ନୂଆଦିଲ୍ଲୀ: ମୁକେଶ ଅମ୍ବାନୀଙ୍କ ନେତୃତ୍ତ୍ୱରେ ଥିବା ରିଲାଏନ୍ସ ଗ୍ରୁପର ରିଟେଲ କାରବାରରେ ବହୁରାଷ୍ଟ୍ରୀୟ ଇ- କମର୍ସ କମ୍ପାନୀ ଆମାଜନ ୧.୫ ଲକ୍ଷ କୋଟି ଟଙ୍କା ନିବେଶ କରିପାରେ । ସୂଚନା ଅନୁଯାୟୀ, ରିଲାଏନ୍ସ ନିଜର ରିଟେଲ ବିଜନେସରେ ଆମାଜନକୁ ୪୦ ପ୍ରତିଶତ ପର୍ଯ୍ୟନ୍ତ ଅଂଶଧନ ବିକ୍ରୟ କରିବାକୁ ଚାହୁଁଛି ।
ରିଲାଏନ୍ସ ରିଟେଲ ଭେନଞ୍ଚର୍ସ ଲିମିଟେଡ ସହିତ ଆମାଜନର ଏହି ଡିଲ୍ ଯଦି ସଫଳ ହେବ ତାହେଲା ନା କେବଳ ଭାରତରେ ରିଟେଲର ଏକ ମହାରଥି ଛିଡ଼ା ହୋଇଯିବ ବରଂ ଏହା ଦ୍ୱାରା ବିଶ୍ୱର ସବୁଠୁ ଧନୀ ଜେଫ ବୋଜୋସ ଏବଂ ଏସିଆର ସବୁଠୁ ଧନୀ ମୁକେଶ ଅମ୍ବାନୀଙ୍କ ମଧ୍ୟରେ ବଢ଼ୁଥିବା ଭାରତୀୟ ଉପଭୋକ୍ତା ବଜାରରେ ସହଯୋଗର ରାସ୍ତା ଖୋଲିବ । ଏହା ଆମାଜନ ପାଇଁ ସବୁଠୁ ବଡ଼ ଡିଲ ସାବ୍ୟସ୍ତ ହୋଇପାରେ ।
ରିଲାଏନ୍ସର ସେୟାର ଅଲ ଟାଇମ ହାଇ
ରିଲାଏନ୍ସ ଇଣ୍ଡଷ୍ଟ୍ରିର ସେୟାର ଲଗାତାର ଚତୁର୍ଥ ଦିନରେ ବୃଦ୍ଧି ପାଇ ଅଲ ଟାଇମ ହାଇ ୨,୨୧୮ ଟଙ୍କା ସ୍ତରରେ ପହଞ୍ଚି ଯାଇଛି । ଆମେରିକା କମ୍ପାନୀ ସିଲଭର ଲେକ୍ ପାର୍ଟନର୍ସ ରିଲାଏନ୍ସ ରିଟେଲରେ ୭୫୦୦ କୋଟି ଟଙ୍କା ନିବେଶ କରିବାକୁ ମନ ବଳାଇଛନ୍ତି । ଏହା ସହିତ ବିଏସଇରେ ରିଲାଏନ୍ସର ମାର୍କଟ କ୍ୟାମ୍ପ ବଢ଼ି ୧୪.୦୭ ଲକ୍ଷ କୋଟି ପର୍ଯ୍ୟନ୍ତ ପହଞ୍ଚିଯାଇଛି ।
ସିଲଭର ଲେକ ପାର୍ଟନର୍ସ ରିଟେଲରେ ବାଜି ଲଗାଇଛନ୍ତି
ସୂଚନା ଅନୁଯାୟୀ, ଏହା ପୂର୍ବରୁ ରିଲାଏନ୍ସର ଜିଓ ପ୍ଲାଟଫର୍ମରେ ନିବେଶ ପରେ ସିଲଭର ଲେକ୍ ପାର୍ଟନର୍ସ ରିକେଲରେ ବାଜି ଲଗାଇଛନ୍ତି । ଦୁନିଆର ସବୁଠୁ ବଡ଼ ଟେକ୍ ଇନଭେଷ୍ଟମେଣ୍ଟ କମ୍ପାନୀ ସୁଲଭର କେଲ ୭୫୦୦ କୋଟି ଟଙ୍କାର ନିବେଶ କରିବ । ଏହା ବଦଳରେ କମ୍ପାନୀ ରିଲାଏନ୍ସ ରିଟେଲ ୧.୭୫ ପ୍ରତିଶତ ଅଂଶୀଦାର ମିଳିବ । ଏଥି ପାଇଁ ରିଲାଏନ୍ସ ରିଟେଲର ମୁଲ୍ୟାଙ୍କନ ୪,୨୧ ଲକ୍ଷ କୋଟି ଲଗାଯାଇଛି । ସୂଚନା ଅନୁଯାୟୀ ସିଲଭର ଲେକ୍ ହିଁ ରିଲାଏନ୍ସର ଜିଓ ପ୍ଲାଟଫର୍ମରେ ପ୍ରାୟ ୧୦ ହଜାର କୋଟି ଟଙ୍କା ଅଂଶୀଦାର କିଣିଛି ।
ଫେସବୁକ୍-କେକେଆର୍ ମଧ୍ୟ ଏହି ରେସରେ ଅଛନ୍ତି
ଆମେରିକାର ଇକ୍ୱିଟି ଫାର୍ମ କେକେଆର୍ ଏବଂ ସୋସିଆଲ୍ ସାଇଟ୍ ଫେସବୁକ୍ ମଧ୍ୟ ରିଲାଏନ୍ସ ରିଟେଲରେ ବିନିଯୋଗ କରିବାକୁ ପ୍ରସ୍ତୁତ ହେଉଛି। କୁହାଯାଉଛି ଯେ, ଫ୍ୟୁଚର ଗ୍ରୁପର ଖୁଚୁରା ବ୍ୟବସାୟ ହାସଲ କରିବା ପରେ ଆମେରିକୀୟ କମ୍ପାନୀଗୁଡିକ ରିଲାଏନ୍ସ ରିଟେଲରେ ବିନିଯୋଗ କରିବେ। ବାସ୍ତବରେ, ରିଲାଏନ୍ସ ଇଣ୍ଡଷ୍ଟ୍ରିଜ୍ ର ଏକ ସହାୟକ କମ୍ପାନୀ ରିଲାଏନ୍ସ ରିଟେଲ ଭେଞ୍ଚର୍ସ ଲିମିଟେଡ୍ (RRVL) ଫ୍ୟୁଚର ଗ୍ରୁପ୍ ର ଖୁଚୁରା ଏବଂ ହୋଲସେଲ ବ୍ୟବସାୟ ଏବଂ ଲଜିଷ୍ଟିକ୍ସ ଏବଂ ଗୋଦାମ ବ୍ୟବସାୟ ହାସଲ କରିବାକୁ ଯାଉଛି |
