ଅମୃତସର: ୭ଫୁଟ୍ ୬ଇଞ୍ଚ ଉଚ୍ଚତା । ଏହା କୌଣସି ସିଢି କିମ୍ବା ଟିଭି ଆଣ୍ଟିନା ନୁହେଁ । ଏହା ଏକ ମଣିଷର ଉଚ୍ଚତା । ବିଶ୍ବରେ ଅନେକ ଡେଙ୍ଗା ମଣିଷ ଅଛନ୍ତି ହେଲେ କେବେ ଡେଙ୍ଗା ପୋଲିସ ଅଫିସର ଥିବା ଦେଖିଛନ୍ତି କି? ଆଜ୍ଞା ହଁ ଏପରି ଏକ ଡେଙ୍ଗା ବ୍ୟକ୍ତି ଅଛନ୍ତି ଯେ ସାଧାରଣ ଡେଙ୍ଗା ମଣିଷ ନୁହଁନ୍ତି ବିଶ୍ବର ସବୁଠାରୁ ଡେଙ୍ଗା ପୋଲିସ କର୍ମଚାରୀ । ଏହି ଡେଙ୍ଗା ବ୍ୟକ୍ତି ହେଉଛନ୍ତି ପଞ୍ଜାବର ଜଗଦୀପ୍ ସିଂ। ବର୍ତ୍ତମାନ ସେ ଅମୃତସରର ଟ୍ରାଫିକ୍ କର୍ମଚାରୀ ଭାବେ କାମ କରିବା ସହ ସେହି ଅଞ୍ଚଳର ଜଣେ ଲୋକାଲ ସେଲିବ୍ରେଟି ଏବଂ ସେ ୨୦ ବର୍ଷ ଧରି ପୋଲିସ ଅଫିସର ଭାବେ କାର୍ଯ୍ୟରତ ।
କାନୁନର ହାତ ଲମ୍ବା କଥାଟି ତାଙ୍କ ପାଖରେ ପ୍ରଜୁର୍ଯ୍ୟ ବୋଲି କହିଲେ ଭୁଲ୍ ହେବ ନାହିଁ । ଏଠାରେ କାନୁନର ଉଭୟ ହାତ ଏବଂ ଗୋଡ଼ ଲମ୍ବା । ଏହା କଥା ଶୁଣିବାକୁ ମଜା ଲାଗିଲେ ବି ସତ । ଯେହେତୁ ସେ ଡେଙ୍ଗା ସେଥିପାଇଁ ତାଙ୍କୁ ଦେଖି ସବୁ ଅପରାଧୀ ଭୟରେ ଥରି ଉଠନ୍ତି ।
ଯଦି ଆପଣ ଜଗଦୀପଙ୍କ ସହ ସେଲଫି ଉଠାଇବାକୁ ଚାହିଁବେ ତାହେଲେ ଆପଣଙ୍କୁ ଏକ ସିଢିର ଆବଶ୍ୟକତା ପଡିବ । ତାଙ୍କୁ ପିଲା ଦିନରୁ ହିଁ ତାଙ୍କ ଉଚ୍ଚତା ଡେଙ୍ଗା କାରଣରୁ ତାଙ୍କୁ ସମସ୍ତେ ଟିଭି ଟାଓ୍ବାର ବୋଲି ଡାକୁଥିଲେ । ତାଙ୍କ ଉଚ୍ଚତାରେ ଏତେ ଲମ୍ବା ଯେ, ତାଙ୍କୁ ଦେଖି ଯେକେହି ଅପରାଧୀ ଭୟ କରିଯିବେ । ମୁଖ୍ୟତଃ ସେ ରୋଡରେ ନିଜର ଡ୍ୟୁଟି କରିଥାନ୍ତି କାରଣ ତାଙ୍କ ଉଚ୍ଚତା ଦେଖି ଭୟରେ ଲୋକେ କୌଣସି ପ୍ରକାର ଗଣ୍ଡୋଗୋଳ କରିନଥାନ୍ତି ।
ସବୁ ମୁଦ୍ରାର ୨ଟି ପାର୍ଶ୍ବ ଥାଏ । ସେହିପରି ଜଗଦୀପଙ୍କ ଉଚ୍ଚତାର ମଧ୍ୟ ଉଭୟ ଭଲ ଏବଂ ଖରାପ ପାଶ୍ବ ରହିଛି । ସକରାତ୍ମକ ଦୃଷ୍ଟିରୁ ବିଶ୍ବର ସବୁଠାରୁ ଡେଙ୍ଗା ମଣିଷ ହୋଇଥିବା ଯୋଗୁଁ ପଞ୍ଜାବରେ ତାଙ୍କର ଏକ ଭିନ୍ନ ପରିଚୟ ରହିଛି । ସବୁଠି ତାଙ୍କୁ ସେଲିବ୍ରେଟି ପରି ବ୍ୟବହାର କରାଯାଏ ଏବଂ ସମସ୍ତେ ତାଙ୍କ ସହ ଫୋଟୋ ଉଠାନ୍ତି ଏବଂ ଭିଡ଼ ଭିତରେ ସେ ପାଲଟି ଯାଆନ୍ତି ଆକର୍ଷଣର କେନ୍ଦ୍ରବିନ୍ଦୁ ।
କିନ୍ତୁ ସେହି ଲମ୍ବା ଉଚ୍ଚତା ହିଁ ଅନେକ ସମୟରେ ତାଙ୍କୁ ଅସୁବିଧାରେ ପକାଇଥାଏ । ଦୈନଦିନ ଜୀବନରେ ପୋଷାକ ଠାରୁ ଆରମ୍ଭ କରି ବାଇକ ଚଲାଇବାରେ ଆଦି କାର୍ଯ୍ୟରେ ତାଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଥାଏ । ସବୁ ଜିନିଷ ପାଇଁ ତାଙ୍କୁ ସ୍ବତନ୍ତ୍ର ଡିଜାଇନ ତିଆରି କରିବାକୁ ପଡେ । ଏପରି ତାଙ୍କ ଡେଙ୍ଗାପଣ ଯୋଗୁଁ ଏଯାଏଁ ତାଙ୍କ ବିବାହ ହୋଇପାରୁ ନାହିଁ ଏବଂ କେହି ତାଙ୍କୁ ବାହା ହେବାକୁ ପସନ୍ଦ କରୁନାହାନ୍ତି ବୋଲି ସେ କହିଛନ୍ତି ।
