spot_img
Home Blog Page 5316

ଓଡ୍ରାଫ୍ ବୋଟ୍ ବୁଡ଼ି ଘଟଣାର ତଦନ୍ତ ଆରମ୍ଭ

0

କଟକ: ଓଡ୍ରାଫ ବୋଟ୍ ବୁଡ଼ି ଦୁର୍ଘଟଣାର ତଦନ୍ତ ଆରମ୍ଭ । ବୋଟରେ ଗଣମାଧ୍ୟମ ପ୍ରତିନିଧି ନଦୀ ଭିତରକୁ କିପରି ଗଲେ ତାର ତଦନ୍ତ ଆରମ୍ଭ ହୋଇଛି । ଘଟଣାସ୍ଥଳକୁ ଯାଇ ତଦନ୍ତ ଆରମ୍ଭ କରିଛନ୍ତି ଆଇନ ଶୃଙ୍ଖଳା ADG ଆର କେ ଶର୍ମା । ମୁଣ୍ଡଳିରେ ହାତୀକୁ ରେସକ୍ୟୁ ପାଇଁ ଗଲା ବେଳେ ପ୍ରଖର ସୁଅରେ ବୁଡି ଯାଇଥିଲା ବୋଟ । ବୋଟରେ ଦୁଇ ଜଣ ଗଣମାଧ୍ୟମ ପ୍ରତିନିଧି ଯାଇଥିଲେ । ଯେଉଁଥିରେ ଓଟିଭିର ପ୍ରତିନିଧି ଅରିନ୍ଦମ ଦାସଙ୍କ ମୃତ୍ୟୁ ହୋଇଯାଇଥିଲା । କ୍ୟାମେରାପର୍ସନ ପ୍ରଭାତ ସିହ୍ନା ଏବେ ଏସସିବିରେ ଚିକିତ୍ସିତ ହେଉଛନ୍ତି ।

ଏଥିସହିତ ପଢ଼ନ୍ତୁ: ହାତୀ ଉଦ୍ଧାର ବେଳେ ବୋଟ୍ ଓଲଟିବା ଘଟଣା, ଓଟିଭି ପ୍ରତିନିଧି ଅରିନ୍ଦମ ମୃତ

ରାଜ୍ୟର ଅଣ୍ଡାଦିଆ କୁକୁଡ଼ା ଚାଷୀଙ୍କୁ ପ୍ରାଣୀ ସମ୍ପଦ ବିଭାଗର ଅଣଦେଖା: ଚାଷୀଙ୍କୁ ମିଳିନି ସ୍ୱତନ୍ତ୍ର ସହାୟତା

ଭୁବନେଶ୍ୱର: ରାଜ୍ୟର ଅଣ୍ଡାଦିଆ କୁକୁଡ଼ା ଚାଷୀଙ୍କୁ ରାଜ୍ୟ ମତ୍ସ୍ୟ ଓ ପ୍ରାଣୀସମ୍ପଦ ବିଭାଗର ଅଣଦେଖା । କରୋନା ମାଡ଼ରେ କୁକୁଡ଼ା ଚାଷୀ ପ୍ରଭାବିତ ହୋଇଛନ୍ତି । ସ୍ୱତନ୍ତ୍ର ସହାୟତା ମିଳିନି । ରାଜ୍ୟର ଅଣ୍ଡା ଆବଶ୍ୟକତା ପୂରଣ ପାଇଁ କୁକୁଡ଼ା ଚାଷୀଙ୍କ କ୍ଷମତା ଥିବା ସତ୍ତ୍ୱେ ଅନ୍ୟ ରାଜ୍ୟର କୁକୁଡା ଚାଷୀଙ୍କୁ ଆମନ୍ତ୍ରଣ ନେଇ ମଧ୍ୟ ପ୍ରଶ୍ନ ଉଠିଛି । ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗର ଏଭଳି କାର୍ଯ୍ୟରେ ଅଲ ଓଡ଼ିଶା ଲେୟର୍ସ ଫାର୍ମର୍ସ ଆସୋସିଏସନସ ଅସନ୍ତୋଷ ପ୍ରକାଶ କରିଛି । ସେପଟେ ବିଭାଗୀୟ ମନ୍ତ୍ରୀ କହୁଛନ୍ତି, ଏ ନେଇ ସେ କିଛି ଜାଣିନାହାନ୍ତି । ଆଉ ବିଭାଗୀୟ ସଚିବ ଫୋନରେ ସବୁ ଶୁଣି ଏଡ଼ାଇ ଯାଉଛନ୍ତି ।

ମତ୍ସ୍ୟ ଓ ପ୍ରାଣୀସମ୍ପଦ ବିଭାଗର ଅନ୍ୟ ରାଜ୍ୟ ପ୍ରୀତି । ରାଜ୍ୟର ୧୫୦ରୁ ଅଧିକ ଅଣ୍ଡାଦିଆ କୁକୁଡ଼ା ଚାଷୀ ଅବହେଳିତ । ଅନ୍ୟ ରାଜ୍ୟର ଚାଷୀଙ୍କୁ କାହିଁକି ଆମନ୍ତ୍ରଣ ? ୨ ବର୍ଷ ହେଲା ମହାମାରୀ ମାଡ଼ରେ କୁକୁଡ଼ା ଚାଷୀମାନେ ବିପୁଳ କ୍ଷତିଗ୍ରସ୍ତ ହେଲେଣି । ସ୍ୱତନ୍ତ୍ର ସହାୟତା ମାଗିଲେ ବି ମିଳୁନି । ଅନ୍ୟପଟେ ଅନ୍ୟ ରାଜ୍ୟର ଲୋକଙ୍କୁ ଓଡ଼ିଶାରେ କୁକୁଡ଼ା ଫାର୍ମ ପ୍ରତିଷ୍ଠା କରିବାକୁ ବିଭାଗ ଆମନ୍ତ୍ରଣ କରୁଛି । ଏନେଇ ଅଲ ଓଡ଼ିଶା ଲେୟର୍ସ ଫାର୍ମର୍ସ ଆସୋସିଏସନସ ତୀବ୍ର ଅସନ୍ତୋଷ ପ୍ରକାଶ କରିଛି । ଅଣ୍ଡା ଓ କୁକୁଡ଼ା ଉତ୍ପାଦନରେ ସ୍ବାବଲମ୍ବୀ ହେବା ପାଇଁ ରାଜ୍ୟରେ ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା କାର୍ଯ୍ୟକାରୀ ହେଉଛି । ହେଲେ ମୁଖ୍ୟମନ୍ତ୍ରୀଙ୍କ ଯୋଜନାର ଲାଭ ରାଜ୍ୟର କୁକୁଡ଼ା ଚାଷୀଙ୍କୁ ମିଳିବା ତ ଦୂର କଥା, ଅଣ୍ଡା ଉତ୍ପାଦନ କରୁଥିବା ଫାର୍ମ ମାଲିକଙ୍କ ଜୀବିକା ବନ୍ଦ କରିବା ପାଇଁ ମତ୍ସ୍ୟ ଓ ପ୍ରାଣୀସମ୍ପଦ ବିଭାଗ ବାଟ ବାହାର କରିଛି ।

ରାଜ୍ୟରେ କୁକୁଡ଼ା ଅଣ୍ଡା ଉତ୍ପାଦନ ବୃଦ୍ଧି ପାଇଁ ଅଣ୍ଡାଦିଆ କୁକୁଡା ଚାଷୀ ସଂଘ ପୂର୍ବରୁ ଏକାଧିକ ଥର ବିଭାଗୀୟ କର୍ତ୍ତୃପକ୍ଷଙ୍କୁ ସାକ୍ଷାତ କରି ଦାବି ଜଣାଇଛି । ସ୍କୁଲ ପିଲାମାନଙ୍କ ମଧ୍ୟାହ୍ନ ଭୋଜନରେ ୨ଟି ଅଣ୍ଡା ବଦଳରେ ୫ଟି ଅଣ୍ଡା , କୁକୁଡ଼ାଙ୍କ ରକ୍ତ ନମୁନା ଓ ଖାଦ୍ୟ ପରୀକ୍ଷା ପାଇଁ ଅତ୍ୟାଧୁନିକ ଲାବ୍‌ ପ୍ରତିଷ୍ଠା, ଆନ୍ଧ୍ର ଭଳି କୁକୁଡ଼ା ବିଶେଷଜ୍ଞଙ୍କୁ ନିଯୁକ୍ତି ଦେବା ପାଇଁ ୬ ଦଫା ଦାବି କରିଛି ସଂଘ। କିନ୍ତୁ ଦାବି ପୂରଣ ହେଉନି । କୁକୁଡ଼ା ଫାର୍ମ ପ୍ରତିଷ୍ଠା ପାଇଁ ପ୍ରାରମ୍ଭିକ ପର୍ଯ୍ୟାୟରେ ସରକାରୀ ସବସିଡି ମିଳୁଥିଲେ ବି ସଂପ୍ରସାରଣ ପାଇଁ ଆଉ ବିଭାଗ ଶୁଣୁନି । ରାଜ୍ୟରେ ଏବେ ଦୈନିକ ୧ କୋଟି ଅଣ୍ଡା ଆବଶ୍ୟକ ପଡ଼ୁଛି । ରାଜ୍ୟର ୧୫୬ ଅଣ୍ଡା ଉତ୍ପାଦନକାରୀ ଫାର୍ମ ଦୈନିକ ୯୨ ଲକ୍ଷ ଅଣ୍ଡା ଉତ୍ପାଦନ କରୁଛନ୍ତି । ହେଲେ କୁକୁଡ଼ା ଚାଷୀଙ୍କ ପ୍ରତି ବିଭାଗୀୟ ମନ୍ତ୍ରୀ ଓ ଅଧିକାରୀଙ୍କର ତିଳେ ମାତ୍ର ଦରଦ ନାହିଁ । ଓଡ଼ିଶାରେ ଅଣ୍ଡାଦିଆ କୁକୁଡ଼ା ଫାର୍ମ ପ୍ରତିଷ୍ଠା ପାଇଁ ଅନ୍ୟ ରାଜ୍ୟର ଉଦ୍ୟୋଗୀଙ୍କୁ ଆମନ୍ତ୍ରଣ କରିବାକୁ ଗତ ୩ ତାରିଖରେ ପ୍ରାଣୀସମ୍ପଦ ନିର୍ଦ୍ଦେଶକଙ୍କୁ ବିଭାଗୀୟ ସ୍ବତନ୍ତ୍ର ଶାସନ ସଚିବ ଚିଠି ଲେଖିଥିଲେ । ଏହାପରେ ପ୍ରାଣୀସମ୍ପଦ ନିର୍ଦ୍ଦେଶକ ଗତ ୧୬ ତାରିଖରେ ପଶ୍ଚିମବଙ୍ଗ କୁକ୍କୁଟ ଫେଡେରେସନ୍‌ ସଭାପତିଙ୍କୁ ଆସନ୍ତା ୨୮ ତାରିଖ କର୍ମଶାଳାରେ ଯୋଗଦେବାକୁ ଆମନ୍ତ୍ରଣ କରିଛନ୍ତି । ଯାହାକୁ ନେଇ ଅଲ ଓଡ଼ିଶା ଲେୟର୍ସ ଫାର୍ମର୍ସ ଆସୋସିଏସନସ ତୀବ୍ର ଅସନ୍ତୋଷ ପ୍ରକାଶ କରିଛି ।

ଅନ୍ୟ ରାଜ୍ୟର ଫାର୍ମମାନଙ୍କୁ ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗ ଆମନ୍ତ୍ରଣ କରୁଛି । ଅଥଚ ରାଜ୍ୟର କୁକୁଡ଼ା ଚାଷୀଙ୍କୁ ଅବଗତ କରାଯାଇନାହିଁ । ପଡ଼ୋଶୀ ରାଜ୍ୟର କୁକୁଡ଼ା ଚାଷୀ ସଂଘ ଓଡ଼ିଶାର ଚାଷୀଙ୍କୁ ଚିଠି ସମ୍ପର୍କରେ ବିସ୍ତୃତ ତଥ୍ୟ ଦେଇଛନ୍ତି । ଏନେଇ ଓଡ଼ିଶାର ଫାର୍ମ ମାଲିକ କ୍ଷୋଭ ପ୍ରକାଶ କରିଛନ୍ତି । ରାଜ୍ୟ ସରକାରଙ୍କ ମତ୍ସ୍ୟ ଓ ଅଣ୍ଡା ଉତ୍ପାଦନ ନୀତି ୨୦୧୫ ଅନୁଯାୟୀ ରାଜ୍ୟରେ ୨୦୨୦ ସୁଦ୍ଧା ଦୈନିକ ୧ କୋଟି ଅଣ୍ଡା ଉତ୍ପାଦନ ପାଇଁ ଲକ୍ଷ୍ୟ ଧାର୍ଯ୍ୟ ହୋଇଥିଲା । ୨୦୨୧ ଶେଷସୁଦ୍ଧା ରାଜ୍ୟର ଚାଷୀମାନେ ୧ କୋଟିରୁ ଅଧିକ ଅଣ୍ଡା ଉତ୍ପାଦନ କରିବା ପାଇଁ ସମର୍ଥ ହେବେ । ଏବେ ଅନ୍ୟ ରାଜ୍ୟର ଉଦ୍ୟୋଗୀମାନଙ୍କୁ ଡାକିବା ଯୋଜନା ବନ୍ଦ କରିବାକୁ ସରକାରଙ୍କୁ ଅଲ ଓଡ଼ିଶା ଲେୟର୍ସ ଫାର୍ମର୍ସ ଆସୋସିଏସନସ ଅନୁରୋଧ କରିଛି । ରାଜ୍ୟ କୁକୁଡ଼ା ଚାଷୀଙ୍କ ଅଭିଯୋଗ ନେଇ ବିଭାଗୀୟ ମନ୍ତ୍ରୀଙ୍କ ସହ ଯୋଗାଯୋଗ କରାଯାଇଥିଲା । କିନ୍ତୁ ସେ ଏ ସମ୍ପର୍କରେ କିଛି ଜାଣିନଥିବା କହିଛନ୍ତି । ସେପଟେ ବିଭାଗୀୟ ସଚିବ ଫୋନରେ ସବୁ କଥା ଶୁଣିବା ପରେ ଅଚାନକ ଫୋନକୁ ବିଜି କରିଦେଇଥିଲେ ।

ରାଜ୍ୟସ୍ତରୀୟ ବ୍ୟାଙ୍କର୍ସ କମିଟି ବୈଠକ: ପ୍ରତି କ୍ଷେତ୍ରର ବିକାଶ ନେଇ ବ୍ୟାଙ୍କଗୁଡ଼ିକ ପକ୍ଷରୁ ଋଣ ପ୍ରଦାନ ଉପରେ ଅର୍ଥମନ୍ତ୍ରୀଙ୍କ ଗୁରୁତ୍ୱ

0

ଭୁବନେଶ୍ୱର: କରୋନା ମହାମାରୀ ଯୋଗୁଁ ଜୀବନ ଓ ଜୀବିକା କ୍ଷେତ୍ରରେ ନକାରାତ୍ମକ ପ୍ରଭାବ ପଡ଼ିଥିଲା । କ୍ରମଶଃ ରାଜ୍ୟ ଆର୍ଥିକ ଅଭିବୃଦ୍ଧି ଆଡ଼କୁ ଗତି କରୁଛି । ସାମାଜିକ ଭିତ୍ତିଭୂମିର ପ୍ରତି କ୍ଷେତ୍ରରେ ବିକାଶ ପାଇଁ ବ୍ୟାଙ୍କଗୁଡ଼ିକ ଋଣ ପ୍ରଦାନ ପାଇଁ ଆଗେଇ ଆସିବାର ଆବଶ୍ୟକତା ରହିଛି ବୋଲି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଆଜି ୧୬୪ତମ ରାଜ୍ୟସ୍ତରୀୟ ବ୍ୟାଙ୍କର୍ସ କମିଟି ବୈଠକରେ ଯୋଗଦେଇ ମତବ୍ୟକ୍ତ କରିଛନ୍ତି ।

ପ୍ରାୟତଃ ଦୁଇ ବର୍ଷ ପରେ ବ୍ୟାଙ୍କଗୁଡ଼ିକ କାର୍ଯ୍ୟ ପ୍ରକ୍ରିୟା ସମୀକ୍ଷା ପାଇଁ ସମସ୍ତଙ୍କ ଉପସ୍ଥିତିରେ ବୈଠକ ଡକାଯାଇଥିବାରୁ ଏସ୍ଏଲବିସି ଆବାହକଙ୍କୁ ମନ୍ତ୍ରୀ ପୂଜାରୀ ଧନ୍ୟବାଦ ଜଣାଇଥିଲେ ଏବଂ କୋଭିଡ ମାର୍ଗଦର୍ଶିକାର ଉପଯୁକ୍ତ ଅନୁପାଳନ ଓ ଟିକାକରଣ ପ୍ରକ୍ରିୟା ଯୋଗୁଁ ଓଡ଼ିଶା କୋଭିଡ ସଂକ୍ରମଣ ପ୍ରତିହତ କରିବାରେ ଏକ ଅଗ୍ରଣୀ ରାଜ୍ୟ ବୋଲି ପ୍ରକାଶ କରିଥିଲେ  । ସେ ଆହୁରି କହିଥିଲେ ଯେ, ରାଜ୍ୟ ସରକାରଙ୍କ ସମସ୍ତ ଯୋଜନାକୁ ହିତାଧିକାରୀମାନଙ୍କ ପାଖରେ ପହଞ୍ଚାଇ ଆର୍ଥିକ ଅନ୍ତର୍ଭୁକ୍ତିକରଣ ମାଧ୍ୟମରେ ଅଭିବୃଦ୍ଧି ପାଇଁ ସର୍ବଦା ବ୍ୟାଙ୍କଗୁଡ଼ିକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାନ୍ତି । ସବୁଦାୟ ଗ୍ରାମପଞ୍ଚାୟତର ଦୁଇ-ତୃତୀୟାଂଶ ଗ୍ରାମପଞ୍ଚାୟତରେ ସ୍ଥାୟୀ ବ୍ୟାଙ୍କ ଶାଖା ନାହିଁ । ଚଳିତ ଆର୍ଥିକ ବର୍ଷରେ ଏ ଦିଗରେ ମୁଖ୍ୟ ଶାଖା ବ୍ୟାଙ୍କଗୁଡ଼ିକ ତୁରନ୍ତ ପଦକ୍ଷେପ ନେବା ପାଇଁ ମନ୍ତ୍ରୀ ଶ୍ରୀ ପୂଜାରୀ କହିଥିଲେ ।

            ଆଜିର ଏହି ବୈଠକରେ ଯୋଗଦେଇ ଅର୍ଥ ବିଭାଗ ପ୍ରମୁଖ ଶାସନ ସଚିବ ବିଶାଲ ଦେବ ଚଳିତ ବର୍ଷ ସମସ୍ତ ବ୍ୟାଙ୍କ ୧ଲକ୍ଷ ୧୦ ହଜାର କୋଟି ଟଙ୍କାରୁ ଅଧିକ ଋଣ ପ୍ରଦାନ କରି ବାର୍ଷିକ ଋଣ ଯୋଜନା କ୍ଷେତ୍ରରେ ଥିବ ଲକ୍ଷ୍ୟ ହାସଲ କରିବାକୁ କହିଥିଲେ । ରାଜ୍ୟ ସରକାର କୃଷକ , ମହିଳା ସ୍ୱୟଂ ସହାୟକ ଗୋଷ୍ଠୀ ଏବଂ କ୍ଷୁଦ୍ର ଓ ମଧ୍ୟମ ଉଦ୍ୟୋଗକୁ ଋଣ ପ୍ରଦାନକୁ ସର୍ବଦା ପ୍ରାଥମିକତା ଦେଇଆସିଛନ୍ତି । ଜିଲ୍ଲାପାଳମାନଙ୍କ ସହିତ ସମନ୍ୱୟ ରକ୍ଷା କରି ମୁଖ୍ୟ ବ୍ୟାଙ୍କଗୁଡ଼ିକ ଲକ୍ଷ୍ୟ ହାସଲ ଦିଗରେ କାର୍ଯ୍ୟ କରୁଛନ୍ତି । ରାଜ୍ୟର ନଗଦ ଜମା ଅନୁପାତ ୬୧.୬୧ ପ୍ରତିଶତ ରହିଥିବା ବେଳେ ବ୍ୟାଙ୍କଗୁଡ଼ିକ ଖୁବ ଶୀଘ୍ର ଏହାକୁ ୬୫ରୁ୭୦ ପ୍ରତିଶତକୁ ବୃଦ୍ଧି କରିବା ଦିଗରେ କାର୍ଯ୍ୟକରିବାର ଆବଶ୍ୟକତା ରହିଛି  । ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଋଣ ଯୋଗାଉଥିବା ସର୍ବୋତ୍କୃଷ୍ଟ ବ୍ୟାଙ୍କ ଶାଖାଗୁଡ଼ିକୁ ୨୦୨୦-୨୧ ବର୍ଷ ପାଇଁ ଚୟନ କରାଯାଇ ମୁଖ୍ୟମନ୍ତ୍ରୀ ପୁରସ୍କାର ସମ୍ମାନରେ ସମ୍ମାନିତ କରାଯିବ  । ବିଶେଷ କରି ଅଣୁ , କ୍ଷୁଦ୍ର ଓ ମଧ୍ୟମ ଉଦ୍ୟୋଗ ଓ ମହିଳା ସ୍ୱୟଂ ସହାୟକ ଗୋଷ୍ଠୀଙ୍କ କ୍ଷେତ୍ରରେ ଅଧିକ ଋଣ ପ୍ରଦାନ କରିଥିବା ବ୍ୟାଙ୍କଗୁଡ଼ିକୁ ଏହି ପୁରସ୍କାର ପ୍ରଦାନ କରାଯିବ ବୋଲି ଶ୍ରୀ ଦେବ କହିଥିଲେ । ପ୍ରତି ସ୍ୱୟଂ ସହାୟକ ଗୋଷ୍ଠୀଙ୍କୁ ଗତ ବର୍ଷରେ ୨ଲକ୍ଷ ୫ହଜାର ଟଙ୍କାର ଋଣ ପ୍ରଦାନ କରାଯାଇଥିଲା । ଏହାକୁ ତିନି ଲକ୍ଷ ଟଙ୍କାକୁ ବୃଦ୍ଧି କରିବା ନିମନ୍ତେ ଅର୍ଥ ସଚିବ ଶ୍ରୀ ଦେବ ପ୍ରସ୍ତାବ ଦେଇଥିଲେ ।

୫ଦିନିଆ ଦିଲ୍ଲୀ ଗସ୍ତରେ ମୁଖ୍ୟମନ୍ତ୍ରୀ: ବିଭିନ୍ନ କେନ୍ଦ୍ରମନ୍ତ୍ରୀଙ୍କୁ ଭେଟି ରାଜ୍ୟର ନ୍ୟାଯ୍ୟ ଦାବି ଦୋହରାଇବେ

ନୂଆଦିଲ୍ଲୀ/ଭୁବନେଶ୍ୱର: ରାଜ୍ୟକୁ ମିଳିବ ହକ୍‌ । ୫ ଦିନିଆ ଦିଲ୍ଲୀ ଗସ୍ତରେ ମୁଖ୍ୟମନ୍ତ୍ରୀ । ଆସନ୍ତା ୨୬ ତାରିଖରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଅଧ୍ୟକ୍ଷତାରେ ବସୁଥିବା ମାଓ ମୁକାବିଲା ବୈଠକରେ ଯୋଗଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବୈଠକରେ ମାଓ ମୁକାବିଲା ପାଇଁ କେନ୍ଦ୍ରୀୟ ସହାୟତା ସହ କେନ୍ଦ୍ରୀୟ ଅଂଶଧନ ବାବଦକୁ ଥିବା ବକେୟା ଟଙ୍କା ଦେବା ପାଇଁ କେନ୍ଦ୍ରର ଦୃଷ୍ଟି ଆକର୍ଷଣ କରିବେ ମୁଖ୍ୟମନ୍ତ୍ରୀ । ରାଜ୍ୟର ନ୍ୟାଯ୍ୟ ଦାବି ହାସଲ କରିବା ପାଇଁ ଏହି ଗସ୍ତ ସମୟରେ ବିଭିନ୍ନ କେନ୍ଦ୍ରମନ୍ତ୍ରୀଙ୍କୁ ଭେଟି ନବୀନ ଦାବି ଦୋହରାଇବେ । ଯାହାକୁ ନେଇ ସରଗରମ ରାଜ୍ୟ ରାଜନୀତି ।

୨୬ରେ ବସିବ ସ୍ୱରାଷ୍ଟ୍ର ମନ୍ତ୍ରଣାଳୟର ମାଓଦମନ ରଣନୀତି ନେଇ ବୈଠକ । ଦେଶରୁ ଉଗ୍ରବାଦ ମୂଳପୋଛ ପାଇଁ କେନ୍ଦ୍ର ଓ ରାଜ୍ୟ ମଧ୍ୟରେ ହେଉଥିବା ଏହି ଗୁରୁତ୍ୱପୂର୍ଣ୍ଣ  ବୈଠକରେ ମୁଖ୍ୟମନ୍ତ୍ରୀ ସାମିଲ ହୋଇ ରଖିବେ ମୁକାବିଲାରେ ସଫଳତାର ମନ୍ତ୍ର । ରାଜ୍ୟର ୫ଟି ଜିଲ୍ଲାରେ ମାଓ ହିଂସା ହ୍ରାସ ହୋଇଥିବା ବେଳେ ମାଓ ଅଞ୍ଚଳର ବିକାଶ ପାଇଁ ରାଜ୍ୟ ସରକାର କି ପଦକ୍ଷେପ ନେଇଛନ୍ତି ସେ ବିଷୟରେ କେନ୍ଦ୍ରକୁ ଅବଗତ କରାଇବେ ନବୀନ । ଏହାସହ କେନ୍ଦ୍ରୀୟ ବକେୟା ଅର୍ଥ ଦେବା ପାଇଁ ଦାବି କରିବେ । ପାଖପାଖି ୨୯୦୭କୋଟି ବକେୟା ଟଙ୍କା ପ୍ରଦାନ ପାଇଁ ଦାବି କରିବେ ମୁଖ୍ୟମନ୍ତ୍ରୀ । କେବଳ ସେତିକି ନୁହେଁ, କେନ୍ଦ୍ରୀୟ ଅଂଶଧନ ବାବଦରେ ରାଜ୍ୟର ହକ୍ ବାବଦରେ ବକେୟା ରହିଥିବା ଅର୍ଥକୁ ଦେବା ପାଇଁ ଦାବି ମଧ୍ୟ କରିବେ ମୁଖ୍ୟମନ୍ତ୍ରୀ । ସଂଘୀୟ ବ୍ୟବସ୍ଥାରେ କେନ୍ଦ୍ର ସରକାର ଏହି ଦାବିକୁ ତୁରନ୍ତ ପୁରଣ କରିବା ଦରକାର ବୋଲି ଶାସକ ବିଜେଡି କହିଛି  ।

ଏଥିସହିତ ପଢ଼ନ୍ତୁ: ରିପୋର୍ଟର ଅରିନ୍ଦମ ଦାସଙ୍କ ଅକାଳ ବିୟୋଗରେ ମୁଖ୍ୟମନ୍ତ୍ରୀଙ୍କ ସମେତ ଅନ୍ୟ ବିଶିଷ୍ଟ ବ୍ୟକ୍ତି ବିଶେଷଙ୍କ ଶୋକ

ସେପଟେ ୭ ବର୍ଷ ଭିତରେ ୩୩ଟି କେନ୍ଦ୍ରୀୟ ପ୍ରବର୍ତ୍ତିତ ଯୋଜନାର ଅର୍ଥକାଟ ହେବା ସହ ୮ଟି ଯୋଜନାକୁ ସମ୍ପୂର୍ଣ୍ଣ ବନ୍ଦ କରିଛନ୍ତି କେନ୍ଦ୍ର ସରକାର । ୯୦- ୧୦ ଅନୁପାତର ଅଂଶଧନ ଏବେ ୫୦ -୫୦ପ୍ରତିଶତରେ ପହଞ୍ଚିଲାଣି । ସେପଟେ କଂଗ୍ରେସ କହିଛି ରାଜ୍ୟର ବକେୟା ପଡିଥିବା ଟଙ୍କା କିପରି କେନ୍ଦ୍ର ତୁରନ୍ତ ଦେବ ସେ ନେଇ ମୁଖ୍ୟମନ୍ତ୍ରୀ କେନ୍ଦ୍ର ନିକଟରେ ଦାବି ଜୋରଦାର କରନ୍ତୁ । ଏହାସହ କେନ୍ଦ୍ର ତୁରନ୍ତ କେନ୍ଦ୍ରୀୟ ଅଂଶଧନ ଓ ବକେୟା ଅର୍ଥ ଦେବା ପାଇଁ ଦଳ ଦାବି କରିଛି । ସେପଟେ ଏହି ପ୍ରସଙ୍ଗରେ ବିଜେପି ଚିରାଚରିତ ଢଙ୍ଗରେ ପ୍ରତିକ୍ରିୟା ରଖିଛି ।  ୫ଦିନିଆ ଦିଲ୍ଲୀ ଗସ୍ତ ସମୟରେ ମୁଖ୍ୟମନ୍ତ୍ରୀ କୋଇଲା ସେସ୍ ବାବଦକୁ ଅର୍ଥ, ଜିଏସଟି ବକେୟା, ସାର ବିହନ ଯୋଗାଣ, ଧାନକିଣା ସବସିଡି, ରେଳବାଇ କ୍ଷେତ୍ରରେ ଓଡିଶାର ହକ୍‌କୁ ଦୋହରାଇବେ ।

ପୁରୁଣା ବାଇକ୍‌କୁ ଇ-ବାଇକ୍‌ର ରୂପ ଦେଇଛନ୍ତି ରାଉରକେଲାର ମେକାନିକ୍: ଥରେ ଚାର୍ଜ କଲେ ଗଡ଼ୁଛି ୮୦ କିମି

ରାଉରକେଲା ଗ୍ୟାରେଜ୍ ମିସ୍ତ୍ରୀଙ୍କ ଅଭିନବ ଉଦ୍ୟମ । ନିଜର ପ୍ରଚେଷ୍ଟାରେ ତିଆରି କଲେ ଇ-ବାଇକ୍ । ମାତ୍ର ୩୬ ହଜାର ଟଙ୍କା ଖର୍ଚ୍ଚରେ ଏକ ପୁରୁଣା ବାଇକକୁ ଗଣେଶ ପ୍ରଜାପତି ଦେଇଛନ୍ତି ଇ- ବାଇକରେ ରୂପ । ଥରେ ବ୍ୟାଟେରୀ ଚାର୍ଜ କଲେ ୮୦ କିଲୋମିଟର ଯାତ୍ରା କରୁଛି ଏହି ବାଇକ । ଯାହାକୁ ନେଇ ଅଞ୍ଚଳରେ ଚର୍ଚ୍ଚା ।

ଗ୍ୟାରେଜ୍ ମିସ୍ତ୍ରୀଙ୍କ ଅଭିନବ ଉଦ୍ୟମ । ନିଜସ୍ବ ପ୍ରଚେଷ୍ଟାରେ ତିଆରି କଲେ ଇ-ବାଇକ୍ । ଅଚଳ ବାଇକକୁ ଦୁଇହଜାର ଟଙ୍କାରେ କିଣି ତାକୁ ଇ-ବାଇକରେ ପରିଣତ କରିଛନ୍ତି ଗ୍ୟାରେଜ୍ ମିସ୍ତ୍ରୀ ଗଣେଶ ପ୍ରଜାପତି । ରାଉରକେଲାର ଗଣେଶ ମାତ୍ର 36 ହଜାର ଟଙ୍କା ଖର୍ଚ୍ଚକରି ବ୍ୟାଟେରୀ ସହିତ BL DC ମଟର ଲଗାଇ ଏହି ବାଇକ୍ ନିର୍ମାଣ କରିଛନ୍ତି । ବ୍ୟାଟେରୀ ଦ୍ବାର ଏହି ବାଇକ ଘଣ୍ଟାକୁ 40 କିଲୋମିଟର ବେଗରେ ଗତି କରୁଥିବା ବେଳେ ଥରେ ଚାର୍ଜ କଲେ 80 କିଲୋମିଟର ଯାତ୍ରା କରି ପାରୁଛି ।

ବାଇକକୁ ଇ-ବାଇକରେ ପରିଣତ କରିବା ପରେ ଅନେକ ଗ୍ରାହକ ସେମାନଙ୍କ ଗାଡ଼ିକୁ ବ୍ୟାଟେରୀ ସଂଯୋଗ କରିବାକୁ ଗଣେଶଙ୍କ ନିକଟରୁ ଆଣିଛନ୍ତି । ମାତ୍ର ପଞ୍ଚମ ଶ୍ରେଣୀରେ ପଢିଥିବା ଗଣେଶଙ୍କ ଏପରି ଉଦ୍ୟମକୁ ବିଭିନ୍ନ ମହଲରୁ ପ୍ରଶଂସା କରାଯାଇଛି । ବାଇକ୍ ପରେ ଏବେ ଅନ୍ୟଏକ ସ୍କୁଟିକୁ ବ୍ୟାଟେରୀ ସଂଯୋଗ କରିବାକୁ ଗଣେଶ ଉଦ୍ୟମ ଜାରି ରଖିଥିବାବେଳେ ୮ଟି ବାଇକ ମାଲିକ ସେମାନଙ୍କ ବାଇକକୁ ଇ-ବାଇକ୍ କରିବାକୁ ଅର୍ଡର ଦେଇଛନ୍ତି ।

ମୁଣ୍ଡଳୀରେ ବୋଟ୍ ଓଲଟିବା ଘଟଣା: ଏବେ ବି ନିଖୋଜ ଓଡ୍ରାଫ୍ ଟିମ ସଦସ୍ୟ ସୀତାରାମ ମୁର୍ମୁ

0

କଟକ: ମହାନଦୀ ମୁଣ୍ଡଳୀରେ ହାତୀ ଉଦ୍ଧାର ସମୟରେ ଭାସି ଯାଇଥିବା ଓଡ୍ରାଫ ଟିମର ସଦସ୍ୟ ସୀତାରାମ ମୁର୍ମୁ ଏବେବି ନଖୋଜ ଅଛନ୍ତି । ସୀତାରାମଙ୍କୁ ଖୋଜା ଚାଲିଛି । ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛନ୍ତି ଓଡ୍ରାଫ ଓ ଏନଡିଆରଏଫ୍ ଟିମ । ଓଡ୍ରାଫ ବୋଟରେ ଉଦ୍ଧାରକାରୀ ସଦସ୍ୟଙ୍କ ସହ ଯାଇଥିଲେ ସୀତାରାମ । ହେଲେ ଦୁର୍ଭାଗ୍ୟବସତଃ ବୋଟ୍ ଓଲଟି ପଡିଥିଲା । ଏହି ସମୟରେ ସୁଅରେ ଭାସି ଯାଇଥିଲେ ସୀତାରାମ । ଏବେ ବି ତାଙ୍କୁ ଖୋଜୁଛି ଉଦ୍ଧାରକାରୀ ଦଳ ।

ସୂଚନା ଯୋଗ୍ୟ, ହାତୀ ଉଦ୍ଧାର ବେଳେ ବୋଟ୍ ଓଲଟି ଯାଇଥିଲା । ବୋଟ୍ ଓଲଟିବା ପରେ ଭାସି ଯାଇଥିବା ଓଟିଭି ପ୍ରତିନିଧି ଅରିନ୍ଦମ ଦାସଙ୍କ ଅକାଳ ବିୟୋଗ ହୋଇଛି । ଏନେଇ ସୂଚନା ଦେଇଛନ୍ତି ଏସସିବି ଜରୁରୀକାଳୀନ ଅଧିକାରୀ । ବୋଟ୍ ଓଲଟିବା ପରେ ଓଡ୍ରାଫ୍ ଟିମ୍ ସହ ଘରୋଇ ଟିଭି ଚ୍ୟାନେଲର ପ୍ରତିନିଧି ଓ କ୍ୟାମେରାମ୍ୟାନ ଭାସି ଯାଇଥିଲେ । ଭାସିଯିବାର କିଛି ସମୟ ପରେ ଖୋଜାଖୋଜି ଆରମ୍ଭ ହୋଇଥିଲା । ଦେଶୀ ଡଙ୍ଗାରେ ଅରିନ୍ଦମଙ୍କୁ ମୁର୍ମୁଷୁ ଅବସ୍ଥାରେ ଉଦ୍ଧାର କରାଯାଇଥିଲା । ୪ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଏସସିବିରେ ଭର୍ତ୍ତି କରାଯାଇଥିଲା । ୨ ଗଣମାଧ୍ୟମ ପ୍ରତିନିଧିଙ୍କ ଅବସ୍ଥା ଗୁରୁତର ରହିଥିଲା । ଅରିନ୍ଦମଙ୍କ ଅକାଳ ମୃତ୍ୟୁ ହୋଇଛି । ଏ ବେବି ଓଡ୍ରାଫ୍ ଟିମର ଅନ୍ୟ ଜଣେ ସଦସ୍ୟ ନିଖୋଜ ଅଛନ୍ତି । ନିଖୋଜ ମୁର୍ମୁଙ୍କୁ ଓଡ୍ରାଫ୍ ସହ ଏନଡିଆରଏଫ୍ ଟିମ୍ ଖୋଜାଖୋଜି କରୁଛନ୍ତି ।

ଏଥିସହିତ ପଢ଼ନ୍ତୁ: ରିପୋର୍ଟର ଅରିନ୍ଦମ ଦାସଙ୍କ ଅକାଳ ବିୟୋଗରେ ମୁଖ୍ୟମନ୍ତ୍ରୀଙ୍କ ସମେତ ଅନ୍ୟ ବିଶିଷ୍ଟ ବ୍ୟକ୍ତି ବିଶେଷଙ୍କ ଶୋକ

କମଲା ହାରିସଙ୍କୁ ଗୋଲାପୀ ମିନାକାରୀ ଚେସ୍ ଉପହାର ଦେଲେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ: ଆମେରିକା ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।  ଶୁକ୍ରବାର ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି କମଲା ହାରିସଙ୍କୁ ଭେଟଛନ୍ତି  । ଆମେରିକା ଉପ ରାଷ୍ଚ୍ରପତିଙ୍କ ସହ ଭେଟ ହେବା ସହ ପ୍ରଧାନମନ୍ତ୍ରୀ ମୋଦି ବିଶେଷ ଉପହାର ମଧ୍ୟ ପ୍ରଦାନ କରିଛନ୍ତି  ।   ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରାଷ୍ଟ୍ରପତି ହାରିସଙ୍କୁ ତାଙ୍କ ଜେଜେ ପିଭି ଗୋପାଲନଙ୍କ ସହ ଜଡିତ କିଛି ପୁରୁଣା ସୂଚନାର ପାଣ୍ଡୁଲିପି ଦେଇଛନ୍ତି । ଏହା ଖାସ ପ୍ରକାରର ହସ୍ତଶିଳ୍ପ ଫ୍ରେମରେ ସଜାଯାଇଛି ।

କେବଳ ସେତିକି ନୁହେଁ, ଗୋଲାପୀ ମିନାକାରୀର ଏସ ଚେସ୍‌ ସେଟ୍‌ ଉପରାଷ୍ଟ୍ରପତି ହାରିସଙ୍କୁ ଉପହାର ଦେଇଛନ୍ତି ମୋଦି । ଗୋଲାପୀ ମିନାକାରୀ କଳାକୃତି ଶିଳ୍ପ ଦୁନିଆର ସବୁଠୁ ପୁରୁଣା ସହର କାଶୀ ସହ ଜଡିତ । କାଶୀ ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସଂସଦୀୟ କ୍ଷେତ୍ର । ଚେସ୍‌ର ଏହି ସେଟ୍‌ରେ ପ୍ରତ୍ୟେକ ଗୋଟିକୁ ସୂକ୍ଷ୍ମ ଭାବରେ ହାତରେ ପ୍ରସ୍ତୁତ କରାଯାଇଛି । ଏଥିରେ କାଶୀର ଜୀବନ୍ତ ଝଲକ ଦେଖିବାକୁ ମିଳିଛି ।

ସୁବର୍ଣ୍ଣପୁର ସନ୍ଦୀପ ସାହୁ ହତ୍ୟା ଘଟଣାରେ ୩ ଅଭିଯୁକ୍ତ ଗିରଫ

ସୁବର୍ଣ୍ଣପୁର: ବିନିକା ସହରର ସନ୍ଦୀପ ସାହୁ ହତ୍ୟା ଘଟଣାର ପର୍ଦ୍ଦଫାସ କରିଛି ସୁବର୍ଣ୍ଣପୁର ଜିଲ୍ଲା ପୋଲିସ । ଘଟଣାରେ ୩ଜଣ ଅଭିଯୁକ୍ତଙ୍କୁ ଗିରଫ କରିଛି । ଅଭିଯୁକ୍ତ ମାନେ ହେଲେ ବିନିକା ସହରର କାର୍ତ୍ତିକ ନାଗ, ନେନ୍ଦ୍ର କୁମାର ବେହେରା ଓ ଉଲୁଣ୍ଡା ବ୍ଲକର ଦିବ୍ୟ ଜଗଦଲା ବୋଲି ଜଣାପଡ଼ିଛି । ଗତ ୧୪ତାରିଖରୁ ବିନିକା ସହରର ସନ୍ଦୀପଙ୍କ ଘରୁ ନିଖୋଜ ଥିବା ପରିବାର ଲୋକେ ବିନିକା ଥାନାରେ ଅଭିଯୋଗ କରିଥିଲେ । ଏସମ୍ପର୍କରେ ବିନିକା ପୋଲିସ ଅନୁସନ୍ଧାନ ଜାରି ରଖିଥିବା ବେଳେ ହଠାତ ୧୮ତାରିଖ ଦିନ ଏକ ଶବ ବୈଦ୍ଧ ଜିଲ୍ଲା ଜହ୍ନାପଙ୍କ ମହାନଦୀ ଘାଟରେ ଲାଗିଥିଲା । ପରେ ଏହାକୁ ସୋନପୁର ପୋଲିସ ସନ୍ଦିପର ଶବ ବୋଳି ଚିହ୍ନଟ କରି ଶବ ବ୍ୟବଚ୍ଛେଦ କରିଥିବା ବେଳେ ସନ୍ଦିପର ପରିବାର ଲୋକେ ଏହା ଏକ ସୁଚିନ୍ତିତ ହତ୍ୟା ବୋଲି ଅଭିଯୋଗ କରିଥିଳେ । ପରେ ବିନିକା ପୋଲିସ ୩ଜଣଙ୍କୁ ଗିରଫ କରି ତାଙ୍କ ଠାରୁ ହତ୍ୟାରେ ବ୍ୟବହୃତ ଏକ ଛୁରି ଓ ସ୍କୁଟି ଜବତ କରିଛି । ଏହାକୁ ନେଇ ସୁବର୍ଣ୍ଣପୁର ଜିଲ୍ଲା ଆରକ୍ଷୀ ଅଧିକ୍ଷକ ଏକ ସାମ୍ବାଦିକ ସମ୍ମିଳନିରେ ସୂଚନା ଦେଇଛନ୍ତି ।

ଏଥିସହିତ ପଢ଼ନ୍ତୁ: ଢେଙ୍କାନାଳରେ STFର ଚଢ଼ାଉ; ୯ ଦେଶୀ ବନ୍ଧୁକ ଜବତ, ୨ ଗିରଫ

ରିପୋର୍ଟର ଅରିନ୍ଦମ ଦାସଙ୍କ ଅକାଳ ବିୟୋଗରେ ମୁଖ୍ୟମନ୍ତ୍ରୀଙ୍କ ସମେତ ଅନ୍ୟ ବିଶିଷ୍ଟ ବ୍ୟକ୍ତି ବିଶେଷଙ୍କ ଶୋକ

ଭୁବନେଶ୍ୱର: ଘରୋଇ ଟିଭି ଚ୍ୟାନେଲ ଓଟିଭିର ସାମ୍ୱାଦିକ ଅରିନ୍ଦମ ଦାସଙ୍କ ଅକାଳ ବିୟୋଗରେ ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଓଡ଼ିଶାର ସାମ୍ୱାଦିକତା ଜଗତ ପାଇଁ ଏହା ଏକ ଅପୂରଣୀୟ କ୍ଷତି ବୋଲି ଟ୍ୱିଟ୍ ଯୋଗେ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ । ଅମର ଆତ୍ମାର ସଦଗତିି କାମନା କରିବା ସହ ସମସ୍ତ ଆହାତଙ୍କ ଆଶୁଆରୋଗ୍ୟ କାମନା କରିଛନ୍ତି ମୁଖ୍ୟମନ୍ତ୍ରୀ ।

ସେହିଭଳି ବିଜୁ ଜନତା ଦଳ ସାଧାରଣ ସମ୍ପାଦକ (ସାଂଗଠନିକ)  ପ୍ରଣବ ପ୍ରକାଶ ଦାସ ମଧ୍ୟ ଅରିନ୍ଦମଙ୍କ ବିୟୋଗରେ ଦୁଃଖ ପ୍ରକାଶ କରିଛନ୍ତି । ଏଭଳି ଘଟଣା ତାଙ୍କୁ ମର୍ମହାତ କରିଥିବା ଟ୍ୱିଟ୍ ଯୋଗେ ପ୍ରକାଶ କରିଛନ୍ତି ପ୍ରଣବ ପ୍ରକାଶ । ସାମ୍ୱାଦିକ ଜଗତରେ ସେ ସର୍ବଦା ପ୍ରେରଣା ହୋଇ ରହିବେ ବୋଲି ସେ କହିଛନ୍ତି । ଏଥିସହିତ ସମସ୍ତ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି ଶ୍ରୀ ଦାସ ।

ଅନ୍ୟପକ୍ଷରେ ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ତଥା ବିଜୁ ଜନତା ଦଳ ସାଧାରଣ ସମ୍ପାଦକ (ଗଣମାଧ୍ୟମ ବ୍ୟାପାର) ମାନସ ମଙ୍ଗରାଜ ମଧ୍ୟ ଅରିନ୍ଦମଙ୍କ ବିୟୋଗରେ ଶୋକ ବ୍ୟକ୍ତ କରିଛନ୍ତି । ଅରନ୍ଦମଙ୍କ ବିୟୋଗ ତାଙ୍କୁ ଗଭୀର ଭାବେ ମର୍ମାହାତ କରିଥିବା ସହ ଏହା ସାମ୍ୱାଦିକତା ଜଗତ ପାଇଁ ଅପୂରଣୀୟ କ୍ଷତି ବୋଲି ସେ ଟ୍ୱିଟ୍ ଯୋଗେ ପ୍ରକାଶ କରିଛନ୍ତି । ଏଥିସହିତ ଅନ୍ୟ ଆହାତଙ୍କ ଆଶୁ ଆରୋଗ୍ୟ କାମନା କରିଛନ୍ତି ।

ସୂଚନା ଯୋଗ୍ୟ ଯେ, ହାତୀ ଉଦ୍ଧାର ପାଇଁ ଯାଇଥିବା ବୋଟ୍‌ରେ ସାମ୍ୱାଦିକ ଅରିନ୍ଦମ ଓ କ୍ୟାମେରା ମ୍ୟାନ୍ ଯାଇଥିଲେ । ହାତୀ ଉଦ୍ଧାର ବେଳେ ବୋଟ୍ ଓଲଟିଗଲା । ବୋଟ୍ ଓଲଟିବା ପରେ ଭାସି ଯାଇଥିବା ଓଟିଭି ପ୍ରତିନିଧି ଅରିନ୍ଦମ ଦାସଙ୍କ ଅକାଳ ବିୟୋଗ ହୋଇଛି । ଏନେଇ ସୂଚନା ଦେଇଛନ୍ତି ଏସସିବି ଜରୁରୀକାଳୀନ ଅଧିକାରୀ ।

ବୋଟ୍ ଓଲଟିବା ପରେ ଓଡ୍ରାଫ୍ ଟିମ୍ ସହ ଘରୋଇ ଟିଭି ଚ୍ୟାନେଲର ପ୍ରତିନିଧି ଓ କ୍ୟାମେରାମ୍ୟାନ ଭାସି ଯାଇଥିଲେ । ଭାସିଯିବାର କିଛି ସମୟ ପରେ ଖୋଜାଖୋଜି ଆରମ୍ଭ ହୋଇଥିଲା । ଦେଶୀ ଡଙ୍ଗାରେ ଅରିନ୍ଦମଙ୍କୁ ମୁର୍ମୁଷୁ ଅବସ୍ଥାରେ ଉଦ୍ଧାର କରାଯାଇଥିଲା । ୪ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଏସସିବିରେ ଭର୍ତ୍ତି କରାଯାଇଥିଲା । ୨ ଗଣମାଧ୍ୟମ ପ୍ରତିନିଧିଙ୍କ ଅବସ୍ଥା ଗୁରୁତର ରହିଥିଲା । ଅରିନ୍ଦମଙ୍କ ଅକାଳ ମୃତ୍ୟୁ ହୋଇଛି । ଏବେବି ଓଡ୍ରାଫ୍ ଟିମର ଅନ୍ୟ ଜଣେ ସଦସ୍ୟ ନିଖୋଜ ଅଛନ୍ତି । ନିଖୋଜ ମୁର୍ମୁଙ୍କୁ ଓଡ୍ରାଫ୍ ସହ ଏନଡିଆରଏଫ୍ ଟିମ୍ ଖୋଜାଖୋଜି କରୁଛନ୍ତି ।

ଦିଲ୍ଲୀର ରୋହିଣୀ କୋର୍ଟରେ ଗ୍ୟାଙ୍ଗୱାର, ଗ୍ୟାଙ୍ଗଷ୍ଟାରକୁ ହତ୍ୟା କଲେ ଆକ୍ରମଣକାରୀ

0

ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀର ରୋହିଣୀ କୋର୍ଟରେ ଗୋଷ୍ଠୀ ସଂଘର୍ଷ । ଶୁକ୍ରବାର ଦ୍ୱିପ୍ରହରେ ସେଠାରେ ମୋଷ୍ଟ ୱାଣ୍ଟେଡ ଗ୍ୟାଙ୍ଗଷ୍ଟାର ଜିତେନ୍ତ୍ର ଓରଫ ଗୋଗିକୁ ଗୁଳିକରି ହତ୍ୟା କରାଯାଇଛି । ଯାହାପରେ କୋର୍ଟ ପରିସ,ର ଭିତରେ ସୁଟଆଉଟ ହେଲା ଏବଂ ଆକ୍ରମଣକାରୀଙ୍କୁ ମଧ୍ୟ ହତ୍ୟା କରାଯାଇଥିଲା। ଏହି ଗୁଳି ବିନିମୟରେ ଏପର୍ଯ୍ୟନ୍ତ ୩ ଜଣଙ୍କର ମୃତ୍ୟୁ ହୋଇଥିବା ନିଶ୍ଚିତ କରାଯାଇଛି । ସେମାନଙ୍କ ମଧ୍ୟରୁ ଜଣେ ଜିତେନ୍ଦ୍ର ହୋଇଥିବାବେଳେ ଦୁଇଜଣ ଆକ୍ରମଣକାରୀ ଯିଏ ଜିତେନ୍ଦ୍ରଙ୍କୁ ଆକ୍ରମଣ କରିବାକୁ ଆସିଥିଲେ। ତିହାର ଜେଲରେ ରଖାଯାଇଥିବା ଜିତେନ୍ଦ୍ର ଓରଫ ଛଦ୍ମନାମ ଗୋଗୀଙ୍କୁ ଶୁକ୍ରବାର କୋର୍ଟରେ ହାଜର କରାଯାଇଥିଲା । ଏହି ସମୟରେ ରୋହିଣୀ କୋର୍ଟ ପରିସରରେ ଦୁର୍ବୃତ୍ତଙ୍କ ମଧ୍ୟରେ ଗୁଳି ବିନିମୟ ହୋଇଥିଲା।

ଓକିଲ ବେଶରେ ଆସିଥିଲେ ଆକ୍ରମଣକାରୀ

ଦିଲ୍ଲୀ ପୋଲିସ ସୂଚନା ଅନୁଯାୟୀ, ଦୁଇ ଜଣ ଆକ୍ରମଣକାରୀ ଓକିଲ ବେଶରେ କୋର୍ଟ ପରିଶର ଭିତରେ ପହଞ୍ଚିଥିଲେ, ଯେଉଁମାନେ ଜିତେନ୍ଦ୍ରଙ୍କୁ ହତ୍ୟାକରିଥିଲେ । ସ୍ପେଶାଲ୍ ସେଲ୍ ଟିମ୍ ଜିତେନ୍ଦ୍ରଙ୍କୁ କୋର୍ଟ କକ୍ଷକୁ ନେଇ ଯାଇଥିଲେ ଯେଉଁଠାରେ ଘଟଣା ଘଟିଥିଲା । କୁହାଯାଉଛି ଯେ ଦିଲ୍ଲୀର ଟିଲୁ ଗ୍ୟାଙ୍ଗ ଜିତେନ୍ଦ୍ରଙ୍କୁ ହତ୍ୟା କରିଛି । ନିହତ ହୋଇଥିବା ଦୁଇ ଆକ୍ରମଣକାରୀଙ୍କ ମଧ୍ୟରୁ ଜଣେ ହେଉଛନ୍ତି ରାହୁଲ, ଯାହାଙ୍କ ମୁଣ୍ଡରେ ୫୦ ହଜାର ପୁରସ୍କାର ରାଣିଥିଲା ।

ଦୁଇ ବର୍ଷ ପୂର୍ବେ ଜିତେନ୍ଦ୍ର ଧରାପଡିଥିଲେ

ଦୁଇ ବର୍ଷ ପୂର୍ବେ ଗୁରୁଗ୍ରାମର ସ୍ପେଶାଲ୍ ସେଲ୍ ଦ୍ୱାରା ଜିତେନ୍ଦ୍ରଙ୍କୁ ଗିରଫ କରାଯାଇଥିଲା । ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଅନୁଯାୟୀ ଜିତେନ୍ଦ୍ର ଗୋଗୀ ଅପରାଧ ମାଧ୍ୟମରେ ବହୁ ଧନ ଅର୍ଜନ କରିଥିଲେ । ଜିତେନ୍ଦ୍ର ଗୋଗୀଙ୍କ ନେଟୱାର୍କରେ ୫୦ ରୁ ଅଧିକ ଲୋକ ଅଛନ୍ତି । ଉଲ୍ଲେଖନୀୟ କଥା ହେଉଛି, ଜିତେନ୍ଦ୍ର ଗୋଗୀଙ୍କୁ ୨୦୨୦ ମସିହାରେ ଗୁରୁଗ୍ରାମରୁ ଗିରଫ କରାଯାଇଥିଲା । ଗୋଗୀଙ୍କ ସହ କୁଲଦୀପ ଫାଜା ମଧ୍ୟ ଧରାପଡିଥିଲେ । ପରେ କୁଲଦୀପ ଫ ଜା ମାର୍ଚ୍ଚ ୨୫ ରେ କଷ୍ଟଡୀରୁ ଫେରାର ହୋଇଯାଇଥିଲା । ଫାଜା ଜିଟିବି ହସ୍ପିଟାଲରୁ ପଳାଇ ଯାଇଥିଲେ ଯାହା ପରେ ତାର ଏନକାଉଣ୍ଟର ହୋଇଥିଲା।