spot_img
Home Blog Page 5143

ଭୁଲ୍ ଇଞ୍ଜେକ୍ସନରୁ ରୋଗୀ ମୃତ୍ୟୁ ଅଭିଯୋଗ, ମେଡିକାଲରେ ଉତ୍ତେଜନା

ବାଲିଗୁଡ଼ା: ମାରିଦେଲା ଡାକ୍ତରଙ୍କ ଭୁଲ ଇଞ୍ଜେକ୍ସନ୍ । ଏଭଳି ଅଭିଯୋଗ ଆସିଛି କନ୍ଧମାଳ ଜିଲ୍ଲା ବାଲିଗୁଡ଼ା ଉପଖଣ୍ଡ ଚିକିତ୍ସାଳୟରୁ । ରୋଗୀ ମୃତ୍ୟୁକୁ ନେଇ ଡାକ୍ତରଖାନା ପରିସରରେ ଉତ୍ତେଜନା ପ୍ରକାଶ ପାଇଛି । ମୃତକ ହେଲେ ସଲାଗୁଡ଼ା ତେଲେପଙ୍ଗା ଗାଁର ରବିଚନ୍ଦ୍ର ଦିଗାଲ । ଅଭିଯୋଗ ଅନୁସାରେ ରବିଚନ୍ଦ୍ରଙ୍କର ଗୋଡ଼ରେ ଯନ୍ତ୍ରଣା ସହିତ ଜର ହେଉଥିଲା । ଫଳରେ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟରେ ରବିଚନ୍ଦ୍ରଙ୍କୁ ଭର୍ତ୍ତି କରାଇଥିଲେ ପରିବାର ଲୋକ ।

Patient Dies In Baliguda Hospital For Wrong Injection

ଏହାର କିଛି ସମୟ ପରେ ତାଙ୍କର ମୃତ୍ୟୁ ହୋଇଥିଲା । ଡାକ୍ତରଙ୍କ ଭୁଲ୍ ଇଞ୍ଜେକ୍ସନ ଦେବାରୁ ତାଙ୍କର ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଛନ୍ତି । ଘଟଣାସ୍ଥଳରେ ବାଲିଗୁଡ଼ା ଏସଡିପିଓ ଓ ଥାନା ଅଧିକାରୀ ପହଞ୍ଚି ଲୋକଙ୍କୁ ବୁଝାସୁଝା କରିବା ସହିତ ତଦନ୍ତ ଆରମ୍ଭ କରିଛନ୍ତି ।

ଦୁଃଖ ଦେଲା ଦୀପାବଳି; ବାଣ ଫୁଟାଇବା ବେଳେ ଅଘଟଣ, ୨ ମୃତ

ଢେଙ୍କାନାଳ/ଟାଙ୍ଗୀ/କେନ୍ଦ୍ରାପଡ଼ା: ଆଲୋକର ପର୍ବ ଦୀପାବଳିରେ ଅଘଟଣ । ଦୁଃଖ ଦେଲା ଦୀପାବଳି । ବାଣ ଫୁଟାଇବା ବେଳେ ରାଜ୍ୟର ବିଭିନ୍ନ ସ୍ଥାନରେ ଅଘଟଣ ଘଟିଛି । ବିଭିନ୍ନ ସ୍ଥାନରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୫ ଜଣ ଗୁରୁତର ଆହାତ ହୋଇଛନ୍ତି । ଢେଙ୍କାନାଳ ଜିଲ୍ଲା ସଦର ଥାନା ଅନ୍ତର୍ଗତ ଗେଙ୍ଗୁଟିଆ ବାରଦା ଗାଁରେ ବାଣ ଫୁଟାଇବା ବେଳେ ଜଣଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଆହାତ ହୋଇଛନ୍ତି ।

ମୃତକ ଗେଙ୍ଗୁଟିଆ ବାରଦା ଗାଁର ମହେଶ୍ୱର ମହାରଣା ବୋଲି ଜଣାପଡ଼ିଛି । ବିରେନ ନାୟକ ଓ ପ୍ରସନ୍ନ କୁମାର ବ୍ରହ୍ମା ଗୁରୁତର ଆହାତ ହୋଇଛନ୍ତି । ଉଭୟଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଅନ୍ୟପଟେ ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ବରୁଣପଡ଼ା ଗାଁରେ ଜଣେ ଯୁବକଙ୍କ ହାତରେ ବାଣ ଫୁଟି ଯାଇଛି । ଗୁରୁତର ବାଦଲ ଘଡ଼ାଇଙ୍କୁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।

କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ଯୁଇଦାସପୁରରେ ବାଣ ବିସ୍ପୋରଣ ହୋଇଛି । ବାଣ ବିସ୍ଫୋରଣରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହାତ ହୋଇଛନ୍ତି । ମୃତକ ବାଣ କାରିଗର କୃଷ୍ଣଚନ୍ଦ୍ର ନାୟକ । ବାଣ ତିଆରି ବେଳେ ନିଆଁ ଲାଗି ଚାଳ ଛପର ଘର ଜଳି ଯାଇ ବିସ୍ଫୋରଣ ଘଟିଛି । ଅନ୍ୟପଟେ ପାଟକୁରା ତିରିଣିଆରେ ହାତରେ ବାଣ ଫୁଟି ଯୁବକ ଗୁରୁତର ହୋଇ ପଡ଼ିଛନ୍ତି । ତାଙ୍କୁ କଟକ ସ୍ଥାନାନ୍ତର କରାଯାଇଛି ।

ଦୀପାବଳି ଦିନ କାହିଁକି ଘଣ୍ଟାଏ ପାଇଁ ଖୋଲିଥାଏ ସେୟାର୍ ବଜାର ?

ମୁମ୍ବାଇ: ଭାରତୀୟ ସେୟାର ବଜାରରେ ଦୀପାବଳି ଦିନ ସ୍ୱତନ୍ତ୍ର କାରବାର ସମୟକୁ ମହୁରତ ଟ୍ରେଡିଂ କୁହାଯାଏ । ଏହା ସାଧାରଣତଃ ଘଣ୍ଟାଏ ପାଇଁ ହୋଇଥାଏ । ସବୁଦିନ ସକାଳ ୯ଟାରୁ ଦିନ ୩ଟା ୩୦ ପର୍ଯ୍ୟନ୍ତ ଟ୍ରେଡିଂ ବା କାରବାର ହେଉଥିବା ବେଳେ ଦୀପାବଳି ଦିନ ମାତ୍ର ଘଣ୍ଟାଏ ପାଇଁ ବଜାର ଓପନ୍ ହୋଇଥାଏ । ଆଜି ପବିତ୍ର ଦୀପାବଳି ଅବସରରେ ସନ୍ଧ୍ୟା ୬ଟା ୧୫ରୁ ୭ଟା ୧୫ ମଧ୍ୟରେ ମହୁରତ ଟ୍ରେଡିଂ ହୋଇଛି । BSE ଓ NSEରେ ଲିଷ୍ଟିଂ ହୋଇଥିବା କମ୍ପାନୀର ସେୟାରକୁ ଏହି ଘଣ୍ଟାଏ ମଧ୍ୟରେ କାରବାର କରାଯାଇଛି ।

 Diwali Share Market Mahurat Trading 2021

ଉତ୍ତର ଭାରତରେ ହିନ୍ଦୁ ପାଞ୍ଜିର ଆରମ୍ଭ ଏବଂ ନୂଆ ବ୍ୟବସାୟ ବର୍ଷର ପ୍ରଚଳନ ଅନୁସାରେ ପାରମ୍ପରିକ ଭାବରେ ଏହା ହୋଇ ଆସୁଛି । ଦୀପାବଳିରେ ବ୍ୟବସାୟୀମାନେ ନୂଆ ଖାତା ଆରମ୍ଭ କରିଥାନ୍ତି । ଏହାକୁ ସାଙ୍କେତିକ ଭାବେ ନେଇ ସେୟାର ବଜାରରେ ମହୁରତ ଟ୍ରେଡିଂର କଳ୍ପନା କରାଯାଇଛି । ମହୁରତ ଟ୍ରେଡିଂରେ କିଛି ନିବେଶକ ବର୍ଷକର ଯୋଜନା ରଖି ସେୟାରରେ ନୂଆ ନିବେଶ କରିଥାନ୍ତି । ଆଜି କାରବାର କଲେ ବର୍ଷ ତମାମ୍ ସମୃଦ୍ଧି ହେବାର ବିଶ୍ୱାସ ରହିଛି ।

‘ଚାକିରି ପାଇଁ ଜାଲ୍ ଜାତିଗତ ପ୍ରମାଣପତ୍ର ଦେଇଛନ୍ତି ସମୀର ୱାଙ୍ଖଡେ’, ଅଭିଯୋଗ କଲେ ଦଳିତ ସଂଗଠନ

ମୁମ୍ବାଇ: ପୁଣି ବଢ଼ିଲା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ମୁମ୍ବାଇ ଜୋନାଲ ନିର୍ଦ୍ଦେଶକ ସମୀର ଓ୍ବାଙ୍ଖଡେଙ୍କ ଅଡୁଆ । ୱାଙ୍ଖଡେ ଜାଲ୍ ଜାତିଗତ ପ୍ରମାଣପତ୍ର ହାସଲ କରିଛନ୍ତି ବୋଲି ଅଭିଯୋଗ କରିଛନ୍ତି ଦୁଇଟି ଦଳିତ ସଂଗଠନ – ସ୍ୱାଭିମାନୀ ରିପବ୍ଲିକାନ ପାର୍ଟି ଓ ଭୀମ ସେନା । ପୂର୍ବରୁ ଏନସିପି ନେତା ନବାବ ମଲ୍ଲିକ ଅଭିଯୋଗ କରିଥିଲେ ଯେ ୱାଙ୍ଖଡେ ଜାଲ୍ ଜାତିଗତ ପ୍ରମାଣପତ୍ର ହାସଲ କରି ଚାକିରି କରିଛନ୍ତି । ତାଙ୍କର ଏହି ଅଭିଯୋଗ ପରେ ପରେ ଦୁଇଟି ପ୍ରମୁଖ ଦଳିତ ସଂଗଠନର ଅଭିଯୋଗ ୱାଙ୍ଖଡେଙ୍କ ଲାଗି ଅଧିକ ଅଡୁଆ ସୃଷ୍ଟି କରିଛି ।

Dalit Organisations Bhim Army Complaint Sameer Wankhede Over Fake Paper

ୱାଙ୍ଖଡେ ଜନ୍ମରୁ ଜଣେ ମୁସଲିମ୍ ଥିଲେ ଏବଂ ପରେ ସେ ଏସସି ସାର୍ଟିଫିକେଟ ହାସଲ କରିଥିଲେ ବୋଲି ଅଭିଯୋଗ କରିଥିଲେ ନବାବ । ସମୀରଙ୍କ ବାପା ଜଣେ ଧର୍ମାନ୍ତରିତ ମୁସଲିମ ହୋଇଥିବାବେଳେ ସେ ବାପାଙ୍କୁ ଜଣେ ସଂରକ୍ଷିତ ବର୍ଗର ବ୍ୟକ୍ତି ବୋଲି ଦର୍ଶାଇଥିଲେ । ବିଭିନ୍ନ ଅଭିଯୋଗ କ୍ରମେ ସମୀର ଦର୍ଶାଇଥିଲେ ଯେ, ତାଙ୍କ ବାପାଙ୍କ ନାମ ଦ୍ୟାନଦେବ ଥିଲା । ଦାଉଦ ନୁହେଁ । ସେ ବହୁ ଧର୍ମାବଲମ୍ବୀ ଓ ଧର୍ମ ନିରପେକ୍ଷ ବୋଲି ଦର୍ଶାଇଥିଲେ ୱାଙ୍ଖଡେ ।

ସେପଟେ ବିଜୟ ସାପ୍ଲାଙ୍କ ନେତୃତ୍ୱରେ ଗଠିତ ଜାତୀୟ ତଫସିଲଭୁକ୍ତ ଜାତି କମିଶନ ୱାଙ୍ଖଡେଙ୍କ ଜାଲ ଜାତିଗତ ପ୍ରମାଣପତ୍ର ସମ୍ପର୍କରେ ତଦନ୍ତ କରିବା ଲାଗି ମୁମ୍ବାଇ ପୋଲିସ କମିଶନରଙ୍କୁ ନିର୍ଦ୍ଦେଶ ଦେଇଛନ୍ତି । ଏନସିପି ନେତା ନବାବ ମଲିକଙ୍କ ବିରୋଧରେ ୱାଙ୍ଖଡେ କରିଥିବା ମାନହାନୀମୂଳକ ଅଭିଯୋଗର ତଦନ୍ତ ଲାଗି ପୋଲିସ କମିଶନର ହେମନ୍ତ ନାଗ୍ରଲେଙ୍କୁ ନିର୍ଦ୍ଦେଶ ଦେଇଛନ୍ତି କମିଶନର ।

କରୋନା ଯୁଦ୍ଧରେ ନୂଆ ଅସ୍ତ୍ର; ମର୍କର ‘ମୋଲନୁ ପିରାଭିର’ ବଟିକାକୁ ବ୍ରିଟେନର ଅନୁମତି

ନୂଆଦିଲ୍ଲୀ: କରୋନା ଯୁଦ୍ଧରେ ଆଉ ଏକ ନୂଆ ଅସ୍ତ୍ର । କୋଭିଡ୍ ଔଷଧ ନେଇ ଆସିଲା ବଡ଼ ଖବର । ‘ମର୍କ’ର କୋଭିଡ୍ ବଟିକା ‘ମୋଲନୁ ପିରାଭିର’ କୁ ଅନୁମତି ଦେଇଛି ବ୍ରିଟେନ୍ । ଏହି ଔଷଧକୁ ଅନୁମତି ଦେବାରେ ବ୍ରିଟେନ ହେଉଛି ପ୍ରଥମ ରାଷ୍ଟ୍ର । ଏହି ବଟିକା କୋଭିଡ୍ ନିରାକରଣ କ୍ଷେତ୍ରରେ ମହୌଷଧି ହେବ ବୋଲି ଆଶା ପ୍ରକାଶ କରିଛନ୍ତି ବ୍ରିଟେନ ସରକାର । ଏନେଇ ଘୋଷଣା କରିଛି ମେଡିସିନ୍ସ ଆଣ୍ଡ ହେଲଥ କେୟାର ପ୍ରଡକ୍ଟସ ରେଗୁଲେଟୋରି ଏଜେନ୍ସି ବା ଏମଏଚଆରଏ ।

UK Approves Merck's Anti-Covid Drug Molnupiravir

ଏହି ଔଷଧ ୧୮ରୁ ଅଧିକ ବୟସର ଲୋକଙ୍କୁ ଦିଆଯାଇ ପାରିବ । ଏପରିକି ଗୁରୁତର ରୋଗୀଙ୍କୁ ବି ଏହି ଔଷଧ ଦିଆଯାଇ ପାରିବ । ଦୈନିକ ୨ ଟି ବଟିକା ଲେଖାଏଁ ୩ ଦିନ ନିଆଯାଇ ପାରିବ । ଏହି ଔଷଧକୁ ମର୍କ ଆଣ୍ଡ କୋ ଓ ରିଜବ୍ୟାକ୍ କମ୍ପାନୀ ପକ୍ଷରୁ ପ୍ରସ୍ତୁତ କରାଯାଇଛି । ବ୍ରିଟେନ୍ ସ୍ୱାସ୍ଥ୍ୟମନ୍ତ୍ରୀ ସାଲିଦ ଜାଭିଦ କହିଛନ୍ତି ଆଜି ଏକ ଐତିହାସିକ ଦିନ । ଏହା କୋଭିଡ୍ ଯୁଦ୍ଧରେ ଗେମ୍ ଚଞ୍ଜର ସାଜିବ । ବିଶ୍ୱରେ ପ୍ରଥମ ରାଷ୍ଟ୍ର ଭାବେ ବ୍ରିଟେନ ଏହି ବଟିକା ବାହାର କରିବାକୁ ସକ୍ଷମ ହୋଇଛି ।

ଏହି ଔଷଧ କୌଣସି ବ୍ୟକ୍ତିଙ୍କ ରୋଗ ପ୍ରତିରୋଧକ ଶକ୍ତି ବଢ଼ାଇବା ସହ କୋଭିଡ୍ ଭୂତାଣୁକୁ ଦୁର୍ବଳ କରିବାରେ ସହାୟକ ହେବ । ଏମଏଚଆରଏ ଅନୁସାରେ, ଏହା ଲୋକଙ୍କ ଲାଗି ଅଧିକ ନିରାପଦ ଓ ପ୍ରଭାବଶାଳୀ । ଏହି ବଟିକା ସେବନ କଲେ ରୋଗୀ ହସ୍ପିଟାଲକୁ ଯିବା ସମ୍ଭାବନା ପ୍ରାୟ ନଥାଏ । କ୍ଲିନିକାଲ ଟ୍ରାଏଲ୍ ଡାଟା ଅନୁସାରେ ଏହି ବଟିକାକୁ ପ୍ରାଥମିକ ଅବସ୍ଥାରେ ନେଲେ ବହୁତ ଉପକାର ମିଳିଥାଏ ।

ବିଜେଡିରେ ମିଶିଲେ ୨୫୦ରୁ ଅଧିକ ବିଜେପି କର୍ମୀ

ପୁରୁଷୋତ୍ତମପୁର: ଆହୁରି ସୁଦୃଢ଼ ହେଲା ବିଜେଡି । ଗଞ୍ଜାମ ଜିଲ୍ଲା ପୋଲସରା ବ୍ଲକ ରୁମାଗଡ଼ ପଞ୍ଚାୟତରେ ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଛି । ବିଜେଡିର ସ୍ୱଚ୍ଛ ଶାସନ ତଥା ବିଭିନ୍ନ ଯୋଜନାର ସଫଳ ରୂପାୟନରେ ଅନୁପ୍ରାଣିତ ହୋଇ ବିଜେପି କର୍ମୀ ମାନେ ବିଜେଡିରେ ସାମିଲ ହୋଇଛନ୍ତି । ପଞ୍ଚାୟତର ପ୍ରାୟ ୨୫୦ରୁ ଊର୍ଦ୍ଧ୍ୱ ବିଜେପି କର୍ମୀ ପୋଲସରା ବିଧାୟକ ଶ୍ରୀକାନ୍ତ ସାହୁଙ୍କ ଉପସ୍ଥିତିରେ ଶଙ୍ଖ ଧରିଛନ୍ତି ।

More Than 250 BJP Worker Joins BJD

ନୂଆ କରି ବିଜେଡିରେ ସାମିଲ୍ ହୋଇଥିବା କର୍ମୀ ମାନଙ୍କୁ ଉତ୍ତରୀୟ ଓ ଫୁଲତୋଡ଼ା ପ୍ରଦାନ କରି ସମ୍ମାନିତ କରିଥିଲେ ବିଧାୟକ । ଆଗାମୀ ଦିନରେ ହେବାକୁ ଥିବା ପୌର ନିର୍ବାଚନ ଓ ପଞ୍ଚାୟତ ନିର୍ବାଚନରେ ସମସ୍ତେ ଏକଜୁଟ୍ ହୋଇ ମୁଖ୍ୟମନ୍ତ୍ରୀଙ୍କ ହାତମୁଠାକୁ ଟାଣ କରିବା ସହ ଦଳୀୟ ନୀତି ଆଦର୍ଶ ମାନି ଚଳିବା ପାଇଁ ସଂକଳ୍ପ ନେଇଛନ୍ତି ।

ରାଜଧାନୀରୁ ୨୭ ଲକ୍ଷ ଟଙ୍କାର ବ୍ରାଉନସୁଗର ଜବତ, ୨ ଗିରଫ

ଭୁବନେଶ୍ୱର: ରାଜଧାନୀରୁ ୨୭ ଲକ୍ଷ ଟଙ୍କାର ବ୍ରାଉନସୁଗର ଜବତ ହୋଇଛି । ହାଇଟେକ୍ ଛକ ନିକଟରେ ବିକ୍ରି କରୁଥିବା ବେଳେ ୨୭୩ ଗ୍ରାମ୍ ବ୍ରାଉନସୁଗର ଜବତ କରିଛି କମିଶନରେଟ ପୋଲିସର କ୍ୟୁଏଟି ଓ ମଞ୍ଚେଶ୍ୱର ଥାନା ପୋଲିସ । ଗିରଫ ହୋଇଛନ୍ତି ଦୁଇ ଡ୍ରଗ୍ସ ମାଫିଆ । ଗିରଫ ୨ ଅଭିଯୁକ୍ତ ହେଲେ କଟକ ଗୋବିନ୍ଦପୁର ଥାନା ଅଞ୍ଚଳର ମନ୍ନଥ ସ୍ୱାଇଁ ଓ ଭୁବନେଶ୍ୱର ଲକ୍ଷ୍ମୀସାଗର ଅଞ୍ଚଳର ପ୍ରମୋଦ ମଲ୍ଲିକ ।

ଏଥିସହ ପଢ଼ନ୍ତୁ: ଜେଲ୍ ଫେରନ୍ତା ବିଜେପି ନେତାଙ୍କ ସାମ୍ବାଦିକ ସମ୍ମିଳନୀ ଅତ୍ୟନ୍ତ ଲଜ୍ଜାଜନକ: ବିଜେଡି

ଉଭୟଙ୍କୁ ଗିରଫ ପରେ କୋର୍ଟ ଚାଲାଣ କରିଛି କମିଶନରେଟ୍ ପୋଲିସ । କମିଶନରେଟ୍ ପୋଲିସର ଅପରେସନ୍  ହ୍ୱାଇଟ ସ୍ପାଇଡର ଆରମ୍ଭ ହେବା ଦିନଠାରୁ ଏବେ ପର୍ଯ୍ୟନ୍ତ ୨ କିଲୋ ୨୨୩ ଗ୍ରାମ୍ ବ୍ରାଉନସୁଗର ଜବତ ହୋଇଥିବା ବେଳେ ୩୮ଜଣଙ୍କୁ ଗିରଫ କରାଯାଇଛି । ୪ ଲକ୍ଷ ୮୧ହଜାର ଟଙ୍କା ଜବତ କରାଯାଇଥିବା କହିଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାଶ ।

ଜେଲ୍ ଫେରନ୍ତା ବିଜେପି ନେତାଙ୍କ ସାମ୍ବାଦିକ ସମ୍ମିଳନୀ ଅତ୍ୟନ୍ତ ଲଜ୍ଜାଜନକ: ବିଜେଡି

ଭୁବନେଶ୍ୱର: ଆଜି ବିଜେପି ପକ୍ଷରୁ ଜଣେ ହତ୍ୟା ଅଭିଯୁକ୍ତ ତଥା ଜେଲ ଫେରନ୍ତା ବ୍ୟକ୍ତି ଇରାଶିଶ ଆଚାର୍ଯ୍ୟ ଗଣମାଧ୍ୟମକୁ ସମ୍ବୋଧନ କରୁଥିବା ଦେଖିବା ପ୍ରକୃତରେ ଲଜ୍ଜାଜନକ ଅଟେ ବୋଲି କହିଛନ୍ତି ବିଜେଡି ମୁଖପାତ୍ର ଚିନ୍ମୟ ସାହୁ । ବିଜେପି ସାମ୍ବାଦିକ ସମ୍ମିଳନୀର ଜବାବ ଦେଇ ବିଜେଡି ମୁଖପାତ୍ର କହିଛନ୍ତି, ଏହା ସ୍ୱାଭାବିକ ଭାବରେ ଆଶା କରାଯାଏ ଯେ ଜଣେ ହତ୍ୟାକାରୀ ଯିଏ କି ଅନେକ ମାସ ଜେଲରେ ବିତାଇଛନ୍ତି । ସିଏ ଜଣେ ମହିଳାଙ୍କ ବିରୋଧରେ ଚାଲିଥିବା ଏପରି ସମ୍ବେଦନଶୀଳ ଜଘନ୍ୟ ଅପରାଧର ରାଜନୀତିକରଣ କରିବାକୁ ଚେଷ୍ଟା କରିବ ।

BJD Conuter On BJP Irasis Acharya Pressmeet

ଆଜି ବିଜେପି ସାମ୍ବାଦିକ ସମ୍ମିଳନୀରେ ମଧ୍ୟ ଆଉ ଗୋଟିଏ ଉଦାହରଣ ଦେଖିବାକୁ ମିଳିଛି, ଇରାଶିଶ ଆଚାର୍ଯ୍ୟଙ୍କ ଭଳି ବିଜେପି ନେତାମାନେ କିଭଳି ରାଜନୀତିରେ ତିଷ୍ଠି ରହିବାକୁ ଟିଭିରେ ମୁହଁ ଦେଖାଇବା ପାଇଁ ପରସ୍ପର ମଧ୍ୟରେ ପ୍ରତିଦ୍ୱନ୍ଦ୍ୱିତା ଚଳାଇଛନ୍ତି । ଅତ୍ୟନ୍ତ ଘୃଣ୍ୟ ବିଷୟ ହେଉଛି ଓଡ଼ିଶା ବିଜେପି ଜଣେ ଅପରାଧୀଙ୍କ ପାଇଁ ଏତେ ତଳକୁ ଖସିଯାଇଛି ଯେ ଯିଏ ଗିରଫ ହୋଇ ଜେଲରେ ଥିଲେ ସିଏ ଏବେ ଜଣେ ପୀଡ଼ିତାଙ୍କୁ ନ୍ୟାୟ ଦେବାପାଇଁ ଦାବି କରୁଛନ୍ତି ବୋଲି ବିଜେଡି ମୁଖପାତ୍ର କହିଛନ୍ତି ।

ବିଷାକ୍ତ ମଦ ପିଇ ୨ ଦିନରେ ୨୫ ଜଣଙ୍କ ମୃତ୍ୟୁ

ପାଟଣା: ବିହାରରେ ମଦ ବ୍ୟାନ, କିନ୍ତୁ ବିଷାକ୍ତ ମଦ ପିଇ ମରୁଛନ୍ତି ଲୋକେ । ରାଜ୍ୟରେ ମଦ ପ୍ରସ୍ତୁତି ଓ ବିକ୍ରିକୁ ସମ୍ପୂର୍ଣ୍ଣ ବନ୍ଦ କରିବାର ପ୍ରଶାସନ ବିଫଳ ହୋଇଛି । ପୁଣି ଥରେ ବିଷାକ୍ତ ମଦ ପିଇ ୨ ଦିନ ମଧ୍ୟରେ ୨୫ ଜଣଙ୍କ ମୃତ୍ୟୁ ହୋଇଛି । ବୁଧବାର ଓ ଗୁରୁବାରକୁ ମିଶାଇ ଗୋପାଳଗଞ୍ଜରେ ୧୭ ଓ ବେତିୟାରେ ୮ ଜଣଙ୍କ ଜୀବନ ଯାଇଛି । ବିଷାକ୍ତ ମଦ ପିଇ ମୃତ୍ୟୁ ହୋଇଥିବା ପରିବାର ଲୋକେ କହୁଥିବା ବେଳେ ପ୍ରଶାସନ ପକ୍ଷରୁ ସ୍ପଷ୍ଟ କରାଯାଇ ନାହିଁ ।

25 Dead In 2 Days Due To Poisonous Liquor In Bihar

ମୋହମ୍ମଦପୁର ଓ କୁଶହରରେ ବିଷାକ୍ତ ମଦ ପିଇ ବୁଧବାର ୧୦ ଜଣଙ୍କ ମୃତ୍ୟୁ ହୋଇଥିଲା । ଆଜି ଆଉ ୭ ଜଣଙ୍କ ମୃତ୍ୟୁ ହୋଇଛି । ମେଡିକାଲରେ ଭର୍ତ୍ତି ହୋଇଥିବା କିଛି ଲୋକଙ୍କ ଆଖିର ରଶ୍ମି ଚାଲି ଯାଇଥିବା କୁହାଯାଉଛି । ମୃତକଙ୍କ ପରିବାରକୁ ବିହାରର ଭୂ-ତତ୍ତ୍ୱ ମନ୍ତ୍ରୀ ଭେଟି ସାହାଯ୍ୟର ଭରସା ଦେବା ସହ ସରକାରଙ୍କୁ ବଦନାମ ପାଇଁ ଷଡ଼ଯନ୍ତ୍ର ହୋଇଥିବା କହିଛନ୍ତି ।

25 Dead In 2 Days Due To Poisonous Liquor In Bihar

ମୃତ୍ୟୁବରଣ କରିଥିବା ମୁକେଶ ରାମ, ଛୋଟେ ଲାଲ୍ ପ୍ରସାଦ, ଛୋଟେ ଲାଲ୍ ସୋନି, ସନ୍ତୋଷ ଶାହ ଓ ରାମବାବୁ ରାୟଙ୍କ ମୃତ୍ୟୁ ହୋଇଛି । ମୃତକ ମୁକେଶ ରାମଙ୍କ ଘରୁ ଦେଶୀ ମଦ ମିଳିଛି । ଘଟଣାରେ ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି, ‘ଯେଉଁଠି ମଦ ଚାଲୁଛି, ସେଠି ଗଡ଼ବଡ଼ ହେଉଛି ।’

ମାଆ ଝିଅଙ୍କୁ ଛୁରାମାଡ଼ ଘଟଣାର ପର୍ଦ୍ଦାଫାସ, ଲୁଟ୍ ଲକ୍ଷ୍ୟରେ ରୂପେଶ ରଚିଥିଲା ଷଡ଼ଯନ୍ତ୍ର

ଭୁବନେଶ୍ୱର: ଶୈଳଶ୍ରୀବିହାରରେ ମାଆ ଝିଅଙ୍କୁ ଛୁରା ମାଡ଼ ଘଟଣା ଉପରୁ ଉଠିଲା ପର୍ଦ୍ଦା । ପ୍ରେସମିଟ୍ କରି ଛୁରାମାଡ଼ ଘଟଣାର ପର୍ଦ୍ଦାଫାସ କରିଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାଶ। ଛୁରାମାଡ଼ ଘଟଣାରେ ରୂପେଶ ସମେତ ୨ଜଣ ଗିରଫ ହୋଇଛନ୍ତି । ଗିରଫ ଦ୍ୱୟ ହେଲେ ରୂପେଶ ପଣ୍ଡା ଓ ସଞ୍ଜୟ ପଣ୍ଡା। ରୂପେଶ ଓ ସଞ୍ଜୟ ଏକ ଗଣମାଧ୍ୟମ ପ୍ରତିଷ୍ଠାନରେ କାର୍ଯ୍ୟରତ ଅଛନ୍ତି।

ପୋଲିସ ମୁତାବକ ଋଣ ଓ ଆର୍ଥିକ ସସମ୍ୟାରେ ଗତି କରୁଥିବା ରୂପେଶ ମାସକ ପୂର୍ବରୁ ଲୁଟ୍ ପାଇଁ ଯୋଜନା କରିଥିଲେ । ଗତ ୧ ତାରିଖ ଦିନ ମହିଳା ବେଶରେ ପଡ଼ୋଶୀ ମହିଳାଙ୍କ ଘରକୁ ପଶିଥିଲେ ରୂପେଶ । ଘରେ ପଶି ହଠାତ୍ ଆକ୍ରମଣ କରିବା ସହ ଖେଳନା ବନ୍ଧୁକରୁ ଗୁଳି ମଧ୍ୟ ଫୁଟାଇଥିଲା ରୂପେଶ । ଘଟଣାରେ ବ୍ୟବହୃତ ଛୁରି ଓ ବାଇକ୍  ପୋଲିସ ଜବତ କରିଛି । ଲୁଟ୍‌ ପାଇଁ ୧ ନଂ ମାର୍କେଟରୁ ଛୁରି ଓ ଡ୍ରେସ କିଣିଥିଲେ ବୋଲି ଡିସିପି ସୂଚନା ଦେଇଛନ୍ତି ।

ସୂଚନାଯୋଗ୍ୟ, ଗତ ଗତ ୧ ତାରିଖରେ ରୂପେଶ ମହିଳା ବେଶରେ ଆହାତ ଯୁବତୀଙ୍କ ଘରେ ପଶିଥିଲେ । ଏହାପରେ ଏକ ଛୁରିରେ ଉଭୟ ଯୁବତୀ ଓ ତାଙ୍କ ମାଆଙ୍କୁ ଆକ୍ରମଣ କରିଥିଲେ । ଧସ୍ତାଧସ୍ତିରେ ସେ ନିଜେ ମଧ୍ୟ ଆହାତ ହୋଇଥିଲେ ।