ବ୍ରାଉନ୍ ସୁଗର କାରବାରକୁ ନେଇ ଗୁଳିମାଡ଼ରେ ଯୁବକ ମୃତ !

ଭୁବନେଶ୍ୱର: ରଜରେ ଫୁଟିଲା ଗୁଳି। ଗୁଳିମାଡ଼ରେ ଜଣେ ଯୁବକଙ୍କ ମୃତ୍ୟୁ ହୋଇଛି । ଘଟଣା ଘଟିଛି ଖୋର୍ଦ୍ଧା ସଦର ଥାନା ଦଧିମାଛଗାଡ଼ିଆର ଆଦିବାସୀ ସାହିରେ । ମୃତକ ଜଣକ ହେଲେ ଲାଲ ପ୍ରଧାନ । ବ୍ରାଉନସୁଗାର କାରବାରକୁ ନେଇ ହତ୍ୟାକାଣ୍ଡ ଘଟିଥିବା ସନ୍ଦେହ କରାଯାଉଛି । ଅନ୍ୟପଟେ ଅଭିଯୁକ୍ତ ଜଣକ ପାଟଣାସାହି ରାଜା ଦଳେଇ ବୋଲି ପୋଲିସ କହିଛି । ସେପଟେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ବ୍ୟବସାୟୀକ ସତୃତା ନେଇ ହତ୍ୟା କରାଯାଇଥିବା ସନ୍ଦେହ କରାଯାଉଛି  । ମୃତ ବ୍ୟକ୍ତିଙ୍କ ନାମରେ ରଧ୍ୟ ପୂର୍ବରୁ ଅନେକ ମାମଲା ରହିଛି  । ବିଭିନ୍ନ ମାଦକ ଦ୍ରବ୍ୟ କାରାବାରରେ ସେ ଲିପ୍ତ ଥିବା ସୂଚନା ରହିଛି ।

https://youtu.be/LWGGVwbQxbY

ସୂଚନା ଅନୁଯାୟୀ, ବ୍ରାଉନ ସୁଗାର ବ୍ୟବସାୟୀଙ୍କୁ ଆଜି ସକାଳୁ ସକାଳୁ ଗୁଳି କରି ହତ୍ୟା କରାଯାଇଛି । ସକାଳୁ ସକାଳୁ ମାନ ପ୍ରଧାନ ଛିଡ଼ା ହୋଇଥିବା ବେଳେ ୨ ଜଣ ଦୁର୍ବୃତ୍ତ ଆସି ତାଙ୍କୁ ଗୁଳି କରିଥିଲେ । ସ୍ଥାନୀୟ ଲୋକଙ୍କ କହିବା ଅନୁଯାୟୀ ଦୁର୍ବୃତ୍ତ ମାନେ ୪ ରୁ ୫ ରାଉଣ୍ଡ ଗୁଳି ମାନ ମୁଣ୍ଡକୁ ମାରିଥିଲେ । ଦୁର୍ବୃତ୍ତଙ୍କୁ ଧରିବାକୁ ଗଲା ବେଳକୁ ଖସି ପଳାଇଥିଲେ  । ସେପଟେ ଘଟଣା ସ୍ଥଳରେ ଏକ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି । ଘଟଣା ସ୍ଥଳରେ ଏସ୍‌ଡିପିଓ, ଟାଉନ ଥାନା ଆଇଆଇସି, ସଦର ଥାନା ଆଇଆଇସି ଉପସ୍ଥିତ ରହିଛନ୍ତି । ସାଇଣ୍ଟିଫିକ ଟିମ ପହଞ୍ଚି ତାର ତଦନ୍ତ ଚଳାଇଛି ।