ୍ତର ୨୦ ଥିଲା । ସେହିପରି ବାୟୁରେ ନାଇଟ୍ରୋଜେନ ସ୍ତର ୧୦ ହେଲେ ବିପଦଜନକ ବୋଲି ଧରାଯିବ। ପୂର୍ବରୁ ଏହା ୪୦ ରହିଥିଲା। WHOର ତଥ୍ୟ ଅନୁସାରେ ବାୟୁ ପ୍ରଦୂଷଣରେ ଯେତିକି ଲୋକଙ୍କର ମୃତ୍ୟୁ ହେଉଛି, ସେଥିରୁ ୮୦ ପ୍ରତିଶତ ମୃତ୍ୟୁ କେବଳ ପିଏମ ୨.୫ ଯୋଗୁ ହେଉଛି।

ବିଶ୍ବର ବିଭିନ୍ନ ଦେଶର ବିଶେଷଜ୍ଞଙ୍କ ପରାମର୍ଶକ୍ରମେ ବିଶ୍ବ ସ୍ବାସ୍ଥ୍ୟ ସଂଗଠନ ଏହି ନୂଆ ମାର୍ଗଦର୍ଶିକା ଜାରି କରିଛି। ସବୁଠୁ ଚିନ୍ତାଜନକ କଥା ହେଲା, ସମଗ୍ର ଭାରତ ବର୍ଷ ପ୍ରଦୂଷିତ ଅଞ୍ଚଳରେ ରହୁଛି ବୋଲି କହିଛି WHO। କେବଳ ଭାରତବର୍ଷ ନୁହେଁ ବିଶ୍ବର ୯୦ ପ୍ରତିଶତ ଲୋକ ରହୁଥିବା ଅଞ୍ଚଳ ବାୟୁ ପ୍ରଦୂଷିତ ଅଞ୍ଚଳରେ ରହିଛି ।

Climate Change Report On Earth Climate Predict Above 2 Degree Rise In Temperature By 2100

ତେଣୁ ୨୦୦୫ରେ ଜାରି କରାଯାଇଥିବା ମାର୍ଗଦର୍ଶିକାରେ ପରିବର୍ତ୍ତନ ଆଣି ବିଶ୍ବରେ ପ୍ରଦୂଷଣ କମାଇବାକୁ ପ୍ରୟାସ ଆରମ୍ଭ କରିବା କରିଛି ବିଶ୍ବ ସ୍ବାସ୍ଥ୍ୟ ସଂଗଠନ।

ଗ୍ରାହକଙ୍କ ପାଇଁ LIC ଜାରି କଲା ନୂଆ ସୂଚନା, ଘରେ ବସି କରିପାରିବେ ପଲିସି ସହ ପାନ୍ ଲିଙ୍କ…

ନୂଆଦିଲ୍ଲୀ: ସମସ୍ତ ପଲିସି ହୋଲଡରଙ୍କ ପାଇଁ LIC ଜରୁରୀ ସୂଚନା ଜାରି କରିଛି। ଏନେଇ କମ୍ପାନୀ ପକ୍ଷରୁ ଟ୍ୱିଟ୍ କରାଯାଇଛି । ପଲିସି ସହ ପାନ୍ କାର୍ଡ ଲିଙ୍କ କରିବା ଆବଶ୍ୟକ ବୋଲି ଏଲଆଇସି ନିଜ ଅଫିସିଆଲ୍ ୱେବସାଇଟରେ ଅବଗତ କରାଇଛି।

ସୂଚନା ଅନୁଯାୟୀ, ପାନ୍ ଓ ଆଧାର  ଲିଙ୍କ୍ କରିବାର ଶେଷ ତାରିଖ ୨୦୨୨ ମସିହା ମାର୍ଚ୍ଚ ୩୧ ତାରିଖ ଯାଏଁ ସରକାର ବଢାଇଛନ୍ତି । ଠିକ୍ ସେହିପରି ମାର୍କେଟ୍ ରେଗୁଲେଟର ସେବି ମଧ୍ୟ ନିବେଶକଙ୍କ ପାଇଁ ପାନ୍ ଓ ଆଧାର  ଲିଙ୍କ୍ ଘୁଞ୍ଚାଇ ଦେଇଛି । ଯଦି ଆପଣ ମଧ୍ୟ ପାନ୍ ଓ ଆଧାର  ଲିଙ୍କ୍ କରାଇନାହାଁନ୍ତି ତାହେଲେ ଘରେ ବସି ଅନଲାଇନ୍ ଯୋଗେ କରାଇପାରିବେ ।

ଏହି ଟ୍ୱିଟର ପୋଷ୍ଟରେ ଦିଆଯାଇଥିବା ଲିଙ୍କରେ କ୍ଲିକ୍ କଲେ ସବିଶେଷ ବିବରଣୀ ମଧ୍ୟ ପାଇପାରିବେ ।

ସେହିପରି ଯଦି ଆପଣ ଏଲଆଇସି ପଲିସିର ଅନଲାଇନ୍ ଷ୍ଟାଟସ୍ ଜାଣିବାକୁ ଚାହୁଁଛନ୍ତି ତାହେଲେ ପ୍ରଥମେ ଆଧିକାରିକ ୱେବସାଇଟ https://www.licindia.in/ କୁ ଯାଇ ରେଜିଷ୍ଟ୍ରେସନ୍ କରିବାକୁ ପଡିବ । ଏଥିପାଇଁ କୌଣସି ପ୍ରକାର ଦେୟ ମଧ୍ୟ ଦେବାକୁ ପଡିବ ନାହିଁ ।

ତେବେ ଅନଲାଇନ୍ ଷ୍ଟାଟସ୍ ଜାଣିବା ପାଇଁ ଆପଣଙ୍କୁ କେବଳ ଜନ୍ମତିଥି, ନାମ ଓ ପଲିସି ନମ୍ବର ଏଣ୍ଟ୍ରି କରିବାକୁ ପଡିବ । ଆଉ ଥରେ ରେଜିଷ୍ଟ୍ରେସନ୍ କରିବା ପରେ ଆପଣ ସବୁବେଳେ ଷ୍ଟାଟ୍ସ ଚେକ୍ କରିପାରିବେ ।

ମୁଣ୍ଡ ନୂଆଁଇଲା ପଶ୍ଚିମବଙ୍ଗ, ଅଧ ରାତିରେ ଭାଙ୍ଗିଲା ବେଆଇନ୍ ନିର୍ମାଣ

ଜଳେଶ୍ୱର: ବିରୋଧ ପରେ ପଛକୁ ହଟିଲା ପଶ୍ଚିମବଙ୍ଗ । ଅଧ ରାତିରେ ଭାଙ୍ଗିଲା ନିଜେ କରିଥିବା ବେଆଇନ୍ ନିର୍ମାଣ । ଓଡ଼ିଶା ସୀମା ଭିତରକୁ ପ୍ରାୟ ୫୦ ଫୁଟ୍ ପସି ପଶ୍ଚିମବଙ୍ଗ ପ୍ରଶାସନ ପାଚେରି ଗଢ଼ିଥିଲା । ଯାହାକୁ ସ୍ଥାନୀୟ ଲୋକ ସହ ବାଲେଶ୍ୱର ପ୍ରଶାସନ ପକ୍ଷରୁ ବିରୋଧ କରାଯାଇଥିଲା । ବିଳମ୍ବିତ ରାତିରେ ପଶ୍ଚିମବଙ୍ଗ ପ୍ରଶାସନ ଉକ୍ତ ବେଆଇନ୍ ନିର୍ମାଣକୁ ଭାଙ୍ଗି ଦେଇଛି ।

West Bengal Demolish Illegal Construction In Udaipur Beach

ପ୍ରଥମେ ଚଳିତ ମାସ ୭ ତାରିଖରେ ପଶ୍ଚିମବଙ୍ଗ ବେଆଇନ୍ ନିର୍ମାଣ ଆରମ୍ଭ କରିଥିଲା । ସ୍ଥାନୀୟ ଲୋକ ଓ ପ୍ରଶାସନର ବିରୋଧ ପରେ ଉଦୟପୁର ମନୋରମ ବେଳାଭୂମିରେ ନିର୍ମାଣ କାର୍ଯ୍ୟ ବନ୍ଦ କରିଥିଲା । ବାଲେଶ୍ୱର ପ୍ରଶାସନ ପକ୍ଷରୁ ୧୪୪ ଧାରା ଲାଗୁ କରାଯାଇଥିଲା ।

ପରେ ୨୧ ତାରିଖରେ ପୁଣି ପଶ୍ଚିମବଙ୍ଗ ପ୍ରଶାସନ ୧୪୪ ଧାରା ଉଲ୍ଲଂଘନ କରି ପାଚେରି ନିର୍ମାଣ ଆରମ୍ଭ କରିଥିଲା । ଘଟଣାସ୍ଥଳରେ ବାଲେଶ୍ୱର ପ୍ରଶାସନର ଅଧିକାରୀ ପହଞ୍ଚି ନିର୍ମାଣ ବନ୍ଦ କରିଥିଲେ । ଏହାପରେ ରାତି ଅଧିଆ ଭାବେ ପଶ୍ଚିମବଙ୍ଗ ପ୍ରଶାସନ ନିଜେ କରିଥିବା ବେଆଇନ୍ ନିର୍ମାଣକୁ ଭାଙ୍ଗି ନେଇଛି ।

ପେଗାସସ୍ ଜାସୁସୀ ମାମଲା; ଖୁବ୍‌ ଶୀଘ୍ର ଗଠନ ହୋଇପାରେ ଏକ୍ସପର୍ଟ କମିଟି

ନୂଆଦିଲ୍‌ଲ: ପେଗାସସ୍ ଜାସୁସୀ ମାମଲାର ଯାଞ୍ଚ କରିବା ଲାଗି ଗଠନ ହୋଇପାରେ ଏକ୍ସପର୍ଟ କମିଟି । ସୁପ୍ରିମକୋର୍ଟ ଗଠନ କରିବେ ଏହି ଏକ୍ସପର୍ଟ କମିଟି। ଖୁବଶୀଘ୍ର ବିଶେଷଜ୍ଞ କମିଟି ସଦସ୍ୟଙ୍କ ନାମ ଘୋଷଣା କରାଯିବ ବୋଲି ଏକ ମାମଲାର ଶୁଣାଣି ବେଳେ ପ୍ରଧାନ ବିଚାରପତି ଜଷ୍ଟିସ ଏନ ଭି ରମଣା କହିଛନ୍ତି ।

ସୂଚନା ଅନୁସାରେ ଆସନ୍ତା ସପ୍ତାହରେ ବିଶେଷଜ୍ଞ କମିଟି ସମ୍ପର୍କରେ ବିସ୍ତୃତ ଭାବେ ଆଲୋଚନା କରାଯିବ। ଚଳିତ ସପ୍ତାହ ସୁଦ୍ଧା କମିଟି ଗଠନ ପାଇଁ ଆଲୋଚନା ହୋଇଥିଲା । ମାତ୍ର କମିଟି ପାଇଁ କେତେଜଣ ବିଶେଷଜ୍ଞଙ୍କ ସହ ଯୋଗାଯୋଗ କରାଯାଇଥିଲେ ବି ବ୍ୟକ୍ତିଗତ କାରଣ ଯୋଗୁ ସେମାନେ ଏହି କମିଟିରେ ସାମିଲ ହେବାକୁ ମନା କରିଦେଇଛନ୍ତି । ଯାହାଫଳରେ କମିଟି ଗଠନରେ ବିଳମ୍ବ ହେଉଛି ବୋଲି କହିଛନ୍ତି ପ୍ରଧାନ ବିଚାରପତି।

 

ଇସ୍ରାଏଲି ସ୍ପାଏଓ୍ବେର ପେଗାସସ୍ ଯୋଗେ ଦେଶର ବହୁ ପୁଞ୍ଜିପତି, ରାଜନେତା, ସାମ୍ବାଦିକ, ଆଇନଜୀବୀ ଏପରିକି ସୁପ୍ରିମକୋର୍ଟର କେତେଜଣ ବିଚାରପତିଙ୍କ ତଥ୍ୟ ଚୋରି ହୋଇଥିବା ଅଭିଯୋଗ ହୋଇଥିଲା । କେନ୍ଦ୍ର ସରକାର କମିଟି ଗଠନ କରି ଏହାର ଯାଞ୍ଚ କରିବାକୁ କୋର୍ଟଙ୍କୁ କହିଥିଲେ ବି ରାଷ୍ଟ୍ରର ସୁରକ୍ଷା ପାଇଁ ବିସ୍ତୃତ ସତ୍ୟପାଠ ଦାଖଲ କରିହେବ ନାହିଁ ବୋଲି କହିଥିଲେ । ଯାହାପରେ ସୁପ୍ରିମକୋର୍ଟ ବିଶେଷଜ୍ଞ କମିଟି ଗଠନ କରି ପିଟିସନର ଯାଞ୍ଚ କରିବାକୁ ନିଷ୍ପତ୍ତି ନେଇଛନ୍ତି ।