ବେଙ୍ଗାଲୁରୁ: କର୍ଣ୍ଣାଟକ ରାଜଧାନୀ ବେଙ୍ଗାଲୁରୁରେ ଚାଞ୍ଚଲ୍ୟ । ଏଠାରେ ଏକ ଟେକ୍ କମ୍ପାନୀର ପୂର୍ବତନ କର୍ମଚାରୀ କମ୍ପାନୀର ମ୍ୟାନେଜିଂ ଡାଇରେକ୍ଟର ଏବଂ ସିଇଓଙ୍କୁ ଖଣ୍ଡାରେ ହାଣି ହତ୍ୟା କରିଛି । ପୋଲିସ କହିବା ଅନୁଯାୟୀ ଏମଡି ଓ ସିଇଓ ଅଫିସରେ ଥିବା ସମୟରେ ହିଁ ହତ୍ୟାକାଣ୍ଡ ଘଟିଛି । ପୂର୍ବତନ କର୍ମଚାରୀ ଅଫିସରେ ପସି ଦୁଇଜଣଙ୍କୁ ଖଣ୍ଡାରେ ହାଣିଦେଇଥିଲା । କିଛି ସମୟରେ ପରେ ଉଭୟଙ୍କୁ ଗୁରୁତର ଅବସ୍ଥାରେ ହସ୍ପିଟାଲ ନିଆଯାଇଥିଲା । ହେଲେ ଅଧା ବାଟରେ ହିଁ ଦୁହେଁ ମୃତ୍ୟୁବରଣ କରିଥିଲେ । ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ଅଭିଯୁକ୍ତ ମଧ୍ୟ ଟେକ୍ ସହ ସମ୍ବନ୍ଧିତ ବିଜନେସ୍ ଚଲାଉଥିଲା । ମୃତ୍ୟୁବରଣ କରିଥିବା ଦୁଇ ବ୍ୟକ୍ତି ତାର ବିଜନେସରେ ହସ୍ତକ୍ଷେପ କରୁଥିଲେ ।
ଏହି କାରଣରୁ ହତ୍ୟାକାଣ୍ଡ ହୋଇଥିବା ଅନୁମାନ କରାଯାଉଛି । କୁହାଯାଉଛି ଯେ ବେଙ୍ଗାଲୁରୁର ଟେକ୍ କମ୍ପାନୀ ଏୟରୋନିକ୍ସ ଇଣ୍ଟରନେଟ କମ୍ପାନୀର ଏମଡି ଏବଂ ସିଇଓ ଅଫିସରେ ଥିଲେ । ଏହି ସମୟରେ ଅଭିଯୁକ୍ତ ଅଫିସରେ ପଶି ମ୍ୟାନେଜିଂ ଡାଇରେକ୍ରଟର ଫଣିନ୍ଦ୍ର ସୁବ୍ରମଣ୍ୟମ ଏବଂ ସିଇଓ ଭିନୁ କୁମାରଙ୍କୁ ଖଣ୍ଡାରେ ଆକ୍ରମଣ କରିଥିଲା । ପୂର୍ବତନ କର୍ମଚାରୀ ଫେଲିକ୍ସ ଅଫିସ ଭିତରେ ପଶି ଦୁହିଁଙ୍କୁ ହାଣିଥିଲା । ଘଟଣା ପରେ ଅଫିସରେ ହୋହାଲ୍ଲା ସ୍ଥିତି ଦେଖା ଦେଇଥିଲା । ସଙ୍ଗେସଙ୍ଗେ ଉଭୟଙ୍କୁ ହସ୍ପିଟାଲ ନିଆଯାଇଥିଲା ହେଲେ ସେଠାରେ ପହଞ୍ଚିବା ପୂର୍ବରୁ ସେମାନଙ୍କ ମୃତ୍ୟୁ ହୋଇଯାଇଥିଲା । ପୋଲିସ ଘଟଣା ସ୍ଥଳରେ ପହଞ୍ଚି ଛାନଭିନ କରୁଛି । ସେହିପରି ଅଭିଯୁକ୍ତ ଫେଲିକ୍ସ ବର୍ତ୍ତମାନ ଫେରାର ଅଛି ।
