spot_img
Home Blog Page 5100

ପ୍ରମୋଦ ଭଗତଙ୍କୁ ଆଜି ମିଳିବ ଖେଳରତ୍ନ, ଅମିତ ରୋହିଦାସ ଓ ବୀରେନ୍ଦ୍ର ଲାକ୍ରାଙ୍କୁ ଅର୍ଜୁନ ପୁରସ୍କାର

ଭୁବନେଶ୍ୱର: ପ୍ରଥମ ଓଡ଼ିଆ ଭାବେ ପାରା ଅଲମ୍ପିଆନ୍ ପ୍ରମୋଦ ଭଗତ ଆଜି ପାଇବେ ଖେଳରତ୍ନ ପୁରସ୍କାର । ଏଥିସହ ୨ ଓଡ଼ିଆ ହକି ଖେଳାଳି ଅମିତ ରୋହି ଦାସ ଓ ବୀରେନ୍ଦ୍ର ଲାକ୍ରାଙ୍କୁ ମିଳିବ ଅର୍ଜୁନ ପୁରସ୍କାର । ରାଷ୍ଟ୍ରପତି ରାମନାଥ କୋବିନ୍ଦ ଜାତୀୟ ଖେଳରତ୍ନ ପୁରସ୍କାର ପ୍ରଦାନ କରିବେ । ରାଷ୍ଟ୍ରପତି ଭବନରେ ଅପରାହ୍ଣ ୪ଟା ୩୦ ମିନିଟରେ ପୁରସ୍କାର ପ୍ରଦାନ କରାଯିବ ।

Paralympian Pramod Bhagat To Receive Khel Ratna Award

ଚଳିତ ବର୍ଷ ୧୨ ଜଣକୁ ମେଜର ଧ୍ୟାନଚାନ୍ଦ ଖେଳରତ୍ନ ପୁରସ୍କାର ଦିଆଯିବ । ୩୫ ଜଣଙ୍କୁ ଅର୍ଜୁନ ପୁରସ୍କାର ପ୍ରଦାନ କରାଯିବଷ । ୫ ଜଣକୁ ଜୀବନବ୍ୟାପୀ ସାଧନା ପାଇଁ ଦ୍ରୋଣାଚାର୍ଯ୍ୟ ଓ ଅନ୍ୟ ୫ ଜଣଙ୍କୁ ଦ୍ରୋଣାଚାର୍ଯ୍ୟ ପୁରସ୍କାରରେ ସମ୍ମାନୀତ କରାଯିବ । ୫ଜଣକୁ ଧ୍ୟାନଚାନ୍ଦ ପୁରସ୍କାରରେ ସମ୍ମାନୀତ କରାଯିବ ।

ପୁଣି ଚାଲିବ ୧୭୦୦ ଟ୍ରେନ୍, ବନ୍ଦ ହୋଇଯିବ ଜେନେରାଲ୍ ଟିକେଟ୍

ନୂଆଦିଲ୍ଲୀ: ଖୁବଶୀଘ୍ର ଟ୍ରାକକୁ ଫେରିବ ୧୭୦୦ରୁ ଅଧିକ ଟ୍ରେନ୍ । କୋଭିଡ୍ ସଂକ୍ରମଣ ନିୟନ୍ତ୍ରଣ ସ୍ଥିତିକୁ ଆସିବା ପରେ ରେଳ ମନ୍ତ୍ରଣାଳୟ ଏହି ନିଷ୍ପତ୍ତି ନେଇଛି । ତେବେ କୋଭିଡ୍ ଗାଇଡଲାଇନ୍ ଅନୁସାରେ ସମସ୍ତ ଟ୍ରେନ୍ ଚଳାଚଳ କରିବ । କନଫର୍ମ କିମ୍ବା ୱେଟିଂ ଟିକେଟ ଥିଲେ ହିଁ ଯାତ୍ରା ପାଇଁ ଅନୁମତି ମିଳିବ । ଜେନେରାଲ ଟିକେଟକୁ ବନ୍ଦ କରି ଦିଆଯିବ । ପୂର୍ବରୁ ବୁକିଂ ହୋଇଥିବା ଟିକେଟ୍ ଉପରେ ଅତିରିକ୍ତ ମୂଲ୍ୟ ଦେବାକୁ ପଡ଼ିବ ନାହିଁ । ସେହିଭଳି ରେଲୱେ ପକ୍ଷରୁ ପୂର୍ବରୁ ବୁକିଂ ହୋଇଥିବା ଟିକେଟ୍ ପାଇଁ କୌଣସି ଟଙ୍କା ଫେରସ୍ତ ହେବ ନାହିଁ ।

Indian Railways Will Be Restored 1700 Train Within Next Few Days

ୱାର୍କିଂ ଟାଇମ୍ ଟେବୁଲ ୨୦୨୧ ଅନୁସାରେ ଟ୍ରେନ୍ ଚଳାଚଳ ଆରମ୍ଭ ହେବ ବୋଲି ସୂଚନା ଦିଆଯାଇଛି । ଆଗରୁ ବୁକ୍ ହୋଇଥିବା ଟିକେଟର ଦାମରେ କୌଣସି ପରିବର୍ତ୍ତନ ହେବ ନାହିଁ । ସେହିପରି ଫେରସ୍ତ ବାବଦରେ ମଧ୍ୟ ପୂର୍ବରୁ ଯେଉଁ ନିୟମ ଥିଲା ସେହି ନିୟମ ବଳବତ୍ତର ରହିବ । କେନ୍ଦ୍ର ରେଳ ମନ୍ତ୍ରାଳୟ ପକ୍ଷରୁ ୧୭୦୦ ଟ୍ରେନ୍ ଚଳାଚଳ ପ୍ରସଙ୍ଗରେ ନିଷ୍ପତ୍ତି ନିଆଯାଇଛି ଏବଂ ଖୁବଶୀଘ୍ର ସମସ୍ତ ଜୋନକୁ ଏସମ୍ପର୍କରେ ଅବଗତ କରାଇ ଦିଆଯିବ ।

ଏଥିସହ ପଢ଼ନ୍ତୁ: ଖୁବଶୀଘ୍ର ସ୍ୱଭାବିକ ହେବ ଟ୍ରେନ୍ ଚଳାଚଳ, ମିଳିବ ପୂର୍ବ ସୁବିଧା

ଗତ ମାର୍ଚ୍ଚ ୨୦୨୦ରୁ କୋଭିଡ୍ ଯୋଗୁଁ ସାରା ଦେଶରେ ଟ୍ରେନ୍ ଚଳାଚଳ ଗୁରୁତର ପ୍ରଭାବିତ ହୋଇଥିଲା । ୧୬୬ ବର୍ଷ ପରେ ପ୍ରଥମଥର ପାଇଁ ଦେଶରେ ଟ୍ରେନ୍ ସେବାକୁ ବନ୍ଦ କରି ଦିଆ ଯାଇଥିଲା । କେବଳ କିଛି ସ୍ୱତନ୍ତ୍ର ଟ୍ରେନକୁ ବାଦ୍ ଦେଲେ ସହସ୍ରାଧିକ ଟ୍ରେନକୁ ବାତିଲ କରା ଯାଇଥିଲା । ବର୍ତ୍ତମାନ ଏକ୍ସପ୍ରେସ୍ ଶ୍ରେଣୀର ୯୫ ପ୍ରତିଶତ ଟ୍ରେନ୍ ଟ୍ରାକକୁ ଫେରିଥିବା ବେଳେ ୨୫ ପ୍ରତିଶତ ଟ୍ରେନ୍ ସ୍ୱତନ୍ତ୍ର ଶ୍ରେଣୀର ଟ୍ରେନ୍ ଭାବେ ଚଳାଚଳ କରୁଛି ।

ଜାନୁଆରୀ ୨୬ ଦିଲ୍ଲୀ ଟ୍ରାକ୍ଟର ରାଲିରେ ସାମିଲ୍ ହୋଇ ଗିରଫ ହୋଇଥିବା ୮୩ ଜଣଙ୍କୁ ୨ ଲକ୍ଷ ଲେଖାଏଁ ସହାୟତା

ଚଣ୍ଡିଗଡ଼: ଉପଦ୍ରବକାରୀଙ୍କୁ ସହାୟତା ଦେବେ ପଞ୍ଜାବ ସରକାର । ଗତ ଜାନୁଆରୀ ସାଧାରଣତନ୍ତ୍ର ଦିବସରେ ଦିଲ୍ଲୀରେ ଆୟୋଜିତ ଚାଷୀଙ୍କ ଟ୍ରାକ୍ଟର ରାଲିରେ ସାମିଲ ହୋଇ ଗିରଫ ହୋଇଥିବା ୮୩ ଜଣ ଆନ୍ଦୋଳନକାରୀଙ୍କୁ ପଞ୍ଜାବ ସରକାର ସହାୟତା ଦେବେ । ପଞ୍ଜାବ ସରକାର ୨ ଲକ୍ଷ ଟଙ୍କା ଲେଖାଏଁ ଆର୍ଥିକ ସହାୟତା ଦେବାକୁ ଘୋଷଣା କରିଛନ୍ତି । ଏନେଇ ମୁଖ୍ୟମନ୍ତ୍ରୀ ଚରଣଜିତ୍ ସିଂହ ଚନ୍ନୀ ସୂଚନା ଦେଇଛନ୍ତି ।

Punjab Government Will Give Compensation Of 2 Lakh To Those Arrested In Republic Day Tractor Rally

ବିବାଦୀୟ କୃଷି ଆଇନ୍ ପ୍ରତ୍ୟାହାର ଦାବିରେ ପ୍ରାୟ ଏକ ବର୍ଷ ଧରି ଦିଲ୍ଲୀରେ ଚାଷୀ ଆନ୍ଦୋଳନ ଜାରି ରହିଛି । ଏଭଳି ସମୟରେ ପଞ୍ଜାବ କଂଗ୍ରେସ ସରକାରଙ୍କ ଏହି ଘୋଷଣା କେନ୍ଦ୍ରକୁ ଅଡୁଆରେ ପକାଇଛି । ଗତ ଜାନୁଆରୀ ୨୬ ତାରିଖରେ ଶହ ଶହ ଚାଷୀ ଟ୍ରାକ୍ଟର ରାଲି କରିବା ସହ ଦିଲ୍ଲୀରେ ଜୋରଦାର ଆନ୍ଦୋଳନ କରିଥିଲେ । ଲାଲକିଲ୍ଲା ଉପରେ ବି ପତାକା ଉଡ଼ାଇ ଥିଲେ ।

Punjab Government Will Give Compensation Of 2 Lakh To Those Arrested In Republic Day Tractor Rally

ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନୀ କହିଛନ୍ତି, ପୋଲିସ ଗିରଫ କରିଥିବା ଆନ୍ଦୋଳନକାରୀଙ୍କୁ ଆର୍ଥିକ ସହାୟତା ଦେବା ଲାଗି ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଚାଷୀଙ୍କ ଏହି ଆନ୍ଦୋଳନକୁ ରାଜ୍ୟ ସରକାର ସମର୍ଥନ କରିଛନ୍ତି । ଏହି ସହାୟତା ଦ୍ୱାରା ଗିରଫ ୮୩ ଜଣ ବ୍ୟକ୍ତି ଉପକୃତ ହେବେ । ପଞ୍ଜାବ ସରକାର କୃଷକଙ୍କ ଏହି ଐତିହାସିକ ଆନ୍ଦୋଳନକୁ ପୂର୍ବରୁ ସମର୍ଥନ କରି ଆସୁଥିବା ବେଳେ କେନ୍ଦ୍ରର ଏହି ତିନି କୃଷି ଆଇନ କୃଷକଙ୍କ ସ୍ୱାର୍ଥ ବିରୋଧୀ ବୋଲି ବିଚାର କରି ଆସୁଛନ୍ତି ।

ଶୋଇଥିବା ବେଳେ ହାତୀ ଭାଙ୍ଗି ଦେଲା କାନ୍ଥ, ୭ ବର୍ଷର ଶିଶୁ ମୃତ

କେନ୍ଦୁଝର: ତେଲକୋଇ ବନାଞ୍ଚଳରେ ହାତୀ ଉପଦ୍ରବ । ହାତୀ ଘର ଭାଙ୍ଗିବା ବେଳେ କାନ୍ଥ ପଡ଼ି ୭ ବର୍ଷର ଶିଶୁର ମୃତ୍ୟୁ ହୋଇଛି । ମୃତ ଶିଶୁ ହେଉଛି ବିନୋଦ ମହାନ୍ତଙ୍କ ପୁଅ ନାରାୟଣ ମହାନ୍ତ । ଏଭଳି ଘଟଣା ଘଟିଛି କେନ୍ଦୁଝର ବନଖଣ୍ଡ ତେଲକୋଇ ବନାଞ୍ଚଳ ବିମଳା ଫରେଷ୍ଟ ସେକ୍ସନର ରାଇସୁଆଁ ପଞ୍ଚାୟତ ଝାଟିକିପଶି ଗାଁରେ ।

Elephant Broken Wall, 7 Year Old Child Died In Keonjhar

ସୂଚନା ଅନୁଯାୟୀ ବିନୋଦଙ୍କ ପରିବାର ଶୁକ୍ରବାର ସନ୍ଧ୍ୟାରେ ରାତ୍ର ଭୋଜନ ସାରି ଘରେ ଶୋଇଥିଲେ । ବିଳମ୍ବିତ ରାତିରେ ୯ ଟିକିଆ ହାତୀପଲ ଆସି ବିନୋଦଙ୍କ ପରିବାର ଶୋଇଥିବା ଘର କାନ୍ଥକୁ ଭାଙ୍ଗି ଥିଲେ । ଫଳରେ ଘର ଭିତରେ ଶୋଇଥିବା ପରିବାର ଉପରେ କାନ୍ଥ ମାଡ଼ି ବସିଥିଲା ।

ଏଥିରେ ବିନୋଦଙ୍କ ୭ ବର୍ଷର ଶିଶୁ ପୁତ୍ର ଗୁରୁତର ଆହାତ ହୋଇଥିଲେ । ତାଙ୍କୁ ପରିବାର ଲୋକ ଉଦ୍ଧାର କରି ସଙ୍ଗେ ସଙ୍ଗେ କାମାକ୍ଷାନଗର ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଡାକ୍ତର ଶିଶୁକୁ ମୃତ୍ୟୁ ଘୋଷଣା କରିଥିଲେ ।

ଅଚଳ ହେବ ନିଶା ମାଫିଆଙ୍କ ବେଆଇନ୍ ଅର୍ଜିତ ସମ୍ପତ୍ତି, ଖୋର୍ଦ୍ଧାରେ ରାତିରୁ ରେଡ୍ କରୁଛି ପୋଲିସ

ଖୋର୍ଦ୍ଧା: ରାଜ୍ୟ ସରକାରଙ୍କ ଗୁଣ୍ଡା ଦମନ ଅଭିଯାନ ଜାରି । ତତ୍ପର ଖୋର୍ଦ୍ଧା ପୋଲିସ । ନିଶା ବେପାରୀଙ୍କ ଘରେ ପୋଲିସର ଚଢ଼ାଉ । ଖୋର୍ଦ୍ଧା ସମନ୍ତରାପୁର ଅଞ୍ଚଳରେ ଥିବା ନିଶା ବେପାରୀ ସୋମନାଥ ଭୁଜବଳଙ୍କ ଘରେ ଗତକାଲିଠୁ ଚାଲିଛି ପୋଲିସର ରେଡ୍ । ଦୀର୍ଘ ୧୨ ଘଣ୍ଟାରୁ ଅଧିକ ସମୟ ହେଲା ଚଢ଼ାଉ ଚାଲିଛି । ସୋମନାଥ ଭୁଜବଳଙ୍କ ଡ୍ରାଇଭରକୁ ମଧ୍ୟ ଅଟକ ରଖି ପଚରାଉଚରା କରୁଛି ପୋଲିସ ।

Khordha Police To Freeze Property Of Drug's Mafia

ସୋମନାଥ ଭୁଜବଳ ଏବଂ ତାଙ୍କ ବାପା କୃଷ୍ଣଚନ୍ଦ୍ର ଧଳାଜହର ବେପାର କରି କୋଟି କୋଟି ଟଙ୍କା ବେଆଇନ୍ ଭାବେ ଆୟ କରିଥିବା ଅଭିଯୋଗ ହୋଇଛି । ସମ୍ପତ୍ତି ଆକଳନ କରିବା ପାଇଁ ତହସିଲଦାର ପହଞ୍ଚିଛନ୍ତି । ଉଭୟ ଭୁଜବଳ ବାପ ପୁଅଙ୍କ ନାଁରେ ୧୨ଟି କେସ ରହିଛି । ଉଭୟ ଏବେ ପୁରୀ ଜେଲରେ ଅଛନ୍ତି । ବେଆଇନ୍ ସମ୍ପତ୍ତି ହୋଇଥିଲେ ଅଚଳ କରାଯିବ ବୋଲି ସୂଚନା ଦେଇଛି ପୋଲିସ ।

ଭିଜାଉଛି ଲଘୁଚାପ, ରାଜ୍ୟର ବିଭିନ୍ନ ସ୍ଥାନରେ ବର୍ଷା ଜାରି

ଭୁବନେଶ୍ୱର: ଲଘୁଚାପ ପ୍ରଭାବରେ ରାଜ୍ୟରେ ଲାଗି ରହିଛି ପ୍ରବଳ ବର୍ଷା । ଗୋଟିଏ ଲଘୁଚାପ ଦୁର୍ବଳ ହେଲା ପରେ ଆଉ ଗୋଟିଏ ଲଘୁଚାପ କ୍ଷେତ୍ର ସୃଷ୍ଟି ହୋଇଛି । ଆସନ୍ତା ୨୪ ଘଣ୍ଟା ମଧ୍ୟରେ ଏହା ଅଧିକ ଘନୀଭୂତ ହୋଇ ଅବପାତର ରୂପ ନେବ । ଏହାର ପ୍ରଭାବରେ ଆଜି ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ଆରମ୍ଭ ହୋଇ ଯାଇଛି । ଏଥିପାଇଁ ୯ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଗଞ୍ଜାମ, ଗଜପତି, ରାୟଗଡ଼ା, କନ୍ଧମାଳ, ପୁରୀ, ଖୋର୍ଦ୍ଧା, ନୟାଗଡ଼, ଜଗତସିଂହପୁର ଏବଂ କେନ୍ଦ୍ରାପଡ଼ାରେ ପ୍ରବଳ ବର୍ଷା ନେଇ ସତର୍କ ସୂଚନା ଜାରି କରାଯାଇଛି ।

ଏଥିସହ କଳାହାଣ୍ଡି, ନବରଙ୍ଗପୁର, କୋରାପୁଟ, ବୌଦ୍ଧ, ନୂଆପଡ଼ା, ଢେଙ୍କାନାଳ, ମାଲକାନଗିରି ଏବଂ ବଲାଙ୍ଗିର ଜିଲ୍ଲାରେ ମଧ୍ୟ ବିଜୁଳି ଘଡ଼ଘଡ଼ି ସହିତ ବର୍ଷା ହେବାର ସମ୍ଭାବନା ରହିଛି । ଆସନ୍ତାକାଲିଠୁ ୧୭ ତାରିଖ ପର୍ଯ୍ୟନ୍ତ ଉତ୍ତର ଓ ଉପକୂଳ ଜିଲ୍ଲା ଗୁଡ଼ିକରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏଥିପାଇଁ ଦକ୍ଷିଣ ଓଡ଼ିଶାର ୪ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ବର୍ଷା ପ୍ରଭାବରେ ଆସନ୍ତା ୪ରୁ ୫ ଦିନ ପର୍ଯ୍ୟନ୍ତ ରାତିର ସର୍ବନିମ୍ନ ତାପମାତ୍ରା ୨-୩ ଡିଗ୍ରୀ ବଢ଼ିବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର ।

ୱାୟନାଡ଼ରେ ନୋରୋଭାଇରସରେ ୧୧ ଛାତ୍ରଙ୍କ ସମେତ ୧୩ ଜଣ ସଂକ୍ରମିତ

ୱାୟନାଡ଼: ଟଳିନି କରୋନା ବିପଦ । କେରଳରେ ଚିନ୍ତା ବଢ଼ାଇଲାଣି ନୋରୋ ଭାଇରସ୍ । ବିଭିନ୍ନ ପ୍ରାଣୀଙ୍କ ଶରୀରରୁ ଜାତ ଏହି ଭୂତାଣୁ ବିଭିନ୍ନ ପ୍ରଦୂଷିତ ପାଣି ଓ ଦୂଷିତ ଖାଦ୍ୟ ଜରିଆରେ ସଂକ୍ରମିତ କରିଥାଏ । କେରଳର ୱାୟନାଡ଼ ଜିଲ୍ଲାରେ ଏହି ଭୂତାଣୁ ନିଜର କାୟା ବିସ୍ତାର କରିଛି । ୧୩ ଜଣ ନୂଆ ସଂକ୍ରମିତ ଚିହ୍ନଟ ହେବା ପରେ ଚିନ୍ତା ବଢ଼ିଛି । ନୋରୋଭାଇରସ ପ୍ରତି ସତର୍କ ରହିବା ଲାଗି ପରାମର୍ଶ ଦେଇଛନ୍ତି ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ବୀଣା ଜର୍ଜ । ସ୍ୱାସ୍ଥ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଏହି ଭୂତାଣୁର ମୁକାବିଲା ଲାଗି ପଦକ୍ଷେପ ନିଆଯାଇଛି ।

Norovirus Confirmed In Kerala Wayanad 13 Infected

ଏହି ଭୂତାଣୁ ଯୋଗୁ ଲୋକମାନଙ୍କ ପେଟ ଯନ୍ତ୍ରଣା ହେବା ସହ ଜଳାପୋଡ଼ା ହୋଇଥାଏ । ଏପରି ପ୍ରବଳ ବାନ୍ତି ଓ ଡାଇରିଆ ହେବାର ଆଶଙ୍କା ଥାଏ । ଏହା ସହ ତଳିପେଟ ଯନ୍ତ୍ରଣା, ଜର, ମୁଣ୍ଡବ୍ୟଥା, ଶରୀର ପୀଡ଼ା ଅନୁଭୂତ ହୋଇଥାଏ । ତେବେ ସ୍ୱାସ୍ଥ୍ୟବାନ ଲୋକଙ୍କ ଲାଗି ଏହି ଭୂତାଣୁ ବିପଦ ସୃଷ୍ଟି କରି ନଥାଏ । ସଂକ୍ରମିତ ରୋଗୀଙ୍କ ସହ ସମ୍ପର୍କରେ ଆସିଲେ ଲୋକଙ୍କୁ ଏହି ଭୂତାଣୁ ସଂକ୍ରମଣ ହୋଇଥାଏ । ସଂକ୍ରମିତ ରୋଗୀମାନ ଘରେ ରହିବା ଲାଗି ପରାମର୍ଶ ଦିଆଯାଇଛି ।

ଏଥିସହ ପଢ଼ନ୍ତୁ: ବରଗଡ଼ରେ ଆରମ୍ଭ ହେବ ବିଏସକେୱାଇ କାର୍ଡ ବଣ୍ଟନ, କ୍ୟାନସର ହସ୍ପିଟାଲ ପାଇଁ ହେବ ଶିଳାନ୍ୟାସ

ବରଗଡ଼ରେ ଆରମ୍ଭ ହେବ ବିଏସକେୱାଇ କାର୍ଡ ବଣ୍ଟନ, କ୍ୟାନସର ହସ୍ପିଟାଲ ପାଇଁ ହେବ ଶିଳାନ୍ୟାସ

ବରଗଡ଼: ଆଜି ବିଜେପୁରରୁ ବରଗଡ଼ ପାଇଁ ଅଙ୍କା ହେବ ବିକାଶର ବ୍ଲୁପ୍ରିଣ୍ଟ । ଆହୁରି ସ୍ମାର୍ଟ ହେବ ବରଗଡ଼ । ସ୍ୱାସ୍ଥ୍ୟସେବାର ମହାବିପ୍ଳବରେ ସାମିଲ ହେବ ବରଗଡ଼ ଜିଲ୍ଲା । ଆଜି ବରଗଡ଼ ଜିଲ୍ଲା ଗସ୍ତରେ ଯାଇ ହିତାଧିକାରୀଙ୍କୁ ସ୍ମାର୍ଟ ହେଲଥ କାର୍ଡ ବାଣ୍ଟିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଜେପୁର ବ୍ଲକ ଗଣ୍ଡପାଲି ମିନି ଷ୍ଟାଡିୟମରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ବିଏସକେୱାଇ ସ୍ମାର୍ଟକାର୍ଡ ବାଣ୍ଟିବେ ମୁଖ୍ୟମନ୍ତ୍ରୀ । ଜିଲ୍ଲାର ୩ ଲକ୍ଷ ୬୩ ହଜାର ହିତାଧିକାରୀ ସ୍ମାର୍ଟକାର୍ଡ ଦ୍ୱାରା ଉପକୃତ ହେବେ ।

CM Naveen Patnaik To Distribute BSKY Card In Bargarh Today
File PIC

ସ୍ମାର୍ଟକାର୍ଡ ବାଣ୍ଟିବା ସହିତ ୨୯୫ କୋଟି ଟଙ୍କାରେ ୧୫୦ରୁ ଅଧିକ ପ୍ରକଳ୍ପର ଶୁଭାରମ୍ଭ ଓ ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ । ବିଜେପୁରରେ ୭୧ଟି ସ୍କୁଲର ରୂପାନ୍ତର ହୋଇଛି । ସ୍ମାର୍ଟ ସ୍କୁଲ ଉଦଘାଟନ ସହିତ କ୍ୟାନସର ହସ୍ପିଟାଲର ଶିଳାନ୍ୟାସ, ନୃସିଂହନାଥ ମନ୍ଦିରର ଉନ୍ନତିକରଣ କାର୍ଯ୍ୟର ନିଅଁ ପଡ଼ିବ । ଏହା ସହିତ ବିଦ୍ୟୁତ୍ ଗ୍ରୀଡର ଶୁଭ ଉଦଘାଟନ କରାଯିବ । ଏହାସହିତ ଗଙ୍ଗାଧର ମେହେର ଜଳସେଚନ ପ୍ରକଳ୍ପ ସହିତ ପାନୀୟ ଜଳ ପ୍ରକଳ୍ପ ଭିତ୍ତିପ୍ରସ୍ତର ସ୍ଥାପନ କରିବେ ମୁଖ୍ୟମନ୍ତ୍ରୀ ।

 CM Naveen Patnaik To Distribute BSKY Card In Bargarh Today
File PIC

ମୁଖ୍ୟମନ୍ତ୍ରୀଙ୍କ ଗସ୍ତ ପୂର୍ବରୁ ପ୍ରସ୍ତୁତି ତଦାରଖ କରୁଛନ୍ତି ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାଶ । ପ୍ରଣବଙ୍କ ସହିତ ଶ୍ରମମନ୍ତ୍ରୀ ସୁଶାନ୍ତ ସିଂ ଓ ବରିଷ୍ଠ ନେତାମାନେ ପ୍ରସ୍ତୁତି କାର୍ଯ୍ୟର ତଦାରଖ କରୁଛନ୍ତି । ସୁରକ୍ଷା ଦାୟିତ୍ୱରେ ୧୮ ପ୍ଲାଟୁନ ପୋଲିସ ଫୋର୍ସ ମୁତୟନ ହେବେ ।

ଗୋଟିଏ ଦିନରେ ଶ୍ରୀମନ୍ଦିର ହୁଣ୍ଡିରେ ଶ୍ରଦ୍ଧାଳୁ ପକାଇଲେ ୨୮ ଲକ୍ଷ

ପୁରୀ:  ଗୋଟିଏ ଦିନରେ ଦିନକରେ ଶ୍ରୀମନ୍ଦିର ହୁଣ୍ଡିରୁ ରେକର୍ଡ ସଂଖ୍ୟକ ଦାନ ସଂଗ୍ରହ ହୋଇଛି । ୨୮ ଲକ୍ଷ ନଗଦ ଟଙ୍କା ସମେତ 550 ମିଲି ଗ୍ରାମ ସୁନା ଓ ୬୧ ଗ୍ରାମ ରୁପା ମଧ୍ୟ ମିଳିଛି । ସାଧାରଣ ଦିନମାନଙ୍କରେ ଶ୍ରୀମନ୍ଦିର ହୁଣ୍ଡିରୁ ହାରାହାରି ୩ରୁ ୪ ଲକ୍ଷ ଟଙ୍କାର ଦାନ ମିଳୁଥିବାବେଳେ, ଆଜିର ଦାନ ପରିମାଣ ପୂର୍ବ ରେକର୍ଡ ଭାଙ୍ଗି ଦେଇଛି ।

ପବିତ୍ର ଅଁଳା ନବମୀ ଉପଲକ୍ଷେ ଶ୍ରୀମନ୍ଦିରରେ ଶ୍ରଦ୍ଧାଳୁଙ୍କ ଗହଳି ପରିଲକ୍ଷିତ ହୋଇଥିଲା । ଶ୍ରୀଜୀଉଙ୍କ ଦର୍ଶନ ସହ ଭକ୍ତମାନେ ଶ୍ରୀଜିଉଙ୍କୁ ମନଖୋଲି ଦାନ କରିଛନ୍ତି । ଗତ ୨୦୧୮ରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଶ୍ରୀମନ୍ଦିର ହୁଣ୍ଡିରେ ଦାନ ପରିମାଣ ବୃଦ୍ଧି ପରିଲକ୍ଷିତ ହେଉଛି ।

ପ୍ରେମ କରି ଅନ୍ୟତ୍ର ରହୁଥିଲେ, ବର୍ଷେ ପରେ ବାପଘର ଜାଣିଲେ ଝିଅକୁ ହତ୍ୟା କରିଛି ଜ୍ୱାଇଁ

କେନ୍ଦୁଝର: ପ୍ରେମ ଜାଲରେ ଫସାଇ, ଯୁବତୀଙ୍କୁ ବିବାହ ଓ ପରେ ହତ୍ୟା । ଦୀର୍ଘ ୧ ବର୍ଷ ପରେ ଯୁବତୀଙ୍କ ହାଡ଼ ଓ ଚୁଡ଼ି ଉଦ୍ଧାର । ଏଭଳି ଘଟଣା ଘଟିଛି କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ନୟାକୋଟ ଥାନା ଅଞ୍ଚଳରେ । ଉପରକାଦକଳା ଗାଁର ଚକ୍ରଧର ଘଣା ନୟାକୋଟ ଗାଁର ନବାତ ଡାଙ୍ଗୁଆଙ୍କୁ ପ୍ରେମ ବିବାହ କରିଥିଲେ ।

ଭିନ୍ନ ଜାତିର ହୋଇଥିବାରୁ ବିବାହ ପାଇଁ ଚକ୍ରଧରଙ୍କ ପରିବାର ରାଜି ନହେବାରୁ ଦୁହେଁ ଘର ଦ୍ଵାର ଛାଡ଼ି ପ୍ରଥମେ କଟକ ଓ ପରେ ମୟୁରଭଞ୍ଜ ଜିଲ୍ଲା ଯଶୀପୁରରେ ରହିଥିଲେ । ତେବେ ଗତ ଜୁଲାଇ ମାସରେ ଚକ୍ରଧର ଅନ୍ୟ ଜଣେ ଯୁବତୀଙ୍କୁ ବିବାହ କରିବା ପରେ ନବାତଙ୍କ ପରିବାର ଲୋକଙ୍କର ସନ୍ଦେହ ବଢିଥିଲା ।

ଝିଅ କେଉଁଠି ବୋଲି ପ୍ରଶ୍ନ କରିବା ପରେ ସନ୍ତୋଷଜନକ ଉତ୍ତର ନମିଳିବାରୁ ଥାନାରେ ଏତଲା ଦେଇଥିଲେ ନବାତଙ୍କ ପରିବାର ଲୋକେ । ପୋଲିସ ଚକ୍ରଧରଙ୍କୁ ପଚରାଉଚରା କରିବା ପରେ ହତ୍ୟା କରିଥିବା ସ୍ବୀକାର କରିଥିଲା । ଚକ୍ରଧରଙ୍କ ସୂଚନା ଆଧାରରେ ଜୁଡ଼ିଆ ଘାଟିରୁ ଯୁବତୀଙ୍କ ହାଡ ଓ ଚୁଡ଼ୀ ଜବତ କରିଛି ପୋଲିସ୍ ।