spot_img
Home Blog Page 5110

ବଦଳିବାକୁ ଯାଉଛି ହ୍ୱାଟ୍ସଅପ୍ ଫିଚର; କେଉଁ ସବୁ ନୂଆ ଫିଚର ସାମିଲ ହେବ ଜାଣନ୍ତୁ…

ନୂଆଦିଲ୍ଲୀ: ବଦଳିବାକୁ ଯାଉଛି ହ୍ୱାଟ୍ସଅପର ଫିଚର। କିଛି ନୂଆ ଫିଚର ଆଣିବାକୁ ଟେଷ୍ଟିଂ କରୁଛି ହ୍ୱାଟ୍ସଅପ । ଏହା ଭିତରେ ୟୁଜର ଇଣ୍ଟରଫେସର ଏକ ନୂଆ ଡିଜାଇନ ବି ରହିଛି । ଏହା ବ୍ୟତୀତ ମଲ୍ଟି ଡଭାଇସ୍ ସିଷ୍ଟମରେ ବି କିଛି ନୂଆ ଫିଚର ଆଣିପାରେ ହ୍ୱାଟ୍ସଅପ। WABetainfoର ଏକ ରିପୋର୍ଟ ଅନୁସାରେ ହ୍ବାଟସପ୍ ଅନେକ ନୂଆ ଫିଚର ଆଣିବାକୁ ଯାଉଛି । ଯଦିଓ ଏହା ଏବେ ଟେଷ୍ଟିଂ ସ୍ତରରେ ରହିଛି । ଟେଷ୍ଟିଂ ପାଇଁ ବିଟାକୁ ଏହାର ଇଣ୍ଟରଫେସ୍ ଦିଆଯାଇଛି । ଏହା ବ୍ୟତୀତ କମ୍ପାନୀ ଡିଲେଟ ମେସଜର ଟାଇମରର ମଧ୍ୟ ଟେଷ୍ଟିଂ କରୁଛି ଏବଂ ମଲ୍ଟି ଡିଭାଇସ୍ ସପୋର୍ଟରେ ଜଡିତ ଫିଚର ଉପରେ ବି ଆହୁରି ଅଧିକ ଟେଷ୍ଟିଂ କରୁଛି । ତେବେ ଆମେ ଆପଣଙ୍କୁ କହିବାକୁ ଚାହୁଁଛୁ କି ନିକଟରେ କିଛି ଦିନ ପୂର୍ବରୁ ହ୍ବାଟସପ୍ ମଲ୍ଟି ଡିଭାଇସ୍ ସପୋର୍ଟ ଜାରି କରିଛି ।

WABetainfoର ଏକ ରିପୋର୍ଟ ଅନୁଯାୟୀ ହ୍ବାଟସପ୍ ଏକ ନୂଆ ଡିଫଲ୍ଟ ମେସେଜ ଟାଇମର ଜାରି କରିଛି । ଏହି ଫିଚର ଅଦୃଶ୍ୟ ମେସେଜ ପାଇଁ ଅଟେ । ଏହି ଡିଫଲ୍ଟ ମେସେଜ ଟାଇମର ୨୪ ଘଣ୍ଟା ଓ ୯୦ ଦିନ ପାଇଁ ସେଟ୍ କରିପାରିବେ ।ଏହି ଡିଫଲ୍ଟ ମେସେଜ ଟାଇମରକୁ ପ୍ରାଇଭେସି ସେଟିଂକୁ ଯାଇ ଏନାବେଲ କରିପାରିବେ । ଏହି ରିପୋର୍ଟ ଅନୁସାରେ ହ୍ବାଟସପ୍ ମଲ୍ଟି ଡିଭାଇସ୍ ସିଷ୍ଟମକୁ ନେଇ କିଛି ନୂଆ ଫିଚର ଟେଷ୍ଟିଂ କରୁଛି । ଏହା ଅଧିନରେ ପ୍ରତ୍ୟେକ ଥର ଡିଭାଇସ୍ ପରିବର୍ତ୍ତନ କଲେ ସିକ୍ୟୁରିଟି କୋଡ୍ ଦେଖାଇବ ନାହିଁ । ଏବେ ମଲ୍ଟି ଡିଭାଇସ୍ ସିଷ୍ଟମ ଦ୍ବାରା ଡିଭାଇସ୍ ପରିବର୍ତ୍ତନ ସମୟରେ ପ୍ରତି ଥର କୋଡ ଦେଖାଉଛି । ବର୍ତ୍ତମାନ ଏହି ମଲ୍ଟି ଡିଭାଇସ୍ ଫିଚର BETA ପର୍ଯ୍ୟାୟରେ ରହିଛି । ଯଦି ଆପଣ ବର୍ତ୍ତମାନ ହ୍ବାଟସପ୍ ଓ୍ବେବ ବ୍ୟବହାର କରୁଛନ୍ତି ତେବେ ସେଥିରେ ବିଟା ଲେଖା ହୋଇଥିବା ଆପଣ ନୋଟିସ୍ କରିଥିବେ । ତେବେ ଆଗାମୀ ସମୟରେ କିଛି ନୂଆ ଫିଚର ଏଥିରେ ସାମିଲ ହୋଇପାରେ ଏବଂ କିଛି ଫିଚର ମଧ୍ୟ ଏଥିରୁ ଅପସାରଣ କରାଯାଇପାରେ ବୋଲି କୁହାଯାଉଛି ।

ବନ୍ଧୁକ ଦେଖାଇ ଲୁଟିନେଲେ ୪୦ ହଜାର

ମୟୁରଭଞ୍ଜ: ମୟୂରଭଞ୍ଜ ଜିଲ୍ଲାରେ ବନ୍ଧୁକ ଦେଖାଇ ଲୁଟ ହୋଇଥିବା ଅଭିଯୋଗ । ଜିଲ୍ଲାର ବୈଶିଙ୍ଗା ଥାନା ମାଣତ୍ରୀଠାରେ ଥିବା ଇଣ୍ଡିଆନ୍ ଅଏଲ ପେଟ୍ରୋଲ ପମ୍ପରେ ବନ୍ଧୁକ ଦେଖାଇ ଲୁଟ ଅଭିଯୋଗ ହୋଇଛି ।

ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ଦୁଇଜଣ ଅଚିହ୍ନା ଯୁବକ ମୁହଁରେ କପଡ଼ ବାନ୍ଧି ପେଟ୍ରୋଲ ପମ୍ପ  ଅଫିସ ଭିତରକୁ ପଶିଥିେଲ ଓ ରାତି ଡ୍ୟିଟିରେ ଥିବା କର୍ମଚାରୀଙ୍କୁ ବନ୍ଧୁକ ଦେଖାଇ ଭୟବୀତ କରିଥିଲେ । ଏବଂ ସେମାନଙ୍କଠୁ  ପ୍ରାୟ ୪୦ ହଜାରରୁ ଅଧିକ ଟଙ୍କା ଲୁଟି ନେଇଥିବା ବୈଶିଙ୍ଗା ଥାନାରେ ଅଭିଯୋଗ ହୋଇଛି। ଵୈଶିଙ୍ଗା ପୋଲିସ ଘଟଣାର ସିସିଟିଭି ଫୁଟେଜ ଜବତ କରି ତଦନ୍ତ ଆରମ୍ଭ କରିଛି।

ବାଘ ଛାଲ ବିକ୍ରି ପାଇଁ ଚାଲିଥିଲା ଡିଲ୍‌, ମାଡ଼ିବସିଲା ବନ ବିଭାଗ

ଦେବଗଡ଼: ବାଘ ଛାଲ ବିକ୍ରି ପାଇଁ ଡିଲ୍‌ ହେଉଥିବା ବେଳେ ବନ ବିଭାଗର ଚଢାଉ। ଦେବଗଡ ବନଖଣ୍ଡ ରିଆମାଲ ଫରେଷ୍ଟ ରେଞ୍ଜ ପଳସମା ସେକ୍ସନ ବ୍ରାହ୍ମଣୀପାଲି ଗାଁ ନିକଟରେ ଗୋଟିଏ ଚିତାବାଘ ଛାଲ ଜବତ ହୋଇଥିବା ବେଳେ ୨ବାଘଛାଲ ବେପାରୀଙ୍କୁ ବନ ବିଭାଗ ଗିରଫ କରିଛି।

ସୂଚନା ମୁତାବକ  ଚିତାବାଘ ଚାଲ ବିକ୍ରୀ ପାଇଁ ଡିଲ୍‌ ଚାଲିଥିବା ବେଳେ ବନବିଭାଗ ମାଡି ବସିଥିଲା। ଘଟଣାସ୍ଥଳରୁ କୁଣ୍ଢେଇଗୋଳା ଥାନା କୁସକଲିଆ ଗାଁର ପ୍ରହଲ୍ଲାଦ ପରିଡାଙ୍କୁ ବନବିଭାଗ ଗିରଫ କରିଛି । ଚଢାଉ ସମୟରେ ଜଣେ ବେପାରୀ ଗିରଫ ହୋଇଥିବା ବେଳେ ବିଳମ୍ବିତ ରାତିରେ ସିମିଲିହୋତା ଗାଁର ପାଣ୍ଡବ ପ୍ରଧାନଙ୍କୁ ମଧ୍ୟ ଗିରଫ କରାଯାଇଛି।

ସେମିଫାଇନାଲ ପୂର୍ବରୁ ପାକିସ୍ତାନକୁ ଲାଗିଛି ବଡ଼ ଝଟକ୍କା; ଏହି ଦୁଇ ଷ୍ଟାର ଖେଳାଳି ଫ୍ଳୁରେ ଆକ୍ରାନ୍ତ

ଦୁବାଇ: ଚଳିତ ଟି-୨୦ ବିଶ୍ବକପରେ ଦମଦାର ପ୍ରଦର୍ଶନ କରୁଛି ପାକିସ୍ତାନ । ଗ୍ରୁପ୍ ଷ୍ଟେଜରେ ଅପରାଜୟ ରହି ବିଶ୍ବକପର ସେମିଫାଇନାଲରେ ପହଞ୍ଚିଛି ପାକିସ୍ତାନ । ଆଜି ଦ୍ବିତୀୟ ସେମିଫାଇନାଲରେ ଅଷ୍ଟ୍ରେଲିଆକୁ ଭେଟିବ ପାକିସ୍ତାନ । ତେବେ ଏହି ମ୍ୟାଚ ପୂର୍ବରୁ ପାକିସ୍ତାନକୁ ବଡ଼ ଝଟକ୍କା ଲାଗିଛି । ପାକିସ୍ତାନର ଦୁଇ ଷ୍ଟାର ବ୍ୟାଟ୍ସମ୍ୟାନଙ୍କୁ ନେଇ ଚିନ୍ତା ପାକିସ୍ତାନ କ୍ରିକେଟ ବୋର୍ଡ । ଦମଦାର ଫର୍ମରେ ଥିବା ଶୋଏବ ମଲ୍ଲିକ ଓ ମହମ୍ମଦ ରିଜଓ୍ବାନ ଫ୍ଲୁରେ ଆକ୍ରାନ୍ତ ହୋଇଛନ୍ତି । ଯାହାଫଳରେ ଉଭୟ ବ୍ୟାଟ୍ସମ୍ୟାନ ମ୍ୟାଚ ପୂର୍ବରୁ ହୋଇଥିବା ଅଭ୍ୟାସ ଅଧିବେସନରେ ଯୋଗ ଦେଇନଥିଲେ ।

ପାକିସ୍ତାନ ମିଡିଆର ରିପୋର୍ଟ ଅନୁଯାୟୀ ସରଫରାଜ ଅହମଦ ଓ ହାଇଦର ଅଲ୍ଲୀ ଏହି ଦୁଇ ଖେଳାଳିଙ୍କୁ ରିପ୍ଲେସମେଣ୍ଟ ପାଇଁ ରଖାଯାଇଛି । ଯିଏକି ପୂର୍ବରୁ ଏହି ଦଳ ସହ ପୂର୍ବରୁ ଷ୍ଟାଣ୍ଡବାଏ ଥିଲେ । ଯଦିଓ ଶୋଏବ ମଲ୍ଲିକ ଓ ମହମ୍ମଦ ରିଜଓ୍ବାନଙ୍କ କରୋନା ରିପୋର୍ଟ ନେଗେଟିଭ୍ ଆସିଛି କିନ୍ତୁ ଏହି ଦୁଇ ବ୍ୟାଟ୍ସମ୍ୟାନଙ୍କୁ ଏବେ ବିଶ୍ରାମ ନେବା ପାଇଁ ଡାକ୍ତର କହିଛି । ତେବେ ଏହି ଦୁଇ ଷ୍ଟାର ଖେଳାଳି ସେମିଫାଇନାଲ ଖେଳିବେ କି ନାହିଁ ତାହା ମ୍ୟାଚ ପୂର୍ବରୁର ହିଁ ନିଷ୍ପତି ନିଆଯିବ । ଏଭଳି ପରିସ୍ଥିତିରେ ଅଷ୍ଟ୍ରେଲିଆ ବିପକ୍ଷରେ ଏହି ବଡ଼ ମ୍ୟାଚ ପୂର୍ବରୁ ପାକିସ୍ତାନର ଚିନ୍ତା ବଢ଼ିଯାଇଛି । ଉଭୟ ମହମ୍ମଦ ରିଜଓ୍ବାନ ଓ ଶୋଏବ ମଲ୍ଲିକ ଦମଦାର ଫର୍ମରେ ରହିଛନ୍ତି । ଶୋଏବ ମଲ୍ଲିକ ପୂର୍ବ ମ୍ୟାଚରେ ୧୮ ବଲରୁ ଧୂଆଁଧାର ୫୪ ରନର କରିଥିଲେ । ଚଳିତ ବିଶ୍ବକପରେ ୫ଟି ମ୍ୟାଚରେ ଶୋଏବ ମଲ୍ଲିକ ୩ଟି ମ୍ୟାଚରେ ବ୍ୟାଟିଂ କରି ଯଥାକ୍ରମେ ୨୬, ୧୯ ଓ ୫୪ ରନ ସଂଗ୍ରହ କରିଛନ୍ତି । ସେହିପରି ମହମ୍ମଦ ରିଜଓ୍ବାନ ୫ଟି ମ୍ୟାଚ ଖେଳି ଯଥାକ୍ରମେ ୭୯, ୩୩, ୮, ୭୯ ଓ ୧୫ ରନ କରିଛନ୍ତି । ତେଣୁ ଏହି ଦୁଇ ଖେଳାଳି ପାକିସ୍ତାନ ପାଇଁ ଗୁରୁତ୍ବପୂର୍ଣ୍ଣ ଅଟନ୍ତି । ଯିଦି ଆଜିର ସେମିଫାଇନାଲରେ ଏହି ଦୁଇ ଖେଳଳି ନ ଖେଳନ୍ତି ତେବେ ପାକିସ୍ତାନ ଅଡୁଆରେ ପଡ଼ିପାରେ ।

ପାକିସ୍ତାନ ପ୍ରଦର୍ଶନ କଥା ଯଦି କହିବା ତାହାଲେ ଚଳିତ ବିଶ୍ବକପରେ ଦମଦାର ପ୍ରଦର୍ଶନ କରିଛି । ସୁପର-୧୨ ଷ୍ଟେଜରେ ପାକିସ୍ତାନ ଭାରତ,ନ୍ୟୁଜିଲାଣ୍ଡ, ଆଫଗାନିସ୍ତାନ, ସ୍କଟଲାଣ୍ଡ ଓ ନାମବ୍ୟାକୁ ପରାସ୍ତ କରି ସେମିଫାଇନାଲରେ ସ୍ଥାନ ପକ୍କା କରିଛି । ତେବେ ପାକିସ୍ତାନ ଆଜି ସେମିଫାଇନାଲରେ ଅଷ୍ଟ୍ରେଲିଆକୁ ପରାସ୍ତ କରି ଚଳିତ ବିଶ୍ବକପ ଫାଇନାଲ ନ୍ୟୁଜିଲାଣ୍ଡ ବିପକ୍ଷରେ ଖେଳିବା ପାଇଁ ଚେଷ୍ଟା କରିବ ।

ଅବପାତରେ ପରିଣତ ହେଲା ଲଘୁଚାପ, ୧୩ ଓ ୧୪ ତାରିଖରେ ବର୍ଷା ସମ୍ଭାବନା

ଭୁବନେଶ୍ୱର: ଅବପାତରେ ପରିଣତ ହେଲା ଦକ୍ଷିଣ-ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ। ଏହା ପଶ୍ଚିମ-ଉତ୍ତର ପଶ୍ଚିମ ଦିଗରେ ଗତିକରି ଉତ୍ତର ତାମିଲନାଡୁ ଉପକୂଳରେ ସ୍ଥଳଭାଗ ଛୁଇଁବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ଏହା ସହ ଆସନ୍ତା ୧୩ ତାରିଖ ବେଳକୁ ଆଣ୍ଡାମାନ ସାଗର ଏବଂ ଏହାର ଆଖପାଖରେ ଆଉ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ସୂଚନା ଦେଇଛି।

ପରବର୍ତ୍ତୀ ୪୮ ଘଣ୍ଟା ମଧ୍ୟରେ ଏହ ପଶ୍ଚିମ ଉତ୍ତର ପଶ୍ଚିମ ଦିଗରେ ଗତି କରିବ। ଏଥିପାଇଁ ଏବେ ପାଗ ଅନୁକୁଳ ରହିଛି। ଏହି ଦୁଇଟି ଲଘୁଚାପ ପ୍ରଭାବରେ ଆଜିଠାରୁ ୧୪ ତାରିଖ ପର୍ଯ୍ୟନ୍ତ ରାଜ୍ୟର ଅଧିକାଂଶ ଜିଲ୍ଲାରେ କୋହଲିଆ ପାଗ ରହିବ। ୧୩ ଓ ୧୪ ତାରିଖରେ ଦକ୍ଷିଣ ଓଡ଼ିଶାର କିଛି ଜିଲ୍ଲାରେ ସାମାନ୍ୟରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି। ଲଘୁଚାପ ଦୁର୍ବଳ ହେବା ପରେ ରାଜ୍ୟରେ ବଢିବ ଶୀତର ପରିମାଣ।

ଉତ୍ତମ ପରିମଳ ପରିଚାଳନା ପାଇଁ ଓଡ଼ିଶାକୁ ୩ଟି ଜାତୀୟ ସମ୍ମାନ

ଭୁବନେଶ୍ୱର: ପୁଣି ଜାତୀୟସ୍ତରରେ ପୁରସ୍କାର ହାତେଇଲା ଓଡ଼ିଶା। ସହରାଞ୍ଚଳରେ ଉତ୍ତମ ପରିମଳ ପରିଚାଳନା ପାଇଁ ଓଡ଼ିଶାକୁ ୩ଟି ଜାତୀୟ ସମ୍ମାନଜନକ ISC-FICCI ପୁରସ୍କାର ମିଳିଛି। ସହରାଞ୍ଚଳ ନିମନ୍ତେ ନୂଆ ଉତ୍ସାହଜନକ ସଫଳ ଉଦ୍ୟମ ଓ ନୂଆ ମାଇଲଖୁଣ୍ଟ ପ୍ରତିଷ୍ଠା ପାଇଁ ଓଡ଼ିଶା ପୁରସ୍କୃତ ହୋଇଛି। ପ୍ରମୁଖ ପରିମଳ କର୍ମଚାରୀଙ୍କ ପାଇଁ ଯୁଗାନ୍ତକାରୀ ଗରିମା ଯୋଜନାର ସଫଳ ରୁପାୟନ ପାଇଁ ରାଜ୍ୟକୁ ପ୍ରଶଂସା କରାଯାଇଛି।

ଅନ୍ୟପଟେ ସହରାଞ୍ଚଳ ପରିମଳ ଦୀର୍ଘସ୍ଥାୟୀ ପରିଚାଳନା ଓ ପଛୁଆ ବର୍ଗ ଲୋକଙ୍କୁ ସଶକ୍ତ କରିବା କ୍ଷେତ୍ରରେ ଓଡ଼ିଶା ଆଗୁଆ ରହିଛି। କଟକ ମହାନଗର ନିଗମ ଅଞ୍ଚଳରେ ପରିଚାଳିତ ମଳ ବିଶୋଧନାଗାର ପ୍ଲାଣ୍ଟର ସଫଳ ପରିଚାଳନା ଦାୟିତ୍ବ ତୁଲାଇଥିବା ସ୍ବୟଂ ସହାୟକ ଗୋଷ୍ଠୀର ଜଣେ ସଦସ୍ୟାଙ୍କୁ ପ୍ରଶଂସା କରାଯାଇଛି।

 

ସେପଟେ କାର୍ଯ୍ୟଦକ୍ଷତା ପାଇଁ ଢେଙ୍କାନାଳ ପୌରପାଳିକା ମଧ୍ୟ ପୁରସ୍କୃତ ହୋଇଛି । ସହରାଞ୍ଚଳ ଓ ଗ୍ରାମାଞ୍ଚଳ ମଧ୍ୟରେ ସମନ୍ବୟ ଆଣି ମଳ ଓ ସେପ୍ଟେଜ୍ ପରିଚାଳନାର ନୂତନ ମଡେଲ୍ ପ୍ରଦର୍ଶନ କରିଛି ଢେଙ୍କାନାଳ ପୌରପାଳିକା । ଓଡ଼ିଶା ସାରା ଦେଶରେ ଲଗାତାର ତିନି ଥର ପାଇଁ ସଠିକ ମଳ ପରିଚାଳନା ପାଇଁ ପୁରସ୍କାର ହାତେଇଛି।

 

ଆଜି ଦ୍ବିତୀୟ ସେମିଫାଇନାଲରେ ଅଷ୍ଟ୍ରେଲିଆକୁ ଭେଟିବ ପାକିସ୍ତାନ

ଦୁବାଇ: ଚଳିତ ଟି-୨୦ ବିଶ୍ବକପର ଦ୍ବିତୀୟ ସେମିଫାଇନାଲରେ ମୁହାଁମୁହିଁ ହେବେ ଅଷ୍ଟ୍ରେଲିଆ ଓ ପାକିସ୍ତାନ । ଏହି ମ୍ୟାଚ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯିବ । ଏହି ମ୍ୟାଚକୁ ଜିତି ନ୍ୟୁଜିଲାଣ୍ଡ ବିପକ୍ଷରେ ସେମିଫାଇନାଲ ଖେଳିବା ପାଇଁ ଉଭୟ ଦଳ ଚେଷ୍ଟା କରିବେ । ଚଳିତ ଟି-୨୦ ବିଶ୍ବକପରେ ଦମଦାର ପ୍ରଦର୍ଶନ କରିଛି ପାକିସ୍ତାନ । ଗ୍ରୁପ୍ ଷ୍ଟେଜରେ ସମସ୍ତ ମ୍ୟାଚକୁ ବିଜୟ ଲାଭ କରି ଫାଇନାଲରେ ପହଞ୍ଚିଛି ପାକିସ୍ତାନ । ପାକିସ୍ତାନର ଏହି ବିଜୟ ରଥକୁ ଅଟକାଇବାକୁ ଚେଷ୍ଟା କରିବ କଙ୍ଗାରୁ ଦଳ । ତେବେ ପାକିସ୍ତାନର ଦମଦାର ବୋଲିଂ ଲାଇନ ଅଫକୁ ସାମ୍ନା କରିବାକୁ ତୟାର ଅଛନ୍ତି ଅଷ୍ଟ୍ରେଲିଆ ବ୍ୟାଟ୍ସମ୍ୟାନ । ସେହିପରି ଭାବରେ ପାକିସ୍ତାନ ବ୍ୟାଟ୍ସମ୍ୟାନଙ୍କୁ ଅଟକାଇବା ପାଇଁ ମଧ୍ୟ ପୂରା ତୟାର ଅଛନ୍ତି ପ୍ୟାଟ କମିନ୍ସ, ମିଚେଲ ଷ୍ଟାର୍କ ଓ ଜୋଶ ହେଜେଲଉଡ ।

ତେବେ ଯଦି ଟି-୨୦ ବିଶ୍ବକପ କଥା କହିବା ତାହାଲେ ଅଷ୍ଟ୍ରେଲିଆଠାରୁ ଆଗରେ ରହିଛି ପାକିସ୍ତାନ । ୨୦୦୭ ଟି-୨୦ ବିଶ୍ବକପର ପ୍ରଥମ ସଂସ୍କରଣରେ ଭାରତଠାରୁ ପରାଜିତ ହୋଇ ଉପବିଜେତାରେ ସନ୍ତୁଷ୍ଟ ହୋଇଥିଲା ପାକିସ୍ତାନ ଏବଂ ଏହା ପର ସଂସ୍କରଣ ଅର୍ଥାତ ୨୦୦୯ ବିଶ୍ବକପରେ ବିଜୟ ମୁକୁଟ ପିନ୍ଧିଥିଲା ପାକିସ୍ତାନ । ତେବେ ଚଳିତ ବିଶ୍ବକପରେ ଆଜି ମ୍ୟାଚରେ ଅଷ୍ଟ୍ରେଲିଆକୁ ମାତ୍ ଦେଇ ଚମ୍ପିଆନ ହେବ ଲକ୍ଷ୍ୟରେ ରହିଛି ପାକିସ୍ତାନ । ଯଦି ଅଷ୍ଟ୍ରେଲିଆ କଥା କହିବା ତାହାଲେ ଅଷ୍ଟ୍ରେଲିଆ ୨୦୧୦ରେ ଇଂଲଣ୍ଡଠାରୁ ପରାଜିତ ହୋଇଥିଲା ଏବଂ ଏହା ପରାଠାରୁ ଅଷ୍ଟ୍ରେଲିଆ ଆଉ ଫାଇନାଲ ଖେଳିନାହିଁ । ତେଣୁ ଏହି ମ୍ୟାଚକୁ ଜିତି ଚଳିତ ବିଶ୍ବକପର ଫାଇନାଲ ଖେଳିବାକୁ ଚେଷ୍ଟା କରିବ ଅଷ୍ଟ୍ରେଲିଆ ।

୧୪୩ଟି ସ୍ମାର୍ଟ ବିଦ୍ୟାଳୟର ଆଜି ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ

ଭୁବନେଶ୍ୱର: ହାଇଟେକ୍ ହେଉଛି ସରକାରୀ ହାଇସ୍କୁଲ ଏବଂ ନୂଆ ରୂପ ନେଇଛି ଶ୍ରେଣୀ ଗୃହ। ଇ-ଲାଇବ୍ରେରୀ ସାଙ୍ଗକୁ ସ୍କାର୍ଟ କ୍ଲାସର ବ୍ୟବସ୍ଥା । ୫-ଟି ଅଧୀନରେ ରାଜ୍ୟ ସରକାରଙ୍କ ପକ୍ଷରୁ ସୁନ୍ଦରଗଡ଼ ଜିଲ୍ଲାର ୬୭ଟି ସରକାରୀ ହାଇସ୍କୁଲର ରୁପାନ୍ତରଣ କାର୍ଯ୍ୟ ଶେଷ ହୋଇଥିବା ବେଳେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଉଦଘାଟନ କରିବେ।

ସୁନ୍ଦରଗଡର ୬୭ଟି ବିଦ୍ୟାଳୟ ସହ ନବରଙ୍ଗପୁରର ୧୨ଟି, ବାଲେଶ୍ବରର ୨୪ଟି, କଳାହାଣ୍ଡିର ୧୦ଟି ଓ କଟକର ୩୦ଟି ହାଇସ୍କୁଲର ଉଦଘାଟନ କାର୍ଯ୍ୟକ୍ରମ ରହିଛି। ସନ୍ଧ୍ୟା ୫ଟାରେ ଭିଡିଓ କନଫରେସିଂ ଜରିଆରେ ମୁଖ୍ୟମନ୍ତ୍ରୀ ଉଦଘାଟନ କରିବେ। ଏ ନେଇ ସମସ୍ତ ପ୍ରସ୍ତୁତି ଶେଷ ହୋଇଛି । ସ୍କୁଲ ପରିସର ସୁନ୍ଦର ହେବା ସହ ସ୍ମାର୍ଟ କ୍ଲାସରୁମରେ ପାଠପଢ଼ା, ଇ-ଲାଇବ୍ରେରି, ବିଜ୍ଞାନାଗାର, ଖେଳପଡ଼ିଆ, ପାନୀୟ ଜଳ ଏବଂ ସ୍ୱଚ୍ଛ ଶୌଚାଳୟ ଆଦି ନିର୍ମାଣ କରାଯାଇଛି। ହାଇସ୍କୁଲର ରୂପାନ୍ତରଣ କାର୍ଯ୍ୟ ପରେ ସରକାରୀ ହାଇସ୍କୂଲରେ ପାଠ ପଢିବା ପାଇଁ ଛାତ୍ରଛାତ୍ରୀଙ୍କ ମନରେ ଆଗ୍ରହ ବୃଦ୍ଧି ପାଇଛି । ରାଜ୍ୟ ସରକାରଙ୍କ ଏଭଳି ନିଷ୍ପତ୍ତି ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଛାତ୍ରଛାତ୍ରୀ ଓ ଅଭିଭାବକ ଧନ୍ୟବାଦ ଜଣାଇଛନ୍ତି ।

ସତ ଖବରରେ ଅଶାନ୍ତ ହେଉଛନ୍ତି ବସନ୍ତ, ଗଣମାଧ୍ୟମ ଉପରେ ଉଠାଉଛନ୍ତି ପ୍ରଶ୍ନ

ନନ୍ଦିଘୋଷ ବ୍ୟୁରୋ: ମମିତା ହତ୍ୟା ମାମଲାରେ ସତ ଦେଖାଇଛି ନନ୍ଦିଘୋଷ ଟିଭି । କେବଳ ରାଜନୈତିକ ନାଟକବାଜି ଛାଡ଼ି ତଦନ୍ତର ସବୁ ଦିଗକୁ ଉପସ୍ଥାପନ କରାଯାଇଛି। ହେଲେ ପ୍ରଶ୍ନ, ନନ୍ଦିଘୋଷ ଟିଭିକୁ ସାଂସଦ ବସନ୍ତ ପଣ୍ଡାଙ୍କ ଏତେ ଭୟ କାହିଁକି ? ତାଙ୍କ ବକ୍ତବ୍ୟରୁ ତାଙ୍କର ଭୟ ସମ୍ପୂର୍ଣ୍ଣ ଧରାପଡିଯାଇଛି । ଭୟ ଏଥିପାଇଁ କି ଯେ, ନନ୍ଦିଘୋଷ ଟଭି ବସନ୍ତ ପଣ୍ଡାଙ୍କ ଅସଲ କଥାକୁ ପଦାରେ ପକାଇଦେଲା । ମହାଲିଙ୍ଗରେ ବସନ୍ତ ପଣ୍ଡା କେମିତି ହଟହଟା ହେଲେ ଆଉ ମହାଲିଙ୍ଗ ସଭାରୁ କେମିତି ପଳାୟନ କଲେ ତାର ଚିତ୍ର ନନ୍ଦିଘୋଷ ଟିଭି ପ୍ରସାରଣ କରିଛି ।

କିନ୍ତୁ ଏହାକୁ ବସନ୍ତ ପଣ୍ଡା ମିଛ ବୋଲି କହିବା ସହ ନନ୍ଦିଘୋଷର ସଂଜ୍ଞା ବୁଝାଇବାକୁ ଚେଷ୍ଟା କରିଛନ୍ତି । ନନ୍ଦିଘୋଷ ଟିଭି ସରକାରଙ୍କ ହାତ ବାରିସୀ ସାଜିଛି ବୋଲି କହିଛନ୍ତି । ଔଷଧ ବିକଳରେ ତାଟିଆ କାମୁଡୁଛନ୍ତି । ରାଗ କାହା ଉପରେ ଶୁଝାଉଛନ୍ତି ଆଉ କାହାକୁ । ଦେଖନ୍ତୁ ବାସ୍ତବ ଚିତ୍ର । ସତ କଣ ଆଉ ମିଛ କଣ । ପୂରା ଘଟଣାଟି ହେଲା ନଭେମ୍ବର ୭ ତାରିଖରେ କଳାହାଣ୍ଡି ସାଂସଦ ତଥା ବିଜେପିର ପୂର୍ବତନ ରାଜ୍ୟ ସଭାପତି ବସନ୍ତ ପଣ୍ଡା ଏକ ସାଧାଣର ସଭା ଆୟୋଜନ କରିଥିଲେ । ଅସଲରେ ପଞ୍ଚାୟତ ନିର୍ବାଚନକୁ ଆଖି ଆଗରେ ରଖି ଏଭଳି ସଭାସମିତି ବିଜେପି ଆୟୋଜନ କରୁଛି ।

ମମିତା ମେହେର ହତ୍ୟା ଘଟଣାକୁ ସଭା ସହ ନିଜ ରାଜନୈତିକ ଫାଇଦା ପାଇଁ ଯୋଡି ଦିଆଯାଇଛି । ଏହାକୁ ସାଧାରଣ ଲୋକ ଠିକରେ ବୁଝିସାରିଲେଣି । ସେଥିପାଇଁ ମହାଲିଙ୍ଗରେ ବସନ୍ତ ପଣ୍ତାଙ୍କ ସଭାରେ ସାଧାରଣ ଲୋକ ନାନା ପ୍ରଶ୍ନ ପଚାରି ବସନ୍ତଙ୍କୁ ଘାଇଲା କରିବା ସହ ସଭା କରାଇଦେଇନଥିଲେ । ଲୋକଙ୍କ ଆକ୍ରୋଶ ଦେଖି ବସନ୍ତ ପଣ୍ଡା କିଛି ମହିଳାଙ୍କ ସହ ସେ ସ୍ଥାନ ଛାଡି ଚାଲିଯାଇଥିଲେ । ଏହାପରେ ବସନ୍ତ ପଣ୍ଡା ଯାଇଥିଲେ ଗୋଲାମୁଣ୍ଡା ବ୍ଲକର ଫରାଙ୍ଗ । ସେଠାରେ ବସନ୍ତଙ୍କ ଗାଡିକୁ ଅଣ୍ଡା ମାଡ ହୋଇଥିଲା । ଏହାର ଚିତ୍ର ମଧ୍ୟ ଆମେ ଦେଖାଇଥିଲୁ । ଯାହା ଭିଜୁଆଲରେ ରହିଛି ତାହା ହିଁ ଆମେ କହିଥିଲୁ । ବସନ୍ତ ପଣ୍ଡାଙ୍କ ଭଳି କିଛି ବି ମନଗଢା କଥା କହିନଥିଲୁ ।

ସ୍ବର୍ଗତ ମମିତା ମେହେରଙ୍କ ବାପା ଓ ବଡବାପା ବାରମ୍ବାର କହିଲେଣି ଯେ, ସେମାନେ ପୋଲିସ ତଦନ୍ତରେ ସନ୍ତୁଷ୍ଟ । ରାଜନୈତିକ ଦଳ ଓ ଗଣମାଧ୍ୟମକୁ ନିବେଦନ କରିଛନ୍ତି ଯେ, ମମିତାଙ୍କୁ ନେଇ ରାଜନୀତି କରାନଯାଉ । ମମିତା ରାୟପୁର କେବେ ଯାଇନାହାଁନ୍ତି । ସେ ରାୟପୁର ଯାଇଥିଲେ ବୋଲି କହି ତାଙ୍କ ଚରିତ୍ର ସଂହାର କରାନଯାଉ । ତା ସତ୍ତ୍ବେ ବିଜେପି ତାର ଅଭିଯାନ ଜାରି ରଖିଛି । ଏହା ପଛର ଉଦ୍ଦେଶ୍ୟ ସାଧାରଣ ଲୋକେ ବୁଝିସାରିଛନ୍ତି । ବିଜେପି ତାର ଉଦ୍ୟମ ଜାରି ରଖୁ । ସେକଥା ସାଧାରଣ ଲୋକେ ବୁଝିବେ । କିନ୍ତୁ ନନ୍ଦିଘୋଷ ଟିଭି ଉପରେ ଏଭଳି ଟିପ୍ପଣୀ ଦେବା ତାଙ୍କ ଭିତରେ ଥିବା ଭୟକୁ ହିଁ ପଦାରେ ପକାଉଛି ।

T20 World Cup: ଇଂଲଣ୍ଡକୁ ହରାଇ ଫାଇନାଲରେ ନ୍ୟୁଜିଲ୍ୟାଣ୍ଡ

ଦୁବାଇ: ଇଂଲଣ୍ଡକୁ ହରାଇ ପ୍ରଥମ ଟିମ୍ ଭାବେ T20 World Cup ଫାଇନାଲରେ ନ୍ୟୁଜିଲ୍ୟାଣ୍ଡ । ୭ଟି ବଲ୍ ବାକି ଥାଇ ନ୍ୟୁଜିଲ୍ୟାଣ୍ଡ ୧୬୭ର ବିଜୟ ଲକ୍ଷ୍ୟ ହାସଲ କରିନେଇଛି । ଦଳ ତରଫରୁ ମିଚେଲ ଧୂଆଁଧାର ବ୍ୟାଟିଂ କରି ୪୭ ବଲରେ ୪ଟି ଲେଖାଏଁ ଚୌକା ଓ ଛକା ସହାୟତାରେ ୭୨ ରନ୍ କରି ନ୍ୟୁଜିଲ୍ୟାଣ୍ଡ ବିଜୟର ହିରୋ ବନିଥିଲେ ।

୧୬୬ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ନ୍ୟୁଜିଲ୍ୟାଣ୍ଡର ଆରମ୍ଭ ଭଲ ହୋଇ ନଥିଲା । ମାତ୍ର ୪ ରନ୍ କରି ଓପନର୍ ଗୁପଟିଲ ଭ୍ୟାଭିଲିୟନକୁ ଫେରିଥିଲେ । ଫାଷ୍ଟ ଡାଇନରେ ଆସିଥିବା ଅଧିନାୟକ କେନ୍ ବି ବିଶେଷ କିଛି କରିପାରି ନଥିଲେ । ୧୧ ବଲରୁ ୫ ରନ୍ କରି ସେ ବି ଆଉଟ ହୋଇଯାଇଥିଲେ । ହେଲେ ଗୋଟିଏ ପଟରେ ମିଚେଲ ଛିଡ଼ା ହୋଇ ଦଳକୁ ଆଗକୁ ନେଇଥିଲେ । ଇଂଲଣ୍ଡ ତରଫରୁ କ୍ରିସ୍ ଓ୍ବାକସ୍ ଏବଂ ଲିଆମ ୨ଟି ଲେଖାଏଁ ଓ୍ବିକେଟ ନେଇଥିବା ବେଳେ ରାସିଦଙ୍କୁ ଗୋଟିଏ ଓ୍ବିକେଟ ମିଳିଥିଲା ।

ପ୍ରଥମେ ବ୍ୟାଟି କରି ଇଂଲଣ୍ଡ ୪ ଓ୍ବିକେଟ୍ ହରାଇ ୧୬୬ ରନ୍ କରିଥିଲା । ଦଳ ପକ୍ଷରୁ ଜୋସ୍ ବଟଲର୍ ୨୯ ରନ୍ କରିଥିବା ବେଳେ ମଲାନ୍ ୪୧ ରନ୍ କରିଥିଲେ । ମୋଇନ୍ ଅଲ୍ଲୀ ୩୭ ବଲରୁ ୫୧ ରନ୍ କରି ସଂଗ୍ରହ କରିଥିଲେ । ନ୍ୟୁଜିଲ୍ୟାଣ୍ଡ ତରଫରୁ ସାଉଥି, ମିଲନ, ସୋଧି ଏବଂ ଜେମସ୍ ଗୋଟିଏ ଲେଖାଏଁ ଓ୍ବିକେଟ୍ ନେଇଥିଲେ ।