ନୂଆଦିଲ୍ଲୀ: ଦେଶ ୭୫ ତମ ସ୍ୱାଧୀନତା ଦିବସ ପାଳନ କରିଛି। ଦେଶ ସ୍ୱାଧୀନ ହେବାର ୭୪ ବର୍ଷ ଭିତରେ ଅନେକ କିଛି ପରିବର୍ତ୍ତନ ଘଟିଛି। ଦିଲ୍ଲୀରୁ ପଲ୍ଲୀ ପରିବର୍ତ୍ତନର ସୁଅରେ ଭାସି ଚାଲିଛି। ପରିବର୍ତ୍ତନ ସବୁ କ୍ଷେତ୍ରରେ ଦେଖିବାକୁ ମିଳିଛି। ୭୪ ବର୍ଷ ଭିତରେ ଭୌଗୋଳିକ ଠାରୁ ଆରମ୍ଭ କରି ଅର୍ଥନିତୀ ସବୁ ଅହରହ ବଦଳି ଚାଲିଛି।
ଅର୍ଥନୈତିକ କ୍ଷେତ୍ରରେ ଭାରତରେ ଅନେକ ପରିବର୍ତ୍ତନ ଆସିଛି। ଆମେ ଯଦି ୭୪ ବର୍ଷ ପଛକୁ ଯାଇ ସେତେବେଳର ମୂଲ୍ୟ ହାରକୁ ବର୍ତ୍ତମାନ ସହିତ ତୁଳନା କରିବା ତେବେ ଏହା ଏକ ବଡ଼ ଚିନ୍ତାର କାରଣ ହେବ। ସେତେବେଳ ସମୟର ଦ୍ରବ୍ୟ ମୂଲ୍ୟ ପ୍ରାୟ ଏବେକାର ସମୟରେ ୧୦୦ ପ୍ରତିଶତ ବୃଦ୍ଧି ପାଇଛି। ଲାଇଭ୍ ମେଣ୍ଟରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଯେଉଁ ସାମଗ୍ରୀ ପୂର୍ବରୁ ମାତ୍ର କିଛି ପଇସାରେ କିଣି ହେଉଥିଲା ତାହା ଆଜି କିଣିବା ପାଇଁ କମସେକମ୍ ୧୦୦ ଟଙ୍କାର ଆବଶ୍ୟକତା ହେଉଛି। ସବୁଠାରୁ ବଡ଼ କଥା ହେଉଛି ଏଭଳି ବୃଦ୍ଧି କେବଳ ନତ୍ୟ ବ୍ୟବହାର୍ଯ୍ୟ ସାମଗ୍ରୀରେ ହିଁ ଦେଖିବାକୁ ମିଳିଛି।
୨୦୨୧ରେ ଅଧିକ ଆକର୍ଷଣ କରିଛି ପେଟ୍ରୋଲର ଦର। କାରଣ ଦେଶରେ ପ୍ରେଟ୍ରୋଲ ଦର ଆକାଶ ଛୁଆଁ ହୋଇଛି। ପେଟ୍ରୋଲ ଦର ଧିରେ ଧିରେ ବଢ଼ି ୧୦୦ ପାର ହେଲାଣି। ଯେଉଁଥି ପାଇଁ ପେଟ୍ରୋଲରେ ବୃଦ୍ଧି କାରଣରୁ ଅନ୍ୟ ସବୁ ସାମଗ୍ରୀରେ ମଧ୍ୟ ମୂଲ୍ୟ ତୁହାକୁ ତୁହା ବଢ଼ିବାରେ ଲାଗିଛି। ଯଦି ଆମେ ୧୯୪୭ ମସିହାର ପେଟ୍ରୋଲ ଦର ସହିତ ୨୦୨୧ର ପେଟ୍ରୋଲ ଦରକୁ ତୁଳନା କରିବା ତେବେ ନିଦ ହଜିଯିବ। କାରଣ ୧୯୪୭ ମସିହାରେ ପେଟ୍ରୋଲ ଲିଟର ପିଛା ଦର ଥିଲା ୦.୨୭ ପଇସା। ଯାହାର ମୂଲ୍ୟ ବର୍ତ୍ତମାନ ୧୦୦ ପାର ହୋଇଛି।
୧୯୪୭ ମସିହାରେ ଗୋଟିଏ ଖବର କାଗତ ୦.୧୩ ପଇସାରେ ଆସୁଥିଲା, କିନ୍ତୁ ବର୍ତ୍ତମାନ ଭାରତରେ ଖବର କାଗଜ କଥା ଛାଡ଼ନ୍ତୁ ଏତିକି ପଇସାରେ ଗୋଟିଏ ଛୋଟ ଚକୋଲେଟ ଟିଏ ବି ମିଳିବା ଅସମ୍ଭବ।
ସେହିଭଳି ସେତେବେଳେ ବିମାନରେ ଦିଲ୍ଲୀରୁ ମୁମ୍ବାଇ ଯିବା ପାଇଁ କେବଳ ୧୪୦ ଟଙ୍କା ଖର୍ଚ୍ଚ ହେଉଥିଲା। କିନ୍ତୁ ବର୍ତ୍ତମାନ ଏହାର ମୂଲ୍ୟ ୮ ରୁ ୧୦ ହଜାର ଟଙ୍କା ହେବ ପଛେ କମିବନି।
ପୂର୍ବରୁ ସିନେମା ଟିକେଟ୍ ୦.୩୦ ପଇସା ଥିବା ବେଳେ ଏବେ ବର୍ତ୍ତମାନ ପାଖାପାଖି ୨୫୦ ଟଙ୍କା ରହିଛି।
କ୍ଷୀରର ମଧ୍ୟ ସମାନ ଅବସ୍ଥା। ୧୯୪୭ ମସିହାରେ କ୍ଷୀର ଲିଟର ପିଛା ୦.୧୨ ପଇସା ପଡ଼ୁଥିଲା। କିନ୍ତୁ ଆଜି ଲିଟେରେ କ୍ଷୀର ପିଇବା ପାଇଁ ୬୦ ଟଙ୍କା ପର୍ଯ୍ୟନ୍ତ ଖର୍ଚ୍ଚ କରିବାକୁ ପଡ଼ୁଛି।
ସବୁଠାରୁ ବଢ଼ କଥା ହେଉଛି ଯେଉଁ ସୁନା ଏବେ ଗୋଟିଏ ଭରିକୁ ୪୫ ହଜାରରୁ ଅଧିକ ରିହିଛି। ସେତେବେଳେ ଏହି ସୁନାର ମୂଲ୍ୟ ଥିଲା ୧୦ ଗ୍ରାମକୁ ମାତ୍ର ୧୦୦ ଟଙ୍କାରୁ କମ୍।
ତେବେ ୭୫ ବର୍ଷ ପରେ ଆଜି ଭାରତର ଚିତ୍ର ବହୁତ ବଦଳିଛି। ଭାରତ ଅନେକ କ୍ଷେତ୍ରରେ ଅନେକ ବିକାଶ କରିଛି ଏବଂ ଆଜି ଭାରତ ଅନେକ କ୍ଷେତ୍ରରେ ନୂଆ ଅଧିକାରି ହୋଇଛି। ସେଥିପାଇଁ ଆଜି ଭାରତ ଅନ୍ୟ ଦେଶ ମାନଙ୍କ ମଧ୍ୟରୁ ଅନ୍ୟତମ ରହିଛି।
