ଭୁବନେଶ୍ୱର: ନିରାଶ ହେଲେ ହିନ୍ଦୀ ଆଲବମ୍ ଅଭିନେତ୍ରୀ ଆକାଂକ୍ଷା ଶର୍ମା । ସୁଟିଂ ସେଟରେ ପହଞ୍ଚି ହଙ୍ଗାମା କଲେ ହିରୋ । ସୁଟିଂ ପୂର୍ବଦିନ ଓଡ଼ିଆ ହିରୋଙ୍କୁ ରିଜେକ୍ଟ କରିଥିଲେ ପ୍ରଯୋଜକ । ହିତେଶ ଦାସଙ୍କୁ ରିଜେକ୍ଟ କରିଥିଲା ପ୍ରଡକ୍ସନ ସଂସ୍ଥା । ଭୁବନେଶ୍ବରର ଏକ ପାର୍କରେ ହଙ୍ଗାମା ପରେ ପହଞ୍ଚିଲା ପୋଲିସ । ହିତେଶଙ୍କ ଏତଲା ଆଧାରରେ ନିର୍ଦ୍ଦେଶକ ଓ ପ୍ରଯୋଜକ ଅଟକ । ଏହାର ପ୍ରତିବାଦ କରି ସୁଟିଂ ବନ୍ଦ କରିଛନ୍ତି କଳାକାର ।
ପିଲାଙ୍କ ପାଇଁ ବିପଦ ଇନଫ୍ଲୁଏଞ୍ଜା ଭାଇରସ, ମନଇଚ୍ଛା ଔଷଧ ନଖାଇବାକୁ ସ୍ବାସ୍ଥ୍ୟ ନିର୍ଦ୍ଦେଶକଙ୍କ ପରାମର୍ଶ
ଭୁବନେଶ୍ୱର: ରାଜ୍ୟରେ ଇନଫ୍ଲୁଏଞ୍ଜା ଭାଇରସକୁ ନେଇ ବଢୁଛି ଭୟ । ଅଯଥା ମନଇଚ୍ଛା ଔଷଧ ନଖାଇବାକୁ ପରାମର୍ଶ ଦେଇଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ବିନା ପରାମର୍ଶରେ ଆଣ୍ଟିବାୟୋଟିକ ଓ ଷ୍ଟେରଏଡ୍ ଖାଆନ୍ତୁ ନାହିଁ । ଲକ୍ଷଣ ବଢ଼ୁଥିବାରୁ ଆଇଏଲଏସ ସର୍ଭିଲାନ୍ସ ବଢ଼ାଯିବ । କୋଭିଡ୍ ଓ H3N2 ଭାଇରସର ଲକ୍ଷଣ ପ୍ରାୟତଃ ସମାନ ରହିଛି । ତେଣୁ କୋଭିଡ୍ ନେଗେଟିଭ ଥିଲେ ସାମ୍ପୁଲ କଲେକ୍ଟ କରି ପଠାଯିବକୁ କୁହାଯାଇଛି । ଲକ୍ଷଣ ଥିଲେ ଟେଷ୍ଟ କରିବା ସହ ନିଜକୁ ଆଇସୋଲେଟ କରନ୍ତୁ ବୋଲି କହିଛନ୍ତି ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।
ସେହିପରି ଯାହାର ଅକ୍ସିଜେନ ଲେବଲ କମ୍ ସହ ନିଶ୍ବାସ ଜନିତ ସମସ୍ୟା ଓ ହାଇ ଫିଭର ରହୁଛି ସେମାନେ ଡାକ୍ତରଙ୍କ ପରାମର୍ଶରେ ଆଣ୍ଟି ଭାଇରାଲ ମେଡିସିନ ଖାଆନ୍ତୁ ବୋଲି କହିଛନ୍ତି ସ୍ବାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର । H3N2 ଭାଇରସ ୩ ମାସ ହେଲା ଅଛି, ଏହା ଏକ ଋତୁକାଳୀନ ଭାଇରସ । ମାର୍ଚ୍ଚ ଶେଷ କିମ୍ବା ଏପ୍ରିଲ ପ୍ରଥମରୁ ଏହି ଓ୍ବେଭ ସରିଯିବ । ଛୋଟ ପିଲା, ବୟସ୍କ ଲୋକ, ଗର୍ଭବତୀ ମହିଳା ଅଧିକ ସଂକ୍ରମଣ ହେବାର ସମ୍ଭାବନା ରହିଛି । ତେବେ ୫ ବର୍ଷରୁ କମ୍ ଶିଶୁଙ୍କୁ ଅଧିକ ସଂକ୍ରମିତ କରୁଛି । ସେଥିପାଇଁ ଡାକ୍ତରମାନେ ଚିନ୍ତା ପ୍ରକଟ କରିଛନ୍ତି । ସେମାନଙ୍କ ଶରୀରରେ ମେଡିସିନ ବିଶେଷକରି ଆଣ୍ଟିବାୟୋଟିକ୍ସ କାମ କରୁନାହିଁ । ଅଧିକାଂଶ ଶିଶୁଙ୍କୁ ଆଇସିୟୁରେ ଭର୍ତ୍ତି କରିବାକୁ ପଡୁଛି । ତେଣୁ ଲକ୍ଷଣ ଥିଲେ ମାସ୍କ ପିନ୍ଧନ୍ତୁ । ଯଦି କାଶ ଜ୍ବର ରହୁଛି ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ । ଜନଗହଳି ସ୍ଥାନରୁ ଦୁରେଇ ରହିବା ଉଚିତ ।
ଆସନ୍ତାକାଲି ଧର୍ମଘଟରେ ସାମିଲ ହେବନି ଘରୋଇ ବସ୍, ରାଜ୍ୟର ସମସ୍ତ ରୁଟରେ ଗଡ଼ିବ ବସ୍
କଟକ: ଆସନ୍ତାକାଲି ଧର୍ମଘଟରେ ସାମିଲ ହେବନି ଘରୋଇ ବସ୍ । ରାଜ୍ୟର ସମସ୍ତ ରୁଟରେ ଘରୋଇ ବସ୍ ଗଡ଼ିବା ନେଇ ଆଭିମୁଖ୍ୟ ସ୍ପଷ୍ଟ କରିଛି ଘରୋଇ ବସ୍ ମାଲିକ ସଂଘ । ଧର୍ମଘଟ ସମୟରେ ଘରୋଇ ବସ୍ ମାଲିକ ସଂଘ ଗଣ୍ଡଗୋଳ ଆଶଙ୍କା କରିଛି । ସୁରକ୍ଷା ପ୍ରଦାନ ପାଇଁ ପୋଲିସ ଡିଜିଙ୍କୁ ଭେଟି ନିବେଦନ କରିଛି ସଂଘ । ଏକାଧିକ ଦାବି ପୂରଣ ନେଇ ଧର୍ମଘଟ ଡାକରା ଦେଇଛନ୍ତି କିଛି ଡ୍ରାଇଭର ସଙ୍ଘ । ଧର୍ମଘଟ ପାଇଁ ୨୪ ଘଣ୍ଟିଆ କଣ୍ଟ୍ରୋଲ ରୁମ ବ୍ୟବସ୍ଥା କରିଛି କଟକ ଘରୋଇ ବସ୍ ମାଲିକ ସଙ୍ଘ ।
ଜୟନାରାୟଣଙ୍କୁ ଅରୁଣଙ୍କ କଡ଼ା ଜବାବ, କହିଲେ ’5T ଏକ ପ୍ରଗତିଶୀଳ ଆନ୍ଦୋଳନ’
ଭୁବନେଶ୍ୱର: 5T ପ୍ରସଙ୍ଗରେ ବିରୋଧୀ ଦଳ ନେତାଙ୍କୁ ବିଜେଡିର କଡ଼ା ଜବାବ। 5T କ’ଣ, ସେକଥା ବୁଝି ଜୟନାରାୟଣ ଅବୁଝା ହେଉଥିବା କହିଛନ୍ତି ବିଜେଡି ବିଧାୟକ ଅରୁଣ ସାହୁ । ରାଜ୍ୟର ଯେକୌଣସି ଗାଁକୁ ଯିବେ ସେଠି ପ୍ରଗତିର ଲକ୍ଷଣ ଦେଖିବେ, ସେଇଟା ହିଁ 5T। ବିରୋଧୀ ଦଳ ନେତା 5Tକୁ ନେଇ ପାକିସ୍ତାନରେ ପହଞ୍ଚିଲେଣି । ଜାତୀୟ ପତାକାରେ ସବୁଜ ରଙ୍ଗ ରହିଛି । ବିରୋଧୀ ଦଳ ନେତା ସ୍କୁଲରେ ଲାଗିଥିବା ସବୁଜ ରଙ୍ଗ କଥା କେମିତି କହୁଛନ୍ତି ବୋଲି ଅରୁଣ ସାହୁ ପ୍ରଶ୍ନ କରିଛନ୍ତି ।
5Tକୁ ନେଇ ବିରୋଧୀ ଦଳ ନେତା ଯାହା କହୁଛନ୍ତି ସେଥିରେ ତାଳମେଳ ନାହିଁ । ବିଜେପି ଶାସିତ ରାଜ୍ୟର ଲୋକ ବି ଆସି 5Tକୁ ଅନୁକରଣ କରୁଛନ୍ତି । ଜୟନାରାୟଣଙ୍କୁ 5T ଭୂତ ଲାଗିଛି । 5T ଏକ ବିଚାରଧାରା । ସବୁ ନିର୍ବାଚନ ମଣ୍ଡଳୀରେ 5T ଜରିଆରେ ସ୍କୁଲ ରୂପାନ୍ତରଣ ହେଉଛି । 5T ଭୂତ ଛାଡ଼ନ୍ତୁ । ସବୁଜ ରଙ୍ଗ ଅଡ଼ୁଆ ଲାଗୁଥିଲେ ପରିବା ଖାଇବା ଛାଡ଼ି ଦିଅନ୍ତୁ ବୋଲି ଅରୁଣ ସାହୁ କହିଛନ୍ତି । 5T ଏକ ପ୍ରଗତିଶୀଳ ଆନ୍ଦୋଳନ ।
ଚଳିତ ବର୍ଷ ରାଜ୍ୟରେ ହେବ ୫୦ ହଜାର କିମି ରାସ୍ତା, ଖର୍ଚ୍ଚ ହେବ ୧୧ ଶହ କୋଟିରୁ ଅଧିକ ଟଙ୍କା
ଭୁବନେଶ୍ୱର: ଏଣିକି ମୁଖ୍ୟମନ୍ତ୍ରୀ ସଡ଼କ ଯୋଜନା ଓ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ନିର୍ମିତ ହୋଇଥିବା ସବୁ ରାସ୍ତା ହେବ ଖାଲଖମା ମୁକ୍ତ । ଚଳିତ ବର୍ଷ ୫୦ ହଜାର କିଲୋମିଟର ରାସ୍ତା ନିର୍ମାଣ ପାଇଁ ରାଜ୍ୟ ସରକାର ୧୧ ଶହ କୋଟିରୁ ଅଧିକ ଟଙ୍କା ଖର୍ଚ୍ଚ କରିବେ । ପ୍ରଶ୍ନକାଳରେ ଏପରି ଉତ୍ତର ରଖିଛନ୍ତି ଗ୍ରାମ୍ୟ ଉନ୍ନୟ ମନ୍ତ୍ରୀ ପ୍ରୀତିରଞ୍ଜନ ଘଡାଇ । ପିଏମଜିଏସଓ୍ବାଇ ରାସ୍ତା ମରାମତି ଅଭାବରୁ ଅନେକ ଅସୁବିଧା ହେଉଛି । ଚିତ୍ରକୋଣ୍ଡାରେ ଡିଡାଇ ଆଦିମ ଜନଜାତି ଓ ବଣ୍ଡା ଜନଜାତି ରହୁଥିବା ଅଞ୍ଚଳରେ ପିଚୁ ରାସ୍ତା ନିର୍ମାଣ କରାଯିବ । ଏନେଇ ପ୍ରକ୍ରିୟା ଆରମ୍ଭ ହୋଇଛି । ବିଭିନ୍ନ ଗ୍ରାମୀଣ ରାସ୍ତାର ରକ୍ଷଣାବେକ୍ଷଣ ଠିକ୍ ଭାବେ ହେଉନଥିବା ନେଇ ଗୃହରେ ଶାସକ ଓ ବିରୋଧୀ ଉଦବେଗ ପ୍ରକାଶ କରିଥିଲେ । ଖୁବଶୀଘ୍ର ଏ ଦିଗରେ ପଦକ୍ଷେପ ନିଆଯିବ ବୋଲି ଗୃହରେ ପ୍ରତିଶ୍ରୁତି ରଖିଛନ୍ତି ବିଭାଗୀୟ ମନ୍ତ୍ରୀ ।
୨୦୨୧ରୁ ୨୦୨୩ ଆର୍ଥିକ ବର୍ଷରେ ଗ୍ରାମୀଣ ବିକାଶ ବିଭାଗ ପକ୍ଷରୁ ୨୪୨୨ କୋଟି ଖର୍ଚ୍ଚ କରି ୭୫୦ ରାସ୍ତା ନିର୍ମାଣ କରାଯାଇଛି । ଗ୍ରାମୀଣ ବିକାଶ ବିଭାଗ ପକ୍ଷରୁ ୧୧୮୪ କୋଟି ବିନିମୟରେ ୬୬୨୪ ରାସ୍ତାର ମରାମତି କରାଯାଇଛି । ବିଜୁ ସେତୁ ଯୋଜନାରେ ୨୪୭୭ କୋଟି ୫୪ ଲକ୍ଷ ବିନିମୟରେ ୫୦୩ ରାସ୍ତା ନିର୍ମାଣ କରାଯାଇଛି । ଠିକାଦାର ମାନଙ୍କୁ ଇଟେଣ୍ଡର ମାଧ୍ୟମରେ ଚୟନ କରାଯାଇ ନିର୍ମାଣ କାମ ସରିଥିବା ନେଇ ମନ୍ତ୍ରୀ ଗୃହରେ ଉତ୍ତର ରଖିଛନ୍ତି । ସେହିପରି ୫୨୬ ନୂଆ ବିଜୁ ସେତୁ ନିର୍ମାଣ ପାଇଁ ଚଳିତ ବଜେଟରେ ୨୦୦ କୋଟିର ବ୍ୟୟ ବରାଦ କରାଯାଇଛି ବୋଲି ଗୃହରେ ଉତ୍ତର ରଖିଛନ୍ତି ବିଭାଗୀୟ ମନ୍ତ୍ରୀ ।
ସହମତିରେ ୫ ବର୍ଷର ଯୌନ ସମ୍ପର୍କ, ବଳାତ୍କାର ନୁହେଁ ..
ବେଙ୍ଗାଲୁର: ୫ ବର୍ଷ ଧରି ସହମତିରେ ଯୌନ ସମ୍ପର୍କ ବଳାତ୍କାର ନୁହେଁ । ଯଦି ୫ ବର୍ଷ ସହମତିରେ ସମ୍ପର୍କ ରହୁଛି ଏବଂ ପରେ ବିବାହ ପାଇଁ ରାଜି ନହେବାକୁ ବଳାତ୍କାର କୁହାଯାଇ ପାରିବ ନାହିଁ । ଏଭଳି ଏକ ମାମଲାରେ ରାୟ ଦେଇଛନ୍ତି କର୍ଣ୍ଣାଟକ ହାଇକୋର୍ଟ । ପୁରୁଷବନ୍ଧୁଙ୍କ ବିରୋଧରେ ଅଭିଯୋଗ ଆଣିଥିବା ଜଣେ ମହିଳାଙ୍କ ଅଭିଯୋଗକୁ ଖାରଜ କରିଦେଇଛନ୍ତି ନ୍ୟାୟାଳୟ । ଏହି ମାମଲାରେ ନ୍ୟାୟଳୟ କହିଛନ୍ତି- ଏହା କେବେ ମଧ୍ୟ ସମମ୍ଭ ନୁହେଁ ଯେ, ମହିଳାଙ୍କ ବିନା ସହମତିରେ ଜଣେ ୫ ବର୍ଷ ପର୍ଯ୍ୟନ୍ତ ଯୌନ ସମ୍ପର୍କ ରଖିଛନ୍ତି । ଏତେ ଲମ୍ବା ସମୟ ଧରି ରିଲେସନସିପରେ ରହିବା ହିଁ ବଳାତ୍କାର ଆରୋପ ପାଇଁ ଥିବା ଆଇନ୍ IPC ଧାରା ୩୭୫ ଏବଂ ୩୭୬କୁ ଦୁର୍ବଳ କରିଛି ।
କଣ ଥିଲା ମାମଲା- ୧୨ ବର୍ଷ ପୂର୍ବେ ମଲ୍ଲିକାର୍ଜୁନ ଏବଂ ରଶ୍ମିକାଙ୍କ ମଧ୍ୟରେ ଭେଟଘାଟ ହୋଇଥିଲା । ବନ୍ଧୁତା ପରେ ଦୁହିଁଙ୍କ ମଧ୍ୟରେ ପ୍ରେମ ହୋଇଥିଲା । ଶେଷ ପାଞ୍ଚ ବର୍ଷ ହେବ, ଭଉୟ ଲିଭ-ଇନ୍-ରିଲେସନସିପରେ ରହିଥିଲେ । ଦୁହେଁ ଦୁହିଁଙ୍କୁ ବିବାହ କରିବା ନେଇ ମଧ୍ୟ ବାର୍ତ୍ତାଳପ କରିଥିଲେ । କିନ୍ତୁ ଜାତିଗତ ବିଭେଦତା ଦୃଷ୍ଟିରୁ ଉଭୟଙ୍କ ମଧ୍ୟରେ ବିବାହ ହୋଇପାରିନଥିଲା । ପରେ ରଶ୍ମିକା ଏହି ମାମଲାକୁ ନେଇ ଥାନାରେ ପହଁଚିଥିଲେ, ମଲ୍ଲିକାର୍ଜୁନଙ୍କ ବିରୋଧରେ କରିଥିଲେ ଅଭିଯୋଗ । ରଶ୍ମିକାଙ୍କ ଅଭିଯୋଗ ପରେ ମଲ୍ଲିକାର୍ଜୁନଙ୍କ ନାମରେ ଲାଗିଛି ବଳାତ୍କାର ଧାରା ୩୭୬, ୩୭୬(୨)(n), ୩୫୪, ୪୦୬, ୫୦୪, ୩୨୩ ଏବଂ ୫୦୬ ।
ଜଷ୍ଟିସ୍ ଏମ୍. ନାଗପ୍ରସନ୍ନ କହିଲେ ଯେ ଯୌନ ସମ୍ବନ୍ଧ ପାଇଁ ମହିଳାଙ୍କ ସହମତି ଦିନେ, ଦୁଇଦିନ, କେଇ ସପ୍ତାହ ବା ମାସ ପାଇଁ ନୁହେଁ ବରଂ ଅନେକ ବର୍ଷ ପାଇଁ ରହିଥିଲା। ପାଞ୍ଚ ବର୍ଷ ଧରି ମହିଳାଙ୍କ ସମ୍ମତି ନେଇ ପୁରୁଷ ଜଣକ ତାଙ୍କ ସହ ଯୌନ ସମ୍ପର୍କ ରଖିଥିଲେ। ତେଣୁ ଏହାକୁ ଆଇପିସିର ଧାରା ୩୭୫ ଓ ୩୭୬ ଅଧୀନରେ ବଳାତ୍କାର ପର୍ୟ୍ୟାୟଭୁକ୍ତ କରି ପୁରୁଷ ଜଣଙ୍କୁ ଦୋଷୀ ସାବ୍ୟସ୍ତ ଓ ଦଣ୍ଡିତ କରାଯାଇପାରିବ ନାହିଁ। କୋର୍ଟ୍ଟଙ୍କ ସ୍ପଷ୍ଟ ଆଭିମୁଖ୍ୟ ରହିଛି କି, ୫ ବର୍ଷ ଅସହମତିରେ କେମିତି ସମ୍ଭବ ଯୌନ ସମ୍ପର୍କ । ଯଦି ପାଞ୍ଚ ବର୍ଷ ପର୍ଯ୍ୟନ୍ତ ସମ୍ପର୍କରେ ରହୁଛନ୍ତି, ତେବେ ଏହାକୁ ବଳାତ୍କାର କୁହାଯାଇପାରିବ ନାହିଁ ।
ଆଦାନୀ ଘୋଟାଲା ପ୍ରସଙ୍ଗରେ ତାତିଲା ଲୋକସଭା, ଜେପିସି ତଦନ୍ତ ପାଇଁ ବିରୋଧୀଙ୍କ ଦାବି
ନୂଆଦିଲ୍ଲୀ: ଆଦାନି ପ୍ରସଙ୍ଗକୁ ନେଇ ଗୃହରେ ହଙ୍ଗାମା । ଚାଲିପାରୁନି ଦ୍ୱିତୀୟ ପର୍ଯ୍ୟାୟ ବଜେଟ ଅଧିବେଶନ । ଆଜି ଦ୍ବିତୀୟ ଦିନରେ ବି ସମାନ ସ୍ଥିତି । ଗୃହ କାର୍ଯ୍ୟ ଆରମ୍ଭରୁ ଆଦାନୀ ଘୋଟାଲା ପ୍ରସଙ୍ଗକୁ ନେଇ ବିରୋଧୀ ସାଂସଦ ନାରାବାଜି କରିଥିଲେ । ଜେପିସି ଗଠନ ପାଇଁ ସରକାର ରାଜି ହେଉନଥିବା ବେଳେ ବିଜେପି-ଆଦାନୀ ସମ୍ପର୍କକୁ ନେଇ ଜୋରଦାର ହଙ୍ଗାମା କରିଥିଲେ ବିରୋଧୀ । ଯାହାଫଳରେ ଲୋକସଭାକୁ ଦିନ ୨ଟା ଯାଏଁ ମୁଲତବି କରି ଦିଆଯାଇଛି ।
ସେପଟେ ଗୃହ କାର୍ଯ୍ୟ ଆରମ୍ଭରୁ ପାର୍ଲାମେଣ୍ଟ ପରିସରରେ ଥିବା ଗାନ୍ଧୀ ମୂର୍ତ୍ତି ତଳେ ବିକ୍ଷୋଭ କରିଥିଲେ ବିରୋଧୀ ସାଂସଦ । ପ୍ଲାକାର୍ଡ ଧରି କେନ୍ଦ୍ର ସରକାର ବିରୋଧରେ ନାରାବାଜି କରିଥିଲେ । ଆଦାନୀ ଗ୍ରୁପକୁ ନେଇ ହିଣ୍ଡେନବର୍ଗ ରିପୋର୍ଟ ପରେ SBI ଓ LIC ବ୍ୟାପକ କ୍ଷତି ସହିଥିବା ବେଳେ ସରକାର କାହିଁକି ନିରବ ବୋଲି ପ୍ରଶ୍ନ କରିଛନ୍ତି ବିରୋଧୀ ।
ସେହିପରି ରାଜ୍ୟସଭା ଆରମ୍ଭରୁ ଓସ୍କାର ବିଜେତା ଦୁଇ ଫିଲ୍ମ RRR ଓ ଦ ଏଲିଫାଣ୍ଟ ଉଇସପର୍ସକୁ ସଦସ୍ୟମାନେ ଶୁଭେଚ୍ଛା ଜଣାଇଥଲେ । ରାହୁଲ ଗାନ୍ଧୀଙ୍କ ବୟାନକୁ ନେଇ ବିଜେପି ସାଂସଦ ହଟ୍ଟଗୋଳ କରିବା ପରେ ରାଜ୍ୟସଭାକୁ ମଧ୍ୟ ଦିନ ୨ଟା ଯାଏଁ ସ୍ଥଗିତ ରଖିଛନ୍ତି ଗୃହ ଅଧ୍ୟକ୍ଷ ଜଗଦୀପ ଧନକଡ଼ ।
କେବଳ ଜଙ୍ଗଲରେ ନୁହେଁ, ଉନ୍ନତ ମାନର ଚାଷ ପାଇଁ ନଡ଼ାରେ ନିଆଁ ଲଗାଇ ଦେଉଛନ୍ତି ଚାଷୀ: ଜଙ୍ଗଲ ଓ ପରିବେଶ ମନ୍ତ୍ରୀ
ଭୁବନେଶ୍ୱର: ବିଧାନସଭାରେ ଉଠିଲା ଜଙ୍ଗଲ ନିଆଁ ପ୍ରସଙ୍ଗ । ଉତ୍ତର ରଖିଲେ ଜଙ୍ଗଲ ଓ ପରିବେଶ ମନ୍ତ୍ରୀ ପ୍ରଦୀପ କୁମାର ଅମାତ । ସାଟେଲାଇଟ ଚିତ୍ର କହୁଛି, କେବଳ ଜଙ୍ଗଲରେ ନିଆଁ ଲାଗୁନି, ଅନେକ ସ୍ଥାନରେ ଚାଷୀମାନେ ଉନ୍ନତ ମାନର ଚାଷ କରିବା ପାଇଁ ଧାନ କାଟିବା ପରେ ବିଲରେ ବଳକା ନଡ଼ାରେ ନିଆଁ ଲଗାଇ ଦେଉଛନ୍ତି । ଆଧୁନିକ ଜ୍ଞାନକୌଶଳରେ ନିଆଁକୁ ଆୟତ୍ତ କରାଯାଉଛି । ଜଙ୍ଗଲ ନିଆଁ ନିୟନ୍ତ୍ରଣ ପାଇଁ ମହିଳା ସ୍ୱୟଂ ସହାୟକ ଗୋଷ୍ଠୀ ଓ ବନ ସୁରକ୍ଷା ସମିତିର ସହଯୋଗ ନିଆଯାଉଛି ।
ଗତକାଲି ମୁଖ୍ୟ ଶାସନ ସଚିବ ବୈଠକ କରିଥିଲେ । ଜଙ୍ଗଲରେ ନିଆଁ ଲଗାଉଥିବା ଲୋକଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉଛି । ଜଙ୍ଗଲରେ ବୁଲାବୁଲି କରୁଥିବା ସନ୍ଦିଗ୍ଧ ଲୋକଙ୍କ ଉପରେ ନଜର ରଖାଯାଇଥିବା ମନ୍ତ୍ରୀ କହିଛନ୍ତି । ଏହାସହ ଖରା ଦିନେ ଜଳକଷ୍ଟ ଦୂର ପାଇଁ ଆବଶ୍ୟକ ସ୍ଥଳେ ବଜେଟ ବାହାରେ ୫୦ ହଜାର ଟଙ୍କା ପର୍ଯ୍ୟନ୍ତ ଖର୍ଚ୍ଚ ପାଇଁ ଗ୍ରାମ୍ୟ ଜଳ ଯୋଗାଣ ବିଭାଗର କାର୍ଯ୍ୟନିର୍ବାହୀ ଯନ୍ତ୍ରୀଙ୍କୁ ଅନୁମତି ଦିଆଯାଇଛି । ପାଇପ ଯୋଗେ ପାନୀୟ ଜଳ ପହଞ୍ଚି ନଥିବା ଅଞ୍ଚଳରେ ଟ୍ୟାଙ୍କର ଯୋଗେ ପାଣି ଯୋଗାଇବା ବ୍ୟବସ୍ଥା କରାଯାଇଛି।
ହାତରେ କୋଡ଼ି, ମୁଣ୍ଡରେ ଠେକା ଭିଡ଼ି କାମ କଲେ ବିଜେଡି ନେତା ଓ କର୍ମୀ
ଭୁବନେଶ୍ୱର: ହାତରେ କୋଡ଼ି ଧରି ମୁଣ୍ଡରେ ଠେକା ଭିଡ଼ି କାମ କଲେ ବିଜେଡି କର୍ମୀ । ବିଜୁ ଜନତା ଦଳର ନିର୍ମାଣାଧୀନ ନୂତନ କାର୍ଯ୍ୟାଳୟରେ ଶ୍ରମଦାନ କଲେ ବିଜୁ ଛାତ୍ର ଓ ଯୁବ ସଂଗଠନର ସଦସ୍ୟ ସଦସ୍ୟା । କିଏ ମାଟି ଖୋଳିଛି ତ କିଏ ଚିପସ୍ ବୋଝେଇ କରିଛି । ପାଚେରୀ ନିର୍ମାଣ ପାଇଁ ଇଟା ବଢାଇବା ସହ ବାଲି ସିମେଣ୍ଟ ଗୋଳାଇ ଶ୍ରମିକଙ୍କୁ ସହଯୋଗର ହାତ ବଢାଇଥିଲେ ସମସ୍ତ କର୍ମୀ । ଦଳର ମୁଖ୍ୟ କାର୍ଯ୍ୟାଳୟ ନିର୍ମାଣରେ ଦିନଟିଏ ଶ୍ରମଦାନ କରିଛନ୍ତି ସମସ୍ତେ । ମୋ ଦଳର କାର୍ଯ୍ୟାଳୟ ପାଇଁ ମୁଁ ବି ନିଜର ଝାଳ ବୁହାଇଛି । ଏହି ଲକ୍ଷ୍ୟ ରଖି ସମସ୍ତ କର୍ମୀ ନିଜର ଶ୍ରମଦାନ କରିଛନ୍ତି ।
ରାଜ୍ୟର ସବୁ ଜିଲ୍ଲାରୁ ଭୁବନେଶ୍ବରକୁ ଆସିଛନ୍ତି ବିଜୁ ଯୁବ ଓ ଛାତ୍ର ଜନତା ଦଳର ସଦସ୍ୟ ଓ କର୍ମୀ । ସମସ୍ତଙ୍କୁ ଏହି କାର୍ଯ୍ୟରେ ଉତ୍ସାହିତ କରିବାକୁ ସାମିଲ ହୋଇଥିଲେ ଯାଜପୁର ବିଧାୟକ ତଥା ବିଜୁ ଜନତା ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ତାଙ୍କ ସହିତ ସାମିଲ ହୋଇଥିଲେ ବିଧାୟକ ପ୍ରଣବ ବଳବନ୍ତରାୟ, ବିଜୁ ଯୁବ ଜନତା ଦଳର ରାଜ୍ୟ ସଭାପତି ବ୍ୟୋମକେଶ ରାୟ ଓ ବିଜୁ ଛାତ୍ର ଜନତା ଦଳର ରାଜ୍ୟ ସଭାପତି ଦେବୀ ରଞ୍ଜନ ତ୍ରିପାଠୀ ଓ ଅନ୍ୟ ନେତୃବୃନ୍ଦ ।
ଟେରର ଫଣ୍ଡିଂ ଲିଙ୍କରେ NIAର ଆକ୍ସନ, ଉପତ୍ୟାକାରେ NIAର ମାରାଥନ ରେଡ୍
ଶ୍ରୀନଗର: ଟେରର ଫଣ୍ଡିଂ ଲିଙ୍କରେ NIAର ଆକ୍ସନ । ଜାମ୍ମୁ-କାଶ୍ମୀରରେ ନ୍ୟାସନାଲ ଇନଭେଷ୍ଟିଗେଟିଂ ଏଜେନ୍ସିର ରେଡ୍ । ଅନନ୍ତନାଗ, ପୁଲଓ୍ବାମା ଓ ସୋପିଆନ ଜିଲ୍ଲାର ବିଭିନ୍ନ ସ୍ଥାନରେ ଚଢ଼ାଉ କରିଛି କେନ୍ଦ୍ରୀୟ ଏଜେନ୍ସି । କୁଲଗାମ ଓ ଶ୍ରୀନଗରର ବିଭିନ୍ନ ଅଞ୍ଚଳରେ NIA ଟିମ୍ ରେଡ୍ କରିଛି । ଟେରର ଓ ବିଦେଶୀ ଫଣ୍ଡିଂ ଲିଙ୍କରେ ଟିମ୍ ରେଡ୍ କରୁଥିବା ଜଣାପଡ଼ିଛି । ଗତ କିଛିଦିନ ଧରି ଉପତ୍ୟାକାରେ ଆତଙ୍କବାଦୀ ଗତିବିଧି ବଢ଼ିଥିବା ବେଳେ ବିଦେଶୀ କନେକ୍ସନକୁ ନେଇ NIA ରେଡ୍ ଜାରି ରଖିଛି ।