spot_img
Home Blog Page 5317

ହାତୀ ଉଦ୍ଧାର ବେଳେ ବୋଟ୍ ଓଲଟିବା ଘଟଣା, ଓଟିଭି ପ୍ରତିନିଧି ଅରିନ୍ଦମ ମୃତ

କଟକ: ମୁଣ୍ଡଳି ବୋଟ୍ ଟ୍ରାଜେଡିରେ ଓଟିଭି ବରିଷ୍ଠ ସାମ୍ବାଦିକ ଅରିନ୍ଦମ ଦାସଙ୍କ ଅକାଳ ବିୟୋଗ । ମୁଣ୍ଡଳିରେ ଫସିରହିଥିବା ହାତୀକୁ ଉଦ୍ଧାର କରିବାକୁ ଯାଇଥିବା ବୋଟରେ କ୍ୟାମେରାମ୍ୟାନ୍‌ ପ୍ରଭାତ ସିହ୍ନାଙ୍କ ସହ ଓଡ୍ରାଫ ବୋଟରେ ଯାଇଥିଲେ ଅରିନ୍ଦମ । ନଦୀ ମଝିରେ ଫସିଥିବା ହାତୀ ପାଖକୁ ଯାଇଥିଲା ଓଡ୍ରାଫ ଟିମ୍ । ହେଲେ ପ୍ରବଳ ସ୍ରୋତ ମୁହଁରେ ଦୁର୍ଭାଗ୍ୟବଶତଃ ବୋଟ ଓଲଟି ପଡିଥିଲା । ସଙ୍ଗେ ସଙ୍ଗେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିବା ବେଳେ, ଅରିନ୍ଦମ ସ୍ରୋତ ମୁହଁରେ ଖସି ପଡିଥିଲେ । ଅରିନ୍ଦମଙ୍କୁ ଉଦ୍ଧାର କରି ଏସସିବି ମେଡିକାଲରେ ଭର୍ତ୍ତି କରାଯାଇଥିବା ବେଳେ, ଲିଭିଯାଇଥିଲା ଜୀବନ ଦୀପ ।

 Operation Gajaraj OTV Reporter Arindam Das Dies In SCB

 ଅରିନ୍ଦମ ଦାସ । ଓଟିଭିର ବରିଷ୍ଠ ସାମ୍ବାଦିକ । ନିତିଦିନିଆ ଘଟଣା ଅଘଟଣର ଭିଡ ଭିତରେ ଆଜି ସକାଳୁ ହଠାତ ଖବର ଆସିଥିଲା ଭରା ମହାନଦୀରେ ଏକ ଫସିରହିଛି ଏକ ଦନ୍ତା । ସବୁ ଗଣମାଧ୍ୟମ ପ୍ରତିନିଧି ମୁହାଁଇଥିଲେ ମୁଣ୍ଡଳି ବ୍ରିଜ । ଅରିନ୍ଦମ ବି ନିଜର କ୍ୟାମେରା ଟିମ୍ ସହ ପହଞ୍ଚିଥିଲେ ଘଟଣାସ୍ଥଳ । ସବୁ ଗଣମାଧ୍ୟମ ପ୍ରତିନିଧି ବ୍ରିଜ ଉପରୁ ରିପୋର୍ଟିଂ କରୁଥିଲା ବେଳେ, ଓଡ୍ରାଫ ଟିମ୍ ସହ ହାତୀ ପାଖକୁ ବାହାରିଥିଲେ ଅରିନ୍ଦମ । ସାଙ୍ଗରେ ଥିଲେ ଓଡ୍ରାଫ ଟିମ ଓ କ୍ୟାମେରା ମ୍ୟାନ । ହେଲେ ହାତୀ ପାଖକୁ ଯିବା ବେଳେ ମହାନଦୀର ପ୍ରଖର ସ୍ରୋତ ସହ ସାମନା ହୋଇଥିଲା ଓଡ୍ରାଫ ସ୍ପିଡ ବୋଟର । ଆଉ ରେସକ୍ୟୁ ଅପରେସନ ଆରମ୍ଭ ହେଉ ସବୁ ହୋଇଗଲା ଓଲଟ ପାଲଟ । ଲକ୍ଷ ଲକ୍ଷ କ୍ୟୁସେକ ଜଳର କରେଣ୍ଟ ଆଗରେ ଓଲଟି ପଡିଥିଲା ଓଡ୍ରାଫ ବୋଟ୍ । ସ୍ରୋତ ମୁହଁ ସଂଘର୍ଷ କରୁ କରୁ ଓଡ୍ରାଫ ଟିମର ସଦସ୍ୟ ସୀତାରାମ ମୁର୍ମୁ ହୋଇଯାଇଛନ୍ତି ନିଖୋଜ । ଦେଶୀ ଡଙ୍ଗା ସାହାଯ୍ୟରେ ଅରିନ୍ଦମଙ୍କୁ ଉଦ୍ଧାର କରାଯାଇଥିବା ବେଳେ ଅବସ୍ଥା ସଂକଟାପନ୍ନ ଥିଲା । କଟକ ଏସସିବିରେ ଅରିନ୍ଦମଙ୍କୁ ମୃତ ଘୋଷଣା କରିଛନ୍ତି ଡାକ୍ତର । ସେପଟେ କ୍ୟାମେରାମ୍ୟାନ ପ୍ରଭାତ ସିହ୍ନା ଗୁରୁତର ଅବସ୍ଥାରେ ଚିକିତ୍ସାଧିନ ଅଛନ୍ତି ।

 Operation Gajaraj OTV Reporter Arindam Das Dies In SCB

ବନ୍ୟା ହେଉ ଅବା ବାତ୍ୟା । କିମ୍ବା ବଡ଼ ବଡ଼ ଅଘଟଣ । ଟିଭି ସ୍କ୍ରିନରେ ଅରିନ୍ଦମଙ୍କ ଦୁଃସାହାସିକ ରିପୋର୍ଟିଂ ଦେଖିବାକୁ ମିଳୁଥିଲା । ସାମ୍ବାଦିକତାକୁ ପେଶା ଓ ନିଶା ବୋଲି ମାନୁଥିବା ଅରିନ୍ଦମ ସଦାବେଳେ ନିଆରା ଅନ୍ଦାଜରେ ଦର୍ଶକଙ୍କ ପାଖରେ ପହଞ୍ଚାଉଥିଲେ ଖବର । ଆଜି ବି ସ୍ରୋତ ମୁହଁରେ ଜୀବନକୁ ବାଜି ଲଗାଇ ବାହାରିଥିଲେ କିଛି ଏକ୍ସକ୍ଲୁସିଭ ଭିଜୁଆଲର ସନ୍ଧାନରେ, ହେଲେ ନିୟତିର ନିୟମ ଥିଲା ଅଲଗା । ଖବର ସଂଗ୍ରହ କରୁ କରୁ ନିଜେ ପାଲଟି ଯାଇଥିଲେ ଖବର ।

ଏଥିସହିତ ପଢ଼ନ୍ତୁ: ରିପୋର୍ଟର ଅରିନ୍ଦମ ଦାସଙ୍କ ଅକାଳ ବିୟୋଗରେ ମୁଖ୍ୟମନ୍ତ୍ରୀଙ୍କ ସମେତ ଅନ୍ୟ ବିଶିଷ୍ଟ ବ୍ୟକ୍ତି ବିଶେଷଙ୍କ ଶୋକ 

ଢେଙ୍କାନାଳ ଆଇଆଇଏମସିରୁ ସାମ୍ବାଦିକତା କୋର୍ସ ସାରିବା ପରେ ସାମ୍ବାଦିକ ବୃତ୍ତିକୁ ଆଦରି ନେଇଥିଲେ ଅରିନ୍ଦମ । ଏକ ଦୈନିକ ଖବର କାଗଜରୁ କ୍ୟାରିଅର ଆରମ୍ଭ କରି ପରେ ବୈଦ୍ୟୁତିକ ଗଣମାଧ୍ୟମରେ ପାଦ ଥାପିଥିଲେ । ପ୍ରଥମେ କ୍ରାଇମ ରିପୋର୍ଟିଂରୁ ଡିଜାଷ୍ଟର, ଗ୍ରାଉଣ୍ଡଜିରୋର ସବୁ ଖବର ପରିବେଷଣରେ ଥିଲେ ମାହିର । ବୃତ୍ତିଗତ ଜୀବନରେ ଅରିନ୍ଦମଙ୍କ ଅଦମ୍ୟ ସାହାସ ତାଙ୍କୁ ସାମ୍ବାଦିକ ଦୁନିଆଁର ଜଣେ ଚିହ୍ନାମୁହଁ ଭାବେ ଅଭିହିତ କରିଥିଲା । ଆଜି ଅରିନ୍ଦମଙ୍କ ଅବର୍ତ୍ତମାନରେ ସ୍ତବ୍ଧ ହୋଇଯାଇଛି ଗଣମାଧ୍ୟମ ଓ ତାଙ୍କୁ ଭଲ ପାଉଥିବା ସବୁ ମଣିଷ । ମୁଖ୍ୟମନ୍ତ୍ରୀଙ୍କ ଠାରୁ ନେଇ ସବୁ ମହଲରୁ ତାଙ୍କ ଆତ୍ମାର ସଦଗତି କାମନା କରାଯିବା ସହ ପରିବାରକୁ ଜଣାଇଛନ୍ତି ସମବେଦନା ।

ଢେଙ୍କାନାଳରେ STFର ଚଢ଼ାଉ; ୯ ଦେଶୀ ବନ୍ଧୁକ ଜବତ, ୨ ଗିରଫ

ଭୁବନେଶ୍ୱର: ଢେଙ୍କାନାଳରେ ବେଆଇନ୍ ଅସ୍ତ୍ରଶସ୍ତ୍ର କାରବାର ବେଳେ ଏସଟିଏଫ୍ ରେଡ୍ କରିଛି । ଭାପୁର ଗାଁ ନିକଟରେ ଏସଟିଏଫ୍ ଚଢ଼ାଉ କରିଥିଲା । ଚଢ଼ାଉ ବେଳେ ୨ ଜଣଙ୍କୁ ଗିରଫ କରାଯାଇଛି । ସେମାନଙ୍କ ନିକଟରୁ ୯ଟି ଦେଶୀ ବନ୍ଧକୁ ସହ ଗୋଟିଏ ରିଭରବଲ୍ ଜବତ କରାଯାଇଛି ।

ଏସଟିଏଫ୍ ୨ ଜଣଙ୍କୁ ଗିରଫ କରିଛି । କଟକ ଖୁଣ୍ଟୁଣି ଅଞ୍ଚଳର କାଳନ୍ଦୀ ନାୟକ ଓ ଢେଙ୍କାନାଳର ଶ୍ୟାମ ସୁନ୍ଦର ସିଠାଙ୍କୁ ଗିରଫ କରାଯାଇଛି । ଉଭୟଙ୍କୁ କୋର୍ଟ ଚାଲାଣ କରାଯାଇଛି । ଗିରଫ ୨ ଜଣ ଏସବୁ ବନ୍ଧୁକ ତିଆରି କରୁଥିବା ଜଣାପଡ଼ିଛି ।

ବିଜେପି ଛାଡ଼ି ବିଜେଡିରେ ମିଶିଲେ ଧର୍ମଶାଳାର ୧୨ ନେତା

ଭୁବନେଶ୍ୱର: ଯୁବ ବିଡେଜିର ମିଶ୍ରଣ ପର୍ବ । ଯୁବ ବିଜେଡି କାର୍ଯ୍ୟାଳୟରେ ଆଜି ମିଶ୍ରଣ ପର୍ବ ଅନୁଷ୍ଠିତ ହୋଇଛି । ବିଜେପି ଛାଡ଼ି ଯାଜପୁର ଧର୍ମଶାଳା ବିଜେପିର ୧୨ ଜଣ ବିଜେଡିରେ ଯୋଗ ଦେଇଛନ୍ତି । ଆଜିର ମିଶ୍ରଣ ପର୍ବରେ ବିଜେଡିର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ, ଦଳର ମୁଖପାତ୍ର ପ୍ରତାପ ଦେବ, କୋରେଇ ବିଧାୟକ ଅଶୋକ ବଳ ଉପସ୍ଥିତ ଥିଲେ ।

12 Leaders Of BJP Joins BJD Dharmasala

୨୦୧୯ରେ ଯାଜପୁର ଜିଲ୍ଲା ଧର୍ମଶାଳା ନିର୍ବାଚନ ମଣ୍ଡଳିର ବିଜେପି ବିଧାୟକ ପ୍ରାର୍ଥୀ ହୋଇଥିବା ରମେଶ ଚନ୍ଦ୍ର ପରିଡ଼ା ବିଜେଡିରେ ମିଶିଛନ୍ତି । ରମେଶଙ୍କ ସମେତ ବିଜେପି ଛାଡ଼ିଥିବା ଅନ୍ୟ ୧୧ ଜଣ ମଧ୍ୟ ବିଜେଡିରେ ଯୋଗ ଦେଇଛନ୍ତି । ଚୈତନ୍ୟ ସାମଲ, ମହେନ୍ଦ୍ର ପଣ୍ଡା, ବିଜୟ କୁମାର ନାୟକ, ନିରଞ୍ଜନ ବେହେରା, ଅଶୋକ କୁମାର ସାହୁ, ଆଶିଷ କୁମାର ବଳ, ବିଭୁ ପ୍ରସାଦ ଦାସ, ରମେଶ ଚନ୍ଦ୍ର ବେହେରା, ମାନସ ମହାନ୍ତି ଓ ପ୍ରଭଞ୍ଜନ ମହାନ୍ତି ବିଜେଡିରେ ମିଶିଛନ୍ତି ।

ଅପରେସନ୍ ଗଜରାଜ, ଉଦ୍ଧାର ପାଇଁ ଯିବାବେଳେ ଓଲଟିଲା ଓଡ୍ରାଫ ବୋଟ୍

କଟକ: ମୁଣ୍ଡଳି ବ୍ୟାରେଜ୍ ନିକଟରେ ଫସି ରହିଥିବା ଦନ୍ତା ହାତୀକୁ ଉଦ୍ଧାର ବେଳେ ଅଘଟଣ । ଓଲଟିଲା ଓଡ୍ରାଫ ଟିମର ବୋଟ୍ । ଦୀର୍ଘ ୭ ଘଣ୍ଟାରୁ ଅଧିକ ସମୟ ହେଲା ପାଣିରେ ଦନ୍ତାଟି ଫସି ରହିଛି । ଓଡ୍ରାଫ୍ ଟିମ୍ ବୋଟ୍ ଯୋଗେ ହାତୀକୁ ଘଉଡ଼ାଇବାକୁ ଯିବାବେଳେ ବୋଟ୍ ଓଲଟି ପଡ଼ିଛି । ଫଳରେ ବୋଟରେ ଥିବା ୬ ଜଣ ଓଡ୍ରାଫ୍ ସହ ଅନ୍ୟ ୨ ଜଣ ଭାସି ଯାଇଛନ୍ତି ।

Operation Gajraj, Elephant Attacked Odraf Team

ଭାସି ଯାଇଥିବା ୮ ଜଣଙ୍କ ମଧ୍ୟରୁ ୪ ଜଣଙ୍କୁ ଉଦ୍ଧାର କରାଯାଇଛି । ଭାସି ଯାଇଥିବା ୮ ଜଣଙ୍କ ମଧ୍ୟରେ ଏକ ଘରୋଇ ଟିଭି ଚ୍ୟାନେଲର ରିପୋର୍ଟର ଓ କ୍ୟାମେରାମ୍ୟାନ ଥିଲେ । ବୋଟରେ ଥିବା ୨ ଜଣ ଲାଇଫ ଜ୍ୟାକେଟ୍ ପିନ୍ଧି ନଥିବା ଜଣାପଡ଼ିଛି । ସମସ୍ତଙ୍କୁ ଉଦ୍ଧାର କାର୍ଯ୍ୟ ପାଇଁ ପ୍ରୟାସ ଜାରି ରହିଛି । ଉଦ୍ଧାର କରାଯାଇଥିବା ୪ ଜଣଙ୍କୁ ମେଡିକାଲକୁ ନିଆଯାଉଛି । ଅନ୍ୟ ଜଣେ ଏବେବି ନିଖୋଜ ଅଛନ୍ତି । ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବାକୁ ଏନଡିଆରଏଫ ଟିମ୍ ମୁଣ୍ଡଳିରେ ପହଞ୍ଚିଛି ।

Operation Gajraj, Elephant Attacked Odraf Team

ଦନ୍ତା ହାତୀକୁ ଉଦ୍ଧାର ପାଇଁ ବନ ବିଭାଗ, ଅଗ୍ନିଶମ ବାହିନୀ ଓ ପୋଲିସର ମିଳିତ ଉଦ୍ୟମରେ ଅପରେସନ୍ ଗଜରାଜ ଚାଲିଛି । ପାଣି ଭିତରୁ ହାତୀକୁ ଉଦ୍ଧାର କରିବା ପାଇଁ ଲାଗିଛନ୍ତି ବନ ବିଭାଗର ୨୫ ଜଣ କର୍ମଚାରୀ । ସେହିପରି ଆଠଗଡ଼ ପୋଲିସର ୧ ପ୍ଲାଟୁନ, ଅଗ୍ନିଶମ ବାହିନୀର ୨୨ କର୍ମଚାରୀ ଉଦ୍ଧାର କାର୍ଯ୍ୟରେ ସାମିଲ ହୋଇଛନ୍ତି । ପାଣିର ସ୍ରୋତ ଓ ଲୋକଙ୍କ ଗହଳି ଯୋଗୁଁ ଦନ୍ତା ହାତୀକୁ ଉଦ୍ଧାର କରିବାରେ ସମସ୍ୟା ଉପୁଜିଛି । ପାଣିରେ ଫସିଥିବା ଅନ୍ୟ ୨ ହାତୀ ନିକଟସ୍ଥ ଜଙ୍ଗଲକୁ ଚାଲିଯାଇଛନ୍ତି ।

Operation Gajraj, Elephant Attacked Odraf Team

ଆଜି ସକାଳୁ ମହାନଦୀରେ ଭାସି ଯାଇଥିଲେ ହାତୀପଲ । ମହାନଦୀ ପାର ହେଉଥିବା ବେଳେ ହାତୀପଲରେ ଥିବା ୭ଟି ହାତୀ ଭାସିଯାଇଥିଲେ । ଗୋଟିଏ ଛୁଆ ହାତୀ ସହ ୩ଟି ହାତୀ ମୁଣ୍ଡଳି ବ୍ରିଜ ନିକଟରେ ଫସି ରହିଥିଲେ । ଆଉ ୪ଟି ହାତୀ ମହାନଦୀରେ ଭାସି ଭାସି ଆଠଗଡ଼ ରେଞ୍ଜର ନୂଆଶାସନ ଗାଁ ନିକଟରେ ଲାଗିଛନ୍ତି । ଆଠଗଡ଼ ପଟୁ ୧୭ ଟିକିଆ ହାତୀ ପଲ ମହାନଦୀ ପାରି ହେଉଥିବା ବେଳେ ୭ଟି ହାତୀ ଭାସି ଯାଇଥିଲେ ।

କରୋନା ହେବାର ୩୦ ଦିନ ମଧ୍ୟରେ ଆତ୍ମହତ୍ୟା କରୋନାରେ ମୃତ୍ୟୁ ସହ ସମାନ, ମିଳିବ ୫୦ ହଜାର କ୍ଷତିପୂରଣ

ନୂଆଦିଲ୍ଲୀ: କେନ୍ଦ୍ର ସରକାର ଗୁରୁବାର ଦିନ ସୁପ୍ରିମକୋର୍ଟରେ କହିଛନ୍ତି ଯେ ଯଦି ଜଣେ ବ୍ୟକ୍ତି କରୋନା ସଂକ୍ରମିତ ହେବାର ୩୦ ଦିନ ମଧ୍ୟରେ ଆତ୍ମହତ୍ୟା କରନ୍ତି, ତେବେ ତାଙ୍କ ମୃତ୍ୟୁ କରୋନା କାରଣରୁ ମୃତ୍ୟୁରେ ଗଣାଯିବ। ସରକାର ସୁପ୍ରିମକୋର୍ଟଙ୍କୁ କହିଛନ୍ତି ଯେ ସରକାରୀ ନିର୍ଦ୍ଦେଶନାମା ଅନୁଯାୟୀ ପରବର୍ତ୍ତୀ ସମ୍ପର୍କୀୟଙ୍କୁ ୫୦,୦୦୦ ଟଙ୍କା କ୍ଷତିପୂରଣ ରାଶି ପ୍ରଦାନ କରାଯାଇପାରିବ ।

ସୁପ୍ରିମକୋର୍ଟରେ ଶୁଣାଣି ସମୟରେ ସରକାର ଏହା ମଧ୍ୟ ସ୍ପଷ୍ଟ କରିଛନ୍ତି ଯେ କରୋନା ପରୀକ୍ଷା କରାଯିବା ପରେ କିମ୍ବା ସଂକ୍ରମଣ ନିଶ୍ଚିତ ହେବା ପରେ ୩୦ ଦିନ ମଧ୍ୟରେ ଯଦି ଜଣେ ରୋଗୀର ମୃତ୍ୟୁ ହୁଏ, ତେବେ ଏହି ମୃତ୍ୟୁ ମହାମାରୀ ସମ୍ବନ୍ଧୀୟ ମୃତ୍ୟୁ ଭାବରେ ବିବେଚନା କରାଯିବ। ସରକାର ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ମୃତ୍ୟୁ ଡାକ୍ତରଖାନାରେ ହେବା ଆବଶ୍ୟକ ନୁହେଁ, ଏହା ଯେକୌଣସି ସ୍ଥାନରେ ହୋଇପାରେ ।

ଜଷ୍ଟିସ ଏମଆର ଶାହା ଏବଂ ଜଷ୍ଟିସ ଏ.ଏସ୍ ବୋପାନ୍ନାଙ୍କ ବେଞ୍ଚକୁ କେନ୍ଦ୍ର ସରକାର ସୂଚନା ଦେଇଛନ୍ତି । ସୁପ୍ରିମକୋର୍ଟରେ ସରକାର ଏହା ସ୍ପଷ୍ଟ କରିଛନ୍ତି ଯେ ଯଦି ଜଣେ ବ୍ୟକ୍ତି କରୋନାରେ ସଂକ୍ରମିତ ହୁଅନ୍ତି ଏବଂ ଯଦି ସେ ୩୦ ଦିନ ମଧ୍ୟରେ ଆତ୍ମହତ୍ୟା କରନ୍ତି, ତେବେ ସେ କରୋନା ସଂକ୍ରମିତ ବ୍ୟକ୍ତିଙ୍କ ମୃତ୍ୟୁରେ ମରିବେ ।

ମହଙ୍ଗା ପଡ଼ିଲା ସେଲୁନରେ ମଡେଲର ଭୁଲ୍ କେଶ କାଟିବା, ଦେବାକୁ ପଡ଼ିବ ୨ କୋଟି କ୍ଷତିପୂରଣ

0

ନୂଆଦିଲ୍ଲୀ: NCDRC ଭୁଲ କେଶ କାଟ ମାମଲା: ଜାତୀୟ ଗ୍ରାହକ ବିବାଦ ସମାଧାନ କମିଶନ (NCDRC) ଜଣେ ମହିଳାଙ୍କୁ ଦୁଇ କୋଟି କ୍ଷତିପୂରଣ ଦେବାକୁ ଦିଲ୍ଲୀର ଏକ ସେଲୁନକୁ ନିର୍ଦ୍ଦେଶ ଦେଇଛନ୍ତି। ଭୁଲ୍ ଭାବରେ ମହିଳାଙ୍କ କେଶ କାଟିବା ସହ କେଶର ଭୁଲ ଚିକିତ୍ସା କରି କେଶରେ ସ୍ଥାୟୀ କ୍ଷତି ଘଟାଇବା ପାଇଁ ଏହି କ୍ଷତିପୂରଣ ଦେବାକୁ କୁହାଯାଇଛି ।

ନ୍ୟୁଜ୍ ଏଜେନ୍ସି ଅନୁଯାୟୀ, ଏହି ସେଲୁନ୍ ଦିଲ୍ଲୀର ଏକ ହୋଟେଲରେ ଅବସ୍ଥିତ। ଯେଉଁଠାରେ ଆଶନା ରୟ ଏପ୍ରିଲ ୨୦୧୮ ରେ କେଶ ଚିକିତ୍ସା ପାଇଁ ଯାଇଥିଲେ । ସେ ‘ହେୟାର ପ୍ରଡକ୍ଟ’ର ମଡେଲ ଥିଲେ ଏବଂ ଅନେକ ବଡ’ ହେୟାର କେୟାର ବ୍ରାଣ୍ଡ ‘ପାଇଁ ମଡେଲ ହୋଇଥିଲେ । କିନ୍ତୁ ତାଙ୍କ ନିର୍ଦ୍ଦେଶର ବିପରୀତ ସେଲୁନ୍ ଦ୍ୱାରା କଟାଯାଇଥିବା ଭୁଲ କେଶ ହେତୁ ତାଙ୍କୁ ଚାକିରୀ ହରାଇବାକୁ ପଡିଲା ଏବଂ ଆର୍ଥିକ କ୍ଷତି ମଧ୍ୟ ହେଲା, ଯାହା କେବଳ ଜୀବନଶୈଳୀକୁ ବଦଳାଇ ନଥିଲା ବରଂ ଏକ ଟପ୍ ମଡେଲ୍ ହେବାର ସ୍ୱପ୍ନକୁ ମଧ୍ୟ ଭାଙ୍ଗି ଦେଇଥିଲା ।

ଆଶନା ରୟ କୁହନ୍ତି ଯେ ମୁଁ କେଶକୁ ଆଗରୁ ଲମ୍ବା ‘ଫ୍ଲିକ୍ସ’ ରଖିବା ଏବଂ ପଛରୁ ଚାରି ଇଞ୍ଚ କାଟିବା ପାଇଁ ସେଲୁନକୁ ସ୍ପଷ୍ଟ ଭାବରେ କହିଥିଲି । କିନ୍ତୁ ହେୟାରଡ୍ରେସର ନିଜ ଇଚ୍ଛାରେ ୪ ଇଞ୍ଚ କେଶ ଛାଡ଼ି ବାକି କେଶକୁ କାଟିଦେଇଥିଲେ ।

ଯେତେବେଳେ ସେ ଏ ସମ୍ପର୍କରେ ମ୍ୟାନେଜରଙ୍କ ନିକଟରେ ଅଭିଯୋଗ କରିଥିଲେ, ସେତେବେଳେ ସେ ମାଗଣା କେଶ ଚିକିତ୍ସା ପ୍ରଦାନ କରିଥିଲେ। ଆଶନା ଦାବି କରିଛନ୍ତି ଯେ ଏହି ସମୟ ମଧ୍ୟରେ ରାସାୟନିକ ପଦାର୍ଥ ତାଙ୍କ କେଶରେ ସ୍ଥାୟୀ କ୍ଷତି ଘଟାଇଥିଲା। ଯାହା ସହିତ ସେ ଜାତୀୟ ଉପଭୋକ୍ତା ବିବାଦର ସମାଧାନ ଆୟୋଗରେ ପହଞ୍ଚି ତିନି କୋଟି ଟଙ୍କା କ୍ଷତିପୂରଣ ମାଗିଥିଲେ ।

ଉକ୍ତ ମାମଲାରେ ଅଭିଯୋଗକାରୀଙ୍କୁ ଦୁଇ କୋଟି ଟଙ୍କା କ୍ଷତିପୂରଣ ଦିଆଯିବାକୁ ଆୟୋଗ ନିର୍ଦ୍ଦେଶ ଦେଇଛନ୍ତି। ଅଭିଯୋଗକାରୀଙ୍କୁ ଆଠ ସପ୍ତାହ (ଦୁଇ ମାସ) ମଧ୍ୟରେ କ୍ଷତିପୂରଣ ରାଶି ଦେବାକୁ ନିର୍ଦ୍ଦେଶ ଦେଇଛି ଆୟୋଗ ।

ଅପରେସନ୍ ଗଜରାଜ, ଦନ୍ତାକୁ ଉଦ୍ଧାର ପାଇଁ ୬ ଘଣ୍ଟା ହେଲା ଚାଲିଛି ଉଦ୍ୟମ

କଟକ: ମୁଣ୍ଡଳି ବ୍ୟାରେଜ୍ ନିକଟରେ ଫସି ରହିଥିବା ଦନ୍ତା ହାତୀକୁ ଉଦ୍ଧାର ପାଇଁ ପ୍ରୟାସ ଜାରି ରହିଛି । ବନ ବିଭାଗ, ଅଗ୍ନିଶମ ବାହିନୀ ଓ ପୋଲିସର ମିଳିତ ଉଦ୍ୟମରେ ଅପରେସନ୍ ଗଜରାଜ ଚାଲିଛି । ପ୍ରାୟ ୬ ଘଣ୍ଟାରୁ ଅଧିକ ସମୟ ହେଲା ଦନ୍ତାଟି ମୁଣ୍ଡଳି ବ୍ୟାରେଜରେ ପାଣିର ପ୍ରଖର ସ୍ରୋତରେ ଫସି ରହିଛି ।

Operation Elephant In Cuttack Mundali

ପାଣି ଭିତରୁ ହାତୀକୁ ଉଦ୍ଧାର କରିବା ପାଇଁ ଲାଗିଛନ୍ତି ବନ ବିଭାଗର ୨୫ ଜଣ କର୍ମଚାରୀ । ସେହିପରି ଆଠଗଡ଼ ପୋଲିସର ୧ ପ୍ଲାଟୁନ, ଅଗ୍ନିଶମ ବାହିନୀର ୨୨ କର୍ମଚାରୀ ଉଦ୍ଧାର କାର୍ଯ୍ୟରେ ସାମିଲ ହୋଇଛନ୍ତି । ପାଣିର ସ୍ରୋତ ଓ ଲୋକଙ୍କ ଗହଳି ଯୋଗୁଁ ଦନ୍ତା ହାତୀକୁ ଉଦ୍ଧାର କରିବାରେ ସମସ୍ୟା ଉପୁଜିଛି । ପାଣିରେ ଫସିଥିବା ଅନ୍ୟ ୨ ହାତୀ ନିକଟସ୍ଥ ଜଙ୍ଗଲକୁ ଚାଲିଯାଇଛନ୍ତି । ହାତୀକୁ ଉଦ୍ଧାର କରିବାକୁ ବିଶେଷଜ୍ଞ ଟିମ୍ ମଧ୍ୟ ଘଟଣାସ୍ଥଳ ପରିଦର୍ଶନ କରିଛନ୍ତି ।

Operation Elephant In Cuttack Mundali

ଆଜି ସକାଳୁ ମହାନଦୀରେ ଭାସି ଯାଇଥିଲେ ହାତୀପଲ । ମହାନଦୀ ପାର ହେଉଥିବା ବେଳେ ହାତୀପଲରେ ଥିବା ୭ଟି ହାତୀ ଭାସିଯାଇଥିଲେ । ଗୋଟିଏ ଛୁଆ ହାତୀ ସହ ୩ଟି ହାତୀ ମୁଣ୍ଡଳି ବ୍ରିଜ ନିକଟରେ ଫସି ରହିଥିଲେ । ଆଉ ୪ଟି ହାତୀ ମହାନଦୀରେ ଭାସି ଭାସି ଆଠଗଡ଼ ରେଞ୍ଜର ନୂଆଶାସନ ଗାଁ ନିକଟରେ ଲାଗିଛନ୍ତି । ଆଠଗଡ଼ ପଟୁ ୧୭ ଟିକିଆ ହାତୀ ପଲ ମହାନଦୀ ପାରି ହେଉଥିବା ବେଳେ ୭ଟି ହାତୀ ଭାସି ଯାଇଥିଲେ ।

ବିଧାୟକ ପ୍ରାର୍ଥୀଙ୍କ ସହ ବିଜେପି ଛାଡ଼ିଲେ ୧୨ ନେତା

ଚଣ୍ଡିଖୋଲ: ଯାଜପୁର ବିଜେପିକୁ ଶକ୍ତ ଝଟକା ଲାଗିଛି । ୨୦୧୯ରେ ଯାଜପୁର ଜିଲ୍ଲା ଧର୍ମଶାଳା ନିର୍ବାଚନ ମଣ୍ଡଳିର ବିଜେପି ବିଧାୟକ ପ୍ରାର୍ଥୀ ହୋଇଥିବା ରମେଶ ଚନ୍ଦ୍ର ପରିଡ଼ା ଦଳ ଛାଡ଼ିଛନ୍ତି । ରମେଶଙ୍କ ସମେତ ବିଭିନ୍ନ ପଦ ପଦବୀରେ ଥିବା ଅନ୍ୟ ୧୧ ଜଣ ବିଜେପିକୁ ବାଏ ବାଏ କରିଛନ୍ତି । ଦଳର ବିଭିନ୍ନ ପଦ ପଦବୀ ସହ ନେତାମାନେ ବିଜେପି ପ୍ରାଥମିକ ପଦବୀରୁ ଇସ୍ତଫା ଦେଇଛନ୍ତି ।

12 Leader Quits BJP With Dharmasala MLA Candidate

ଧର୍ମଶାଳା ବିଧାନସଭା ଆସନରୁ ବିଜେପି ବିଧାୟକ ପ୍ରାର୍ଥୀ ହୋଇଥିବା ତଥା ରାଜ୍ୟ କାର୍ଯ୍ୟକାରିଣୀ କମିଟର ସଦସ୍ୟ ରମେଶ ଚନ୍ଦ୍ର ପରିଡ଼ା, ଜିଲ୍ଲା କୃଷକ ମୋର୍ଚ୍ଚା ସଭାପତି ଚୈତନ୍ୟ ସାମଲ, ଜିଲ୍ଲା ବିଜେପି ଉପସଭାପତି ମହେନ୍ଦ୍ର ପଣ୍ଡା, କବାଟବନ୍ଧ ମଣ୍ଡଳ ସଭାପତି ବିଜୟ କୁମାର ନାୟକ ବିଜେପିରୁ ଇସ୍ତଫା ଦେଇଛନ୍ତି ।

ଜେନାପୁର ମଣ୍ଡଳ ସଭାପତି ନିରଞ୍ଜନ ବେହେରା, ଅରୁହା ମଣ୍ଡଳ ସଭାପତି ଅଶୋକ କୁମାର ସାହୁ, ବିଜେପି ରାଜ୍ୟ ପରିଷଦ ସଦସ୍ୟ ଆଶିଷ କୁମାର ବଳ, ଜେନାପୁର ଯୁବମୋର୍ଚ୍ଚା ସଭାପତି ବିଭୁ ପ୍ରସାଦ ଦାସ, ଜେନାପୁର ମଣ୍ଡଳ ସାଧାରଣ ସମ୍ପାଦକ ରମେଶ ଚନ୍ଦ୍ର ବେହେରା, ମାନସ ମହାନ୍ତି ଓ ପ୍ରଭଞ୍ଜନ ମହାନ୍ତି ବିଜେପିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି ।

ଗୋଷ୍ଠୀ ସଂଘର୍ଷରୁ ବୋମାମାଡ଼, ୪ ଆହତ

ଦିଗପହଣ୍ଡି: ପୂର୍ବ ଶତ୍ରୁତାକୁ କେନ୍ଦ୍ର ଗୋଷ୍ଠୀ ସଂଘର୍ଷ, ବୋମାମାଡ଼ । ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ ଜରଡ଼ା ଥାନା ଅନ୍ତର୍ଗତ ଭୀମପୁର ଗାଁରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଛି । ସକାଳୁ ସକାଳୁ ବୋମାମାଡ଼ ହୋଇଥିବା ଜଣାପଡିଛି ।

Group Clash And Bombing In Ganjam

ବୋମାମାଡ଼ରେ ୪ ଜଣ ଆହତ ହୋଇଛନ୍ତି । ଆହତଙ୍କୁ ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଉଛି । ଘଟଣାସ୍ଥଳରେ ଜରଡ଼ା ଥାନା ପୋଲିସ ପହଞ୍ଚି ତଦନ୍ତ କରୁଥିବା ବେଳେ ଗାଁରେ ତୀବ୍ର ଉତ୍ତେଜନା ଲାଗି ରହିଛି ।

ପିପିଲିରେ ବଢ଼ୁଛି ବିଜେଡିର ବଳ, ଦଳରେ ସାମିଲ୍ ହେଲେ ଶତାଧିକ କଂଗ୍ରେସ କର୍ମୀ

ଭୁବନେଶ୍ୱର: ପିପିଲିରେ ଆହୁରି ଶକ୍ତିଶାଳୀ ହେଉଛି ବିଜେଡି । ଆଜି ପିପିଲି ବିଧାନସଭା ମଣ୍ଡଳି ଅନ୍ତର୍ଗତ କଣ୍ଟି ପଞ୍ଚାୟତରୁ ଶତାଧିକ କଂଗ୍ରେସ କର୍ମୀ ନେତା ବିଜେଡିରେ ଯୋଗ ଦେଇଛନ୍ତି । ଦଳର ସଭାପତି ତଥା ମୁଖମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଶାସନ ପାଇଁ ତାଙ୍କ ଉପରେ ଆସ୍ଥା ପ୍ରକଟ କରି ଏହି ନେତାମାନେ ବିଜେଡିରେ ମିଶିଛନ୍ତି ।

Several Worker Of Pipili Congress Joins BJD Ahead Of Bypoll

କଂଗ୍ରେସ ନେତା କୃପାସିନ୍ଧୁ ଦାସ ଓ ବିଷ୍ଣୁପ୍ରସାଦ ଦଳେଇ ସେମାନଙ୍କ ସମର୍ଥକଙ୍କ ସହ ବିଧିବଦ୍ଧ ଭାବେ ଦଳରେ ସାମିଲ୍ ହୋଇଛନ୍ତି । ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ବାସଭବନରେ ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ପିପିଲି ବିଧାୟକ ପ୍ରାର୍ଥୀ ରୁଦ୍ର ମହାରଥୀ ମଧ୍ୟ ଉପସ୍ଥିତ ଥିଲେ ।

Several Worker Of Pipili Congress Joins BJD Ahead Of Bypoll

ଏହି ମିଶ୍ରଣ ଦଳକୁ ଅଧିକ ସୁଦୃଢ଼ କରିବ ବୋଲି କହିଛନ୍ତି ମନ୍ତ୍ରୀ ସମୀର ରଞ୍ଜନ ଦାଶ । ସେପଟେ ପିପିଲି ଉପନିର୍ବାଚନରେ ବିଜେଡି ପ୍ରାର୍ଥୀ ହୋଇଥିବା ରୁଦ୍ର ମହାରଥୀ କହିଛନ୍ତି, ପିପିଲିରେ ଯାହାବି ଉନ୍ନତି ହୋଇଛି ମୁଖ୍ୟମନ୍ତ୍ରୀ ଓ ପ୍ରଦୀପ ମହାରଥୀ କରିଛନ୍ତି । ପିପିଲିବାସୀ ଜାଣିଛନ୍ତି ଦୀର୍ଘଦିନ ହେବ କିଏ ତାଙ୍କ ସୁଖଦୁଃଖରେ ପାଖରେ ଠିଆ ହୋଇଥିଲା ।