୨ ଦିନିଆ ପୋଲିସ ରିମାଣ୍ଡରେ ଗଲେ କେବିଏନ୍ ଗ୍ରୁପର ୫ ଅଭିଯୁକ୍ତ
ଭୁବନେଶ୍ୱର: କେବିଏନ ଗ୍ରୁପର ଭିଡିଓ ଭାଇରାଲ ମାମଲା । ଗିରଫ ୫ଜଣ ଅଭିଯୁକ୍ତଙ୍କୁ ରିମାଣ୍ଡରେ ନେଲା ନୟପଲ୍ଲୀ ଥାନା ପୋଲିସ । ୫ ଅଭିଯୁକ୍ତ ହେଲେ ରାହୁଲ ଜେନା, ସୁମନ ପରିଡ଼ା, ରାଜେଶ ବେହେରା, ସନାତନ ବେହେରା ଓ ନରେନ୍ଦ୍ର ସାହୁ । ୨ ଦିନିଆ ରିମାଣ୍ଡରେ ସତ ଉଗାରିବ ପୋଲିସ । ୭ ଦିନିଆ ରିମାଣ୍ଡ ଆବେଦନ ହୋଇଥିବା ବେଳେ ୨ ଦିନ ରିମାଣ୍ଡ ଅନୁମତି ଦେଇଥିଲେ ଏସଡିଜିଏମ କୋର୍ଟ । ମାରାଥନ ଜେରାରେ ପଦାକୁ ଆସିବ ଭାଇରାଲ୍ ଭିଡିଓର ସତ ।
କେବେଠୁ ଗ୍ୟାଙ୍ଗ ତିଆରି ହୋଇଛି ? ଏହା ପଛର ଉଦ୍ଦେଶ୍ୟ କଣ ? କେଉଁ କେଉଁ ସ୍ଥାନରେ ଭିଡିଓ କରିଛନ୍ତି । ମୁଖ୍ୟ ଅଭିଯୁକ୍ତ ବୁବୁ ଜେନା ସହ ଅନ୍ୟମାନେ କେଉଁଠି ଅଛନ୍ତି । ଏମିତି ଅନେକ ପ୍ରଶ୍ନ କରି ଗ୍ୟାଙ୍ଗର ଗୁମର ଖୋଲିବ ପୋଲିସ । ମାରଣାସ୍ତ୍ର ଧରି ଭିଡିଓ କରିବା ଏବଂ ତାକୁ ଭାଇରାଲ କରି ଲୋକଙ୍କ ଭିତରେ ଭୟ ସୃଷ୍ଟି କରିବା ପରେ କମିଶନରେଟ ପୋଲିସ୍ କେବିଏନ୍ ଗ୍ୟାଙ୍ଗ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରିଛି । କେବିଏନ୍ ଗ୍ୟାଙ୍ଗର ଭିଡିଓ ଭାଇରାଲ ହେବା ପରେ ମୋଟ ୨୯ ଜଣକ ନାଁରେ ମାମଲା ରୁଜୁ କରିଛି କମିଶନରେଟ ପୋଲିସ ।
