ଭୁବନେଶ୍ୱର: ଭୁବନେଶ୍ୱର ମନୀଷ ଦାସ ମୃତ୍ୟୁ ମାମଲାରେ ପ୍ରଥମ ବଡ଼ କାର୍ଯ୍ୟାନୁଷ୍ଠାନ। କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ। ଭୁବନେଶ୍ୱର କମିଶନରେଟ ହାବିଲଦାର ଓ କନେଷ୍ଟବଳ ସଂଘର ସଭାପତି ଅଛନ୍ତି ପ୍ରସନ୍ନ। ମନୀଷ ମୃତ୍ୟୁ ମାମଲାର ତଦନ୍ତ ଆଧାରରେ ଡିସିପି ପ୍ରସନ୍ନଙ୍କୁ ସସପେଣ୍ଡ କରିଛନ୍ତି। ବିଳମ୍ବିତ ରାତି ଯାଏଁ ଓ କର୍ଫ୍ୟୁ ନିୟମ ଉଲ୍ଲଘଂନ କରି ବାର ଓ ଡାନ୍ସ ବାର ଚଳାଇବା ତାଙ୍କ ବିରୋଧରେ ଅଭିଯୋଗ ହୋଇଥିଲା। ପ୍ରସନ୍ନ ସାଉଥ ସିଟି ହୋଟେଲକୁ ଲିଜରେ ନେଇ ଚଳାଉଥିଲେ। ମନୀଷ ଓ ତାଙ୍କ ସାଙ୍ଗମାନେ ଏହି ହୋଟେଲରେ ମଉଜ କରିବା ପରେ ୩୫ ହଜାର ଟଙ୍କାର ବିଲକୁ ନେଇ ବଚସା ଏବଂ ପରେ ମର୍ଡର ହୋଇଥିବା ଅଭିଯୋଗ ହୋଇଥିଲା ।

ତେବେ କରୋନା କଟକଣା ଥିବା ବେଳେ, ରାତି ୪ଟା ଯାଏଁ କିଭଳି ହୋଟେଲ ଖୋଲିଥିଲା ? କିଏ ଦେଉଥିଲା ଏହି ହୋଟେଲକୁ ସୁରକ୍ଷା ? ମାମଲାରେ ତିନି ଦିନିଆ ରିମାଣ୍ଡରେ ଆଣି ଅଭିଯୁକ୍ତୁଙ୍କୁ ଜେରା କରିଛି । କିନ୍ତୁ କ୍ରାଇମ ସିଣ୍ଡିକେଟ ନିକଟରେ ପହଁଚି ପାରିନାହିଁ । ଆବଶ୍ୟକ ସ୍ଥଳେ ପୁଣି ସେମାନଙ୍କୁ ରିମାଣ୍ଡରେ ଆଣି ଲାଏ ଡିଟେକ୍ସନ ଟେଷ୍ଟ କରାଯିବ ବୋଲି କହିଛନ୍ତି ଡିସିପି।

ତାଲଚେର: ଛାତ୍ରକୁ ପିଟିପିଟି ମାରିଦେଲେ ଶିକ୍ଷକ। ପାଠ ଶେଷ କରିନଥିବାରୁ ସପ୍ତମ ଶ୍ରେଣୀ ଛାତ୍ରକୁ ପିଟିପିଟି ମାରିଦେଇଥିବା ଅଭିଯୋଗ ହୋଇଛି। ରାଜସ୍ଥାନର ଚୁରୁ ଜିଲା ଅନ୍ତର୍ଗତ ସାଲାସାରର ଏ ଅଭାବନୀୟ ଘଟଣା। ଘରୋଇ ବିଦ୍ୟାଳୟ ଶିକ୍ଷକ ମନୋଜ କୁମାର ଛାତ୍ରକୁ ପିଟିପିଟି ମାରି ଦେଇଥିଲେ। ପିଲାଟି ମରିଯିବା ପରେ ତା’ ବାପାଙ୍କୁ ‘ସେ ମରିଯିବାର ଅଭିନୟ କରୁଛି’ ବୋଲି କହିବା ଆହୁରି ବିସ୍ମୟ ସୃଷ୍ଟି କରିଛି। ଅଭିଯୁକ୍ତ ଶିକ୍ଷକ ମନୋଜ କୁମାରଙ୍କୁ ଗିରଫ କରିଛି ପୁଲିସ। ମୃତ ଛାତ୍ରର ବାପା ଓମ୍‌ ପ୍ରକାଶଙ୍କ କହିବାନୁସାରେ ପୁଅ ଗତ ୧୫ ଦିନ ମଧ୍ୟରେ ପ୍ରାୟ ୫ଥର ଶିକ୍ଷକ ବିନା କାରଣରେ ବାରମ୍ବାର ପିଟୁଥିବାର ଅଭିଯୋଗ କରିଥିଲା।

ବୁଧବାର ସକାଳ ପ୍ରାୟ ୯ଟାରେ ପୁଅ ଅଚେତ ହୋଇଯିବା ସମ୍ପର୍କରେ ଫୋନ୍‌ କରି ଶିକ୍ଷକ ତାଙ୍କୁ ଜଣାଇଥିଲେ। ଜମିରେ ଥିବା ଓମ୍‌ ପ୍ରକାଶ ପତ୍ନୀଙ୍କ ସହ ଶିକ୍ଷକଙ୍କ ଘରେ ପହଞ୍ଚି ପୁଅ ନିସ୍ତେଜ ହୋଇ ପଡ଼ିଥିବା ଦେଖିଥିଲେ। ଉପସ୍ଥିତ ଅନ୍ୟ ଛାତ୍ରଛାତ୍ରୀମାନେ ଆତଙ୍କିତ ଅବସ୍ଥାରେ ଥିଲେ। ଶିକ୍ଷକ ତାଙ୍କୁ ‘ଆପଣଙ୍କ ପୁଅ ପାଠ ଶେଷ କରି ନ ଥିବାରୁ ମୁଁ ତାକୁ ପିଟିଥିଲି। ଏଥିରେ ସେ ପେଖନା କାଢ଼ିବା ସହ ମରିଯିବାର ଅଭିନୟ କରି ପଡ଼ିରହିଛି’ ବୋଲି କହିଥିଲେ। ଅନ୍ୟ ପିଲାଙ୍କ କହିବାନୁସାରେ ଶିକ୍ଷକ ଅତି ନିର୍ଦ୍ଦୟ ଭାବେ ବାଡ଼ିରେ ପିଟିବା ସହ ଶରୀରରେ କଣ୍ଟା ଫୋଡ଼ି ଥିବା କହିଛନ୍ତି।

ଗୁଣୁପୁର: ଗୁଣିଆ ସନ୍ଦେହରେ ଗୋଟିଏ ପରିବାରର ତିନି ଜଣକୁ ଜଘନ୍ୟ ହତ୍ୟା କାଣ୍ଡର ରାୟ ପ୍ରକାଶ। ୯ ଜଙ୍କୁ ଫାଶି ଦଣ୍ଡାଦେଶକୁ କାଏମ୍‌ ରଖିଛନ୍ତି ରାୟଗଡ଼ା ଜିଲ୍ଲା ଦୌରା ଜଜ୍। ଗୁଣୁପୁର ପୁଟାସିଂ ଥାନା ଅନ୍ତର୍ଗତ କିନ୍ତୁଂ ଗାଁରେ ୯.୯.୨୦୧୬ ମସିହାରେ ଗୋଟିଏ ପରିବାର ତିନି ଜଣକୁ ଗୁହାଳରେ ବାନ୍ଧି କିଟନାଶକ ଔଷଧ ଦେଇ ତାଙ୍କୁ ଅଚେତ କରି ଗାତଖୋଳି ପୋତିଦିଆଯାଇଥିଲା। ପରେ ପ୍ରମାଣ ନଷ୍ଟ ପାଇିଁ ସେମାନଙ୍କୁ ପୁଣି ଥରେ ବାହାର କରି ଗୋଟିଏ ଯାଗାରେ ମୃତକ ତିନି ଜଣକୁ ଜାଳି ଦିଆଯାଇଥିଲା। ତେବେ ସେହି ସମୟରେ ଏହି ସମସ୍ତ ଘଟଣାକୁ ଦେଖିଥିପା ଜଣେ ପ୍ରତ୍ୟେକ୍ଷଦର୍ଶୀକୁ ମଧ୍ୟ ମାଡ ମରାଯାଇଥିଲା।

ଏହି ଘଟଣା ପ୍ରଘଟ ହେବା ପରେ ମିଲିତାଙ୍କୁ ପୁଟାସିଂ ପୋଲିସ୍ ଓ ଗୁଣୁପୁର ପୋଲିସ୍ ଉଦ୍ଧାର କରି ଥାନାରେ ମାମଲା ରୁଜୁ କରିଥିଲେ। ସେତେବେଳେ ଜଣେ ନାବାଳକ ସମେତ ୧୦  ଜଣକୁ ଗିରଫ କରିଥିଲା ପୋଲିସ୍। ଏହି ମାମଲାରେ ୨୦୧୮ ମସିହା ଏପ୍ରିଲ୍ ୧୩ ତାରିଖରେ ଗୁଣୁପୁର ଏଡିଜେ କୋର୍ଟ ସାକ୍ଷ୍ୟ ପ୍ରମାଣ ଭିତିକରି ୯ ଜଣ ଅଭିଯୁକ୍ତକୁ ଫାସି ଦଣ୍ଡାଦେଶ ଶୁଣାଇଥିଲେ। ଏହାପରେ ମାମଲା ଅଭିଯୁକ୍ତଙ୍କ ପକ୍ଷରୁ ହାଇକୋର୍ଟକୁ ଯାଇଥିଲା।

ହାଇକୋର୍ଟ ମାମଲାର ବିଚାର ପାଇିଁ ପୁଣି ଗୁଣୁପୁର ଏଡିଜେ କୋର୍ଟକୁ ପଠାଇଥିଲେ। ଗୁଣୁପୁର ଏଡିଜେ କୋର୍ଟ ରାୟଗଡାଜିଲ୍ଲା ଦୌରା ଜର୍ଜ କୋର୍ଟକୁ ମାମଲା ସ୍ଥାନାନ୍ତର କରିଥିଲେ। ଗତକାଲି ଏହି ମାମଲାର ଶୁଣାଣି ପରେ ତଳ କୋର୍ଟ ଦେଇଥିବା ରାୟକୁ କାଏମ୍ ରଖିଥିଲେ ଜିଲ୍ଲା ଦୌରା ଜର୍ଜ କୋର୍ଟ। ଫାସି ଦଣ୍ଡାଦେଶ କାଏମ ରହିଥିବାରୁ ପ୍ରତ୍ୟକ୍ଷଦର୍ଶୀ ମିଲିତା ଶବର ନନ୍ଦିଘୋଷ ଟିଭି ସାମ୍ନାରେ ପ୍ରତିକ୍ରିୟା ରଖିଛନ୍ତି। ତାଙ୍କ ବାପା ମାଁ ଓ ନାନୀ ଙ୍କୁ ଯେଉଁଭଳି ହତ୍ୟାକାଣ୍ଡ କରିଛନ୍ତି ସେମାନଙ୍କୁ ଫାସି ଦଣ୍ଡାଦେଶ ମିଳିବାରୁ କୋର୍ଟ ଓ ନ୍ୟାୟିକ ବ୍ୟବସ୍ଥାକୁ ଧନ୍ୟବାଦ ଦେଇଛନ୍ତି।