ଭୁବନେଶ୍ୱର: ଶ୍ରୀଲିଙ୍ଗରାଜ ମନ୍ଦିର ପ୍ରତି ଏଏସଆଇର ଚରମ ଅବହେଳା । ମନ୍ଦିରର ମରାମତି ଠିକରେ କରାଯାଉନଥିବାରୁ ମନ୍ଦିର କାନ୍ଥ ଫାଟି ଆଁ କଲାଣି। ସିଂହଦ୍ବାର ଓ ଗର୍ଭଗୃହ ଦ୍ବାରବନ୍ଧରେ ବଡ଼ ଫାଟ ସୃଷ୍ଟି ହେଲାଣି। ଯାହାକୁ ନେଇ ସେବାୟତ, ଶ୍ରଦ୍ଧାଳୁ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
ମୁଖ୍ୟ ମନ୍ଦିରରୁ ପାଣି ଗଳିବା, ସିଂହଦ୍ବାର କବାଟରେ ଫାଟ ଓ ଆର୍ଥିଂ ନଥିବା ସମସ୍ୟା ପରେ ଏ ନୂଆ ସମସ୍ୟା ନେଇ ଚିନ୍ତା ବଢ଼ିଛି । ସିଂହଦ୍ବାର ପୁରୁଣା କବାଟ କାଢ଼ି ଅସ୍ଥାୟୀ କବାଟ ଲଗାଇବା ବେଳେ ଏହି ଫାଟ ସୃଷ୍ଟି ହୋଇଛି । ପୁରୁଣା ପିତ୍ତଳ କବାଟ କିଳିଙ୍କି ଲାଗିଥିବା ସ୍ଥାନରୁ ମନ୍ଦିର ବେକି ଯାଏ ଏହି ଫାଟ ଲମ୍ବିଛି । ତୁରନ୍ତ ମରାମତି ନକଲେ ସିଂହଦ୍ବାର ଓ ଗର୍ଭଗୃହ ଦ୍ବାରବନ୍ଧ ପ୍ରତି ଭୟଙ୍କର ବିପଦ ରହିଛି ବୋଲି ଆଶଙ୍କା କରାଯାଉଛି ।
