ଯଦି ଶରୀରରେ ପରିଲକ୍ଷିତ ହେଉଛି ଏମିତି ଲକ୍ଷଣ,ତେବେ ଜାଣନ୍ତୁ ଆପଣ ଆବଶ୍ୟକ କରନ୍ତି ଶୀଘ୍ର ସାହାଯ୍ୟ

ନୂଆଦିଲ୍ଲୀ: ସମଗ୍ର ବିଶ୍ୱରେ କରୋନା ଭାଇରସ୍ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଛି । ବୈଜ୍ଞାନିକମାନେ କହିଛନ୍ତି ଯେ ଭାଇରସର ସଂକ୍ରମଣ ଭାଙ୍ଗିବା ରୋକିବା ପାଇଁ ଅଧିକରୁ ଅଧିକ ପରୀକ୍ଷା ଆବଶ୍ୟକ । ଏହା ସମ୍ଭବ ସେତେବେଳେ ହେବ ଯେତେବେଳେ ଏହି ରୋଗର ଲକ୍ଷଣ ଶୀଘ୍ର ଦେଖାଯିବ କିନ୍ତୁ ଏହାର ଲକ୍ଷଣ ବିଳମ୍ବରେ ଦେଖାଦେଉଛି । ଏହାର ଲକ୍ଷଣ, ସାଧାରଣ ଥଣ୍ଡା ଏବଂ କରୋନା ଥଣ୍ଡା ସହିତ ଏତେ ସମାନ ଯେ ସେମାନଙ୍କୁ ଚିହ୍ନିବା କଷ୍ଟକର ହୋଇପଡ଼ୁଛି । ଆସନ୍ତୁ ଜାଣିବା କରୋନା ସମୟରେ ଶରୀରରେ କେଉଁ ପ୍ରମ୍ମୁଖ ଲକ୍ଷଣ ସବୁ ଦେଖାଯାଇଥାଏ । କେଉଁ ସବୁ ଲକ୍ଷଣ ଦେଖାଗଲେ ଆପଣ ଡାକ୍ତରଙ୍କ ସାହାଯ୍ୟ ନେବା ଆବଶ୍ୟ ହୋଇପଡ଼େ ।

• ଆମେରିକୀୟ ଅନୁସନ୍ଧାନକାରୀ ଏବଂ WHO ଦ୍ୱାରା ପ୍ରକାଶିତ ଏକ ରିପୋର୍ଟରେ ଦର୍ଶାଯାଇଛି ଯେ, କରୋନା ଭାଇରସ୍ ସଂକ୍ରମିତ ହେବା ପରେ ଜଣେ ବ୍ୟକ୍ତିଙ୍କ ଠାରେ ଶୁଖିଲା କାଶ ହେବା ଆରମ୍ଭ ହୋଇଥାଏ । ଯଦି ଆପଣଙ୍କର ଏପରି ସମସ୍ୟା ଅଛି ତେବେ ଆପଣ ନିଶ୍ଚିତ ଭାବରେ ଡାକ୍ତରଙ୍କ ନିକଟକୁ ଯିବା ଉଚିତ୍ ।

• ରୋଗୀମାନଙ୍କଠାରେ ଅତ୍ୟନ୍ତ ଥଣ୍ଡାରେ ନାକ ବନ୍ଦ ହୋଇଯିବା କିମ୍ବା ନାକରୁ ଅନବରତ ପାଣି ଆସିବା ଲକ୍ଷଣ ମଧ୍ୟ ଦେଖାଯାଏ । ତଥାପି, ନାକ ଅନବରତ ପାଣି ବାହାରିବା ସମସ୍ୟା କରୋନା ଭାଇରସର ଲକ୍ଷଣ ନୁହେଁ । ନାକରୁ ପାଣି ବାହାରିବା ସାଧାରଣ ଆଲର୍ଜି କିମ୍ବା ଥଣ୍ଡା ହେତୁ ଆରମ୍ଭ ହୁଇଥାଏ । WHO ରିପୋର୍ଟ ଅନୁଯାୟୀ, କୋଭିଡ -19 ରୋଗୀଙ୍କ ମଧ୍ୟରୁ ପାଞ୍ଚ ପ୍ରତିଶତରୁ କମ୍ ରୋଗୀ ଏହି ଲକ୍ଷଣଗୁଡିକ ଅନୁଭବ କରନ୍ତି।
• ରୋଗୀକୁ ଉଚ୍ଚ ଜ୍ୱର ହେବା ଆରମ୍ଭ ହୁଏ ଏବଂ ଶରୀରର ତାପମାତ୍ରା ବହୁତ ବଢିଯାଏ । ଏପର୍ଯ୍ୟନ୍ତ ଅନେକ ସ୍ୱାସ୍ଥ୍ୟ ବିଶେଷଜ୍ଞ କରୋନା ଭାଇରସରେ ଶରୀରରେ ତାପମାତ୍ରା ବଢିବା ନେଇ ଦାବି କରିଛନ୍ତି।

• କରୋନା ଭାଇରସର ମାମଲା ଆସିବା ପରେ ପ୍ରଥମ ୫ ଦିନରେ ବ୍ୟକ୍ତି ଜଣଙ୍କୁ ନିଶ୍ୱାସ ନେବାରେ ଅସୁବିଧା ହୋଇଥାଏ । ଏକ ରିପୋର୍ଟରେ କୁହାଯାଇଛି ଯେ ଫୁସଫୁସରେ କଫ ପଡ଼ିବା ହେତୁ ଶ୍ୱାସକ୍ରିୟାରେ ସମସ୍ୟା ଦେଖାଦେଇଥାଏ।
• ମାଂସପେଶୀ ଯନ୍ତ୍ରଣା କିମ୍ବା ଥଣ୍ଡା କରୋନା ଭାଇରସର ଲକ୍ଷଣ ହୋଇପାରେ । WHO ରିପୋର୍ଟ ଅନୁଯାୟୀ, ୧୧ ପ୍ରତିଶତ ଲୋକ ଏହି ଥଣ୍ଡା ଭଳି ଲକ୍ଷଣ ଅନୁଭବ କରିଛନ୍ତି ଏବଂ ୧୪ ପ୍ରତିଶତ ଲୋକଙ୍କର ମାଂସପେଶୀ ଯନ୍ତ୍ରଣା ହୋଇଥାଏ ।

• ଲୈଂସେଟ୍ ଜର୍ଣ୍ଣାଲରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଚାଇନାରେ କରୋନା ଭାଇରସ୍ ସଂକ୍ରମିତ ଲୋକଙ୍କ ମଧ୍ୟରୁ ମାତ୍ର ୩ ପ୍ରତିଶତ ଲୋକଙ୍କର ଡାଏରିଆର ଅଭିଯୋଗ ଥିଲା । ଏଥି ସହିତ WHO ରିପୋର୍ଟ ଅନୁଯାୟୀ ଚାଇନାରେ କରୋନା ଭାଇରସ୍ ସଂକ୍ରମିତ ରୋଗୀଙ୍କ ମଧ୍ୟରୁ ୫ ପ୍ରତିଶତ ଲୋକଙ୍କୁ ବାନ୍ତି ଲାଗୁଥିଲା।

• ଆମେରିକାର ୱାଶିଂଟନ୍ ନର୍ସିଂ ହୋମର ବର୍ତ୍ତମାନର ରିପୋର୍ଟ ଅନୁଯାୟୀ, ପ୍ରାୟ ଏକ ତୃତୀୟାଂଶ ଲୋକଙ୍କର କରୋନା ଭାଇରସ୍ ପରୀକ୍ଷା ସକରାତ୍ମକ ଥିଲା, କିନ୍ତୁ ଅର୍ଦ୍ଧେକ ଲୋକଙ୍କର କୌଣସି ଲକ୍ଷଣ ନଥିଲା। ଯେତେବେଳେ କି କେତେକ ରୋଗୀଙ୍କର ବ୍ୟସ୍ତତା ଏବଂ ଉଠିବା-ବସିବାରେ ଅସୁବିଧା ଭଳି ଅସ୍ୱାଭାବିକ ଲକ୍ଷଣ ଥିଲା ।
• କରୋନା ଭାଇରସରେ କିଛି ରୋଗୀଙ୍କ ମଧ୍ୟରେ ଛିଙ୍କିବା ଏବଂ ଗଳା ଯନ୍ତ୍ରଣା ଭଳି ସମସ୍ୟା ଦେଖାଦେଇଛି । ତଥାପି, ଛିଙ୍କିବା ଅର୍ଥ ନୁହେଁ ଯେ ଆପଣ ନିଜେ କରୋନାରେ ପୀଡିତ ଅଛନ୍ତି । ଆଲର୍ଜି କିମ୍ବା ଥଣ୍ଡା ହେତୁ ଛିଙ୍କିବା ଏବଂ ଗଳା ଯନ୍ତ୍ରଣା ମଧ୍ୟ ହୋଇଥାଏ ।

କେମିତି ହେବେ ସତର୍କ ?

ଯଦି ଆପଣ ଏହିପରି କିଛି ଅନୁଭବ କରୁଛନ୍ତି, ତେବେ ବର୍ତ୍ତମାନଠାରୁ ନିଜକୁ ଆଇସୋଲେସନରେ ରଖନ୍ତୁ । ବିଶ୍ରାମ କରନ୍ତୁ ଏବଂ ପ୍ରଚୁର ତରଳ ପଦାର୍ଥ ଭଳି ଖାଦ୍ୟ ଖାନ୍ତୁ। ଏବଂ ଏହି ଲକ୍ଷଣ ବିଷୟରେ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ ।