ପୁରୀ: କରୋନା କଟକଣାରେ ରହିଛି ରଥଯାତ୍ରା । ଆଉ ମାତ୍ର କିଛି ଦିନ ରଥଯାତ୍ରା ଥିବା ବେଳେ ରଥ ଟଣା ହେବ କି ନାହିଁ ସେନେଇ ଦ୍ୱନ୍ଦ୍ୱ ଛିଡ଼ୁନି । ସେପଟେ ରଥ ନିର୍ମାଣ ଶେଷ ପର୍ଯ୍ୟାୟରେ ପହଞ୍ଚିଲାଣି । ଯଦି ରଥ ଟଣା ହେବ ତେବେ କିଏ ରଥ ଠାଣିବା କେଉଁ ମାନେ ରଥ ଟାଣିବେ ସେନେଇ ଏପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ ।

ସେପଟେ ରଥଯାତ୍ରା ନେଇ ହାଇକୋର୍ଟଙ୍କ ରାୟ ପରେ ଶୁଦ୍ଧ ସୁଆର ନିଯୋଗ ଶ୍ରୀମନ୍ଦିର ପ୍ରଶାସନକୁ ରଥ ଟାଣିବା ପାଇଁ ସେବାୟତଙ୍କ ତାଲିକା ଦେଇଛି । ୫୦ ଜଣ ଶୁଦ୍ଧ ସୁଆର ନିଯୋଗ ସଦସ୍ୟ ରଥଟଣାରେ ନିୟୋଜିତ ହେବେ । ୬୦ବର୍ଷରୁ ଅଧିକ ଓ ୧୮ବର୍ଷରୁ କମ୍‌ ସଦସ୍ୟଙ୍କୁ ତାଲିକାରୁ ବାଦ୍‌ ଦିଆଯାଇଛି। ରଥକୁ ମେସିନ୍‌ ଟାଣିବା ପ୍ରସଙ୍ଗକୁ ବିରୋଧ କରାଯିବା ସହ ରଥକୁ ହାତୀ ଟାଣିବାକୁ ପ୍ରସ୍ତାବ ଦେଇଛି ନିଯୋଗ।

ରଥଯାତ୍ରା ନେଇ ମତ ରଖିଲେ ରାଜନୈତିକ ଦଳ, ସରକାରଙ୍କ ନିଷ୍ପତ୍ତିକୁ ଅପେକ୍ଷା

ନୀତିକାନ୍ତି ନେଇ ନୀତି ପ୍ରଶାସକଙ୍କ ସହ ନିଯୋଗ ଆଲୋଚନା କରିଛି । ଭୋର ୪ଟା କିମ୍ବା ୭ଟାରେ ପହଣ୍ଡି ହେବ । ସେଦିନ ଆଡ଼ପ ମଣ୍ଡପ ବିଜେ ନୀତି ହୋଇପାରିବ ନାହିଁ ବୋଲି ନିଯୋଗ ସମ୍ପାଦକ ପ୍ରେମାନନ୍ଦ ଦାସମହାପାତ୍ର କହିଛନ୍ତି। ଶୁଦ୍ଧ ସୁଆର ନିଯୋଗ ପରି ନିଜ ପକ୍ଷରୁ ରଥଯାତ୍ରାରେ ଯୋଗଦାନ ପାଇଁ ଅନ୍ୟ ନିଯୋଗ ମଧ୍ୟ ପ୍ରସ୍ତାବ ଦେବେ ।

ଭୁବନେଶ୍ୱର: ରାଜ୍ୟରେ ଆଜି ୧୮୬ ଜଣ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ୍‌ ପଜିଟିଭ ସଂଖ୍ୟା ୩ ହଜାର ୯୦୯କୁ ବୃଦ୍ଧି ପାଇଛି । ଆଜି କ୍ୱାରେଣ୍ଟାଇନ୍‌ କେନ୍ଦ୍ରରୁ ୧୭୧ ଓ ଲୋକାଲରୁ ୧୫ ଜଣ ପଜିଟିଭ୍‌ ଚିହ୍ନଟ ହୋଇଛନ୍ତି ।

ତେବେ ଆଜି ଖୋର୍ଦ୍ଧାରୁ ୨୧ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ସବୁଠାରୁ ବଡ଼ କଥା ହେଉଛି ସେଥି ମଧ୍ୟରୁ ଭୁବନେଶ୍ୱରରୁ ୧୬ କରୋନା ପଜିଟିଭ ।  ସେମାନଙ୍କ ମଧ୍ୟରୁ ହୋମ୍‌ କ୍ୱାରେଣ୍ଟାଇନ୍‌ରୁ ୧୪ ଓ ଲୋକାଲ କେସ୍‌ ୨ ଥିବା ଜଣା ପଡିଛି ।  ଆକ୍ରାନ୍ତଙ୍କ ମଧ୍ୟରୁ ୧୩ ଜଣ ପୁରୁଷ ଓ ୩ ଜଣ ମହିଳା ବୋଲି ଜଣା ପଡିଛି । ପଟିଆ ଶ୍ରୀବିହାରରୁ ଗୋଟିଏ ପରିବାରର ୩ ପଜିଟିଭ ଚିହ୍ନଟ ହୋଇଛନ୍ତି । ସେହିଭଳି ଜୟଦେବ ବିହାରରୁ ଗୋଟିଏ ପରିବାରର ୨ ପଜିଟିଭ ଚିହ୍ନଟ ହୋଇଛନ୍ତି ।

ରାଜ୍ୟରେ ଆଉ ୧୮୬ ଆକ୍ରାନ୍ତ ଚିହ୍ନଟ… ରାଜ୍ୟରେ ମୋଟ ୩ ହଜାର ୯୦୯ ସଂକ୍ରମିତ

ଶାସ୍ତ୍ରୀ ନଗର ୟୁନିଟ-୪ରୁ ଗୋଟିଏ ପରିବାରର କୋଲକାତା ଫେରନ୍ତା ୨ ଜଣ ଚିହ୍ନଟ ହୋଇଥିବାବେଳେ ଡୁମୁଡୁମାରୁ ଜଣେ ପୁନେ ଫେରନ୍ତା ପଜିଟିଭ ଚିହ୍ନଟ ହୋଇଛନ୍ତି ।  ଅପରପକ୍ଷରେ କଳିଙ୍ଗ ବିହାରରୁ ଓମାନ୍‌ ଫେରନ୍ତା ଓ ସତ୍ୟ ନଗରରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି । ସେହିଭଳି ନୟାପଲ୍ଲୀ, ରସୁଲଗଡ, ଯଦୁପୁର, ମଧ୍ୟ ଜଣେ ଲେଖାଏଁ କରୋନା ଆକ୍ରାନ୍ତ ହୋଇଛନ୍ତି । ୟୁନିଟ-୩ ମସଜିଦ୍‌ କଲୋନୀରୁ ଜଣେ ୬୦ ବର୍ଷର ବୃଦ୍ଧା ଚିହ୍ନଟ ହୋଇଥିବା ବେଳେ ୨ ଲୋକାଲ କେସ୍‌ ମଧ୍ୟରୁ ଗୋଟିଏ ପଳାଶୁଣି କପିଳେଶ୍ୱର ବିହାରର ବୋଲି ଜଣା ପଡିଛି ।

ଭୁବନେଶ୍ୱର: ଦେଶ ସହ ତାଳ ମେଳାଇ ରାଜ୍ୟରେ କରୋନା ଗ୍ରାଫ୍ ଉପର ମୁହାଁ । ଦିନକୁ ଦିନ ବଢ଼ିବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ଗତ କାଲି ଦୁଇ ଶହ ଟପିଥିଲା ସଂକ୍ରମିତଙ୍କ ସଂଖ୍ୟା । ତେବେ ୨୪ ଘଣ୍ଟାରେ ୧୮୬ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହାସହ ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୩୯୦୯ରେ ପହଞ୍ଚିଛି । ୧୮୬ ଜଣ ସଂକ୍ରମିତଙ୍କ ମଧ୍ୟରୁ କ୍ୱାରେଣ୍ଟାଇନ ସେଣ୍ଟରରୁ ୧୭୧ ଜଣ ଚିହ୍ନଟ ହୋଇଥିବା ବେଳେ ୧୫ ଜଣ ସ୍ଥାନୀୟ ସଂକ୍ରମିତ ହୋଇଛନ୍ତି ।

୨୪ ଘଣ୍ଟାରେ ସର୍ବାଧିକ ଖୋର୍ଦ୍ଧାରୁ ଚିହ୍ନଟ ହୋଇଛନ୍ତି । ଖୋର୍ଦ୍ଧାରେ ୨୧ଜଣ ଚିହ୍ନଟ ହେବା ସହ ଝାରସୁଗୁଡାରୁ ୨, କେନ୍ଦୁଝରରୁ ୧୧, ଯାଜପୁର ୧୨, ମାଲକାନଗିରିରୁ ୧,  କଟକରୁ ୧୨, ଜଗତସିଂହପୁରରୁ ୧୧, ଅନୁଗୁଳରୁ ୧, ଝେଙ୍କନାଳରୁ ୨, ଭଦ୍ରକରୁ ୧, ଗଜପତିରୁ ୧୫, ବରଗଡରୁ ୧୬ କଳାହାଣ୍ଡିରୁ ୧୬, କନ୍ଧମାଳରୁ ୨୨, ଗଞ୍ଜାମରୁ ୪, ପୁରୀରୁ ୨, ସୁନ୍ଦରଗଡରୁ ୩, ବଲାଙ୍ଗିରରୁ ୨, ମୟୁରଭଞ୍ଜରୁ ୧୩, କେନ୍ଦ୍ରପଡାରୁ ୧ ଚିହ୍ନଟ ହୋଇଛନ୍ତି ।

ଏହାସହ ଆଜି ଗଞ୍ଜାମର ଜଣେ ୫୦ ବର୍ଷିୟ ବ୍ୟକ୍ତିଙ୍କର ମୃତ୍ୟୁ ହୋଇଛି । ଫଳରେ ୧୧ ରେ ପହଞ୍ଚିଛି କରୋନା ମୃତ୍ୟୁ ସଂଖ୍ୟା । ରାଜ୍ୟରେ ଏବେ ମୋଟ କରୋନା ସଂକ୍ରମଣ ସଂଖ୍ୟା ୩୯୦୯ରେ ପହଞ୍ଚିଛି । ସେଥି ମଧ୍ୟରୁ ୨୫୯୪ ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ଏବେ ରାଜ୍ୟରେ ୧୩୦୧ ଜଣ ସକ୍ରିୟ ରହିଥିବା ବେଳେ ୧୧ ଜଣଙ୍କର ମୃତ୍ୟୁ ହୋଇଛି ।