ନୂଆଦିଲ୍ଲୀ : ଦିଲ୍ଲୀରେ ଭାଙ୍ଗିଲା ନିର୍ମାଣଧୀନ କୋଠା । ଦିଲ୍ଲୀ ଆଜାଦ ମାର୍କେଟରେ ଥିବା ଏକ ନିର୍ମାଣାଧୀନ ଆଜି ସକାଳୁ ଭୁଶୁଡ଼ି ପଡ଼ିଛି । ବିଲ୍ଡିିଂ ଭୁଶୁଡ଼ି ପଡ଼ିବା ଯୋଗୁ ୩ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି । ବିଲ୍ଡିଂଟି ନିର୍ମାଣାଧୀନ ଚାଲିଥିବାରୁ ସେଠାରେ ଅନେକ ଶ୍ରମିକ କାର୍ଯ୍ୟ କରୁଥିଲେ। ଏବେ ବି ଅନେକ ଲୋକ ସେଠାରେ ଫଶି ରହିଥିବା କୁହାଯାଉଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ଦିଲ୍ଲୀ ପୋଲିସ ବି ଘଟଣାସ୍ଥଳରେ ଉପସ୍ଥିତ ରହିଛି।ଲାୈ
ବ୍ରହ୍ମପୁର ଏମକେସିଜି ମେଡିକାଲରେ ପୁଣି ଅଘଟଣ, ଆଜି ବି ଖସିଲା ସିଲିଂ
ବ୍ରହ୍ମପୁର: ବ୍ରହ୍ମପୁରଏମକେସିଜି ମେଡିକାଲରେ ପୁଣି ଅଘଟଣ । ଆଜି ବି ପୁଣି ଖସିଲା କୋଠାର ସିଲିଂ । ସୁପର ସ୍ପେଶିଆଲିଟି ବ୍ଲକର ତୃତୀୟ ମହଲାରୁ ଖସିଛି ସିଲିଂ । ଗତକାଲି ଏହି ବ୍ଲକର ପଞ୍ଚମ ମହଲାରେ ସିଲିଂ ଖସିଥିଲା । ପୂର୍ବରୁ ଏହି ୱାର୍ଡର ୟୁରୋଲୋଜି ଓ୍ବାର୍ଡରେ ଅଗ୍ନିକାଣ୍ଡ ଘଟିଥିଲା । ଏବେ ପୁଣି ଥରେ ସିଲିଂ ଖସିବାରୁ ମେଡିକାଲ ତିଆରି ନେଇ ଉଠିଲା ପ୍ରଶ୍ନବାଚୀ। 
ତେବେ ଏହି ସିଲିଂ ଖସିବା ଫଳରେ କିଛି ଅଘଟଣ ହୋଇନାହିଁ । ସେହି ସ୍ଥାନରେ କେହି ରୋଗୀ କି ତାଙ୍କ ସମ୍ପର୍କୀୟ ନଥିବାରୁ କାହାର କିଛି କ୍ଷତି ହୋଇନାହିଁ । କିଛିଦିନ ପୂର୍ବରୁ ଏହି ମେଡିକାଲର ଚତୁର୍ଥ ମହଲାରେ ମଧ୍ୟ ସିଲିଂ ଖସିଥିଲା। କେବଳ ଏତିକି ନୁହେଁ ଚତୁର୍ଥ ମହଲାରେ ପୂର୍ବରୁ ଅଗ୍ନିକାଣ୍ଡ ମଧ୍ୟ ଘଟିଥିଲା। ତେବେ ବାରମ୍ବାର ଏଭଳି ଅଘଟଣ ଘଟୁଥିବାରୁ ରୋଗଙ୍କ ସୁରକ୍ଷା ଉପରେ ପ୍ରଶ୍ନ ସୃଷ୍ଟି ହୋଇଛି ।
କୋଇଲା ଖଣିରେ ଚୋରାଚାଲାଣ ବେଳେ ଚଢ଼ାଉ; ୩ଟି ଟ୍ରକ ଓ ଗୋଟିଏ ଜେସିବି ମେସିନ ଜବତ
ଅନୁଗୁଳ: ଅନୁଗୁଳ ଜିଲ୍ଲା ତାଳଚେରରେ ଥିବା ଲିଙ୍ଗରାଜ କୋଇଲା ଖଣିରେ ଚଢ଼ାଉ । କୋଇଲା ଖଣି ସୁରକ୍ଷା ଦାୟିତ୍ୱରେ ଥିବା OISF କର୍ମଚାରୀଙ୍କ ଦ୍ୱାରା ଚଢ଼ାଉ ହୋଇଛି । ଖଣିର ଲୋକାଲ ସେଲ୍ ପ୍ଲଟରୁ ଚୋରାରେ କୋଇଲା ଲୋଡିଂ ଚାଲିଥିବା ବେଳେ ୩ଟି ଟ୍ରକ ଓ ଗୋଟିଏ ଜେସିବି ମେସିନ ଜବତ ହୋଇଛି । ଘଟଣାସ୍ଥଳରୁ ମାଫିଆ ଓ ଗାଡ଼ି ଡ୍ରାଇଭର ଫେରାର ହୋଇଯାଇଛନ୍ତି । ତେବେ କଡ଼ା ସୁରକ୍ଷା ଭିତରେ କିଭଳି ଭାବେ ଟ୍ରକ ଓ ଜେସିବି ଏହି ସ୍ଥାନକୁ ଗଲା ତାହା ସନ୍ଦେହ ସୃଷ୍ଟି କରିଛି । ଘଟଣାସ୍ଥଳରେ ତାଳଚେର ସଦର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଅତୀତର ଅସ୍ତହୀନ ସାମ୍ରାଜ୍ୟର ସମ୍ରାଜ୍ଞୀଙ୍କ ଅସ୍ତ; ବ୍ରିଟେନକୁ ଶକ୍ତିଶାଳୀ ରାଷ୍ଟ୍ର କରିବାରେ ଥିଲା ପ୍ରମୁଖ ଭୂମିକା
ଲଣ୍ଡନ: ପରଲୋକରେ ବ୍ରିଟେନ ଶେଷ ସମ୍ରାଜ୍ଞୀ । ୯୬ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି ଏଲିଜାବେଥ ଦ୍ୱିତୀୟ। ବ୍ରିଟେନକୁ ଏକ ଶକ୍ତିଶାଳୀ ରାଷ୍ଟ୍ର ଗଠନ କରିବାରେ ପ୍ରମୁଖ ଭୂମିକା ନେଇଥିବା ଏଲିଜାବେଥଙ୍କ ପରଲୋକ ସାରା ବିଶ୍ୱରେ ଶୋକ ଖେଳାଇ ଦେଇଛି। ସ୍କଟଲ୍ୟାଣ୍ଡସ୍ଥିତ ବାଲମୋରାଲ ଏଷ୍ଟେଟରେ ସେ ଆରପାରିକୁ ଗମନ କରିଛନ୍ତି । ରାଣୀଙ୍କ ଦେହାନ୍ତ ପରେ ତାଙ୍କର ଜ୍ୟେଷ୍ଠ ପୁତ୍ର କିଙ୍ଗ ଚାର୍ଲସ ରାଜା ଭାବେ ଶାସନ ଗାଦି ସମ୍ଭାଳିବେ । ରାଜନୈତିକ ଉତଥାନ ପତନ, ଆର୍ଥିକ ଓ ରାଜନୈତିକ ସଙ୍କଟ ମଧ୍ୟରେ ଦେଶକୁ ବିଶ୍ୱରେ ଟପ୍ ୫ ମଧ୍ୟରେ ସ୍ଥାନୀତ କରିବାରେ ସକ୍ଷମ ଏଲିଜାବେଥ ୧୯୫୩ରେ ସିଂହାସନ ଆରୋହଣ କରିଥିଲେ।
ସମଗ୍ର ବ୍ରିଟେନ ଖଣ୍ଡ ବିଖଣ୍ଡିତ ହେବାରେ ଲାଗିଥିବା ବେଳେ ତାଙ୍କର ସଫଳ ନେତୃତ୍ୱ ଓ ବ୍ୟକ୍ତିତ୍ୱ ବ୍ରିଟେନକୁ ଶକ୍ତିଶାଳୀ କରିବାରେ ସକ୍ଷମ ହୋଇଥିଲା। ସ୍କଟଲ୍ୟାଣ୍ଡରେ ସ୍ୱାଧୀନତାବାଦୀ ଆନ୍ଦୋଳନ, ୟୁରୋପୀୟ ୟୁନିଅନରୁ ବ୍ରିଟେନ ବାହାରିଯିବା, ଉତ୍ତର ଆୟାରଲ୍ୟାଣ୍ଡରେ ଅଲଗା ହେବାକୁ ନେଇ ସଙ୍କଟ ଏବଂ ଦେଶର ଆର୍ଥିକ ଦୁର୍ଦ୍ଦିନ କାଳରେ ଏଲିଜାବେଥଙ୍କ ପରଲୋକ ଦେଶର ଭବିଷ୍ୟତ ଉପରେ ପ୍ରଶ୍ନ ଉଠାଇଛି । ବ୍ରିଟେନର ସବୁଠାରୁ ଦୀର୍ଘକାଳ ଶାସନର ରେକର୍ଡ ୨୦୧୫ରେ ଭାଙ୍ଗିଥିଲେ ଏଲିଜାବେଥ । ପୂର୍ବରୁ ୧୮୩୭ରୁ ୧୯୦୧ ଯାଏ ରାଣୀ ଭିକ୍ଟୋରିଆ ସର୍ବାଧିକ କାଳ ଶାସନ କରିବାର ରେକର୍ଡ ହାସଲ କରିଥିଲେ। ଗତବର୍ଷ ଏପ୍ରିଲରେ ୯୯ ବର୍ଷ ବୟସରେ ପରଲୋକ ଗମନ କରିଥିଲେ ସ୍ୱାମୀ ତଥା ସମ୍ରାଟ ଫିଲିପ୍ । ୧୯୯୭ରେ ପ୍ରିନ୍ସେସ୍ ଡାଏନାଙ୍କ ମୃତ୍ୟୁକୁ ନେଇ ରାଜ ପରିବାର ନୀରବ ରହିବାକୁ ନେଇ ନିନ୍ଦିତ ହୋଇଥିବା ଏଲିଜାବେଥ ୨୦୧୨ରେ ନିଜ ଶାସନର ୬୦ ବର୍ଷ ପୂର୍ତ୍ତି କରି ବେଶ୍ ଲୋକପ୍ରିୟତା ଅର୍ଜନ କରିଥିଲେ। ସେହି ବର୍ଷ ଲଣ୍ଡନରେ ଅଲିମ୍ପିକ୍ସ ଗେମ୍ସ ଆୟୋଜିତ ହେବା ପରେ ସବୁ ଶ୍ରେୟ ରାଣୀଙ୍କ ନିକଟକୁ ଯାଇଥିଲା।
ଚଳିତବର୍ଷ ନିଜ ଶାସନର ୭୦ ବର୍ଷ ପୂର୍ତ୍ତି ଅବସରରେ ଗତ ଜୁନରେ ସେ ପାଳନ କରିଥିଲେ ପ୍ଲାଟିନମ ଜୁବଲି। ବିଶେଷ କରି ନିଜ ପରିବାରର ସଦସ୍ୟଙ୍କ ବ୍ୟକ୍ତିଗତ ଜୀବନକୁ ନେଇ ସମାଲୋଚନାର ପାତ୍ର ସାଜିଥିବା ବ୍ରିଟେନ ରାଜ ପରିବାର ବିଶ୍ୱବ୍ୟାପୀ ଚର୍ଚ୍ଚାରେ ରହିଆସିଛି । ୧୯୨୬ ଏପ୍ରିଲ ୨୧ରେ ଜନ୍ମଗ୍ରହଣ କରିଥିଲେ ଏଲିଜାବେଥ ଆଲେକଜାଣ୍ଡ୍ରା ମାରି । ଲଣ୍ଡନର ମେ ଫେୟାରରେ ଜନ୍ମିତ ଏଲିଜାବେଥ ୧୯୫୩ ଜୁନରେ ମାତ୍ର ୨୫ ବର୍ଷ ବୟସରେ ହୋଇଥିଲେ ବ୍ରିଟେନର ମହାରାଣୀ। ବ୍ରିଟେନ ଇତିହାସରେ ପ୍ରଥମ ଥର ଲାଗି ବିଶ୍ୱର ପ୍ରାୟ ୨ କୋଟି ଲୋକ ଏହି ଉତ୍ସବକୁ ଟେଲିଭିଜନରେ ଦେଖିଥିଲେ। ସାରା ବ୍ରିଟେନବାସୀଙ୍କ ଲାଗି ସର୍ବଦା ବ୍ୟଗ୍ର ଥିଲେ ଏଲିଜାବେଥ। ଏପରିକି ବିଭିନ୍ନ କାର୍ଯ୍ୟକ୍ରମ, ସଭା, ସମୀକ୍ଷା ବୈଠକକୁ ସେ ଗୁରୁତର ସହ ଗ୍ରହଣ କରି ବିଭିନ୍ନ ପ୍ରସ୍ତାବ ଦେବାକୁ ନେଇ ସାରା ଦେଶବାସୀଙ୍କ ସେ ଆସ୍ଥା ଭାଜନ ହୋଇଥିଲେ।
ଗୋଲ୍ଡେନ ବୟ ନିରଜଙ୍କ ନୂଆ ରେକର୍ଡ଼; ପ୍ରଥମ ଭାରତୀୟ ଆଥଲେଟ ଭାବେ ଜିତିଲେ ଡାଇମଣ୍ଡ ଟ୍ରଫି
: ଇତିହାସ ରଚିଲେ ଭାରତର ଗୋଲ୍ଡେନ ବଏ ନୀରଜ ଚୋପ୍ରା। ପ୍ରଥମ ଭାରତୀୟ ଆଥଲେଟ ଭାବେ ସମ୍ମାନଜନକ ଡାଇମଣ୍ଡ ଟ୍ରଫି ଜିତିଛନ୍ତି ନୀରଜ। ଡାଇମଣ୍ଡ ଲିଗ୍ ଫାଇନାଲରେ ୮୮ ଦଶମିକ ୪୪ ମିଟର ଜାଭେଲିନ ଥ୍ରୋ କରି ସେ ଟାଇଟେଲ ଜିତିଛନ୍ତି।
Golds,Silvers done, he gifts a 24-carat Diamond 💎 this time to the nation 🇮🇳🤩
Ladies & Gentlemen, salute the great #NeerajChopra for winning #DiamondLeague finals at #ZurichDL with 88.44m throw.
FIRST INDIAN🇮🇳 AGAIN🫵🏻#indianathletics 🔝
X-*88.44*💎-86.11-87.00-6T😀 pic.twitter.com/k96w2H3An3
— Athletics Federation of India (@afiindia) September 8, 2022
୨୦୧୭ ଓ ୨୦୧୮ରେ ନୀରଜ ଡାଇମଣ୍ଡ ଲିଗ୍ ଫାଇନାଲ କ୍ୱାଲିଫାଏ କରିଥିଲେ ବି ଟାଇଟେଲ ଜିତିପାରି ନଥିଲେ । ସେପ୍ଟେମ୍ବର ୮ରେ ଜୁରିକଠାରେ ହୋଇଥିବା ଡାଇମଣ୍ଡ ଲିଗ୍ ଫାଇନାଲରେ ନିକଟତମ ପ୍ରତିଦ୍ୱନ୍ଦ୍ୱୀଙ୍କୁ ହରାଇ ଭାରତ ପାଇଁ ଆଉ ଏକ ସ୍ୱର୍ଣ୍ଣିମ ବିଜୟ ହାସଲ କରିଛନ୍ତି ନୀରଜ। ୨୦୨୧ ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତିଥିଲେ । ୨୦୨୨ରେ ବିଶ୍ୱ ଆଥଲେଟ ଚାମ୍ପିୟନସିପରେ ସିଲଭର ମେଡାଲ ଜିତିଥିଲେ ନୀରଜ ଚୋପ୍ରା ।
ବ୍ରିଟେନ୍ ମହାରାଣୀଙ୍କ ଦେହାନ୍ତ; ନୂଆ ରାଜା ଭାବେ ଦେଶକୁ ସମ୍ବୋଧୀତ କରିବେ କିଙ୍ଗ୍ ଚାର୍ଲ୍ସ
ଲଣ୍ଡନ: ବ୍ରିଟେନ୍ ମହାରାଣୀ ଏଲିଜାବେଥଙ୍କ ଦ୍ୱିତୀୟଙ୍କର ୯୬ବର୍ଷ ବୟସରେ ମୃତ୍ୟୁ ହୋଇଛି। ଦୀର୍ଘ ଦିନ ଧରି ସେ ଅସୁସ୍ଥ ଥିଲେ ଏବଂ ଅଭିଜ୍ଞ ଡାକ୍ତରୀ ଟିମ୍ ଦ୍ୱାରା ମହାରାଣୀଙ୍କ ଚିକିତ୍ସା ଜାରି ରହିଥିଲା । କିନ୍ତୁ ଗତକାଲି ରାତିରେ ସେ ସବୁଦିନ ପାଇଁ ଆଖିବୁଜିଦେଇଛନ୍ତି । ରାଣୀଙ୍କ ଦେହାନ୍ତ ପରେ ତାଙ୍କର ଜ୍ୟେଷ୍ଠ ପୁତ୍ର କିଙ୍ଗ ଚାର୍ଲସ ରାଜା ଭାବେ ଶାସନ ଗାଦି ସମ୍ଭାଳିବେ । ତେବେ ଆଜି ବ୍ରିଟେନର ନୂଆ କିଙ୍ଗ ଚାର୍ଲ୍ସ ଦେଶକୁ ସମ୍ବୋଧିତ କରିବେ।
ସୂଚନା ଅନୁଯାୟୀ, ବ୍ରିଟେନର ନୂତନ ରାଜାଙ୍କ ପ୍ରଥମ ସମ୍ବୋଧନ ତାଙ୍କ ମାଆ ରାଣୀ ଏଲିଜାବେଥଙ୍କ ମୃତ୍ୟୁ ଉପରେ ଆଧାରିତ ହେବ। କୁହାଯାଉଛି ଯେ ଆଗାମୀ କିଛି ଦିନ ପାଇଁ ବ୍ରିଟେନରେ ରାଣୀଙ୍କ ଅନ୍ତିମ ସଂସ୍କାର ଏବଂ କିଙ୍ଗ୍ ଚାର୍ଲ୍ସ ତୃତୀୟଙ୍କ ରାଜ୍ୟାଭିଷେକ ପାଇଁ ପ୍ରସ୍ତୁତି ଦେଖିବାକୁ ମିଳିବ। ସୂଚନା ଅନୁଯାୟୀ ଶୁକ୍ରବାର ଦିନ ଗାର୍ଡ ଅଫ ଅନର୍ ଦିଆଯିବ ଓ ତାପରେ କିଙ୍ଗ ଚାର୍ଲ୍ସ ଏବଂ ରାଣୀ କ୍ୟାମିଲା ଲଣ୍ଡନ ଆସି ପ୍ରଧାନମନ୍ତ୍ରୀ ଲିଜ୍ ଟ୍ରସଙ୍କ ସହ ଲୋକଙ୍କୁ ସମ୍ବୋଧିତ କରିବେ। ଏଥି ସହ ଶନିବାର ଦିନ ନୂତନ ରାଜାଙ୍କ ଔପଚାରିକ ଭାବେ ଘୋଷଣା ପାଇଁ ଏକ ବୈଠକ ଅନୁଷ୍ଠିତ ହୋଇପାରେ।
ସୂଚନାଯୋଗ୍ୟ, ୭୩ ବର୍ଷିୟ ଚାର୍ଲ୍ସ ଅଷ୍ଟ୍ରେଲିଆ, କାନାଡ଼ା ଏବଂ ନ୍ୟୁଜିଲ୍ୟାଣ୍ଡ ସମେତ ୧୪ଟି ଅଞ୍ଚଳର ମୁଖ୍ୟ ରହିସାରିଛନ୍ତି। ରାଜ ପରିବାରର ନିୟମ ଅନୁଯାୟୀ, ଏଲିଜାବେଥ୍ ଦ୍ୱିତୀୟଙ୍କ ବିୟୋଗ ପରେ ଚାର୍ଲ୍ସଙ୍କୁ ହିଁ ଦାୟିତ୍ୱ ଗ୍ରହଣ କରିବାର ଥିଲା । ତେଣୁ ମହାରାଣୀଙ୍କ ଦେହାନ୍ତ ତୁରନ୍ତ ପରେ ହିଁ ତାଙ୍କୁ ରାଜା ଘୋଷଣା କରିଦିଆଗଲା। ଚାର୍ଲସଙ୍କ ରାଜା ହେବା ମାତ୍ରେ ତାଙ୍କ ପତ୍ନୀ ମଧ୍ୟ ବ୍ରିଟେନର ନୂଆ ମହାରାଣୀ ହୋଇଛନ୍ତି । କିନ୍ତୁ ତାଙ୍କ ପାଖରେ କୌଣସି ସାମ୍ବିଧାନିକ ପାୱାର ନାହିଁ। ସେ କେବଳ ମହାରାଜାଙ୍କ ପତ୍ନୀ ହୋଇଥିବାରୁ ରାଣୀ ଭାବେ ପରିଚିତ ହେବେ। ଜାଣିରଖନ୍ତୁ ଯେ ରାଣୀ ଏଲିଜାବେଥ୍ ଦ୍ୱିତୀୟ ମାତ୍ର ୧୫ ବର୍ଷ ବୟସରେ କ୍ଷମତା ଗ୍ରହଣ କରିଥିଲେ। ତାଙ୍କ ପିତା ରାଜା ଜର୍ଜ ଷଷ୍ଠଙ୍କ ମୃତ୍ୟୁ ପରେ ଏଲିଜାବେଥଙ୍କୁ ରାଣୀ କରାଯାଇଥିଲା। ସେ ୭୦ବର୍ଷ ଶାସନ କରିଥିଲେ ଏବଂ ଅନେକ ପ୍ରଧାନମନ୍ତ୍ରୀଙ୍କର ଉତ୍ଥାନପତନ ଦେଖିଛନ୍ତି।
ଚୀନକୁ ଚ୍ୟାଲେଞ୍ଜ କରିବାକୁ ଏକାଠି ହେବେ ଭାରତ-ଜାପାନ୍, ଉଭୟର ବାୟୁସେନା ଏକାଠି କରିବେ ଯୁଦ୍ଧାଭ୍ୟାସ
ନୂଆଦିଲ୍ଲୀ: ଚୀନକୁ ଚ୍ୟାଲେଞ୍ଜ କରିବାକୁ ଏକାଠି ହେବେ ଭାରତ ଓ ଜାପାନ୍ । ଇଣ୍ଡୋ ପେସିଫିକ୍ରେ ଚୀନର ଦବଦବା ବଢୁଥିବା ବେଳେ ଏହାକୁ ମାତ୍ ଦେବାକୁ ସେହି ଅଞ୍ଚଳରେ ଭାରତ ଓ ଜାପାନର ବାୟୁସେନା ଡ୍ରିଲ ଆରମ୍ଭ କରିବାକୁ ଯାଉଛି। ଏଥିସହ ଉଭୟ ଦେଶରେ ମଧ୍ୟରେ ଅସ୍ତ୍ରଶସ୍ତ୍ର ନେଇ ମଧ୍ୟ କିଛି ଚୁକ୍ତି ହେବ। ଶିଳ୍ପ କ୍ଷେତ୍ରରେ ସହଭାଗିତା ନେଇ ମଧ୍ୟ ଉଭୟ ଦେଶ ପ୍ରୟାସ କରିବେ।
ଭାରତର ପ୍ରତିରକ୍ଷା ମନ୍ତ୍ରୀ ଜାପାନର ପ୍ରତିରକ୍ଷା ମନ୍ତ୍ରୀ ୟାଶୁକାଜୁ ହାମଦାଙ୍କୁ ଭେଟିଛନ୍ତି । ଏହି ଅବସରରେ ଗୁରୁତ୍ୱପୂର୍ଣ୍ଣ ଆଲୋଚନା ହୋଇଛି । ମେରିଟାଇମ ଡୋମେନ ଆୱାରନେସ ଜରିଆରେ ଚୀନକୁ ଚକ୍ମା ଦେବାକୁ ସହମତି ପ୍ରକାଶ ପାଇଛି। ଏହାସହ ଭାରତ ନିଜର ପ୍ରତିରକ୍ଷା ବଜେଟ ବଢ଼ାଇବା ସହ ଜାପାନଠୁ ଘାତକ ଅସ୍ତ୍ରଶସ୍ତ୍ର ଆଣିବା ନେଇ ଆଲୋଚନା ହୋଇଛି। ଏପଟେ ଲଦାଖରେ ଗତ ଦୁଇ ବର୍ଷ ହେଲା ଭାରତ ଓ ଚୀନ ମଧ୍ୟରେ ବିବାଦ ଚାଲିଛି । ଏହି ସମୟରେ ଭାରତର ପଦକ୍ଷେପ ବେଶ୍ ଗୁରୁତ୍ୱପୂର୍ଣ୍ଣ ରହିବ। ଉଭୟ ଦେଶର ସେନା ଏଲଏସିରୁ ନିଜ ନିଜ କ୍ଷେତ୍ରକୁ ଫେରିବାକୁ ସହମତି ପ୍ରକାଶ କରିଛନ୍ତି।
ଭିଜିଲାନ୍ସ ଜାଲରେ ୨ ଜୁନିୟର ଆସିଷ୍ଟାଣ୍ଟ; ୧୦ ହଜାର ଟଙ୍କା ଲାଞ୍ଚ ନେଲା ବେଳେ ଧରିଛି ଭିଜିଲନ୍ସ
ଗଞ୍ଜାମ: ଭିଜିଲାନ୍ସ ଜାଲରେ ଦୁଇ ଜୁନିୟର ଆସିଷ୍ଟାଣ୍ଟ। ଜଣେ ଅବସରପ୍ରାପ୍ତ ଲ୍ୟାବ୍ ଆଟେଣ୍ଡାଣ୍ଟ କାଳୀ ଚରଣ ପାଣିଗ୍ରାହୀଙ୍କ ଠାରୁ ପେନସନ ଓ ଏମଏସିପି କ୍ଲିୟରାନ୍ସ ପାଇଁ ୧୦ ହଜାର ଟଙ୍କା ଲାଞ୍ଚ ନେଲା ବେଳେ ଧରିଛି ଭିଜିଲନ୍ସ। ଗିରଫ ସୁଶିଳ କୁମାର ପଟ୍ଟନାୟକ ବ୍ରହ୍ମପୁର ଜିଲ୍ଲା ଶିକ୍ଷାଧିକାରୀ ଅଫିସର ଜୁନିଅର୍ ଆସିଷ୍ଟାଣ୍ଟ ହୋଇଥିବା ବେଳେ ପ୍ରଦୀପ କୁମାର ମହାନ୍ତି ଆସିକା ବ୍ଲକ ଜୟପୁର ଜୋନ ହାଇସ୍କୁଲର ଜୁନିଅର୍ ଆସିଷ୍ଟାଣ୍ଟ।
କାଳୀ ଚରଣ ପାଣିଗ୍ରାହୀ ଜୟପୁର ସ୍କୁଲରେ ଲ୍ୟାବ ଆଟେଣ୍ଡାଣ୍ଟ କାମ କରୁଥିଲେ । ଗତ ମେ ମାସରେ ଅବସର ନେବା ପରେ ପେନସନ ବାବଦ ଅର୍ଥ ପାଇଁ ପ୍ରଦୀପଙ୍କ ପାଖକୁ ଯାଇଥିଲେ। ସେ ଜିଲ୍ଲା ଶିକ୍ଷାଧିକାରୀ କାର୍ଯ୍ୟାଳୟର ସୁଶିଲ ପଟ୍ଟନାୟକ ଏହି କାମ କରିବେ କହି ୧୦ ହଜାର ଟଙ୍କା ମାଗିଥିଲେ। ଏନେଇ କାଳୀଚରଣ ଭିଜିଲାନ୍ସରେ ଅଭିଯୋଗ କରିଥିଲେ । ଯୋଜନା ଅନୁଯାୟୀ ବ୍ରହ୍ମପୁର ଅଫିସରେ ଲାଞ୍ଚ ଦେବାବେଳେ କାବୁ କରିଛି ଭିଜିଲାନ୍ସ । ଲାଞ୍ଚ ଟଙ୍କା ଦେବା ପାଇ କାଳୀଙ୍କ ସହ ପ୍ରଦୀପ ମଧ୍ୟ ବ୍ରହ୍ମପୁର ଆସି ଫସିଛନ୍ତି। ପ୍ରଦୀପଙ୍କ ନିକଟରୁ ୩ ହଜାର ଓ ସୁସିଲଙ୍କ ପାଖରୁ ୭ହଜାର ଟଙ୍କା ଜବତ କରିଛି ଭିଜିଲାନ୍ସ।
ରାଜ୍ୟରେ ଆରମ୍ଭ ହେଲାଣି ଲଘୁଚାପ ବର୍ଷା, ଆଜି ୧୦ଟି ଜିଲ୍ଲାରେ ପ୍ରବଳ ବର୍ଷିବ
ଭୁବନେଶ୍ୱର: ସାରା ରାଜ୍ୟରେ ଲଘୁଚାପ ପ୍ରଭାବରେ ଆରମ୍ଭ ହେଲାଣି ବର୍ଷା । ଆଜି ୧୦ଟି ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଭିଜିବ ଉପକୂଳ ସମେତ ଦକ୍ଷିଣ ଆଭ୍ୟନ୍ତରୀଣ ଓ ଉତ୍ତର ଆଭ୍ୟନ୍ତରୀଣ ଜିଲ୍ଲା । ପ୍ରବଳରୁ ଅତିପ୍ରବଳ ବର୍ଷା ନେଇ ମାଲକାନଗିରି, କୋରାପୁଟ, ନବରଙ୍ଗପୁର, ରାୟଗଡ଼ା, କଳାହାଣ୍ଡି, କନ୍ଧମାଳ, ଗଜପତି, ଗଞ୍ଜାମ, ଖୋର୍ଦ୍ଧା ଓ ପୁରୀ ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଆସନ୍ତା ୫ଦିନ ଯାଏ ଏହିସବୁ ଜିଲ୍ଲାରେ ପ୍ରବଳ ବର୍ଷା ହେବା ନେଇ ସତର୍କ କରାଇଛି ଆଞ୍ଚଳିକ ପାଣିପାଗ କେନ୍ଦ୍ର । କାଲି ଓ ୧୧ ତାରିଖରେ ଲଘୁଚାପର ସର୍ବାଧିକ ପ୍ରଭାବ ରହିବ । କାଲି ପାଇଁ ପାଇଁ ୧୧ ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରାଯାଇଛି । ସେହିପରି ୧୧ତାରିଖରେ ଉତ୍ତର ଆଭ୍ୟନ୍ତରୀଣ ଓ ପାର୍ଶ୍ୱବର୍ତ୍ତୀ ୧୦ ଜିଲ୍ଲାକୁ ସତର୍କତା ଜାରି କରାଯାଇଛି ।
୧୦ ତାରିଖରେ ୧୧ ଜିଲ୍ଲା, ୧୧ ତାରିଖରେ ୧୦ ଜିଲ୍ଲାକୁ ପ୍ରବଳରୁ ଅତିପ୍ରବଳ ବର୍ଷା ପାଇଁ ଅରେଞ୍ଜ ଚେତାବନୀ ଜାରି କଲା ପାଣିପାଗ ବିଭାଗ
ପଶ୍ଚିମ-କେନ୍ଦ୍ରୀୟ ତତସଂଲଗ୍ନ ପୂର୍ବ-କେନ୍ଦ୍ରୀୟ ବଙ୍ଗୋପସାଗର ଅଞ୍ଚଳରେ ସକ୍ରିୟ ରହିଛି ଲଘୁଚାପ କ୍ଷେତ୍ର, ଆହୁରି ଘନୀଭୂତ ହୋଇ ୪୮ ଘଣ୍ଟା ମଧ୍ୟରେ ସୁଦୃଶ୍ୟ ଲଘୁଚାପ କ୍ଷେତ୍ରର ରୂପ ନେବା ସମ୍ଭାବନା pic.twitter.com/6a8U8pWqkp
— PIB in Odisha (@PIBBhubaneswar) September 8, 2022
୬୧ ବଲରେ ୧୨୨ ରନ୍ କଲେ କୋହଲି, ବଡ଼ ବିଜୟ ହାସଲ କଲା ଭାରତ
ନନ୍ଦିଘୋଷ ବ୍ୟୁରୋ: ଶେଷ ମ୍ୟାଚରେ କମାଲ କଲେ କୋହଲି । ଦୀର୍ଘ ଦିନର ବ୍ୟବଧାନ ପରେ କୋହଲିଙ୍କ ବ୍ୟାଟରୁ ଦର୍ଶକ ଦେଖିଥିଲେ ଛକା ଚୌକା । ପଡିଆର ଏମିତି କୌଣସି ପାର୍ଶ୍ୱ ବାକି ନାହିଁ, ଯେଉଁଠି ପଡିନି କୋହଲିଙ୍କ ବଲ । ୬୧ ବଲରେ ୧୨୨ ରନ୍ କରି ପୁଣି ଏକ ରେକର୍ଡ କରିଛନ୍ତି ବିରାଟ କୋହଲି । ସେପଟେ ଆଫଗାନିସ୍ତାନ ବିପକ୍ଷରେ ଭାରତର ବଡ଼ ବିଜୟ ହୋଇଛି ।
୧୦୧ ରନରେ ବାଜି ମାରିଲା ଇଣ୍ଡିଆ । ବିରାଟ କୋହଲିଙ୍କ ବିରାଟ ଇଂନିସରେ ଭାରତ ବୃହବତ ବିଜୟ ହାସଲ କରିଛି । ଅନ୍ତର୍ଜାତୀୟ କ୍ରିକେଟରେ ବିରାଟ କୋହଲି ହାସଲ କଲେ ୭୧ତମ ଶତକ । ୨୦୧୯ ନଭେମ୍ୱର ବାଂଲାଦେଶ ବିପକ୍ଷରେ ଶେଷ ସେଞ୍ଚୁରୀ ମାରିଥିବାବେଳେ ୨୦୨୨ ସେପ୍ଟେମ୍ବର ୮ରେ କୋହଲି ପୁଣି ଶତକ ହାସଲ କରିଛନ୍ତି ।