ବାଲେଶ୍ବର: ରାସ୍ତା କଡ଼ରେ ପଡିଛି ମୃତଦେହ । ଗତକାଲି ସନ୍ଧ୍ୟାରୁ ଥିଲେ ନିଖୋଜ । ଆଜି ସକାଳୁ ରାସ୍ତା କଡ଼ରୁ ମିଳିଲା ଶବ । ଘଟଣା ବାଲେଶ୍ବର ଜିଲ୍ଲା କମର୍ଦ୍ଦା ଥାନା ଗୁଣୁସାର୍ଥା ଗାଁର । ପରିବାର ଲୋକେ ଆଣିଲେ ହତ୍ୟା ଅଭିଯୋଗ । ମୃତକ ଜଣଙ୍କ ହେଲେ ଗୋପାଳ ଜେନା ।
ଗତକାଲି ସନ୍ଧ୍ୟାରୁ ଗୋପାଳ ଘରୁ ଯାଇ ଆଉ ଫେରି ନଥିଲେ । ପରିବାର ଲୋକେ ଓ ପଡୋଶୀ ତାଙ୍କ ଖୋଜାଖୋଜି କରିଥିଲେ ବି କୌଣସି ସନ୍ଧାନ ମିଳି ନଥିଲା । ଆଜି ସକାଳୁ ହଳଦିପାଳ ରାସ୍ତାକଡ଼ରେ ତାଙ୍କ ମୃତଦେହ ପଡ଼ିଥିବା ଦେଖିବାକୁ ମିଳିଥିଲା ।
ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଗୋପାଳଙ୍କ ମୃତ୍ୟୁକୁ ନେଇ ସ୍ପଷ୍ଟ ସୂଚନା ମିଳି ନଥିଲେ ବି ତାଙ୍କୁ ହତ୍ୟା କରାଯିବା ପରେ ରାସ୍ତାକଡ଼ରେ ଫିଙ୍ଗା ଯାଇଥିବା ପରିବାର ଲୋକେ ଓ ଗ୍ରାମବାସୀ ଅଭିଯୋଗ କରିଛନ୍ତି ।
