ନୂଆଦିଲ୍ଲୀ: ଇଣ୍ଡିଆ ବୁକ ଅଫ ରେକର୍ଡରେ ତାଲିକା ଭୁକ୍ତ ହୋଇଛନ୍ତି ପ୍ରଥମ ଓଡ଼ିଆ ସାହିତ୍ୟିକ । ମହାଭାରତ ଓ ଭାଗବତ ଭଳି ଭାରତୀୟ ମହାକାବ୍ୟର ତୁଳନାତ୍ମକ ଅଧ୍ୟୟନ କରିବାରେ ସଫଳତା ପାଇଛନ୍ତି ପ୍ରଫେସର ଉଦୟନାଥ ସାହୁ । ନୂଆଦିଲ୍ଲୀସ୍ଥିତ ଜବାହରଲାଲ୍ ନେହରୁ ବିଶ୍ୱବିଦ୍ୟାଳୟରେ ସ୍ଥାପିତ ‘ଆଦିକବି ସାରଳା ଦାସ ଚେୟାର’ ପ୍ରଫେସର ଅଛନ୍ତି ଉଦୟନାଥ ସାହୁ । ପ୍ରଥମଥର ପାଇଁ ସାହୁଙ୍କୁ ବୁକ୍ ଅଫ୍ ରେକର୍ଡ଼ରେ ତାଲିକାଭୁକ୍ତ କରାଯାଇଛି।
ସାଇବାବାଙ୍କ ନାଁରେ ୨୦ ହଜାର ଲୁଟିନେଲେ ସାଇବର ଠକ
ଭୁବନେଶ୍ୱର: ଠାକୁରଙ୍କ ନାଁରେ ଏବେ ମାତିଲେଣି ସାଇବର ଲୁଟେରା । ସାଇବାବାଙ୍କ ରାଣ ପକାଇ ଲୁଟିନେଲେ ସାଇବର ଠକ । ଠାକୁରଙ୍କ ନାଁରେ ତୀର୍ଥଯାତ୍ରୀଙ୍କଠାରୁ ଲୁଟ । ଏନେଇ ଭୁବନେଶ୍ୱର ସାଇବର ଥାନାରେ ଅଭିଯୋଗ କରିଛନ୍ତି ଟଙ୍କପାଣି ରୋଡ଼ର ରଶ୍ମିତା ପାଢ଼ୀ । ଅଭିଯୋଗ ଅନୁସାରେ ସିରିଡି ଯିବାକୁ ହୋଟେଲ ବୁକ କରୁଥିଲେ ରଶ୍ମିତା । ଗୁଗୁଲରେ ନମ୍ବର ଦେଖି ଯୋଗାଯୋଗ କରିଥିଲେ । ପରେ ସାଇବାବାଙ୍କ ନାଁରେ ଗୁଗୁଲରେ ଖୋଲିଥିବା ସାଇବର ଠକ ସବୁକିଛି ଲୁଟିନେଇଥିଲା ।
ରଶ୍ମିତାଙ୍କୁ ହୋଟେଲ ବୁକ କରିବା ନିମନ୍ତେ otp ଯାଇଥିଲା । ପରେ ଓଟିପି ନମ୍ବର ମାଗିଥିଲେ ଏହି ଲୁଟେରା । ଓଟିପି ଦେବା ପରେ ରଶ୍ମିତାଙ୍କ ଆକାଉଣ୍ଟରୁ କଟିଯାଇଥିଲା ୨୦ହଜାର ଟଙ୍କା । ଏନେଇ ଭୁବନେଶ୍ୱରର ରଶ୍ମିତା ପାଢୀ ସାଇବର ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ପୋଲିସ ମଧ୍ୟ ଅଭିଯୋଗ ରଖିଛି । ତେବେ ଆଗରୁ ଲୁଟେରା ଅନ୍ୟ ଉପାୟରେ କଳାକନା ବୁଲାଉଥିବାବେଳେ ଏବେ ଠାକୁରଙ୍କ ନାଁରେ ଲୁଟିବା ଆରମ୍ଭ କଲେଣି ।
ଧଉଳି ଶାନ୍ତି ସ୍ତୂପର ପାଳନ ହେବ ବିଶ୍ୱସ୍ତରୀୟ ସୁବର୍ଣ୍ଣ ଜୟନ୍ତୀ
ଭୁବନେଶ୍ୱର: ଧଉଳି ଶାନ୍ତି ସ୍ତୂପର ପାଳନ ହେବ ବିଶ୍ୱସ୍ତରୀୟ ସୁବର୍ଣ୍ଣ ଜୟନ୍ତୀ । ସୁବର୍ଣ୍ଣ ଜୟନ୍ତୀ ଲାଗି ପ୍ରସ୍ତୁତିର ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର । ଚଳିତ ମାସ ଶେଷ ସୁଦ୍ଧା ଯେପରି ସଂରକ୍ଷଣ ଓ ସୌନ୍ଦର୍ଯ୍ୟକରଣ ସରିବ ତାହା ଉପରେ ଗୁରୁତ୍ବ ଦେଇଛନ୍ତି ମୁଖ୍ୟ ଶାସନ ସଚିବ । ଆସନ୍ତା ଅକ୍ଟୋବର ୨୮ ତାରିଖରେ ସୁବର୍ଣ୍ଣ ଜୟନ୍ତୀର ମୁଖ୍ୟ ଉତ୍ସବ ଆରମ୍ଭ ହେବ ।
ଏହି ଉତ୍ସବ ଲାଗି ବିଶ୍ୱର ବିଭିନ୍ନ ଦେଶରୁ ଶତାଧିକ ବୌଦ୍ଧ ସନ୍ନ୍ୟାସୀ ଯୋଗ ଦେବାର କାର୍ଯ୍ୟକ୍ରମ ରହିଛି । ବିଶ୍ୱସ୍ତରୀୟ ଉତ୍ସବକୁ ଯେପରି ସର୍ବୋତମ ଭାବେ ସଫଳ କରାଯାଇପାରିବ ସେଥିଲାଗି ଧ୍ୟାନ ଦେବାକୁ ସମ୍ପୃକ୍ତ ବିଭାଗଗୁଡ଼ିକୁ ସେ ନିର୍ଦ୍ଦେଶ ଦେଇଛନ୍ତି । ଶାନ୍ତି ସ୍ତୂପ ଧଉଳି ଓଡ଼ିଶାର ଗରିମା ବହନ କରୁଥିବାବେଳେ ଏଠାକୁ ପ୍ରତିବର୍ଷ ହଜାର ହଜାର ଦର୍ଶକ ଆସିଥାନ୍ତି ।
ସୂର୍ଯ୍ୟ ମନ୍ଦିରରୁ ବାଲି କାଢିବ ASI, ଆରମ୍ଭ ହେଲା ପକ୍ରିୟା..
ପୁରୀ: ୧୨୦ ବର୍ଷ ପରେ ସୂର୍ଯ୍ୟ ମନ୍ଦିରରୁ କଢାଯିବ ବାଲି । କୋଣାର୍କ ସୂର୍ଯ୍ୟ ମନ୍ଦିରରୁ ଆରମ୍ଭ ହେଲା ବାଲି କାଢ଼ିବା ପ୍ରକ୍ରିୟା । ପ୍ରାଥମିକ ପର୍ଯ୍ୟାୟରେ ବାଲି କାଢ଼ିବା କାର୍ଯ୍ୟ ଆରମ୍ଭ କରିଛି ଏଏସଆଇ । ପ୍ରଥମ ପର୍ଯ୍ୟାୟରେ ଏକ ଘରୋଇ କମ୍ପାନୀ ଦ୍ୱାରା ମନ୍ଦିର ଉପର ଭାଗରୁ ତଳଭାଗ ପର୍ଯ୍ୟନ୍ତ ଏକ ପ୍ଲାଟଫର୍ମ ନିର୍ମାଣ ପାଇଁ ଆଜି ଭୂମିପୂଜନ କରିଛନ୍ତି ଏଏସଆଇ ସୁପରଟେଣ୍ଡେଣ୍ଟ ଅରୁଣ ମଲ୍ଲିକ ।
ଶେଷ ସମୟରେ ୧୯୦୩ ମସିହାରେ ବାଲି କଢାଯାଇଥିବାବେଳେ ଏହା ପରେ ଆଉ ବାଲି କଢା ଯାଇନାହିଁ । ତେବେ କୋଣାର୍କ ସୂର୍ଯ୍ୟ ମନ୍ଦିର ଭିତରେ ବାଲି ରହିଥିବାବେଳେ ଏହି ବାଲିକୁ କଢାଯିବା ନେଇ ସମସ୍ତ ପ୍ରସ୍ତୁତି ଆରମ୍ଭ କରିଛି ଏଏସଆଇ । କାର୍ଯ୍ୟ ଶେଷ ପାଇଁ ତିନି ବର୍ଷ ଲକ୍ଷ ଧାର୍ଯ୍ୟ ହୋଇଛି । ପ୍ଲାଟଫର୍ମ ନିର୍ମାଣ ପରେ ସୂର୍ଯ୍ୟ ମନ୍ଦିରରୁ ବାଲି କଢ଼ାଯିବ ବୋଲି ଜଣାପଡିଛି ।
ସେପଟେ ୧୨୦ ବର୍ଷ ପରେ ବାଲି କଢାଯାଉଥିବାରୁ ଏହାକୁ ବିରୋଧ କରାଯାଇଛି ମଧ୍ୟ । ମନ୍ଦିର ଭିତରୁ ବାଲି କଢାଗଲେ ମନ୍ଦିର ପ୍ରତି ବିପଦ ସୃଷ୍ଟି ହେବ ବୋଲି ଅନୁମାନ କରିଛନ୍ତି ସ୍ଥାନୀୟ ଲୋକେ । ଯଦି କୋଣାର୍କ ପ୍ରତି ବିପଦ ସୃଷ୍ଟି ହୁଏ, ତେବେ ସ୍ଥାନୀୟ ଅଞ୍ଚଳର ଶହ ଶହ ଲୋକଙ୍କ ବେଉସା ବୁଡ଼ିଯିବ ବୋଲି ଆଶଙ୍କା କରିଛନ୍ତି ସ୍ଥାନୀୟ ଲୋକେ । ଏଏସଆଇ ଏକ ଟେକ୍ନିକାଲ ଟିମ୍ ଜରିଆରେ ମନ୍ଦିରର ଗର୍ଭ ଗୃହରୁ ବାଲି କାଢିବାର ବ୍ୟବସ୍ଥା କରିବ । ଯାହା ଫଳରେ ମନ୍ଦିର ପ୍ରତି ବିପଦ ସୃଷ୍ଟି ହେବନାହିଁ ବୋଲି ଅନେକ ମତବ୍ୟକ୍ତ କରିଛନ୍ତି ।
ପାର୍ବଣ ପୂର୍ବରୁ ସିଲ୍ ହେଲା ମିଠା ଦୋକାନ, ଚଢାଉ କଲେ ସ୍ୱାର୍ଡ
କଟକ: ପାଖେଇ ଆସୁଛି ପାର୍ବଣ । ବିଭିନ୍ନ ମଣ୍ଡପରେ ଚାଲିଛି ମୂର୍ତ୍ତି ନିର୍ମାଣ । ଗହଳି ହେବ, ବେପାର ମଧ୍ୟ ଜମିବ । ମିଠା ଦୋକାନରେ ଲାଗିବ ପ୍ରବଳ ଭିଡ଼ । କିନ୍ତୁ ପାର୍ବଣ ପୂର୍ବରୁ ଚେତେଇ ଦେଇଛିି ସିଏମସି । କଟକରେ ଦୁର୍ଗାପୂଜା ପୂର୍ବରୁ ଆଜି ସିଏମସି ସ୍ବାସ୍ଥ୍ୟ ବିଭାଗ ଓ ଖାଦ୍ୟ ସୁରକ୍ଷା ବିଭାଗ ପକ୍ଷରୁ ଯାଞ୍ଚ ଆରମ୍ଭ ହୋଇଛି । ବିଭିନ୍ନ ମିଠା ଦୋକାନ ଉପରେ ଚଢାଉ କରାଯାଇଛି ।
କଟକର କଲ୍ୟାଣ ନଗର, ଲିଙ୍କ ରୋଡ,ବାଦାମବାଡି ଓ ଦୋଳମୁଣ୍ଡାଇ ଅଂଚଳରେ ଏହି ଚଢାଉ ଜାରି ରହିଛି । ମିଠା ଦୋକାନରେ ଅଧିକାରୀ ମାନେ ପ୍ରବେଶ କରିବା ସହ ଯେଉଁ ସ୍ଥାନରେ ମିଠା ପ୍ରସ୍ତୁତ କରୁଛନ୍ତି, ସେ ସମସ୍ତ ସ୍ଥାନକୁ ପରିଦର୍ଶନ କରିଥିଲେ । ମିଠା ପ୍ରସ୍ତତିରେ ଆବଶ୍ୟକ ପଡୁଥିବା ସାମଗ୍ରୀର ମାନ ପରିକ୍ଷା ମଧ୍ୟ କରିଥିଲେ । ତେବେ ଆଗକୁ ପାର୍ବଣ ଆସୁଥିବାବେଳେ, ଯେଉଁ ଦୋକାନକରେ ନିମ୍ନ ମାନର ସାମଗ୍ରୀ ପ୍ରସ୍ତୁତ ହେଉଥିବ ତାହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନେଇ ମଧ୍ୟ ଚେତାବନୀ ଦିଆଯାଇଛି ।
ସେପଟେ ଅନେକ ଦୋକାନରେ ନିମ୍ନ ଧରଣର ମିଠା ବିକ୍ରି କରାଯାଉଥିବାବେଳେ ସ୍ୱାର୍ଡ ହାତରେ ଧରାପଡ଼ିଥିଲେ । ମାନ ପରୀକ୍ଷା ବେଳେ ସତ୍ୟତା ସାମ୍ନାକୁ ଆସିଥିଲା । ଜିଲାପି ବାସୀ ଦୁର୍ଗନ୍ଧ ହେଉଥିବାବେଳେ, ପୁରୁଣା ଶିରାରେ ମିଠା ପ୍ରସ୍ତୁତ କରଯାଉଛି । ସାମ୍ନାରେ ଏ ସମସ୍ତ ଚିତ୍ର ଦେଖିବା ପରେ ସିଏମସି ଏବଂ ଖାଦ୍ୟ ସୁରକ୍ଷା ବିଭାଗ କଠୋର ନିଷ୍ପତ୍ତି ଗ୍ରହଣ କରିଛି । ସେଦହି ସମସ୍ତ ଦୋକାନକୁ ସିଲ୍ କରାଯାଇଛି ।
ବ୍ରହ୍ମପୁର ଏମକେସିଜିରେ ପୁଣି ଅଘଟଣ, ଖସିପଡ଼ିଲା ସିଲିଂ
ଗଞ୍ଜାମ: ବ୍ରହ୍ମପୁର ଏମକେସିଜିର ଖସିପଡ଼ିଲା ସିଲିଂ । ସୁପର ସ୍ପେଶଲିଷ୍ଟ ବ୍ଳକର ପଞ୍ଚମ ମହଲାରେ ପୁଣି ଅଘଟଣ। ପଞ୍ଚମ ମହଲାର ସିଲିଂ ଖସିପଡ଼ିଥିବା ସୂଚନା ମିଳିଛି । ପୂର୍ବରୁ ଏହି ୱାର୍ଡର ୟୁରୋଲୋଜି ୱାର୍ଡରେ ଅଗ୍ନିକାଣ୍ଡ ଘଟିଥିଲା। ଏବେ ପୁଣି ଥରେ ସିଲିଂ ଖସିବାରୁ ମେଡିକାଲ ତିଆରି ନେଇ ଉଠିଲା ପ୍ରଶ୍ନବାଚୀ।
ତେବେ ଏହି ସିଲିଂ ଖସିବା ଫଳରେ କିଛି ଅଘଟଣ ହୋଇନାହିଁ । ସେହି ସ୍ଥାନରେ କେହି ରୋଗୀ କି ତାଙ୍କ ସମ୍ପର୍କୀୟ ନଥିବାରୁ କାହାର କିଛି କ୍ଷତି ହୋଇନାହିଁ । କିଛିଦିନ ପୂର୍ବରୁ ଏହି ମେଡିକାଲର ଚତୁର୍ଥ ମହଲାରେ ମଧ୍ୟ ସିଲିଂ ଖସିଥିଲା। କେବଳ ଏତିକି ନୁହେଁ ଚତୁର୍ଥ ମହଲାରେ ପୂର୍ବରୁ ଅଗ୍ନିକାଣ୍ଡ ମଧ୍ୟ ଘଟିଥିଲା। ତେବେ ବାରମ୍ବାର ଏଭଳି ଅଘଟଣ ଘଟୁଥିବାରୁ ରୋଗଙ୍କ ସୁରକ୍ଷା ଉପରେ ପ୍ରଶ୍ନ ସୃଷ୍ଟି ହୋଇଛି ।
ଏଣିକି ଲିଙ୍ଗରାଜ ମନ୍ଦିରରେ ଦର୍ଶନ, ପୂଜା କିମ୍ବା ପ୍ରସାଦ ପାଇଁ ଅନଲାଇନରେ ବୁକିଂ କରିପାରିବେ ଭକ୍ତ
ଭୁବନେଶ୍ୱର: ଶ୍ରୀଲିଙ୍ଗରାଜ ମନ୍ଦିରରେ ଲାଗୁ ହେବ ଅନଲାଇନ୍ ସମନ୍ୱିତି ମନ୍ଦିର ପରିଚାଳନା ବ୍ୟବସ୍ଥା ବା ଆଇଟିଏମଏସ। ଏହାଦ୍ୱାରା ଏଣିକି ଭକ୍ତ ଦର୍ଶନ, ପୂଜା କିମ୍ବା ପ୍ରସାଦ ପାଇଁ ଅନଲାଇନରେ ବୁକିଂ କରିପାରିବେ। ଏନେଇ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ଅତିରିକ୍ତ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ନିକଟରେ ଏକ ବୈଠକ ଅନୁଷ୍ଠିତ ହୋଇଛି।
ଆଇନ ବିଭାଗ ଏବଂ ଓଡ଼ିଆ ଭାଷା ସାହିତ୍ୟ ସଂସ୍କୃତି ବିଭାଗ ମିଳିତ ଭାବେ ଏହି ଅନଲାଇନ୍ ବ୍ୟବସ୍ଥା ଲାଗୁ କରିବେ । ଅନଲାଇନ ବ୍ୟବସ୍ଥାରେ ମନ୍ଦିରର ଐତିହ୍ୟ ଓ ସଂସ୍କୃତି ସମ୍ପର୍କରେ ମଧ୍ୟ ଉଲ୍ଲେଖ କରାଯିବ । ଏନଆଇସି ଏହି ଆଇଟିଏମଏସ ବ୍ୟବସ୍ଥାର ଡିଜାଇନ ପ୍ରସ୍ତୁତ କରିବ। ଧାର୍ମୀୟ ଭାବନାକୁ ସମ୍ମାନ ଦେଇ ଏହି ବ୍ୟବସ୍ଥା ଲାଗୁ କରାଯିବ ବୋଲି ବୈଠକରେ ନିଷ୍ପତ୍ତି ହୋଇଛି।
ଭଣ୍ଡବାବାର କଳା କାରନାମା; ନକଲି ଫେସବୁକ ଆଇଡ଼ିରେ ପଠାଉଥିଲା ନଗ୍ନ ଫଟୋ
ଭୁବନେଶ୍ୱର: ରାଜଧାନୀରେ ଭଣ୍ଡବାବାର କଳା କାରନାମା । ନକଲି ଫେସବୁକ ଆଇଡ଼ି କରି ନଗ୍ନ ଫଟୋ ପଠାଉଥିଲା ବାବା। ଜଣେ ନାବାଳିକାଙ୍କ ନାଁରେ ଖୋଲିଥିଲା ଫେସବୁକ ଆଇଡି । ସମ୍ପୃକ୍ତ ନାବାଳିକାଙ୍କୁ ଭଣ୍ଡ ବାବା ଜଣକ କରୁଥିଲା ପ୍ରେମ ନିବେଦନ। ତେବେ ଏଥିରେ ନାବାଳିକା ରାଜି ନହେବାରୁ ତାକୁ ଧମକ ଦେଉଥିଲା । ସେହିପରି ରିବାର ଲୋକଙ୍କୁ ମଧ୍ୟ ଟଙ୍କା ମାଗିବା ସହ ବ୍ଲାକମେଲ କରୁଥିଲା। ଅଭିଯୁକ୍ତକୁ ଭୁବନେଶ୍ୱର ସାଇବର ଥାନା ଗିରଫ କରିଛି ।
ଅଭିଯୁକ୍ତର ନାଁ ପରୀକ୍ଷିତ ନାୟକ ହୋଇଥିବା ବେଳେ ତାର ଘର ଅନୁଗୁଳ ବୋଲି ଜଣାପଡିଛି। ରାଜଧାନୀରେ କାଳିଆ ଦାସ ନାଁରେ ରହୁଥିଲା ପରୀକ୍ଷିତ। ଇସ୍କନ ଦୀକ୍ଷିତ ଥିବା ପରୀକ୍ଷିତ ମନ୍ଦିରରେ ଚଳାଇଥିଲା ଭାଣ୍ଡାମି । ପରୀକ୍ଷିତ ଟାର୍ଗେଟରେ ୧୮ରୁ ୨୫ ବର୍ଷୀୟ ଯୁବତୀ ଥିଲେ ବୋଲି ଜଣାପଡ଼ିଛି।
ହିନ୍ଦୁ ବିରୋଧୀ ମନ୍ତବ୍ୟ ପଡ଼ିଲା ମହଙ୍ଗା, ମନ୍ଦିରରେ ପଶିବାକୁ ଦେଲେନି ବିରୋଧୀ
ଉଜ୍ଜୟିନୀ: ଫିଲ୍ମ ପ୍ରମୋସନ କରିବାକୁ ଯାଇ ହଟହଟା ହେଲେ ବଲିଉଡର ହଟ୍ ଯୋଡ଼ି । ୨୦୧୧ ମସିହାରେ ଦେଇଥିବା ଏକ ମନ୍ତବ୍ୟ ୨୦୨୨ ମସିହାର ଫିଲ୍ମ ପ୍ରମୋସନ ବେଳେ ମହଙ୍ଗା ପଡ଼ିଛି। ମଧ୍ୟପ୍ରଦେଶ ଉଜ୍ଜୟିନୀ ସହରରେ ଥିବା ମହାକାଳେଶ୍ବର ମନ୍ଦିର ଯାଇଥିଲେ ଅଭିନେତା ରଣବୀର ଏବଂ ଆଲିଆ । ମନ୍ଦିରରେ ତାଙ୍କୁ ବିରୋଧ କରାଯାଇଥିବା ଦେଖିବାକୁ ମିଳିଛି । ମହାକାଳେଶ୍ବରଙ୍କ ଦର୍ଶନ ପାଇଁ ଯାଇଥିଲାବେଳେ ହିନ୍ଦୁ ପରିଷଦ ଏବଂ ବଜରଙ୍ଗ ଦଳର କର୍ମୀମାନେ ତାଙ୍କୁ ବିରୋଧ କରିଥିଲେ ।
ପୂର୍ବରୁ ରଣବୀର ଗୋମାତାଙ୍କୁ ନେଇ ଏପରି କିଛି କହିଥିଲେ ଯେ, ତାହାର ନିଆଁ ଏବେ ଦେଖିବାକୁ ମିଳିଛି । ଠିକ୍ ଫିଲ୍ମ ପ୍ରମୋସନ ପାଇଁ ଯିବାବେଳେ ତାଙ୍କୁ ବିରୋଧ ପ୍ରଦର୍ଶନ ହୋଇଛି । ପୂର୍ବରୁ ରଣବୀର କହିଥିଲେ ଯେ, ଗୋମାଂସ ଖାଇବା ଭଲ । ମୁଁ ଗୋମାଂସ ଖାଇବାକୁ ଭଲ ପାଏ ।
ରଣବୀରଙ୍କ ଏହି କଥାକୁ ନେଇ ଏବେ ତାଙ୍କୁ ଜୋରଦାର୍ ବିରୋଧ ପ୍ରଦର୍ଶନ ହେଉଛି । ହିନ୍ଦୁ ବିରୋଧୀ ରଣବୀର ଏବଂ ଆଲିଆ ଗୋମାଂସ ଭକ୍ଷଣକାରୀଙ୍କୁ ମନ୍ଦିରରେ ପ୍ରବେଶ କରି ମନ୍ଦିରର ପବିତ୍ରତା ନଷ୍ଟ ହେବାକୁ ଦେବେ ନାହିଁ ବୋଲି କହିଥିଲେ ବଜରଙ୍ଗ ଦଳର କର୍ମୀ । ଏହାକୁ ନେଇ ଉଜ୍ଜୟିନୀରେ ପ୍ରବଳ ବିରୋଧ ହେବା ପରେ ପୋଲିସକୁ ମଧ୍ୟ ହସ୍ତକ୍ଷେପ କରିବାକୁ ପଡ଼ିଥିଲା । ପୋଲିସ୍ ପ୍ରଦର୍ଶନକାରୀଙ୍କ ଉପରେ ଲାଠିମାଡ଼ କରିବା ସହ ରଣବୀର ଏବଂ ଆଲିଆଙ୍କୁ ସୁରକ୍ଷା ଦେଇଥିଲେ ।
ଷ୍ଟାର ଦମ୍ପତ୍ତିଙ୍କୁ ବିରୋଧ ପରେ ସେମାନେ ଦର୍ଶନ କରିପାରି ନଥିଲେ । ଏହାପରେ ନିର୍ଦ୍ଦେଶକ ଆୟନ ମୁଖାର୍ଜୀ ଦର୍ଶନ କରିଥିଲେ ।
ବାଜିଲା ହକି ବିଶ୍ୱକପ ବିଗୁଲ୍; ଶେଷ ହେଲା ଡ୍ର ସେରେମନି, ପୁଲ୍ ‘D’ରେ ଭାରତ
ଭୁବନେଶ୍ୱର: ୨୦୨୩ରେ ଓଡ଼ିଶାରେ ହେବାକୁ ଥିବା ପୁରୁଷ ହକି ବିଶ୍ୱକପ୍ ପାଇଁ ବାଜିଲା ବିଗୁଲ୍। ଭୁବନେଶ୍ୱର ଲୋକସେବା ଭବନ କନଭେନସନ ସେଣ୍ଟରରେ ହୋଇଛି ଡ୍ର ସେରମନି। ବିଶ୍ୱକପ୍ ପାଇଁ ପୁଲ୍ ଘୋଷଣା କରାଯାଇଛି। ମୋଟ୍ ୪ଟି ପୁଲରେ ୧୬ଟିମ୍ ଭାଗ ନେବେ। ପୁଲ୍-ଡିରେ ଭାରତ ରହିଛି। ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଥମେ ଘୋଷଣା କରିଥିଲେ। ଏହାପରେ ଅନ୍ୟ ପୁଲର ଟିମ୍ ନେଇ ଘୋଷଣା କରାଯାଇଛି। ପୁଲ୍-ଡିରେ ଭାରତ ସହ ଇଂଲଣ୍ଡ, ସ୍ପେନ୍, ୱେଲ୍ସ ବି ସାମିଲ ହୋଇଛନ୍ତି। ସେହିଭଳି ପୁଲ୍-ଏରେ ଅଷ୍ଟ୍ରେଲିଆ, ଆର୍ଜେଣ୍ଟିନା, ଫ୍ରାନ୍ସ ଓ ଦକ୍ଷିଣ ଆଫ୍ରିକା ରହିଛନ୍ତି। ପୁଲ୍-ବିରେ ବେଲଜିଅମ୍, ଜର୍ମାନୀ, କୋରିଆ, ଜାପାନ ସାମିଲ ହୋଇଛନ୍ତି। ଏବଂ ପୁଲ୍-ସିରେ ନେଦରଲାଣ୍ଡସ୍, ନ୍ୟୁଜିଲାଣ୍ଡ, ମାଲେସିଆ, ଚିଲୀ ରହିଛନ୍ତି। ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟତୀତ FIH କାର୍ଯ୍ୟକାରୀ ସଭାପତି ସୈଫ୍ ଅହମ୍ମଦ, କି ଇଣ୍ଡିଆ ସଦସ୍ୟ ଜାଫର ଇକବାଲ, କ୍ରୀଡାମନ୍ତ୍ରୀ ତୁଷାରକାନ୍ତି ବେହେରା ପ୍ରଭୃତି ଉପସ୍ଥିତ ଥିଲେ।
ହକି ବିଶ୍ୱକପ କରି ରୋଲ ମଡେଲ ପାଲଟିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏହି କାର୍ଯ୍ୟକ୍ରମରେ ହକି ଇଣ୍ଡିଆ ସଦସ୍ୟ ଜାଫର ଇକବାଲଙ୍କ ଉଦବୋଧନ ଦେଇ କହିଛନ୍ତି, ହକି ପ୍ରେମୀଙ୍କ ପାଇଁ ଆଜି ଏକ ବଡ଼ ଦିନ। ୨ୟ ଥର ପାଇଁ ହକି ବିଶ୍ୱକପ ଆୟୋଜନ କରୁଛି ଓଡିଶା, ଯାହା ଗର୍ବର ବିଷୟ। ଏଥିପାଇଁ ସେ ଓଡ଼ିଶା ସରକାରଙ୍କୁ ଧନ୍ୟବାଦ ଜଣାଇଛନ୍ତି। ସେହିଭଳି ହକି ଇଣ୍ଡିଆ ସିଓଏ ଡକ୍ଟର ଏସ. ୱାଇ କ୍ୟୁରେସୀ ମଧ୍ୟ ନିଜ ଉଦବୋଧନରେ ଓଡ଼ିଶାକୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ ଭାରତୀୟ ହକିକୁ ନୂଆ ରୂପ ଦେବାରେ ଓଡିଶାର ଉଦ୍ୟମ ପ୍ରଶଂସନୀୟ। ଏହା ବ୍ୟତୀତ କ୍ରୀଡାମନ୍ତ୍ରୀ ତୁଷାରକାନ୍ତି ବେହେରା ନିଜ ଉଦବୋଧନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭୁରି ଭୁରି ପ୍ରଶଂସା କରିଛନ୍ତି। ସେ କହିଛନ୍ତି ଯେ ହକି ଆୟୋଜନ କରି ଓଡ଼ିଶା ବିଶ୍ୱରେ ସ୍ୱତନ୍ତ୍ର ସ୍ଥାନ ହାସଲ କରିଛି। ଓଡିଶାର ୨ଟି ସ୍ଥାନରେ ବିଶ୍ୱକପ ଖେଳାଯିବାକୁ ଥିବାରୁ ଏହା ଗର୍ବର ବିଷୟ।