spot_img
Home Blog Page 3116

ପଞ୍ଚଭୂତରେ ଲୀନ ହେଲେ ସହିଦ ସୁଶାନ୍ତ ଖୁଣ୍ଟିଆ, ଗାଁ ଶ୍ମାଶାନରେ ହେଲା ଶେଷକୃତ୍ୟ

କେନ୍ଦୁଝର: ଜନ୍ମମାଟିରେ ସହିଦ ସୁଶାନ୍ତ ଖୁଣ୍ଟିଆଙ୍କ ସରିଲା ଅନ୍ତିମ ସଂସ୍କାର । ଗାଁରେ ମୃତଦେହ ପହଞ୍ଚିବା ପରେ ଶୋଭାଯାତ୍ରା ନିଆଯାଇଥିଲା । ଗାଁ ଶ୍ମଶାନରେ ସୁଶାନ୍ତଙ୍କ ଶେଷକୃତ୍ୟ କରାଯାଇଛି ।  ସହିଦ ସୁଶାନ୍ତ ଅମର ରହେ ଧ୍ବନୀରେ ଫାଟି ପଡୁଥିଲା ପୂରା ପରିବେଶ । ସୁଶାନ୍ତ ବିୟୋଗକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ଦେଖିବାକୁ ମିଳିଛି ।

ମାଓବାଦୀଙ୍କ ଆକ୍ରମଣରେ ଓଡ଼ିଆ ପୁଅ ସୁଶାନ୍ତ ଖୁଣ୍ଟିଆ ସହିଦ ହୋଇଥିଲେ । ମୃତ ଯବାନଙ୍କ ଘର କେନ୍ଦୁଝର ଜିଲ୍ଲା ଆନନ୍ଦପୁର ନନ୍ଦିସାହିରେ ହୋଇଥିବା ବେଳେ ସେ CRPF 60 ବାଟାଲିଆନର ଯବାନ ଭାବେ କାର୍ଯ୍ୟରତ ଥିଲେ । ଦୁଇମାସ ତଳେ ସୁଶାନ୍ତଙ୍କ ବିବାହ ହୋଇଥିଲା । ଝାଡଖଣ୍ଡ ପଶ୍ଚିମ ସିଂହଭୂମି କୋଲହନ ଜଙ୍ଗଲରେ ସିଆରପିଏଫ ଯବାନଙ୍କ ଚାଲିଥିଲା କମ୍ବିଂ ଅପରେସନ । ଏହି ସମୟରେ ମାଓବାଦୀଙ୍କ ଆକ୍ରମଣରେ ସୁଶାନ୍ତ ଗୁରୁତର ଆହତ ହୋଇଥିଲେ । ରାଞ୍ଚି ମେଡିକାଲରେ ତାଙ୍କୁ ଭର୍ତ୍ତି କରାଯାଇଥିବା ବେଳେ ସେ ସହିଦ ହୋଇଥିଲେ । ୨୦୧୧ ମସିହାରେ ସିଆରପିଏଫରେ ଯୋଗ ଦେଇଥିଲେ ସୁଶାନ୍ତ । ସୁଶାନ୍ତଙ୍କ ମୃତ୍ୟୁ ଖରର ଅଞ୍ଚଳବାସୀଙ୍କୁ ସ୍ତବ୍ଧ କରିଛି । ଦୁଃଖରେ ଭାଙ୍ଗିପଡିଛନ୍ତି ପରିବାର ଏବଂ ଗାଁ ଲୋକେ । ୨୦୨୦ ମସିହାରେ ବାପା ଆତୁଳ ଖୁଣ୍ଟିଆଙ୍କ ମୃତ୍ୟୁ ହୋଇଥିଲା । ଚଳିତବର୍ଷ ବଡଭାଇ ସନ୍ତୋଷ ଖୁଣ୍ଟିଆ ଓ ମଝିଆ ଭାଇ ପ୍ରଶାନ୍ତ ଖୁଣ୍ଟିଆ ଚଳିତ ବର୍ଷ ଆଗପଛ ହୋଇ ପ୍ରାଣ ହରାଇଥିଲେ ।

 

NCERT ଦେଲା ଗୁରୁ ଦାୟିତ୍ବ , ପିଲାଙ୍କ ସିଲାବସ ତିଆରି କରିବେ ସୁଧା ମୂର୍ତ୍ତି

ନୂଆଦିଲ୍ଲୀ: ପିଲାଙ୍କ ସିଲାବସ ତିଆରି କରିବେ ଦେଶର ଜଣାଶୁଣା ଲେଖିକା ତଥା ଇନଫୋସିସର ପ୍ରତିଷ୍ଠାତା ନାରାୟଣ ମୂତ୍ତିଙ୍କ ପତ୍ନୀ ସୁଧା ମୂର୍ତ୍ତି । NCERT ପ୍ୟାନେଲ ପକ୍ଷରୁ ତାଙ୍କ ନାମକୁ ଅନ୍ତଭୂକ୍ତ କରାଯାଇଛି । କେନ୍ଦ୍ର ସରକାରଙ୍କ ନିର୍ଦ୍ଦେଶ କ୍ରମେ NCERT କମିଟିରେ ସୁଧାଙ୍କ ନାମ ରହିଛି । ବିଦ୍ୟାଳୟ ସିଲାବସରେ ସଂଶୋଧନ ଏବଂ ନିଆ ସିଲାବସ ତିଆରି କରିବ ଏହି କମିଟି । ଏହି ପ୍ୟାନେଲରେ ପ୍ରଧାନମନ୍ତ୍ରୀଙ୍କ ଅଥର୍ନୈତିକ ପରାମର୍ଶଦାତା ପରିଷଦର ସଭାପତି ବିବେକ ଦେବରାୟ, ଉପଦେଷ୍ଟା କିମଟିର ସଦସ୍ୟ ସଞ୍ଜୀବ ସାନ୍ୟାଲ, ଆରଏସଏସ ବିଚାରକ ଚାମୁ କୃଷ୍ଣା ଶାସ୍ତ୍ରୀ ଏବଂ ଗାୟକ ତଥା ମ୍ୟୁଜିକ କମ୍ପୋଜର ମହାଦେବନ ପ୍ରମୁଖ ସାମିଲ ଅଛନ୍ତି ।

ପିଲାଙ୍କ ସିଲାବସ ତିଆରି କରିବା ଏବଂ ସଂଶୋଧନ କରିବା ପାଇଁ ୧୯ ଜଣିଆଁ କମିଟି ଗଠନ କରାଯାଇଛି । ନ୍ୟାସନାଲ ସ୍କୁଲ ଅଫ ଏଜୁକେସନ ପ୍ଲାନିଂ ଆଣ୍ଡ ଆଡ଼ମିନଷ୍ଟେସନର କୁଳପତି ମହେଶଚନ୍ଦ୍ର ପନ୍ଥ ଏହି କମିଟିର ସଭାପତି ରହିଛନ୍ତି ।
ସୂଚନାଯୋଗ୍ୟ, ସରକାର ୨୦୨୪-୨୫ ଶିକ୍ଷାବର୍ଷରେ ନୂଆା ସିଲାବସ ଏବଂ ପୁସ୍ତକ ଆଣିବା ପାଇଁ ଚିନ୍ତା କରୁଛନ୍ତି । ତୃତୀୟରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ଏହି ନୂତନ ନିୟମ ଆଣିବାକୁ ଯୋଜନା କରି ନୂଆ କମିଟି ଗଠନ କରିଛନ୍ତି । ଶିକ୍ଷା କ୍ଷେତ୍ରରେ ବିକାଶ ଆଣିବା ଏହାର ମୁଖ୍ୟ ଲକ୍ଷ୍ୟ ରଖିଛନ୍ତି କେନ୍ଦ୍ର ସରକାର ।

ମହାନଦୀ ଜଳବିବାଦ ମାମଲା, ଟ୍ରିବ୍ୟୁନାଲରେ ଆଜିର ଶୁଣାଣି ଶେଷ

ନୂଆଦିଲ୍ଲୀ: ମହାନଦୀ ଜଳବିବାଦ ମାମଲା । ଟ୍ରିବ୍ୟୁନାଲରେ ଆଜିର ଶୁଣାଣି ଶେଷ । କମନ ଇନଫରର୍ମେସନ ଫର୍ମାଟ-ସିଆଇଏଫ ଚୂଡ଼ାନ୍ତ ପାଇଁ ସମୟ ନେଇଛନ୍ତି ଉଭୟ ରାଜ୍ୟ। ଏଥିପାଇଁ ୪ ସପ୍ତାହ ସମୟ ଦେଇଛନ୍ତି  ଟ୍ରିବ୍ୟୁନାଲ । ସେପ୍ଟେମ୍ବର ୧୬ ରେ ପରବର୍ତ୍ତୀ  ଶୁଣାଣି ପାଇଁ ତାରିଖ ଦିଆଯାଇଛି  । ସିଆଇଏଫ ପ୍ରସ୍ତୁତ ହୋଇ ନ ପାରିବାରୁ ୫ ସପ୍ତାହ ସମୟ ମାଗିଥିଲେ ଉଭୟ ରାଜ୍ୟ। କିନ୍ତୁ ଟ୍ରିବ୍ୟୁନାଲ ୪ ସପ୍ତାହ ସମୟ  ମଂଜୁର କରିଛନ୍ତି  ।

ମହାନଦୀର ୧୬ ବେସିନ ଥିବା ଆସେସର ମାନେ କହିଛନ୍ତି । ଦୟା ଏବଂ ଚିଲିକାକୁ ଗୋଟିଏ ବେସିନ ବୋଲି ଆସେସର କହିଛନ୍ତି । ଓଡିଶା କେବଳ ଚିଲିକାକୁ ୪ଟି ବେସିନରେ ବାଣ୍ଟି ଥିବାରୁ ବର୍ତ୍ତମାନ ଏହାକୁ ନେଇ ଛତିଶଗଡ଼ ବିରୋଧ କରୁଛି । ଓଡିଶା ସିଆଇଏଫ ପାଇଁ  ୪୭ଟି ପଏଣ୍ଟ ଦେଇଥିବା ବେଳେ ୧୮ ଟି ବାକି ଅଛି । ଛତିଶଗଡ଼ ୫୦ ଟି ଦାଖଲ କରିଥିବା ବେଳେ ୧୫ ଟି ବାକି ଅଛି। ଏହାକୁ ତୁରନ୍ତ ଫାଇନାଲ କରିବାକୁ ଟ୍ରିବୁନାଲ ନିର୍ଦ୍ଦେଶ ଦେଇଛନ୍ତି । ଯାହା ଶେଷ ସୁଯୋଗ ବୋଲି ଟ୍ରିବ୍ୟୁନାଲ କହିଛନ୍ତି । ପୂର୍ବ ଶୁଣାଣିରେ ମଧ୍ୟ ୪ ସପ୍ତାହ ସମୟ ଦେଇଥିଲେ ଟ୍ରିବ୍ୟୁନାଲ ।

ରାଷ୍ଟ୍ରପତିଙ୍କ ମଞ୍ଜୁରୀ ମିଳିବା ପରେ ଆଇନରେ ପରିଣତ ହେଲା ଦିଲ୍ଲୀ ସର୍ଭିସେସ ବିଲ୍

ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ମଞ୍ଜୁରୀ ମିଳିବା ପରେ ଆଇନରେ ପରିଣତ ହେଲା ଦିଲ୍ଲୀ ସର୍ଭିସେସ ବିଲ୍ ଓ ଡାଟା ପ୍ରୋଟେକ୍ସନ ବିଲ୍ । ପ୍ରଥମେ ଲୋକସଭା ଓ ପରେ ରାଜ୍ୟସଭାରେ ଗୃହୀତ ହୋଇଥିଲା ଏହି ଦୁଇ ବିଲ୍ । ଆଜି ରାଷ୍ଟ୍ରପତି ୪ଟି ବିଲ୍ ଉପରେ ମୋହର ମାରିଛନ୍ତି । ସେଗୁଡିକ ହେଲା ଡିଜିଟାଲ ପର୍ସନାଲ ଡାଟା ପ୍ରୋଟେକସନ ବିଲ, ଜନ୍ମ ଓ ମୃତ୍ୟୁ ପଞ୍ଜିକରଣ ସଂଶୋଧନ ବିଲ୍, ଜନ ବିଶ୍ବାସ ସଂଶୋଧନ ବିଲ୍, ନ୍ୟାସନାଲ କ୍ୟାପିଟାଲ ଟେରିଟୋରୀ ଅଫ ଦିଲ୍ଲୀ ସଂଶୋଧନ ବିଲ୍ ।

ରାଜ୍ୟସଭାରେ ଦିଲ୍ଲୀ ସର୍ଭିସେସ ବିଲ୍ ସପକ୍ଷରେ ୧୩୧ଟି ଭୋଟ ପଡିଥିବାବେଳେ ବିପକ୍ଷରେ ପଡିଥିଲା ୧୦୨ଟି ଭୋଟ । ଏହି ଦୁଇ ବିଲକୁ ନେଇ ସଂସଦର ଉଭୟ ଗୃହରେ ବିତର୍କ ହୋଇଥିଲା । ଡାଟା ପ୍ରୋଟେକ୍ସନ ଆଇନ ଆଧାରରେ ସୋସିଆଲ ମିଡିଆ କମ୍ପାନୀଗୁଡ଼ିକର ମନମାନି ଉପରେ ଲଗାମ ଲାଗିବ ।

କୌଣସି ବ୍ୟକ୍ତିଙ୍କ ଗୋପନୀୟ ତଥ୍ୟ ଆଦାୟ କରିବାକୁ ଚାହୁଁଥିଲେ କମ୍ପାନୀକୁ ତାଙ୍କର ଅନୁମତି ନେବାକୁ ପଡ଼ିବ । ଉଭୟ ଅନଲାଇନ ଓ ଡିଜିଟାଇଜଡ ଅଫଲାଇନ ଡାଟାର ସୁରକ୍ଷା ଉପରେ ଏହି ଆଇନରେ ଗୁରୁତ୍ବ ଦିଆଯାଇଛି । ଭାରତ ଓ ଭାରତ ବାହାରେ ବି ଏହି ନିୟମ ଲାଗୁ ହେବ ।

ଅଜାଙ୍କ ଦଶାହ କର୍ମ ବେଳେ ୨ ନାତିଙ୍କ ମୃତ୍ୟୁ, ଶୋକରେ ବୁଡ଼ିଲା ଗାଁ

ବାଲେଶ୍ବର: ଅଜାଙ୍କ ଦଶାହ କର୍ମ ବେଳେ ଚାଲିଗଲା ଜୀବନ । ଦୁଇ ନାତିଙ୍କର ସଲିଳ ସମାଧି । ବାଲେଶ୍ବର ଜିଲ୍ଲା ସୋର ଥାନା ୱାଦା ଶାସନରେ ଘଟିଛି ଏହି ଦୁଃଖଦ ଘଟଣା । ଗାଁର ବିଷ୍ଣୁ ପାଢ଼ୀଙ୍କର ଆଜି ଦଶାହ ଥିଲା । ଦୁଇ ନାତି ଟୁଲୁଆ ପାଢ଼ୀ ଓ ଚନ୍ଦନ କର ଲଣ୍ଡା ହୋଇ ବାଗୁଡ଼ି ପଥରକଟା ଟୁବ୍‌କୁ ଗାଧୋଇବାକୁ ଯାଇଥିଲେ । ହେଲେ ଗୋଡ଼ ଖସିଯାଇଥିଲା । ଚନ୍ଦନକୁ ବାଗୁଡ଼ି ଡାକ୍ତରଖାନା ଓ ଟୁଲୁଆକୁ ସୋର ଡାକ୍ତରଖାନାକୁ ନିଆଯାଇଥିବା ବେଳେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି ।

‘ମୁଁ ବି ଗାଁରୁ ଆସିଛି, ୨୦ କିମି ସାଇକେଲ ଚଳାଇ ମୁଁ ସ୍କୁଲ ଯାଉଥିଲି’

ମୟୂରଭଞ୍ଜ: ଦ୍ବିତୀୟ ଦିନରେ ମୟୂରଭଞ୍ଜରେ ମାରାଥନ ସମୀକ୍ଷା କରୁଛନ୍ତି5T ସଚିବ । ଗ୍ରାଉଣ୍ଡ ଜିରୋରେ ବିକାଶ କାର୍ଯ୍ୟର ଅନୁଧ୍ୟାନ କରୁଛନ୍ତି ।  ବାଙ୍ଗିରିପୋଷି କଲାବାଡ଼ିଆ ଫୁଟବଲ ପଡିଆରେ ଆୟୋଜିତ ଜନଅଭିଯୋଗ ଶୁଣାଣୀ କାର୍ଯ୍ୟକ୍ରମରେ ସାମିଲ ହୋଇଛନ୍ତି 5T ସଚିବ ଭି.କେ ପାଣ୍ଡିଆନ୍ ।  5T ସଚିବଙ୍କୁ ପାଖରେ ପାଇ ହୁଳ ହୁଳି ପକାଇ ସ୍ବାଗତ କରିଥିଲେ ମହିଳା । ଲୋକଙ୍କୁ ଭେଟିବା ସହ ଦାବିପତ୍ର ଗ୍ରହଣ କରିଥିଲେ 5T ସଚିବ । ଯେଉଁ ସବୁ ସମସ୍ୟା ଅଛି ତାହା ଖୁବଶୀଘ୍ର ପୂରଣ କରାଯିବ ।

ଏଇଟା ପ୍ରଥମ ପର୍ଯ୍ୟାୟ ଅନୁଦାନ, ଭଲ କାମ କଲେ ଦ୍ଵିତୀୟ ଓ ତୃତୀୟ ପର୍ଯ୍ୟାୟ ଅନୁଦାନ ବି ମିଳିବ ବୋଲି କହିଥିଲେ 5T ସଚିବ। ମୁଖ୍ୟମନ୍ତ୍ରୀ ଏତେ ସବୁ ଦେଇଛନ୍ତି, ଏବେ ତମେ ମାନେ ସ୍ୱପ୍ନ କୁ ସାକାର କର। ମୁଁ ବି ଗାଁ ରୁ ଆସିଛି। ସ୍କୁଲକୁ ୨୦ କିଲୋମିଟର ସାଇକେଲରେ ଯାଉଥିଲି ବୋଲି କହିଛନ୍ତି 5T ସଚିବ।

ଏହା ସହ 5T ସଚିବ ଆହୁରି କହିଥିଲେ , ମନ୍ଦିର, ମସଜିଦ, ଚର୍ଚ୍ଚ ଓ କମ୍ୟୁନିଟି ସେଣ୍ଟର ପାଇଁ ଯେଉଁ ଦରଖାସ୍ତ ଆସିଛି, ତାର ସମାଧାନ କରାଯିବ । ଯେଉଁ ଅନୁଦାନ ମିଳିବ, ତାକୁ ଭଲ ଭାବେ କାମ କରିବାକୁ ପରାମର୍ଶ ଦେଇଛନ୍ତି 5T ସଚିବ । ଦୁଇ ଦିନ ମଧ୍ୟରେ ପିଇବା ପାଣି ସମସ୍ୟାର ସମାଧାନ କରାଯିବ । ଆଜି ସନ୍ଧ୍ୟା ସୁଦ୍ଧା ଗାଁରେ ଇଂଜିନିଆର ପହଞ୍ଚିବେ । ଆପଣଙ୍କ ସମସ୍ତ ଅଭିଯୋଗ ମାସକ ଭିତରେ ସମାଧାନ ହେବ ବୋଲି କହିଛନ୍ତି 5T ସଚିବ । ସେହିପରି ମିଶନ ଶକ୍ତି ମା’ଙ୍କ ସହ ମଧ୍ୟ ଆଲୋଚନା କରିଥିଲେ 5T ସଚିବ । ବାଙ୍ଗିରିପୋଷି ନିର୍ବାଚନ ମଣ୍ଡଳୀର ଲୋକଙ୍କ ପାଇଁ ୩୨୦ କୋଟି ଟଙ୍କାରେ 2ଟି ମେଗା ପାଇପ ଜଳ ପ୍ରକଳ୍ପ କାମ ଚାଲିଛି । ମାର୍ଚ୍ଚ ୨୦୨୪ ସୁଦ୍ଧା ଏହା ଶେଷ ହେବ ।

‘ଗଦର-୨’କୁ ନେଇ ଗଦଗଦ୍ ସଲମାନ ଖାନ, ଏମିତି କହି କଲେ ଟ୍ୱିଟ୍

ମୁମ୍ବାଇ: ନିକଟରେ ରିଲିଜ୍ ହୋଇଛି ସନ୍ନି ଦେଓଲଙ୍କ ଅଭିନୀତ ଚଳଚ୍ଚିତ୍ର ’ଗଦର-୨’। ଅଗଷ୍ଟ ୧୧ ରିଲିଜ୍ ହୋଇଥିବା ଏହି ଫିଲ୍ମ ପ୍ରଥମ ଦିନରେ ଭଲ ରୋଜଗାର କରିବା ସହ ଦର୍ଶକଙ୍କ ମନମୋହି ପାରିଛି । ଫିଲ୍ମର ସଫଳତା ପାଇଁ ଶୁଭେଚ୍ଛାର ସୁଅ ମଧ୍ୟ ଛୁଟିଥିବା ଦେଖିବାକୁ ମିଳିଛି ।

ଦର୍ଶକଙ୍କଠାରୁ ଆରମ୍ଭ କରି ବଲିଉଡ କଳାକାର ଫିଲ୍ମକୁ ନେଇ ପ୍ରଂଶସା କରିଛନ୍ତି । ତେବେ ଏହି ତାଲିକାରେ ସାମିଲ ହୋଇଛନ୍ତି ବଲିଉଡ ସୁପରଷ୍ଟାର ସଲମାନ ଖାନ । ନିଜର ସୋସିଆଲ ମିଡିଆ ସାଟଇ ଟ୍ବିଟରେ ’ଗଦର-୨’କୁ ନେଇ ଏକ ପୋଷ୍ଟ କରିଛନ୍ତି । ସେ ଲେଖିଛନ୍ତି କି, ଢ଼ାଇ କିଲୋର ହାତ ୪୦ କୋଟିର ଆରମ୍ଭ । ସନ୍ନି ପାଜି ଏବଂ ’ଗଦର-୨’ ଫିଲ୍ମର ସମସ୍ତ ସଦସ୍ୟଙ୍କ ଧନ୍ୟବାଦ । ଏକ ସୁନ୍ଦର ଚଳଚ୍ଚିତ୍ର ପାଇଁ । ସଲମାନଙ୍କ ଏହି ପୋଷ୍ଟକୁ ୟୁଜର୍ସମାନେ ପସନ୍ଦ କରିଥିବା ଦେଖିବାକୁ ମିଳିଛି ।

’ଗଦର-୨’ର ପ୍ରଥମ ଦିନର ରୋଜଗାର କଥା କହିବା ତାହେଲେ ୪୦ରୁ ୪୫ କୋଟି ଟଙ୍କା ଆୟ ହୋଇଛି । ଦର୍ଶକମାନେ ଫିଲ୍ମକୁ ପସନ୍ଦ କରିଥିବାବେଳେ ଏହା ବକ୍ସ ଅଫିସରେ ହିଟ୍ ହେବ ବୋଲି ଆଶା ରଖିଛି ପ୍ରଯୋଜନା ସଂସ୍ଥା । ଗଦର ଫିଲ୍ମ ୨୦୦୧ ମସିହାରେ ଣିଲିଜ ହୋଇଥିବାବେଳେ ଅମିଶା ପଟେଲଙ୍କ ସହ ସନ୍ନିଙ୍କ ଯୋଡ଼ିକୁ ଦର୍ଶକେ ବେଶ ପସନ୍ଦ କରିଥିଲେ । ଦୀର୍ଘ ବର୍ଷ ପରେ ଏହାର ଦ୍ବିତୀୟ ଭାଗ ଆାସିଛି । ଟିଜର ରିଲିଜ ହେବା ଦିନରୁ ଦର୍ଶକଙ୍କ ଉତ୍ସାହ ବଢ଼ିଥିବାବେଳେ ଆାଗୁଆ ଟିକେଟ୍ ମଧ୍ୟ ବୁକିଂ କରିଥିଲେ ସନ୍ନିଙ୍କ ପ୍ରଶଂସକ ।

ମୃତ ହାତୀର ଦଶାହ କଲେ ଗାଁ ଲୋକେ

ମୟୂରଭଂଜ: ହାତୀର ଦଶାହ ପାଳନ କଲେ ଗ୍ରାମବାସୀ । ମୟୂରଭଂଜ ଜିଲ୍ଲା କରଞ୍ଜିଆ ଉପଖଣ୍ଡ ରରୁଆଁ ବ୍ଲକ୍ ଯlମୁନ୍ତିରେ ଦେଖିବାକୁ ମିଳିଛି ଏଭଳି ଘଟଣା।  ଗତ କିଛି ଦିନ ପୂର୍ବରୁ କରଞ୍ଜିଆ ବନଖଣ୍ଡରେ ରହୁଥିଲେ ୨୩ ଟିକିଆ ହାତୀ ପଲ। ହାତୀ ପଲ ଝାଡ଼ଖଣ୍ଡ ପଟକୁ ଯାଉଥିବା ବେଳେ ଯlମୁନ୍ତିରେ ୨ମାସର ଛୁଆ ହାତୀଟି ଅସୁସ୍ଥତା କାରଣରୁ ଗାଁମ ନିକଟ ପଡିଆରେ ପଡ଼ି ରହିଥିଲା।

ଅସୁସ୍ଥ ହାତୀ ଛୁଆକୁ ବନ ବିଭାଗ ଉଦ୍ଧାର କରି ଚିକିତ୍ସା ଆରମ୍ଭ କରିଥଲେ କିନ୍ତୁ ହାତୀ ଛୁଆଟିର ମୃତ ହୋଇଥିଲା। ହାତୀ ଛୁଆଟିର ମୃତ୍ୟୁ ଗ୍ରାମବାସୀଙ୍କୁ ବ୍ୟଥିତ କରିଥିଲା । ହାତୀ ଛୁଆର ବ୍ୟବଚ୍ଛେଦ ପରେ ବନ ବିଭାଗର ସହଯୋଗରେ ଗାଁ ନିକଟ ପଡିଆରେ ଅନ୍ତିମ ସଂସ୍କାର କରିଥିଲା। ଏବଂ ଠିକ୍ ଦଶଦିନ ବେଳକୁ ମଣିଷର ମୃତ୍ୟୁ ଘଟିଲେ ଯେମିତି କ୍ରିୟା କର୍ମ କରାଯାଏ ଠିକ୍ ସେହି ଭଳି ହାତୀ ଛୁଆ ପାଇଁ ଦଶାହ ପାଳନ କରିଛନ୍ତି ଗ୍ରାମବାସୀ।

ହାତୀ ଛୁଆର ସ୍ମୃତିରେ ସମାଧି ସ୍ଥାପନ କରିବା ସହିତ ଗାଁର ପୁରୁଷ ମାନେ ବାଳ ମଣ୍ଡନ କରି ରିତି ନୀତିରେ ସମାଧି ନିକଟରେ ମନ୍ତ୍ର ଧ୍ଵନୀରେ ପ୍ରକମ୍ପିତ ହୋଇଥିଲା ଏବଂ ଭୋଜି ଭାତର ଆୟୋଜନ ମଧ୍ୟ ହୋଇଥିଲା।

ମୟୂରଭଞ୍ଜରେ 5T ସଚିବ, ବିକାଶ କାର୍ଯ୍ୟର କଲେ ଅନୁଧ୍ୟାନ

ମୟୂରଭଞ୍ଜ: ଦ୍ବିତୀୟ ଦିନରେ ମୟୂରଭଞ୍ଜରେ 5T ସଚିବଙ୍କ ମାରାଥନ ସମୀକ୍ଷା । ଗ୍ରାଉଣ୍ଡ ଜିରୋରେ ବିକାଶ କାର୍ଯ୍ୟର ଅନୁଧ୍ୟାନ କରୁଛନ୍ତି 5T ସଚିବ । ଆଜି ବାରିପଦା ମିଶନ ଶକ୍ତି କାଫେ ଯାଇ ମିଶନ ଶକ୍ତି ମା’ଙ୍କୁ ଭେଟିଥିଲେ । ଲୋକଙ୍କ ହାତରୁ ନେଉଛନ୍ତି ଦାବିପତ୍ର । ସମସ୍ୟାର ସମାଧାନ ପାଇଁ ଦେଉଛନ୍ତି ପ୍ରତିଶ୍ରୁତି ।

ମିଶନ ଶକ୍ତି ମା’ ମାନଙ୍କ ଦ୍ବାରା ପରିଚାଳିତ ଶକ୍ତି କାଫେରେ ସକାଳ ଜଳଖିଆ କରିଥିଲେ । ମା’ ମାନଙ୍କ ବିକାଶ ପାଇଁ ମୁଖ୍ୟମନ୍ତ୍ରୀ ବିଶେଷ ଧ୍ୟାନ ଦେଉଛନ୍ତି । ସେହି ଅନୁସାରେ ମା’ ମାନେ କଠିନ ପରିଶ୍ରମ କରି ଉତ୍ପାଦିତ ସାମଗ୍ରିର ମାନ ବୃଦ୍ଧି କରିବାକୁ ପରାମର୍ଶ ଦେଇଛନ୍ତି 5T ସଚିବ । ପରେ ସାରସକଣା, ବାରିପଦା, ମୋରଡ଼ା, ବଡ଼ସାହି ଓ ଉଦଳାରେ ଆୟୋଜିତ ଜନ ଅଭିଯୋଗ ଶୁଣାଣିରେ ଯୋଗଦେବେ 5T ସଚିବ ।

ଜଙ୍ଗଲରେ ଭୟଙ୍କର ଅଗ୍ନିକାଣ୍ଡ, ୬୭ ମୃତ

ଓ୍ବାସିଂଟନ: ଜଙ୍ଗଲରେ ଭୟଙ୍କର ଅଗ୍ନିକାଣ୍ଡ, ୬୭ ମୃତ । ନିଆଁରେ ଜଳିଗଲା ହଜାରେରୁ ଅଧିକ କୋଠା । ଆମେରିକାର ହାୱାଇ ଦ୍ୱୀପ ଜଙ୍ଗଲରେ ଭୟଙ୍କର ଅଗ୍ନିକାଣ୍ଡ ଘଟିଛି । ବର୍ତ୍ତମାନ ସୁଦ୍ଧା ୬୭ ଜଣଙ୍କ ଜୀବନ ଗଲାଣି । ନିଆଁରେ ହଜାରେରୁ ଅଧିକ ଘର ଜଳି ଯାଇଥିବା ବେଳେ, କୋଟି କୋଟି ଟଙ୍କାର ଆସବାବପତ୍ର ସହ ବହୁ କାର ପୋଡି ପାଉଁଶ ହୋଇଯାଇଛି । ନିଆଁ ବ୍ୟାପୁଥିବାରୁ ମୃତ୍ୟୁସଂଖ୍ୟା ଆହୁରି ବଢିବା ଆଶଙ୍କା କରାଯାଉଛି । ହେଲିକପ୍ଟର ସହାୟତାରେ ନିଆଁ ଲିଭାଇବା ପାଇଁ ଉଦ୍ୟମ ଜାରି ରହିଛି ।