ଭୁବନେଶ୍ୱର: ଲକ୍ଡାଉନ୍ ସମୟରେ ରାଜଧାନୀରେ କିଛି ଅତ୍ୟାବଶ୍ୟକ ଦୋକାନ ଖୋଲିବାକୁ ବିଏମ୍ସି ଅନୁମତି ଦେଇଛି । ତେବେ ଏହି ଅନୁମତି ପରେ ଲୋକଙ୍କର ଅନେକ ସନ୍ଦେହ ରହିଛି । କେଉଁ ଦୋକାନ ଖୋଲିବ ଆଉ କେଉଁ ଦୋକାନ ଖୋଲିବ ନାହିଁ ? ତେଣୁ ସୋସିଆଲ ମିଡିଆ ଯୋଗେ ଲୋକମାନେ ନିଜର ସନ୍ଦେହ ଦୂର କରିବାକୁ ବିଏମ୍ସିକୁ ଅନେକ ପ୍ରଶ୍ନ କରିଥିଲେ । ଆସନ୍ତୁ ଜାଣିବା କେଉଁ କେଉଁ ଦୋକାନ ଖୋଲିବ,କିଏ ଖୋଲିବ ନାହିଁ..
୧.ଆଦେଶ କେଉଁ ତାରିଖରୁ କାର୍ଯ୍ୟକାରୀ ହେବ ?
ଏହି ଆଦେଶଟି ଯେଉଁ ତାରିଖରେ ଇସ୍ୟୁ କରାଯାଇଛି, ଅର୍ଥାତ୍ ୨୮ ଏପ୍ରିଲ ୨୦୨୦ ରୁ କାର୍ଯ୍ୟକାରୀ ହେବ ।
୨. ଜିଏସ୍ଟି ପଞ୍ଜୀକରଣ ପତ୍ର ପାସ୍ ଭାବେ ବ୍ୟବହୃତ ହୋଇପାରିବ କି ?
ବିଏମସି ଦ୍ୱାରା ଜାରି ହୋଇଥିବା ବୈଧ ଟ୍ରେଡ୍ ଲାଇସେନ୍ସ ଏବଂ ଦୋକାନ/ବାଣିଜ୍ୟିକ ପ୍ରତିଷ୍ଠାନ ମାଲିକଙ୍କ ଦ୍ୱାରା ପ୍ରମାଣିତ ବୈଧ ପ୍ରମାଣ ପତ୍ରର ଏକ କପି ପାସ୍ ଭାବରେ ବ୍ୟବହାର କରାଯାଇପାରିବ । 
୩. ମୋବାଇଲ୍ ଦୋକାନ ଖୋଲି ବିକ୍ରି କରିବାକୁ ଅନୁମତି ରହିଛି କି ?
ଯଦି ମୋବାଇଲ୍ ବିକ୍ରୟ ଦୋକାନଟି ଗୋଟିକିଆ ଭାବେ ରହିଥିବ, ତେବେ ଦୋକାନ ଖୋଲି ବିକ୍ରୟ କରିବାକୁ ଅନୁମତି ରହିଛି । କିନ୍ତୁ ଯଦି ଦୋକାନଟି ମାର୍କେଟ ଉପରେ ରହିଥିବ ତେବେ ଖୋଲିବାକୁ ଅନୁମତି ନାହିଁ ।
୪.ପ୍ଲାଏ ଉଡ୍, ପେଣ୍ଟ, ହାର୍ଡଓୟାର୍ ଦୋକାନ ଖୋଲିବାକୁ ଅନୁମତି ରହିଛି କି ?
ହଁ, ଅନୁମତି ରହିଛି । କିନ୍ତୁ ଦୋକାନଟି ଗୋଟିକିଆ ହୋଇଥିବ, ମାର୍କେଟ କମ୍ପ୍ଲେକ୍ସ/ ମଲ୍ରେ ଅବସ୍ଥିତ ହୋଇନଥିବ ।
୫.ଦୁଇ ଏବଂ ଚାରି ଚକିଆ ଶୋ’ରୁମ୍ ଖୋଲିବାକୁ ଅନୁମତି ଦିଆଯାଇଛି କି ନାହିଁ ?
ଯଦି ଦୋକାନଟି ଗୋଟିକିଆ ହୋଇଥିବା ଏବଂ ମାର୍କେଟ କମ୍ପ୍ଲେକ୍ସ ବା ମଲରେ ନଥାଏ ତେବେ ଏହାକୁ ଖୋଲାଯାଇପାରିବ । ସାଧାରଣତଃ ଚାରି ଚକିଆ ଶୋ’ରୁମ୍ ଏକକ ବ୍ରାଣ୍ଡ ଅଧୀନରେ ଆସେ ତେଣୁ ତାହା ଖୋଲିବାକୁ ଅନୁମତି ନାହିଁ ।
୬. ପୋଷାକ ଦୋକାନ ଖୋଲିବା ପାଇଁ ଅନୁମତି ରହିଛି କି ?
ଯଦି ଦୋକାନଟି ଗୋଟିକିଆ ହୋଇଥିବ ଏବଂ କୌଣସି ମାର୍କେଟ କମ୍ପ୍ଲେକ୍ସ ବା ମଲରେ ନଥାଏ ତେବେ ଏହାକୁ ଖୋଲାଯାଇପାରିବ ।
୭. ଘରୋଇ କନ୍ଷ୍ଟ୍ରକ୍ସନ କାମ କରାଯିବା ପାଇଁ ଅନୁମତି ରହିଛି କି ?
ଯେଉଁ ସବୁ କନ୍ଷ୍ଟ୍ରକ୍ସନ୍ ସାଇଟ୍ରେ ପୂର୍ବରୁ ଶ୍ରମିକ ମାନେ ଅଛନ୍ତି ସେଠାରେ କାମ କରିବାକୁ ଅନୁମତି ରହିଛି । କିନ୍ତୁ କାମ ପାଇଁ ବାହାରୁ ଶ୍ରମିକଙ୍କୁ ଆଣିବାକୁ ଅନୁମତି ନାହିଁ ।
୮. ଫ୍ଲେକ୍ସ ପ୍ରିଣ୍ଟିଂ ଡିଜିଟାଲ ପ୍ରିଣ୍ଟିଂ ଦୋକନ ଖୋଲିବାକୁ ଅନୁମତି ରହିଛି କି ?
ଯଦି ଦୋକାନଟି ଗୋଟିକିଆ ହୋଇଥିବା ଏବଂ କୌଣସି ମାର୍କେଟ କମ୍ପ୍ଲେକ୍ସ ବା ମଲରେ ନଥାଏ ତେବେ ଏହାକୁ ଖୋଲାଯାଇପାରିବ ।
୯. ମାର୍ବଲ୍, ଟାଇଲ୍, ଗ୍ରାନାଇଟ୍ ଦୋକାନ୍ ଖୋଲିବା ପାଇଁ ଅନୁମତି ରହିଛି କି ?
ଯଦି ଦୋକାନଟି ଗୋଟିକିଆ ହୋଇଥିବା ଏବଂ କୌଣସି ମାର୍କେଟ କମ୍ପ୍ଲେକ୍ସ ବା ମଲରେ ନଥାଏ ତେବେ ଏହାକୁ ଖୋଲାଯାଇପାରିବ ।
୧୦. ସାଧାରଣ ବୀମା କମ୍ପାନୀ ଖୋଲିବାକୁ ଅନୁମତି ରହିଛି କି ?
ହଁ, କିନ୍ତୁ ୨୫ ପ୍ରତିଶତ ଷ୍ଟାଫ୍ କାମ କରିବେ ।
୧୧. ସୁନା, ରୂପା ଅଳଙ୍କାର ଦୋକାନ ଖୋଲା ରହିବ କି ?
ଯଦି ଦୋକାନଟି ଗୋଟିକିଆ ହୋଇଥିବା ଏବଂ କୌଣସି ମାର୍କେଟ କମ୍ପ୍ଲେକ୍ସ ବା ମଲରେ ନଥାଏ ତେବେ ଏହାକୁ ଖୋଲାଯାଇପାରିବ ।
୧୨. ଝରକା, କବାଟ୍, ଗ୍ଲାସ୍ ଦୋକାନ୍ ଖୋଲିପାରିବ କି ?
ଯଦି ଦୋକାନଟି ଗୋଟିକିଆ ହୋଇଥିବା ଏବଂ କୌଣସି ମାର୍କେଟ କମ୍ପ୍ଲେକ୍ସ ବା ମଲରେ ନଥାଏ ତେବେ ଏହାକୁ ଖୋଲାଯାଇପାରିବ ।
୧୩. ଯେଉଁ ମିଠା ଦୋକାନ କେବଳ ପାର୍ସଲ ଦିଅନ୍ତି ସେଗୁଡ଼ିକ ଖୋଲା ଯାଇପାରିବ କି ?
ହଁ, କିନ୍ତୁ କେବଳ ଆଉଟ୍ଲେଟ୍ ଭାବେ ବିକ୍ରି ପାଇଁ ।
୧୪, ଘରୋଇ ରୋଷେୟା, କମବାଲିଙ୍କୁ କାମ କରିବାକୁ ଅନୁମତି ରହିଛି କି ?
ହଁ, କିନ୍ତୁ ସଠିକ୍ ସ୍ୱଚ୍ଛତା ଏବଂ ପରିମଳ ବ୍ୟବସ୍ଥା ସହିତ, ସାମାଜିକ ଦୂରତା, ମାସ୍କ / ଗ୍ଲୋଭସ୍ ଇତ୍ୟାଦି ବ୍ୟବହାର କରିବା ସେମାନଙ୍କ ପାଇଁ ବାଧ୍ୟତାମୂଳକ । ସେମାନଙ୍କର ସ୍ୱାସ୍ଥ୍ୟାବସ୍ଥା ଉପରେ ପ୍ରତିଦିନ ନଜର ରଖାଯିବ । ଫ୍ଲୁ ପରି ଲକ୍ଷଣ ଦେଖାଗଲେ ସେମାନଙ୍କୁ ଘରେ ରହିବାକୁ ଏବଂ ଡାକ୍ତରଙ୍କୁ ଯୋଗାଯୋଗ କରିବାକୁ ପରାମର୍ଶ ଦିଆଯିବ
୧୫. ସାନିଟାରୀ ଦୋକାନ ଖୋଲାଯାଇପାରିବ କି?
ଯଦି ଦୋକାନଟି ଗୋଟିକିଆ ହୋଇଥିବା ଏବଂ କୌଣସି ମାର୍କେଟ କମ୍ପ୍ଲେକ୍ସ ବା ମଲରେ ନଥାଏ ତେବେ ଏହାକୁ ଖୋଲାଯାଇପାରିବ ।
୧୬. ଲିଫ୍ଟ ଏବଂ ଏସ୍କାଲେଟର ରକ୍ଷଣାବେକ୍ଷଣର ଅନୁମତି ରହିଛି କି ?
ଯେହେତୁ ୯୦% ରୁ ଅଧିକ ଫିଲ୍ଡ କର୍ମଚାରୀ, ଯେଉଁମାନେ ସାଧାରଣତଃ ଏକାଧିକ ସାଇଟ୍ରେ କାମ କରନ୍ତି । ସେମାନଙ୍କୁ ଅନୁମତି ରହିଛି କିନ୍ତୁ ସାମାଜିକ ଦୂରତା ନିୟମ, ପରିମଳ ଓ ସ୍ୱଚ୍ଛତା ରଖିବାକୁ ସେମାନେ ବାଧ୍ୟ ।
୧୭. କମ୍ପ୍ୟୁଟର, ଲାପଟପ୍ ଶୋ’ରୁମ୍ ଖୋଲାଯାଇପାରିବ କି?
ଯଦି ଦୋକାନଟି ଗୋଟିକିଆ ହୋଇଥିବା ଏବଂ କୌଣସି ମାର୍କେଟ କମ୍ପ୍ଲେକ୍ସ ବା ମଲରେ ନଥାଏ ତେବେ ଏହାକୁ ଖୋଲାଯାଇପାରିବ ।
୧୮.ମଦ ଦୋକାନ ବିଷୟରେ କିଛି ଉଲ୍ଲେଖ ନାହିଁ ? ଏନେଇ କିଛି ସ୍ପଷ୍ଟୀକରଣ ରହିଛି କି ?
ସରକାରୀ ନିର୍ଦ୍ଦେଶ ଅନୁଯାୟୀ ମଦ ବିକ୍ରୟ ସମ୍ପୂର୍ଣ୍ଣ ନିଷେଧ ।
୧୯୩୦ ପରେ ସର୍ବାଧିକ ବେକାରୀ 
