ଭୁବନେଶ୍ୱର: ହଷ୍ଟେଲ ସାନିଟାଇନ ନହେବା ଓ କ୍ୟାମ୍ପସ ସମସ୍ୟାକୁ ନେଇ ଉତ୍କଳ ବିଶ୍ବବିଦ୍ୟାଳୟରେ ଛାତ୍ର ଉତ୍ତେଜନା । ଭିସିଙ୍କ ପଶିବାକୁ ଧସେଇ ପଶିବାକୁ ଛାତ୍ରଛାତ୍ରୀଙ୍କ ଉଦ୍ୟମ । ଉତ୍ତ୍ୟକ୍ତ ଛାତ୍ରଛାତ୍ରୀଙ୍କ ସହ ଆଲୋଚନା କଲେ ଭିସି । ୧୫ ଦିନ ମଧ୍ୟରେ ସମସ୍ୟାର ସମାଧାନ ସହ ହଷ୍ଟେଲ୍ ସାନିଟାଇଜ୍ କରାଯିବାକୁ ପ୍ରତିଶ୍ରୁତି ଦେଲେ ଭିସି । ପ୍ରତିଶ୍ରୁତି ପାଇବା ପରେ ଉତ୍ତାକ୍ତ ଛାତ୍ରଛାତ୍ରୀ ଶାନ୍ତ ପଡ଼ିବା ସହ ଫେରିଛନ୍ତି ।
ଛାଡପତ୍ର ପାଇଁ ୨୭ ଲକ୍ଷ ମାଗୁଛନ୍ତି ଡିମ୍ପଲ, ଭାଇରାଲ ହେଉଛି ଅଡିଓ
ବ୍ରହ୍ମପୁର: ବହୁ ଚର୍ଚ୍ଚିତ ଡାକ୍ତର ସୁମିତ ଓ ତପସ୍ବିନୀ ବିବାଦ ମାମଲା ଦିନକୁ ଦିନ ରଙ୍ଗ ବଦଳାଇବାରେ ଲାଗିଛି । ଶ୍ବଶୁର ଘର ବିରୋଧରେ ଅଭିଯୋଗ ଆଣିବା ସହ ରହିବାର ହକ୍ ମାଗି ଧାରଣରା ବସିଥିବା ଡିମ୍ପଲଙ୍କୁ ନେଇ ପଦାକୁ ଆସୁଛି ଗୋଟିଏ ପରେ ଗୋଟିଏ ଅଡିଓ । ଯାହା ଏବେ ତାଙ୍କ ଉଦ୍ଦେଶୃ ଉପରେ ପ୍ରଶ୍ନ ଉଠାଉଛି । ସ୍ବାମୀଙ୍କ ଉପରେ ପୁଳା ପୁଳା ଅଭିଯୋଗ ଆଣୁଥିବା ଡିମ୍ପଲଙ୍କୁ ନେଇ ଆସୁଛି ଅଡିଓ ପରେ ଅଡିଓ ।
ବିବାହ ବିଚ୍ଛେଦ ପାଇଁ ୮ ଲକ୍ଷ ଟଙ୍କା ଡିମ୍ପଲ ମାଗୁଥିବା ଭିଡିଓ ଭାଇରାଲ ହେବା ସହ ଚର୍ଚ୍ଚାରେ ରହିଥିବା ବେଳେ ଏବେ ଆଉ ଏକ ଅଡିଓ ଭାଇରାଲ ହେବାରେ ଲାଗିଛି । ଏଥିରେ ଡିମ୍ପଲ ୨୭ ଲକ୍ଷ ଟଙ୍କା ମାଗୁଥିବା ଶୁଣିବାକୁ ମିଳୁଛି ।
ଏଥିରେ ଡିମ୍ପଲ କେବଳ ଟଙ୍କା ମାଗୁନାହାନ୍ତି, ବରଂ ସୁମିତଙ୍କୁ ଧମକ ଦେଇଛନ୍ତି । ଟଙ୍କା ନଦେଲେ ପୂରା ପରିବାରକୁ ବରବାଦ କରିଦେବାକୁ ଡିମ୍ପଲ ଏଥିରେ ଧମକ ଦେଉଛନ୍ତି ।
ଏଭଳି ଗୋଟିଏ ପରେ ଗୋଟିଏ ଅଡିଓ ଓ ଭିଡିଓ ଭାଇରାଲ ହେବା ପରେ ଘଟଣା ଭିନ୍ନ ମୋଡ଼ ନେବାରେ ଲାଗିଛି । ଅନ୍ୟପକ୍ଷରେ ଏମିତି ଅଭିଯୋଗକୁ ଡିମ୍ପଲ ଖଣ୍ଡନ କରିଛନ୍ତି । ଏବେ ନୁହେଁ ପୂର୍ବରୁ ବକେୟା ଟଙ୍କା ମାଗିଥିବା କହିଛନ୍ତି ଡିମ୍ପଲ । ଏହାସହ ସମସ୍ତ ପ୍ରମାଣ କୋର୍ଟରେ ଦେବି ବୋଲି କହିଛନ୍ତି ।
ଅନ୍ୟପଟେ ଆଜି ଡିମ୍ପଲ-ସୁମିତ ବିବାଦ ମାମଲାର ଶୁଣାଣି SDJM କୋର୍ଟରେ ହେବ ।
ଓଡ଼ିଶାର ଦୀର୍ଘତମ ‘ଟି-ସେତୁ’ ଲୋକାର୍ପଣ କଲେ ମୁଖ୍ୟମନ୍ତ୍ରୀ
କଟକ: ମହାନଦୀ ଉପରେ ଓଡ଼ିଶାର ଦୀର୍ଘତମ ସେତୁ ଲୋକାର୍ପିତ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଲେ ଲୋକାର୍ପଣ । ୧୧୧କୋଟି ବ୍ୟୟରେ ନିର୍ମିତ ବହୁ ପ୍ରତିକ୍ଷିତ ବିକାଶର ସେତୁ ‘ଟି-ସେତୁ’ର ଉଦଘାଟନ ହୋଇଛି ।
ଏହି ହାଇଲେଭଲ ସେତୁ କଟକ ବଡ଼ମ୍ବା ନରସିଂହପୁରର ଗୋପିନାଥପୁର-ସିଂହନାଥ ପୀଠ ଓ ବୈଦ୍ୟେଶ୍ବରକୁ ସଂଯୋଗ କରିଛି । ଏହି ସେତୁ ହେବା ଦ୍ବାରା ୪୫ କିଲୋମିଟର ଦୂରତା କମିଛି । ଯାହାଦ୍ବାରା ଉପକୃତ ହେବେ ୫ ଲକ୍ଷ ଲୋକ । ସେତୁର ଲମ୍ବ ୩.୪ କିଲୋମିଟର ବା ୩ ହଜାର ୧୩୯ ମିଟର ।
କୃଷି, ପର୍ଯ୍ୟଟନ, ବାଣିଜ୍ୟ କ୍ଷେତ୍ରରେ ଏକ ମାଇଲଖୁଣ୍ଟ ସାଜିବ ଟି-ସେତୁ । ନୂଆ ସେତୁକୁ ନେଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଆଗ୍ରହ ବଢିବାରେ ଲାଗିଛି । ବହୁ ଦିନର ଦାବି ପୂରଣ ହୋଇଥିବାରୁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ସ୍ଥାନୀୟ ଲୋକେ । ସେତୁ ଉଦଘାଟନ ସମାରୋହରେ ମୁଖ୍ୟମନ୍ତ୍ରୀ ବହୁତ ଉତ୍ସାହିତ ଥିବା ଦେଖିବାକୁ ମିଳିଥିଲା । ଦୀର୍ଘ ଦିନର ଦାବି ପୂରଣ ହୋଇଥିବାରୁ ସ୍ଥାନୀୟ ଲୋକଙ୍କୁ ଆପଣମାନେ ଖୁସି ତ ବୋଲି ପଚାରିଥିଲେ ।
ଲୋକାର୍ପଣ ପରେ ମୁଖ୍ୟମନ୍ତ୍ରୀ ସେତୁ ବୁଲି ଦେଖିଥିଲେ । ସେତୁରୁ ମହାନଦୀର ମନୋରମ ଦୃଶ୍ୟ ଉପଭୋଗ କରିଥିଲେ ମୁଖ୍ୟମନ୍ତ୍ରୀ । ନିଜର ପ୍ରିୟ ନେତା ଅଞ୍ଚଳକୁ ଆସିଥିବାରୁ ମୁଖ୍ୟମନ୍ତ୍ରୀଙ୍କୁ ଦେଖିବାକୁ ଲୋକଙ୍କ ଭିଡ ଜମିଥିଲା । ମୁଖ୍ୟମନ୍ତ୍ରୀଙ୍କୁ ଥରେ ଦେଖିବାକୁ ଲୋକଙ୍କ ମଧ୍ୟରେ ଯେମିତି ପ୍ରତିଯୋଗିତା ଲାଗିଥିଲା । ମୁଖ୍ୟମନ୍ତ୍ରୀ ଦେଇଥିବା ପ୍ରତିଶ୍ରୁତି ପୂରଣ କରିଥିବାରୁ ସ୍ଥାନୀୟ ବାସିନ୍ଦା ତାଙ୍କୁ ଭୁରୀ ଭୁରୀ ପ୍ରଶଂସା କରୁଛନ୍ତି ।
ମୁଖ୍ୟମନ୍ତ୍ରୀ ସେତୁ ଲୋକାର୍ପଣ ପାଇଁ ପହଞ୍ଚିବା ପରେ ନବୀନ ପଟ୍ଟନାୟକ ଜିନ୍ଦାବାଦ ଧ୍ବନୀରେ ପ୍ରକମ୍ପିତ ହୋଇଥିଲା ପୂରା ଅଞ୍ଚଳ । ହାତ ହଲାଇ ସ୍ଥାନୀୟ ବାସିନ୍ଦା ମୁଖ୍ୟମନ୍ତ୍ରୀଙ୍କୁ ଭବ୍ୟ ସ୍ବାଗତ ଜଣାଇଥିଲେ ।
ଏୟାର ଆମ୍ବୁଲାନ୍ସ ସେବାର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ
ଭୁବନେଶ୍ବର: ଚିକିତ୍ସା କ୍ଷେତ୍ରରେ ରାଜ୍ୟ ସରକାରଙ୍କ ଆଉ ଏକ ଯୁଗାନ୍ତକାରୀ ପଦକ୍ଷେପ । ଶୀଘ୍ର ଚିକିତ୍ସା ପାଇଁ ଏଣିକି ଗୁରୁତର ରୋଗୀଙ୍କୁ ମିଳିବ ଏୟାର ଆମ୍ବୁଲାନ୍ସ ସେବା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଲେ ବାୟୁ ସ୍ବାସ୍ଥ୍ୟସେବାର ଶୁଭାରମ୍ଭ । ଭୁବନେଶ୍ବର ବିଜୁ ପଟ୍ଟନାୟକ ଅନ୍ତରାଷ୍ଟ୍ରୀୟ ବିମାନବନ୍ଦରରୁ ମାଲକାନଗିରି ଜିଲ୍ଲା ପାଇଁ ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ।
ପ୍ରାଥମିକ ପର୍ଯ୍ୟାୟରେ ଅନ୍ୟ ତିନିଟି ଜିଲ୍ଲା ନବରଙ୍ଗପୁର, କଳାହାଣ୍ଡି ଓ ନୂଆପଡ଼ା ଜିଲ୍ଲାର ରୋଗୀଙ୍କ ପାଇଁ ଏହି ସୁବିଧା ମିଳିବ । ପରେ ଅନ୍ୟ ଜିଲ୍ଲା ପାଇଁ ବ୍ୟବସ୍ଥା କରାଯିବ । ଏହାର ସମ୍ପୂର୍ଣ୍ଣ ଖର୍ଚ୍ଚ ବହନ କରିବେ ରାଜ୍ୟ ସରକାର । ମୁଖ୍ୟମନ୍ତ୍ରୀ ବାୟୁ ସ୍ବାସ୍ଥ୍ୟସେବା ଦ୍ବାରା ଉପାନ୍ତ ଅଞ୍ଚଳରେ ଗରିବ ଲୋକଟିଏ ବି ଉତ୍ତମ ସ୍ବାସ୍ଥ୍ୟ ସେବା ପାଇପାରିବ । ଏବେ ଏୟାର ଆମ୍ବୁଲାନ୍ସ୍ ସେବା ଆରମ୍ଭ ହେବା ପରେ ଆଉ ଗୁରୁତର ରୋଗୀଙ୍କୁ ନେବା ଆଣିବାରେ ସମସ୍ୟା ହେବନାହିଁ ।
ଶଙ୍ଖ ଫୁଙ୍କିଲେ କରମଚାନ୍ଦ
ସୋନପୁର: ବଢୁଛି ବିଜେଡି ବଳ । ସୁବର୍ଣ୍ଣପୁର ଜିଲ୍ଲା ବିଜେପି କୃଷକ ମୋର୍ଚ୍ଚା ସଭାପତି କରମଚାନ୍ଦ ମହାନ୍ତି ଆଜି ବିଜେପି ଛାଡ଼ି ବିଧିବଦ୍ଧ ଭାବେ ବିଜେଡିରେ ମିଶିଛନ୍ତି । ପୂର୍ବରୁ ସେ କଂଗ୍ରେସର ଜିଲ୍ଲା ପରିଷଦ ପ୍ରାର୍ଥୀ ହୋଇ ହାରିଥିଲେ । ଏହାପରେ ବିଜେପିରେ ମିଶିଥିଲେ । ଆଜି କରମଚାନ୍ଦ ମହାନ୍ତି ତାଙ୍କ ସମର୍ଥକଙ୍କ ସହ ବିଜେପି ଛାଡ଼ି ବିଜେଡିରେ ଯୋଗଦେଇଛନ୍ତି ।
ଭୁବନେଶ୍ବରରେ ଆୟୋଜିତ ମିଶ୍ରଣ ପର୍ବରେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ସୋନପୁର ବିଧାୟକ ତଥା ଅର୍ଥମନ୍ତ୍ରୀ ନୀରଞ୍ଜନ ପୂଜାରୀ ପ୍ରମୁଖ ତାଙ୍କୁ ସ୍ବାଗତ କରିଛନ୍ତି । କରମଚାନ୍ଦ ମହାନ୍ତି ଦଳ ପାଇଁ ଭଲ କାମ କରିବେ ବୋଲି ପ୍ରଣବ ପ୍ରକାଶ ଦାସ ଆଶା ପ୍ରକାଶ କରିଛନ୍ତି ।
ଅଡିଓ ଛାଡ଼ିଲେ ସୁମିତ: କହିଲେ ମିଛ ଲୁଚାଇବାକୁ ମିଛ କହି ଚାଲିଛନ୍ତି ଡିମ୍ପଲ
ବ୍ରହ୍ମପୁର: ଡିମ୍ପଲ ଓ ସୁମିତ ବିବାଦ ଯେତେ ଆଗଉଛି ନୂଆ ନୂଆ ଟୁଇଷ୍ଟ ଆସିବାରେ ଲାଗିଛି । ଗତକାଲି ଛାଡପତ୍ର ପାଇଁ ୮ ଲକ୍ଷ ଟଙ୍କା ମାଗୁଥିବା ଭିଡିଓ ଭାଇରାଲ ହେବା ପରେ ପ୍ରତିକ୍ରିୟା ରଖିଥିଲେ ଡିମ୍ପଲ । ଯାହାକୁ ନେଇ ଗତକାଲି ପୂରାଦିନ ଏହି ବିବାଦୀୟ ମାମଲା ଚର୍ଚ୍ଚାରେ ଥିଲା । ଆଜି ସୁମିତ ଏକ ଅଡିଓ ରିଲିଜ କରିଛନ୍ତି । ଯେଉଁଥିରେ ସେ ମୁହଁ ଖୋଲିବା ସହ ତାଙ୍କ ମାନସିକ ସ୍ଥିତି ଭଲ ନଥିବ କହିବା ସହ ଡିମ୍ପଲଙ୍କ ଶିକ୍ଷାଗତ ଯୋଗ୍ୟତା ଓ ମିଛ କହୁଥିବାକୁ ନେଇ ବହୁତ କିଛି କହିଛନ୍ତି ।
ଏଥିରେ ସୁମିତ କହିଛନ୍ତି, ତପସ୍ବନୀଙ୍କ ଯୋଗୁଁ ମୋତେ ବହୁତ କଷ୍ଟ ହେଲାଣି । ମୋ ମାନସିକ ସ୍ଥିତି ଭଲ ନାହିଁ । ଏତେ ଘଟଣା ପରେ ମୁଁ ଭିଡିଓ ବନାଇବାକୁ ବାଧ୍ୟ ହେଲି । ସୋସିଆଲ ମିଡିଆରେ ଭାଇରାଲ ଭିଡିଓରେ ୮ ଲକ୍ଷ ଟଙ୍କା ମାଗୁଛନ୍ତି ଡିମ୍ପଲ । ସେ ଭିଡିଓରେ ନିଜେ ଥିବା ସେ ମାନୁଛନ୍ତି । ଏମିତି ଆହୁରି ଅନେକ ଭିଡିଓ ଅଛି । କୋର୍ଟରେ କେସ୍ ଥିବାରୁ ଆଉ ଭିଡିଓ ପ୍ରୁଫ୍ ଦେଇହେବନି ।
ସେ ଆହୁରି କହିଛନ୍ତି, ତପସ୍ବିନୀ ଆଗରୁ ମିଛ କହୁଥିଲେ, ଏବେ ବି କହୁଛନ୍ତି । ତାଙ୍କ ପରିବାର ପାଖରୁ ଟଙ୍କାଟେ ନେଇନୁ କି ମାଗିନୁ । ଗୋଟେ ମିଛ ଲୁଚାଇବାକୁ ସେ ମିଛ କହି ଚାଲିଛନ୍ତି । ଭିଡିଓରେ ଆପଣମାନେ ଦେଖନ୍ତୁ ତାଙ୍କ ଆଚରଣ ଓ ଉଚ୍ଚାରଣ । ପଇସା ମାଗିବାର ଆଚରଣ ଆଗରୁ ଥିଲା ଏବେ ବି ଅଛି । ମୋ ପାଖରେ ପ୍ରମାଣ ଅଛି, ସେ ଆଉ କାହା ସହ କଥା ହେଉଥିଲେ
ମୋତେ ବଦନାମ୍ ଓ ପବ୍ଲିସିଟି ନେବାକୁ ଏମିତି କରୁଛନ୍ତି । ସେ ନିଜେ କହୁଛନ୍ତି ପରିବାରକୁ ବରବାଦ୍ କରିଦେବେ ଏବେ କରୁଛନ୍ତି ମଧ୍ୟ । ନିଜକୁ ଶିକ୍ଷିତ କହୁଛନ୍ତି, ତାଙ୍କ ମେଡିକାଲ ଏଣ୍ଟ୍ରାନ୍ସର ସ୍କୋର କାର୍ଡ ଦେଖନ୍ତୁ । ନିଜେ ବିଚାର କରନ୍ତୁ ସେ ଠିକ୍ କହୁଛନ୍ତି ନା ଭୁଲ୍ କହୁଛନ୍ତି ।
ଏହାସହ ଅଡିଓ ମାଧ୍ୟରେ ସେ ଡିମ୍ପଲଙ୍କୁ ପ୍ରଶ୍ନ କରିଛନ୍ତି ଆଉ କେତେ ମିଛ କହିବେ ମ୍ୟାଡାମ୍ ? କେତେ ହାରାସ୍ କରିବେ ? ତପସ୍ବିନୀ ଯାହା କରୁଛନ୍ତି ତାହା ସମାଜକୁ ଖରାପ ମେସେଜ୍ ଦେଉଛି । କୋର୍ଟ ଓ ଆଇନର ବିରୋଧରେ କାମ କରୁଛନ୍ତି ତପସ୍ବିନୀ ।
ବିଶ୍ବ ଉପରେ ପଡ଼ିଛି କରୋନା ଚଡ଼କ
ନୂଆଦିଲ୍ଲୀ: ବିଶ୍ବରେ ଜାରି ରହିଛି କୋଭିଡ ଓ ଓମିକ୍ରନ ତାଣ୍ଡବ । ଅଧିକାଂଶ ରାଷ୍ଟ୍ର ମୁକାବିଲା ଲାଗି କରୁଛନ୍ତି ମାଷ୍ଟରପ୍ଲାନ । ଏପଟେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ନେଇ ଉଦବେଗ ପ୍ରକାଶ କରିଛନ୍ତି ହ୍ବାଇଟ୍ ହାଉସର ସର୍ବୋଚ୍ଚ ମେଡିକାଲ ପରାମର୍ଶଦାତା ଡାକ୍ତର ଆନ୍ଥୋନୀ ଫଉସି । ଟିକା ନେଇ ନଥିବା ଲୋକଙ୍କ ଲାଗି ରାଷ୍ଟ୍ରପତି ଜୋ ବିଡେନ ସତର୍କବାଣୀ ଶୁଣାଇଥିବା ସେ କହିଛନ୍ତି । ପ୍ରବଳ ଶୀତ ସହ ପୁଣି ଥରେ ଓମିକ୍ରନ ବିତ୍ପାତ ଘଟାଇପାରେ ବୋଲି ସେ ଆଶଙ୍କା ବ୍ୟକ୍ତ କରିଛନ୍ତି । ଆସନ୍ତାକାଲି ରାଷ୍ଟ୍ରପତି କୋଭିଡ ସ୍ଥିତି ସମ୍ପର୍କରେ ବିବୃତି ଦେବେ ।
ସେପଟେ ଜର୍ମାନୀରେ କୋଭିଡର ପଞ୍ଚମ ଲହର ଆସିବ ବୋଲି ସତର୍କ କରାଇଛନ୍ତି ସ୍ବାସ୍ଥ୍ୟମନ୍ତ୍ରୀ କାର୍ଲ ଲଟେରବାକ୍ । ଯଦିଓ ଖ୍ରୀଷ୍ଟମାସରେ ଲକଡାଉନ କରାଯିବାର ଯୋଜନା ନାହିଁ, ତଥାପି ପଞ୍ଚମ ଲହରୀ ଅଛି ବୋଲି ସେ କହିଛନ୍ତି । ଦେଶରେ ଟିକାକରଣକୁ ବାଧ୍ୟତାମୂଳକ କରିବା ଲାଗି ସଂସଦରେ ଆଇନ ଅଣାଯିବ । ଜର୍ମାନୀରେ ବର୍ତ୍ତମାନ ସୁଦ୍ଧା 68 ଲକ୍ଷ 12 ହଜାର ଲୋକ କୋଭିଡ ସଂକ୍ରମିତ ହୋଇଥିବା ବେଳେ, ପ୍ରାଣ ହରାଇଲେଣି ୧ ଲକ୍ଷ ୯ ହଜାର ଲୋକ ।
ଓମିକ୍ରନ ମୁକାବିଲା ଲାଗି ବ୍ରିଟେନରେ ଜାରି ହୋଇଥିବା କଟକଣାକୁ କଡାକଡି କରାଯାଇଛି । ଓ୍ବାର୍କ ଫ୍ରମ୍ ହୋମକୁ ଅଧିକ ଗୁରୁତ୍ବ ଦିଆଯାଇଛି । ବ୍ୟାପକ ଆର୍ଥିକ କ୍ଷତିରେ ଗତି କରୁଥିବା ବାର୍, ରେଷ୍ଟୁରାଣ୍ଟ, ଦୋକାନ, କେଫ୍ ଆଦି କ୍ଷେତ୍ରରେ ଏହି କଟକଣା ଅଧିକ ସଂକଟ ସୃଷ୍ଟି କରିଛି । ଆସନ୍ତା କିଛି ସପ୍ତାହ ମଧ୍ୟରେ ନରଓ୍ବେରେ ଦୈନିକ ୩ ଲକ୍ଷ କୋଭିଡ ସଂକ୍ରମିତ ଚିହ୍ନଟ ହେବାର ଆଶଙ୍କା ଦେଖାଦେଇଛି । ସେହିପରି ନରଓ୍ବେରେ ସଭା ସମିତି, ବାର୍, ରେଷ୍ଟୁରାଣ୍ଟରେ ମଦ୍ୟପାନ, ସୁଇମିଂ ପୁଲ ଓ ଜିମ ଲାଗି କଟକଣା ଜାରି ହୋଇଛି । ଗତକାଲିଠାରୁ ନେଦରଲ୍ୟାଣ୍ଡସରେ ଲକଡାଉନ ଜାରି ହୋଇଥିବା ବେଳେ, ଖ୍ରୀଷ୍ଟମାସ ଓ ନ୍ୟୁ ଇୟର ସେଲିବ୍ରେସନକୁ ବ୍ୟାନ କରାଯାଇଛି ।
ସେପଟେ ଖ୍ରୀଷ୍ଟମାସ ଆସିବା ପୂର୍ବରୁ ସମସ୍ତଙ୍କୁ ଟିକା ନେବାକୁ ଆହ୍ବାନ ଦେଇଛନ୍ତି ଫ୍ରାନ୍ସ ସରକାର । ଡେନମାର୍କରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ବଢୁଥିବାରୁ ଅଧିକରୁ ଅଧିକ କଟକଣା ଜାରି କରାଯାଇଛି । ଆସନ୍ତା ଜାନୁଆରୀ ୩୦ ଯାଏଁ ସମସ୍ତ ହୋଟେଲ ଉପରେ କଟକଣା ଲଗାଇଛନ୍ତି ଆୟରଲ୍ୟାଣ୍ଡ ସରକାର ।
ଭାଉଜକୁ ଗୁଳି ମାରି ନିଜେ ଆତ୍ମହତ୍ୟା କଲା ଦିଅର
ଦେଓ୍ବାସ: ଖାଇବା ଗରମକୁ ନେଇ ମଧ୍ୟପ୍ରଦେଶ ଦେଓ୍ବସର ଗୋପାଳପୁରରେ ଜଣେ ବ୍ୟକ୍ତି ତାଙ୍କ ଭାଉଜଙ୍କୁ ଗୁଳି ମାରି ହତ୍ୟା କରି ଦେଇଛନ୍ତି । ସେତିକି ନୁହେଁ ଭାଉଜଙ୍କୁ ଗୁଳି ମାରିବା ପରେ ନିଜେ ନିଜକୁ ଗୁଳି ମାରି ଆତ୍ମହତ୍ୟା କରିଛନ୍ତି ।
ଅଭିଯୁକ୍ତ ବିଜୟ ତାଙ୍କ ଭାଉଜ ରାନୀଙ୍କୁ ଖାଇବା ଗରମ କରି ଦେବାକୁ କହିଥିଲେ । ହେଲେ ଭାଉଜ ଖାଇବା ଗରମ କରିବାକୁ ମନା କରିବା ସହ ନିଜ କ୍ଲିନିକକୁ ବାହାରି ଯାଇଥିଲେ । ସୂଚନାଯୋଗ୍ୟ, ରାନୀ ଜଣେ ହୋମିଓପାଥି ଡାକ୍ତର । କିଛି ସମୟ ପରେ ବିଜୟ, ରାନୀଙ୍କ କ୍ଲିନିକରେ ପହଞ୍ଚି ଯାଇଥିଲେ । ସେଠାରେ ଉଭୟଙ୍କ ଖାଇବା ଗରମକୁ ନେଇ ଯୁକ୍ତିତର୍କ ହୋଇଥିଲା । ଏହାପରେ ବିଜୟ ରାନୀଙ୍କୁ ଗୁଳି ମାରି ଦେଇଥିଲେ । ଗୁଳି ମାରିବା ପରେ ଭାଇ ସନ୍ଦିପଙ୍କୁ ଫୋନ କରି ସବୁ ଘଟଣା କହିଥିଲେ । ଫୋନ କାଟିବା ପରେ ସେ ନିଜକୁ ଗୁଳି ସେହିଠାରେ ନିଜକୁ ଗୁଳି ମାରିଦେଇଥିଲେ ।
ଗୁଳି ଫୁଟିବାର ଶବ୍ଦ ଶୁଣି ଆଖପାଖର ଲୋକେ ଯେତେବେଳେ କ୍ଲିନିକରେ ପହଞ୍ଚି ରକ୍ତ ଜୁଡୁବୁଡୁ ଅବସ୍ଥାରେ ସେମାନଙ୍କୁ ଦେଖି ମେଡିକାଲ ନେବା ବ୍ୟବସ୍ଥା କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଘରୋଇ ବିବାଦରୁ ଏହି ହତ୍ୟାକାଣ୍ଡ ଘଟିଥିବା ପ୍ରାଥମିକ ତଦନ୍ତରୁ ପୋଲିସ ଜାଣିବାକୁ ପାଇଛି । ହତ୍ୟାରେ ବ୍ୟବହୃତ ବନ୍ଧୁକ ଓ ବାଇକ ପୋଲିସ ଜବତ କରି ଅଧିକ ତଦନ୍ତ ଚଲାଇଛି ।
ଭାଙ୍ଗୁଛି ବିରୋଧୀ ଦୁର୍ଗ, ବଳ ଗୋଟାଉଛି ବିଜେଡି
ନବରଙ୍ଗପୁର/କନ୍ଧମାଳ: ସାରା ରାଜ୍ୟରେ ଭାଙ୍ଗୁଛି ବିରୋଧର ବିଜେପି ଓକଂଗ୍ରେସର ଭୋଟ ବ୍ୟାଙ୍କ । ଦଳରୁ ମୁହଁ ଫେରାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହେଉଛନ୍ତି ହଜାର ହଜାର ବିରୋଧୀ କର୍ମୀ । ଏହି କ୍ରମରେ ଗତକାଲି ନବରଙ୍ଗପୁର ଓ କନ୍ଧମାଳର ଶତାଧିକ ବ୍ୟକ୍ତି ବିରୋଧୀ ଶିବିର ଛାଡ଼ି ବିଜେଡିରେ ମିଶିଛନ୍ତି ।
ନବରଙ୍ଗପୁର ଜିଲ୍ଲାରେ ଭୁଷୁଡୁଛି କଂଗ୍ରେସ ଓ ବିଜେପି ଦୁର୍ଗ । ଦିନକୁ ଦିନ ଦଳର ହାତ ଛାଡୁଛନ୍ତି ନେତା ଓ କର୍ମୀ । ଜିଲ୍ଲାର ମଇଦଲପୁର ଜିଲ୍ଲାପରିଷଦ ଜୋନ-2 ରେ ୩ ହଜାରରୁ ଊର୍ଦ୍ଧ୍ବ ବିଜେପି ଓ କଂଗ୍ରେସ ନେତା, କର୍ମୀ ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ସେମାନେ ବିଜେଡିରେ ସାମିଲ ହୋଇଥିବା କହିଛନ୍ତି । ଏହାସହ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଦକ୍ଷତା ମଧ୍ୟ ଲୋକମାନଙ୍କୁ ଅନୁପ୍ରାଣିତ କରୁଛି । କିଛିଦିନ ତଳେ ଜିଲ୍ଲାର ନେତା ପ୍ରଦୀପ ମାଝୀ କଂଗ୍ରେସ ଛାଡି ବିଜେଡିରେ ସାମିଲ ହୋଇଥିଲେ । ଏହାଦ୍ବାରା ବିଜୁ ଜନତା ଦଳ ତୃଣମୂଳ ସ୍ତରରେ ଆହୁରି ଅଧିକ ମଜଭୁତ ହୋଇଥିବା କହିଛନ୍ତି ନବରଙ୍ଗପୁର ଜିଲ୍ଲା ବିଜେଡି ସଭାପତି ରମେଶ ଚନ୍ଦ୍ର ମାଝୀ । ଏହି ଅବସରରେ ଆଗାମୀ ୩୦ ବର୍ଷ ଧରି ବିଜୁ ଜନତା ଦଳ ରାଜ୍ୟରେ ଶାସନ କରିବ ବୋଲି କହିଛନ୍ତି ପ୍ରଦୀପ ମାଝୀ ।
ସେହିପରି କନ୍ଧମାଳ ଜିଲ୍ଲା କ. ନୂଆଗାଁରେ ବିଜେଡ଼ିର ମହାମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଶତାଧିକ ବିଜେପି ଓ କଂଗ୍ରେସ କର୍ମୀ ନିଜ ଦଳ ଛାଡ଼ି ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ମନ୍ତ୍ରୀ ପ୍ରତାପ ଜେନାଙ୍କ ଉପସ୍ଥିତିରେ ସେମାନେ ବିଜେଡିରେ ସାମିଲ ହୋଇଥିବା କହିଛନ୍ତି । ନବୀନଙ୍କ ଯୋଗୁଁ ଅଞ୍ଚଳରେ ବିକାଶ କାର୍ଯ୍ୟ ଆଗକୁ ବଢିଛି । ମୁଖ୍ୟମନ୍ତ୍ରୀଙ୍କ ଜନହିତକର କାମ ଓ ବିକାଶ ଧାରାକୁ ସେମାନଙ୍କୁ ଆକର୍ଷିତ କରିଥିବା କହିଛନ୍ତି ବିଜେଡିରେ ସାମିଲ ହୋଇଥିବା କର୍ମୀ ଓ ନେତା ।
ଆହୁରି ୪ ଦିନ ଥରାଇବ ଶୀତ
ଭୁବନେଶ୍ବର: ରାଜ୍ୟରେ ଆହୁରି ବଢିବ ଶୀତ । ଆସନ୍ତା 3ରୁ 4 ଦିନ ମଧ୍ୟରେ ସ୍ବାଭାବିକ ଠାରୁ ୩ ରୁ ୪ ଡିଗ୍ରୀ ତାପମାତ୍ରା କମିବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଉପକୂଳ ଅପେକ୍ଷା ଉପାନ୍ତରେ ଅଧିକ ଜାଡ ଅନୁଭୁତ ହେବ । ଶୀତ ବଢୁଥିବା କାରଣରୁ ସଂନ୍ଧ୍ୟା ପରଠାରୁ ବିନା ଶୀତ ବସ୍ତ୍ରରେ ବାହାରକୁ ନ ବାହାରିବା ପାଇଁ ପରାମର୍ଶ ଦିଆଯାଇଛି ।
ରାଜ୍ୟର କିଛି ଜିଲ୍ଲାରେ ଘନ କୁହୁଡି ସହ ଅଧିକାଂଶ ଜିଲ୍ଲାରେ ସାମାନ୍ୟ କୁହୁଡି ଦେଖିବାକୁ ମିଳିଛ । ରାଜ୍ୟର ୯ଟି ସ୍ଥାନର ତାପମାତ୍ରା ୧୨ଡିଗ୍ରୀ ତଳେ ରହିଛି । ୮.୫ ଡିଗ୍ରୀ ତାପମାତ୍ରା ସହ ଦାରିଙ୍ଗବାଡି ରାଜ୍ୟର ସବୁଠାରୁ ଥଣ୍ଡା ସହର ଭାବରେ ରେକର୍ଡ କରିଥିବା ବେଳେ ବଲାଙ୍ଗୀର ୯ ଡିଗ୍ରୀ, କୋରାପୁଟ ଏବଂ ଫୁଲବାଣୀରେ ୯.୫ ଡିଗ୍ରୀ, ସୁନ୍ଦରଗଡରେ ୧୦ ଡିଗ୍ରୀ, ଟିଟିଲାଗଡ ଏବଂ ସୋନପୁରରେ ୧୦.୮ ଡିଗ୍ରୀ, ଝାରସୁଗୁଡାରେ ୧୧.୨, ଭବାନୀପାଟଣାରେ ୧୧.୬ ଏବଂ ନୟାଗଡରେ ୧୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।