ନୂଆଦିଲ୍ଲୀ: ଅମାନିଆ ପଡ଼ୋଶୀ । ସୀମା ବିବାଦକୁ ନେଇ ଭାରତ-ଚୀନ୍ ବିବାଦ ସମାଧାନ ପାଇଁ ଆଲୋଚନା ଜାରି ରହିଥିବା ବେଳେ ବିସ୍ତାରବାଦୀ ଚିନର ଆଉ ଏକ ଚାଲାକି ସାମ୍ନାକୁ ଆସିଛି । ଭୁଟାନର ବିବାଦୀୟ ଅଞ୍ଚଳକୁ ବେଆଇନ ଭାବେ ଦଖଲ କରିଛନ୍ତି ଚୀନ୍ ସେନା । ଚୀନ ଓ ଭୁଟନର ବିବଦୀୟ କ୍ଷେତ୍ରରେ ଚାରୋଟି ଗ୍ରାମ ନିର୍ମାଣ କରିଛି ଚୀନ । ଏଲଏସି ଅତିକ୍ରମ କରି ଚୀନ ସେନା ଅନୁପ୍ରବେଶ କରିଥିବା ବେଳେ ଏହାକୁ ନିଜ ଦେଶର ବୋଲି ପ୍ରମାଣିତ କରିବା ପାଇଁ ସେଠାରେ ୪ଟି ଗାଁ ମଧ୍ୟ ନିର୍ମାଣ କରାଯାଇଛି ।
Disputed land between #Bhutan & #China near Doklam shows construction activity between 2020-21, multiple new villages spread through an area roughly 100 km² now dot the landscape, is this part of a new agreement or enforcement of #China's territorial claims ? pic.twitter.com/9m1n5zCAt4
— Damien Symon (@detresfa_) November 17, 2021
ଗାଁ ଗୁଡ଼ିକ ଡୋକଲାମ ନିକଟ ବିବାଦୀୟ ଜମିରେ ରହିଛି । ସାଟେଲାଇଟ ଇମେଜରୁ ଏହି ଗାଁ ସମ୍ପର୍କରେ ଜଣାପଡ଼ିଛି । ୨୦୨୦ରୁ ୨୦୨୧ ମଧ୍ୟରେ ଏହି ଗାଁ ନିର୍ମାଣ କରାଯାଇଛି । ପ୍ରାୟ ୧୦୦ ବର୍ଗ କିଲୋମିଟର ଅଞ୍ଚଳରେ ଚୀନ୍ ନିର୍ମାଣ କରିଥିବା ଗାଁ ଭାରତ ପାଇଁ ଚିନ୍ତା ବଢ଼ାଇଛି । ୨୦୧୭ରେ ଡୋକଲାମ ସୀମାକୁ ନେଇ ଭାରତ-ଚୀନ୍ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା । ତେବେ ଏହି ଚୀନର ଏପରି ପଦକ୍ଷେପରେ ଭାରତ ଦୃଷ୍ଟିରୁ ଠିକ୍ ନୁହେଁ ବୋଲି କୁହାଯାଉଛି ।
