ଗତକାଲି ଥିଲା ବାହାଘରର ରିସେପସନ ତାରିଖ, ଏକଥା ଭାବି ଗୁମୁରୀ କାନ୍ଦୁଛି ଆକାଶ
ଭୁବନେଶ୍ୱର: ସରିଲା ରିମାଣ୍ଡ ଅବଧି । ଆଜି ଆକାଶ ପାଠକଙ୍କୁ କୋର୍ଟରେ ହାଜର କରିବ କ୍ରାଇମବ୍ରାଞ୍ଚ । ୫ ଦିନିଆ ରିମାଣ୍ଡରେ ନେଇ କ୍ରାଇମବ୍ରାଞ୍ଚ କରିଛି ଘନଘନ ଜେରା । ଜେରା ସମୟରେ ସାମ୍ନାକୁ ଆସିଛି ଟାଟା କମ୍ପାନୀରେ ମିଛ ନିଯୁକ୍ତିର ସତ ଜାଲିଆତି । ଶେଷ ଦିନରେ ଭାବି ଶ୍ୱଶୁର ପ୍ରଦୀପ ପାଣିଗ୍ରାହୀଙ୍କ ସହ ଫେସ୍ ଟୁ ଫେସ୍ ଜେରା କରିଛି ଟିମ୍ ।
ତେବେ ଗତକାଲି ସ୍ୱପ୍ନର ବାହାଘର ରିସେପସନ ତାରିଖ ଥିବାରୁ ସେକଥା ଭାବି ଗୁମୁରି କାନ୍ଦିଥିଲେ ଆକାଶ । ଡିସେମ୍ବର ୧୧ରେ ଥିଲା ବାହାଘର ତାରିଖ । ଆଉ ୧୫ ତାରିଖ ଥିଲା ରିସେପସେନ । ରାଜସ୍ଥାନ ଉଦୟପୁରର ତାଜ୍ ଲେକ୍ ପ୍ୟାଲେସ୍ ବୁକ୍ ହୋଇସାରିଥିଲା । କୋଟି କୋଟି ଟଙ୍କାର ବଜେଟ୍ ପ୍ରସ୍ତୁତ ହୋଇ ସାରିଥିଲା । ହେଲେ ଅଙ୍କ ସବୁ ବିଗିଡ଼ି ଯାଇଛି । ଏହାରି ଭିତରେ ପିଏସ ପିଟର, ପ୍ରଦୀପଙ୍କ ସହ ସାମ୍ନାସାମ୍ନି ଜେରା କରିଛି ସାଇବର ସେଲ୍। ବିଧାୟକ ପ୍ରଦୀପଙ୍କ ସହ ମିଶି କିଭଳି ଠକେଇର ଷଡଯନ୍ତ୍ର ରଚିଥିଲେ, ତାର ପ୍ରମାଣ ପାଇଛି କ୍ରାଇମବ୍ରାଞ୍ଚ ।
