ଭୁବନେଶ୍ୱର : ୪୬୪.୭୨କୋଟି ଟଙ୍କାର ପ୍ରକଳ୍ପକୁ ରାଜ୍ୟ ସରକାର ମଙ୍ଗଳବାର ଅନୁମୋଦନ କରିଛନ୍ତି । ସର୍ବମୋଟ ୪ପ୍ରକଳ୍ପକୁ ଅନୁମୋଦନ କରିଛି ସିଙ୍ଗଲ ଓ୍ୱଣ୍ଡୋ କ୍ଲିୟରାନ୍ସ ଅଥରିଟି । ଏହି ସମସ୍ତ ୪ ପ୍ରକଳ୍ପ କାର୍ଯ୍ୟକାରୀ ହେଲେ ପ୍ରାୟ ୮୭୩ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହେବ ବୋଲି କୁହାଯାଉଛି । ଓଡ଼ିଶା ସରକାରଙ୍କ ମୁଖ୍ୟଶାସନ ସଚିବ ଅସିତ କୁମାର ତ୍ରିପାଠୀଙ୍କ ଅଧ୍ୟକ୍ଷତାରେ SLSWCA ଅନୁଷ୍ଠିତ ହୋଇଥିଲା । ଅନୁମୋଦିତ ହୋଇଥିବା ପ୍ରକଳ୍ପଗୁଡିକ ମଧ୍ୟରେ ଧାତୁ ଓ ଆନୁସଙ୍ଗିକ ଶିଳ୍ପ ଏବଂ ଖାଦ୍ୟ ପ୍ରକ୍ରିୟାକରଣ ଇତ୍ୟାଦି ରହିଛି । ଖୋର୍ଦ୍ଧା ଜିଲାର ମଳିପଡ଼ାରେ ୯୩କୋଟିର ଫାଇବରବୋର୍ଡ ଶିଳ୍ପକୁ ମଞ୍ଜୁରୀ ଦିଆଯାଇଛି । ସେହିପରି ୭୨ହଜାର କ୍ୟୁବିକ ମିଟରର ନିର୍ମାଣ ଶିଳ୍ପରେ ୩୧୦ଜଣଙ୍କୁ ମିଳିବ ନିଯୁକ୍ତି । ଖୋର୍ଦ୍ଧା ଓ ନୟାଗଡ଼ରେ ଇଥାନଲ ପାଓ୍ୱାର ପ୍ଲାଣ୍ଟକୁ ମଞ୍ଜୁରୀ । ନିବେଶ ହେବ ୧୫୧.୭୨କୋଟି ଟଙ୍କା, ଏଥିରେ ୩୦୦ ଲୋକ ରୋଜଗାର ପାଇବେ ବୋଲି ଜଣାପଡିଛି ।ସେହିପରି ସୁନ୍ଦରଗଡ଼ ଲାଠିକଟାରେ ପ୍ଲେଟ ପ୍ଲାଣ୍ଟରେ ୧୯୫ ଜଣ ନିଯୁକ୍ତି ପାଇବେ ।ଲାଠିକଟାରେ ଅନ୍ୟ ଏକ ପ୍ଲେଟ ପ୍ଲାଣ୍ଟ ପାଇଁ ଶହେ କୋଟି ନିବେଶ କରାଯିବ । ଏହି ପ୍ଲେଟ ପ୍ଲାଣ୍ଟ ହେଲେ ୬୮ରୁ ଅଧିକ ନିଯୁକ୍ତି ପାଇବେ ବୋଲି ଜଣାପଡିଛି ।
କର୍ମଚାରୀଙ୍କ ଦରମା ବାକି ରଖିଛି ଓରଟେଲ୍, ୨ ବର୍ଷ ହେଲା ଶ୍ରମ ବିଭାଗକୁ ଦୌଡି ଦୌଡି ନିରାଶ…
୨୦୧୬ ମଇ ମାସରୁ ୨୦୧୮ ଜୁଲାଇ ମଧ୍ୟରେ ଓରଟେଲ କମ୍ୟୁନିକେସନରେ କାମ କରୁଥିବା ୧୭ କର୍ମଚାରୀଙ୍କୁ ୭-୮ ମାସର ଦରମା ମିଳିନି । ଏନେଇ ୨୦୧୮ ଅକ୍ଟୋବର ୩୦ରେ ଶ୍ରମ ବିଭାଗ ନିକଟରେ କର୍ମଚାରୀମାନେ ଫେରାଦ ମଧ୍ୟ ହୋଇଥିଲେ ।
ହେଲେ ଅଭିଯୋଗକୁ ୨ ବର୍ଷ ପୂରିଥିଲେ ମଧ୍ୟ ଦାବି ପୂରଣ ହୋଇ ପାରିନାହିଁ । ବାଧ୍ୟ ହୋଇ କର୍ମଚାରୀମାନେ ରାଉରକେଲା ଡିଭିଜନାଲ ଲେବର କମିଶନରଙ୍କୁ ଭେଟି ଆବଶ୍ୟକୀୟ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି କର୍ମଚାରୀମାନେ ।
ତେବେ ୨୦୧୮ ନଭେମ୍ୱର ୩ରେ କର୍ମଚାରୀଙ୍କର ଅଭିଯୋଗ ଆଧାରରେ ଶ୍ରମ ବିଭାଗ ଓରଟେଲ୍ କମ୍ୟୁନିକେସନ ଲିମିଟେଡକୁ ନୋଟିସ କରିଥିଲା । ଘଟଣା ଉପରେ ନଜର ଦେବା ସହ ଦାବି ସମ୍ପର୍କିତ ଆଲୋଚନା କରିବା ପାଇଁ ମଧ୍ୟ କୁହାଯାଇଥିଲା ।
ମାତ୍ର ନୋଟିସ ସତ୍ତ୍ୱେ ମଧ୍ୟ ଓରଟେଲ୍ କର୍ମଚାରୀଙ୍କ ଟଙ୍କା ଦେଇନଥିଲା । ଏବେ ପୁଣି ଥରେ ରାଉରକେଲା ଶ୍ରମ କମିଶନ ସଂସ୍ଥା ନୋଟିସ କରିବେ ବୋଲି କହିଛନ୍ତି । ଉଲ୍ଲେଖଯୋଗ୍ୟ ଯେ କେବଳ ରାଉରକେଲା ନୁହେଁ, ରାଜ୍ୟ ଅନେକ ସ୍ଥାନରେ ଓରଟେଲ କର୍ମଚାରୀମାନଙ୍କୁ ଦରମା ପଇଠ କରାନଯିବାର ଅଭିଯୋଗ ସାମ୍ନାକୁ ଆସୁଛି ।
ସ୍ୱାମୀକୁ ବେଡ୍ ରୁମରେ ତାଲା ଦେଇ ୭ ମହଲାରୁ ଡ଼େଇଁଲା ସ୍ତ୍ରୀ, ମାତ୍ର ୩୯ ଦିନ ହେଲା ହୋଇଥିଲା ବାହାଘର
ଛତିଶଗଡ଼: ସ୍ୱାମୀଙ୍କୁ ଶୋଇବା ଘରେ ତାଲା ପକାଇ ଛାତରୁ ଡ଼େଇଁଲା ସ୍ତ୍ରୀ । ମାତ୍ର ୩୯ ଦିନର ଭାହାଘର ପରେ ଏଭଳି ମାରତ୍ମକ ନିଷ୍ପତ୍ତି ନେଲା ସ୍ତ୍ରୀ । ଘର ବାହାରକୁ ଯାଇ ୭ମ ମହଲାକୁ ଯାଇ କଲେ ଆତ୍ମହତ୍ୟା । ବ୍ଲାମେଲିଂର ଫୋନ କଲ ଆସୁଥିବାରୁ ମହିଳା ଜଣଙ୍କ ଆତ୍ମହତ୍ୟା କରିଥିବା ଜଣାପଡ଼ିଛି । ଏଭଳି ଏକ ଆଶ୍ଚର୍ଯ୍ୟ କଲାଭଳି ଘଟଣା ଛତିଶଗଡ଼ର ଦୁର୍ଗ ଜିଲ୍ଲାରେ ଘଟିଛି । ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହକୁ ଉଦ୍ଧାର କରି ଶବ ବ୍ୟବଛେଦ ପାଇଁ ପଠାଇଛି । ପୋଲିସ ମୃତ ମହିଳାଙ୍କର ସ୍ୱାମୀଙ୍କୁ ଅଟକ ରଖି ପଚରାଉଚରା ଚଳାଇଛି ।
ସୂଚନା ଅନୁଯାୟୀ, ଛତିଶଗଡର ଦୁର୍ଗ ଜିଲ୍ଲାର ପଦ୍ମନାଭପୁର ଅଞ୍ଚଳର ଆନନ୍ଦ ବିହାର କଲୋନୀରେ ରବିବାର ରାତି ପ୍ରାୟ ୧୦:୩୦ ସମୟରେ ମହିଳା ନର୍ସ ପ୍ରୀତି ଦେୱାନଙ୍ଗଙ୍କ ମୃତଦେହ କୋଠା ପଛପଟେ ପଡ଼ିଥିବାର ଦେଖିବାକୁ ମିଳିଥିଲା । ପ୍ରୀତି ବିଲଡିଂର ସପ୍ତମ ମହଲାରୁ ତାଙ୍କ ସ୍ୱାମୀ ମହେନ୍ଦ୍ର ଦେୱାନଙ୍ଗଙ୍କୁ ଶୋଇବା ଘରେ ତାଲା ପକାଇ ଡ଼େଇଁ ପଡ଼ିଥିବା ପୋଲିସକୁ କହିଛନ୍ତି ।
ସ୍ୱାମୀ ମହେନ୍ଦ୍ର ଦେୱାନ ପୋଲିସକୁ କହିଛନ୍ତି ଯେ ରାତି ପ୍ରାୟ ୯.୩୦ ସମୟରେ ଦୁହେଁ ଏକାଠି ରାତ୍ରୀ ଭୋଜନ କରିଥିଲେ । ରାତ୍ରୀ ଭୋଜନ ପରେ ସେ ଶୋଇବା ଘରେ ଶୋଇବାକୁ ଯାଇଥିଲେ । କିନ୍ତୁ ସ୍ତ୍ରୀ ବେଡ଼ରୁ ଉଠି ହଠାତ କବାଟକୁ ବନ୍ଦକରି ବାହାରକୁ ଚାଲିଯାଇଥିଲେ । ଯେତେ ଡ଼ାକିଲେବି କବାଟକୁ ଖୋଲିନଥିଲେ ।
ପରେ ସ୍ୱାମୀ ପଡୋଶୀଙ୍କୁ ଡାକି କବାଟ ଖୋଲିବା ପରେ ସେ ପ୍ରୀତିଙ୍କୁ ଖୋଜିବା ପାଇଁ ଟେରାସକୁ ଯାଇଥିଲେ । ଅଧିକ ପଚରା ଉଚରା ପରେ ବିଲ୍ଡିଂର ପଛପଟେ ପ୍ରୀତିଙ୍କ ମୃତଦେହ ପଡ଼ିଥିବା ଜଣାପଡ଼ିଥିଲା । ଘଟଣାସ୍ଥଳରେ ଦେଖିବା ପରେ ପ୍ରୀତି ରକ୍ତାକ୍ତ ଅବସ୍ଥାରେ ଥିଲେ । ଆହତ ଅବସ୍ଥାରେ ତାଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିଲା କିନ୍ତୁ ଡାକ୍ତରମାନେ ପ୍ରୀତିଙ୍କ ମୃତ୍ୟୁ ହୋଇଥିଲା ।
ସେପଟେ ସ୍ୱାମୀ ମହେନ୍ଦ୍ର ପୋଲିସକୁ କହିଛନ୍ତି ଯେ ଗତ କିଛି ଦିନରୁ ପ୍ରୀତିଙ୍କୁ ବ୍ଲାକମେଲ କଲ ଆସୁଥିଲା । ଯାହାକୁ ନେଇ ବର୍ତ୍ତମାନ ପୋଲିସ ଏହି ମାମଲାର ତଦନ୍ତ କରୁଛି ।
ଜମି ଜାଲିଆତିର କେତେ କାହାଣୀ, ପଟିଆରୁ ଅସ୍ତରଙ୍ଗ ହେରଫେରର ଲମ୍ବା ତାଲିକା
ଭୁବନେଶ୍ୱର : ଖଜୁରୀ ଗଛର କି ଗୁଣ ଗାଇବି । ସେ ତ ମୂଳରୁ ପାହାଚ ପାହାଚ । ଓଡ଼ିଆରେ ବହୁଳ ଭାବେ ବ୍ୟବହୃତ ଏହି ଋଢି ପ୍ରୟୋଗ ଓଟିଭି କର୍ତ୍ତୃପକ୍ଷଙ୍କ ପାଇଁ ପ୍ରଯୁଜ୍ୟ । ଆଳୁ ଖୋଲୁ ଖୋଳୁ ମହାଦେବ ପରି ପଦାକୁ ଆସୁଛି ଓଟିଭିର ଗୋଟିଏ ପରେ ଗୋଟିଏ ଜମି କେଳେଙ୍କାରୀ । କେତେବେଳେ ଏକାମ୍ରକ୍ଷେତ୍ରରେ ଜମି ଜାଲିଆତି ତ କେତେବେଳେ ପୂଣ୍ୟଭୂମି ଶ୍ରୀକ୍ଷେତ୍ରରେ । ସତେ ଯେମିତି ଚଞ୍ଚକତାର ସବୁ ସୀମା ପାର କରି କେତେବେଳେ ଦଳିତଙ୍କର ତ ଆଉ କେତେବେଳେ ସରକାରୀ ଜମିକୁ ହଡପ କରିଥିଲେ ପଣ୍ଡା ଦମ୍ପତି । ସାରୁଅ ପରେ ରାଜଧାନୀରେ ଆଉ ଏବେ ଅସ୍ତରଙ୍ଗର ମଧ୍ୟ ହୋଇଛି ଜମି କେଳେଙ୍କାରୀ ।
ନିଜ କର୍ମଚାରୀଙ୍କୁ ବ୍ୟବହାର କରି ସେମାନଙ୍କ ପ୍ରତି ହୋଇଛି ବିଶ୍ୱାସଘାତକତା । ନିରୀହ କର୍ମଚାରୀ ଏବେ ଜେଲରେ, ହେଲେ ଗଣମାଧ୍ୟମକୁ ଢାଲ କରି ଖସିବାକୁ ଅପଚେଷ୍ଟା ଚଳାଇଛନ୍ତି ମାଲିକ । ସେପଟେ ରାଜଧାନୀର ଛାତି ଉପରେ ପଟିଆରେ ନିର୍ମାଣ ହୋଇଥିବା ଓଟିଭି କାର୍ଯ୍ୟାଳୟ ଜମିରେ ମଧ୍ୟ ହୋଇଛି ଜବରଦଖଲ । ମିଳିତ ସର୍ଭେରେ ଏସବୁ ଜଣାପଡିବା ପରେ ଅଗତ୍ୟା ଓଟିଭି ଅଦାଲତର ଦ୍ୱାରସ୍ଥ ହୋଇଛି । ଇଡକୋ ମଧ୍ୟ ଏ ସଂପର୍କରେ ଅଦାଲତରେ ଫେରାଦ ହୋଇଛି । ସବୁଠାରୁ ବଡ କଥା ନିଜ ସ୍ୱାର୍ଥ ହାସଲ ପାଇଁ ମାଲିକଙ୍କ କର୍ମଚାରୀଙ୍କ ପ୍ରତି ବିଶ୍ୱାସଘାତକତାକୁ ସମସ୍ତେ ନିନ୍ଦା କରିଛନ୍ତି ।
ବାହାଘର ପରେ କେଉଁଆଡ଼େ ଗଲେ ୮୦ ଓ ୯୦ ଦଶକର ଏହି ଲୋକପ୍ରିୟ ଅଭିନେତ୍ରୀ?
ମୁମ୍ବାଇ: ୮୦ ଓ ୯୦ ଦଶକର ଜଣାଶୁଣା ପ୍ରସିଦ୍ଧ, ଲୋକପ୍ରିୟ ତାରକା ମୀନାକ୍ଷୀ ଶେଷାଦ୍ରି । ଅଭିନୟର ଜଲଓ୍ୱା ଦେଖାଇ ଦିନେ ସେ ଦର୍ଶକଙ୍କୁ ଅଭିନୟରେ ଦିଓ୍ୱାନା କରିଥିଲେ । ଗତକାଲି ମୀନାକ୍ଷୀ ତାଙ୍କର ୫୭ ତମ ଜନ୍ମଦିନ ପାଳନ କରିଛନ୍ତି । ଗୋଟିଏ ପରେ ଗୋଟିଏ ହିଟ ଫିଲ୍ମ ସେ ଦର୍ଶକଙ୍କୁ ଉପହାର ଦେଇଛନ୍ତି । କିନ୍ତୁ ବିବାହ ପରେ ସେ ଗ୍ଲାମର ଦୁନିଆକୁ ବିଦାୟ କହିଦେଲେ । ତେବେ ତାଙ୍କ ପ୍ରଶଂସକଙ୍କ ମନରେ ନିହାତି ଭାବରେ ପ୍ରଶ୍ନ ଆସୁଥିବଯେ, ଏବେ କ’ଣ କରୁଛନ୍ତି ବଲିଉଡର ଏହି ସୁନ୍ଦରୀ ଅଭିନେତ୍ରୀ ।
୧୬ ନଭେମ୍ବର ୧୯୬୩ରେ ଝାଡ଼ଖଣ୍ଡର ସିନ୍ଦରୀରେ ଜନ୍ମ ହୋଇଥିବା ମୀନାକ୍ଷୀ ଶେଷାଦ୍ରିଙ୍କ ବାସ୍ତବ ନାମ ଶଶିକଳା ଶେଷାଦ୍ରି । କେବଳ ମଡର୍ଣ୍ଣ ନୁହଁନ୍ତି ବରଂ କ୍ଲାସିକାଲ ଡ୍ୟାନ୍ସରେ ମଧ୍ୟ ସେ ବେଶ୍ ପାରଙ୍ଗମ । ୧୯୮୧ରେ ସେ ୧୭ ବର୍ଷ ବୟସରେ ମିସ ଇଣ୍ଡିଆ କ୍ରାଉନ ଜିତିଥିଲେ । ସେହି ବର୍ଷ ଟୋକିଓରେ ମିସ ଇଣ୍ଟରନ୍ୟାସନାଲ କଣ୍ଟେଷ୍ଟରେ ଭାରତକୁ ରିପ୍ରେଜେଣ୍ଟ କରିଥିଲେ । ୧୯୮୩ରେ ପେଣ୍ଟର ବାବୁ ମାଧ୍ୟମରେ ବଲିଉଡରେ କ୍ୟାରିଅର ଆରମ୍ଭ କରିଥିବା ମୀନାକ୍ଷୀ ବଲିଉଡର ପ୍ରତ୍ୟେକ ନାମିଦାମି ଅଭିନେତା ଯେପରିକି ଦେବ ଆନନ୍ଦ,ଅମିତାଭ ବଚ୍ଚନ, ଜ୍ୟାକି ସ୍ରଫ, ସଞ୍ଜୟ ଦତ୍ତ, ମିଥୁନ ଚକ୍ରବର୍ତ୍ତୀ, ସନି ଦେଓଲ ଏବଂ ଅନିଲ କପୂରଙ୍କ ସହ ରୂପେଲି ପରଦାରେ ନଜର ଆସିଛନ୍ତି ।
ମୀନାକ୍ଷୀଙ୍କ ନାମ କୁମାର ସାନୁ ଏବଂ ରାଜକୁମାର ସନ୍ତୋଷୀଙ୍କ ସହିତ ଯୋଡ଼ି ହୋଇଥିଲା । ଯାହାକୁ ନେଇ ସେ ଖୁବ ଚର୍ଚ୍ଚାରେ ରହିଥିଲେ । ତେବେ ୧୯୯୫ରେ ସେ ଇନଭେଷ୍ଟମେଣ୍ଟ ବ୍ୟାଙ୍କର ହରିଶ୍ ମୈସୁରଙ୍କୁ ବିବାହ କଲେ ଓ ଆମେରିକାର ଟ୍ୟାକ୍ସାସରେ ରହିବାକୁ ଲାଗିଲେ । ମାୟାନଗରୀର ଗ୍ଲାମର ଲାଇନରୁ ବିଦାୟ ନେଇଥିଲେ ମଧ୍ୟ ସୋସିଅଲ ମିଡିଆରେ ସେ ବେଶ୍ ଆକ୍ଟିଭ ।
କାର୍ଯ୍ୟନିର୍ବାହୀ ଯନ୍ତ୍ରୀଙ୍କ ବିରୋଧରେ ଘରୋଇ ହିଂସା ମାମଲା, ୯ ଦିନ ପରେ ମଧ୍ୟ ପୋଲିସ ନେଉନି କାର୍ଯ୍ୟାନୁଷ୍ଠାନ
ଭୁବନେଶ୍ୱର: ଦେବଗଡ଼ କାର୍ଯ୍ୟନିର୍ବାହୀ ଯନ୍ତ୍ରୀ ପ୍ରଦୀପ କୁମାର ମହାନ୍ତିଙ୍କ ବିରୋଧରେ ଘରୋଇ ହିଂସା ଅଭିଯୋଗ ସାମ୍ନାକୁ ଆସିଛି । ପତ୍ନୀଙ୍କୁ ଶାରୀରିକ ନିର୍ଯାତନା, ମାନସିକ ଯନ୍ତ୍ରଣା ଓ ହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି । ତାଙ୍କ ପତ୍ନୀ ବବିତା ପଟ୍ଟନାୟକ ଭୁବନେଶ୍ୱର ମହିଳା ଥାନାରେ ତାଙ୍କ ବିରୋଧରେ ଏତଲା ଦେଇଛନ୍ତି । ଘଟଣା ଅନୁଯାୟୀ, ଗତ ୪ ତାରିଖରେ ବବିତା ପଟ୍ଟନାୟକ ସ୍ୱାମୀଙ୍କ ବିରୋଧରେ ଅଭିଯୋଗ କରିଥିଲେ ।
ଏହାପରେ ଥାନା ଅଧିକାରୀ ସ୍ୱାମୀ-ସ୍ତ୍ରୀଙ୍କର ଆପୋଷ ବୁଝାମଣା ପାଇଁ ଶ୍ରୀ ମହାନ୍ତିଙ୍କୁ ଉପସ୍ଥିତ ହେବାକୁ କହିଥିଲେ । ତେବେ ସବୁ ପ୍ରଚେଷ୍ଟା ସତ୍ତ୍ୱେ ମଧ୍ୟ ଆପୋଷ ବୁଝାମଣା ହୋଇପାରିଲା ନାହିଁ । ଫଳରେ ଏବେ ସ୍ତ୍ରୀ, ବବିତା ପଟ୍ଟନାୟକ ସ୍ୱାମୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ମହିଳାଙ୍କ ଏତଲା ଅନୁଯାୟୀ, ତାଙ୍କ ସ୍ୱାମୀଙ୍କ ସମେତ ପରିବାରର ସର୍ବମୋଟ୍ ୫ ଜଣଙ୍କ ନାମରେ ମାମଲା ରୁଜୁ କରିଛି ପୋଲିସ ।
ଆଇପିସି ଧାରା ୩୦୭, ୨୯୪, ୩୫୪, ୩୫୪, ୩୫୪ଏ, ୩୨୩, ୪୯୮ଏ ଓ ଧାରା ୩୪ର ସଙ୍ଗୀନ ଦଫା ଲାଗିଛି । ଅନ୍ୟପକ୍ଷରେ ପୋଲିସ ଘଟଣାକୁ ଗୁରୁତ୍ୱର ସହ ନେଉ ନାହିଁ କିମ୍ୱା ତାଙ୍କ ସ୍ୱାମୀଙ୍କ ଚାପରେ ଆସି କାର୍ଯ୍ୟାନୁଷ୍ଠାନ କରୁନାହିଁ ବୋଲି ବବିତା ପଟ୍ଟନାୟକ ଅଭିଯୋଗ କରିଛନ୍ତି ।
ପୁରୀକୁ ନେଇ ଲେଖାଶ୍ରୀଙ୍କ ଅରୁଚିକର ମନ୍ତବ୍ୟକୁ ସମସ୍ତ ରାଜନୈତିକ ଦଳର ନିନ୍ଦା
ଭୁବନେଶ୍ୱର: ପୁରୀର ପରିଚୟ ସମ୍ପର୍କିତ ବିବାଦୀୟ ବୟାନ ଦେଇ ହରଡ଼ଘଣାରେ ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର। ବିଜେପି ନେତା ସମ୍ବିତ ପାତ୍ରଙ୍କ ଯୋଗୁ ପୁରୀକୁ ଲୋକେ ଜାଣିଲେ ବୋଲି ଲେଖଶ୍ରୀ ଦେଇଥିବା ବୟାନକୁ ବିଭିନ୍ନ ମହଲରେ ତୀବ୍ର ନିନ୍ଦା ହୋଇଛି। ବିଜେଡି ଓ କଂଗ୍ରେସ ସମେତ ଖୋଦ ନିଜ ଦଳ ଅର୍ଥାତ ବିଜେପି ନେତା ବି ଏ ପ୍ରସଙ୍ଗରେ ଲେଖାଙ୍କ ମନ୍ତବ୍ୟକୁ ନିନ୍ଦା କରିବା ସହ ଭୁଲକୁ ସ୍ୱୀକାର କରିବାକୁ କହିଛନ୍ତି।
ଲେଖାଶ୍ରୀଙ୍କ ମନ୍ତବ୍ୟ ତାଙ୍କ ନିର୍ବୋଧତାକୁ ସୂଚଉଛି ବୋଲି କହିଛି ବିଜେଡି। ଜଗନ୍ନାଥ ପ୍ରେମୀଙ୍କ ମନରେ ଏହି ବୟାନ ଆଘାତ ଦେଇଛି । ପୁରୀ କହିଲେ ଜଗନ୍ନାଥଙ୍କ କଥା ବୁଝାଏ। ଜଗନ୍ନାଥଙ୍କୁ କୌଣସି ନେତାଙ୍କ ସହ ତୁଳନା କରିବା ଏହା ନିର୍ବୋଧତା ବୋଲି ବିଜେଡି ବିଧାୟିକା ପ୍ରମିଳା ମଲ୍ଲିକ କହିଛନ୍ତି। ଲେଖାଶ୍ରୀଙ୍କ ଉଦ୍ଦେଶ୍ୟ ହେଉଛି ନିଜ ଦଳୀୟ ନେତାଙ୍କୁ ତେଲ ମାରିବା ଓ ପଦପଦବୀ ପାଇବା । ପୁରୀବାସୀଙ୍କୁ ଅପମାନିତ କରିବା। ସେ ନିଜ ଦଳ ଭିତରେ ନେତାଙ୍କ ସହ କଥା ହେଉନହାନ୍ତି ବୋଲି କହିଛନ୍ତି ପ୍ରମିଳା।
ଅନ୍ୟପକ୍ଷରେ ବିଜେଡିର ବରିଷ୍ଠ ନେତା ସୌମ୍ୟ ରଂଜନ ପଟ୍ଟନାୟକ ଙ୍କ କହିବା କଥା ତାଙ୍କୁ ଯେତେବେଳେ ବାହାରେ ଲୋକେ ପଚାରୁଥିଲେ ଓଡିଶା କେଉଁଠି ସେତେବେଳେ ଜଗନ୍ନାଥଧାମ ପୁରୀର ପରିଚୟ ଦେଉଥିଲେ । ପରେ ଲୋକେ ଜାଣିପାରୁଥିଲେ ।ଏବେ କେମିତି ସମ୍ବିତ ନୂଆ ପରିଚୟ ଦେଲେ ମୁଁ ଜାଣିପାରୁନାହିଁ ବୋଲି ସୌମ୍ୟ ପଟ୍ଟନାୟକ କହିଛନ୍ତି।ଏଭଳି ଶସ୍ତା ମନ୍ତବ୍ୟ ଲେଖାଶ୍ରୀ ମାଡାମ ଦିଅନ୍ତୁ ନାହିଁ ବୋଲି ସେ କହିଛନ୍ତି।
ଜଗନ୍ନାଥଙ୍କ ପ୍ରସଙ୍ଗରେ ଲେଖଶ୍ରୀଙ୍କ ବୟାନକୁ ନେଇ ଗର୍ଜିଛି କଂଗ୍ରେସ। ଜଗନ୍ନାଥ ଧାମକୁ ନେଇ ଏଭଳି ମନ୍ତବ୍ୟ ଦେବା ନିନ୍ଦନୀୟ ଓ ସେ ତୁରନ୍ତ ରାଜ୍ୟବାସୀଙ୍କ ଆଗରେ କ୍ଷମା ପ୍ରାର୍ଥନା କରିବାକୁ ଦାବି କରିଛନ୍ତି କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା। ସେପଟେ ଖୋଦ ନିଜ ଦଳ ବି ଏ ପ୍ରସଙ୍ଗରେ ଲେଖା ଙ୍କ ଉପରେ ବର୍ଷିଛି। ଲେଖାଶ୍ରୀ ସାମନ୍ତସିଂହାର ଯଦି ଏଭଳି କଥା କହିଛନ୍ତି ତାହେଲେ ଏହା ହାସ୍ୟାସ୍ପଦ। ସେ ଏଥିପାଇଁ ଦୁଃଖ ପ୍ରକାଶ କରିବା କଥା,ଜଗନ୍ନାଥ ଧାମ ଜଗନ୍ନାଥଙ୍କ ପାଇଁ ସାରା ବିଶ୍ୱରେ ପରିଚିତ,ସମ୍ବିତ ପାତ୍ରଙ୍କ ପାଇଁ ନୁହଁ ବୋଲି କହିଲେ ବିଜେପି ନେତା ପ୍ରଦୀପ ପୁରୋହିତ। ଏହି ପ୍ରସଙ୍ଗରେ ଯୁବ ନେତା ତଥା ଭାରତୀୟ ଭାଷା ଆପଣାନ୍ତୁ ସଙ୍ଗଠନର ରାଜ୍ୟ ସଭାପତି ଆଶିଷ ମିଶ୍ର ଏତଲା ମଧ୍ୟ ଦାୟର କରିଛନ୍ତି ।
ବ୍ରିକ୍ସ ସମ୍ମିଳନୀରେ ପ୍ରଧାନମନ୍ତ୍ରୀଙ୍କ ପାକିସ୍ତନକୁ ଟାର୍ଗେଟ, କହିଲେ ଆତଙ୍କକୁ ପ୍ରସୟ ଦେଉଥିବା ଦେଶକୁ ବିରୋଧ କରାଯାଉ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଭିଡିଓ କନଫରେନ୍ସିଂ ଜରିଆରେ ବ୍ରିକ୍ସ ସମ୍ମିଳନୀକୁ ସମ୍ବୋଧିତ କରିଛନ୍ତି । ମିଳିତ ଜାତିସଂଘ ସୁରକ୍ଷା ପରିଷଦ ସମେତ ଅନ୍ତର୍ଜାତୀୟ ସଂଗଠନରେ ସୁଧାର ପାଇଁ ପ୍ରଧାନମନ୍ତ୍ରୀ ପୁଣିଥରେ ଦୋହରାଇଛନ୍ତି । ଏଥିସହ ଆତଙ୍କବାଦକୁ ସମର୍ଥନ କରୁଥିବା ଦେଶଗୁଡ଼ିକୁ ଦଣ୍ଡିତ କରିବାର ଆବଶ୍ୟକତା ଉପରେ ସେ ଗୁରୁତ୍ୱାରୋପ କରିଛନ୍ତି । ଏହି ସମୟରେ ପ୍ରଧାନମନ୍ତ୍ରୀ ମୋଦି ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ପ୍ରଶଂସା କରିଥିଲେ ।
ବ୍ରିକ୍ସ ସମ୍ମିଳନୀକୁ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ବ୍ରିକ୍ସର ସଫଳ ଆଚରଣ ପାଇଁ ମୁଁ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଅଭିନନ୍ଦନ ଜଣାଉଛି । ଭାରତର ସଂସ୍କୃତିରେ ସମଗ୍ର ବିଶ୍ୱକୁ ପରିବାର ପରି ବ୍ୟବହାର କରାଯାଇଛି । ଯେଉଁଥିପାଇଁ ଶାନ୍ତି ରକ୍ଷା କରିବାରେ ଭାରତ ତାର ଅଧିକାଂଶ ସୈନିକଙ୍କୁ ହରାଇଛି ।
ପ୍ରଧାନମନ୍ତ୍ରୀ ତାଙ୍କ ସମ୍ବୋଧନରେ କହିଛନ୍ତିଯେ ବିଶ୍ୱ ଶାସନର ବିଶ୍ୱସନୀୟତା ଏବଂ କାର୍ଯ୍ୟକାରିତା ଉପରେ ପ୍ରଶ୍ନ ଉଠିଛି । ଏହାର ମୁଖ୍ୟ କାରଣ ହେଉଛି ସମୟର ସହିତ ଏଥିରେ ସଠିକ୍ ପରିବର୍ତ୍ତନ ହୋଇନାହିଁ । ଏହା ୭୫ ବର୍ଷ ପୁରୁଣା ବିଶ୍ୱ ମାନସିକତା ଏବଂ ବାସ୍ତବତା ଉପରେ ଆଧାରିତ । ଯେଉଁଥିପାଇଁ ଜାତିସଂଘ ସୁରକ୍ଷା ପରିଷଦରେ ପରିବର୍ତ୍ତନ ଅତ୍ୟନ୍ତ ଅନିବାର୍ଯ୍ୟ ବୋଲି ଭାରତ ବିଶ୍ୱାସ କରେ । ଏହି ପ୍ରସଙ୍ଗରେ ଆମର ବ୍ରିକ୍ସ ସହଯୋଗୀଙ୍କ ସହଯୋଗ ଆଶା କରୁଛୁ ବୋଲି ମୋଦି କହିଛନ୍ତି ।
ଆତଙ୍କବାଦକୁ ନେଇ ମୋଦି କଡ଼ା ସମାଲୋଚନା କରିଛନ୍ତି । “ଆତଙ୍କବାଦ ଆଜି ବିଶ୍ୱର ସବୁଠୁ ବଡ଼ ସମସ୍ୟା । ସିଧା ଆକ୍ଷେପ ନକରି ମୋଦି ପାକ୍କୁ ଟାର୍ଗେଟ କରିଛନ୍ତି । ଆତଙ୍କବାଦୀଙ୍କୁ ସମର୍ଥନ କରୁଥିବା ତଥା ସାହାଯ୍ୟ କରୁଥିବା ଦେଶଗୁଡ଼ିକ ମଧ୍ୟ ବିଶ୍ୱ ପାଇଁ ବଡ଼ ଦୋଶୀ । ସେଥିପାଇଁ ସମସ୍ୟାର ସମାଧାନ ପାଇଁ ଏହି ଦେଶମାନଙ୍କ ଉପରେ ମଧ୍ୟ ମିଳିତ ଭାବରେ କଠୋର ପଦକ୍ଷେପ ନେବାକୁ ପଡ଼ିବ ବୋଲି କହିଛନ୍ତି ପ୍ରଧାନମନ୍ତ୍ରୀ ।
୧୦ କିଲୋମିଟର ଚାଲିଚାଲି ଜିଲ୍ଲାପାଳଙ୍କୁ ଭେଟିଲା କୁନି ଝିଅ; ବାପାଙ୍କ ନାଁରେ ଦେଲା ଏତଲା
କେନ୍ଦ୍ରାପଡ଼ା: କୁନି ପାଦରେ ୧୦ କିଲୋମିଟର ରାସ୍ତା ପାର୍ କରି ୬ଷ୍ଠୀ ଶ୍ରେଣୀର ଛୁଆ ପହଞ୍ଚିଲା ଜିଲ୍ଲାପାଳ ବାବୁଙ୍କ ଦପ୍ତରରେ । ଅଭିଯୋଗ ବଖାଣି ନ୍ୟାୟ ପାଇଁ ଗୁହାରୀ କଲା । ଏମିତି ଏକ ଘଟଣା ଘଟିଛି କେନ୍ଦ୍ରାପଡା ଜିଲ୍ଲାରେ । କୁନି ଝିଅର ଅଭିଯୋଗ ଅନୁଯାୟୀ, ମଧ୍ୟାହ୍ନ ଭୋଜନ ବାବଦକୁ ସରକାରଙ୍କ ତରଫରୁ ତାଙ୍କୁ ମିଳୁଥିବା ଅର୍ଥରାଶିକୁ ତାଙ୍କ ବାପା ହଡ଼ପ କରି ନେଉଛନ୍ତି । ତାହା ତାଙ୍କ ପ୍ରାପ୍ତ ହୋଇଥିବା ବେଳେ, ବାପା ତାଙ୍କୁ ତାଙ୍କର ଅଧିକାରରୁ ବଞ୍ଚିତ କରୁଛନ୍ତି । ଏପରିକି ତାଙ୍କୁ ମିଳୁଥିବା ଚାଉଳ ମଧ୍ୟ ବାପା ତାଙ୍କୁ ଦେଉନାହାନ୍ତି । ଉଲ୍ଲେଖଯୋଗ୍ୟ ଯେ କୋଭିଡ୍ କଟକଣା ବେଳେ ସ୍କୁଲ ବନ୍ଦ ଥିଲା ସତ ମାତ୍ର ସରକାର ପିଲାଙ୍କ ପାଇଁ ମଧ୍ୟାହ୍ନ ଭୋଜନର ବ୍ୟବସ୍ଥାର ଉତ୍ତରଦାୟିତ୍ୱ ତୁଟାଇନଥିଲେ । ପିଲାଙ୍କ ବ୍ୟାଙ୍କ ଆକାଉଣ୍ଟକୁ ଦୈନିକ ୮ ଟଙ୍କା ଓ ୧୫୦ଗ୍ରାମର ଚାଉଳ ଯୋଗାଉଥିଲେ ।
ତେବେ ଦୈନିକ ମିଳୁଥିବା ଟଙ୍କା ପିଲା କିମ୍ୱା ଅଭିଭାବକ ମଧ୍ୟରୁ ଜଣଙ୍କ ଆକାଉଣ୍ଟକୁ ଯାଇପାରିବ । ଅଭିଯୋଗ କରିଥିବା କୁନି ଝିଅର କହିବା କଥା ଯେ ତାଙ୍କ ନାମରେ ବ୍ୟାଙ୍କ ଆକାଉଣ୍ଟ ଥିବା ସତ୍ତ୍ୱେ ମଧ୍ୟ ତାଙ୍କ କୋଟାର ଟଙ୍କା ତାଙ୍କ ବାପାଙ୍କ ଆକାଉଣ୍ଟକୁ ଯାଉଥିଲା । କେବଳ ସେତିକି ନୁହେଁ, ତାଙ୍କ ବଦଳରେ ବାପା ସ୍କୁଲରୁ ଚାଳ ମଧ୍ୟ ସଂଗ୍ରହ କରୁଥିଲେ । ସେ ଏବେ ନିଜ ପିତାଙ୍କ ସହ ରହୁନାହାନ୍ତି, ତେଣୁ ଆଇନତଃ ତାଙ୍କୁ ମିଳିଥିବା ସରକାରୀ ସୁବିଧା ସୁଯୋଗର ହକଦାର ତାଙ୍କ ପିତାଙ୍କ ମାଧ୍ୟମରେ ତାଙ୍କ ପାଖକୁ ଆସିବା ଉଚିତ ନୁହେଁ । ସୂଚନାଯୋଗ୍ୟ ଯେ ଛାତ୍ରୀ ଜଣଙ୍କର ମା ଏବେ ଦୁନିଆରେ ନାହାନ୍ତି । ମା ଚାଲିଯିବା ପରେ ତାଙ୍କ ପିତା ସାନି ବିବାହ କରିଥିଲେ । ଏହାପରଠାରୁ ସେ ନିଜର ଜଣେ ସମ୍ପର୍କୀୟଙ୍କ ପାଖରେ ରହୁଛନ୍ତି ଓ ଉକ୍ତ ସମ୍ପର୍କୀୟ ତାଙ୍କ ଲାଳନ ପାଳନ ଦାୟିତ୍ୱ ନେଇଛନ୍ତି ।
ତେଣୁ ସେ ଚାହାନ୍ତି ଯେ ତାଙ୍କ ପାଇଁ ସବୁ ସୁବିଧା ସୁଯୋଗ ତାଙ୍କୁ ହିଁ ମିଳୁ । ତେବେ ଅଭିଯୋଗ ଆସିବାର ତୁରନ୍ତ ପରେ ହିଁ ଜିଲ୍ଲାପାଳ ସମର୍ଥ ବର୍ମା ସକ୍ରିୟ ଭାବେ ଘଟଣା ଉପରେ କାର୍ଯ୍ୟାନୁଷ୍ଠାନ ନେଇଛନ୍ତି । ଏଣିକି ତାଙ୍କୁ ମିଳୁଥିବା ଆର୍ଥିକ ରାଶି ସିଧାସଳଖ ଭାବେ ଛାତ୍ରୀଙ୍କର ବ୍ୟାଙ୍କ ଆକାଉଣ୍ଟ ଯିବା ନେଇ ନିର୍ଦ୍ଦେଶ ଦେଇଥିବା ବେଳଏ ବିଦ୍ୟାଳୟ ପ୍ରଧାନଶିକ୍ଷକଙ୍କ ସହ ମଧ୍ୟ ଆଲୋଚନା କରିଛନ୍ତି । ପ୍ରଧାନଶିକ୍ଷକଙ୍କୁ ନିର୍ଦ୍ଦେଶ ଦିଆଯାଇଛି ଯେ, କେବଳ ଛାତ୍ରୀଙ୍କ ଅନୁମତି ପରେ ହିଁ ତାଙ୍କ କୋଟାର ଚାଉଳ ପ୍ରଦାନ କରାଯାଉ । ତେବେ ପ୍ରଶାସନ ଓ ଜିଲ୍ଲା ଶିକ୍ଷା ଅଧିକାରୀ ଛାତ୍ରୀଙ୍କ ଉଦ୍ୟମକୁ ପ୍ରଶଂସା କରିଛନ୍ତି ।
କରୋନା ଭାଇରସ ଟିକାକୁ ନେଇ ବୈଜ୍ଞାନିକଙ୍କ ଚିନ୍ତା, କେମିତି ଭ୍ୟାକ୍ସିନ୍ ରହିବ ସୁପର କୁଲ୍ !
ନୂଆଦିଲ୍ଲୀ: କରୋନା ପରେ ଭ୍ୟାକ୍ସିନକୁ ନେଇ ଟେନସନ୍ ଥିଲା । ଏବେ ଦୁଇ ଦୁଇଟି ମେଡିକାଲ ଫାର୍ମ୍ ଭ୍ୟାକ୍ସିନର ସଫଳତା ନେଇ ଦାବି କରିବା ପରେ ଆଉ ଗୋଟିଏ ଚିନ୍ତା ମୁଣ୍ଡଟେକିଛି । ଚିନ୍ତା ହେଲା ଭ୍ୟାକ୍ସିନକୁ ଥଣ୍ଡା ରଖାଯିବ କେମିତି ? ଭ୍ୟାକ୍ସିନକୁ ଥଣ୍ଡା ରଖିବାକୁ ନେଇ ଭାରତ ଭଳି ଅନେକ ଦେଶଙ୍କ ମୁଣ୍ଡ ଆଗକୁ ଗରମ ହେବା ଶତ ପ୍ରତିଶତ ନିଶ୍ଚିତ । ଏମିତିରେ ଏବେ ବୈଜ୍ଞାନିକଙ୍କ ଚିନ୍ତା ହେଉଛି କରୋନା ଭ୍ୟାକ୍ସିନକୁ କେମିତି ଥଣ୍ଡା ରଖିବେ..
ଫିଜର କହୁଛି ମୋ ଭ୍ୟାକ୍ସିନ ୯୦ ପ୍ରତିଶତ ସଫଳ । ମଡେର୍ଣ୍ଣା କହୁଛି ଆମ ଭ୍ୟାକ୍ସିନ ୯୪ ପ୍ରତିଶତ ସଫଳ । ଖୁସୀର କଥା । କିନ୍ତୁ ବୈଜ୍ଞାନିକଙ୍କ ସହ ଭାରତ ଭଳି ଅନେକ ତୃତୀୟ ବିଶ୍ୱର ଦେଶ ଏହାକୁ ନେଇ ବେଶି ଖୁସୀ ହୋଇ ପାରୁନାହାନ୍ତି । କାରଣ ହେଉଛି mRNA ଟେକ୍ନୋଲୋଜି ଦ୍ୱାରା ତିଆରି ଏହି ଭ୍ୟାକ୍ସିନର ଟ୍ରାନ୍ସପୋର୍ଟେସନ୍ ଓ ସଂରକ୍ଷଣ ଗୋଟିଏ ବଡ ସମସ୍ୟା । କାରଣ ଏଭଳି ଭ୍ୟାକ୍ସିନ୍ –କୁ ମାଇନସ ୭୦ ଡିଗ୍ରୀ ତାପମାତ୍ରାରେ ସଂରକ୍ଷିତ କରି ରଖିବାକୁ ପଡିବ । ଏହି କାମ ସାମାନ୍ୟ ଫ୍ରିଜ୍ ଦ୍ୱାରା ସମ୍ଭବ ନୁହେଁ । ମଡେର୍ଣ୍ଣା ଭ୍ୟାକ୍ସିନ୍ ସହ ମଧ୍ୟ ସମାନ ସମସ୍ୟା ରହିଛି । ମଡେର୍ଣ୍ଣାକୁ ମଧ୍ୟ –ମାଇନସ ୨୦ ଡିଗ୍ରିରେ ପ୍ରିଜର୍ଭ କରିବାକୁ ପଡ଼ିବ । ଏମିତିରେ ଆସନ୍ତୁ ଜାଣିବା କେମିତି ଭ୍ୟାକ୍ସିନକୁ ଥଣ୍ଡା ରଖାଯିବ ଓ କାହିଁକି ଏହା ସହଜ ନୁହେଁ ।
ଏଠି କହି ରଖୁଛୁ ଯେ, ଅନ୍ୟ ଔଶଧ ଭଳି ଭ୍ୟାକ୍ସିନର ମଧ୍ୟ ଏକପାୟରୀ ଡେଟ୍ ରହିଥାଏ । ଏହା ସହିତ ଭ୍ୟାକ୍ସିନ୍ ମଧ୍ୟ ଶୀଘ୍ର ଖରାପ ହୁଏ । ଗୋଟିଏ ଭ୍ୟାକ୍ସିନକୁ ଯଦି ଏକ ନିଶ୍ଚିତ ତାପମାତ୍ରାରେ ସଂରକ୍ଷିତ ରଖା ଯାଏ କିମ୍ବା ଏହା ଯଦି ଧୁଳି ଓ ଧୁଆଁ ସଂସ୍ପର୍ଷରେ ଆସେ ତେବେ ଏହା ଖରାପ ହୋଇଯାଏ । ନିଶ୍ଚିତ ତାପମାତ୍ରାରେ ନଥିବା ଭ୍ୟାକ୍ସିନ୍ ନେଲେ ମଧ୍ୟ କୌଣସି ଫାଇଦା ମିଳେ ନାହିଁ ।
ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁସାରେ ପ୍ରତିବର୍ଷ ଅଧାରୁ ଅଧିକ ଭ୍ୟାକ୍ସିନ୍ ପ୍ରିଜର୍ଭେସନ ସମସ୍ୟା କାରଣରୁ ଖରାପ ହୋଇଯାଏ । ଏଥିରେ ସବୁଠୁ ବଡ଼ କାରଣ ହେଉଛି ତାପମାତ୍ରାକୁ ନିୟନ୍ତ୍ରଣ ମଧ୍ୟରେ ନରଖି ପାରିବା । ଏମିତିରେ ବୈଜ୍ଞାନିକଙ୍କ ଚିନ୍ତା ହେଉଛି ଯେତେବେଳେ ପୁରା ଦୁନିଆ କରୋନା ଟିକା ଦରକାର କରୁଛି ସେତେବେଳେ ଯଦି ଟିକା ଖରାପ ହୁଏ ତେବେ କ’ଣ ହେବ ।
ଫିଜର ଓ ମଡେର୍ଣ୍ଣା ବ୍ୟାତିତ ଲାଇନରେ ଥିବା ଆହୁରି କିଛି ଟିକା ମଧ୍ୟ କୋଲ୍ଡ ଟେମ୍ପରଚର ଆବଶ୍ୟକ କରନ୍ତି । ଏମିତିରେ ଗୋଟିଏ ସ୍ଥାନରୁ ଆଉ ଗୋଟିଏ ସ୍ଥାନକୁ ଟିକା ଟ୍ରାନ୍ସପୋର୍ଟେସନ୍ ବେଳେ ତାପମାତ୍ରାକୁ ସ୍ଥିର ରଖିବା ଏକ ସମସ୍ୟା । ତେବେ ଏହାର ସମାଧାନ କ’ଣ ? ଡାଇ ଆଇସ୍ ଗୋଟିଏ ସମାଧାନ ହୋଇପାରେ । କିନ୍ତୁ ପ୍ରଶ୍ନ ହେଲା ଏତେ ମାତ୍ରାରେ ଡାଇ ଆଇସ୍ ଆସିବ କେଉଁଠୁ ?
ଡାଇ ଆଇସ୍ ହେଉଛି କଠିନ୍ କାର୍ବନ ଡାଆକ୍ସାଇଡ୍ । ଏହା ଏମିତି ଗୋଟିଏ କୁଲିଂ ଏଜେଣ୍ଟ୍ ଯାହା ବରଫକୁ ମଧ୍ୟ ଥଣ୍ଡା ରଖିଥାଏ । ଏହି ବରଫ ସାମାନ୍ୟ ଫ୍ରିଜରେ ଥିବା ବରଫ ତୁଳନାରେ ୪ ଗୁଣ ଅଧିକ ଥଣ୍ଡା ରହିଥାଏ । ସୁପର ମାର୍କେଟରେ ଏହା ବ୍ୟବହୃତ ହୋଇଥାଏ । ଅଧିକ ଅବଧି ପାଇଁ ଫ୍ରୋଜେନ୍ ଉତ୍ପାଦକୁ ରଖିବା ପାଇଁ ଏହି ବରଫ ବ୍ୟବହାର ହୋଇଥାଏ । ଏମିତିରେ ଯଦି ସବୁ ଡାଇ ଆଇସ୍ ଭ୍ୟାକ୍ସିନ୍ ପାଇଁ ଚାଲିଯିବ ,ତେବେ ଫ୍ରୋଜେନ୍ ଫୁଡ୍ ନଷ୍ଟ ହେବ । ଅନେକ ଦେଶରେ ଫ୍ରୋଜେନ୍ ଫୁଡ୍ ଖାଦ୍ୟର ଏକମାତ୍ର ମାଧ୍ୟମ ।
ଏହାକୁ ବି ଯଦି ନଜର ଅନ୍ଦାଜ କରାଯାଏ ତେବେ ଆଉ ଗୋଟିଏ ସମସ୍ୟା ହେବ ପରିବହନ । ଫ୍ୟାକ୍ଟ୍ରିରୁ ସାଧାରଣ ଲୋକଙ୍କ ପାଖରେ ପହଂଚିବାକୁ ଭ୍ୟାକ୍ସିନକୁ ଏକ ଲମ୍ବା ଚେନ୍ ଦେଇ ଗତି କରିବାକୁ ପଡିଥାଏ । ଟିକା ଫ୍ୟାକ୍ଟ୍ରିରୁ ବାହାରିବା ପରେ ସ୍ଥଳ ପଥରେ କିମ୍ବା ଜଳପଥ କିମ୍ବା ଆକାଶ ମାର୍ଗ ଦେଇ ଗନ୍ତବ୍ୟସ୍ଥଳରେ ପହଂଚେ । ସେଠାରୁ ଏହା ହସ୍ପିଟାଲକୁ ଯାଏ । ଏମିତି ଟ୍ରାନ୍ସପୋର୍ଟେସନ୍ କାଳରେ ମଧ୍ୟ ନିଶ୍ଚିତ ତାପମାତ୍ରାକୁ ବଜାୟ ରଖିବାକୁ ପଡିବ । ଯଦି ଟ୍ରାନ୍ସପୋର୍ଟେସନ୍ କାଳରେ ତାପମାତ୍ରରେ ପରିବର୍ତ୍ତନ ଆସେ ତେବେ ଭ୍ୟାକ୍ସିନର ପ୍ରଭାବ ରହିବ ନାହିଁ କିମ୍ବା ପୁରା ବେକାର ହୋଇଯିବ ।
ଏବେ କରୋନା ଭ୍ୟାକ୍ସିନ୍ ଏକ ନୂଆ ଭାଇରସ । ତେଣୁ କୌଣସି ପ୍ରକାରର ସମ୍ଭାବ୍ୟ ବିପଦକୁ ହାଲୁକାରେ ନିଆ ଯାଇ ପାରିବ ନାହିଁ । ଯଦି ଭ୍ୟାକ୍ସିନ କେବଳ ତାପମାତ୍ରା କାରଣରୁ ନଷ୍ଟ ହୁଏ ତେବେ ପୁଣି ଥରେ ଆହୁରି ଭ୍ୟାକ୍ସିନ୍ ତିଆରି କରିବାକୁ ପଡିବ । ପୁଣିଥରେ ତାକୁ ଟ୍ରାନ୍ସପୋର୍ଟ କରିବାକୁ ପଡିବ । ଅର୍ଥାତ ଅଧିକ ଅର୍ଥଶ୍ରାଦ୍ଧ । ୱାଲ ଷ୍ଟ୍ରିଟ୍ ଜର୍ଣ୍ଣଲ ଅନୁସାରେ ଦୁଇ କଂପାନୀ ଭ୍ୟାକ୍ସିନ ତିଆରିରେ ଯେତିକି ଅର୍ଥ ଖର୍ଚ୍ଚ କରୁନାହାନ୍ତି ତାହାଠୁ ଅଧିକ ଖର୍ଚ୍ଚ ଥର୍ମାଲ ଷ୍ଟୋରେଜରେ କରିବେ । ଯାହାର ସିଧା ଅର୍ଥ ହେଲା ଗ୍ରାହକଙ୍କୁ ଅଧିକ ଟଙ୍କା ଗଣିବାକୁ ପଡିବ ।