ଚେନ୍ନାଇ: ଦ ଏଲିଫ୍ୟାଣ୍ଟ ହ୍ବିସପର୍ସକୁ ଓସ୍କାର ମିଳିବା ପରେ ରଘୁକୁ ଦେଖିବାକୁ ପ୍ରବଳ ଭିଡ଼ । ତାମିଲନାଡ଼ୁ ମୁଦ୍ଦୁମଲ୍ଲାଇ ଥେପାକାଡୁ ହାତୀ କ୍ୟାମ୍ପରେ ଓସ୍କାର ବିଜେତା ହାତୀ ରଘୁକୁ ଦେଖିବାକୁ ପର୍ଯ୍ୟଟକଙ୍କ ଭିଡ଼ ଲାଗିଛି । ଦେଶ ବିଦେଶରୁ ଅନେକ ପର୍ଯ୍ୟଟକ ରଘୁକୁ ଦେଖି ତା ସହ ଫଟୋ ବି ଉଠାଉଛନ୍ତି । ଏହି ହାତୀ କ୍ୟାମ୍ପରେ ରଘୁ ସହ ଆଉ ଏକ କୁନି ହାତୀ ବି ରହୁଛି । ଉଭୟଙ୍କୁ ଦେଖି ଖୁସି ବ୍ୟକ୍ତ କରୁଛନ୍ତି ପର୍ଯ୍ୟଟକ ।
ତାମିଲନାଡୁର ଦମ୍ପତ୍ତି ବୋମନ ଓ ବିଲ୍ଲୀ କିପରି ଏକ ଅନାଥ ଛୋଟ ହାତୀ ରଘୁକୁ ରଖିଛନ୍ତି । ତା’ର ରକ୍ଷଣାବେକ୍ଷଣରେ ନିଜ ଜୀବନ ଅତିବାହିତ କରିଛନ୍ତି, ତା ଉପରେ ଦ ଏଲିଫ୍ୟାଣ୍ଟ ହ୍ବିସପର୍ସର କାହାଣୀ ପର୍ଯ୍ୟବେସିତ । ଆଜି ସେ ସର୍ଟ ଡକ୍ୟୁମେଣ୍ଟାରୀ ଫିଲ୍ମର ହିରୋ ରଘୁକୁ ଦେଖିବାକୁ ପ୍ରବଳ ଭିଡ଼ ପରିଲକ୍ଷିତ ହେଉଛି । କାର୍ତ୍ତିକୀ ଗୋନସଲଭେସଙ୍କ ନିର୍ଦ୍ଦେଶିତ ଏହି ଫିଲ୍ମ ୨୦୨୨ ଡିସେମ୍ବର ୮ ତାରିଖରେ ରିଲିଜ୍ ହୋଇଥିଲା ।
